https://www.youtube.com/embed/FBRK7yY9wd8?si=xy6b4FZ91JlwJBKH" 

Арыстандай айбатты,жолбарыстай қайратты,қырандай күшті қанатты мен жастарға сенемін! Мағжан Жұмабаев сенім артқан бүгінгі жастардың жүрегіне отанға деген сүйіспеншілігін қалыптастыруда түрлі жобалар жүзеге асуда. Осыған орай Патриотизм-ұлттық рухтың асқақ белгісі атты жас патриоттар академия күні қарсаңында өткен  шараға қатысып қайтқан едік.

Қазақстандық жас патриоттар академиясы жас ұрпақтың бойында еліне,жеріне деген сүйіспеншілігін сіңдіріп, жоғары рухани-адамгершілік қасиеттерді, өзін-өзі жетілдіру мен  дамыту тұрғысынан тәрбиелеу мақсатында құрылған. Бүгінгі шарада бірқатар жас буын аталмыш академия қабырғасына қабылданды.

ДІЛДӘШ РЫСҚҰЛБЕКҚЫЗЫ ҚАЗАҚСТАНДЫҚ ЖАС ПАТРИОТТАР АКАДЕМИЯСЫНЫҢ ТӨРАЙЫМЫ

Балдәурен Республикалық оқу-сауықтыру орталығы мен академия арасында тығыз қарым қатынас орнаған. Жастарымыздың болашаққа бағдарын айқындап,отанымыз үшін бар күш жігерін аямауға тәрбиелеп отырған орталықтардың ойлары бір межеде тоғысқан.   

ЖАРҚЫНАЙ ҚАЖЫМҰҚАНОВА БАЛДӘУРЕН РЕСПУБЛИКАЛЫҚ ОҚУ-САУЫҚТЫРУ ОРТАЛЫҒЫНЫҢ КЕШЕН БАСШЫСЫ

Еліміздің ертеңін қалыптастыратын жастарымызды әскери саладан да рухани тұрғыдан да тәрбиелеу үшін атқарылып жатқан бүгінгі шараның маңызды екенін ескерсек,осы жолда тер төгіп жүрген елім деген азаматтар жемісін жемек.

https://www.youtube.com/embed/BQA-kWfMS0c?si=KqihzMZ0oTE9STEu" 

https://www.youtube.com/embed/qSVkAcDV-GI?si=i2CDUR1O_vguQbiY" 

Жемқорлық-мемлекеттің, қоғамның дамуына тежеу болатын, болашағына кесірін тигізетін індет. Сыбайлас жемқорлықпен күресу бүгінгі күннің күрделі мәселесінің бірі. Ғасыр дертіне айналған жемқорлықтың дендеуі бүкіл саланың тұралап қалуына септігін тигізбек. Заң талабының аясында жемқорлыққа қарсы іс-әрекеттер әр бағытта жүзеге асырылып келеді. Мәселен білім саласында орын алатын келеңсіздіктерді алдын алу маңызды.Бүгін айтулы тақырыпқа арналған арнайы бас қосу ұйымдастырылды.Мақсат, жеңұшынан жалғасатын жемқорлықпен күресті кешенді түрде жүзеге асыру. Шараға Сыбайлас жемқорлыққа қарсы іс-қимыл агенттігінің Алматы қаласы бойынша департаменті басшысының бірінші орынбасары қатысты. Сала маманы Антикор қорқытып-үркітетін орган емес, керісінше жемқорлықты алдын алуға және болдырмауға қызмет жасайтын орган екенін еске салды.

ЖАРҚЫН ҒАЛЫМОВ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АЛМАТЫ ҚАЛАСЫ БОЙЫНША ДЕПАРТАМЕНТІ БАСШЫСЫНЫҢ БІРІНШІ ОРЫНБАСАРЫ: «Жастар бойында сыбайлас жемқорлыққа қарсы сананы қалыптастыру жөнінде іс-шаралар кешенін жүргізу қашанда маңызды деп ойлаймын.Бүгінде білім беру саласында сыбайлас жемқорлыққа «мүлдем төзбеушілік» қағидатын қалыптастыру және сыбайлас жемқорлық тәуекелдерін төмендету мақсатында ақпараттық, ұйымдастырушылық жұмыстар жүргізілуде.Жемқорлыққа жол бермеуіміз маңызды». 

Білім жүйесіне жемқорлыққа қарсы имунитетті қалыптастыру кезек күттірмейтін мәселе.Өйткені сапасыз білім, мәңгүрт ұрпақ тәрбиелейді.

БОЛАТЖАН БОЗЫМБАЕВ АЭМК ДИРЕКТОРЫ

https://www.youtube.com/embed/-_r7WXBCQ0k?si=v0x4PhRHWieH7zex" 

Ақпан айы – Алатаудан арындап ұшқан мұзбалақ ақын, қазақ поэзиясының Хан Тәңірі – Мұқағали Мақатаев шығармашылығына арналған болатын. Бүгінде еліміздің  әр өңірінде ақын өлеңдері жатқа оқылып, бірқатар танымдық-тәрбиелік бағдарламалар өткізілуде.

Ақиық ақынның артындағы жас ұрпағына қалдырған асыл мұралары қайта жаңғырып, жарыса шырқалуда. Бүгінде оқушыны оқытып жүрген оқытушылар да ұлы тұлғаның шығармаларына рухани қолдау көрсетіп, жырларын жарыса айтып, жарысты жандандыра түсті. Ондағы мақсат - Мұқағали Мақатаев шығармаларын ұстаздар арасында насихаттау.

ШАЯХМЕТ ИМАШҰЛЫ ҚР КИНО ҚАЙРАТКЕРІ, МҰҚАҒАЛИТАНУШЫ: «Мұқағали ағамыздың әруағы риза болсын әрқашанда. Қазақ айтады: «тіл түзелмей, мін түзелмейді. Біз тілімізді түзеудің бірден бір төте жолы –  көркем сөз оқулары, поэзия оқулары.  Ол енді Абай болсын, Мұқағали болсын тіл үйренудің төте жолы – поэзия деген құдіретті күш».

Айтулы кешке құрметті қонақ болып ұлы ақынның жақындары да қатысты. Тау тұлғаның тән тебірентер өлең шумақтарын естіп, ұстаздарға алғыстарын жаудырды.

ЖҰЛДЫЗ МҰҚАҒАЛИҰЛЫ М.МАҚАТАЕВТЫҢ ҰЛЫ: «Әр жерде, жер жерде тойланып жатыр әкеміздің туған күні. Әкеміздің құдіреті деп білеміз. Соған арттағы ұрпақтың поэзияға деген ықыласы артпаса, кеміген жоқ. Соған куә болып жүрміз»

БАҚЫТГҮЛ ҚЫДЫРБАЙҚЫЗЫ М.МАҚАТАЕВТЫҢ КЕЛІНІ, М.МАҚАТАЕВ АТЫНДАҒЫ ҚОҒАМДЫҚ ҚОРДЫҢ ТӨРАЙЫМЫ: «Атамыздың өз сөзімен айтатын болсақ: күпі киген қазақтың қара өлеңін, шекпен жауып өзіне қайтарған ұлы жырдың жаратушысы, ұлы ақын, ұлы тұлға. Ол кісінің артында қалдырған жырлары, шығармашылығы уақыт өткен сайын халықтың жүрегінен орын алып жатыр. Оған дәлел, халықтың бір ай бойы сол атамыздың шығармашылығына үлкен поэзия кештерін өткізу, айлық өткізу. Бұл халықтың ақынның шығармашылығына деген махаббаты, үлкен сүйіспеншілігі»

Поэзия әлеміне жарық жұлдыздай сәуле шашып, айрықша із қалдырған М.Мақатаев – күллі қазақ халқының мақтанышы.  «Өлсе өлер Мұқағали, Өлтіре алмас алайда өлеңді ешкім» деп ішкі жан дүниесін әсем бейнелей білген ақын өлеңдері – мәңгілік қазына болып қала береді.

https://www.youtube.com/embed/uTwvWrNyFUk?si=_oAucqV_VIWSUv96" 

Жол апатынан зақым алған БҚО,Тасқала ауданының тұрғыны мүгедектігін дәлелдей алмай жүр.Еңбекке жарамсыз әйел, құзырлы органдардың табалдырығын әбден тоздырған. Жол-көлік оқиғасы салдарынан жарақат алып, 5 мәрте ота жасатқан. Жұмысқа орналасуға денсаулығы жарамсыз. Келесі тақырыпқа назар аударсақ. 

Галина Бошенятова осыдан 1 жарым жылдан астам уақыт бұрын жол апатына түскен. Бұл аралықта иығына 5 мәрте ота жасалып, ақыр соңында еңбекке жарамсыз күйге түскен. Денсаулығы сыр берген азаматша мұндай халге дәрігерлердің қателігінен душар болғанын айтады.   

ГАЛИНА БОШЕНЯТОВА ОРАЛ ҚАЛАСЫНЫҢ ТҰРҒЫНЫ:«Облыс орталығы мен аудандық аурухананың ортасында жүрмін. Дәрігерлер тексеріп, ем тағайындайды. Одан денсаулығым жақсарып кеткен жоқ. Ота жасалған сол жақ иығым икемге келетін еді. Енді қайта қозғала алмай қалдым. Дене қызуым жиі көтеріледі. Шағымымды дәрігерлерге айтудан кенде емеспін. Портал арқылы Астанаға жолдама берілетінін айтып еді. Ол да аяқсыз қалды. Ота үстеліне қайта-қайта жату қиынға соғып тұр. Не жөнді жұмысым жоқ. Енді не істейтінімді білмеймін».

Галина 2022 жылдың соңында жол апатына тап болған. Ол кезде жәбірленуші құзырлы органдардың тергеп-тексеру жұмысына көңілі толмайтынын жеткізіп, шағым білдірген. Ендігі мәселе - мүгедектігін растайтын анықтама алу. 

ГАЛИНА БОШЕНЯТОВА ОРАЛ ҚАЛАСЫНЫҢ ТҰРҒЫНЫ: «Жол апатына дейін әжептәуір жұмысым бар еді. Электр тарату мекемесінде қызмет жасадым. Денсаулығыма байланысты бір жылдан астам еңбек демалысында болдым. Күні кеше өз еркіммен жұмыстан шықтым. Бұған дейінгі медициналық тексеріс қорытындысы жеңіл жұмыс жасауға қабілетті деген шешім шығарып келеді. Жағдайым ескерілу керек қой. Мүгедектігімді растайтын анықтама алу туралы мәселе шешілсе, күн көрісім де жақсарар еді». 

Мәселенің мәнін түсіну үшін Еңбек және халықты әлеуметтік қорғау комитетінің БҚО бойынша департаментінің мамандарына жүгіндік. Сала өкілдерінің айтуынша, Галина Бошенятоваға мүгедектік тағайындау өтініші өткен жылдың 29-шы наурызында қаралған. Ол кезде тұрғылықты мекенжайы бойынша берілетін №031-ші жолдамада «жарақаттың асқыну белгілері» болмауына байланысты дәрігерлік-консультациялық комиссия өтінішті қанағаттандырмаған. 

АРДАҚ МҰҚАНОВА ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ КОМИТЕТІНІҢ БҚО БОЙЫНША ДЕПАРТАМЕНТІ БАСШЫСЫНЫҢ ОРЫНБАСАРЫ

Департамент өкілі Галинаның қазіргі денсаулық жағдайын ескеріп, құжаттарды жаңартып, қайта медициналық тексерістен өтуге кеңес береді.

https://www.youtube.com/embed/tC9IMtyM7r4?si=jIrobMomfPomzGiY" 

Ауылды көтеру керек. Әйтпесе, 2050 жылға қарай жағдай тым күрделенеді. Ауылдан жаппай қалаға көшу процессі қарқынды жүріп, урбанизацияның салдарымен күресе алмай қаламыз. Осылай деген сенаторлар бүгін Үкімет басшысының атына депутаттық сауал жолдады. Айтуларынша, ауылдық елді мекендерді дамытуға арналған түрлі мемлекеттік бағдарламалар болғанымен, олар еш нәтиже бермеген. Сондықтан, ауылдағы ағайынның ахуалын көтеретін жаңа бағдарламалар қабылдануы тиіс дейді.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ:
«Ауылдарда баспана, жалақы, мәдени инфрақұрылымдар дәл қаладағыдай қолжетімді болу керек.Әсіресе білім кластерін құрудың маңызы жоғары. Ветеринария, ауыл шаруашылығы бойынша, ал мұнайлы аймақтарда мұнай-газ мамандықтарына баулитын білім ошақтарын көтеру керек.Сонда ғана біз ішкі миграцияны аз да болса ауыздықтай аламыз».

Одан бөлек, бүгін сенаторлар шағын және орта бизнеске қатысты заңға енген өзгерістер мен толықтыруларды мақұлдады. Жаңа заң кәсіпкерлерді жазалау құралы емес, керісінше қолайлы бизнес климатты қалыптастыруға негізделген-мыс. Алайда, жаңа құжаттың кей нормалары депутаттардың сынына ұшыраса да, көпшілік дауыспен заң бірінші оқылымда қабылданып кетті. Олар ішкі сауда субъектілеріне қолдау көрсететін норма жоқ дейді. Қолдауды ірі қалалардағы сауда орталықтарына емес, шағын ауылдық жерлер мен моноқалалардағы сауданың қазіргі заманғы форматын енгізуге беру керек дейді.

https://www.youtube.com/embed/TBg_KNv04pE?si=BrkcIif-jaC8CmZs" 

https://www.youtube.com/embed/psuGYs4eG0E?si=XiXzYnV6LIcQf8Qn"

Ауа райының қолайсыздығына байланысты 7 облыста республикалық маңызы бар 20 автожолда көлік қозғалысына шектеу енгізілді. Бұл туралы «ҚазАвтоЖол» компаниясының мамандары мәлім етті дейді «Қазақпарат» агенттігі. Қар құрсауымен, бораннан қиындық көріп жатқан өңірлердің қатарына Абай, Шығыс Қазақстан, Жетісу, Қарағанды, Қостанай, Павлодар, Ұлытау облыстары кіреді.

Республикалық маңызы бар автожолдарды қысқы күтіп ұстауға 379 бірлік техника және 777 жолшы жұмылдырылды.

https://www.youtube.com/embed/jeRdVgkBwHc?si=2ACAW8wyluoKXj4a" 

Ақ аюлардың тағдыры қазіргі кезде бүкіл әлемдегі ғалымдарды алаңдатып отыр. Олар көбіне суда емес, құрлықта жүр. Бұл ақ аюларға қауіп төндіреді. Аштан қырылып қалуы мүмкін. Бұл туралы ақпарат Nature Communications журналында жарияланған.

Зерттеушілер Канаданың Манитобе штатының батысындағы Гудзонова шығанағында 20 ақ аюды үш апта мұқият бақылаған. Аюлардың азық таба алмай қиыналғандарын көрді. Себебі олардың негізгі олжасы – итбалық. Оған жету қиынға соққан.Зерттеуді Вашингтон штатында орналасқан университетке қарасты ақ аю орталығының ғалымдары жүргізді. Олардың деректері бойынша, барлық аю тез салмақ жоғалтқан. Күніне шамамен бір келі.Бақылау үшін бейнекамералар мен GPS орнатылған жағалар пайдаланылды. Белгілі болғандай, аюлар құрлықтан тамақ іздеген. Құс өлексесін, жидектер, балдырлар мен шөп жеген.1980 жылдармен салыстырғанда қазір аюлар құрлықта ұзағырақ уақыт өткізеді. Орта есеппен үш апта. Бұл уақыт үнемі артып келеді.

ЭНТОНИ ПАГАНО ЖЕТЕКШІ ЗЕРТТЕУШІ: «Болашақта климаттың жылынуымен аюлар құрлықта ұзақ уақыт болады. Бұл ұзақтығы әр онжылдықта шамамен 5-10 күнге артады».

Кейбір аюлар жай демалып жатқанда, басқалары белсенді түрде тамақ іздейді. Ұрғашы аю азық табуға уақытының 40% -ын жұмсайды. Сонымен бірге, құрлықтан тапқан азықтары құнарсыз. Яғни, күш жинауға мүмкіндік бермейді.
Ғалымдар қонжықтардың аштыққа ұшырау қаупі жоғары деп санайды   .

ЭНТОНИ ПАГАНО ЖЕТЕКШІ ЗЕРТТЕУШІ: «Сонымен қатар, анасының сүтімен қоректенетін қонжықтарда үлкен аюлар сияқты қуат қоры болмайды. Олар аштыққа ұшырау қаупі бар».

Зерттеу жұмыстары климаттың жылынуы аюларға тезірек әсер ететін  аймақта жүргізілді. Мұндағы ақ аю популяциясы 1987 жылдан бері шамамен үштен біріне қысқарды деген болжам бар.

https://www.youtube.com/embed/nQIfEMSdjxg?si=0agaK7Ep7q7cGgIg" 

Париждегі көптеген туристердің көңілі қалды.Қыдыруға барған олардың басым бөлігі Францияның басты көрікті жерлерімен қыдыра алмады.Оған себеп, ел ішіндегі ереуіл.

НЕЛЬСОН НАВАРРО ТУРИСТ:  "Жолдарл жабық. Ереуіл деп айтылады. Өте өкінішті, өйткені біз үш күнге ғана келдік".

ВИТО САНТОС ТУРИСТ: "біз бұл жерге 15 жылдан кейін келіп тұрмыз.Елдегі ереуілдің салдарынан қаланы дұрыстап аралаудан қалдық.Өкінішті».

Эйфель мұнарасының жұмысшылары Париж мэриясынан қаржылық басқаруды қайта қарауды талап етеді. Олардың айтуынша, ол биылғы Олимпиада ойындарына жоспарланған техникалық қызмет көрсету құнын төмендетеді.  

ЭСЕКИЕЛ СОФИЯ ТУРИСТ: "Адамдар наразылық білдіруге құқылы және олар жасауға тиіс. Жергілікті билік,халықтың мұңына назар аударуы керек. Бұл бүкіл әлемде болып жатыр – бұл жерде ғана емес".

Эйфель мұнарасы жыл сайын алты миллионға жуық келушілерді қабылдайды. Бұл Франция астанасы мен әлемдегі ең көп баратын ескерткіштердің бірі.

https://www.youtube.com/embed/0lvpnfuZI3I?si=3fAARaKyR_DhlKPz" 

Осыдан 17 жыл бұрын "Жас ұлан" студиясы ұсынған "Жаралы сезім" атты көркем фильм көрермен көңілінен шығып, ескірмейтін естелік болып ел жадында қалған. Айтулы туындының авторы ортаға ұзақ жылдар салып, фильмнің екінші бөлімін жарыққа шығарды. Туындының тұсау кесерін біздің арна тілшілері де түсіріп қайтты.

Мына дауыстар мен әуен көпшіліктің құлағына таныс шығар. Тәуелсіз Қазақстанның кинематографиясы енді дамып келе жатқан тұста қосыла алмай қиналған ғашықтар туралы фильммен көптің көзайымына айналған кейіпкерлер сағынған көрерменіне қайта оралды. Бірақ, бұл жолы фильм риясыз махаббаттың аясында емес, қоғамдық дерт -  есірткі мәселесі көтерілген.

ЕРКІН РАҚЫШҰЛЫ РЕЖИССЕР: «Кинода бірнеше қазіргі заманның актуалды мәселелері көтеріледі. Соның бірі – есірткі. Әсіресе, синтетикалық есірткі қатты ушығып кетті Қазақстанда. Соңғы мәліметтерге қарағанда біздің ел адам басына шаққанда көп есірткі қолданатын 10 мемлекеттің ішіне кіреді екен,. Мынау сол синтетикалық есірткінің қандай қасірет алып келетіндігін, оның жақындарына, денсаулығына қандай қасірет алып келетінін көрсету».

Фильмнен ғашығы үшін барын салған Қанат рөлін сомдаған Берік Арықбаев, достары Сократ пен "Бокс" лақапатымен белгілі Ақылжан Мақашев, күніне қазақша бір сөзден жаттаймын деген Иванды сомдаған Виталий Куприянов сынды бұрынғы актерлық құрамды да көре аласыздар. Тек, Қанаттың сүйіктісі болған Арай ғана белгілі себептермен киноға түспеген.

БЕРІК АРЫҚБАЙҰЛЫ АКТЕР, РЕЖИССЕР: «Бұл киноның жалғасы болатынын 3-4 жыл көлемінде Еркін ағамен бір сөйлескенімде естіген болатынмын. Іштеу дайын жүрдім. Әрине, уайымдаулар да болды. Себебі, 17 жыл бұрын көрермендер мүлдем басқа болатын. Ал, қазір заманға қарай адамдар да өзгерген, бәрін тез байқайды, түсінеді. Сол себепті, рөлімді барынша жақсы алып шығуға тырыстым. Халық өз бағасын бере жатар. Жалпы, түсірілім тобы мен Еркін ағаға үлкен алғысымды білдіремін»

Жаңа кейіпкерлерді сомдаған әртістер де алдыңғылардан қалыс қалмаған. Артылған сенімді жауапкершілікпен алып шыққан актерлар өз әсерлерімен бөлісті.

ӘСЕМ СЕРІКҚЫЗЫ АКТРИСА: «Әрине ол оңай шешім болған жоқ мен үшін. Себебі, алдында өзі ойнаған актрисасы бар, оның көрермені бар деген сияқты. Оны көрермендер іздейді. Әлі күнге дейін өзі неге түспеді? Деген сұрақтар келіп жатыр. Мен ойлаймын, әрбір адам осы киноны көру арқылы өзіне дұрыс тәлімдік жағынан жақсы әсер ала алады деп ойлаймын»

АБАЙ БАТЫРБЕКҰЛЫ АКТЕР «Түрменің ішіндегі сахналар өте ауыр болды. Өйткені, түрменің аурасы маған ұнаған жоқ. Маған кәдімгідей сезілді. Ол жақта қаншама адамдар отырды түрмеде. Мен үшін ауыр сахналардың бірі сол жақта болды. Қиыншылық болды. Маған аурасы қатты сезілді».

Режиссер Еркін Рақышев осы уақытқа дейін 20 жуық кино түсірген. Солардың бірі «Жетімдер» көркем фильмі. Алдағы уақыттарда режиссер сол кинолардың жалғасын түсірмек ойы бар. «Жаралы сезім – 2» фильмі 22 ақпаннан бастап көрерменге жол тартпақ.

https://www.youtube.com/embed/GFhqJxX8LMk?si=sC6GKOWlTtRq0yi9" 

Көкшетау қаласының іргесінде орналасқан Красный Яр кентінің тұрғындары уақытылы тазаланбайтын кәріз жүйесінің кесірінен жағымсыз иіспен дем алуға мәжбүр.  Тез толып қалатын кәріздегі қалдықтар сыртқа шығып, аулаға жайылады. 

Красный яр кентінде орналасқан Целинная көшесінің тұрғындары қолқаны қабатын иіске шамданды. Оған аталған көше бойында орналасқан  58-ші және 60-шы үй иелері кінәлі көрінеді. Яғни, екі күн сайын шақыртылуы тиіс арнайы машинаны аптасына 1 рет қана шақыртады екен. 7 күннің ішінде кәріз толып, барлық қалдық сыртқа шығады. Тұрғындар көршілерімізді тазалыққа шақырудан шаршадық,-дейді. 

БЕРІК СӘКЕНОВ КРАСНЫЙ ЯР АУЫЛЫНЫҢ ТҰРҒЫНЫ: «Бесполезно. Олар жинамайды. Потому что, мына үй мысалы үстінде тұр. Мына үй тоже возвышенносьтта тұр.  Анау септик құйылғанда мына жерге құйылады. Толғанда бізге қарай кетеді. Олардың нелері бізге қарай кетеді. Засыпка қылғанбыз. Біз төмен тұрғасын олардың нелері бізге келеді постоянно. Біз постоянно акиматқа барамыз,айтамыз». 

Бұл проблема кеше пайда болған жоқ. Түйіні жоқ мәселеге 32 жыл болыпты.Тұрғындар әсіресе, көктем, жаз айларында қиналамыз дейді. Жергілікті әкімдікке де, облыс басшылығына да талай барған. Бірақ, жоғары билік өкілдері бұл мәселеге тек биыл назар аударған. 
 
АМАНГЕЛДІ БАЯЗИТОВ  КРАСНЫЙ ЯР АУЫЛДЫҚ ОКРУГІ ӘКІМІНІҢ ОРЫНБАСАРЫ: «Көкшетау құрылыс бөлімінің мамандарымен сөйлескенде ол кісі айтты жоба істелініп жатыр. Жоба істелінгесін мемлекеттік экспертизадан өтеді. Содан кейін бюджеттік өтінім беріледі. Қаражат бөлінуге. Деп осы қазіргі кездегі біздің білетін мәліметіміз осы. Енді бізге амал қалмайды. Қалалық эпидемиологиялық станциясының мамандарын шақыртып. Бұл кісілерді кішкене тәртіпке шақырамыз деген ойымыз бар».

Жобалық-сметалық құжаттама әзірленіп жатыр. Ал, көршілерінің ауласын нәжіске толтырып, жәйбарақат жүрген тұрғындарға қатысты шара қолданбаса болмайды,-дейді. Бұл мәселе де алдағы уақытта шешілуі тиіс.