https://www.youtube.com/embed/l7NIwYYjJtY?si=v0Rxn3DPzTojtj6z" 

Келесі жылдан бастап асыраушысынан айырылған және еңбекке жарамдылығын жоғалтқан жандардың жәрдемақысы 6,5%-ға өседі. Бұл туралы бүгін Сенат отырысында Қаржы министрі Мәди Тәкиев айтты. Айтпақшы, келер жылы да қазына қаражатының басым бөлігі әлеуметтік салаға бөлінеді. Ол 9,8 трлн теңге. Бұл – 2024 жылмен салыстырғанда 871 млрд теңгеге көп. Келер жылдың бюджеті талқыланған сенат отырысы туралы толығырақ алдағы бейнематериалда. 

Келесі жылы бюджеттен қай салаға қанша қаражат бөлінетіні белгілі болды. Айталық, 2025 жылы білім беруге деп бюджеттен 1 трлн теңге, денсаулық сақтау саласына алдағы екі жыл үшін 7,6 трлн теңге, туризм мен спортты дамытуға 141 млрд теңге, мәдениет пен ақпаратқа 165 млрд теңге қазынадан беріледі. Дегенмен, депутаттар ұлттық қордың қаржысына алаңдаулы. Қордан қаражатты ала беретін болсақ, түсім азайып, құрдымға кетпейміз бе дейді. 

СҰЛТАНБЕК МӘКЕЖАНОВ ҚР ПАРЛАМЕНТІ СЕНАТЫНЫҢ ДЕПУТАТЫ: «Биыл Ұлттық қордан бастапқыда 3,6 трлн теңге алу жоспарланған болатын. Алайда бұл сома жеткіліксіз болғанына байланысты қосымша нысаналы трансферт арқылы 2 трлн теңге алынайын деп отыр. Оған қосымша бағалы қағаздарды алу бойынша транзакциялар жасалды. Соған байланысты трансферттердің жалпы сомасы 6 трлн теңгеден асып отыр. Бұл мемлекеттік қаржыны басқару тұжырымдамасына сәйкес, Үкіметтің құқығы және ондай шексіз мүмкіндіктері де бар екені белгілі. Бірақ енді фактілерге қарайтын болсақ, бүгінгі күні Ұлттық қордан алынып жатқан қаражат Ұлттық қорға түсімдерден асып отыр. Бұл соңғы 2 жылда байқалатын мәселе. Жақында өзіңіздің бір сұхбатыңызда "Үкіметке бюджет кірістерін тұрақтандыру үшін әлі 2 жыл керек болады" деген болатынсыз. Бұны басқаша айтатын болсақ, бұл дегеніңіз алдымыздағы 2 жылда Ұлттық қордың қаражатын белсенді түрде пайдаланатын болсақ, Ұлттық қордағы қаржының жинақталуы күмәнді сияқты». 

НҰРЛАН БАЙБАЗАРОВ  ҚР ҰЛТТЫҚ ЭКОНОМИКА МИНИСТРІ:  «Осы тапсырма аясында Ұлттық банк пен Үкімет арасында нысаналы трансферттердің көлемін бюджеттік қағидаларға сәйкес шектеу туралы мәселені қарастырып жатырмыз. Жақында нақты шешім қабылданатын болады. Экономикалық саясат кеңесінде бұл мәселені толығымен қайтадан қарастырып, бір шешімге келеміз. Жалпы біздің негізгі ойымыз Ұлттық банкпен бір жерден шығып жатыр. Нысаналы трансферттерді шектеу қажеттігі байқалады. Бірақ бұл қалай жасалады, қандай көлемде болатынын анықтап, ұсынатын боламыз». 

Қаржы министрі халықты таза ауыз сумен қамтамасыз ету, газбен жабдықтау, жылу, электр энергетикасы, көлік инфрақұрылымы, инфрақұрылым жүйесін қалпына келтіру, өңірлерді дамыту, сондай-ақ "Ауыл – ел бесігі жобасын" іске асыруға қосымша шығындар қарастырылады деп отыр. Депутат Жанболат Жөргенбаев болса, әбден тозығы жеткен гидротехникалық станцияларды жөндеуге биыл бюджетте қаражат қарастырылған ба деп сұрады. Биыл халықтың топан су астында қалып, елден маза қашқаны көпшілік есінде. 

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ:
«Сумен жабдықтау жүйелерін салуға және реконструкциялауға мемлекеттік бюджеттен қомақты қаржы бөлінуіне қарамастан, желілердің жай-күйі олардың тозуына байланысты қанағаттанарлықсыз болып отыр. Бұл 60 пайызды құрайды. Қарағанды, Шығыс Қазақстанда орналасқан. Гидротехникалық құрылыстардың ағымдағы жай-күйін және 2025-2027 жылдарға арналған іс-шаралар жоспарын ескере отырып, 2025 жылы су тасқынын болдырмау үшін қандай іс-шаралар жоспарлануда және оларды іске асыру үшін қандай бюджет бөлінді? Ағымдағы жылы қанша гидротехникалық құрылыстар көп факторлы зерттеулерден өтті және оларды жақсарту үшін қандай шаралар атқарылуда? Бүгінгі таңда гидротехникалық объектілер мен бөгеттерді қалпына келтіру және реконструкциялау бойынша жұмыстардың көлемі қандай болды және су тасқыны кезеңіне дайындық шеңберінде жыл соңына дейін қандай жұмыстарды аяқтау қажет?»

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ
«Рас, су саласында көптеген проблемалар жинақталып қалды. Осы проблемаларды шешу үшін саласындағы жұмыстарды жүйелендіру мақсатында биыл екі құжат қабылданды. 2024-2030 жылға арналаған және 2024-2028  жылдарға арналған су шаруашылығын дамыту кешенді жоспар. 2030 жылға дейін 42 жаңа су қоймасы салындаы, 20 министрлік тарапынан, 22 су қойма жергілікті атқарушы органдар тарапынан сол кешенді жоспарда енгізілді»

Жауапты министр Нұржан Нұржігітов алдағы бес жылда проблема шешіледі деп уәде беріп отыр. 

https://www.youtube.com/embed/8TvwX6XUtB0?si=9upvU-BRGNAGNu5W" 

Министр қазақстандықтарға телефондағы интернетті үнемдеп, Wi-Fi бар жерде көп жүруге кеңес береді. Телефон тарифінің бағасын біз реттей алмаймыз. Тек үкімет тарапынан талапты ғана күшейтеміз. Ұялы байланыс операторлары базалық станция мен қондырғыларға қомақты қаржы құяды. Тарифтің өсуі сондықтан, ол нарықтық экономика деп ақталды Цифрлық даму, инновациялар және аэроғарыш өнеркәсібі министрі Жаслан Мәдиев.  

ЖАСЛАН МӘДИЕВ ҚР ЦИФРЛЫҚ ДАМУ, ИННОВАЦИЯЛАР ЖӘНЕ АЭРОҒАРЫШ ӨНЕРКӘСІБІ МИНИСТРІ  «Сіздер үнемі видео жіберетін шығарсыздар. Сондықтан Wi-Fi бар кезде соған қосылып жүруге кеңес беремін. Мен де солай істеймін. Халықтың байланыс операторларына талап қойғаны да дұрыс. Біз, Үкімет ретінде талапты күшейтеміз. Секундына мГбт көлемін арттырып жатырмыз. Қазір 5G-ді 50 мегабитке жеткізуді көздеп отырмыз. Ұялы байланыс операторлары базалық станция, қондырғыларға қомақты қаржы құяды. Тарифтің өсуі нарықтағы жағдайға байланысты». 

https://www.youtube.com/embed/UjgSugg4zdg?si=SIRevbJqfVO-nc6m" 

Әл-Фараби атындағы Қазақ ұлттық университеті 90 жылдық мерейтойына орай, баспасөз турын өткізіп, БАҚ өкілдеріне оқу ордасының жетістіктерін таныстырды.Толығырақ келесі бейнематериалда.

Жалпы ауданы 5 мың шаршы метрді құрайтын хабта креативті индустрия, жасанды интеллект, стартап жобалар жүзеге асырылуда. Ғимарат заманауи үлгіде жасақталып, ерекше дизайнмен безендірілген.Сонымен қатар, қалашықтағы №9 жатақханаға барып, студенттер үйінде жастардың игілігі үшін жасалған жұмыстарды, жалпы жатақхананың күрделі жөндеуге дейінгі және кейінгі жай-күйі көрсетілді. 

МЕЙІРБАЙ БЕКЖАН, ФИЛОСОФИЯ ЖӘНЕ САЯСАТТАНУ ФАКУЛЬТЕТІНІҢ ДЕКАНЫ; «Сіздер тұрған ғимарат біздің факультеттің студенттерінің үйі, бізде жалпы ҚазҰУ-дегі жатақхана қоры тарихы 50 жылдан астам, соған қарамастан бізде құрылыс жұмыстары университет есебінен жасалып жатыр.Сіздер көріп отырған, артта тұрған бұған дейінгі қандай жағдайда болды, студенттердің жатын жағдайы, тұрмыстық жағдайы қазір биылдан бастап, яғни қыркүйек айынан бастап айқын көрінуі үшін бұны да дайындап қойдық, жаңарған жөндеу жұмыстарынан кейін  қайтадан осындай тап-таза, жаңартылған жөндеу жұмыстарынан өтті. Әзірге қолда барды барынша жөндеп, жинақтап студенттердің жағдайын жасауға тырысудамыз.»

Қазіргі таңда универститет қалашығында 15 жатақхана бар. Ағымдағы оқу жылында үш жатақханаға мен студенттер үйіне жөндеу жұмыстары жүргізілген.  

https://www.youtube.com/embed/jKCyowOJvcM?si=ontIsV-m0qiowbOk" 

https://www.youtube.com/embed/fEpIS2oAVb8?si=Y8mRc4yxGMTcYemk" 

«Таза энергия». Осындай тақырыпта Астана кітапханаларында кітап көрмесі ашылды. Шараның негізгі ұйымдастырушалары Астана қалалық орталықтандырылған кітапханалар жүйесі мен «Қазақстандық атом электр станциялары»  компаниясы. Аталған шара бір күндік емес. Көрме бір ай бойы кітапхана оқырмандарына қолжетімді болады. Кіру тегін. Сондай-ақ, бүгін кітапхана оқырмандарына «АЭС: ТҰРАҚТЫ ЭНЕРГИЯ»  атты 20 минуттық фильм көрсетілді. Ондағы мақсат – атом электр станциясының алдағы жұмысы туралы кітапхана оқырмандары назарына толыққанды ақпарат ұсыну. Халық арасында таза энергия өндіру жолы АЭС туралы үстіртін әңгімелер айтылғанмен, ғалымдар дәлелдеген, ғылыми еңбектер мен деректі фильмдер айтарлықтай көп емес. Сондықтан, ғылыми тұрғыда дұрыс түсінік қалыптастыру үшін осы деректі фильмді арнайы көрсеттік дейді ұйымдастырушылар.

АСУАН СИЯБЕКОВ «ҚАЗАҚСТАНДЫҚ АТОМ ЭЛЕКТР СТАНЦИЯЛАРЫ» ЖШС ЖЕТЕКШІ ИНЖЕНЕРІ «Бүгінгі іс-шара өте ерекше. Бұндай шара бұрын-соңды болмаған. Кітапханада «Таза энергия» тақырыбындағы мәселелерді көтеру. Тек қана таза энергия айналып келіп физика, экологияға тіреледі ғой. Ғалымдардың еңбектері тек қана жазылған кітаптар ғана емес, ішінде экологиялық тұрғыда, қоршаған ортаны бағалау бойынша элементтерді алып қарасақ пайдалы білім алуға болады. Көрме бір ай көлемінде жүреді. Келем деушілерге есік ашық. Келіп білім алсаңыздар болады».

https://www.youtube.com/embed/TMPglGIB6nw?si=LNRjK6IxdmPO894Q" 

Балалар жазушысы, ақын,сценарист  Бердібек Соқпақбаевтың 100 жылдығына арналған іс-шаралар легі ел өңірлерінде әлі де жалғасуда. Бүгін Алматыда белгілі қаламгер құрметіне арналған 3 кітаптың тұсауы кесілді. Мазмұнды еңбек «Атамұра» баспасының қолдауымен оқырманға жол тартып отыр. Толығырық тілші бейнематериалында.

Шығармасында “Өлгендер қайтып келмейді”деп күрсініп, бірақ өлместей етіп қайта тірілткен қаламгердің туындылары ел жадында мәңгі сақталған.  Айтулы еңбектері әлемнің көптеген тіліне аударылған Бердібек Соқпақбаевтың есімі күллі түркі елдеріне мәлім. Жазушының мерейтойына арналған іс-шарада әдебиет танушылар мен әдебиет сүйер жастар бас қосты. 

ҚҰЛ-МҰХАММЕД РАҚЫМҒАЛИ «АТАМҰРА» КОРПОРАЦИЯСЫ ЖШС ПРЕЗИДЕНТІ;  «Біз де осы 100 жылдықтың көлемінде баспагер ретінде ол кісінің бірнеше кітабын шығарып жатырмыз.Дәлірек айтқанда, «Менің атым- Қожа» 2 тілде, және «Балалық шақа саяхат» қазақшасы шықты жақын арада орысша нұсқасы да шығады.    Және біз бұл кітаптың соңғы нұсқасын бірнеше данамен шығарып отырмыз.Бұның ерекшелігі- біз бұған арнайы тапсырыс беріп, мұқабаға кинофильмнен және балалық шаққа саяхатқа  лайықталып, мұқабасында безендірдік, бір сөзбен айтқанда, ішкі мазмұны қандай тартымды болса, кітаптың мұқабасы да сондай деп ойлаймын.»

Баспагерлердің айтуынша, қаламгер шығармашылығы қай заманда болмасын өз құндылығын жоғалтпайды. Қазіргі таңда да оқырмандар асқан қызығушылықпен оқиды. Айта кетейік, бұл кітаптардың орысша нұсқасын жазушының туған қызы Самал Бердібекқызының өзі аударған.

САМАЛ СОҚПАҚБАЕВА   Б.СОҚПАҚБАЕВТЫҢ ҚЫЗЫ; «Мен ойлаймын бізге жасаған құрмет емес,ол ең бастысы менің әкеме көрсетіліп отырған құрмет Атамұра баспасының, бүкіл халқымызға беріліп отырған марапат.Сондықтан әкемнің кітаптары осы күнге дейін ешқандай үзіліссіз басылып, баспалардан шығып, оқырмандардың көңілдерінен шығып жатқаны мен үшін үлкен бақыт,ол әрбір жазушының мақсаты, арманы.Бүгінгі  мынау Атамұра Мен ойлаймын біздің елімізде ең сондай беделді, ең халық жақсы көретін баспа. Сондықтан бүгінгі шараны өте жоғары деңгейде өткізді деп айта аламын, көп-көп рақмет, алғысым шексіз». 

Классик жазушының  шығармалары тіпті француз тілінде екінші рет басылып отыр.  Оның мәңгі өлмес туындылары жас ұрпақтың жүрегін тербеп, жанына рухани азық берері сөзсіз.

https://www.youtube.com/embed/vXTs7k5elqw?si=_zWqKl9yyBPz8N0y" 

Жас ұрпаққа өмірлік азық болар біліммен қатар,олардың жан жақты дамып,жеке тұлға ретінде қалыптасуын қадағалауда ұстау білім ошақтары үшін басты мақсат. Мамандық таңдауда бағыт беру үшін Алматы қаласы Алатау ауданы нөмері 169 мектеп -лицейінде кәсіби бағдар жүргізу мақсатындағы шеберлік сағаттары өтті. Толығырақ әріптесім тарқатады.

Оқушының дүниетанымы мен қызығушылығын кеңейте отырып,белгілі бір кәсіпке, мамандық таңдауға бағыт беретін бұл шеберлік сыныптары оқушының бейімділігіне қарай жүзеге асады. Оқушы, мектеп, ата-ана арасындағы байланыс үйлесімін тапқан. Білім ошағы Алматы қаласындағы  Абай атындағы Қазақ Ұлттық педагогикалық университетімен,Алматы мемлкеттік бизнес колледжімен меморандумға отырған. Байланыстары өте тығыз артып   аптасына бір күн оқушыларға өздерінің мамандықтарын насихаттайды. Педагогикалық сынып жобасы қарқынды жұмыс істеуде.   

ПАТШАГҮЛ АЛМАҒАМБЕТОВА АЛМАТЫ ҚАЛАСЫ,АЛАТАУ АУДАНЫ № 169 МЕКТЕП-ЛИЦЕЙІНІҢ ДИРЕКТОРЫ

ТОЛҚЫН ЖАНҒАЗИЕВА АБАЙ АТЫНДАҒЫ ҚАЗҰПУ ПЕДАГОГИКА КАФЕДРАСЫНЫҢ АҒА ОҚЫТУШЫСЫ

Шеберлік сыныптары аясында ерте жастан кәсіптік бағдар беру тәжірибесі бойынша бастауыш сынып оқушылары Мен кім болам тақырыбында эссе жазып, бейнелеу өнері арқылы болашақ мамандықтарын қағаз бетіне түсірді. Осы арқылы баланың ерекше қабілеті анықталып,мамандық таңдауға көмек беріледі. 

МАДИНА ТӘЙТЖҰМА 11- СЫНЫП ОҚУШЫСЫ

АҚНҰР АСҚАРБЕК  10-СЫНЫП ОҚУШЫСЫ 

Бұл атқарылып жатқан еңбектің барлығы Еліміздің ертеңі жастардың нағыз маман иесі атанып,еліміздің дамуына зор өз үлесін тигізетін азамат болып қалыптасу жолындағы қарқынды жұмыс.

https://www.youtube.com/embed/9--bs8kIw2I?si=2Sg88NU3F33l1E_l" 

https://www.youtube.com/embed/f8nvFrdLIkE?si=efk4KpuqwMncNC2F"

Шымкент қаласындағы мыңнан аса жұмысшысы бар «Водные ресурсы маркетинг» ЖШС кәсіпорнына қауіп төніп тұр дейді басшылар. Айтуларынша,  «Стратегиялық нысан» деген сылтаумен Шымкент қалалық әкімдігі, қала әкімі Ғабит Сыздықбеков кәсіпорын басшыларына қысым көрсетіп жүр. Соңғы бір жылда кәсіпорын заңсыз тексерулердің астында қалған. Журналистерге базынасын айтқан кәсіпорын басшылары құқықтарының тапталып жатқанын мәлімдеді. 

Президент Қасым-Жомарт Тоқаевтың қолынан «Алтын Сапа» сыйлығын алған кәсіпкер Анарбек Орман қазіргі уақытта Шымкент қаласы әкімдігі тарапынан рейдерлік қудалауға ұшырап жатырмын дейді.

АНАРБЕК ОРМАН «ВОДНЫЕ РЕСУРСЫ МАРКЕТИНГ» ЖШС ҚҰРЫЛТАЙШЫСЫ «Біз 26 жыл болды мемлекеттен 1 теңгеде алмай, өзіміздің тапқан табысымыздың 41%-ын тозығы жеткен құбырларды ауыстырып,  солардың жұмыс істеу қабілетін жоғарғы деңгейде жеткізу саласында қызмет етіп келеміз.  Мен айттым не үшін мемлекетке қайтарып алғыңыз келеді десем «стратегиялық нысан» дейді мен айттым біздің кәсіпорын 1998 жылы құрылғанын айттым. Ол кезде ондай заң жоқ болатын. Ол заң кейіннен пайда болды Бұл әкім келді де, «мемлекетке қайтарам» деді. Біреудің сөзіне ерді ме, не өзінің ойы болды ма, мемлекетке қайтаратынын жария етті. Содан бері бір жылға жақындап қалды. 

Шымкент қаласының әкімдігі бүгінге дейін компанияны үш рет сотқа беріп, үш рет арызын қайтарып алған. Бір миллионға жуық адамды сапалы ауыз сумен үздіксіз қамтамасыз етіп отырған кәсіпорын жайлы Үкіметке үнемі жалған ақпараттар беретін көрінеді.

САҒАТБЕК ЖҰМАН, АДВОКАТ «Энергеитка және инфрақұрылымды даму басқармасы әкімдікке қарайды. Сол мекеме біздің мүлкімізді мемлекеттің меншігіне қайтару жөнінде 3 рет талап арыз берілді. Басында берілген талап арыз қазақ тілінде, кейінгі талап арыз тілінде берілді. Бірақ ақзіргі таңда берілген барлық талап-арыз, өздерінің арыздары бойынша, қараусыз қалдырылды. Біздің ойымзша, қараусыз қалдырылуы  бұл талапты қанағаттандыруға ешқандай негіз жоқ. Ол сотта өздерінің жеңілетіндерін білді. Сондықтан олар осылай қамданып, арыздарын қайтарып алды. Дегенмен олар қайтадан арыз береді ме деген қауіп бар. 

Бір жылға жуықтаған дау-дамай халықаралық дау тудыруы мүмкін дейді басшылық. Себебі компанияның Еуропалық даму және қайта құру банкіне 12 млрд теңге берешегі бар. Беделді халықаралық ұйым өзі инвестиция салған жобаның болашағына алаңдаулы және егер Шымкент әкімдігі кәсіпорынға қарсы заңсыз рейдерлік әрекетін тоқтатпайтын болса, халықаралық арбитражды сот процесін бастау қаупі бар. Бұл Қазақстанның инвестициялық тартымдылығына үлкен нұқсан келтірмек дейді мамандар.

https://www.youtube.com/embed/CABSbgF9dWU?si=-71OoCvEqaLEuUHR" 

19 қарашада Қарағанды, Жезқазған, Балқаш, Теміртау, Өскемен, Семей, Риддер, Атырау, Ақтөбе, Алматы, Астана қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді деп хабарлайды «Қазгидромет» орталығының мамандары.

Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың тымық ауа райы, жеңіл жел, тұман, инверсияның жиынтығы дейді олар.Бұл өз кезегінде аталмыш аймақтардағы атмосфералық ауа сапасының нашарлауына алып келуі мүмкін.  

https://www.youtube.com/embed/3hkQmFJPGYw?si=7V8nWS_sBE-w6C9h"

Алматыда қазан айында басталған «Таза Қазақстан» республикалық бағдарламасы аясындағы күзгі ағаш отырғызу науқаны белсенді түрде жалғасуда. Толығырақ келесі бейнематериалда.

Адам мен табиғат арасындағы байланыс тіршіліктің тамырына қан жүгіртеді. Мемлекет тарапынан да қоршаған ортаға деген қамқорлық аясы кеңейе түсуде. Бұл бастаманың негізгі мақсаты – жасыл желектердің тіршілік ету деңгейін арттыру ғана емес, сонымен қатар Алматының жасыл қорын сақтау және кеңейту.

ДӘУЛЕТ БАҚЫТЖАНОВ ЭКОЛОГИЯ ЖӘНЕ ҚОРШАҒАН ОРТА БАСҚАРМАСЫНЫҢ БАС МАМАНЫ; «Қазір Алматы қаласы бойынша 150мыңнан аса көшет отырғызылды, жылдың соңына дейін әлі де күтілуде 320мыңға дейін отырғызылу. Оның барлығы ауа райының қолайлығына байланысты.Негізгі отырғызылу Алатау ауданының төңірегінде жүргізіліп жатыр. 0:50- 01:14 Күтіміне келетін болсақ,жасыл желектерді қорғау қағидаларына сәйкес, отырғызылған ағаштар бойынша 3 жылдық күтім мердігерлік ұйымға жүктеледі.Яғни ол ағаштарға өлім, қурау, дұрыс күтім жүргізілмеген жағдайда мердігер ұйым өз қаражатына қайта қалпына келтіру шараларын жүргізетін болады.»

Айта кетейік, осы мақсатта жыл бойынша, 11 қосымша ұңғыма қазылып, 110 шақырым тамшылатып суару жүйесі орнатылды, бұл 220 мыңнан астам жаңа ағашты суаруға мүмкіндік береді. Бұған қоса, аудан әкімдіктері 58 учаскеде жалпы ұзындығы 187 шақырым болатын автосуару жүйелері орнатылды.

Статистика бойынша Көгалдандырумен қатар, өлі, жарамсыз ағаштар былтырғы жылмен салыстырғанда біршама азайған.

ДӘУЛЕТ БАҚЫТЖАНОВ ЭКОЛОГИЯ ЖӘНЕ ҚОРШАҒАН ОРТА БАСҚАРМАСЫНЫҢ БАС МАМАНЫ; «Себебі құлау статистикасына келетін болсақ, қазіргі таңда авариялық қураған ағаштарды кесу жұмыстары, қалада құлау фактілері азайған».

Қазіргі таңда аудан бойынша-3500,  үйлердің аулаларында 1000ға жуық ағаш отырғызылуда,сонымен қатар Мамандардың сөзінше барлық отырғызылу ауа-райына байланысты жүргізіледі.

https://www.youtube.com/embed/3xmbTTBjWx8?si=aeJJoFxjVlE309ZY" 

Жаппай декларациядан кімдер босатылды? Енді мектептегі балаларды сапасыз тамақтандырғаны үшін кімдер жауапкершлікке тартылады? Біріңғай уақыт белдеуі «сағат тілі» қайта кері ауыса ма? Бүгін Үкімет мүшелері осы сауалдарға жауап іздеді. Үкімет отырысынан толығырақ тілші тарқатады. 

Жаппай декларациялау басталғалы 4 млн-нан астам қазақстандық есеп тапсырып үлгеріпті. Олар: мемлекеттік қызметшілер, квазимемлекеттік сектор мен бизнес өкілдері. Ал, келер жылдан бастап, жаппай ел азаматтары декларация тапсыруы тиіс еді. Алайда, бүгін үкімет күтпеген мәлімдеме жасады. Жоғарыда аталған санатқа жатпайтындар, яғни студенттер мен зейнеткерлер және үй қызметіндегі адамдар есеп бермейді. 

ОЛЖАС БЕКТЕНОВ ҚР ПРЕМЬЕР-МИНИСТРІ: «2025 жылы барлық қалған санаттағы азаматтар декларация тапсырады деп жоспарланған болатын. Бұған халық алаңдаушылық білдірді, сондықтан аталған мәселеге Мемлекет басшысы өзінің назарын аударды. Бүгінгі таңда мемлекеттік органдардың деректер базасы барынша цифрландырылған. Қаржылық және валюталық бақылау күшейтілді. Халықаралық келісімдер шеңберінде шоттар бойынша деректер алмасу жолға қойылды. Цифрлық қызметтер кең таралған. Сондықтан жалпы алғанда, жеке тұлғалардың активтері бойынша барлық ақпарат бар».

Мектеп асханаларына енді үкімет деңгейінде назар аударылып, тексеріс күшейетін болды. Себебі, соңғы кездері сапасыз асқа қатысты арыз-шағым көбейген. Ал, балалардың жейтін тамағы ол бәрінен де маңызды. Сондықтан енді, мектептегі тамақтану үшін шенеуніктер жауап береді. Егер, сапаға сай келмейтіні анықталса, онда олар әкімшілік жазаға тартылады. 

ҒАНИ БЕЙСЕМБАЕВ  ҚР ОҚУ-АҒАРТУ МИНИСТРІ: «Мониторинг кезінде, Жамбыл, Маңғыстау, Алматы, Атырау облыстарының және Шымкент қаласы әкімдіктерінің тарапынан мектептерде сапалы тамақтануды ұйымдастыруға тиісті деңгейде көңіл бөлінбей отырғандығы анықталды. Бұл аталған өңірлердегі әкімдіктердің тамақтандыру сапасына ерекше назар аударып, бақылауды күшейту қажеттілігін көрсетеді».

Айтпақшы, талай мәрте көтеріліп, халық сынына ұшыраған біріңғай уақыт белдеуіне қатысты жауапты министрлік мәселенің нүктесін қойды. Айтуынша, бұндай жаңашылдық ел азаматтарына кері әсер етпеген. Зерттеу оң нәтиже көрсетті дейді. Министрдің сөзін үкімет басшысы да қолдады. Сонымен, елімізде «сағат тілі» қайтадан кері ауыспайтын болды. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Уақыт белдеуі бойынша сауда министрі өз баяндамасында қолданыстағы уақыт белдеуіне қатысты жан-жақты дәлелдерді келтіре отырып, нақты жауап берді. Үкімет бұл шешімді қолдайды. Біз бірыңғай уақыт белдеуіне бекерден бекер ауысқан жоқпыз. Ел аумағының көп бөлігі бесінші уақыт белдеуінде орналасқан. Сондықтан, бұл ғылыми тұрғыдан дұрыс шешім. Сауда, ақпарат министрлігіне жан-жақты ақпараттық түсіндіру жұмыстарын жүргізуді тапсырамын».

Айта кетейік, Қазақстан биыл 1 наурыздан бастап біріңғай уақыт белдеуіне көшкен болатын.