Темірден түйін түйген Петропавлдық ұста Талғат Кенжетаев жұмысына жауапты нағыз еңбек адамы. Осы салаға жиырма жылын арнаған шебер туралы келесі сюжетте. 

Тылсым сыры бар қасиетті кәсіп Талғат Кенжетаевқа әкесінен дарыған. Бала кезінен ақ бұл кәсіпке аңсары ауған Ұста  темірді қыздырып, небір тамаша дүниелерді жасайды. 

ТАЛҒАТ КЕНЖЕТАЕВ ТЕМІР ҰСТАСЫ: «Мен жаңағы істеп жатқан жұмыста 60-70 градуста істеуге болады. Одан кейін темірге байланысты қалыңдағына. Ең қатты қызғаны 500 ге дейін барады. жұмыс болған соң істеу керек қой. Одан не қорқатыны бар. Ауыр болса да, жеңіл болса да бәрібір істеу керек. Өзіме ұнаған нәрсе қиын деп ойламаймын».

Халық сенімінде ұста да, оның құралдары да киелі саналған. Осындай ұлық өнерге бүгінде жастардың қызығушылығы аз дейді кейіпкеріміз. 

ТАЛҒАТ КЕНЖЕТАЕВ ТЕМІР ҰСТАСЫ: «Мұндай мамандыққа жастардың келмеуі олар көп білмейді, темір ұстап жандарын қинағысы келмейді. Екіншіден жалақы аз деп ойлаймын. Жұмысшылар жылы деп айтып жатыр гой. Сол жылы осы жақтарға көңіл бөліп, мамандықтар жоғалмас үшін көңіл бөліп, жалақысын көтерсе, жастарды тартса дейміз. Біздің ойымыз сол».

Адамның төзімін де,күш қуатын да талап ететін ұсталық өнер екінің бірінің қолынан келе бермес дүние екені даусыз. Атадан балаға аманат болып келе жатқан қолөнер түрінің жібін үзбей жалғап келе жатқан ұсталарға бас имеске болмас.