- Толығырық
- Категория: Алатау ақпараты
- 276 рет қаралды
https://www.youtube.com/embed/C0Qjbpw5lCg?si=pXEjyO9CzIep03RP"
Израильда болып жатқан жағдай әлемді шулатуда. Олар енді Газа секторындағы ХАМАС содырларының базаларына зымыран соққыларын тастауда. Цахал армиясының хабарлауынша штаб-пәтерлер, жаттығу лагерлері мен лаңкестердің қоймалары толық жойылды.
«Темір қылыштар» деп аталатын Израиль қорғаныс армиясының операциясы 7 қыркүйекте басталған болатын. Жағдай ХАМАС содырларының соғыс жариялағаннан кейін орын алды. Жүздеген израильдіктер қаза тауып, кейбірі тұтқындалды. Сонымен қатар, Газа секторынан мыңдаған зымырандар ұшырылды. Соның салдарынан Тель-Авив сынды қалаларда қирау мен адам өлімі ұлғайды. ХАМАС содырлары Израиль территориясына әртүрлі жолдармен үйлестірілген түрде еніп, ауқымды шабуылдар жасады. Жалпы, адам шығыны 700-ден асқан. Олардың арасында бейбіт тұрғындар мен ондаған полиция қызметкері бар. 2000-нан астам адам жарақат алды.
Сонымен қатар, Ирандықтар шабуылдаушы топқа операция дайындауына көмектесті деген қауесет те тарады. Себебі, қантөгіс басталғаннан кейін олар содырларды қолдайтынын мәлімдеген. Қазір Израиль ресми түрде соғыс жағдайында. Мәлімдемелерге сәйкес, жағдайды бейбіт жолмен шешу мүмкін емес. Енді бұл оқиға ХАМАС толығымен жойылғанға дейін жалғаспақ.
БҰҰ Қауіпсіздік Кеңесі Израиль мен Газа секторындағы жағдай бойынша жабық отырыс өткізді. Қатысушылар бейбіт тұрғындарды қорғау және зорлық-зомбылықты тоқтату үшін не істеуге болатынын талқылады. Алайда, жалпы шешім қабылданған жоқ.
РОБЕРТ ВУД АҚШ БҰҰ ЖАНЫНДАҒЫ ЕЛШІСІНІҢ ОРЫНБАСАРЫ: «Мен брифингте шынымен не талқыланғанын егжей-тегжейлі айтқым келмейді, бірақ ХАМАС шабуылдарын айыптаған елдер аз емес. Дегенмен, бәрі бірдей емес. Нақты кім екенін айтпаймын, бірақ сіз олардың біреуін өзіңіз болжай аласыз».
Бұған дейін Джо Байден Израильді қолдайтынын айтқан болатын. Осылайша, АҚШ Ынтымақтастық пен қолдаудың белгісі ретінде елдің жағалауына әскери кемелер мен ұшақтарды жіберді.
- Толығырық
- Категория: Алатау ақпараты
- 286 рет қаралды
https://www.youtube.com/embed/E6gcwjA7xNE?si=B0vEsa5LHdNE272m"
Кәсіптік білім беру – заман талабы. Жаһандану мен индустрияландыру жағдайында сапалы жұмысшы кадрларды даярлау – кез келген мемлекеттің саясатындағы негізгі міндеттің бірі.Мемлекет басшысының тапсырмасы негізінде қоғамға қажетті салаға жастарды бағыттау қолға алына бастады.Сондай-ақ жұмыспен қамту шаралары да оң нәтиже бере бастады.
Өндіріс үдерістерін автоматтандыру мен ақпараттық технологиялар жағдайында кәсіпорындардың жоғары білікті мамандарға мұқтаж екені белгілі.Бұл бағытта жастарға сапалы білім алуы негізгі міндеттің бірі.Сүйікті саласында ізденісте жүрген жастарға жол ашық.Енді шетелге барып, тәжірибиеден өтуге және сапалы ілім алуға мүмкіндік туды.Алматы қаласындағы Электро Механикалық колледж бен Германиялық жұмыс беруші мекеме арасында арнайы келісім шарт жасалды.
БОЛАТЖАН БОЗЫМБАЕВ АЭМК ДИРЕКТОРЫ
Алматы қалалық білім басқармасының қолдаумен дәнекерлеу ісін жетік меңгерген жастарды технологиясы озық елдерге білім алуға жіберу жүйесі қолға алынған.Осының негізінде мол тәжірибие жинақтап келетін жастар, жұмыс берушілердің қызығушылығын тудырмақ.
KATJA KAISER ГЕРМАНИЯДАН КЕЛГЕН ӨКІЛ
«Бүгін Алматыдағы озық оқу орнымен меморандумға қол қойдық.Бұл жерде білім беру орталықтары,жұмыспен қамту мекемелерінің тікелей қатысы бар. Енді неміс стандартына сәйкес сапалы білім беруді бастаймыз.Қазір өздеріңіз білесіздер,үлкен өндіріс орындарына кадр жетіспейді.Осыған байланысты колледжде білім алып жатқан жастарды оқытып,қажетті жағдайды жұмысқа тартатын боламыз».
Аталмыш білім мекемесімен жасалған төрт жақты келісім,келешекте жастардың сапалы білім алып,қалаған саласында жұмыс жасауына жол ашпақ.Енді студенттер,неміс тілін үйреніп дамыған елдердің стандарттарына сәйкес,қадам басатын болады.
- Толығырық
- Категория: Алатау ақпараты
- 290 рет қаралды
https://www.youtube.com/embed/xfaSrTvwODs?si=HME3iQ0lIqwAskSK"
10 млн теңге сыйақы мен заңсыз төлем. «Қазақстан Темір Жолы» компаниясы «өмірде жоқ» яки, қайтыс болған адамдар үшін сыйақы мен өтемақы алып отырған. Бас прокуратура тексеріс кезінде осындай бассыздықты анықтапты. Қазіргі күні аталмыш іс бойынша тергеу басталды деп хабарлайды прокуратураның ресми өкілі Дархан Дүйсембай.
ДАРХАН ДҮЙСЕМБАЙ ҚР БАС ПРОКУРАТУРАСЫНЫҢ РЕСМИ ӨКІЛІ: «Кәсіпорынның Ақмола филиалы өмірден жеті жыл бұрын өткен зейнеткер атына ақшалай қаражат аударып отырған. Бұдан бөлек, Қарағандыда кадр бөлімінің басшысы ата-анасын теміржолшы зейнеткері ретінде заңсыз тізімге қосып, оларға бес жыл бойы 1 млн теңгеден астам сомаға жеңілдіктер, өтемақы төлемдері мен сыйлықақыларды беріп отырған».
- Толығырық
- Категория: Алатау ақпараты
- 293 рет қаралды
https://www.youtube.com/embed/By-Yl9hZtGM?si=irExFfXwzxZRtHFj"
Бұдан былай Міндетті әлеуметтік медициналық жарнаны төлемегендер көлік жүргізу құқығынан айырылуы мүмкін. Бүгін Мәжілісте өткен Үкімет сағатында Денсаулық сақтау министрі Ажар Ғиният осындай ұсыныс айтты. Себебі, 3 миллионға жуық адам жүйеге қосылмай отырған көрінеді. Қайта олардың 800 мыңдайының жағдайы жақсы, үйлі, күйлі қалтасында қаражаты бар адамдар дейді. Сондықтан, министрлік осындай қадамға баруға мәжбүрміз деп отыр.
МӘМС жүйесіне қатысты сауал Парламентте 3 сағаттан артық қызу талқыланды. Депутаттардың өткір сауалдары да көп болды.
Отандық медицина оның ішінде міндетті әлеуметтік медициналық сақтандыруға қатысты халықтың шағымы да сауалы да көп. Бүгін депутаттар ел азаматтары сапалы қызметті ала алмайды, қалаған маманына, қалаған уақытында ем алуға бара алмайды қысқасы, халықтың медицинаға көңілі толмайды деді.
АСХАТ АЙМАҒАМБЕТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Биыл өз басымнан өткен оқиғаны қараңыз. Ауырып терапевтке жазылдым. Ол онкологқа жіберді. Онокологқа кезек күтіп бардым. Ол анализ тапсыру керек деді. Анализ тапсыруға рұқсат қағазды тек терапевт береді екен. Қайтадан терапевтке жазылдым. Одан жолдама алдым. Сөйтіп онкологқа қайтадан бардым. Ол облыстық ауруханаға жіберді. Ол жаққа тағы жазылдым. Қосымша анализ тапсыру керегін айтты. Оған да жолдаманы терапевт береді екен. Қайтадан жазылып, терапевтке бардым. Одан жолдама алып, облыстық ауруханаға бардым. Сөйтіп үш ай жүрдім. Сол үш айда жынданып кете жаздадым. Маған келген оқырманның хаты осы».
Осы сарында халықтан депутаттарға арыз-шағым көп келетін көрінеді. Өзі ауырып тұрған адам апталап, терапавті күтеміз деп, ауруын ұмытып кететін жағдайға жетті деген олар, министрден бұл мәселені бір жақты етіп шешуді талап етеді.
АСХАТ АЙМАҒАМБЕТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Шектік» шкала азаматтарымыздың бейін бойынша мамандарға көріну үшін де қиындық əкелді. Ауруханаға келген науқасқа «шектік» шкала шеңберінде осы айда ақша таусылды деп, келесі айларды күту керек» деп түсіндіру де нонсенс. Соның салдарынан халық тарапынан шағым көп түседі. Науқастар бір ай терапевтті күтеді, кейін тағы бір ай бейін бойынша дəрігерді, одан кейін тағы да терапевтке жазылып оны тағы да күтуге мəжбүр. Сөйтіп жүріп, өз қалталарынан төлеп емделеді»
МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Шұғыл ота жасайтын орталық емханаларға қаржыландыру уақытында түсуі керек. Оны көбейту керек. Біз күніне қанша адам жол-көлік апатына түсетінін білмейміз ғой? Бір адам жол-көлік оқиғасына түсті, аяғы, қолы сынып, бас-ми жарақатын алды делік. Бірақ сақтандыру бір сүйекке ғана ақша төлейді. Қалған ақшаны өз қалтасынан шығарады. Сөйтіп қазір ауруханалардың кредиттік берешегі миллиардтан асып кетіп жатыр. «Шектік» шкаланы қай данышпан ойлап тапқанын білмеймін. Мен өз-өзіме болжам жасай алмаймын. «Давлением» үш күннен кейін әлде төрт күннен кейін көтеріле ме? Ішім бір аптадан кейін өте ме? Сіздер қанша адам ем алуы керегін, қанша апат болатынын, бір аптадан кейін қанша адам ауыратынын, бір айдан кейін қанша адам ауыратынын болжап отыратын не деген әулие екендеріңізді білмеймін»
АЖАР ҒИНИЯТ ҚР ДЕНСАУЛЫҚ САҚТАУ МИНИСТРІ:
«Егер біздің тариф төмен болса, қаржы аз болса қалай болмақ. Қымбат оборудование алады, мед пункт салады. Әр теңге халыққа қызметке жүктелген. Әрбір теңге бар теңге жетпей жатыр. Әр пациентке жету керек».
Одан бөлек, депутаттар дәріхана мәселесін көтерді. Дәріхана қып-қызыл бизнеске айналып кетті деген олар, ойына келген бағаны қоятын кәсіпкерлерді тиятын уақыт жетті деп санайды.
ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Сонда мұны кім реттейді? Кім бағалайды?Ойына келген бағасын қоя бере ме? Әлеуметтік дәрілердің тізімін білейік, халық білсін. Мен бұған дейін айтқан үш дәріхананың арақашықтығы шамамен 10-15 метрден ғана екенін айтты. Бірақ баға әртүрлі. Бұл қашанға дейін жалғаса береді. Осы мәселені қолға алу керек. Тексеріс керек. Дәріхананың бәрі үлкен бизнеске айналып кеткен. Кейде Астанада тұрғын үй кешенінен азық-түлік дүкенін таппаймыз. Бірақ дәріхана табамыз».
Сондай-ақ, депутаттар сақтандыру қорында жемқорлықтың барын айтты. Олар келтірген дерекке сенсек, бүгінге дейін «марқұм» болып кеткендердің өзі медициналық көмек алып келген. Мұндай бассыздықпен прокуратура органдары жедел күреспесе, мемлекеттің медицина саласы құрдымға кетеді дейді олар.
- Толығырық
- Категория: Алатау ақпараты
- 277 рет қаралды
https://www.youtube.com/embed/S-lZfAJ9cqs?si=sTLLHVPJMUQUzOUU"
Мемлекет басшысы Ішкі істер министрі Ержан Сәденовті қабылдады. Қасым-Жомарт Тоқаевқа еліміз бойынша кісі өлтіру, бұзақылық, ұрлық, қарақшылық, тонау және мал ұрлығына қатысты қылмыстар санының айтарлықтай төмендеуіне ықпал еткен алдын алу шаралары туралы мәлімет берілді.Бұдан бөлек,Президентке құқық бұзушылықтарға «мүлде төзбеушілік» және жазаның бұлтартпастығы, кәмелетке толмағандардың құқығын қорғау,интернет-алаяқтыққа қарсы іс-қимыл бойынша жүргізіліп жатқан жұмыстар жөнінде баяндалды.
ЕРЖАН СӘДЕНОВ ҚР ІШКІ ІСТЕР МИНИСТРІ
- Толығырық
- Категория: Алатау ақпараты
- 263 рет қаралды
https://www.youtube.com/embed/hpssBkT9rmI?si=XfSiYd0B8x0It0K2"
- Толығырық
- Категория: Алатау ақпараты
- 268 рет қаралды
https://www.youtube.com/embed/RPpKSU1hOks?si=iVrA5QHfLuqEPRfr"
Қыстың көзі қырауда бүрсең қаққан Риддер тұрғындары биыл қыста жылудан азап көрмейді. Бүгін Үкімет басшысы Әлихан Смайылов Риддер Жылу электр орталығының дайындығын өзі тексерді. Жұмыстар кестеге сәйкес жүруде. Айта кетейік, бұл мекеме енді коммуналдық меншікке өтеді.
БАҚЫТЖАН БАЙАХМЕТОВ ШҚО ӘКІМІНІҢ ОРЫНБАСАРЫ: «Бүгінде стансадағы 6 қазандықтың 2-уі іске қосылған. Жақын арада тағы біреуі іске қосылып, тұрғындар жылумен толық қамтамасыз етіледі деп күтілуде. Сонымен қатар қалған агрегаттар мен қосалқы жабдықтарды жөндеу-қалпына келтіру жұмыстары жүргізіліп жатыр. Күн суытқан кезде жоғары қысымдағы қазандықтар іске қосылады. Халық биыл жылумен отырады. Жөндеу жұмыстары кестеге сәйкес жүргізіліп жатыр ма? Ия, кесетеге сәйкес, кестеден қалып жатқан жоқ».
ӘЛИХАН СМАЙЫЛОВ ҚР ПРЕМЬЕР-МИНИСТРІ: «Өткен жылыту маусымында Риддер қаласының жылу орталығы апаттық жағдайда жұмыс жасады. Риддер қаласының халқы жылумен толық қамтамасыз етілмеді. Риддерде 50 мыңға жуық халық тұрады. Бұған бұрынғы қожайындардың стансаны жаңғырту мен жөндеу жұмыстарына қаражат салмағаны себеп болды. Осының барлығы ЖЭО-ның әбден тозуына әкеп соқты. Республикалық бюджеттен 8,4 млрд теңге бөлуге мәжбүр болдық. Облыс әкімдігі өз тарапынан 500 млн теңгеге жуық қаржы бөлді. Осы уақытқа дейін жөндеу жұмыстары тоқтаусыз жүргізілді. Алдағы жылыту маусымының дұрыс өтуі үшін олардың уақтылы аяқталуы маңызды. Мұны күні-түні қадағалап отыруымыз керек».
- Толығырық
- Категория: Алатау ақпараты
- 298 рет қаралды
https://www.youtube.com/embed/S8JZsTeDeLk?si=FwxNLbtS_fTgC207"
Мемлекеттік мерекелер тізіміне сәйкес, республикада мұғалімдер күні осы уақытқа дейін қазан айының бірінші жексенбісінде тойланып келді. Енді бұл мереке 5 қазанда әлемнің 100-ден астам елі атап өтетін Дүниежүзілік мұғалімдер күнімен сәйкестендірілді.
Ұстаздар күні – білім беру саласындағы қызметкерлердің барлығына ортақ кәсіби мереке. Бұл күні ұстаздар қауымының қоғам дамуындағы рөлі мен еңбегі, оған қосатын зор үлесі аталып өтіледі.Оқу-ағарту министрлігінің мәліметінше, бүгінде Қазақстанда мектепке дейінгі, орта, техникалық және кәсіптік білім беру ұйымдарында 556 мың педагог еңбек етеді.Ұлағатты жандарды ұлықтауға арналған шара Алматы қаласындағы №179 мектептің қабырғасында да орын алды. Мерекеге білім ошағының гүлденуіне тер төге еңбек еткен ардагер ұстаздар да шақырылған.
ШАРА ИМАНБЕКОВА АЛМАТЫ ҚАЛАЛЫҚ №179 ЖАЛПЫ БІЛІМ БЕРЕТІН МЕКТЕП ДИРЕКТОРЫ
«Ұстаздық еткен жалықпас үйретуден балаға». Бала ұядан не көрсе,ұшқанда соны іледі. Мектеп қабырғасында білім алып жатқан жастар жанжақты,өресі биік,өнерге жақын. Оқушылар мереке иелерінің құрметіне концерттік бағдарламаларын ұсынып,ұстаздарына деген ерекше құрметтерін көрсетті.
ЕРБОСЫН ТАҢДАНА ОҚУШЫ
- Толығырық
- Категория: Алатау ақпараты
- 321 рет қаралды
https://www.youtube.com/embed/fTBo-sGcU_g?si=lYJJgUtSkXwziLYm"
Бүгін Бангкок қаласының сән үйінде атыс болды. Оқиға Азиядағы ең ірі сауда дүкендердің бірі – Siam Paragon да қарбалас уақытта орын алған. Қаланы аралауға келген туристер атыс болған сәтті бейнежазбаға түсіріп үлгерген.
Атысты қара көйлек пен камуфляж шалбар киген 14 жастағы жасөспірім бастаған. Нәтижесінде 1 адам қаза тауып, 6 зардап шегуші ауруханаға жеткізілген. Полиция қызметкерлері мергенді оқиға орын алғаннан кейін шамамен 1 сағатта қолға түсірген. Жағдайдың неден болғаны әлі белгісіз.
ЗАХРА АЛИНЕЖАД ИРАННАН КЕЛГЕН ТУРИСТ: «Біз Burberry дүкенінде сауда жасап жүргенбіз. Бір адамдар бізге дереу жасырыну керектігін айтты. Басында не жағдай екенін түсінбедік. Кейін суық қарудың дауысын естідік. Дереу тығылып, дүкенде 3 сағат тығылып отырдық. Кейін бізді полиция қызметкерлері қауіпсіз жерге алып кетті».
Пандемияға дейін Тайландтағы шетелдік қонақтардың ең үлкен көзі Қытай болды. 2019 жылы елге рекорд жаңартып, 11 миллион қытай келген.
ДУН ПЭЙЦЗЯН ҚЫТАЙДАН КЕЛГЕН ТУРИСТ: «Иә, бұл Қытайдан келетін туризмге әсер етеді. Мен кеше Қытайдың бұл жер қауіпті болғандықтан, туристерге баруға кеңес бермейтіндерін естідім».
Тайланд Премьер-Министрі қаза тапқандар мен зардап шеккендердің отбасыларына көңіл айтты. Ол сондай-ақ балалардың суық қару алуларына шектеу қою керектігін айтты.
СРЕТТА ТАВИСИН ТАЙЛАНД ПРИМЬЕР-МИНИСТРІ: «Бұл ұлттық полиция басқармасымен талқылануы керек мәселенің бірі. Қазір жастар қаруды онлайн сатып ала алады. Сондықтан біз олардың осы қауіпті нәрселерге қол жеткізуін көбірек шектеуіміз керек».
Айта кетейік, бүгін Тайландтың балалар орталығында болған қанды қырғынға 1 жыл толды. Оқиға кезінде полиция қызметкері балалар мен тәрбиешілерге пышақ алып жүгіріп, атыс қаруымен шабуыл жасаған. Оқиға кезінде 36 адам қаза тапты. Қаза тапқандардың деншілігі мектеп жасына дейінгі балалар болған еді.
- Толығырық
- Категория: Алатау ақпараты
- 278 рет қаралды
https://www.youtube.com/embed/q-qN9qmFYaM?si=dXOZsdNJ5tbne2MP"
Болгария мемлекеті өзінің шаңғы трассаларымен, Қара теңіздегі құмды жағажайларымен және әсем астанасы Софиямен әйгілі. Сол себепті де, бұл елге келетін туристер қарасы да аз емес. Енді, соңғы болған пандемиядан кейін туризм индустриясы қайтадан қалыпты жағдайға оралуда.
РАШКОВ ТОМИСЛАВ ГИД: «София қаласының тарихи бөлігіне барғанда көз алдымызға әртүрлі дәуір кезеңдері елестейді. Қала осысымен ерекше әрі әдемі. Біз әлемдегі сирек орындардың бірі Толерант алаңына жақын орналасқанбыз. Бұл жерде мешіт, синагога, католик соборы және екі православие шіркеуі бар».
Шетелдік туристер көбінесе Румыния, Польша, Германия, Чехия және Ұлыбритания елдерінен көптеп келеді.
РУМЕН ДРАГАНОВ ТУРИЗМДІ ТАЛДАУ ЖӘНЕ БАҒАЛАУ ИНСТИТУНЫҢ ДИРЕКТОРЫ: «Жылына 30 миллион турист келетін Болгария мен Грецияны салыстыратын болсақ, онда осы санның үштен бірі осында келеді. Бұл көрсеткіш біздің еліміздің көлемі мен мүмкіндіктерін ескере отырып, жақсы жұмыс істеп жатқанымызды білдіреді».
Туристердің көпшілігі Софияға тарихи, діни және мәдени көрікті жерлерді көру үшін келеді.
ВАНЕССА ДЭН ТАЙВАНЬНАН КЕЛГЕН ТУРИСТ: «Бұл жерде тек болгарлықтар өмір сүреді. Бірақ еуропалықтарға қатты ұқсайды. Менің ойымша, бұл жерде екі мәдениеттің араласуы бар. Бұл өте қызықты жайт».
РУМЕН ДРАГАНОВ ТУРИЗМДІ ТАЛДАУ ЖӘНЕ БАҒАЛАУ ИНСТИТУНЫҢ ДИРЕКТОРЫ: «Біздің елде кез-келген ұлт өкілдерін кездестіруге болады. Бұл біздің өзге еуропалық қалалардан өзгешелігіміз десек болады. Бізге алғаш рет келген туристарды осы нәрсе таң қалдырады. Бірақ, Софияның көшелерінде негізінен жергілікті тұрғындар мекендейді. Олар өте тату. Егер сіз саябақта болгарлар тобын кезіктіріп қалсаңыз, олармен өте қызықты кеш өткізуге болады».
Дүниежүзілік саяхат және туризм кеңесінің болжамдарына сәйкес, жыл соңына дейін Болгариядағы туристер саны 2019 жылғы көрсеткіштердің 75% жетеді. Бұл туризм секторы үшін «шың» деп саналады. Туризм кеңесінің мәліметінше, биыл өнеркәсіпте 17 мыңнан астам жаңа жұмыс орны ашылады. Ал сала қызметкерлерінің саны 287 мыңнан асады.
- Толығырық
- Категория: Алатау ақпараты
- 323 рет қаралды
https://www.youtube.com/embed/HBkdMN4Fwho?si=BXT7ZN3NU7GWzffg"
Әл-Фараби атындағы Қазақ ұлттық университетінде «Білім беруді интернационализациялау: өзгермелі әлемдегі әлеуметтік-гумантарлық аспект: тәжірибе, мәселелер және шешу жолдары» атты халықаралық ғылыми-тәжірибелік симпозиум өтті. Шараға Неаполь Л’Ориенталь университетінің ректоры Роберто Тоттоли бастаған делегация арнайы келді.Қос білім ошағы ортақ мүддені талқылап, маңызды келісімдерге келді.
ДУМАН ЖЕКЕНОВ ӘЛ-ФАРАБИ АТЫНДАҒЫ ҚАЗҰУ ХАЛЫҚАРАЛЫҚ ҚАТЫНАСТАР ФАКУЛЬТЕТІНІҢ ДЕКАНЫ
Симпозиум жұмысы барысында ғалымдар Әл-Фараби атындағы ҚазҰУ мен Неаполь Л’Ориенталь университеті арасындағы халықаралық ынтымақтастық бағыттарын, сыртқы саясат пен дипломатияның өзекті сауалдарын, көп мәдениетті кеңістіктегі лингвистика, филология, әдебиеттану және аударма мәселелерін талқыға салды. Пленарлық отырыста пікір алмасу өтті және қарар қабылданды.
- Толығырық
- Категория: Алатау ақпараты
- 265 рет қаралды
https://www.youtube.com/embed/CZiVwh3Ydhg?si=yAh3EijVf36FmTcs"
Мемлекеттік тілдегі контент 70 пайызға дейін артады. Енді теле, радиобағдарламалар 50 де 50 емес, 70 те 30 позициясы бойынша хабар тарататын болады. Себебі, қазақ тілді аудиторияның сұранысы артқан және бұған Қазақстан халқының 80 пайыздан астамы мемлекеттік тілді меңгергені себеп. Бұл туралы бүгін орталық коммуникациялар қызметінде өткен брифингте Мәдениет және ақпарат министрі Аида Балаева айтты. Одан бөлек, министр желіде тараған жалған ақпараттармен күрес үшін шет елдік плтаформалармен арнайы келіссөз жүргізіліп жатқанын жеткізді.
АИДА БАЛАЕВА ҚР МӘДЕНИЕТ ЖӘНЕ АҚПАРАТ МИНИСТРІ: Әлеуметтік желінің тәртібі бар. Жалған ақпарат тараса функция бар, жалған ақпарат оны таратпауға өтініш білдіру. Ол механизм жұмыс істемесе сотқа беруге болады. Біздің тарапымыздан шет елдік платформамен келіссөз жүргізіліп жатыр. Кейбіреулерімен келісім бар. Бұл заңның жүзеге асырылуы толық біздің бақылауымызда болады».
Тағы басқа мақалалар...
160 ішінен 187 беті
Alatau News, Copyright 2023, All Rights Reserved.