https://www.youtube.com/embed/VUMhx1d1JN0?si=z43zAWUZLKZICoju" 

Шу шықса болды, мәжілісте шепте жүрген сол бір 5-6 депутат қана бас көтереміз. Осылай деген халық қалаулысы Ермұрат Бәпи бүгін тағы бас көтеріп, сын айтты. Мәжілісменге жаңа заңның атауы жақпай қалған. 

ЕРМҰРАТ БӘПИ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Экономикалық құқық бұзушылыққа декриминализация жасаса, халық оны қалай түсінеді? Осыны бір қоғам түсінетіндей қылуға болмай ма? Ей, қазақ, мынау былай дейтіндей. Өйткені ертең бізге, қол қойған президентке сөз тиеді. Осы жердегі бес-алты депутат қана “отбиваться” етеміз осы. Анау желінің бәрінде Абзалдан бастап бәрімізді белгілейді. Ертең осы заң үшін «Ескі Қазақстанды қорғап жатырсыңдар» деп бізге сөз келеді. Желіде түсіндіру керек. Анау «Хабар», «Қазақстан» арналарының онша тиімділігі болмайды. Халық көретін арналарға шығып, түсіндіру керек».

ЖЕҢІС ЕЛЕМЕСОВ ҚАРЖЫ МОНИТОРИНГІ АГЕНТТІГІ ТӨРАҒАСЫНЫҢ ОРЫНБАСАРЫ: «Дұрыс айтып отырсыз. Қоғамға жеткізу – біздің мақсат. Сол себепті бірнеше отырыс болды. Қоғамға түсіндіру, жеткізу бойынша біраз жұмыс жасаймыз деп ойлаймыз».

Айта кетейік, бүгін Мәжілісте кәсіпкерлікке қатысты жаңа заңның таныстырылымы өтті. Бұдан былай заң кәсіпкерлердің құқын қорғайды. Қосымша кепілдік беріледі. Қолданыстағы қазіргі құжатта талап қатал еді. Қит етсе болды, қаржы агенттігі сотқа дейінгі тергеудің біріңғай тізіміне енгізіп жіберетін. Содан тексеріс басталады. Ал, кәсіпкер болса, зор шығынға батады. Енді жаңа заңда олай болмайды. Құзіретті органға тексеріс бастау үшін салық органының актісі керек болады. Егер, бизнес иесі бұл нормамен келіспесе, онда сотқа шағым қалдыра алады.

https://www.youtube.com/embed/MEn56-ps-Go?si=iz3RfjCddXJ7NHPR" 

https://www.youtube.com/embed/K-2SbbZJ8cU?si=vNisVHvVhM61qG1q" 

1 млрд мемлекет ақшасын жымқырды деген күдікпен 5 адам ұсталды. Олар гидротехникалық нысандарды салуға бөлінген ақшаны қолды қылған. Бұл туралы Қаржылық мониторинг агенттігі хабарлады. Жауапты орган  бөгеттер мен су нысандарын салуға бөлінген қаражаттың тиімді жұмсалуын тексермек. Олар су тасқыны салдарын жою үшін бөлінген ақшаның мақсатты пайдалануы мен көмектің зардап шеккен барлық азаматтарға нақты жетуін де басты назарда ұстайтын болады. 

ДМИТРИЙ МАЛАХОВ ҚР ҚАРЖЫ МОНИТОРИНГ АГЕНТТІГІНІҢ БАСШЫСЫ: «Өздеріңізде көріп отырсыздар елімізде су тасқынына қатысты ахуал күрделі. Біз де шет қалмауымыз керек. Өз құзіретіміз бойынша адал жұмыс істеуіміз керек. Агенттіктің аумақтық департаменттерінің басшылары мемлекеттік органдар мен шаруашылық субъектілерінің қызметіне араласпай, бөгеттер, су бұру объектілерін салу, сондай-ақ өзен арналарын тереңдету үшін ақшаны ұтымды пайдалануды зерделеуі қажет».

Одан бөлек, зардап шеккендерге көмектесу үшін деп ақша жинайтын алаяқтармен де күрес жалғасады.Тасқын болған аймақта бағаның өсуіне жол бермеуге ерекше назар аударылады. Ол үшін апта сайын азық-түлік, ауыз су, дәрі-дәрмек және басқа да қажетті заттар бағасының мониторингі жалғасатын болады. 

https://www.youtube.com/embed/xEK4FmC4h8s?si=8EpI_KwRgI1yg_Ad"

Ақтауда ұзындығы 44 шақырым жылу желілерінің тозығы жеткен. Бийл жаңарту жұмыстары жүргізіледі. Сол епті шаһардағы үйлер ыстық судан ажыратылады.

Жылу желілерінің 79%-ы жарамсыз. Салдарынан, биыл қыста 600-ден апат апат тиркелип, залалы шағын аудан тұрғындарына тиген. Апат саны көбеймей тұрғанда мамандар дереу иске кіріспек. Осы мәселе бойынша 18 жобаны иске асыру жоспарда бар.

СЕРІКҚАЛИ ҚАНАПИН МАҢҒЫСТАУ ОБЛЫСЫ ҮЙ-КОММУНАЛДЫҚ ШАРУАШЫЛЫҚ БАCҚАРМАСЫ БАСШЫСЫНЫҢ ОРЫНБАСАРЫ
«Ендігі кезекте алдымыздағы жылыту маусымына дайындық барылықы уча скелерді жөндеп үлгеруимиз керек және ең негізші бізге жылу келетин магистральдық құбырымыз 44км жөндеп алуымыз керек. Они жөндеп алмасақ біздер қыста ақауларға тірелеміз. Егерде қаржыландыру тісті деңгейде жүргізілсе, бұл жұмыстарды біз атқарамыз».

https://www.youtube.com/embed/hMbhEK14V7I?si=2PFxhc2lTzxoal1l"

Жалғыз баспанасынан айырылған саяжай тұрғындарына да қолдау көрсетілетін болады. Бүгінгі таңда, тасқыннан зардап шеккен аймақтағы әкімдіктермен жаңа құрылысқа жер учаскелерін таңдау жұмыстары жүргізіліп жатыр. Ақтөбе облысында үй салу бойынша жұмыстар басталды, ал Ақмола, Қарағанды, Қостанай облыстарының тұрғындарына дайын жаңа баспана кілттері беріліп жатыр. Бұл жұмыстар басқа да өңірлерде жалғасатын болады деді жауаптылар. 

Су тасқыны халықты әбден әбігерге салды. Үй-жайы мен ертеңіне алаңдаған ел азаматтары бар үміт тек үкіметте деп отыр.  Тасқын басталғалы 10 облыста 41 төтенше жағдай жарияланған. Мұндай табиғи апат бұрын-соңды елімізде болмаған. 

БАУЫРЖАН СЫЗДЫҚОВ ҚР ТӨТЕНШЕ ЖАҒДАЙЛАР ВИЦЕ-МИНИСТРІ: «Қазіргі таңда Атырау, Батыс, Солтүстік Қазақстан облыстарында су тасқынын жою жұмыстары жалғасып жатыр. Ресейдің Ирикла су қоймасынан Жайық өзеніне ағызған судың салдарынан батыста жағдай күрделене түсті, ал солтүстікте су Ақмола облысынан келіп жатыр. Абай, Павлодар, Қарағанды, Ұлытау, Ақмола және Қостанай облыстарында жағдай тұрақты, жергілікті өзендердегі су деңгейі біртіндеп төмендеуде. Бұл өңірлердегі елді мекендерді су басу қаупі жоқ. Бүгінгі таңда 5 мыңнан астам тұрғын үй, 16 мыңнан астам саяжай, бір мың аула аумағы мен 91 ғимарат су астында қалып отыр».

Халықтың үмітін үкімет ақтай ма? Бүгін министрлер кабинеті күн тәртібінде су тасқынынан зардап шеккен халыққа қандай көмек көрсетілетінін талқылады. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Кеше мен тиісті қаулыға қой қойдым. Қазіргі таңда 11 мыңға жуық отбасы 100 айлық есептік көрсеткіш мөлшерінде төлем алды. Бұл – үлкен жұмыстың басы ғана. Оған қосымша тағы 150 айлық есептік көрсеткішке дейін төлейтін боламыз. Оған адамдар тоңазытқыш, үстел, орындықтар, ыдыс-аяқ, киім-кешек сияқты бүлінген бірінші кезектегі қажетті заттарды сатып ала алады».

Үкімет басшысы жағдай тікелей Президенттің және өзінің бақылауында екенін айтып сендірді. Тасқыннан зардап шеккен кәсіп иелері де назардан тыс қалмайды деді ол. 

ОЛЖАС БЕКТЕНОВ ҚР ПРЕМЬЕР-МИНИСТРІ:«Азаматтарға айтатыным, сабырлық сақтаңыздар. Ешкім де көмексіз қалмайды. Бұл мәселелердің барлығы Президенттің және менің жеке бақылауымда. Сондықтан біз осы сынақтан абыроймен өтеміз деп білемін».

Айтпақшы, мемлекет су тасқынынан бүлінген үйдің орнына жаңасын  салуға деп берілетін  22 млн теңгені әркімнің қолына ұстата салмайды. Тұрғындар өздері таңдау жасайды. Жаңадан үй немесе пәтер алу халықтың өз қалауында. Яки, үйін қайта тұрғызады немесе әкімдіктер қайталама нарықтан пәтер алып береді. Осы екі таңдаудың бірін пайдалануға болады. Ал жөндеу жұмыстарын әкімдік құрылыс компаниясына жүктей алады немесе бірнеше өңірде әкімдік шешімімен баспананы қалыпқа келтіру шығынын жұртшылықтың қолына береді.

https://www.youtube.com/embed/l8Vv3K-BBJk?si=BTu41Dk1t7W9zebf" 

Мемлекет басшысы Қасым-Жомарт Тоқаев еліміздің бірқатар өңірінде болған су тасқынына байланысты тілеулестік танытып, көмек көрсеткені үшін Шавкат Мирзиёевке және бауырлас Өзбекстан халқына алғыс айтты. Президенттер телефонмен әңгіме барысында қазақ-өзбек стратегиялық серіктестігін одан әрі нығайту мәселелерін талқылады.

Тараптар екіжақты қатынастар мен өңірлік деңгейдегі кооперацияның қарқынды дамып келе жатқанына назар аударды. Сонымен қатар аймақтық және халықаралық күн тәртібіндегі өзекті мәселелер талқыланды. 

https://www.youtube.com/embed/KKylEeNzNaI?si=EG9dpdRrxAEC7jx8" 

https://www.youtube.com/embed/mtYIS7VdHig?si=9SwdesGD0uCCyWhT"

Мамандық - жауапкершілікті талап ететін еңбек қызметінің маңызды бөлігі. Өмірде екі нәрседен қателеспеу керек. Оның бірі жар таңдау, екіншісі мамандық таңдау. Өйткені  таңдаған мамандығың, болашағың. Адамдар мамандықты жүрегінің қалауы бойынша таңдауы керек. Өз ісін жақсы көрген жастар, сүйген саласынан ләззат алады. Ең бастысы – адам еңбекке қабілетті, зейінді болуы қажет және мемлекеттен не аламын емес, не бере аламын деген қағиданы ұстанған дұрыс. Өздеріңіз көріп тұрған жастарға арналған ашық есік күнінің мақсаты, осы мәселеге арналды. 

КАМАЛ ӘМІРҒАЛИҰЛЫ АДИК ДИРЕКТОРЫ

Аталмыш білім шаңырағында студенттердің жанжақты шыңдалуына барынша жағдай жасалған. Мұнда жастар жаңа технологияларды меңгеріп, практикалық тәжірибиеден өтеді. Оқу орнының басшылығы шетелдік әріптестерімен байланыс орнатып, білім кеңістігіне еркіндік беруде.

КАМАЛ ӘМІРҒАЛИҰЛЫ АДИК ДИРЕКТОРЫ

https://www.youtube.com/embed/BS3z-cfGE54?si=Nuj6yyzq7sAzBQMR"

Суицидке баратындардың әрбір бесіншісі – лудоман. Еліміздегі ажырасулардың 40%-на да осы лудомания тікелей себеп болған. Тұрмыстық зорлық-зомбылыққа баратындардың да дені –  құмар ойынға шалдыққандар. 
Ойын бизнесі және лотереямен күресетін жаңа заң жобасы мәжіліске келіп түсті. Бұл жаңа құжаттың қабылдануына барлық фракция өкілдері бастамашыл болып отыр. Себебі, құмар ойынның құрығына іліккендер жайындағы статистика қорқынышты. 

Бұдан былай жасы 25-ке толмаған, мойнында қарызы бар адамдарға құмар ойын ойнауға үзілді-кесілді тиым салынады. Мәжіліс ойын бизнесі және лотерея қызметі туралы заң жобасын жұмысқа алды. Себебі, елімізде жыл сайын ойынқұмарлар саны артып барады. Ресми статистикаға жүгінсек, 400 мың адам құмар ойынның құрығына іліккен, олардың орташа қарызы 10 млн теңгеден асады.

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: 
«Деректерге жүгінсек, соңғы екі жарым жылда еліміздің шамамен әрбір бесінші адамы ойын ойнайды екен немесе құмар ойындарына қандай-да бір қатысы бар. Ал, оның ішінде 400 мыңдай адам ойынға салынып, букмекерлік кеңселер мен казинолардың тұрақты клиентіне айналған. Сұмдығы бұл дерт балалар мен жасөспірімдерді де шарпып отыр. Құқық қорғау органдарының мәліметінше, шамамен 200 мыңға жуық кәмелеттік жасқа толмаған бала басқа адамның атынан букмекерлік кеңселерге бәс тігіп, азарттық ойындар ойнайды екен. Өзге адамның логинімен букмекерлік кеңселерге бәс тігуші адамдардың саны белгісіз».

Құмар ойынның құрығына іліккендердің орташа жасы 18 бен 40 жасты құрайды. Ал әлеуметтік портреттері, орташа қанағаттанарлық деп бағаланады. Ешбіреуінің  жағдайы тым нашар емес, араларында «жерге нан таба алмай жүргендері мүлдем жоқ», оның үстіне күн санап ойынқұмарлар қатары артып барады. Тіпті араларында қыздар да бар дейді мамандар. Сондықтан, депутаттардың дабыл қаққаны түсінікті де.

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Ойын нарығы айналасында үлкен қаражат айналып жатыр. Мәселен, былтыр букмекерлік кеңселердің жылдық айналымы бейресми ақпараттар бойынша 1 триллион теңгеге жеткен екен. Демек, мұның айналасында мүдделі топтар, лоббистер болатыны сөзсіз. Осында келтірілген мәліметтерден Қазақстанда ойынқұмарлық індеттей өршіп, ел қауіпсіздігіне қатер төндіре бастағанын байқаймыз. Бүгін қарастырғалы отырған заң жобалары осы мәселені барынша ауыздықтап, реттеуге арналған».

Сонымен жаңа заңға енген өзгерістерді тізсек: енді 18 жастан лотерея ойнауға тиым салынады, рұқсат тек 25 жастан, одан бөлек мойнында қарызы барлар лотерея ойынына жолтылмайды, ал ойын бизнесін жарнамалағандар қылмыстық жауапкершілікке тартылады.   

https://www.youtube.com/embed/3EUcQjpeEZo?si=GToMuSvA011Pneyg" 

Қызылорда қаласының қауіпсіздігін күшейту мақсатында, 1400 бейнебақылау камерасы, 19 интеллектуалды қиылыс, 58 стационарлық жылдамдық өлшегіш қондырғы, 20 Sergek Qorgau мобильді қосымшасы орнатылмақ. Толығырақ алдағы бейнематериалда. 

Қызылорда қаласында Жедел басқару орталығына қарасты 272 бейнебақылау камерасы, 20 «Аркан» стационарлық жылдамдық өлшегіші, 5 интеллектуалды қиылыс орнатылған. Бүгінде Қызылорда облыс әкімінің төрағалығымен түрлі заң бұзушылықтардың, қылмыстырдың алдын алу үшін камераларды көптеп орнату мәселесі талқыға түсті. Бұл істің негізгі мақсаты — тұрғындардың өмір сапасын жақсарту және қауіпсіздіктерін қамтамасыз ету.

НҰРЛЫБЕК НӘЛІБАЕВ ҚЫЗЫЛОРДА ОБЛЫСЫНЫҢ ӘКІМІ

Статистика сүйенсек осы жылы «Аркан» құрылғысына 6514 көлік иесі жылдамдықты асыру бойынша 75 млн теңге айыппұл төлеген.  

НҰРЛЫБЕК НӘЛІБАЕВ ҚЫЗЫЛОРДА ОБЛЫСЫНЫҢ ӘКІМІ

Жоспарда жедел басқару орталығын жаңғырту, тұрғындардың игілігі үшін халық көп шоғырланатын қоғамдық орындарды тегін Wi-Fi желісін орнату, интеллектуалды көлік жүйесімен және IT-park ғимаратын заманауи техникалармен жабдықтау да бар. 

МАХСУДХАН АБЛАЗИМОВ ҚЫЗЫЛОРДА ОБЛЫСТЫҚ ПОЛИЦИЯ ДЕПАРТАМЕНТІНІҢ БАСТЫҒЫ

Енді жол-патрульдік полиция қызметкерінің планшетінде орнатылған «Sergek Qorgau» мобильді қосымшасында көлік және жүргізушінің барлық деректері яғни  жүргізу куәлігі, сақтандыру, техникалық байқау құжаты, мемлекеттік нөмір, түрлі бұзушылықтарын көру қолжетімді болмақ. Бұл жол-көлік ережелерін қатарынан бірнеше рет бұзу фактілері белгілі болғанда 5 минут ішінде «Қауіпті жүргізуші» статусын анықтауға және көлікті оперативті түрде ұстауға мүмкіндік береді. 

https://www.youtube.com/embed/cNURdxSWTzs?si=ocOABqP-PeOZlLEY"

Әлеуметтік желіде тараған ақпарат бойынша, 20 сәуір күні  Алматыдағы «Комфорт сити» тұрғын үй кешенде 13 жастағы қыз зорланды. Болжам бойынша, ер адам пәтерлердің бірінде жөндеу жұмыстарын жүргізіп жатқан және қылмысты көлік тұрағында жасауы мүмкін. Алматы полициясы аталған факт бойынша ҚР Қылмыстық кодексінің 121-бабы 4-бөлігі «Сексуалдық сипаттағы зорлық-зомбылық әрекеттері» бойынша қылмыстық іс қозғалғанын хабарлады.

САЛТАНАТ ӘЗІРБЕК АЛМАТЫ ПОЛИЦИЯСЫНЫҢ РЕСМИ ӨКІЛІ: «Аталған факті бойынша қылмыстық іс қозғалды. Күдікті ұсталып, уақытша ұстау изоляторына қамалды. Басқа да мән-жай анықталып жатыр».

https://www.youtube.com/embed/GaSQRbABgUg?si=BfD_3FVIZGNtdY_9"

Ақтауда 11-сынып оқушысы өзінен 4 жас төмен оқитын баланы тоқұрғышпен ұрып ауруханадан бір-ақ шығарған. Оқиға №23 орта мектепте тіркелді. Ал полиция бұл жайт бойынша тек әлеуметтік желіде қызу талқыға түскеннен кейін ғана іс қозғаған. Ауруханаға түскен 7-сынып оқушысының анасы әділдік сұрап, шыр-пыр болып жүр. Оқиғаның мән жайы келесі бейнематериалда. 

“Балам әлімжеттіктің құрбаны болды”- деп дабыл қаққан ананың әрекеті әлеуметтік желіде қызу талқылануда. Оқиға 16 сәуір күні Ақтаудағы №23-ші орта мектепте болған. Диас есімді 11-сынып оқушысы төменгі сыныпта оқитын баланы электрошокермен ұрып, артынша жұдырық жұмсап, ауруханадан бір-ақ шығарған. Содан бері өзінен бірнеше жас үлкен баладан таяқ жеген Әсем Мұнатованың баласы ем-дом қабылдап жүр. Тіпті психологтың да көмегіне жүгініпті.

ӘСЕМ МҰНАТОВА, ЖӘБІРЛЕНУШІНІҢ АНАСЫ «Балам 13:30-да сабақтан шығып, Диас Аюпов лавочкаға шақырып алып, қол беріп амандасып, дәл қасына отырғызып, электрошокермен аяғынан ұрады. Электрошокермен бірнеше рет аяғынан ұрғаннан кейін Нұрбек тұрып, жаңағы баланы итереді. Итергеннен кейін менің баламды жағынан ұрып, құлатып, басы лавочкаға тиіп, бірнеше минутқа есін жоғалтады».

Жәбірленушінің анасы бауыр еті баласын мұғалімдердің де кемсіткенін айтып отыр. Анасы бастапқыда бұл жағдайдан бейхабар болған. Жеткіншек үйіне бара сала көңілі болмай, жарты сағат жуынатын бөлмеде отырыпты. Кейін лоқсып, басы ауырған соң ауруханаға жатып шыққан. Полицияға да хабар берген. Алайда оқиға туралы әңгіме әлеуметтік желіле талқыға түспейінше іс қозғалмаған. 

ӘСЕМ МҰНАТОВА, ЖӘБІРЛЕНУШІНІҢ АНАСЫ «Сол күні Аюпов Диас баланы ұрып болғаннан кейін мектепте бүкіл баланы жинап, «мына Нұрбекпен бүгіннен бастап ешкім қол беріп амандаспаңдар, Нұрбек терпила» деп буллинг жасайды. Және де бізге басқа оқушылардан хабар келе бастады физкультура ағайы мен история апайы менің балама буллинг жасаған. Өздерінің емес сабағаныда келіп классқа Қуатов Нұрбек жаман оқушы, ол біздің мектептің «шіріген картошкасы» деп менің баламды жамандап».

Жәбір көрген оқушының анасы бұл істі соңына дейін жеткізіп, мектептегі буллингті тоқтатамын деп бекініп отыр. Өйткені 11-ші сынып оқушысы ұлдар былай тұрсын, қыздарғада тисетін көрінеді. Оны мектеп оқушылары растаған. Ол аздай өзінен кіші балалардан ақша талап етеді екен. Десе де мектеп әкімшілігі Диасты қорғағандай сыңай танытуда. 

ЭЛЬМИРА ЖАМИЛОВА, №23 ЖАЛПЫ БІЛІМ БЕРЕТІН ОРТА МЕКТЕП ДИРЕКТОРЫНЫҢ ТӘРБИЕ ЖӨНІНДЕГІ ОРЫНБАСАРЫ «Мектебіміз ішінен, сыртынан 78 камерамен жасақталған. Енді бұл кезде балалардың тарау кезі болған оқиға байқалмай қалған. Ол жерде төбелес емес, екеуі сөйлесіп отырады да, бір кезде келіспей атып тұрып, бір-бірін итеріп қалып, бір қол жұмсау болған да енді. Енді Аюпов Диас спортсмен, боксер, көптеген шараларға қатысып жүр. Енді мінезінде кішкене тентектік бар. Ол өзін-өзі кейбір кезде ұстай алмай қалатыны бар. Ашуға беріліп ол бала боқтық сөз естідім де, шыдамай қалдым дейді». 

Мектеп басшылары оқу ордасында буллингтің жауапкершілігі ауыр екенін үздіксіз түсіндіріп жатырмыз деп ақталды. Ал 7-сынып оқушысын достарының көзінше кемсіткен мұғалімдерге сөгіс бергенін айтады. Бұл жанжалдан соң 11-ші сынып оқушысының ата-анасы Әсем Мұнатовадан кешірім сұрап хабарласқан. Алайда келіншек енді тек өз балам үшін емес, барлық оқушының құқығы үшін күресетінін айтты. Жергілікті полицияның мәліметінше, қазір бұзақылық бойынша қылмыстық іс қозғалып, оқиғаның мән-жайы тексеріліп жатыр.