Израиль жексенбіден дүйсенбіге қараған түні Газаны бомбалауды күшейтті. Бұл туралы Палестина тарапы ондаған адам өлтірілгенін айтты. Бұған дейін Израиль Премьер-Министрі Беньямин Нетаньяху кепілге алынған адамдарды босатудың жалғыз жолы – ХАМАСҚА қарқынды әскери қысым жасау екенін айтқан болатын.

БЕНЬЯМИН НЕТАНЬЯХУ ИЗРАИЛЬ ПРЕМЬЕР – МИНИСТРІ: "Біз қаза тапқандардың еркіне ереміз. Соңына дейін күресіп, ХАМАСТЫ жою, барымтадағы барлық адамдарды босату және Газаның қайтадан террордың орталығы болмауын қамтамасыз ету сынды барлық мақсаттарымызға жетеміз".

Жұма күні Израиль барлау бөлімінің бастығы мен Катар премьер – министрі арасында келіссөздер өтті. Бұл кепілге алынған адамдарды ертерек босатуға, бір аптаға атысты тоқтатуға және палестиналық тұтқындарды босатуға делдал болды. ХАМАС содырлары 7 қазанда Израильдің оңтүстігіне шабуыл кезінде тұтқынға алынғандарды босату туралы мәселені талқыламайтынын айтты. Газада оқ атудан басқа қарқынды шайқастар жалғасуда. Байланыс бірнеше күннен бері жұмыс істемейді, бұл зардап шеккендерге қол жеткізуді қиындатады. Аль-Шифадағы ең үлкен аурухана науқастарға толып жатыр.

ШОН КЕЙСИ ДДҰ ӨКІЛІ: "Ауыр жарақаттары, күйіктері немесе ашық жаралары бар балалар еденде емделеді. Олар операциялық бөлмелерді қалпына келтіру үшін күресуде. Реанимация бөлімі жоқ, науқастарды Шифадан ауыстыру мүмкін емес. Бұл абсолютті хаос".

Сонымен қатар, Израильдің үш кепілдің жасырылған Газа секторындағы ғимараттың қабырғаларында "SOS" және "көмек" деп жазылған плакаттары табылды. Оларды Израиль әскери күштері қателесіп өлтірді. Израиль күштері сонымен қатар Газа мен Израиль шекарасындағы ең үлкен бетон ХАМАС туннелін тапқанын мәлімдеді. Ол содырлары бар көліктерді тасымалдауға арналған. Ұзындығы төрт шақырымдық туннель топтың басқару орталығынан Израиль шекарасындағы Эрез бақылау-өткізу пунктіне дейін созылады. Жүздеген шақырымдық жерасты өткелдері мен бункерлерді бұзу немесе істен шығару Израиль шабуылының негізгі мақсаттарының бірі болып табылады.Осы уақытта Тель-Авивте кепілге алынған отбасылар Израиль Қорғаныс министрлігінің жанында лагерь құрды. Олар үкімет ХАМАСПЕН келісім жасасқанға дейін сол жерде болуға уәде берді.

КЕПІЛГЕ АЛЫНҒАН АДАМНЫҢ ТУЫСЫ: "Мен үшін бүгін осында болу өте маңызды, өйткені біз Үкіметке көбірек қысым жасауымыз керек. Оларға кепілге алынған жағдайды шешу керек екенін еске салуымыз керек және мәміле дәл қазір жасалуы керек, өйткені келіссөздерге уақыт жоқ. Біз оларды армияның көмегімен құтқаруға тырысқанша күте алмаймыз. Мұны дипломатиялық келіссөздер арқылы жасау керек".

7 қазандағы тосын шабуыл кезінде ХАМАС 1200 адамды өлтіріп, 240 адамды кепілге алынды.