https://www.youtube.com/embed/wM_c32LDs7o?si=zHCGkCMnzk8-xi_G"

Бүгін Алматыда «Науаи мен Абай: жалпыадамзаттық құндылықтар сабақтастығы» тақырыбында халықаралық форум өтті. Іс шараның басты мақсаты – Науаи мен Абайдың бай мұрасы арқылы қазіргі қоғам дамуының рухани, тарихи және философиялық негіздерін насихаттау.

Бүгінгі таңда Қазақстан мен Өзбекстан халықтарының достығы - шынайы тату көршілік пен өзара сыйластықтың жарқын үлгісі. Халықаралық форум аясында Абай атындағы ҚазҰПУде Өзбекстанның ғұлама ғалымы  Әлішер Науаиға арналған орталық кабинеттің тұсауы кесілді.

БОЛАТ АНАПИЯҰЛЫ  АБАЙ АТЫНДАҒЫ ҚАЗҰПУ БАСҚАРМА ТӨРАҒАСЫ: «Қазіргі таңда біз Өзбекстан Республикасы ЖОО, оның ішінде Науаи Педагогикалық Институты, Самарқанд Мемлекеттік Университетімен тығыз ынтымақтастық орнаттық. Жақында ғана Самарқанд Университетінде Абай орталығы ашылған болатын. Енді, Науаи институтында ашу жоспарда бар. Жалпы ӨР өте тығыз байланыс орнатуды жоспарлап отырмыз». 

Аталған білім ордасының тікелей бастамасымен ұйымдастырылып отырған халықаралық форумға қатысқан Өзбекстан ЖОО ғалымдары мен беделгі өкілдері Қазақстанда осындай орталықтың ашылғанына өз ризашылықтарын айтып, екі ел арасындағы тікелей сабақтастық пен қарым қатынасымыздың нығая беруіне жылы лебіздерін білдірді.

ӨСЕРБАЙ ӘЛІМХАНҰЛЫ ӨЗБЕКСТАН РЕСПУБЛИКАСЫ ТАШКЕНТ ОБЛЫСЫ ШЫЖЫҚ МЕМЛЕКЕТТІК ПЕДАГОГИКАЛЫҚ УНИВЕРСИТЕТІНІҢ ӨЗБЕК ТІЛ БІЛІМІ КАФЕДРАСЫНЫҢ ДОЦЕНТІ: «Әрине, біздің Өзбекстандағы ғұлама ғалымымыз Ә.Ә.Науаиға арналған кабинеттің ашылуы бұл біз үшін өте бір бақыт, қуаныш. Себебі, Өзбекстандағы ЖОО бара жатсаңыздар, ол жерде де Абай кабинеттері ашылған. Бүгін соның «Кабинетте жалпы өсіп келе жатқан өскелең ұрпақ, талапкерлер енді өзбек халқының ғұлама ғалымының өмірі мен шығармашылығын, оның еңбектері, ғазалдарын, поэмаларын тереңнен танып білу керек. Осыған арнап сабақ пен арнайы пән ашса да тамаша болады». 

Шара Өзбекстан Республикасындағы ЖОО ынтымақтастық орнатудағы маңызды қадам. Қазір көрші мемлекетімізде үш миллионнан астам қандасымыз өмір сүруде. Сондай ақ, жүзден аса қазақ мектептері бар. Алдағы жылдың жоспарында қандастарымыз көп шоғырланған жерлерден университет филиалдарын ашу да жоспарда бар. 

https://www.youtube.com/embed/_SgNu9WLEDU?si=J43XFCqVQEtZjrlN" 

Сенат Спикері Мәулен Әшімбаевтың төрағалығымен Палата отырысы өтті. Онда депутаттар Мемлекет басшысының ұсынуына сәйкес Жоғарғы Сот судьясын қызметінен босату туралы мәселені қарады. Сондай-ақ сенаторлар бірқатар маңызды заңды мақұлдады.Мәулен Әшімбаев Палатаның осы сессиядағы жұмысын қорытындылап, сенаторлардың заң шығару қызметінің нәтижесіне назар аударды және алда атқарылатын істің басым бағыттарына тоқталып өтті.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ: «Палата Мемлекет басшысының бастамасымен жүзеге асырылып жатқан реформаларды және Жолдауда, Үкіметтің кеңейтілген отырысында, Ұлттық құрылтайда жүктелген міндеттерді заңнамалық тұрғыдан қамтамасыз ету бағытында нәтижелі жұмыс істеді. Жаңа сессияға дейін депутаттар өңірлерге барып, жұртшылықпен кездесіп, жергілікті тұрғындарды алаңдатқан өзекті проблемаларға назар аударады. Оларды зерделеп, оң шешілуіне ықпал етеді. Бұл жұмыс Палатаның алдағы сессиядағы заң шығару қызметіне негіз болатыны анық».

Сонымен қатар Сенат Төрағасы сессия барысында Палата 4 Үкімет сағатын, Комитеттердің 50-ге жуық көшпелі отырысын, 100-ден астам дөңгелек үстел мен кездесулер өткізгенін тілге тиек етті. Одан бөлек, сенаторлар 200-ге жуық депутаттық сауал жолдап, өзекті мәселелерді шешу жолдарын ұсынды. Аталған іс-шараларда қабылданған ұсынымдар жұмысқа алынып, Үкіметке және жауапты мемлекеттік органдарға жолданды.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ: «Парламент осы сессияда 102 заң қабылдады. Олардың үштен біріне депутаттық корпус бастамашы болды. Азаматтардың мемлекет істерін басқаруға қатысуын қамтамасыз ететін «Қоғамдық бақылау туралы» заң қабылданды».  

https://www.youtube.com/embed/_kbd0q0mfsE?si=dwA4h1-qMy3A3XOa" 

28 маусым – Бұқаралық ақпарат құралдарының қызметкерлері күніне орай Ақордада салтанатты жиын өтті. Оған республикалық ақпарат құралдары ғана емес, өңірлердегі жетекші телеарналардың, газет-журналдардың, ақпараттық ресурстардың өкілдері қатысты.Мемлекет басшысы  Қасым-Жомарт Тоқаев БАҚ өкілдерін кәсіби мерекесімен құттықтап, журналистиканың мәртебелі мамандық екенін атап өтті. Сондай-ақ Президент елімізде жүргізіліп жатқан қоғамдық-саяси, экономикалық реформаларға арнайы тоқталып, осындай тың бастамаларды жұртшылыққа жан-жақты түсіндіруге журналистер қауымы зор үлес қосып келе жатқанына назар аударды. 

Қасым-Жомарт Тоқаев Ұлттық құрылтайдың Атырауда өткен үшінші отырысында нашақорлық, құмарпаздық, тұрмыстық зорлық-зомбылық, вандализм және ысырапшылдық секілді бес әлеуметтік кесел туралы мәселе көтергенін еске салып, мемлекет тарапынан жүргізіліп жатқан заңнамалық және идеологиялық жұмыстар жөнінде айтты.Президенттің пікірінше, елімізді түбегейлі жаңғырту үшін заңнамалық өзгерістермен, кадрлық шешімдермен, саяси және экономикалық реформалармен ғана шектелу аздық етеді. Прогрессивті ұлт ретінде қоғамдық және жеке құндылықтар жүйесін жаңарту үшін көп тер төгуіміз керек. Мемлекет басшысын толғандырған өзекті мәселенің бірі,лудомания болды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

Бұдан бөлек Президент, Қазақстанның сыртқы саясаттағы ұстанымы, Атом электр станциясын салу мәселелері жөнінде пікір білдіріп, журналистерді осы маңызды істерді жұртшылық арасында кеңінен насихаттауға шақырды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/XWXgGbvopuQ?si=VaFW8XhdLJU0upv1" 

https://www.youtube.com/embed/PLGBbY_dH7U?si=sbgBW-z1-ynuleUs" 

https://www.youtube.com/embed/enzmGM3qKOg?si=HviJ1C1x2ZPJZOJs" 

Ақмола облысында кене инфекциясы бойынша эпидемиологиялық жағдай тұрақсыз. Жыл сайын өңір аумағында бұл аурудың тіркелуі жиілеген. Былтыр 7 адамды кене шаққан. Сандықтау ауданының 3 тұрғынынан кене энцефалиті табылды. 4 адам боррелиоз індетіне шалдыққан.  

Жаз шығысымен кене энцефалитіне шалдығудың 5 жағдайы тіркелді. Оның үшеуі Сандықтау ауданының тұрғыны. Ал, қалған екі жағдай Бурабай және Зеренді ауданында орын алды.  

СЕРІК ОМАРХАНОВ АҚМОЛА ОБЛЫСТЫҚ САНИТАРЛЫҚ-ЭПИДЕМИОЛОГИЯЛЫҚ ҚАДАҒАЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ: «Кене энцефалитіне шалдыққан күдікті бес тұрғынның 80 проценті екпе алмаған. Ереже бойынша кене инфекциясына қарсы екпені инфекцияны жұқтыру қаупі жоғары аймақтарда орналасқан елдімекендердің тұрғындары алуы керек. 2010 жылдан бастап қауіпті аймақтарға Сандықтау ауданы енгізілді. Кене жәндігін заласыздандыру мақсатында республикалық қазынадан жыл сайын қаражат бөлінеді. Сандықтау аймағында 100 гектар жерде заласыздандыру жұмыстары жүргізіледі». 

Кене шаққан 260-тан астам өңір тұрғыны медициналық көмекке жүгінді. Оның 70-ке жуығы 14 жасқа толмаған балалар. Десе де, бұл көрсеткіш былтырғыға қарағанда 1,5 есе төмен. Мамандардың дерегі бойынша тек соңғы аптада кене инфекциясына күдікті 3 жағдай тіркелген.

СЕРІК ОМАРХАНОВ АҚМОЛА ОБЛЫСТЫҚ САНИТАРЛЫҚ-ЭПИДЕМИОЛОГИЯЛЫҚ ҚАДАҒАЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ: «3 жағдайдың екеуі кене энцефалитін жұқтырған. Кене энцефалитін жұқтырмаған жалғыз адам Сандықтау ауданының тұрғыны. Ол кене инфекциясына қарсы екпе алған. Лабораториялық зерттеуден кейін оның инфекция жұқтырмағаны анықталды». 

Биыл кене энцефалитіне қарсы 540 доза вакцина сатып алынды. Иммундау курсын 350-ден астам  адам алды. Облыс бойынша жергілікті атқарушы органдардың бюджетінен алдын алу  жұмыстарына 47 миллион теңгеден астам қаражат бөлген.

https://www.youtube.com/embed/_XF257ufi5Q?si=Oa1Mz4eZkeF2i-5m" 

Алматы халықаралық әуежайының жаңа терминалында баспасөз туры ұйымдастырылды.Жаңа жолаушылар терминалына 220 миллион доллардан астам инвестиция салынған. Сейсмикалық және өрт қауіпсіздігі талаптарына сай салынған халықаралық терминал 10 баллға дейінгі жер сілкінісіне төтеп бере алады.  

ГОКЕР КОСЕ АЛМАТЫ ХАЛЫҚАРАЛЫҚ ӘУЕЖАЙДЫҢ БАСШЫСЫ:«Жаңа терминал бүгінге дейін 1500 рейсті қабылдап үлгерді. Сондай-ақ, бұл ғимарат сейсмикалық нормаларға сай құрылған. Ол 10 баллға дейінгі жер сілкінісіне төтеп бере алады. Жаңа дүние болғандықтан ол әлі отырады, біздің әйнектерде кішігірім жарықтар болғаны рас. Біз оларды ауыстырамыз».

Гокер Косе әуежайдың өзекті проблемасы болып тұрған «жүктерді сағаттап күту» мәселесіне де тоқталды.

ГОКЕР КОСЕ АЛМАТЫ ХАЛЫҚАРАЛЫҚ ӘУЕЖАЙДЫҢ БАСШЫСЫ: «Жолаушылардың жүктерін қабылдау технологиялары мен жаңа жабдықтар жаңадан орнатылып жатыр. Кейбіреулері әлі толық орнатылған жоқ. Сондықтан осындай келеңсіз оқиғалар туындауда. Жақын арада ұшақ қонғаннан кейін багаж алу 45-50 минутқа дейін қолжетімді болатынына уәде беремін. Бұл әрине стандарттық нормадан асып тұр.Бірақ уақытымен бұл мәселе шешімін табады деп ойлаймын».

Әуежайдың басшысы сөз арасында жаңа жобаға сын айтушылар мен мін таққандардың болғанынан хабардар екенін тілге тиек етті. Сол себепті қарашаның бұл экстрималды көшуге түсіністікпен қарауларын сұрады. 

ГОКЕР КОСЕ АЛМАТЫ ХАЛЫҚАРАЛЫҚ ӘУЕЖАЙДЫҢ БАСШЫСЫ: «Ең біріншіден айтарым, өткенге қарайтын болсақ, ескі терминалдың сыйымдылығы – 2,5 млн жолаушы болған еді. Алайда біз оны 10 млн дейін көтере алдық. Екіншіден, көптеген ұшу рейстерінен бас тартуға тура келмес үшін жаңа терминалға тез арада көшуге мәжбүр болдық. Себебі, көп әуе компаниялары рейстерін Алматыдан тартатыны баршаңызға белгілі. Жаңа затта әрине сындар болады. Біз ондайға әркез дайынбыз». 

Сөз соңында Гокер Косе БАҚ өкілдеріне қазіргі уақытта тек 1 ғана ұшу-қону жолағы барын айта кетті. Сол себепті, әзірге 14 ұшақты бір уақытта қондырсақ, 16 ұшақты бір уақытта ұшыруға мүмкіндігіміз бар дейді. Ал, екінші  ұшу-қону жолағына 4-5 жыл уақыт қажет екенін алға тартты.

https://www.youtube.com/embed/es5Xyixu8No?si=j9ptmSuEGKkhZly2" 

Алматыда 20 жылға жуық үзілістен кейін Оқушылар сарайында обсерватория өз жұмысын бастады. Жаңа, жоғары технологиялық обсерваторияда зерттеушілер мен астрономия әуесқойларына ғарыш құпияларын теңдесі жоқ дәлдікпен және егжей-тегжейлі зерттеуге мүмкіндік беретін төрт заманауи телескоптармен жабдықталған. 

Обсерватория жас алматылықтар үшін зерттеулер жүргізетін, планеталар мен галактикаларды іздейтін, ғарыш саласындағы жаңа жаңалықтар ашатын орынға айналды. Мәселен, жетінші сынып оқушы Әбілқайыр Чапаев күн сәулесі жерге қаншалықты зиян келтіретін зерттеп көрді. Нәтижиесінде бірегей жоба ойлап тапты. 

ӘБІЛҚАЙЫР ЧАПАЕВ ЖОБА АВТОРЫ: «Мен күн сәулесі де жер сілкінісін тудыратынын анықтадым. Зерттеулерім көрсеткендей, тиктоникалық жарықтарға күн сәулесі тікелей түскен кезде жер тербеледі. Бұл жобаны Мемлекет басшысы алдында да қорғадық. Мен осы жердегі жетекшілеріммен бірге арқы қарай зерттейтін боламын».

Ғылыми-техникалық бөлім обсерваториясының меңгерушісі Ақсұңқар Мұхамедиярұлының айтуынша, төрт телескоптың үшеуі – жұлдыздардың, планеталардың және галактикалардың анық және жарқын кескіндерін қамтамасыз ететін түнгі бақылауларға арналған. 

АҚСҰҢҚАР МҰХАМЕДИЯРҰЛЫ ҒЫЛЫМИ-ТЕХНИКАЛЫҚ БӨЛІМ ОБСЕРВАТОРИЯСЫНЫҢ МЕҢГЕРУШІСІ:«Төртінші, Coronado хромосфералық телескопы, күндізгі уақытта күнді бақылау үшін арнайы әзірленген, күн белсенділігі мен оның жерге тигізетін әсерін зерттеуге бірегей мүмкіндіктер береді». 

Қазір мұнда 50-60 бала келеді. Олар жоба дайындап, соны қорғап, білімдерін жетілдіреді. Обсерваторияны жаңғырту – Алматы әкімдігінің бастамасымен және қолдауымен жүзеге асырылып жатқан әлеуметтік жоба.  

https://www.youtube.com/embed/JZAEgqcC8kI?si=2wDSABo9GptFadVT" 

Чип салу немесе оларды есепке қою міндеттелгелі бері үй жануарлары  мысық пен иттің саны базада артқан. СҚО Мамлют ауданының өзінде 200-ге тарта ит-мысық чиптелген. 

Жануардың электронды төлқұжатын заманауи тілде «чип» деп атап жүрміз. Оның үй жануарларына еш қатері жоқ. Тіпті арнайы базаға иесі туралы мәлімет енгізіледі.

ОЛЬГА ЧЕРНЫШОВА СҚО МАМЛЮТ АУДАНЫНЫҢ ТҰРҒЫНЫ: «Енді итіміз қайда кетіп қалды деп уайымдамаймыз. Тіркеу тегін. Бұдан қорқудың еш қажеті жоқ. Үй жануарына да зиянды емес». 

РАЗАЛЬЯ ЗАКИРОВА СҚО МАМЛЮТ АУДАНЫНЫҢ ТҰРҒЫНЫ: «Малыш» есімді итімізді чиптедік. Қауіпсіз. Үй жануары ауырсынбады. Бұльжақсы бастама деп ойлаймын. Басқаларына да кеңес беремін». 

Чип орнату үшін  ветеринарлық клиникаға барасыз. Күшік пен марғау  бесінші, алтыншы аптада есепке алынуы тиіс. Сосын оларға инъекция жасалады. Сондай-ақ, уақыты чиптелмеген жануарлар үшін жеке тұлғаларға 10 АЕК, заңды тұлғаларға 30 АЕК мөлшерінде айыппұл салынады. 

АЛЕКСАНДР БЕРНИКОВ СҚО МАМЛЮТ АУДАНЫ ВЕТЕРИНАРИЯ СТАНЦИЯСЫНЫҢ МАЛ ДӘРІГЕРІ: «Бүгінде Мамлют ауданында 150 ит пен 50 мысық чиптелді.Олардың 86-сы ғана аудан орталығынан. Бұл тұрғындарға үй жануарларын бақылауда ұстауға мүмкіндік береді. Себебі чип арқылы сәйкестендіру нөмірі енгізіледі. Кейін жануар иесіне ветеринарлық құжат табыс етіледі».

Статистикаға сүйенсек, СҚО жыл басынан бері 3016 ит пен мысық есепке алынды. Чиптеу құны - 3500-6000 теңге аралығында. Ал әлеуметтік осал топтар үшін чип қойғызу тегін.

https://www.youtube.com/embed/hbFWgSZiPSs?si=Dm0kKbvbeCA0a3Uy" 

Қазақстанда «Бұрынғы уақытты қайтару» деген атаумен петиция жарияланған болатын. Бүгін қоғам белсенділері бұқаралық ақпарат құралдарына арнап баспсөз мәслихатын өткізді. Сарапшылар кейбір қазақстандықтардың уақыт өзгергеннен кейін қолайсыздық сезінгендерін жеткізді. Олардың ішінде электр энергиясының қымбаттауы, адам биоритмдері мен жұмыс, оқу және демалыс кестесінің сәйкес келмеуіне байланысты тұрғындардың физикалық және психологиялық ыңғайсыздығына әсер етуі де бар.

АМАНГЕЛДІ ШОРМАНБАЕВ «ХАЛЫҚАРАЛЫҚ ҚҰҚЫҚТЫҚ БАСТАМА» ҚОРЫНЫҢ ЗАҢГЕРІ:  «Жоба қаулысында, оның халықаралық шарттарға сай екені жазылған. Бұл шындыққа жанаспайды. Жүз пайыз сәйкес келмейді. Біріншіден, бұл жоба ауқымды түрде талқыланған жоқ. Мен заңгер ретінде айтатыным бұл қаулыны өзгерту керек. Сондықтан, бұл мәселені қоғам өз бақылауына алу қажет деп санаймын. Тыңдалып жасалуы шарт деп есептеймін. Үкімет құрамында нағыз мамандары бар жұмыс тобын құрып, тиімді шара қолдануы тиіс». 

https://www.youtube.com/embed/TRGLm2zkRs0?si=-kjDxHuuCJ1esJuu" 

https://www.youtube.com/embed/K_tBTimSohA?si=YzKfOaIs0D4nMeq9" 

Брейкинг - яғни, акробатикалық көше биінен Әмір Зәкіров Будапеште өткен іріктеу турнирінің қорытындысы бойынша, олимпиада ойындарында бақ сынайтын тұңғыш қазақстандық атанып, Париж ойындарына жолдама алды. Әмір финалға дейін жеңіске жетіп, ақтық сында Нидерланд өкілінен жеңіліс тапты. Осылайша ол екінші орынмен қатар, олимпиадалық квотаны иеленіп отыр. Екі іріктеу кезеңінің қорытындысы бойынша Әмір 71 ұпай жинаған. Жалпы есепте қазақстандық спортшы алтыншы орыннан көрінген.