https://www.youtube.com/embed/r5QsbZpamoc?si=dpniVcJ9xOhd-KXM" 

Су тасқынынан зардап шеккен аймақтағы ағайынның коммуналдық төлемі кейінгі қалдырылады. Бұл өзгеріс, наурыз және сәуір айларындағы коммуналдық төлемге қатысты. Бірақ, мүлдем төлемейді деген сөз емес. Тұтынушылар қарызды өсімпұлсыз кейін қайтарады. Ал, зардап шеккен абоненттер тізімін  жергілікті атқарушы орган жасайды. Бүгін Табиғи монополияларды қорғау агенттігі осындай хабарлама жасады. 

Еліміз бойынша қарғын судың қарқыны бәсеңдеп келеді. Деседе, Батыста әлі де жағдай  тұрақталған жоқ. Мұнда жедел штаб құрылып, өз жұмысын жалғастырып жатыр. 

АСҚАР ШӘРІП ҚР ТЖМ ӨКІЛІ:  «Атырау облысында Жайық өзені су деңгейіне мониторинг жалғасуда. Бөгеттерді нығайту жұмыстары жүргізіліп жатыр. Атырау қаласында бөгегіш бондары орнатылып жатыр. Жайық өзені жағасының сумен шайылуының алдын алу үшін мұнай-газ компаниясының күштері мен құралдары жұмылдырылып, ұзындығы 600 метр теңіздің бөгегіш бондары жағаға жақын орнатылды. 8 189 тұрғын үй мен 2 977 аула аумағынан су сорып, шығарылды. 13,9 млн астам текше метр еріген қар суы сорып шығарылды, 7,7 млн қапшық және 1,5 млн астам тонна инертті материал төселді».

Батыста екі елді мекен көлік қатынасынсыз қалды. Киім-кешек пен тамақ тасамылдау қиындады. Ал, жол мамандарының сөзіне сенсек, бұл уақытша қиындық. Аталған аймақта жақын күндері жол қалпына келіп, көлік қозғалысы қайта жанданады. Осы мақсатта жолшылар тәулік бойы жұмыс істеп жатыр. 

НҰРЖАН ТӨЛЕУІШ БҚО ТЖД РЕСМИ ӨКІЛІ: 
«Өңірде су басу қаупі сейіліп келеді. Жайық өзеніндегі су деңгейі күн санап төмендеп жатыр. Соңғы тәулікте 7 см-ге түсті. Судың қазіргі деңгейі – 8 м 6 см. Қазіргі уақытта Ақжайық және Теректі аудандарында жол-көлік қатынасынсыз 2 елді мекен қалып отыр. 11 жол шаю оқиғасы бақылауда. Тәулік ішінде эвакуацияланған адамдар жоқ».

Айтпақшы, су тасқынынан зардап шеккен ағайынның коммуналдық төлемі кейінгі қалдырылатын болды. Бүгін табиғи монополияларды қорғау агенттігі осындай хабарлама жасады. Наурыз бен сәуір айындағы коммуналдық шығынды халық өсімпұлсыз кейін төлесе де болады. 
 

https://www.youtube.com/embed/wNyLtYWDwmc?si=PdKYnHdqS77VE8rv" 

https://www.youtube.com/embed/bbrtTJ_JEls?si=e7WT1NWJ-XCLG8-P" 

Алматы қаласында техникалық және кәсіптік білім беру ұйымдары арасында 2024 жылдың 30 сәуірімен 4 мамыр аралығында WorldSkills Almaty-2024 өңірлік кәсіби шеберлік  чемпионаты басталды.Шараның негізгі мақсаты
жұмысшы мамандықтарының беделін арттыру және шеберлік дағдыларын дамыту.

Халықаралық мәні бар WorldSkills жобасы Қазақстанда 2015 жылдан бері тұрақты түрде ұйымдастырылып келеді. Техникалық және кәсіптік бағытта ілім алып жатқан жастардың арасында орын алатын шара деуге болады.Бүгінгі чемпионат, өзгелерден ерекше.Өйткені ерекше білім беруді қажет ететін студенттердің арасындағы қызу тартыс.

НАЗГҮЛ ОМАРҚҰЛОВА ЧЕМПИОНАТ САРАПШЫСЫ

WorldSkills өңірлік кәсіби чемпионаты «Флорист» құзіреттілігі бойынша, бірнеше білім ошақтарының арасында өтіп отыр. Айтулы шара екі бағытты қамтыды. Abilympics және DeafSkills құзіреттіліктері.

ГҮЛГЕРІМ ОСПАНҒАЛИЕВА ИНКЛЮЗИВТІ БІЛІМ БЕРУ БӨЛІМІНІҢ ӘДІСКЕРІ

Аталмыш оқу орнының инклюзивті білім беру бөлімінде 195, оның ішінде 168 студент арнайы топтардың, 27 студент инклюзивті топтарың; тірек-қимыл аппаратының бұзылысы, есту қабілетінің бұзылысы, көру қабілетінің бұзылысы, жеңіл ақыл-ой кемістігі, психикалық дамуының тежелісі, Даун синдромы функционалдық бұзылыстары бар студенттер білім алуда. Онда білікті мамандар студенттердің сапалы білім алуына, таңдаған мамандықтарын игеруіне деген барлық кедергілерді жойып, қоғамдық ортаға әлеуметтік бейімделуін қамтамасыз етіп отыр.

НҰРАЙ МАРАТ СТУДЕНТ «Мен осындай байқауға алғаш рет қатысып тұрмын.Маған өзімнің мамандығым ұнайды.Осындай сайыстар біздерге көптеген тың бастамалар береді. Өте қызықты,әрі тартысты болып жатыр».

https://www.youtube.com/embed/91ZTJNOrKRc?si=GL_JcILYljn7uIM1" 

Күн жылып, жердің тоңы жібіген кезде басталатын жыл сайынғы көктемгі дала жұмыстары Алматы облысы,Балқаш ауданында қызу жүріп жатыр.Шаруагерлер алдымен бидай,қазір күріш дақылдарын себуде.

Іргесі 2001 жылы қаланған «Бірлік агрофирмасы» брендке айналған ақ күрішімен танымал.Бір ауылдың күн көрс көзіне айналған шаруашылық жыл сайын ерте көктемнен жер жыртып, жер анаға дән себеді. Диқандар 1360 гегтар жерге бидай, 1320 гегтарға күріш, 2800 гегтар алқапқа көп жылдық жоңыршқа еккен. Дала жұмыстарына 250 адам тартылған, маусымдық науқан кезінде жұмыскерлер саны 500-ге дейін өседі.Орташа жалақылары 250 мың теңгені құрайды.

АЛМАС ҚЫСТАУБАЕВ «БІРЛІК АГРОФИРМАСЫ» ЖШС БАСШЫСЫ

Жыл өткен сайын Іле өзенінің суы тартылып барады. Соның кесірінен күріш өсірудің көлемі азайып барады. Себебі, белуарына дейін суда тұруы тиіс күріш дақылы ылғалды қажет етеді. Жаздың шыжғырған ыстығынан күріштің тамырына су жетпей өнімділігі төмендейді.Бұл Балқаш ауданы диқандарының соңғы үш жылдағы негізгі проблемасы деуге болады. Десекті шаруашылық иелерін қуантып отырған негізгі мәселе, биылғы су деңгейінің сәл жоғарылауы. Осынау мүмкіндікті пайдаланып, тәуекелге барып отырған жайлары бар.

БАҚЫТЖАН СӘБИТОВ «БІРЛІК АГРОФИРМАСЫНЫҢ» БАС АГРОНОМЫ

«Бірлік Агрофирмасы» жұмыскерлерінің жалақысынан бөлек, жем-шөбі секілді маңызды мәселелерге ерекше мән беріп отырады.Сонымен қатар қайырымдылық шараларынан да кенде емес. Еліміздің әр аймағында орын алып отырған су тасқынын ерекше күйзеліспен қабылдап, қолдан келгенше гумманитарлық көмек жіберген.

АЛМАС ҚЫСТАУБАЕВ «БІРЛІК АГРОФИРМАСЫ» ЖШС БАСШЫСЫ

https://www.youtube.com/embed/MeVV6N4n1pY?si=h97E9ZRvYZHXUw-u" 

Еуропалық қайта құру және даму банкі (ЕҚДБ) Қазақстан Үкіметінің қолдауымен «Әйелдер микробизнесте» оқыту бағдарламасына қатысуға өтінім қабылдауды бастады. Бұл жоба өз бизнесін дамытуға ұмтылатын және әртүрлі әлеуметтік немесе экономикалық кедергілерге тап болатын кәсіпкерлер үшін арнайы жасалған. 

Ресми деректерге сүйенер болсақ, Қазақстандағы шағын және орта бизнес секторындағы кәсіпорындардың 49% -ын әйелдер басқарады. Алайда, орта және ірі бизнесте олардың үлесі айтарлықтай төмен - сәйкесінше 36% және 19%. «Әйелдер микробизнесте» оқыту бағдарламасы арқылы қыз -келіншектер бизнес саласында білімін жетілдіріп, кәсібін дамытуға машықтанады.

АЛМА ҚАСЫМОВА ҚАЗАҚСТАНДАҒЫ ЕҚДБ ШАҒЫН ЖӘНЕ ОРТА БИЗНЕСТІ ДАМЫТУ БАҒДАРЛАМАСЫНЫҢ БАСШЫСЫ: «Оқыту қазақ және орыс тілдерінде онлайн-форматта 5 ай бойы өтеді. Қатысушылар оқуды кез келген уақытта бағдарлама аясында бастай алады. Курс бизнестің негізгі аспектілерін қамтитын 6 модульден тұрады: маркетинг, сату, қаржы, жеке басқару, операциялық басқару, стратегия, автоматтандыру және жасанды интеллект». 

Аталмыш бағдарлама Қазақстанда үшінші рет өткізіліп жатыр. Алдыңғы жобалар 1500-ге жуық кәсіпкер әйелге өз дағдыларын нығайтуға және бизнестерін жақсартуға мүмкіндік берді. Жобаны «Диалог» тренинг және консалтинг компаниясы жүзеге асырады.

МАХАББАТ КАБИРАЕВА ЕҚДБ ӨКІЛІ:«Шағын және орта бизнеспен айналысатын қазақстандық әйелдердің білімін жетілдірі үшін Үкіметтен 2015-2025 жылға 16,9 млн доллар бөлінді. Бұл жұмыс істеп тұрған кіші бизнестегі қыз- келіншектерге арналған оқу бағдарламасы. Өйткені, кейбір кәсіпкер әйелдер белгілі бір ресурстардың шектелуіне байланысты».

https://www.youtube.com/embed/NII297reESg?si=dDWVFspKA4pDq5x6" 

Маңғыстауда кене көбейіп,зардабын түйе шаруашылығына тигізіп отыр. Кененің кесірі бірнеше ботаның өліміне әкелген. Мәселе жайлы алдағы материалда.

Қуаңшылықтың әсері ме,жылдағымен салыстырғанда кене биыл тым көбейіп кеткен. 
Шаруалар қолдарынан келгенше қораларды тазалап, түйелердің жүнін қырқып, өз бетінше улап әлек. Алайда, нәтиже шығар емес.

ЕСБОЛ ЕСТҮРЛИЕВ ШАРУА ҚОЖАЛЫҒЫНЫҢ ИЕСІ: «Менің шығыным, 5 бота болып отыр. Бәрінің айтатыны осы көк кененің әңгімесі. Үкіметтен көмек болмаса, бізге қиын болып тұр. Бізге тек улап беруіне көмектессе деймін».

Шаруалар малдың жүнін қырқып, жылына бір рет паразитарлық ауруларға қарсы ерітіндіге тоғытулары қажет дейді облыстық  ауыл шаруашылығы басқармасы басшылары.

БЕРДІБЕК МАРҚАБАЕВ МАҢҒЫСТАУ ОБЛЫСЫ  АУЫЛ ШАРУАШЫЛЫҒЫ БАСҚАРМАСЫ БАСШЫСЫНЫҢ ОРЫНБАСАРЫ: «Әр кәсіпкер паразитарлық ауруларды болдырмау жағдайында шараларын алуға міндетті. Ал, біздің тарапымыздан тек қана жұқпалы ауруларды болдырмау бойынша, профилактикалық-диагностикалық іс-шаралардың қызметін атқарамыз».

Сондай-ақ қораларды дезинфекциялау маңызды.

https://www.youtube.com/embed/tLwaAd2FXpE?si=jAbGoGXuXb6OidI-" 

Реновация бағдарламасы аясында Оралда апатты деп танылған 3 тұрғын үй сүрілмек.Бұл туралы тұрғын үй коммуналдық шаруашылығы бөлімінің мамандары мәлімдеді. 

Бүгінде Оралда 54 апатты, 310-ға жуық тозығы жеткен тұрғын үй бар. Бағдарлама аясында бұған дейін сүрілген апатты үйлердің орнына жаңасын салу жұмыстары жүріп жатыр.

БАҒДАТ РАФАИЛ ОРАЛ ҚАЛАЛЫҚ ТКШ, ЖК, ЖӘНЕ АЖ СЕКТОРЫ РЕНОВАЦИЯ БӨЛІМІНІҢ БАСШЫСЫ

Апатты үйлерді сүру кезеңінде әртүрлі қиындықтармен күресуге тура келеді.

БАҒДАТ РАФАИЛ ОРАЛ ҚАЛАЛЫҚ ТКШ, ЖК, ЖӘНЕ АЖ СЕКТОРЫ РЕНОВАЦИЯ БӨЛІМІНІҢ БАСШЫСЫ

Айналасы 2 жылға жуық мерзімде жаңа тұрғын үйлер салынады.Молдавская 2/1 мекенжайында орналасқан 2 қабатты 16 пәтерлі үйдің орнына 9 қабатты тұрғын үй бой көтерді. Су жаңа пәтерлер ескі баспана аумағына сай көлемде беріледі. 

ҒАЛЫМ АДАЕВ УЧАСКЕ БАСШЫСЫ

Апатты үй тұрғындарына құжаттарын алдын ала дайындап, ертерек қамданғаны абзал дейді мамандар.

https://www.youtube.com/embed/-Xwtu4P0Cy8?si=dFUlTIpdjrjkGMYz" 

Бұдан былай есірткі әзірлегендер анықталып, ұсталса өмір бойы бас бостандығынан айырылады. Бүгін Мәжіліс заңға енген осындай өзгерісті мақұлдады. Ресми дерекке сүйенсек, есірткіге еліретіндер қатары азаймай тұр. Тіпті қорқыныштысы, адам ағзасына «күшті әсері бар» медициналық препараттар дәріханаларда жастарға қолжетімді. Бұл заң осындай олқылықтардың алдын алады.

Есірткі өндірушілер жеңіл жолмен табатын ақшаға әбден құныққаны соншалық, жастар санасын улайтын «синтетикалық» есірткіні жаппай өндіруге көшкен. 2019 жылы - 3, 2020-да  8 заңсыз есірткі зертханасы табылып жойылса, былтыр 81 жасырын лаборатория анықталған. Ал, биыл жыл басталғалы 31 жасырын есірткі зертханасы жойылып, онда 1 тонна есірткі жасау өндірісінің жолы кесіліпті, бұл 3 миллион доза және мыңдаған құтқарылған өмір. Енді мұндайларға жаза қатаң. Өмір бойы бас бостандығынан айырылады. 

СНЕЖАННА ИМАШЕВА ҚР ПАРЛАМЕНТІ МӘЖІЛІСІНІҢ ДЕПУТАТЫ: 
«"Трамадол", "тропикамид", "азоттың тотығы", "сомнол", "прегабалин" және тағы сол сияқты медицина препараттарын жасөспірімдер тым көп пайдаланып жатыр. Бұл заттарды есірткіге тәуелді адамдар синтетикалық есірткінің әсерін күшейту үшін пайдаланады, нәтижесінде оларға медициналық емес сұраныс айтарлықтай өсті». 

21 ғасырдың дертіне заңды қатайту арқылы ғана тосқауыл бола аламыз дейді мәжілісмендер. Енді жаңа құжатты сенат мақұлдаса, депутаттар  есірткі өндіретіндер сап тыйылады деген үмітте. Айтпақшы, бір топ халық қалаулысы су тасқынының алдын алмаған жергілікті шенеуніктерді жауапқа тарту керек дейді. 

АБЗАЛ ҚҰСПАН ҚР ПАРЛАМЕНТІ МӘЖІЛІСІНІҢ ДЕПУТАТЫ: 
«Су тасқыны Қазақстан тәуелсіздік алғалы оныншы ірі су тасқынына жатады. Алайда осы кезге де дейін су тасқынының алдын алмағаны немесе салғырттық танытып, жол бергені үшін ешбір жоғары лауазымды тұлға жауапкершілікке тартылмаған. – Неге жергілікті атқарушы орган? Өйткені, өзен бойындағы су жайылмаларынан жер берген, саяжайларды іс жүзінде тұрғын үйге айналдырған, яғни жарық, газ тартып, азаматтарды тұрақты тіркеуге рұқсат берген, ол Үкімет емес, басқа емес, жергілікті атқарушы орган, яғни әкімдіктер. Ал келтірілген шығындарды өтеу салмағы әркез мемлекет мойнына артылады».

Депутат Нартай Аралбайұлы болса, халықты бос әбігерге салмай, су астында қалған саяжайларға қатысты мәселені біржақты шешу керек дейді.  Үкімет өтемақы төлеуде бірізділік жоспары жасау керек деген ұсыныс айтты. 

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Су астында қалған үйдің сыз тартатыны, қабырғасы көгеріп, өкпесі күркілдеген көк жөтелге душар қылатыны сараптамасыз –ақ, саналы адам түсінетін дүние. Саяжай дегенің қазақ үшін демалы күндерін өткізетін емес,тұратын тұрақты орынға айналғалы қашан. Соның өтемақысына қатысты мәселе тоқтамай тұр. Бұл өкінішті жағдай. Өйткені, ағынды судың астында қалған саяжай иесіне қанша ақша беріледі немесе қашан қай жерден басқа үй ұсынылады бұл әлі орталықтаныдырлмаған. Ақпарат жұртқа жедел жетуі шарт еді». 

Су тасқыны тоқтаған соң, экология қалай болады деген мәжілісмен Мақсат Толықбай халықтың денсаулығына алаңдайды.Сондықтан, тазалық жұмыстарын қазірден бастау маңызды деп отыр. 

МАҚСАТ ТОЛЫҚБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Биылғы су тасқынының беті қатты болды. Оны көз көрді. Қазір қарғын судың беті қайтқанымен, қауіп сейілген жоқ. Тіпті, қауіптің көкесі әлі алда. Оның үстіне, тасқын су талай былықтың бетін ашты. Қамсыздықтың кесірінен тал қармауға шамамыз келмей қалды. Тек көңілге медет болатыны, сол баяғы халықтың ауызбірлігі ғана. Енді су кеткен соң осы кенеп қаптарды түгін қалдырмай, түгел жинап алмасақ, экологиялық апатқа тап боламыз. Оның үстіне сай-саладан келген су қаншама күл-қоқыс, қалдық, аң-құс пен малдың өлекселерін ағызып әкетті. Осы жемтіктерді залалсыздандырмасақ, жаңағы мен айтып отырған топалаң құрғыр түрлі дерт пен ауруды таратуы мүмкін. Қайтпек керек?! Қазір ел бойынша "Таза Қазақстан" тазалық айлығы өтіп жатыр. Бірақ осы шара Президент айтқандай; "Әлеуметтік желілердегі әдемі роликтер үшін.  жасалатын бір реттік акция емес, күнделікті өмірдің салты болуы шарт" емес пе! Осы науқаншылықты қояйықшы».

Өзге депутаттар да әріптесінің бұл ойын қолдай кетті. Тазалыққа халықты мәжбүрлеп емес, ерікті түрде үйрету керек деген пікірде. 

ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Кейбір пысықайлар көшеде келе жатып, бос бөтелкелерін, темекі қалдықтарын көліктің терезесінен ешбір алаңдамай далаға лақтыра салады. Қоғамда әлі де азаматтарымызда қоқысты арнайы жәшікке тастау мәдениеті қалыптаспай отырғаны жасырын емес. Аптаның бір күнін нақтылап айтсақ әр бейсенбі «Тазалық бейсенбі» деп атап шынайы халықтық шараға айналдырсақ екен деймін. Адамдарды мәжбүрлеп емес, туған жеріне жанашырлықпен ат салысуына жағдай жасайық».  

https://www.youtube.com/embed/aqdxJRiNR5U?si=iP3IuY9MsXBcf0Fo" 

Үлкен Алматы су каналы әбден тозған. Егер үкімет өзі араласып Алматы мен Алматы облысы маңайындағы су қоймаларын дер арада ретке келтірмесе, жағдай қиын. Осылай деген сенаторлар бүгін Премьер-Министр Олжас Бектеновке депутаттық сауал жолдады. Олар 2030 жылға қарай елімізде таза ауыз суды былай қойғанда ауыл шаруашылығы мен өндіріске су тапшы болады дейді. Егер жаңадан құрылған жауапты министрлік жұмысты бүгіннен бастамаса, ертең бәрі кеш болуы мүмкін. 

ЖАНБОЛАТ ЖӨРГЕНБАЕВ, ҚР ПАРЛАМЕНТІ СЕНАТЫНЫҢ ДЕПУТАТЫ:
«Алматы облысының өңіріне тұрақты дамуына қауіп төндіретін күрделі мәселелер бар. 1982 -1985 жылы жылдары пайдалануға берілген сәттен бері жөндеу жұмытарын көрмеген Бортағай су қоймасы, Қонаев атындағы үлкен Алматы каналы, Күрте, Қорам, Киікбай каналындағы жағдай жедел араласуды және кешенді жөндеу жұмыстарын талап етуде. Олардың бүгінгі жағдайы нақты тозудың 60 пайызын көрсетіп отыр».

Бұл проблеманы жою үшін ең алдымен су кодексі туралы жаңа заң әзірлеу керек. Онда құрылыс жұмыстарына қаржы бөлініп, кадр мәселесі шешімін табуы тиіс. Одан бөлек, халықтың да сауатын көтеріп, суды үнемдеп пайдаланға үйрету қажет. Әйтпесе, 2030 жылы бір тамшы суға зар болуымыз бек мүмкін дейді сенаторлар. 

https://www.youtube.com/embed/2T7IL7T4HYU?si=JtrZsWe9QDk6LbFx" 

https://www.youtube.com/embed/D4AG8hcHZwc?si=bU5-18IcookzrDYW" 

Алматы облысы Есік қаласында «Патриотизм -рухани жаңғырудың берік іргетасы» атты жас патриоттар академиясының республикалық форумы өтті. Қойнауында тарих тұнған қасиетті мекенде өткен шараға арнамызда барып қайтты.

Өскелең ұрпақты елін,жерін,отанын сүюді бойына сіңіріп тәрбиелеудің маңызы өте жоғары. Бүгінгі шара соның айқын көрінісінің бірі. Қазіргі таңда  аталмыш академиядың үш мыңнан астам мүшесі бар. Бұл көрсеткіш бойынша Алматы және Жетісу облыстары филиалдарының үлесі жоғары.

ЖАНАТГҮЛ БУТИМБАЕВА   ҚАЗАҚСТАНДЫҚ ЖАС ПАТРИОТТАР АКАДЕМИЯСЫ РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ АЛМАТЫ,ЖЕТІСУ ОБЛЫСТАРЫ ФИЛИАЛДАРЫНЫҢ ТӨРАЙЫМЫ

Ұлытау,Қарағанды,Абай облысы және Шымкент қаласынан өкілдері,басшылары қатысқан  бүгінгі шарада 7 оқушы академия қатарына қабылданып,салтанатты түрде төсбелгімен марапатталды. Жылдан жылға бұл көрсеткіштің саны артып келеді.

ДІЛДӘШ РЫСҚҰЛБЕКҚЫЗЫ ҚАЗАҚСТАНДЫҚ ЖАС ПАТРИОТТАР АКАДЕМИЯСЫНЫҢ ТӨРАЙЫМЫ

https://www.youtube.com/embed/eYvGdGs4kg4?si=rmuzhYp9GheYQcek" 

Орал қаласындағы «Венера» саяжайының тұрғындары тентіреп, далада қалды. Сондай ақ, аумақтағы 20-дан астам үйді де су шайған.

Бір айда екі рет су құрсауында қалған «Венера» саяжайында жалпы 300-ден аса үй бар. Соның 22-сі бел ортасынан су астында тұр. Тұрғындардың сөзінше әлі күнге дейін оларға мүлдем өтемақы берілмеген. Тұрмыстық техниканың бәрі жарамсыз күйде. Туысы бары туысқанға, қалғаны эвакуациялық орталықтарда күн көруде

САЯЖАЙ ТҰРҒЫНЫ

Бір түнде барлығын күл талқан етіп кеткен қар суының зардабын шеккен тұрғындар, енді жер астынан шыққан судың залалын көруге мәжбүр. Су деңгейі күннен күнге 6-7 см көтерілуде. Халықтың тек бір арманы бар.  

САЯЖАЙ ТҰРҒЫНЫ

Жан аямай күресіп жатқан қараша қазір қажыған.Биліктегілерден үміт үзбей, өтініштері өтімсіз болмайды деп сенеді.