Премьер-Министрдің орынбасары – Ұлттық экономика министрі Серік Жұманғарин Үкіметтің кеңейтілген отырысынан кейін өткен баспасөз мәслихатында мемлекеттің осымша құн салығының мөлшерлемесін көтеру жоспарына түсініктеме берді.
Вице-Премьер қазіргі уақытта 2,3 млн-нан астам тіркелген салық төлеушілердің ішінен қосымша құн салығын тек 88 мың, яғни 4% ғана төлейтінін мәлімдеді. Бұл қосымша құн салығы бойынша есепке қоюдың жоғары шегіне (78 млн теңге) байланысты болмақ. Ел Үкіметі ҚҚС мөлшерлемесі көтерілген жағдайда, қажеттілік туындаса, атаулы әлеуметтік көмекті, зейнетақыны және жалақыны индексациялайтынын атап өткен еді. Брифинг барысында қосымша құн салығы көтерілсе азық-түлік бағасына қалай әсер ететіндігі де айтылды.
СЕРІК ЖҰМАНҒАРИН ҚР ПРЕМЬЕР-МИНИСТРДІҢ ОРЫНБАСАРЫ – ҰЛТТЫҚ ЭКОНОМИКА МИНИСТРІ: “Қазір БАҚ-та қосылған құн салығының мөлшерлемесін бірден 20 пайызға көтереді екен деген ақпарат тарап жатыр. 20 пайыз деген – әлемде ең көп таралған мөлшерлеме. Біз Үкімет ретінде әзірге нақты мөлшерлемені әлі нақты айқындаған жоқпыз. Шынымды айтып отырмын. Неге? Өйткені біз бизнесмендермен, қауымдастықтармен түрлі консультациялар жүргізіп жатқанымызға бір ай болып қалды. «Атамекен» ұлттық кәсіпкерлер палатасының алаңдарында кездесулер өткізіп жүрміз. Бізде бірқатар консультанттар, жетекші экономистер, салық мамандары бар. Олар да түрлі есептер, стресс-сынақтар жүргізіп жатыр. Біз Ұлттық банк өкілдері, ірі кәсіпкерлер және сарапшылармен пікір алмастық. Олар арнайы макроқажылық модельдер арқылы есептейді. Бағаның көтерілуі тауарларға байланысты. Меніңше, күнделікті тұтынып жүрген тауарлар шамамен тек 5-6 пайызға артық көтерілмейді, алайда инфляция артады. Дегенмен ол да қысқа мерзімді ғана болмақ, яғни бір жылдық артық көтерілмейді. Оның үкіметке берері көп. Өйткені 6-7 трлн қосымша ақша үкіметтің даму бюджетіне барады.”
Энергетика министрі Алмасадам Сәтқалиев журналистердің сұрақтарына жауап бергенде тағы бір АЭС не үшін керегін айтты. Сондай-ақ ол Референдум өткізудің қажеті жоқ екендігін. Заңнамаға сәйкес, бұл станция Үкіметтің шешімі негізінде салынатынын мәлімдеді.
АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ: «Мемлекет басшысы бүгін ядролық кластер құру туралы мәселені көтеріп, Үкіметке тапсырма берді00. Ядролық кластер ол мүмкіндіктерімізді максимал тұрғыда қолдану дегенді білдіреді, оның ішінде уран өнімдерін өндіру, құрастыру және ғылыми әлеует. Енді бұл әлеуетті толық іске асыру үшін бірнеше атом электр станциясының ресурстары қажет. Бүгін біз тиісті нұсқау алдық – екінші станция үшін учаскені таңдау. Бұл аймақты таңдаған кезде энергия балансының болжамын негізге аламыз.»
Брифинг барысында энергетика министрі мұнай өнімдері мен сұйытылған газ бағасы биыл кезең-кезеңімен қымбаттайтынын атап өтті.
