Алматы облысына қарасты Қонаев қаласында облыстық есірткі қылмысына қарсы іс-қимыл басқармасы қызметкерлері мен өңірлік Ұлттық Қауіпсіздік Комитеті Департаменті бірлесіп, прокуратураның үйлестіруімен жедел-іздестіру шаралары нәтижесінде 43 жастағы жергілікті тұрғын ұсталды. Күдіктінің үйін тінту барысында екі келіден астам салмақтағы есірткі құрамдас өсімдіктер анықталып, тәркіленді.

Сараптама бұл заттардың каннабис екенін және заңсыз сақталған шолақ аңшы мылтығы екенін дәлелдеді. Есірткі құрамдас өсімдіктерді заңсыз өсіру және қару сақтау фактілері бойынша қылмыстық іс қозғалды. Күдікті уақытша ұстау изоляторына қамалды, – деп хабарлайды ведомстводан.