https://www.youtube.com/embed/tHomeErAfCU?si=XFZEryyj9GrSoOia" 

Орал қаласында жертөлесі үнемі кәріз суына толатын көпқабатты үйдің тұрғындары наразылыққа шықты. Попович көшесіндегі № 2 үйдің халқы пәтер иелері кооперативі ақша жинағанымен жұмысына салғырт қарайды деп арыз-шағымдарын білдірді. 

Бұл бейнені Орал қаласының Попович көшесі 2 мекенжайындағы көпқабатты үйдің тұрғындары түсірген. Олар жертөлелерін айына 2-3 рет кәріз қалдықтары мен сасық су басатынына наразы. Пәтерлерін ылғал тартып, жағымсыз иіс жайлап кеткен. Жауын-шашын салдарынан электр желілері зақымданып, тұрғындардың тұрмыстық техникалары да жанып кеткен.

Бұл үйге жауапты "Агрореммаш" Пәтер иелері кооперативі кәріз құбырының жарылуы ағын су жолының тар болуынан туындағанын айтты. Мұндай су ағарлар әр жертөледе бірнешеуі болуы керек екен. Ал бұл үйде біреу ғана.

АРТЕМ КАТКОВ «АГРОРЕММАШ» ПИК ТӨРАҒАСЫ 

Пәтер иелері кооперативі мұндай жағдайларда өтінімдер бойынша қалдықтарды тегін негізде тазалауды "Батыс су арнасы" ЖШС өкілдері жүргізуі тиіс деп мәлімдеді. Алдағы уақытта кәріз проблемасын тұрғындар Пәтер иелері кооперативі, "Батыс су арнасы" және Тұрғын үй коммуналдық шаруашылығы бөлімімен бірлесіп шешуі тиіс екені анықталды.

https://www.youtube.com/embed/MLhtmuGLKlI?si=JudSX_XyrQM-uoK7"

Маңғыстау облысының бірнеше тұрғыны кооперативке қаржы құямыз деп, бармақтарын тістеп қалды. Аз мерзім ішінде оңай олжаға кенелеміз дегендер алданып қалғандарын айтып, ақшаларын ала алмай әлекке түсіп жүр. Ал кооператив басшылығының үстінен қылмыстық іс қозғалып, сот 5 жылға шартты түрде бас бостандығынан айырған. 

Ақтау қаласына «Атамекен 2021» тұтыну кооперативінің салымшылары жиналып, шу шығарды. Өйткені,  бірнеше жылдан бері салымшылар не баспаналарын, не ақшаларын ала алмай жүр. Салымшылардың сөзінше, кезінде кооператив мамандары «аз уақыттың ішінде баспаналы боласыңдар!» деп сендірген. Оған қоса үй алғандар да болды деп отыр. Амалы таусылған салымшылар «ең болмаса берген ақшамызды қайтарса» деген уәжін айтты.

ЖЕҢІСГҮЛ ИСАЛИЕВА САЛЫМШЫ:

«2021 жылы 23 июнь күні осы «Атамекен 2021» кооперативіне ақша салған болатынмын. Шагирова Гүлсая Қошқарбайқызыменен келісімшартқа отырып, 1 млн 200 мың теңге мен салдым. Бірақ осы күнге дейін ол Шагирова не үй берген жоқ. не ақшамды қайтарған жоқ. Соңында «мен ақшаны бере алмаймын, қазір счетым жабық, ешқандай да ақша бере алмаймын» деп ұрсысып, дауыс көтеріп, жаман немен шығарып салып отыр. Бір емес бірнеше рет келдік. Оған қоса арызданып та жатырмыз».

Кооперативке ақша салғандар аз емес. Бірі 700 мың теңге берсе, енді бірі 5 млн теңге салған. Айтуларынша, қазір  100-ден астам адам қаражаттарын ала алмай жүр. Салымшылар кооператив иесі істі болса да, «басқа ат жамылып, жұмысын жалғастырып жатыр» дейді.

ГҮЛНҰР ІЗТІЛЕУОВА САЛЫМШЫ:

«Осы «Атамекенмен» алдыңғы жылы сот болған. Соттасқан адамдардың ақшаларының барлығын қайтарды. Ода қазір судимость бар. Үстінен қылмыстық іс қозғады уголовная дело. Пробациялық жазадан өтіп, жатыр. Но өтіп жатқанымен ондай финансовый деятельностпен айналысуға болмайды. Бірақ ол до сих пор сол іспен айналысып жатыр. Финансовая пирамида. Адамдарды алдап, «Шаңырақ фест» деген тағы да бір кооператив ашып алған. Енді біз жүрміз. Анда жаздық, мында жаздық».

Былтыр маусым айында кооперативке қатысты экономикалық тергеп-тексеру департаментінің тергеу басқармасында қылмыстық іс қозғалған болатын. Нәтижесінде, «Атамекен 2021» тұтыну кооперативі басшысының қылмыстық іс-әрекеттері анықталған. 2021 жылдан бастап оңай жолмен ақша табу мақсатында қаржылық пирамидасын ойластырғаны белгілі болған.

АЗАМАТ ҒАББАСОВ МАҢҒЫСТАУ ОБЛЫСТЫҚ ЭКОНОМИКАЛЫҚ ТЕРГЕП-ТЕКСЕРУ ДЕПАРТАМЕНТІНІҢ ТЕРГЕУШІСІ:

«Пайыссыз автокөлік, пайыссыз пәтерді азғантай уақытта алуға болатыны туралы жалған ақпараттар өткізіп, адамдарды үгіттей бастаған. Жалған ақпараттар негізінде тұрғындардан қызығушылық болып, аталған көөперативпен жалған шарттар жасақталып, «Атамекен 2021» тұтыну кооперативінің басшысы өзінің ойластырған қылмыстық іс әрекетін жүзеге асырған.  «Атамекен 2021» тұтыну кооперативі басшысының қылмыстық іс әрекеті анықталып, ол бойынша ҚР қылмыстық кодексінің 217 бап 3 бөлінің 2 тармағы бойынша сотқа жолданған. Соттың қарамағында «Атамекен 2021» тұтыну кооперативінің басшысы ҚР қылмыстық кодексінің 217 бап 3 бөлінің 2 тармағымен кінәлі деп танылып,  5 жылға шартты түрде бас бостандығынан айырылған».

Сол уақытта, әлеуметтік желілер арқылы тұлғаларды анықтау үшін экономикалық тергеп-тексеру департаментінің қызметкерлері хабарлама жіберген. 28 адам «жәбірленуші» деп анықталып, ақшалары қайтарылған. Ал ақшасын ала алмай жүргендер бұл істің соңына дейін барып, қаражатымызды қайтарамыз деп бекініп отыр. Қазір олар қайтадан экономикалық тергеп-тексеру департаментіне арызданған. Нәтиже шыққанша тоқтап қалмақ емес.

https://www.youtube.com/embed/1JctMwUPZv0?si=uDmEtY1T-Ymr1p_o" 

Көкшетау қаласындағы әскери бөлімнен жұқпалы аурулар ауруханасына жеткізілген 47 сарбаздың жағдайы бірқалыпты. Бір сарбаз әлі де жансақтау бөлімінде жатыр. Дене қызуы көтеріліп, бас айналу, жүрек айну, әлсіздік белгілерімен азаматтардың алғашқы легі емдеу орнына осыдан бірнеше күн бұрын түскен болатын.  Кеше олардың саны 45-ке жеткен. Ал бүгін түнде тағы үш сарбаз аурухана төсегіне таңылды. Айта кетейік, науқастардың бесеуінен менингококк бактериясы табылса, кейбірінен энтеровирус анықталды.

СӘКЕН ҚАЛЫМЖАНОВ КӨКШЕТАУ ҚАЛАЛЫҚ КӨПБЕЙІНДІ АУРУХАНАСЫНЫҢ ДИРЕКТОРЫ: «Жансақтау бөлімінде жатқан сарбаз жасанды тыныс алу аппаратынан ажыратылды. Оның жағдайы туралы айту әлі ерте. Өте ауыр жағдайда түсті. Бір сәтке жүрегі тоқтап қалды.Біз қолымыздан келгеннің барлығын істеп, аман алып қалдық».

https://www.youtube.com/embed/AWsr7gRer0w?si=z3pAB9k8yTjeSOTn" 

Елдегі шаруалар,жаңа технологияға қарай қадам басты.Алматы облысына қарасты Балқаш ауданы су тапшылығын сезіп келе жатқан аймақтың бірі.Осыған орай, егіншілікпен айналысатын «Тамшыбұлақ» шаруа қожалығы жаңбырлатып суару жүйесін пайдалана бастады.Толығырақ келесі бейне материалға назар аударсақ.

Су тапшылығы Балқаш ауданы дихандарын әбігерге салғанын білеміз.Қапшағай су қоймасынан берілетін тіршілік нәрі,жыл сайын төмендеп барады.Оның үстіне құмды аймаққа су жеткенше,біраз мөлшерін жоғалтады.Салдарынан ауданда егіншілікпен айналысатын шаруашылықтар егістік алқаптарын қысқартуға мәжбүр болып отыр.Бұл өздеріңіз көріп тұрған жаңа технологияның бірі.»Тамшыбұлақ» шаруа қожалығының мамандары каналдан ағыл-тегіл су жібермей,жаңбырлатып суару жүйесін тиімді пайдаланып отыр.

МҰСТАФА ҚАЛИЕВ «ТАМШЫБҰЛАҚ» ЖШС ДИРЕКТОРЫ

ҚАМҚОР УӘЛИЕВ «ТАМШЫБҰЛАҚ» ЖШС ДИРЕКТОРЫНЫҢ ОРЫНБАСАРЫ 

Су тапшылығы «Тамшыбұлақ» шаруа қожалығын да тығырыққа тіреген. 1400 гегтар жерге жоспарланған күріш дақылдарын 900 гегтарға ықшамдаған.  Өйткені,тіршілік нәрі толық көлемде жетіспей отыр.

МҰСТАФА ҚАЛИЕВ «ТАМШЫБҰЛАҚ» ЖШС ДИРЕКТОРЫ

Диқандардың ақ күрішіне сұраныс жоғары.Өнімдерін Алматы,Алматы облыснан бөлек, алыс-жақын шет мемлекеттерге шығарады.

МҰСТАФА ҚАЛИЕВ «ТАМШЫБҰЛАҚ» ЖШС ДИРЕКТОРЫ

«Тамшыбұлақ» шаруа қожалығы күріштің янтарь,бақанас,новатор сорттарын егеді.Өнім сапасын арттыру үшін,алдыңғы қатарлы тұқым өндіретін шаруашылықтармен етене қарым-қатынаста.Аграрлық саладағы ғалымдар мен тығыз байланыс орнатқан. Қожалықтың иелігінде бес жарым гегтар суармалы жер бар.Оған күріштен бөлек арпа,бидай ексе, 2,5 гегтарына көп жылдық жоңыршқа өсіреді.Мал азығы қашанда өзекті,демек сұраныс жоғары. Шаруагерлер егін алқаптарына айдаған жоңыршқаны үш мәрте шауып алады.Түскен пайданы сатудан бөлек, қайырымдылық шараларына да жұмсап отырады. Береке ауылының тыныс-тіршілігін жарастырып отырған қожалық, өзінде қызмет жасайтын мамандары мен ауыл тұрғындарына  қолдан келгенше көмек көрсетіп келеді. Ауылда тұратын әр отбасына 20 рулом шөп, 100 келідей күріш таратады.

ҚАМҚОР УӘЛИЕВ «ТАМШЫБҰЛАҚ» ЖШС ДИРЕКТОРЫНЫҢ ОРЫНБАСАРЫ 

«Тамшыбұлақ» шаруа қожалығында 50-ге тарта ауыл тұрғындары жұмыс жасайды,оларға сөз басында айтып өткеніміздей айлықтан бөлек,әлеуметтік көмек те көрсетіліп отырады.

https://www.youtube.com/embed/lh0GeVMh4EU?si=gLxfTf5fbWpnoMXb" 

Ел полицейлері жаңа бейнежетонмен қамтамасыз етілді. Енді тәртіп сақшылары бейнежазбаларды өз бетінше жоя алмайды. Құрылғыны өшіріп немесе өзінің отырған жерін жасыра алмайды. Бұл өз кезегінде еңбек өнімділігін арттырып, жемқорлық фактілерін жояды. Осылайша полицейлер жұмысы жаппай цифравизацияға көшіп жатыр. Үкімет басшысы Әлихан Смайыловқа Ішкі істер министрі Марат Ахметжанов саладағы тың жаңашылдықтарды көрсетіп, алдағы жоспармен бөлісті.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Жалпы ішкі істер министрлігі цифрлық технологияларға жақсы дұрыс көңіл бөліп отыр. Жақсы, қуантарлық жағдай. Үкімет бұл жұмысты өз тарапынан қашанда кеңінен қолдайды. Сондықтан бұндай инциативаларды біз барынша қаржыландыруға тырысып отырмыз. Жылдан-жылға бұл жұмысты ұлғайту керек, неге десеңіз бұл әр мемлекеттік органның жұмысының тиімділігін айтарлықтай көтереді».

Айтпақшы, жақында «Қорғау» атты жаңа жүйе іске қосылмақшы. Бұл бағдарлама көше камераларынан алынған деректерді талдай отырып, жақын маңдағы полиция қызметкерінің планшетіне қауіпті жүргізушінің келе жатқаны туралы сигнал береді. Бұл жол қозғалысы ережелерін қасақана бұзушы, я жоғары жылдамдықпен келе жатқан көлік жүргізушісі де болуы мүмкін. Сондықтан, бұдан былай көлік жүргізуші болсын, жаяу жүргінші болсын жол ережесін қатаң сақтап, тәртіпке бағынып жүруіне тура келеді.

https://www.youtube.com/embed/7xlt3Gy9Dpg?si=zd29HBoh7UiqDyx_" 

Конституция күні қарсаңында Президент Қасым-Жомарт Тоқаев арнаулы мандатқа ие омбудсмендермен және құқық қорғау құрылымдарының өкілдерімен кездесу өткізді. Кездесуде Қасым-Жомарт Тоқаев елімізде жүргізілген ауқымды конституциялық реформалардың нәтижесі туралы айтты. Президенттің айтуынша, Ата заңға енгізілген өзгерістер мен толықтырулар мемлекетті басқару моделін жаңғыртуға негіз болды. Конституциялық реформа барысында құқық қорғау саласына баса мән берілді. Конституциялық Сот алғашқы 7 айдың ішінде 43 істі қарады. Соның 23-і бойынша тиісті шешім шығарылды.

Президент азаматтардың Конституциялық Сотқа тікелей жүгінуге мүмкіндік алғанын атап өтті. Бұрын мұндай құқыққа билік институттары ғана ие болған еді.Мемлекет басшысы азаматтардың омбудсмендермен қарым-қатынасы жандана түскеніне назар аударды. Өтініштердің саны екі есе артты.Мемлекет басшысы атап өткен тағы бір басымдық – Конституциялық Соттың жұмысын одан әрі жетілдіру. Президенттің пікірінше, Конституциялық Соттың шешімдерін ескере отырып, оларды заң жүзінде бекіту маңызды.

Сондай-ақ Парламент пен Конституциялық Сот тығыз байланыста жұмыс істегені жөн.Бұдан бөлек, Қасым-Жомарт Тоқаев Омбудсмен мен арнаулы мандатқа ие уәкілдер қызметінің тиімділігін арттыру қажет екеніне назар аударды.

https://www.youtube.com/watch?v=Fk9CXRRx_4M

https://www.youtube.com/embed/dErXtW5egv8?si=WnwDJcmVzd2ZqjVt" 

Мемлекет басшысы Қасым-Жомарт Тоқаев Жоғары аудиторлық палата төрағасы Наталья Годунованы қабылдады.Президент Жоғары аудиторлық палатаның биылғы 1-ші жартыжылдықта атқарған қызметі жөнінде есепті тыңдады.Есептік кезеңде барлығы 9,3 триллион теңге бюджет қаржысы бойынша 121 нысанда 12 аудиторлық тексеріс жүргізілген.

Сонымен қатар Қасым-Жомарт Тоқаевқа Экология және табиғи ресурстар министрлігіне, Еңбек және халықты әлеуметтік қорғау министрлігіне қарасты ұйымдарға, сондай-ақ «Қазсушарға» және тағы да басқа мекемелерге жүргізілген жекелеген аудиторлық тексерістердің қорытындысы жөнінде мәлімет берілді.Кездесу соңында Президент бюджет қаржысының жұмсалуына және мемлекеттік бағдарламалардың жүзеге асырылу тиімділігіне аудит жүргізу жөнінде бірқатар нақты тапсырма берді.

https://www.youtube.com/embed/ofLz7AzJnI4?si=drfjggLqSQeOU3FT" 

Қарағанды облысында уланған тағы бір бала қайтыс болды. Қалалық әкімдік мәліметінше, Қарағанды ауруханаларында арнаулы әлеуметтік қызметтер орталығынан балалар емделуді жалғастырып жатыр. Алайда дәрігерлер қолынан келгеннің бәрін жасағанымен бір науқастың өмірін сақтап қала алмады.Тағы бес бала жансақтау бөлімінде жатыр. Олардың жағдайы тұрақты ауыр.

Еске салайық, бұған дейін Қарағанды облысының балаларға арнаулы әлеуметтік қызмет көрсету орталығында бір бала қайтыс болғаны хабарланды.Орталықта 30 шілдеде екі бала өзін нашар сезінген. Олар құсып, іші өткен. 31 шілдеде осы мекемедегі тағы 10 балада ұқсас белгілері бар дерт анықталып, ауруханаға жатқызылған.Қылмыстық іс қозғалды және Қарағанды облысының арнайы прокурорлар басқармасына берілді. 

https://www.youtube.com/embed/C06KgXC5SsE?si=dOG_1hvG5XY2nteZ"

Көкшетау қаласындағы Застанционный шағын ауданында орналасқан №14 орта мектепте күрделі жөндеу жұмысы  15 мамырда басталған. Тамыз айының соңында, жөндеу жұмысы аяқталуы тиіс еді. Бірақ, мердігер ұйым білім ошағының бір бөлігін жөндеуді уақытылы аяқтап үлгермеуде.

Осы уақытқа дейін, мектепке жөндеу жұмыстары жүргізіліп, шатыры ауыстырылған. Жөндеу жұмыстары тәулік бойы екі ауысымда жүріп жатыр. Тек, жұмысшылардың аздығынан жұмыс кестеден кешеуілдеуде.

АЙҚЫН САБЫРОВ, УЧАСКЕ БАСТЫҒЫНЫҢ ОРЫНБАСАРЫ: «Кішкене үлгермей жатырмыз. Біз бәрін құрылыс нормалары мен ережелеріне сәйкес жасаймыз. Арасында техникалық мәселелер де болды, бірақ, қазір оның барлығы шешілді. Материал әкелінуде. 10-ыншы қыркүйекке дейін біз бұл мектепті толығымен аяқтаймыз. Қазіргі уақытта терезе блоктарын орнату, терезе төбесін орнату сынды жұмыстар жасалуда».

Санаулы күннен кейін, жаңа оқу жылы басталады. 1 қыркүйекте бастауыш сынып оқушылары баратын сыныптар әлі дайын емес. Осы жағдайға оқушылардың ата-аналары алаңдауда.

АНАСТАСИЯ ӘСЕНОВА, КӨКШЕТАУ ҚАЛАСЫНЫҢ ТҰРҒЫНЫ:«Мердігер айтқан уедесін орындамай отыр. Бұл жерде бастауыш сынып оқушылары үлкен сынып оқушыларынан бөлек оқуы керек. Енді, оқу жылы басталғанда мектепте бөгде адамдар да болмақ. Сонымен қоса, құрылыс жұмыстары да жүргізіледі. Мен, әрине, кәсіби құрылысшы емеспін. Соның өзінде, қарасаңыздар бұл жерде жұмыстың 80%-ы орындалмағанын көруге болады. Бізге электр желілерінің өткізілгенін  айтқан. Бірақ, жөндеу жұмысы басталғалы төрт ай өтті. Тіпті, бұрынғы ескі аспашамдар да ауыстырылмаған».

НҰРЛАН СӘПЕНОВ, КӨКШЕТАУ ҚАЛАСЫНЫҢ ТҰРҒЫНЫ: «Терезелер жоқ. Егер жаңбыр жауса, қабырғаларға ылғал өтеді. Енді осыны көріп тұрып, қандай болған жөндеу жұмыстар туралы айтуға болады? Егер мердігер технологияны шынымен ұстанатын болса, мұның бәрі ылғал өтпей тұрып жабылуы керек. Осының барлығын басқа адамдарға көрсетіңіз. Олардың бәрі мектеп қаншалықты жаңа оқу жылына дайын екендігі туралы қорытындыны өздері шығарсын».

Жөндеу аяқталғанға дейін, балалар мектептің басқа бөлігіндегі сыныптарда оқиды. Бұл оқушылар үшін де, мұғалімдер үшін де бірқатар қиындық туғызбақ.

https://www.youtube.com/embed/8RwvAkq7sRo?si=PdmNsHw9Z0rz2T7y" 

Алматыдағы Саялы ықшам ауданының тұрғындары тұрып жатқан үйлерінің жер төлесін су басты деп арнамызға шағымданды.Жаңбыр жауса жандарын шөберекке түйіп отырған тұрғындардың мұң-мұқтажына кезек берсек.

ДАРХАН РАЗБАЙҰЛЫ ЖУРНАЛИСТ

Жаңбырменен жер көгерер деген қазақы тәмсіл Саялы ықшамауданындағы 102 үйдің тұрғындарының қорқыныштарына айналған. Ел аман жұрт тынышта берекелерін кетірген жертөледегі жағдаймен өздері алысып келе жатқандарына да біраз уақыт болған. Жаңбырдан соң су сорғы құралымен тұрғындар өздері құрғатып алуға мәжбүр. Жағдай бұлай жалғаса берсе ипотекаға алған үйіміз тұруға жарамсыз болып қала ма деп көрер таңды көздерімен атқызуда.

Мәселенің бәрі тұрғын үйлердің ауласындағы арықтардың дұрыс жасалмағаны,немқұрайлылық танытқан істің нәтижесі осы дейді 102 үйге қарасты меншік иелері бірлестігінің директоры Бауыржан Күзербаев

БАУЫРЖАН КҮЗЕРБАЕВ МЕНШІК ИЕЛЕРІ БІРЛЕСТІГІНІҢ ДИРЕКТОРЫ

Алдымызда жаңбырлы күз келе жатыр,мәселені кеш қалдырмай қолға алмақ болған тұрғындар біздің түсірілім тобымызбен әкімдікке келді.Ондағылар мәселеден хабардар.

Алатау ауданының әкімдігі мәселені жылы жабуға тырысып,жағдайдың алдағы күндері реттелетіндігін алға тартты.Тұрғындар берген уәде орындалмаса,тиісті жауыпты органдарға жүгінеміз деп бекініп отыр.

"https://www.youtube.com/embed/HTXXOjGvRqc?si=gAI-7QHDjI3rVOuL"

Биыл көмір орташа есеппен 15 пайызға қымбаттады. Алайда, көрші мемлекеттермен салыстырғанда бізде 2-3 есеге арзан. Сондықтан, министрлік көмір бағасын реттемейді. Бұл туралы бүгін орталық коммуникациялар қызметінде өткен брифингте Индустриялық даму комитеті төрағасының орынбасары Тұрар Жолмағамбетов айтты.

ТҰРАР ЖОЛМАҒАМБЕТОВ ҚР ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРЛІГІ ИНДУСТРИЯЛЫҚ ДАМУ КОМИТЕТІ ТӨРАҒАСЫНЫҢ ОРЫНБАСАРЫ: «Шектеуге келетін болсақ. Өзіңізді кәсіпкердің орнына қойып көріңізші. Егерде мен кәсіпкер болатын болсам, көмірдің бағасын реттейтін болса немесе оның көмірдің экспортын тағы реттейтін болса, мен ешқашан ақшамды салмаймын ол бизнеске басқа мемлекет реттемейтін бизнеске саламын. Бұл жерде баланс болу керек. Сол себепті біз көмірді әлеуметтік бағаны реттемейміз. Біз келісім арқылы. Яғни көмір шығаратын өндірушілермен отырып, келісіп сол бағаны қарастырып, ойластырып жылма-жыл осындай бағаны белгілеп отырамыз».

Бүгінде республика бойынша 9,1 миллион тонна қажетті көмір қоры бар. Оның 2 миллионы аймақтарға жеткізілген. Қоймада сақтаулы. Күн суыта салысымен сатыла бастайды. Жауапты министрлік өкілдері биыл жылдағыдай ажиотаж болмайды деп сендіріп отыр.