Alatau Kazakhstan

Елімізде бүгіннен бастап жол қауіпсіздігін арттыруға және жол-көлік оқиғаларының санын азайтуға бағытталған заң күшіне енді. Жаңашылдық халықаралық және республикалық маңызы бар жолдармен жүретін барлық жүргізушілерге қатысты, деп хабарлайды Алатау телеарнасы Polisia.kz-ке сілтеме жасап. Жаңа заң бойынша енді тас жолдағы орташа жылдамдық камералар арасында есептелетін болады. Яғни автобандағы белгілі жылдамдық шегінен асырып, келесі камералы учаскеге есептелген уақыттан бұрын жеткен көлік жүргізушілеріне айыппұл салынбақ. «Бұл өзгерістердің негізгі мәні автоматты түрде тіркеу жүйелерімен анықталатын түзу сызықты учаскелерде «орташа жылдамдықтан» асып кеткені үшін жауапкершілікті енгізу болып табылады. «Орташа жылдамдық» жүріп өткен жолды сол жолды жүріп өткен уақыт аралығына бөлу арқылы есептеледі. Айыппұл рұқсат етілген «орташа жылдамдықтан» асып кетуіне байланысты 5-тен 40 АЕК-ке дейін болады. Яғни, жолдардың әр түрлі учаскелерінде «орташа жылдамдық» әр түрлі болады, себебі формулаға сәйкес әр автокөлік автоматты түрде есептеледі. Бұл жаңалық талдауды ескере отырып енгізілді, себебі қала маңындағы трассалардағы әрбір үшінші адам жылдамдық режимінің асып кетуінің салдарынан көз жұмған. Осы өзгерістерге байланысты ІІМ жол жүрісіне қатысушылардың барлыған қағидаларды сақтауға және басқа қатысушыларды құрметтеуге шақырады. Жолдағы қауіпсіздікті арттыру — бұл ортақ міндет», — деді ІІМ әкімшілік полиция комитеті ерекше тапсырмалар жөніндегі аға инспекторы Ақтоты Боранова. https://www.youtube.com/embed/dH0PAnjXvlw?si=6rWy8sd53bfeXN3V"

Кеген ауданындағы балалар өнер мектебіне Заманбек Нұрқаділовтің есімі берілді

02-12-2024 Hits:55 Жаңалықтар sitemanager

Алматы облысы Кеген ауданы Кеген ауылындағы балалар өнер мектебіне халқымыздың адал ұлы, Мемлекет және қоғам қайраткері Заманбек Нұрқаділовтің есімі берілді. Салтанатты шарада сондай-ақ, бюсті де ашылып отыр, деп хабарлайды Алатау телеарнасы. Аталмыш өнер мектебі 2015 жылы қолданысқа берілген. Содан бері мұнда балалар 3 бағыт, 9 мамандық бойынша білім алады. Домбыра, баян, қобыз, дәстүрлі ән, эстрада-вокал, фортепиано, хореография, бейнелеу және мүсін, бейнелеу және графика, қолөнер және ағаш бұйымдарын жасау, сәндік қолданбалы өнер, сонымен қатар түрлі үйірмелердің бағыттары бойынша жұмыс істейді. Қосымша - кәсіби білім беру мектебінде 44 жоғарғы білімді мұғалім жұмыс істейді. Бүгінде бала саны 890 оқушыға жеткен. Соған байланысты аудан ауылдарында өнер мектебінің бөлімшелері ашылған. Атап айтқанда Жалағаш, Жылысай, Ұзынбұлақ, Ақсай, Жалаулы, Тұйық, Қарқара, Бөлексаз, Талды, Шырғанақ, Тасашы ауылдық интернаттағы балаларды қосымша білімге тартып салт-дәстүрге, өнерге деген құлшыныстарын арттырып, әр түрлі мамандық бойынша білім алып келеді. Сонымен қатар, биылғы оқу жылында Шырғанақ ауылынан ата – аналардың сұранысы бойынша домбыра сыныбы ашылды. Мектептің 38 оқушысы халықаралық байқаулардан, 176 білім алушы Республикалық байқаулардан, тағы 158-і облыстық, 82-сі аудандық, әрі 63 өнерпаз аймақтық байқаулардан жүлделі орындарға ие болған. Салтанатты шара аясында, сонымен қатар Мемлекет және қоғам қайраткері Заманбек Қалабайұлы Нұрқаділовтің «Не только о себе» кітабын тарату рәсімі өтеді.

Доллар рекордтық көрсеткішке жетті

28-11-2024 Hits:27 Жаңалықтар sitemanager

Елімізде АҚШ доллары рекордтық көрсеткішке өсті. Бүгін Алматы, Астана қалаларында көк қағаз құны 520 теңгеге саудаланған, деп хабарлайды Алатау телеарнасы. KASE қор нарығындағы күндізгі сауда қорытындысы бойынша, доллар бағамы 12,58 теңгеге қымбаттады. Бір АҚШ долларының орташа бағамы — 513,00 теңге. Kurs.kz мәліметінше, Алматының ақша айырбастау пункттерінде доллар 512 теңгеден сатылып жатыр, сатып алу бағамы — 522 теңге. Еуро 540 — 546 теңге аралығында құбылып тұр. Ал, Астана қаласы бойынша долларды сату бағамы — 514 теңге, сатып алу құны — 520 теңге. Еуро 538 теңгеден сатылып, 545 теңгеден сатып алынады. Дәл қазіргі уақытта ақша айырбастау орындарында Ресей валютасы 4,65-4,80 аралығында саудаланып жатыр. Ұлттық банктің 28 қарашаға арналған ресми бағамы — 1 долларға 499,51 теңге. Ресей рублінің орташа сараланған құны — 4,62 теңге. Еуро — 525,83.

Қазақстанда 22 әуежай шетелдік инвесторларға беріледі

26-11-2024 Hits:29 Жаңалықтар sitemanager

Еліміздегі 22 әуежай шетелдік инвесторларға сенімгерлік басқаруға беріледі. Бұл туралы Көлік министрі Марат Қарабаев Үкімет отырысынан кейін өткен баспасөз мәслихатында айтты, деп хабарлайды Алатау телеарнасы. Министр сөзіне сүйенсек, қазір инвесторларды тарту жұмыстары жүруде. «Біз 22 әуежайдың баршасына кезең-кезеңімен шетелдік инвесторларды тартып отырмыз. Мысалы, Алматыдағы әуежайды Түркия мен Францияның инвесторлары басқаруға алды. Астана әуежайын Біріккен Араб Әмірліктерінің компаниясы сенімгерлік басқаруға алғаны өздеріңізге мәлім. Тараз бен Шымкенттегі екі әуежай отандық инвестор, яғни, Scat әуе компаниясы иесінің сенімгерлік басқаруына берілді. Ақтаудағы әуежай түркиялық инвесторға берілді. Дәл осындай әр әуежай бойынша түрлі инвесторды тартып жатырмыз. Атыраудағы әуежайға Катарлық үлкен әуежай кіріп отыр. Олар 2026 жылға дейін мүлде жаңа аэровокзал салуды жоспарлап отыр», - деді ол. Ведомство басшысы Қазақстанның әуежай нарығына келетін шетелдік компаниялардың санкцияға ілігу ықтималдығы міндетті түрде ескерілетінін айтты.

Қазақстанда қанша бейнебақылау камерасы бар

20-11-2024 Hits:53 Жаңалықтар sitemanager

Елімізде бейнебақылау мониторингі мен айыппұл жағдайын бақылау мақсатында қанша камера орнатылғаны белгілі болды, деп хабарлайды Алатау телеарнасы. Бұл туралы Polisia.kz жазды. Дерекке сүйенсек, бүгінде меншік нысанына қарамастан елімізде 1 миллион 359 мың видеокамера бар екен. Оның 310 мыңы жедел басқару орталықтары мен полицияның кезекші пункттерінде орналасқан. Инновациялық мүмкіндіктер қылмыспен күресуде және адам көп шоғырланатын жерлерде қоғамдық қауіпсіздікті қамтамасыз етуде үлкен көмек. Сондықтан құзырлы орган алдағы уақытта камералар санын тағы да көбейтуді жоспарлап отыр. Сонымен қатар, Астана мен Алматыда ұлттық видеомониторинг жүйесі іске қосылды. Бұл бет-әлпетті танудың жаңа жүйесі. Инновациялық жоба ішкі істер министрлігі, ұлттық қауіпсіздік комитеті және цифрлық даму, инновациялар және аэроғарыш өнеркәсібі министрлігімен бірлесіп әзірленген. Жасанды интеллект технологияларын қолданатын ұлттық видеомониторинг жүйесі іздеуде жүрген адамдарды тануға, қоғамдық орындарда қараусыз қалған заттар туралы сигнал беруге және құқық бұзушылықтарды автоматты түрде тіркеуге мүмкіндік береді. Сондай-ақ "компьютерлік көз" көліктерді маркасы, үлгісі және түсі бойынша анықтай алады. Теміржол бекеттері, әуежайлар, қонақүйлер, көшелер, қиылыстар, сауда орталықтары сияқты нысандар "ақылды" камералардың жіті назарында.

Қазақстанда алдағы 3 күн қар жауып, бұрқасын болады

13-11-2024 Hits:74 Жаңалықтар sitemanager

Казгидромет алдағы 3күнге болжамын жариялады. Дерекке сүйенсек, ел аумағында қар жауып, бұрқасын болады, деп хабарлайды Алатау телеарнасы. Синоптиктердің болжамына сүйенсек, аптаның ортасында еліміздің батысында, содан кейін оңтүстігінде антициклонның әсерінен 15-16 қарашада оңтүстік-шығыста, 16 қарашада республиканың орталығында, шығысында және солтүстік-шығысында жауын-шашынсыз ауа райы болжанады. Бірақ бұл ретте республиканың солтүстік жартысында және оңтүстік-шығысында қарлы ауа райы, солтүстігінде бұрқасын сақталады. 15-16 қарашада циклон жырасы біртіндеп батыс аймақтарға ауысады, одан жауын-шашын жаңбыр мен қар түрінде, сондай-ақ көктайғақ күтіледі. Еліміздің оңтүстік-шығысында 14 қарашада қар жауады деп болжануда. Республика бойынша тұман мен екпінді жел соғады. Сондай-ақ синоптиктер түнде ауа температурасының батыста +1+10 градусқа дейін жылынатынын, солтүстік-батыста және солтүстікте -2-11 градус суық болатынын болжады. Одан бөлек орталықта 5-13 градусқа дейін, шығыста 5-18 градусқа дейін, оңтүстікте 2-10 градусқа дейін жоғарылайды, еліміздің оңтүстік-шығысында түнде 2-13 градусқа дейін төмендейді деп күтілуде. Ауа райының күрт бұзылуына байланысты республикалық автожолдарда да көлік қозғалысына шектеу қою жоспарлануда.

Алматыда жер сілкінісін тіркейтін станциялар жеткілікті ме?

05-11-2024 Hits:78 Жаңалықтар sitemanager

Алматылықтар бүгін 3 балдық жер сілкінісін сезді. Табиғат мінезінің эпицентрі Талғар аумағы. Онда 4 балдық күш тіркелген, деп хабарлайды Алатау телеарнасы. Төтенше жағдайлар министрлігі дерегіне сүйенсек, адам шығыны мен зардап шеккендер де жоқ.Бірақ қала тұрғындарынан "112" желісіне 50-ге жуық қоңырау келіп түскен. Солардың басым бөлігі жер сілкінісі кезінде дабыл жүйесі неліктен іске қосылмағаны туралы сұрақ қойыпты. Осы орайда, ҚазАқпарат агенттігіне Сейсмологиялық байқау және зерттеулер ұлттық ғылыми орталығы директорының ғылым жөніндегі орынбасары Елизавета Есенжігітова Алматыда жер сілкінісін тіркейтін неше станция барын айтқан. Спикер сөзінше Алматы өңірінде 40-қа жуық сейсмикалық станциялар жұмыс істейді. Алайда, бұл станциялар саны мегаполис үшін жеткіліксіз екен. «Жер сілкінісіның күші неғұрлым жоғары болса жер сілкінісі тұралы толық қанды қажет мәліметтер алуға бірнеше станциялар жеткілікті.Жер сілкінісінің күші төмен болған жағдайда бірнеше станциядан алынған деректер жеткіліксіз.Шағын,әлсіз жер сілкінісітерін тіркеу сейсмикалық станциялардың санының көптігін қажет етеді.Шағын дүпулер жер астында болып жатқан сейсмикалық құбылыстардың туындау ерекшеліктері мен даму заңдылықтарын айқындауға мүмкіндік береді.Сондықтан тек құралдар арқылы тіркелетін шағын және әлсіз тербелістерді анықтау мүмкін болатын күшті жер сілкінісін болжауға өте қажет мәліметтер болып табылады. Қазіргі кезде, Алматы өңірінде 40 сейсмикалық станция жұмыс істейді. Алайда, жоғарғыда айтқандай бұл станциялар саны Алматы аймағы үшін жеткіліксіз», – дейді Елизавета Есенжігітова.

Қазақстанда қай өңір ең көп ет жейтіні белгілі болды

01-11-2024 Hits:94 Жаңалықтар sitemanager

Елімізде ет өнімдерін тұтынатын аймақтарға зерттеу жүргізілді. Нәтижесінде қай өңір көбірек тұтынатыны анықталған, деп хабарлайды Алатау телеарнасы. Еліміздегі қай өңірдің тұрғындары ет өнімдерін жақсы көреді, ал қай аймақ етке құмар емес. Спутниктің дерегіне сүйенсек, Қазақстанда етті ең көп жейтіндер – маңғыстаулықтар екен. Қаңтар-маусым айларында орта есеппен әрбір тұрғын 49,1 келі ет өнімдерін тұтынған. Маңғыстаулықтар Шымкент тұрғындарына қарағанда ет өнімдерін 65%-ке көп тұтынады. Екінші және үшінші орында Жамбыл мен Атырау облысы тұр. Етті ең аз тұтынатындар – Шымкент пен Түркістан облысының тұрғындары болып шықты. Жалпы, биыл қаңтар-қыркүйек айларында Қазақстанда 315,8 мың тонна ет және тағамдық қосалқы өнімдер өндірілген. Бұл өткен жылмен салыстырғанда 7%-ке артық. Жаңа піскен немесе мұздатылған құс өнімі 107,2 мың тонна болды. Десе де, Қазақстан ет жегенді жақсы көретін басқа елдермен салыстырғанда едәуір артта қалып отыр. World Population Review мәліметінше, етті ең жақсы көретін ел – Тонго. Бұл елде әр адам жылына орта есеппен 147,7 кг ет өнімдерін тұтынады екен. Одан кейін Моңғолия (137,8 кг), Сент-Винсент және Гренадиндер (124,4 кг) және АҚШ (122,8 кг). Ал Бурунди тұрғындары етті ең аз жейтін ел, мұнда жан басына шаққанда жылына орта есеппен 3,7 кг ғана ет желінеді.

Қазақстанда азық-түлік бағасы қымбаттай ма?

23-10-2024 Hits:113 Жаңалықтар sitemanager

Елімізде доллар бағамы құбылмалы, тіпті кей күндері теңгенің әлсіреп бара жатқанын да байқап отырмыз. Осы орайда азық-түлік бағасы қымбаттай ма деген заңды сұрақ туатыны сөзсіз. Премьер-Министрдің орынбасары Серік Жұманғарин бұл сұраққа жауап берді, деп хабарлайды Алатау телеарнасы. Оның сөзіне сүйенсек, азық-түлік бағасында өсім болады. Бірақ елімізде өндірілмейтін кейбір көкөніс, жеміс-жидектің баға тұрақтылығына қатысты тәуекел туындауы мүмкін. Оның өзінде де инфляция шегінде. “Олардың қатарында апельсин, банан, лимон тағы басқа жемістер бар, яғни қымбаттауы мүмкін, бірақ айтарлықтай емес. Біз тұрақты мониторинг жүргізіп отырмыз, соңғы аптада ешбір тауар қымбаттаған жоқ. Бірақ, инфляцияны ұмытпағанымыз жөн. Бізде инфляция дәлізі бар - биыл 6-10 пайыз. Бұл бағаның орташа өсуін біз осы шекте күтеміз дегенді білдіреді. Экономиканың дамуы бағаның біз белгілеген шегінде өседі”, - дейді Үкімет басшысының орынбасары. Сондай-ақ, ол елдегі азық-түлік бағасын тұрақтандыру мақсатында атқарылып жатқан жұмыстарға да тоқталды. “Бізде әлеуметтік маңызы бар азық-түлікпен (ұн, тұз, күріш, макарон, май, картоп, қой еті, сиыр еті, сәбіз) 100 пайыз қамтылған. Одан бөлек, 14 азық-түлік түрлерімен 80 пайызы өзіміздің өнім. Дегенмен 5 азық-түлік бойынша импортқа тәуелділік бар. Жалпы алғанда құс етімен біз өзімізді 73 пайызға қамтамасыз етеміз, шұжық- 60 пайыз, балық - 60 пайыз, ірімшік пен сүзбе - 46 пайыз, қант - 44 пайыз”, - деді Серік Жұманғарин.

Талғардағы өлім: Алматы облысы полиция департаментінің бастығы ауысты

20-10-2024 Hits:97 Жаңалықтар sitemanager

Алматы облысы полиция департаментіне жаңа бастық тағайындалды. Ішкі істер министрі департаменттің басшы құрамымен ағымдағы жылдың тоғыз айындағы жедел қызметтің қорытындысы бойынша өткізген жиынында Мейрам Әбікеевті таныстырды, деп хабарлайды Алатау телеарнасы Polisia.kz медиа-порталына сілтеме жасап. Президент әкімшілігінің келісімі бойынша ішкі істер министрінің бұйрығымен облыстық полиция департаментінің бастығы болып Мейрам Әбікеев тағайындалды. Полиция полковнигі бұған дейін Солтүстік Қазақстан облысы ПД бастығының орынбасары болған. Сонымен қатар, облыстық департамент бастығының бірінші орынбасары болып Бағдат Әшімов тағайындалды. ІІМ басшысының бұйрығымен: ПД бастығының бірінші орынбасары Серік Шалхаров; Талғар аудандық полиция басқармасының бастығы Нұржан Күнтүнов; ПД экстремизмге қарсы іс-қимыл басқармасының бастығы Ұлан Байтақов; ПД криминалдық полиция басқармасының бастығы Руслан Смағұлов; ПД ұйымдасқан қылмысқа қарсы күрес басқармасының бастығы Дулат Қайыр және оның орынбасары Жанат Омаров лауазымдарынан босатылды. Жедел кеңестің қорытындысы бойынша министр өңірдегі құқықтық тәртіпті және қоғамдық қауіпсіздікті қамтамасыз ету жөнінде нақты тапсырмалар берді. ІІМ басшысы Талғар ауданында кәмелетке толмаған баланы өлтіру фактісі бойынша тергеу жүргізіп жатқан жедел-тергеу тобын жеке тыңдады. Еске салсақ, бұған дейін Алматы облысы прокурорының орынбасары мен Талғар ауданының прокуроры лауазымынан босатылған еді.

Мопед пен электросамат дәуірі аяқтала ма? 2025 жылдан бастап жаңа заң күшіне енеді

17-10-2024 Hits:103 Жаңалықтар sitemanager

Елдегі жол қозғалысы ережесіне тағы да өзгеріс енгізіліп отыр. Тиісті заңға президент қол қойған, деп хабарлайды Алатау телеарнасы Спутникке сілтеме жасап. 2025 жылы сәуір айынан бастап бірқатар шектеулер күшіне енеді. Мопедке куәлік пен нөмір алу керек Бұдан былай мопедтер ғана емес, қозғалтқыш көлемі 50 текше сантиметрден аспайтын немесе электр қозғалтқышы бар және оның ең жоғарғы конструкторлық жылдамдығы сағатына 50 шақырымнан аспайтын барлық көлік құралдар тіркеуге жатады. Мемлекеттік нөмір де беріледі. Мопедті басқару үшін "А1" кіші санатындағы жүргізуші куәлігін алу қажет. "А" және "В" санаттары болса да, мопедті басқару құқығын растау міндеті бар. Заң жарияланған сәттен бастап мопед иелеріне жүргізуші куәлігін алуға 6 ай уақыт беріледі. Президент осы заңға 3 қазанда қол қойды. Демек, 2025 жылы 4 сәуірден бастап барлық мопедтің нөмірі, ал иесінде "А1" кіші санатындағы жүргізуші куәлігі болуы шарт. Ресми мәліметке сәйкес, 2023 жылы мопедтердің қатысуымен 750 жол апаты болып, 39 адам қаза тапты. Бұдан бөлек, 730 адам жарақат алған. Бір жылдан кейін жол апаттары көбейді, қаза тапқандардың саны да өсті. Осыған байланысты заңға тиісті өзгерістер енгізіліп, мопедтерді тіркеу міндеті бекітілді. Орташа жылдамдықты есептейді Жол қозғалысы ережесіне енгізілген тағы бір өзгеріс - орташа жылдамдықты есептеу. Себебі бүгінде көлік жүргізушілері республикалық маңызы бар жолдарда қатты жүреді. Ал камераларға жақындағанда жылдамдықты азайтады да, өтіп кеткеннен кейін қайтадан газға басады. Соның салдарынан жол-көлік апаттары азаймай отыр. Осыған байланысты көліктің орташа жылдамдығын есептеуге шешім қабылданды. Орташа жылдамдықты есептеу тәртібі мынадай: трассаның басында және аяқ жағында бейнекамералар бар, бірінші камера көліктің жолға шыққанын тіркесе, екіншісі келген уақытын тіркейді, екі камераның уақытымен автоматты түрде көліктің трассамен жүрген орташа жылдамдығы есептеледі, көлік жүргізушісі орташа жылдамдықты асырып жіберсе, айыппұл салынады. Жылдамдық режимін сағатына 60 шақырымға және одан артық асырғаны үшін 40 АЕК (2024 жылда – 147 680 теңге) көлемінде айыппұл қарастырылған. Ал осы құқық бұзушылық бір жылдың ішінде қайталанса, айыппұлдың мөлшері 60 АЕК-ке (2024 жылда – 221 520 теңгеге) өседі. Айта кетері, қазір республикалық маңызы бар жолдарда белгіленген жылдамдық сағатына 140 шақырымды құрайды. Электосамокаттармен жүру бағытын бекітуге болады Тағы бір маңызды норма – әкімдерге электросамокаттардың қызметін реттеу жөніндегі өкілеттік беріледі. "Олар қандай да бір қосымша ережелер бекіте алады: қай жерде жүруге болады, қай жерде болмайды, қай уақытта олардың қозғалысына тыйым салынады және тағы басқа", - дейді мамандар. Заң бойынша электрсамокаттар жүру жылдамдығы сағатына 25 шақырымға дейінгі көліктерге жатады. Онымен велосипед жолағымен де, жолдың жиегімен де шектеусіз жүруге болады. Сонымен қатар электрсамокаттарға жолдың жүру бөлігінің оң жақ шетімен, оның ішінде автобус жолағымен бір қатарда жүруіне рұқсат етіледі. Мопед пен электрсамокатқа қатысты шектеулер Заң бойынша мопед пен электрсамокат мінетіндерге велосипедшілермен бірдей шектеу белгіленген. Жол жүру ережесіне сәйкес, бірнеше талапты қатаң сақтауы қажет. Оны бұзған жағдайда айыппұл салынады. Негізгі шектеулер: ең болмағанда бір қолымен рульден ұстамай жүруге; жолаушы тасымалдауға (велосипед пен мопедтердерде арнайы орын болуы шарт); ұзындығынан немесе енi жағынан 0,5 метрге артық шығып тұратын жүктердi немесе басқаруға кедергi келтiретiн жүктердi тасымалдауға; велосипед жолағы болғанда жолмен жүруге; трамвай жүретін жолдарда және осы бағытта жүруге арналған біреуден астам жолағы бар жолдарда солға бұрылуға немесе кері бұрылуға; велосипедпен немесе мопедпен пайдалануға арналған тіркемені сүйретуден басқа, мопедтер мен велосипедтерді, сондай-ақ электрсамокаттарды сүйретуге тыйым салынады. Сондай-ақ велосипед жолағы мен жол қиылысқан жерде бағдаршам болмаса, көлікке жол беру керек.

Шерзат өлімі: Талғар ауданында бірқатар шенеунік қызметінен шеттетілді

15-10-2024 Hits:100 Жаңалықтар sitemanager

Талғарда 16 жасар Шерзат Полаттың өліміне қатысты іс тергелуде. Бүгін аудандық әкімдіктің бірқатар лауазымды қызметкері жұмыстан босатылды, деп хабарлайды Алатау телеарнасы. Талғардағы жағдай қоғам назарынан таса бола қойған жоқ. Бүгін Талғар қаласының әкімі Бахыт Қуатбекұлы Күрішбеков, Талғар қаласы әкімінің орынбасары Матан Сағындық және Талғар ауданы әкімі аппаратының басшысы Аслан Қасымбаев өз міндеттерін тиісті деңгейде атқармағаны үшін қызметтерінен босатылды. Сонымен қатар, Талғар ауданының әкімі мен орынбасарына сөгіс берілді. Ал ішкі істер министрлігі Шерзат Полаттың ісі бойынша 10 адам күдікке ілінгенін хабарлады. Еске салайық, 4 қазанға қараған түні Талғарда 16 жастағы Шерзат Полатты отбасының көзінше өлтіріп кеткен болатын. Марқұмның туыстары әділ сот сұрап, бірнеше рет ереуілге шықты. Көп ұзамай марқұм жасөспірімнің үйі өртенді. Бұл оқиға халықтың ашу-ызасын тудырды.

Қазақстанда орташа айлық жалақыға қанша литр бензин сатып алуға болады

10-10-2024 Hits:121 Жаңалықтар sitemanager

Елдегі орташа айлықты түгелдей жанармай сатып алуға жұмсаса қанша литр келеді? Бұл сұраққа Energyprom.kz сараптамалық сайты жауап іздеп көрген, деп хабарлайды Алатау телеарнасы. Ондағы дерекке сүйенсек, биыл қаңтар-тамыздың қорытындысы бойынша Қазақстанда 3,5 млн тонна бензин өндіріліпті. Бұл былтырғы осы кезеңмен салыстырғанда 1,8%-ке артық. Өндірістің басым бөлігі Шымкент, Атырау және Павлодар облыстарына тиесілі. Бұл өңірлерде мұнай өңдеу зауыттары жұмыс істейді. Қазақстанда АИ-98 маркалы бензин бір жылда 13,1%, АИ-95/АИ — 96-5% қымбаттаса, ал АИ-92 бензинінің бағасы өзгермеген. Бензин бағасы көп қымбаттаған аймақ – Батыс Қазақстан облысы (2,8%). Жалпы бензин бағасы 20 облыстың 14-нде қымбаттаған. Numbeo деректеріне сәйкес, 2024 жылғы 27 қыркүйектегі жағдай бойынша Қазақстанда орташа айлық жалақыға 1,2 мың литр бензин сатып алуға болады екен. Бұл көрсеткіш бойынша еліміз әлемдегі 97 елдің арасында 32-ші орынға ие болды. Айта кетері: Қазақстан ТМД-ның басқа елдері арасында ең жоғары көрсеткішке ие. Мысалы, көрші Ресейде бір жалақыға 953 литр бензин, Әзербайжанда — 702,9 литр, Беларусьта — 696,4 литр, Өзбекстанда — 442,2 литр, Молдовада — 434,2 литр, Арменияда — 433,4 литр, Украинада — 301 литр сатып алуға болады. ТМД елдерінің ішіндегі ең қымбат бензин — Молдова мен Арменияда – 1,4 доллар, Украинада 1,3 доллар, ал Өзбекстан 1 доллар тұрады. Бензин Беларусьте 0,7 долларға, Әзербайжан және Ресейде 0,6 долларға сатылады. Ал Қазақстанда бір литр бензиннің құны 0,5 доллар тұрады.

71,12 пайыз: АЭС салу бойынша референдумның алдын ала қорытындысы жарияланды

07-10-2024 Hits:119 Жаңалықтар sitemanager

Елімізде АЭС салу бойынша өткен републикалық референдумның алдын ала қорытындысы жарияланды. Ондағы деректе құрылысты қолдағандар қатары 70 пайыздан асып жығылған, деп хабарлайды Алатау телеарнасы. Таңғы сағат 8:00 жағдай бойынша барлық жерде дауыс санау аяқталды. Осылайша орталық референдум комиссиясы АЭС салу бойынша өткен республикалық референдумның алдын ала қорытындысын жариялады. Соңғы мәліметке сәйкес, кешегі референдумда дауыс беруге құқылы азаматтардың (12 284 487 адам) 63,66 проценті (7 820 204 адам) дауыс берген. Референдумның алдын ала нәтижесі мынадай: Қолдағандар – 71,12 процент (5 561 937 адам); Қарсы дауыс бергендер – процент 26,15 (2 045 271 адам); Жарамсыз және есепге алынбаған дауыстар – 2,73 процент ( 212 991 бюллетень) "Жауаптың екі нұсқасы да таңдалған, яғни жарамды деп танылған, бірақ дауыстарды санау кезінде есепке алынбайтын бюллетеньдердің саны - 82 724, белгіленген үлгідегі дауыс бергендердің ерік білдіруін айқындау мүмкін емес және жарамсыз деп танылған бюллетеньдердің саны 130 267 дананы құрады", - дейді комиссия төрағасы Нұрлан Әбдіров.

Қазақстанда балалар үйіне түскен бүлдіршіндердің саны рекордтық көрсеткішке жеткен

03-10-2024 Hits:180 Жаңалықтар sitemanager

Елімізде ата-ана қамқорлығынсыз қалған балалардың саны биыл рекордтық көрсеткішке жеткен. 2024 жылдың басындағы мәлімет бойынша балалар үйінде 21,4 мың бала бар, деп хабарлайды Алатау телеарнасы Finprom.kz сараптамалық сайтына сілтеме жасап. Қазақстанда өткен жылы 12 айда балалар үйіне түскен балалар саны 8,5%-ке өскен. 2023 жылы балалар үйіне 4 жасқа дейінгі 1,3 мыңға жуық сәби жіберілді. Бұл соңғы жылдардағы рекордтық көрсеткіш. Бұл - бөбектер үйіндегі балалар саны, мұнда 3-4 жасқа дейін немесе асырап алғанға дейін тұрады. Шекті жас басталғаннан кейін балалар басқа мекемелерге — балалар үйлеріне, интернаттарға немесе арнайы медициналық мекемелерге ауыстырылады. Жыл соңында балалардың саны шамалы өзгереді. Ұлттық статистика бюросының "Талдау " ақпараттық-талдау жүйесінің деректеріне сүйенсек, 2022 жылы осындай 701 бала, өткен жылы — 711 бала болған. Жалпы, ата-анасының қамқорлығынсыз қалған барлық жастағы кішкентай қазақстандықтардың саны соңғы бірнеше жылда 11,8%-ке қысқарды. 2024 жылдың басында білім министрлігі балалардың құқықтарын қорғау комитетінің деректері бойынша елде ата-ана қамқорлығынсыз қалған 21,4 мың бала бар, ал 2019 жылы олардың саны 24,2 мың болған.

Қазақстанда 100 жастан асқан қанша адам бар
Қазақстанда халықтың 100 жастан асқаны көп пе, аз ба? Еңбек және халықты әлеуметтік қорғау министрлігі дәл осы мәліметті жариялады, деп хабарлайды Алатау телеарнасы. Ведомства дерегіне сүйенсек, елімізде 100 жасаған және одан асқан 423 азамат бар. Жасы ең үлкен кейуана Ұлытау облысында тұрады екен. Ақ жаулықты әжеміз биыл 114 жасқа толған туған күнін атап өтті. Жалпы ең көп өмір сүретіндер бойынша еліміздің оңтүстік өңірі көш бастап тұр. Түркістан облысында 100 және одан жоғары жастағы 64 адам бар. Ұзақ өмір сүрушілер саны бойынша елімізде екінші орында тұрған ірі қала – Алматы. Қазір Алматы қаласында 100 жастан асқан 48 адам тұрады. Ұзақ өмір сүретіндер саны бойынша үшінші орында Алматы облысы тұр, онда 100 және одан жоғары жастағы 38 адам тұрады. Ең қарт қазақстандықтардың үштігіне Ұлытау облысының тұрғыны – 114 жас, Павлодар облысы – 112 жас, Түркістан облысы – 110 жас кірді.
Қазақстанда қай сала иелері ең көп жалақы алатыны белгілі болды
Елімізде қай сала мамандары жоғары жалақы алады? Ұлттық статистика бюросы осы мәліметті жариялап жіберді, деп хабарлайды Алатау телеарнасы. Бюро дерегіне сүйенсек, бір жыл ішінде орташа жалақының ең жоғары өсімі ақпарат және байланыс саласында тіркелген — 40,1%. Бұл 715 244 теңге. Жалпы Қазақстанда орташа жалақы өсімі өткен жылдың екінші тоқсанымен салыстырғанда 14,4%-ды құрап, орташа жалақы 383 365 теңгеге жетті. Жалақы 40 пайызға өскеніне қарамастан, ақпарат және байланыс саласының қызметкерлері жалақы деңгейі бойынша үшінші орында. Бірінші орында қаржы және сақтандыру қызметі (800 690 теңге) және тау-кен өнеркәсібі (757 956 теңге) жұмысшылары. Ауыл, орман және балық шаруашылығы саласының қызметкерлері ең төмен жалақы – 235 153 теңге, сондай-ақ орналастыру және тамақтандыру саласының қызметкерлері — 239 181 теңге алады. Экономикалық белсенділік тұрғысынан орташа жалақы және оның бір жылдық өсімі: Қаржы және сақтандыру қызметі — 800 690 (+40,1%) Тау-кен өнеркәсібі және карьерлерді қазу — 757 956 (+24,7%) Ақпарат және байланыс — 715 244 (+24,6%) Кәсіби, ғылыми және техникалық қызмет — 492 349 (+23,6%) Өнеркәсіп — 474 764 (+23,3%) Көлік және қоймалау — 456 855 (+22,1%) Өңдеу өнеркәсібі — 394 157 (+20,9%) Құрылыс — 391 769 (+20,1%) Электр, газ, бу, ыстық су және ауаны баптаумен қамтамасыз ету — 375 901 (+17,4%) Білім саласы– 346 635 (+15,5%) Көтерме және бөлшек сауда; автомобильдер мен мотоциклдерді жөндеу — 342 367 (+15,1%) Мемлекеттік басқару және қорғаныс; міндетті әлеуметтік қамсыздандыру — 316 644 (+14,1%) Денсаулық сақтау және әлеуметтік қызметтер — 315 034 (+13,5%) Әкімшілік және қосалқы қызмет көрсету қызметі — 295 998 (+13,2%) Басқа қызмет түрлерін көрсету — 290 465 (+12,0%) Жылжымайтын мүлік операциялары — 266 971 (+7,2%) Өнер, ойын-сауық және демалыс — 256 419 (+6,5%) Сумен қамтамасыз ету; қалдықтарды жинау, өңдеу және кәдеге жарату, ластануды жою — 246 181 (+5,6%) Тұрғын үй және тамақтандыру қызметтерімен қамтамасыз ету — 239 181 (+5,2%) Ауыл, орман және балық шаруашылығы — 235 153 (+3,3%) Естеріңізге сала кетейік, Қазақстан Numbeo рейтингінде орташа айлық жалақысы 582 АҚШ доллары — шамамен 279 мың теңгені құрайтын жалақы рейтингісінде 67-орынды иеленген болатын.
Қазақстанға қандастардың басым бөлігі қай елден оралатыны белгілі болды
Атажұртын аңсап, елге қайтқан қандастардың басым бөлігі қандай мемлекеттерден келіп жатқаны белгілі болды. Мәліметті Еңбек және халықты әлеуметтік қорғау министрлігі жариялады, деп хабарлайды Алатау телеарнасы. Ведомства дерегіне сүйенсек, 1991 жылдан бері республикаға 1 млн 140,7 мың этникалық қазақ оралған екен. Ал биылдың өзінде 12 325 этникалық қазақ тарихи отанымен табысып, қандас мәртебесін алып отыр. «Жалпы, жыл басынан бері Қазақстанға келген қандастардың 45,6%-ы Қытайдан, 39,2% – Өзбекстаннан, 5,5% – Түрікменстаннан, 5,4% – Моңғолиядан, 3,1% – Ресейден және 1,2% басқа елдерден",- делінген ақпаратта. 1 қыркүйектегі жағдай бойынша еңбекке қабілетті жастағы этникалық қоныс аударушылар саны 58,2%-ды, еңбекке қабілетті жастан кіші 32,4%-ды және зейнеткерлер 9,4%-ды құрайды. Еңбекке қабілетті жастағы қандастардың ішінен білім деңгейі бойынша 17,8%-ы жоғары білімді, 24,2%-ы орта кәсіби білімді, 54,1%-ы жалпы орта білімді, және 3,6% -ының білімі жоқ. Қоныс аударған этникалық қазақтар республиканың түрлі өңірлеріне қоныстанды. Соным бірге, қандастарды қоныстандыру үшін келесідей еңбек күші тапшы өңірлер анықталды. Ол: Ақмола, Абай, Қостанай, Павлодар, Шығыс және Солтүстік Қазақстан облыстары.

2024 - жер тарихындағы ең ыстық жыл болмақ
2024 - жер шарындағы ең ыстық жыл ретінде тіркеліп қалуы мүмкін. Бұл туралы ҚазАқпарат жазды, деп хабарлайды Алатау телеарнасы. Агенттік дерегіне сүйенсек, қыркүйек айының басында Еуропалық климаттың өзгеруі жөніндегі «Коперник» қызметі Солтүстік жарты шарда жазғы температура рекордтық жоғары деңгейге жететінін мәлімдеген. “2024 жылдың соңғы үш айында планетаның ең ыстық маусымы мен тамызы, рекордтық ең ыстық күн және рекордтық ең ыстық бореалдық жаз болды”, - дейді C3S директорының орынбасары Саманта Берджесс. Бореальды климат – тек солтүстік жарты шарда қалыптасатын және қылқан жапырақты ормандардың таралу шекарасымен сәйкес келетін солтүстік климат. Бұл қарлы қысы және салыстырмалы түрде қысқа жылы жазы бар қоңыржай ендіктердің климаты. Жаз айларында температура орташа есеппен 16,8 градус Цельсий болды, деп хабарлайды «Коперник» қызметі. Бұл өткен жылғы температура рекордынан Цельсий бойынша 0,03 градусқа жоғары.
Әлем бойынша ең көп жалақы төлейтін мемлекет белгілі болды
Әлемдік жалақы деңгейінің рейтингісі жасалды. Қазақстан 97 елдің ішінде 67-ші орында тұр, деп хабарлайды Алатау телеарнасы. Әлем мемлекеттеріндегі орташа жалақы деңгейі бойынша рейтінг жарияланды. Numbeo статистикалық платформасының сарапшылары соңғы 12 айдағы орташа айлық жалақы туралы мәліметтерге негізделген рейтинг құрастырған. 2024 жылғы 19 қыркүйекте жаңартылған соңғы деректерге сәйкес, Қазақстан рейтингте Таиланд пен Ресейдің ортасында, 67-ші орында тұр. Numbeo біздің елдегі орташа айлық жалақы 279 491 теңгені (шамамен 582 АҚШ доллары) құрады деп мәлімдейді. Ресейдің көрсеткіші де бізге қарайлас, 268 205 теңгеге тең. Бір қызығы, 2024 жылдың тамыз айының басында ҚР Ұлттық статистика бюросы 2024 жылдың екінші тоқсанында республика бойынша номиналды жалақының орташа мәні 403 251 теңгені құрады деп мәлімдеді. Бұл рейтингте көрсетілген сомадан әлдеқайда көп. Әлемдік жалақы рейтингінде біздің ел Ресей, Беларусь, Грузия, Өзбекстанды басып озған. Орталық Азияның басқа елдерінен рейтингке тек көршілес Өзбекстан ғана кіріпті. Ол 76-шы орында, жалақы мөлшері — 210 734 теңге (439 доллар). Жалпы орташа жалақы рейтінгісінде көшті Швейцария бастап тұр. Онда айлық деңгейі 3 миллион 460 мың теңгені құраған. Мұнан кейін 2 миллион 900 мыңмен Люксембург, ал үздік үштікті 2 миллион 180 мың жалақымен АҚШ түйіндепті.
Алматыда театр маусымы ашылды (видео)
height="315" src="https://www.youtube.com/embed/F5RNGyHp2FA?si=py8bkaAC96J5_7lp" Алматыдағы Мұхтар Әуезов атындағы Қазақ ұлттық драма театры жаңа маусымын ашты. 99-маусымының шымылдығы Ғабит Мүсіреповтің “Қозы Көрпеш-Баян Сұлу” спектаклімен түрілді, деп хабарлайды Алатау телеарнасы. Маусымашарға арналған баспасөз мәслихатында Мұхтар Әуезов атындағы Қазақ ұлттық драма театрының көркемдік жетекшісі, Қазақстан Республикасының Еңбек Ері, КСРО және Қазақстанның халық артисі Асанәлі Әшімов өз тілегін білдірді. Сонымен қатар, театр директоры, Қазақстанның еңбек сіңірген қайраткері Еркін Жуасбек театр ғимаратының екі жылға жөндеу жұмыстарына байланысты жабылғанын да айта кетті. ҚазАқпараттың жазуынша жөндеу жұмыстары 2026 жылы аяқталады. “Соған байланысты ертеңнен бастап Талғар, Есік қалаларында, қараша айында Қаскелең, Ұзынағашта және Қонаев қаласында спектакль қоямыз. Сондай-ақ биылғы үлкен үш сапарымыз – Ақтөбе, Қостанай және көршілес қырғыз елінің астанасы Бішкек қаласында болады. Айта кеткен жөн, театрдың жобалары мен жаңа қойылым шығарудың өзі осы 2 жылда тоқтайды. Өйткені киім тігу үшін, декорация жасайтын цехтарымыз өзіміздің ғимаратта қалды. Сондықтан негізгі міндетіміз – репертуарымыздағы 70 спектакльді көрерменге көрсету”, - деді театр директоры.

Қазақстандықтар енді кредиттен шексіз мерзімге бас тарта алады
Елімізде несие бойынша жаңа талаптар күшіне енді. Бұрынғыдай несие алуды 6 ай мерзімге ғана тоқтату мүмкіндігі енді шексіз уақытқа алмасты, деп хабарлайды Алатау телеарнасы. Қазақстан азаматтары eGov.kz порталында банктік қарыздар мен микрокредиттерді алудан шексіз уақытқа өз еркімен бас тарта алады. Бұрындары сервис 6 ай мерзімге ғана бас тартуға мүмкіндік беретін. Бұдан былай кредиттер мен шағын қарыздарды ресімдеуге мерзімсіз уақытқа тыйым салуға болады. "Өтінімді азаматтың өзі ғана бере алады. Сондай-ақ пайдаланушы кез келген уақытта несиелер мен қарыздарды алуға белгіленген шектеулерді алып тастай алады. Ол үшін eGov.kz порталында қызмет көрсетуді мерзімінен бұрын тоқтатуға өтінім беру қажет", - делінген хабарламада. Қызметті алу үшін: eGov.kz порталында авторизациядан өтіп,"Кеден және салықтар" бөліміне өтіңіз; тізімнен "Экономика және қаржы" бөлімін таңдап, "Банктік несиелерді, микрокредиттерді алудан ерікті бас тарту" қызметін таңдаңыз; қажетті жолдарды толтырып, ЭЦҚ көмегімен өтінімге қол қойыңыз; көрсетілетін қызмет нәтижесімен Жеке кабинетте танысуға болады. Бұрын белгіленген шектеулерді алып тастау үшін пайдаланушы: "Банктік несиелерді, микрокредиттерді алудан ерікті бас тарту" қызметін таңдаңыз; "Жазылудан бас тартқыңыз келе ме?" деген сұраққа "Иә" деп жауап беріңіз және қол қоюдың қолжетімді әдістерінің бірімен өтінімге қол қойыңыз.
Түркі тілдеріне ортақ әліпби үлгісі әзірленді
Бакуде Халықаралық Түркі академиясы мен Түрік тілі қоғамы бірлесіп ұйымдастырған Түркі әлемі ортақ әліпбиі комиссиясының үшінші отырысы нәтижелі өтті, деп хабарлайды Алатау телеарнасы Aikyn.kz-ке сілтеме жасап. Бұл маңызды жиынға түбі бір бауырлас елдерден Түркі мемлекеттері ұйымы тарапынан құрылған ортақ әліпби комиссиясының мүшелері қатысқан. Жиынның негізгі мақсаты – екі жылдық бірлескен жұмыс нәтижесінде жинақталған білім мен тәжірибені пайдалана отырып, түркі тілдеріне ортақ әліпби үлгісін әзірлеу болды. Жиын барысында ғалымдар алғаш рет 1991 жылы ұсынылған латын қарпі негізіндегі «Ортақ түркі әліпбиі» жобасын жан-жақты қарастырды. Комиссия мүшелері аталған жобаны жетілдіре түсуді көздейтін көптеген ұсынысқа қатысты егжей-тегжейлі талқылаулар жүргізіп, қажетті қорытындылар жасады. Осы қажырлы жұмыстың нәтижесінде 34 әріптен тұратын ортақ түркі әліпбиі туралы ұсыныс бойынша келісімге қол жеткізілді. Әр әріп түркі тілдерінде кездесетін әртүрлі фонетикалық дыбысты білдіреді. Бұл басқосудың осылайша, табысты аяқталуын тарихи сәт ретінде бағалауға болады. Ортақ түркі әліпбиінің дамуы түркі халықтарының тілдік мұраларын сақтай отырып, өзара түсіністік пен ынтымақтастықты нығайта түсуге ықпал етеді.
Бүгін - Қазақ киносының туған күні
Бүгін - Қазақ киносының туған күні. Осыдан 87 жыл бұрын ең алғашқы қазақ дыбыстық фильмі “Амангелді” фильмі түсірілген еді, деп хабарлайды Алатау телеарнасы ҚазАқпаратқа сілтеме жасап. Агенттік мәліметіне сүйенсек, ең алғашқы қазақ фильмінің киносценариін қазақ драматургі Ғабит Мүсірепов пен жазушы Всеволод Иванов бірігіп жазған. «Амангелді» көркем фильмі қазақ киносының тарихынан сүбелі орын алады. Ақиқатында сценарий жазуға Бейімбет Майлин де атсалысқан еді. Сол жылдардағы кеңес үкіметінің солақай саясатының кесірінен Алаш арысының есімі титрден алынып тасталған. Қоюшы режиссеры - Мойсей Левин, операторы - Хечо Назарьянц. Фильмге қазақтың ұлы актерлері түсті. Басты рөлді, яғни Амангелді бейнесін театр актеры Елубай Өмірзақов сомдаса, одан бөлек Серке Қожамқұлов, Қалибек Қуанышбаев, Қапан Бадыров, Қанабек Байсейітов, Құрманбек Жандарбеков, Шара Жиенқұлова, Рахметулла Салменов сияқты әртістер фильмге қатысады. Ал Алматы киностудиясы Қазақ КСР Халық комиссарлары кеңесінің қаулысымен 1941 жылдың 12 қыркүйек күні құрылған. Ол 1960 жылы атауы «Қазақфильм» киностудиясы деп өзгертіліп, 1984 жылы оған қазақ кинематографиясының кемеңгер қайраткері Шәкен Аймановтың есімі берілді. 2005 жылы Қазақстан кинематографистері одағының басшысы болған Бауыржан Нөгербеков 12 қыркүйекті «Қазақ киносының күні» деп атауды ұсынды. Соған сәйкес, 12 қыркүйек – Қазақ киносының күні ретінде аталып келеді.

Prev Next

БАСТЫ ЖАҢАЛЫҚТАР

СОҢҒЫ ЖАҢАЛЫҚТАР

ТЕЛЕХИКАЯЛАР