https://www.youtube.com/embed/CR4yFgLTnPI?si=omp5DfkCXI7JgdFf" 

Егер балаңызды спорт секциясына беремін десеңіз, бұл ақпарат сіз үшін. Бұдан былай елімізде балаларды спорт секцияларына қабылдау тәртібі өзгереді. Енді баланың ата-анасы немесе заңды өкіліне ешқайда барудың қажеті жоқ. Жүйе толық автоматтандырылады. Сәйкесінше, орын ауыстыруға да жол берілмейді. Порталда заңды өкілдерінің берген өтініші бойынша баланың жас шектеулері ескеріле отырып, өтінім берушінің әрбір спорт секциясы бойынша кезек автоматты түрде жеке құрылады. 

АЗАМАТ АПАХАЕВ ҚР ТУРИЗМ ЖӘНЕ СПОРТ МИНИСТРЛІГІ БҰҚАРАЛЫҚ СПОРТТЫ ДАМЫТУ БАСҚАРМАСЫНЫҢ БАСШЫСЫ: «Енді спорт секциясына қабылдау кезегі ақпараттық жүйеде автоматты режимде жүргізіледі. Сондай-ақ баланың және заңды өкілінің тегі, аты, әкесінің аты (бар болған жағдайда), спорт секциясының түрі, өтініштің нөмірі мен уақыты, секундтың үлесіне дейін дәлме-дәл, кезектегі реттік нөмірді қамтитын ақпараттық жүйе ұсынған мәліметтер негізінде бөлуге арналған орындардың тізімін қамтиды. Кезек заңды өкілдерінің берген өтініші бойынша баланың жас шектеулері ескеріле отырып, өтінім берушінің әрбір спорт секциясы бойынша жеке құрылады. Ішкі істер органдарында есепте тұрған девиантты мінез-құлықты балалар басым тәртіппен ақпараттық жүйеде тіркеледі».

https://www.youtube.com/embed/0iTS6zCJEZo?si=uSs_SgxBQCFdnj9J" 

Маңғыстауда балық шаруашылығын дамыту үшін жағдай жасалмаған. Бұл кәсіппен айналысатындар - ауланған балықты тапсыратын орынның жоқтығын алға тартады. 

Ширек ғасырдан астам уақыттан бері нәпақасын осы кәсіптен тауып жүрген Мир Жолдыбаевтың ресми балықшы деген құжаты бар. Бір жылда үкіметтен екі бөліп берілетін лицензиядағы лимит аздық етеді деген ол,бірінші кезекте соны көбейтіп берсе екен, - дейді. 

МИР ЖОЛДЫБАЕВ  БАЛЫҚШЫ:«Бірінші берілетін лицензияны 4 айға береді. Сол 4 айға бір бригадаға бергені 1 тонна кифаль. Мен жаңа айттым ғой, күніне 1 тонна аулауға болады. Бірақ оны аулай алмаймыз. Себебі сақтайтын жеріміз жоқ. Солай енді, біз күніге 200-300 келі аулаймызда болды, қайтамыз. Артық салатын жеріміз жоқ. Проблемамыз сол. Бізге жағадан морозильник, холодильник салса, мен енді өңдейтін зауыт айтып тұрғаным жоқ. Әуелі қабылдайтынын жасап алсын. Содан кейін балықшылардың барлығы өздері үшін соған тапсырады». 

Балықшылардың мәселесі тек рұқсат құжатындағы лимит емес, ауланған балықты тапсыратын орынның жоқтығыда қынжылтады екен. Амалсыздан осындай шағын жерге 300 келі өнім сиятын мұздатқышта сақтайды екен. Ал ол, кәсіпті дөңгелетуге көп кедергі,- дейді балықшы. 

Облыстық балық шаруашылығы басқармасының басшысы Арман Мулдашевтың айтуынша, Түпқараған ауданы Аташ елдімекенінде жалғыз балық қабылдау пункті бар. Алайда басқа кәсіпкердің шаруасына араласа алмайтынын алға тартты. Ал балық аулау лимиті арнайы мамандардың теңіздегі биоресурстарды зерттеу нәтижесіне сәйкес беріледі деді.

АРМАН МОЛДАШЕВ  БАЛЫҚ ШАРУАШЫЛЫҒЫ БАСҚАРМАСЫНЫҢ БАСШЫСЫ: «Балықшылардың айтуы “бізде қабылдау пункті жоқ” дейді. Иә, мына жерден елдімекен айналасында қабылдау пунктері бар. Алшақ елдімекендерден тыс жерлерде балық қабылдау пунктін ашып орнату ол мына субъектілерге шығын болып тұр. Себебі кәсіпкер салқындатқыш, тоңазытқышын қою керек, өзінің шығындары бар. Ол жерде қаншалықты балықшылар балықтарын әкеліп тапсырады деген сұрақ бар. Ол жерде де субъектілердің мүмкіндігін қараумыз керек. Егерде субъектілерді міндеттеп, қабалдауды ұйымдастырсақ, нарықта балықтың бағасы өсіп кету мүмкін. Себебі олар өздерінің шығындарын есептеп кетеді. 

Басқарма басшысы балықшылардың уәжін назардан тыс қалдырмай, әр ауданға барып олармен кездесуді жоспарлап қойыпты. Аталмыш проблемаларды сол жерде де тағы бір пысықтап алатынын жеткізді.

https://www.youtube.com/embed/Zfy3sY8krDc?si=r05v7plR3pFNCXPx" 

Елімізде халықты мазалап жүрген утиль алымы туралы мәселе әлі де оңды болмай тұр. Әлеуметтің өзекті проблемасына айналған тақырыпқа байланысты жұртшылық тарапынан арнайы петиция жарияланған да еді. Өнеркәсіп комитет төрғасының сөзінше, дау көтеріп тұрған петицияға байланысты отырыс, депутаттар мен мемлекеттік органдардың, сондай-ақ петицияға бастамашылық жасаған топтың өкілдерімен бірге 13 маусымда өткізілмек.

АЗАМАТ СЕРІКҰЛЫ ҚР ӨҚМ ӨНЕРКӘСІП КОМИТЕТІНІҢ ТӨРАҒАСЫ «Жалпы утиль сбор, утиль алымы деп қазақша да айтамыз. Негізгі мақсаты 2 бағытта. Бірінші – тарифтік саясат. Яғни, шетелден ескі автокөліктерді кіруді шектеу, реттеу шаралары қолданылса. Екінші жағы – экология, істен шыққан көліктерді утилизацияға бағытталған түрі болып табылады. Утиль сбор жалпы енгізілгеннен кейін, елімізде автокөліктердің импортталатын саны қатты шектелген жоқ. Мысалы, былтыр 148 мың автокөлік өндірдік. Сырттан келген автокөліктердің саны 157 мыңды құрады. Яғни, осындай паратиттік жүйеде, баланста тұр». 

Сонымен қатар, осы жылғы жоспарда 300 млрд теңгеден астам утилизациялық алым ретінде алынатын қаржы есепте тұр. Ал, ондай қаражаттардың қайда кетіп жатқандығы осы уақытқа дейін жұртшылыққа беймәлім болып келген болатын. Тек соңғы уақыттарда халықтың жаппай сұрау сала бастауынан кейін ғана жауаптылар жұмсалу орындары туралы ақпараттар бере бастады. 

СӘКЕН АМАНГЕЛДІҰЛЫ «ЖАСЫЛ ДАМУ» АҚ БАСҚАРУШЫ ДИРЕКТОРЫ «Қазір мына экологиялық кодексіне сәйкес және экология министрлігімен бірге жоспар құрып, ол ақшаны жаңа техника сатып алуға (автобустар, қоқыс өндіретін, шығаратын заводтар мен машиналарға) жаратып жатырмыз».

Сондай-ақ, ел ішінен утиль алымын түбегейлі жою жайында ұсыныстар түскен болатын. Бірақ, бұл ұсыныстың да өзінің оң мен солды жақтары тағы бар. 

СӘКЕН АМАНГЕЛДІҰЛЫ «ЖАСЫЛ ДАМУ» АҚ БАСҚАРУШЫ ДИРЕКТОРЫ «Әлеуметте алып тастауға көп сұраныс бар. Бірақ, шет мемлекеттерде бұл жақсы көтеріліп жатыр. Мысалы, РФ 1 сәуірден бастап күрт өзгеріп, утиль төлемді көтеріп жіберді. Біздің нарықты қорғау үшін, біздің автопромды дамыту үшін ол утиль сбор алынбайды деп отыр үкімет басшылары».

Автокөлік нарығының белді өкілдерінің қатысуымен өткен форумда 2023 жылы Қазақстанда 198 мың жаңа автокөлік сатылғаны жөнінде айтылды. Оның 70 пайызға жуығы Қазақстанда шығарылған. Қалғандары импортталған автокөліктер. Ал, биылғы жоспарда нарықтың төмендеуіне байланысты, 160 мың жаңа автокөлік сату жоспарда бар деді спикерлер. Дей тұрғанмен, елімізде саны бар, сапасы жоқ ескі көліктердің саны да өршіп тұр. Азаймаудың бірнеше себебін Бекнұр Маратұлы былай түсіндіріп берді.

БЕКНҰР МҰРАТҰЛЫ «АСТАНА МОТОРС» КОМПАНИЯСЫНЫҢ  ДИРЕКТОРЫ «Оған бірнеше себеп бар. Біріншіден, осы жылы өткен регализация. Регализациядан 300 мыңнан астам автокөлік өткен. Ол автокөліктердің көбісі ескі автокөліктер. 2000 жылдардың басында Қазақстанда өте көп серовоз автокөліктер келген. Әрине, ол көліктер күннен-күнге жаңарып жатқан жоқ қой, олар ескіріп жатыр. Сондықтан, біздің негізгі мақсатымыз – жаңа автокөліктердің санын көбейту, Қазақстанға тек қана ескі автокөліктер келмеу, оны бақылауға алу. Өйткені, біз африкандық мемлекеттерге айналып кету керек емес. Біздің нарығымыз – тек қана жаңа автокөліктер сатылып тұрса, жылдан жылға жаңа автокөліктердің көлемі ұлғаяды»

Сондай-ақ, спикер халық қалтасы көтеретін көліктерді сатып алу жөнінде ұсынысын білдірді. Оның сөзінше былтырғы көрсеткіште Қытай автокөліктерінің көлемі жалпы нарыққа шаққанда 40 пайызды көрсеткен. Қытай автопромы дамып тұрғандықтан, бұл көрсеткіштің ұлғаюы әбден мүмкін. Сол себепті, қарапайым қарашаның жақсы жағдайы үшін 6-7 млн теңгені көлемін құрайтын көліктерді нарыққа көбірек әкелу керек деді спикер.  

https://www.youtube.com/embed/1-lL0C9BSUs?si=c9cONHTUgb_EZ8yP"

Алматы облысы Іле ауданындағы «Казпошта» АҚ бөліміне шетелден косметикалық бұйымдар түрінде жасырылған салмағы 777 бүтін онан төрт грамм, есірткі өнімі келіп түсті. Белгілі болғанындай, тауарды қабылдап алған адам есірткі өнімдерінің заңсыз айналымы үшін бұрын сотталған. Мамандар оның тұрғылықты жері бойынша тінту барысында есірткіні шегуге арналған құрылғылар, қолданылған шприцтар, зип-пакеттер тауып алды. Аталған азамат сот шешімімен қамауға алынды.

ӘЛІБЕК ӘБДІЛОВ ҚР ҚМА РЕСМИ ӨКІЛІ: «Тергеу амалдары жалғасуда. «ҚПК-нің 201 бабына сәйкес өзге ақпарат жария етуге жатпайды. Сондай – ақ агенттік экономикалық құқық бұзушылықтар фактілері жайлы «АФМ Insider» телеграм ботына хабарлауға мүмкіндік бар екенін еске салады».

https://www.youtube.com/embed/ymoroc3fNFo?si=cyGMlx22m7to8OuI" 

https://www.youtube.com/embed/7Pj9luj-5jc?si=wIddni39hFkz2_kK" 

«Жақсы жердің кадірін, қожасы емес құл білер» демекші,  Ақмола облысының Жақсы ауданына қарасты Лозовое село халқының жер үшін жергілікті серіктестіктермен соттасып келе жатқанына 10 жыл толыпты. Жылдар жылжығанмен жағдай жылжымай тұруының басты себебі - акционерлік қоғам пайдасынан жыл сайын төленетін табыстың 2014 жылдан бері тоқтап қалғандығында. 

250-ден аса тұрғыны бар Жақсы ауданы 2014 жылға дейін «Түгел С» серіктестігінің құрамында болған. Одан кейін эстафета таяғы басқа серіктестіктің қолына өткелі басшылық бір тиында қолымызға түсірмеді дейді ашынған халық. Даудың басында көш бастап тұрған 3 мың гектардан астам жерін ала алмай жүрген 40 шақты үлескер. 

ДУЛАТ ЖАНҰЗАҚОВ АҚМОЛА ОБЛЫСЫ ЖАҚСЫ АУДАНЫНЫҢ ТҰРҒЫНЫ: «Біз қол қойған жоқпыз. Договор жасаған жоқпыз о купле-продажи. Сатылуы туралы білмедік те. Соны нотариустан алдық. Құжаттарды дәлелдеп, заңдастырып алдық. Сот заңдастырып берді бізге. Енді жерді бөлініп шығуға бізге бермей жатыр. Сонымен соттасып жүрміз».  

Әрине, әліптің артын бағып шаршаған халық 2017 жылы Жоғары сотқа да шағымдарын жеткізіп үлгерген. Бірақ, олар аудандық соттың шешімін тексере келе, сату-сатып алу туралы екі жақты келісімнің болмағанын, сәйкесінше аудандық сот шешімінің қате екендігін растаған. 

ЖАДЫРА ӘБІЛҚАСЫМОВА АҚМОЛА ОБЛЫСЫ ЖАҚСЫ АУДАНДЫҚ ЖЕР ҚАТЫНАСТАРЫ БӨЛІМІНІҢ БАС МАМАНЫ: «Арыз берушілер «Түгел С» серіктестігіне барып, шартты түрде олардікі болып есептелетін жердің аумағын анықтаулары тиіс. Өйткені, бұл жерлер қазіргі таңда серіктестіктің меншігі. Яғни, үлестерін жер теліміне ауыстыру керек. Одан кейін өндірістік бағдарлама, өтініш керек. Жер Кодексінің 48-ші бабына сәйкес өтінішті жер комиссиясы қарастырады. Егер комиссия мүшелері жерді қайтару туралы өтінішті қанағаттандырса, әкімдік шешім шығарып, жалға беру туралы келісім-шарт жасалады. Ал, ондай келісім жасау үшін бізге әр арыз берушінің жер аумағын анықтау керек».

Біз уақытты күткенмен, уақыт бізді күтпейді. Жан алысып, жан берісіп жатқан уақытымызда жерімізді заңсыз иемденіп алған серіктестік жыл сайын дән сіңіріп, сол жерден пайда тауып келеді деп шырылдауда қараша. Жағдайды жақсы жаңалығы қашан естілері әзірге белгісіз. 

https://www.youtube.com/embed/9CG7bwPMdGM?si=Ap76ImrmVN2mQ3wD" 

Қыстың қамын жазда ойла. Еліміздегі шаруагерлер мал азығы шөп шабу науқанын бастап кетті. Алматы облысы Іле ауданы Ақши елдімекенінің іскерлері жаздың әр күнін тиімді пайдалануға тырысуда. 

Биыл жауын-шашын молынан түсіп, шөп те жақсы көтерілді дейді ауылдағы ағайын. Мыңғыртып мал өргізген ірі қожалықтардан бөлек жеке шаруалар да жауапты кезеңге білек сыбана кірісіп кеткен. Игорь Шмит Ақши ауылының тұрғыны.Өз алдына қожалық ашып,кәсібінің нәсібін көріп отырған жайы бар.Лизингке жеңілдетілген несиемен су жаңа трактор алып,қыстың қамын жасап, қызу тірліктің басында жүр.

ИГОРЬ ШМИТ «ШМИТ» ШҚ ТӨРАҒАСЫ

Ақши ауылында 197 шаруа қожалығы бар.Олар егін, мал шаруашылығымен айналысады. Жергілікті әкімдіктің дерегінше «Ауыл аманаты» бағдарламасы көптеген шаруашылықтарға демеу болған.

ТӨЛЕГЕН ОМАРОВ АЛМАТЫ ОБЛЫСЫ ІЛЕ АУДАНЫ АҚШИ АУЫЛДЫҚ ОКРУГІНІҢ ӘКІМІ

Ақши ауылдық округінде 6500 адам тұрады. Олардың басым бөлігі еңбекке тартылған. Қолынан іс келетіндерге шағын және орта бизнес аясында  қайтарымсыз несие берілген.

ТӨЛЕГЕН ОМАРОВ АЛМАТЫ ОБЛЫСЫ ІЛЕ АУДАНЫ АҚШИ АУЫЛДЫҚ ОКРУГІНІҢ ӘКІМІ

Алдына 500 бас қой салған Ақшилік Алмуда Нәсірденұлы Қытай Халық Республикасынан атамекеніне 2010 жылдары көшіп келген. Қандасымыз ата кәсіпті қолға алып,жергілікті әкімдіктен 100-гегтар жер алған. Малдың күйін білетін азамат, биыл 90 пайыз төл алыпты.

АЛМУДА НӘСІРДЕНҰЛЫ ҚОЙШЫ

Алмуда Нәсірденұлы қойларының жем-шөбіне мемлекет тарапынан субсидия алып отырады.Келешекте мал басын көбейтіп,ет экспортына үлесін қоспақ ниетте.

https://www.youtube.com/embed/LmJ2R6GCRZk?si=8jPTrbGndYqAeDG-" 

ІІМ кезекті рет жүргізушілерге үндеу жасады. Полиция қызметкерлері барлық көлік жүргізушілерінен жол жүрісі ережесін қатаң сақтауды сұрайды. Себебі, соңғы жылдары жол-көлік апаттары екі есеге жиілеген. Мәселен, 5 маусымда ғана Ақтөбе облысында Toyota Alphard автокөлігінің жүргізушісі рульді басқара алмай, жолда аударылып, салдарынан төрт адам қаза тапты. Алайда, апатқа дейін оны полиция қызметкерлері тоқтатып, жол ережесін сақтау туралы ескерткен екен. Осындай жүгенсіз жүргізушілердің кесірі қаншама бейнкүнә адамдардың өмірін жалмауда. 

ӘЛІБЕК ҚЕҢІСПАЕВ ҚР  ІІМ ӘПК ТӨРАҒАСЫНЫҢ ОРЫНБАСАРЫ: «Жол жүрісі қағидаларын бұзудың алдын алу бойынша тұрақты түрде түсіндіру және профилактикалық жұмыстарын жүргізеді. Осы мақсатта күн сайын трассаларда шамамен 1,5 мың патрульдік полицей қызмет етеді. Экипаждар 50 шақырым сайын орналастырылған. Жүргізушілер көбінесе жол ережелерін елемейді. Жылдамдық режимін сақтамайды. Қарсы жолға шығып кетіп жатады».

https://www.youtube.com/embed/IbnITQ06TJo?si=-z8dTmearh8jEwsT" 

Премьер-Министр Олжас Бектенов Солтүстік Қазақстан облысына жұмыс сапары аясында су тасқынының салдарын жою және зардап шеккен тұрғындарды баспанамен қамтамасыз ету жұмыстарының алғашқы нәтижелерімен танысты.

Үкімет басшысы Петропавл қаласындағы Бірлік ықшам ауданында жаңадан бой көтерген үйді аралап, жаңа баспана кілтін алған отбасы мүшелерімен әңгімелесті. Олжас Бектенов ауқымды су тасқынының салдарын жоюда түсіністік танытып, көмектескені үшін тұрғындарға алғысын білдірді. Құрылыс қарқыны мен пайдалануға берілген тұрғын үйдің сапасы, сондай-ақ су тасқынынан кейінгі кезеңде тұрғындарды қолдау мәселесі талқыланды. «Бірлік» ықшам ауданында барлығы 700 үй мен 90 орындық балабақша салынып жатыр. Жақында ғана отбасыларға қоныстану үшін 53 үйдің кілті берілді. Маусым айының соңына дейін тағы 47 үй беру жоспарланса, 600 үйдің құрылысы биылғы тамыз айының соңына дейін аяқталады. Бірлік ықшам ауданы қажетті инженерлік коммуникациялармен қамтамасыз етілген, топырақты жолдар салынып, серуендеуге және демалуға арналған аймақтарды абаттандыру жүргізіліп жатыр. Сондай-ақ сапар барысында Олжас Бектенов қалпына келтіруге жататын үйлерді жөндеу жұмыстарымен танысты. Солтүстік Қазақстан облысы – су тасқыны салдарын жоюға механикаландырылған бригадалар тартылған жалғыз өңір.

Мәселен, тек Ойқала ықшам ауданында 1 133 үй су басу аймағында болды, оның 309-ы жөндеуді қажет етеді. Жұмыстарды 24 мехбригада кезең-кезеңімен орындап жатыр, Петропавл бойынша барлығы 85 осындай құрама бар. Қазіргі таңда едендерді ауыстыру, қабырғаларды сылау, гипс қатырмасын төсеу жұмыстары жүргізіліп жатыр.

https://www.youtube.com/embed/i2-oFfhO3vk?si=RyOcqNRhwaHdwePP" 

https://www.youtube.com/embed/SC9NZKyaX_U?si=2u-6vgvb8nTg6D7o" 

Қазақстандық бренд “Almotor” компаниясы Қытайдың алпауыт топ бестігіне кіретін Lifan компаниясының серіктесі атанды. Компания әлемнің 117 еліне техника сатумен айналысады. Орта азиядағы Өзбекстан,Ресей мемлекеттерінде серіктестері бар компанияның ендігі серіктесі еліміздегі  “Almotor” компаниясы болып отыр.

НҰРМҰХАМЕД РӘДІЛ “ALMOTOR”  КОМПАНИЯСЫНЫҢ ДИРЕКТОРЫ 

Келісімшарт бір жылдың аралығында жүргізілген. Қытай еліндегі коорпорация президенті өз кезегінде қолдау білдіріп, инвестиция салатынын білдірген.

TAO YUAN  LIFAN TECHNOLOGY (GROUP) CO.LTD БАС ДИРЕКТОРЫНЫҢ ОРЫНБАСАРЫ «Біз  Lifan компаниясының өкілдеріміз. Бұл жолғы келу мақсатымыз Қазақстандағы “Almotor” компаниясымен серіктестік орнату. Мотоцикл саласына  үлесімізді қосып, жақсы деңгейге көтергіміз келеді. Қазақстандық “Almotor” компаниясымен бірігіп жұмыс атқаратынымызға қуаныштымыз».

https://www.youtube.com/embed/aLj6YUePRTI?si=C-f9w6ZGvaYCRxac" 

Зеренді ауданының тұрғындары бірнеше жылдан бері жергілікті серіктестікке  өтіп кеткен мыңдаған гектар жер үшін соттасып келеді. Жерден нәпақасын тауып отырған қараша соңғы уақытта соқыр тиын да көрмей отырғандарын айтып дабыл қақты. 

Тұрғындарға тиесілі жер кепілдікке қойылып, одан кейін басқа серіктестікке аукцион арқылы сатылған.  Бұл жөнінен мүлдем бейхабар болған олар жерімізді біздің келісімсіз беріп жіберді деп мәселені сот арқылы шешуден басқа амал таппаған. Үш жылдан бері соттың табалдырығын тоздырған Зеренді ауданына қарасты Ортақ, Айғыржал, Жамбыл, Өзен және Өркен ауылдарының тұрғындары  34 мың гектар жерді қайтара алмай әлек. 

ЖҰМАШ ЕРҒАЛИ ӨЗЕН АУЫЛЫНЫҢ ТҰРҒЫНЫ «Біз ештеңе олардан сұрап отырғамыз жоқ. Біз басқа жерге көшейік деп жатқанымыз жоқ. Бізге өзі положенный жердің дивиденді дейді. Соны беріп отырса, одан басқа ештеңе керек жоқ. Директорымыз Диқан+тің бізге шемішкенің қоқымын сатады. Сонымен күн көріп отырмыз. Жмых дейді ғой. Ал енді басқа бидай туралы ондай әңгіме де жоқ. Сондай қиын жағдай болып тұр».

Серіктестік жерімізді заңсыз иемденгендерімен қоймай, ата-бабамыз жатқан зираттың орнын сырып тастады, бұл мәселені соттағылар да, әкімдіктегілер де жылы жауып қойды,- дейді ауылдықтар. 

АЛПАМЫС ҚОЖИН ОРТАҚ АУЫЛЫНЫҢ ТҰРҒЫНЫ «Менсіз, менің құқығымсыз.Үкімет маған берді оны пайдалан, бала-шағаң бәрі күн көрсін деп. Ал олар маған айтпай алды да сатып жіберді. Енді не мал жаятын жер жоқ, не шөп шабатын жер жоқ. Біздің жақтың егіні зона рисковонного земделия. Әрбір десін химиямен травить етіп бітті бүкіл жердің бәрін, келгендердің бәрі. Егінін алады да, қалтасын толтырып алады да кетеді. Ол не керек бізге. Ал біз сол жерде өмір сүреміз ғой. Зиратымызға дейін сырып кетті. Ескі қорымдар бар ғой кәдімгі. Ата-бабамыз жатқан. Соны мына Диқан+ жыртып кетті». 

Серіктестік директорының айтуынша, Күсеп серіктестігі қарызын өтей алмаған соң ол жерлерді Халық банкі кепілдікке алған. Ал, кепілдікте тұрған жер уақыт өте аукционға түсіп «Диқан+» серіктестігінің меншігіне өткен. Біз ешкімнің жерін тартып алған жоқпыз деген серіктестік басшылығының өз айтары бар. 

ДЕНИС ШВАЙБОВИЧ СЕРІКТЕСТІК ДИРЕКТОРЫ «Біріншіден, біз жерді тартып алған жоқпыз. Екіншіден «Диқан+ серіктестігі әлеуметтік жауапкершілігі мол шаруашылық. Тұрғындармен талай рет кездесіп бұл мәселені талқылағанбыз. Олар дивиденд алғылары келетінін айтқан. Бірақ, 2021 жылы тұрғындардың біреуінен шағым түсіп, біз әлеуметік келісім-шарт жасап, кезінде Күсептің құрамында болғандарға көмек көрсету туралы шешім шығардық және ол көмек көрсетілді. Дегенмен, бұл шешім тұрғындардың көңілінен шықпаған сияқты». 

Ұзаққа созылған сот отырысына нүкте қойылып, наразы тараптың арызы қанағаттандырылмады. Алайда ашынған қараша  мұнымен тоқтамаймыз,дейді.