Теміртауда жасөспірімдер 67 жастағы зейнеткерді аяусыз соққыға жығып, видеоға түсіріп алған. Әлеуметтік желілерде жантүршігерлік кадрлар жарияланды. Видеода жасөспірімдердің зейнеткердің бетінен ұрып, оған түкіріп, балағат сөздер айтқаны көрінеді. Әлеуметтік желілердегі ақпаратқа сүйенсек, жасөспірімдер қарияның пәтеріне кірерде өздерін электрші ретінде таныстырған.

РУСТЕМ СМАҒҰЛОВ, ТЕМІРТАУ ҚАЛАЛЫҚ ПД БАСШЫНЫҢ ОРЫНБАСАРЫ "Бұл оқиғаны учаскелік полиция инспекторлары әлеуметтік желіде видео жарияланбай тұрып, профилактикалық жұмыс барысында анықтады. Барлық кінәлі тұлғалар, оның ішінде кәмелетке толмағандар да ұсталып, уақытша ұстау изоляторына қамалды. Кәмелетке толмағандардың заңды өкілдері оларды дұрыс тәрбиелемегені үшін жауапкершілікке тартылады"