https://www.youtube.com/embed/aa6VcWta7Fk?si=ao9FyKe_HIR5mCul" 

Қарызы бар тұрғындардың табиғи газы тоқтатылады. Осындай жоспармен Қызылордалық қызметкерлер рейдке шықты. Себебі өңірде коммуналдық қызметтің құнын төлемегендер қатары көбейген. Ал қарыз мөлшері 800 миллион теңгеге жуықтапты. 

Қаладағы Шевченко 126 мекенжайындағы бұл  борышкердің қарызы  200 мың теңгеден асып кеткен. Соңғы төрт айдың төлемін тіпті мүлде жасамаған. Қаншама рет «QazaqGaz Aimaq» мамандары тарапынан келген түсіндірмесіне пысқырып қарамай, ажыратылған жүйені өздігінен қосып ала беретін көрінеді. Үй иесінен рұқсат алған сала мамандары газ қондырғысын ажыратып кетті. 

ЖОЛДАСБЕК ӘБЕНОВ «QazaqGaz Aimaq» АҚ ҚЫЗЫЛОРДА ӨНДІРІСТІК ФИЛИАЛЫНЫҢ  БӨЛІМ БАСШЫСЫ 
Қазіргі уақытта Қызылорда облысы бойынша газдандырылған тұтынушылар саны 138 254 құрайды. Біз қарызын төлемеген,төлеу күнінен асып кеткен тұрғындарды аралау арқылы қарыз төлемдерін өндіреміз. Бүгінгі аралауда біз Шевченко 126 мекен жайына келіп тұрмыз. Ең алдымен жұмысты бастамай тұрып, тұрғынмен кездесіп,келісімін алатын боламыз. Бұл тұрғын үйдің иесі әзірге төлей алмайтындығын айтып,кейін төлейтінін жеткізді. Үй иесінің келісімімен газ қондырғысын ажыраттып жатырмыз. Жалпы алдыңғы жылға қарағанда қарыз көлемі азайып келе жатыр. Және бір ескертетін жәйт төлем жасалғаннан кейін ажыратылған газ қондырғысын өзіміз жөндеп жалғап береміз.

Сонымен қатар, қаланы көгілдір отынмен қамтамасыз етіп отырған мекеме шаһардың орталық аумақтарындағы борышкерлерді де аралады. Газ желісіне қосылғалы бері немесе бір жыл көлемінде бұл коммуналдық қызметтің ақысын ұмытқан жандар да баршылық екен. Мысалға Есқараев көшесінің 125 мекен жайындағы тұрғын соңғы 2 ай бойы газқызметін төлемеген. Қарызы 80 мың теңгенің көлемі болған. Есік қаққан сала мамандары үй иесінен жауап ала алмады. Сондада сала мамандары осы уақытқа дейін ескерту берілгендігін ескеріп, газ қондырғысын ажыратты.

Айта кету керек 2023 жылдың 1 маусымнан бастап облыс бойынша халықтың мерзімі өткен қарызы 1 173 миллион теңгені құраса, қазіргі таңда облыс бойынша мерзімі өткен қарыз 789 млн теңгеге жуықтаған. 

https://www.youtube.com/embed/meyqcbtdIEE?si=rDk4dSDNn2msCxPX" 

Бұдан былай елімізде журналистердің қажетті ақпаратты жылдам алуына мүмкіндік жасалады. Тілшілер құқығы енді заңмен қорғалады. Бүгін Сенат депутаттары масс-медиа туралы заң жобасын қабылдады. Жаңа құжат күшіне енсе не өзгереді? Төртінші билік өкілдерінің жағдайы мен тұрмысы түзеле ме? Алдағы бейнематериалда.  

Алдымен заңның жаңалығы мынада «бұқаралық ақпарат құралдары» сөзі енді «масс-медиа» сөзімен ауыстырылады. Осы мақсатта 6 кодекс, 22 заңға өзгеріс енеді. Бұл жаңа құжаттың басты мақсаты – осы заман талабына сай жаңа медиа кеңістікті қалыптастыру. Енді мемлекеттік емес телеарна мен газет журнал, сайттар да мемлекеттік грант ала алады. Журналистердің мемлекеттік органга жазған сауалына бес күннен жеті күн аралығында бірақ міндетті түрде жауап беріледі. Суицид жасау тәсілдері мен суицидке шақыру туралы ақпарат таратуға қатаң тиым салынады. 

АЙГҮЛ ҚАПБАРОВА ҚР ПАРЛАМЕНТІ СЕНАТЫНЫҢ ДЕПУТАТЫ: «Мемлекеттік тілдегі теле-радиобағдарламалардың апта сайынғы көлемін 50%-дан 60%-ға дейін кезең-кезеңімен ұлғайту белгіленді (2025 жылдан бастап 55%, 2027 жылдан бастап 60%). Отандық теле-радио бағдарламалардың және қазақстандық авторлардың/орындаушылардың музыкалық шығармаларының отандық теле-радиоарналардағы көлемін 50%- дан 60%-ға дейін кезең-кезеңімен ұлғайту (2025 жылдан бастап 55%, 2027 жылдан бастап 60%) көзделген. Отандық теле-радиоарналардағы шетелдік бағдарламаларды ретрансляциясын 20%-дан 10%-ға дейін азайту% белгіленді».

Бұл заң жобасына енген нормаларымен депутаттар толық келісті. Алайда, сенаторлар болашақ журналисттерді даярлайтын оқу орындарының бағдарламасына көңілдері толмайды. 

ӘЛІШЕР САТВАЛДИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: «Фактілер жеткілікті болғанымен, сары баспасөзге тән материалдар көбейгені байқалады. Аналитикалық материалдар өте аз. Бұл жағдай журналистерді дайындау процесінде олқылықтар бар деген емес пе? Болашақ журналистер ЖОО-ларда заманауи талаптар мен бүгінгі қалыптасқан жағдайдың шынайы болмысы туралы білімді қаншалықты толық ала алуда? Олардың оқу бағдарламаларын қайта қараудың қажеттілігі бар ма?»

Бұл сауалға жауап берген ғылым және жоғарғы білім вице-министрі елімізде тілшілерді 35 ЖОО-ны дайындайды дейді. Бүгінде онда 5700 болашақ журналистер білім алуда. Оның 300-і магистратура, 50-дей студент докторантурада оқуда. 

ДАРХАН АХМЕД-ЗАКИ ҚР ҒЫЛЫМ ЖӘНЕ ЖОҒАРҒЫ БІЛІМ ВИЦЕ-МИНИСТРІ «Біздегі оқу бағдарламаларының реестрі ішінде 105 оқу бағдарламасы тіркелген. Бакалавриат бағыты бойынша – 66, магистратурада – 32. Қазір журналистерге қойылған талаптар кәсіби стандарттар арқылы жүзеге асады. Оқу бағдарламаларын жаңарту бойынша жұмыстарды жүргізіп жатырмыз. Қойылатын талаптар әрі қарай күшейтілетін болса, оны қосымша қарауға дайынбыз».

Аталған заң күшіне енсе, медиа кеңістікте ақпарат қолжетімді, журналистер шынайы және төртінші билік өкілдерінің құқығы жан-жақты заңмен қорғалатын болады. Оның ішінде тілшілердің әлеуметтік жағдайлары да жақсарады. 

https://www.youtube.com/embed/FsEkBENw_nY?si=oEsK6dDhG6h-36SN"

Қазақстанда TIKTOK заңмен шектеледі. Бірақ бұғатталмайды. Мәдениет және ақпарат вице-министрі Қанат Ысқақов бұғаттау мәселесі күн тәртібінде жоқ екенін айтты.  

СНХ. ҚАНАТ ЫСҚАҚОВ ҚР МӘДЕНИЕТ ЖӘНЕ АҚПАРАТ ВИЦЕ-МИНИСТРІ:  «Біздің елде бұл әлеуметік желіні бұғаттау күн тәртібінде тұрған жоқ. Бірақ заңнаманы сақтау талаптары орындалмаған жағдайда қол жеткізуді шектеуге қатысты шаралар қолданылатын болады.  Заңға қайшы контенттердің жарияланбауын министрлік тікелей өзі бақылайды».

https://www.youtube.com/embed/t-DAdk2IbzM?si=LVHdw3OwrW4T8Uif"

https://www.youtube.com/embed/02AlVLkgKOM?si=D0KDz3NLt19aB7jS" 

Жазғы демалыс маусымы басталды. Бұл бойынша СҚО да биыл жалпы 11 сауықтыру лагері жұмыс істейді. Олардың тоғызы 10 маусым күні балаларды қабылдаса,қалған екі сауықтыру мекемесі су тасқынына байланысты жұмысын шілде айында бастамақ.  

Аймақтағы көктемгі су тасқыны салдарынан Қызылжар ауданындағы екі жазғы лагерь су құрсауында қалған тұғын.  Қазір сауықтыру орындарынан су толығымен тартылып, кептіру жұмыстары жүргізілген. «Орленок» лагерін қазір қайта қалпына келтіру жұмыстары басталған. Ал «Серебряный бордағы» жөндеу жұмыстары келесі аптаға жоспарланған. Айта кетейік, СҚО-ның Айыртау, Уәлиханов пен Ақжар, Тимирязев және Мамлют аудандарында жазғы сауықтыру лагерлері жоқ. Сол себепті, бұл ауданның оқушылары басқа жақта демалуға мәжбүр.Сонымен қатар, өңірдің түрлі санатқа жататын және тасқын судан зардап шеккен 522 баласы биыл Ақмола облысы Бурабайда «Қазақстан халқына» қоры есебінен демалатын болады. 

МАФРУЗА НАУАНОВА СҚО  БІЛІМ БАСҚАРМАСЫНЫҢ БӨЛІМ БАСШЫСЫ:  
«Биыл облыста жалпы алты мыңнан астам бала жазғы лагерьге барады деп жоспарланған. Мемлекеттік сауықтыру орындарының жолдама  бағасы 35мыңнан басталса, сенімгерлік басқаруға берілген 2 лагерьде 50мың теңге. Ал Тайынша ауданының қарамағындағы бірақ Бурабайда орналасқан «Эделвейс» лагеріне жолдама 65мың теңге мен 100 мың теңге аралығында. Бірақ Тайынша ауданының балалары бұл сауықтыру орнына 35 мың теңгемен бара алады». 

https://www.youtube.com/embed/0vj-ATmq6vo?si=x6tDqI06INH0OPqm" 

“Басқадан кем болмау үшін біз білімді, бай һәм күшті болуымыз керек. Білімді болу үшін оқу керек. Бай болуға кәсіп керек» деп  Алаштың арысы Ахмет Байтұрсынұлы бекер айтпаған. Расымен кәсіптен,нәсіп тапқысы келетіндер алдымен білім алып,бір мамандық иесі болуы қажетті. Таңдаған салаңа салғырт қарамай ілім алсаң,нәтежие боларын өмірдің өзі көрсетіп отыр. 

Ұлт ұстазы Ахмет Байтұрсынұлы өзінің “Оқу жайы” атты мақаласында “Бұл күнде оқудың керек екеніне ешкімнің таласы жоқ. Қай жұрт болса да оқумен ілгері басып тұрғандығын, кейін қалудың себебі оқудың кемдігінен екенін көріп тұрамыз” деп жазады. Алаш арыстары жастардың заманға сай білім алып, озық ойлы болуын армандады. Қазіргі таңда жастардың білімге бас қоюы күн тәртібіндегі маңызды мәселеге айналып отыр. Өздеріңіз көріп тұрған мына білім шаңырағында қоғамға қажетті,заманауи салаға жастарды даярлап келеді. Бүгінде бұл жерде 700-ден астам студент тәлім алады.Биыл, 400-ге жуық талапкерлерді қабылауға әзір.Бүгін ұстаздар ұжымы кішкентай бүлдіршіндерге есігін айқара ашып,саяхат жасауға мүмкіндік берді.

КАМАЛ ӘМІРҒАЛИҰЛЫ АЛМАТЫ ҚАЛАЛЫҚ АДИК ДИРЕКТОРЫ

Жазғы демалысқа шыққан балалардың бос уақытын құр өткізбеуді білім басқармасы қолға алып отыр. Жастарды осындай кәсіптік білімге бағыттап келе жатқан оқу орындарына жіберуде. Мұнда ұлттық аспаптарымызды жасау технологиясын көзімен көріп,қолымен ұстауда.Тіпті домбыра қаңқаларын жонып, уақыттарын тиімді пайдалануда.

НАЗЫМ ЖҰПТЫБАЕВ  АЛМАТЫ ҚАЛАЛЫҚ АДИК ӨНДІРІСТІК ОҚЫТУ ШЕБЕРІ

КАМАЛ ӘМІРҒАЛИҰЛЫ АЛМАТЫ ҚАЛАЛЫҚ АДИК ДИРЕКТОРЫ

https://www.youtube.com/embed/zJuIR7RbL48?si=3CvOPDXvtilWVPXG" 

БҚО-да су тасқынынан баспанасыз қалған отбасыларға пәтер беріле бастады.Кейбір елдімекендерде тұрғын үйлердің құрылысы жүргізілуде.Бәйтерек ауданының Достық ауылында бірнеше отбасының баспанасын су басқан.Оның біріне мемлекет тарапынан пәтер сатып алыныпты. 

Бәйтерек ауданы Достық ауылының тұрғыны Ақмарал Сламғалиқызы - су тасқынынан зардап шеккен отбасының бірі.Алты жыл құтты қоныс болған басыбайлы баспанасын су шайып кеткен.Бір күнде шаңырағы мен мал-мүлкінен айырылған жанұя уақытша қауіпсіз жерге орналастырылған. Арнайы комиссия тиісті жұмыстар жүргізіп, баспананы тұруға жарамсыз деген шешім шығарған.Құжаттар реттеліп, көп кешікпей мемлекет тарапынан зәулім үйдің қожайыны атанды.Немерелері жаңа үйде асыр салып ойнап жүр.    

АҚМАРАЛ СЛАМҒАЛИҚЫЗЫ ДОСТЫҚ АУЫЛЫНЫҢ ТҰРҒЫНЫ

Тасқын кезінде Достық ауылындағы 2 үйді су басқан.Ауыл азаматтары мен төтенше жағдайлар саласының қызметкерлері күш біріктіріп,20 үйді қызыл судан аман алып қалған.Су тасқыны салдарынан келтірілген материалдық шығындарды жою жөніндегі комиссия үйлерге техникалық тексеріс жүргізуде. Зардап шеккен отбасылар материалдық көмекпен қамтылған. 
 
ЗӘУРЕ БАЙКЕНОВА ДОСТЫҚ АУЫЛДЫҚ ОКРУГІ ӘКІМІ АППАРАТЫНЫҢ БАС МАМАНЫ

Әкімдік өкілінің айтуынша, жалғыз тұрғылықты мекенін су басқан екінші отбасының баспанасын күрделі жөндеу таяу күндері басталмақ.

https://www.youtube.com/embed/f2vVQIK3mLY?si=ogWEHiTMFLY1ELwT" 

Соңғы уақытта киберқылмыс, соның ішінде интернет пайдаланушыларға қарсы алаяқтық жағдайлары жиілеген. Интернет қарақшының қармағына ілінгендер бұл кеселден қалай арылады. Осы мәселеге қатысты қаржылық мониторинг агенттігі Қызылордада халықтың қаржылық сауаттылығын арттыруға бағытталған «АФМ онлайн 2024» республикалық іс-шарасын ұйымдастырды. 

Бөтен адамның әлеуметтік желідегі аккаунтын пайдаланып, қаржылай көмек сұрайтын алаяқтардың әрекеті жиілеп, құрбандары көбейген. Бүгінгі форумда қатысушылар үшін қаржылық сауаттылық, қаржы пирамидаларының белгілері, инфоцыгандар мен алаяқтардан қорғану тақырыбында пікірлер айтылды.  
 
ЖАНДОС БАЗАРТАЙ ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ ПРОРЕКТОРЫ 

Алаяқтардың әдіс-тәсілдері күн сайын өзгеріп, жаңарып отырады.Көбінесе, құрбанына инвестиция салу, бәс тігу, ойын және лотереяны жарнамалайды. Хабарласқан қарақшы өз құрбаны жайлы барлық ақпаратты біледі. Форум университет студенттерінің сауаттылығын арттыруда үлкен пайдасын тигізбек. 

ТЕМІРЛАН АБЖАНОВ ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ СТУДЕНТІ

Былтыр елімізде 5 мыңға жуық интернет алаяқтық жасалған.Алайда пирамида секілді пысақайлардың  арбауына алданып қалмас үшін адамға қандай қасиет керек.Құрықтың қармағынан құтылып шыққан адамдардың пікірін білген едік.

БАҒЛАН ӘБДІРАЙЫМОВ ӘНШІ, ПРОДЮСЕР

Құзырлы органдар қарапайым қауіпсіздік шараларына зер салуды ұсынды. Тосынан келген хабарламаларға жауап бермеу, тез баю немесе қомақты қаржы ұтыстарына қатыспауға шақырады. 

https://www.youtube.com/embed/3g9oHxh4_Iw?si=llk4JJsnj5PX9-33" 

Бұдан былай бәс тіккен мемлекеттік қызметшілер мен әскерилер жаппай жұмыстан шығарылады. Бүгін Мәжіліс азарт ойындарға тиым салатын осындай заң жобасын екінші оқылымда мақұлдады. Бары бұл ғана емес, енді 21 жасқа толмағандарға энергетикалық сусын да сатылмайды. Мұндағы басты мақсат – халық денсаулығын жақсартып, салауатты өмір салтын насихаттау.  

Енді елімізде букмекерлік кеңселер мен лотереяларды жарналамауға заңмен тыйым салынады. Ұялы байланыс операторлары да құмар ойындар мен бәс тігу туралы мәтіндегі хабарламаларды жібере алмайды. Жаза қатайып жатыр. Ал, азарт ойынға бәс тіккен мемлекеттік қызметшілер мен әскерилер бірден жұмыстан қуылады. 

ЕРНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Ойын бизнесі туралы заң букмекерлік кеңселер мен букмекерлік дүкендерді ғимараттардың, құрылыстардың және көліктердің сыртында жарнамалауға, сондай-ақ бұқаралық ақпарат құралдары, кино, бейне және анықтамалық қызметтерде жарнамалауға толығымен тыйым салады. Дегенмен букмекерлік кеңселер мен букмекерлік дүкендердің орналасқан жерінде, спорт ғимараттарының ішінде, спортшылардың жабдықтарында, спорттық теле-радио арналарда, спорттық іс-шараларды көрсетуге мамандандырылған интернет-ресурстарда жарнамаға рұқсат етіледі».

Одан бөлек, бүгін мәжілісте республикалық бюджеттің атқарылуы туралы есеп тыңдалды. Қаржы министрі былтыр елде 500 млрд-қа жуық ақша игерілмей қалған деді. Осы олқылық үшін орталық және жергілікті атқарушы органның 158 қызметкері жауапқа тартылыпты. Бюджет қаражатының тиімді игерілмей жатқанына наразы депутат Еділ Жаңбыршин Астанадағы жылу электр орталығын салуға деп бөлінген 116 млрд теңге тым қымбат, соның өзінде құрылысы әлі бітпеген деп сынады. 

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Елордада "сақалды" болған құрылыс бар. Ол - үшінші жылу электр орталығы. Оның жобалау-сметалық құжаттамасына бірнеше рет түзету енгізілді. Ол бірнеше рет қымбаттады. Былтыр Мәжілістің жалпы отырысында Жоғары аудиторлық палата төрағасы Наталья Годунова осы құжаттың 40%-ға қымбаттағанын айтқан болатын. Енді бұл құрылыс (ЖЭО-3 – авт.) 2013 жылдан бері салынып келе жатыр. Ол жылы туған бала мүшел жасқа толды. Мендегі мәлімет бойынша, республикалық бюджеттен осы жобаға 116 млрд теңге қаржы бөлінген. Енді сұрақ туындайды: бұл құрылыс қашан бітеді? Оның екінші кезекте аяқталуына қанша қаражат қарастырып отырсыздар? Бұл бітетін құрылыс па, бітпейтін құрылыс па?»

Ал, жауапты министрлік болса, сағызша созылған бұл құрылыс 2026 жылы толығымен аяқталады деді.

АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ:
«Жобалық құжаттамаға сәйкес, станция құрылысының жалпы құны 146 млрд теңге. Оның 141 млрд теңгесі республикалық бюджеттен. Бүгінгі таңда 116 млрд теңге бөлінді. Бұл ақшаға 4 қазандық пен бір бу трубинасының құрылысы аяқталды. Биылғы жылыту маусымында станция толық қуатта жұмыс істеді. Біз құрылысты толық аяқтауды 2026 жылға жоспарлап отырмыз».

Астанадағы жылу электр орталығымен қатар Екібастұздағы жылу электр орталығы да күрделі жөндеуден өтеді.Ол мақсатта Үкімет резервінен 3.4 млрд теңге бөлінбекші.

https://www.youtube.com/embed/kGmY8sUKrBo?si=_423c1dE-j8l1Eh1"

Бүгін Президент Қасым-Жомарт Тоқаев елордадағы әлеуметтік нысандарды аралап көру барысында отбасылық SANA Sport орталығында болды.  Мұнда спорт, шығармашылық, білім бағыттары бойынша 29 үйірме жұмыс істейді. Сондай-ақ 29 жаттықтырушы және 25 жоғары білікті педагог еңбек етеді. 

Мемлекет басшысына «Damu Development Group» консорциумы жүзеге асырып жатқан әлеуметтік жобалар жөнінде мәлімет беріліп, SANA Sport кешені аумағындағы саябақты қайта жаңғырту жоспары таныстырылды.Қасым-Жомарт Тоқаев орталықтағы спорт залдарын, шығармашылық үйірме бөлмелері мен оқу кабинеттерін аралап көрді. Сонымен қатар үйірмеге шеберлік дәрісін өткізуге келген шахматтан екі дүркін әлем чемпионы Айару Алтынбекке сыйлық табыстап, сәттілік тіледі. Жас шахматшы бұған дейін Президентке хат жазып, кездесу жайында өтінішін жеткізген еді. Бүгін жүздесудің сәті түсті.Кешенде 4 мыңнан астам баланың қосымша білім алуына жағдай жасалған. Әлеуметтік жағдайы төмен отбасынан шыққан жеткіншектердің үйірмелерге қатысуына «Мереке» қайырымдылық қоры қолдау көрсетеді.

Сондай-ақ Мемлекет басшысы Ұлттық ғылыми онкология орталығындағы жаңа корпустың құрылыс барысымен танысты. Нысан биыл тамыз айында пайдалануға беріледі.Ғимараттың жалпы ауданы 58 мың шаршы метрден асады. Мұндағы стационар 210 төсек-орынға есептелген. Оның ішінде 24 орын анестезиология, реанимация және интенсивті терапия бөлімдеріне, 150 орын күндізгі стационарға арналған. Жоспарға сәйкес бұл ауруханада жыл сайын 6 мың науқас емделе алады.Президентке жаңа корпуста қатерлі ісіктерді диагностика жасауға және емдеуге қатысты әлемдік бірегей технологиялар шоғырланатыны жөнінде мәлімет берілді. Мұнда ғылыми зерттеулер жүргізіп, ғылыми-техникалық бағдарламалар мен білім беру тәжірибелерін жүзеге асыруға жағдай жасалады.Жаңа корпус ашылғаннан кейін бұл орталық онкологиялық көмек көрсету бойынша интеграцияланған модель құру ісінде ұлттық үйлестірушіге айналады. Аталған бастамада денсаулық сақтау жүйесіндегі алғашқы буыннан бастап онкологиялық ауруларды емдеуге маманданған барлық медициналық мекеме қамтылады.Сонымен қатар стационарда бас және мойын онкологиясы, торакальды және абдоминальды онкология, онкоурология, маммология, онкогинекология, остеоонкология және онкогематология орталықтарын ашу қарастырылған.

https://www.youtube.com/embed/0OB6GBloSRI?si=_d5JDvGePukI_ztX" 

https://www.youtube.com/embed/4NkUua_9B7M?si=zbMoMQvZ7wv5M2Th" 

Жаңаөзен қаласындағы көпқабатты үйдің тұрғындары “іргемізде бой көтеріп жатқан құрылыс, баспанамызға түсер күн сәулесіне кедергі келтірді”- деп наразылық білдірді. Кәсіпкермен келісе алмаған тұрғындар сотқа жүгініпті . 

"Мен айттым 3 метр дегеніңіз қайда? Үйге тықтыңдар ғой. Көлеңкеден үйлеріміз қараңғы свет жақпасаң ештеңе көрінбейді. Оларға ескертілді. Бірақ жарық болады 3 метр қыламыз деп уәделерінде тұрмады"

Мәселе туындаған соң Жаңаөзен қалалық сотының судьясы мен қалалық сәулет және қала құрылысы бөлімінің мамандары да келді. Олар екі тарапты да тыңдап, мәселені зерттеп көрмек болған. Алдымен тұрғындардың шағымын ескеріп көрді. 

СЕМБІ КӨЛБАЕВ  ТҰРҒЫН: «Сол кезде айтылды. Бізге қайда барсаң сонда бар, сотқа барсаңда мейлі деді. Біз амалымыз қалмай сотқа бардық. Мына жерде 1 этаж, ортасы 2 этаж болады деді сосын біз келістік. Ең басында салып бастағанда шағым түсіргенімізде Жансейіт Қайнарбаевтың өзі келіп осы жерде қабылдамаңдар деді ғой архитекторына. Застройщиктің өзі де тұрды сол жерде. Енді неге одан әрі жалғастырып салды»?

Құрылыс жүріп жатқан аумақ бұрын автотұрақ болған. Бұл маңда кәзір үш тұрғын үй бой көтерген.

НЕСІП ДАРГУЛОВА  ЖАҢАӨЗЕН ҚАЛАЛЫҚ СОТЫНЫҢ СУДЬЯСЫ:«Мен бұл саланың маманы емеспін. Мамандарды қатыстырып отырмын. Бірақ менің ойымша бұл жерде заңбұзушылық орын алып отырған сияқты. Сіздер бүгінгі таңда көрші болып отырсыңдар. Егер өзара келісетін болсаңыз және ол жерде адам құқығы бұзылмаса мен оны бекітіп беруге қарсы емеспін. Қазір көріп кетемін сосын сот отырысын жалғастырамын одан әрі».

Құрылысты жүргізген кәсіпкердің өзі кездесуге келмеседе, өкілін жіберген. Үй ауласында басталған жиын ары қарай қалалық сотта жалғасты. Шағымданушылардың айтуынша сот отырысында мәселе түбегейлі шешілмеген, әлі де жалғасатын сыңайлы.