https://www.youtube.com/embed/b0LhPLkOsus?si=aEJphNa17ROyu6rD" 

Алматы қаласы, Ақсай өзені бассейнінде селді ұстайтын бөгет салу жұмысын іске асыру керек серіктестік иелері, аса ірі көлемде бюджет қаражатын жымқырды деген күдікке ілікті. Залал сомасы алдын ала болжам бойынша - 775 млн теңгеден асады. 

ӘЛІБЕК ӘБДІЛОВ ҚР ҚАРЖЫЛЫҚ МОНИТОРИНГ АГЕНТТІГІНІҢ РЕСМИ ӨКІЛІ  «Осылайша, Төтенше жағдайлар министрлігі «Қазселденқорғау» мемлекеттік мекемесімен келісімшартқа отырған мердігер ұйымның директоры бюджет қаражатын жымқыру дерегі бойынша күдіктенуде. ЖШС Алматы қаласы «Ақсай өзенінің бассейнінде селді ұстайтын бөгет салу» жобасын іске асырған».

https://www.youtube.com/embed/UNc4SSa9KHw?si=t5Lu1p0tEHUfnFy2" 

Алматыда белгісіз ер адам орындықта отырған әйелді киімінен тартып, сүйреді. Оның видеосы телеграмм каналдардың бірінде пайда болды. Арна мәліметінше, бұл 10 сәуір күні болған. Кадрдан жас жігіт орындықта отырған әйелге жақындап келіп, оның мойнынан ұстап, киімнен тартып сүйрегенін көруге болады. Өтіп бара жатқан адамдар әйелді шабуылдаушыдан арашалап қалды. Алматы қалалық полиция департаменті күдіктінің ұсталғанын мәлімдеді.

САЛТАНАТ ӘЗІРБЕК АЛМАТЫ ҚАЛАЛЫҚ ПРОЛИЦИЯ ДЕПАРТАМЕНТІНІҢ РЕСМИ ӨКІЛІ
«Әйелге дене жарақатын салу фактісі бойынша тергеу басталды. Күдікті ер адам ұсталды. Жауапқа тартылды»,- деп хабарлады полициядан.

https://www.youtube.com/embed/bCBQCZ5PprY?si=bVTfNWGH5hIULFJh" 

Есілдің тасыған суы Петропавлға жетті. Заречный кенті арқылы өтетін «Челябі-Новосібір» халықаралық маңыздағы жолдың учаскесін су шайды. Су басу қаупі бар қалған аудандарда да жағдай мәз емес.

ЗКТ: Заречный кентінің  барлық тұрғындары қауіпсіз жерге шығарылған. Қазір ол жерде күні-түні полицейлер мен ТЖ қызметкерлері кезекшілікте тұр. Жолдар жабылған. Ешкімге өтуге рұқсат жоқ. Былғары зауытын ауданында да жағдай мәз емес. Есілден келе жатқан судың ағысы қатты. Осыған байланысты 12-ші мектепте құрылған эвакуациялық пункт басқа жерге көшірілуі мүмкін. Ал ойқала ықшам ауданының тұрғындарына мамандар қауіпсіз жерге көшулері керек екенін хабарлап жүр.

САЯН АХМЕТЖАНОВ, ПЕТРОПАВЛ ҚАЛАЛЫҚ ТЖБ БАС МАМАНЫ
« Ойқала ықшам ауданында 1100-ден астам үй бар. Қазір барлығына эвакуацияға дайын болуы керек екендерін ескертіп жүрміз. Егер адамдардың барар жерлері болмаса 14 мектепте эвакуациялық пункт бар. Тасқын су облыс орталығына жетті. Сол себептен тұрғындар барлық жағдайға дайын болулары керек».

https://www.youtube.com/embed/7xdLPVlBZAo?si=2jomC9m__RI6WjAA" 

Үкімет халыққа үндеу жолдады. Су тасқынынан зардап шеккендердің шығыны жақын күндері толығымен өтеледі. Ешкім көмексіз қалмайды. Ал, осындай қысылтаяң уақытта халықты алдап, жалған ақпарат таратқандар қылмыстық жауапкершілікке тартылады. Бұл туралы премьер-министрдің орынбасары Қанат Бозымбаев айтты. 

Су тасқыны халықты әлі де сарсаңға салуда. Өңірлерде жағдай тұрақталған жоқ. Еліміздің 8 аймағында: Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында жергілікті ауқымдағы 34 төтенше жағдай режимі сақталуда. 

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ 
«Еліміздің 8 өңірінде жергілікті төтенше жағдай жарияланған. 3 өңірде 10 мал қорығын су басты. Жергілікті жерлерде жедел дизенфекция жұмыстарын жүргізіп жатыр. Павлодар мен Абай облысында төтенше жағдай күшін жойды».
Зардап шеккен аймақтарға жан-жақтан қолдау мен көмек беріліп жатыр. Бүгін Түркістандық төтеншеліктер Батысқа аттанды. 

Атырау облысында ахуал күрделі. 3 мыңға жуық үй топан судың астында қалған. Бұл үйлерден 37 мыңға жуық адам құтқарылған. Аудандық маңызы бар жолды су шайып кетіп, қатынас қиындаған. Ал, жалпы республика бойынша қазіргі уақытта республикалық маңызы бар 13 автожол жабық. 

ЕРАСЫЛ САЙПАШ  ҚР ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ 
«Су тасқыны басталғалы бері Азаматтық қорғаныс қызметтерімен 99 869 адам, оның ішінде 36 591 бала қауіпсіз жерлерге жеткізілді. Уақытша орналастыру пунктеріне 6 586 адам, оның ішінде 3 197 бала орналасты. 9 млн текше метр еріген қар суы сорып шығарылды, 1,6 млн қапшық және 1,2 млн тонна инертті материал төселді. Авариялық-құтқару жұмыстарына 34 272 адам, 4 мың техника, 17 әуе кемесі жұмылдырылды».

Бүгін Ақтөбе әкімі халыққа үндеу жолдады. Мұнда қауіп айтарлықтай сейілген. Су қоймаларындағы ағыс бәсеңдеп, жағдай тұрақталды. Зардап шеккендерге 6 сәуірден бастап біржолғы төлем беріліп жатыр. Жақын күндері шығын көлемі толық есептеледі. Қостанайда да арнайы құрылған комиссия шығынды өтеу бойынша жұмысты бастап кетті. Айта кетейік, су тасқынына байланысты қандай да бір жалған хабар таратқандар болса, олар қылмыстық жауапкершілікке тартылады. Мұны үкіметтегілер қатаң ескертеді. Себебі, соңғы күндері желіде түрлі фейк ақпараттар тарап кеткен. 

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ
«Жалған хабарламалардың немесе Төтенше жағдаймен күрес жөніндегі штабтардың жалған аккаунттарының барлық авторларына бұл ақпаратты жариялаудағы жауапкершілік туралы ескерткім келеді. "Онлайн платформалар және онлайн жарнама туралы" заң бар, оған сәйкес пайдаланушылар орналастырылған және таратылатын мазмұнның дұрыстығын тексеруге, жалған ақпаратты таратпауға, сондай-ақ мұндай ақпаратты және кез келген заңсыз мазмұнды жоюға міндетті. Тиісті құрылымдар мұндай жалған ақпаратқа талдау жүргізеді, қажетсіз дүрбелең тудырып, отандастарын алдаған кез келген азамат, өз әрекеттері үшін нақты ақы төлейтін болады».

Құтқарушылар болса, халықтан  су тасқыны кезеңінде қауіпсіздік шараларын мүлтіксіз сақтауға, үйлерден және эвакуациялау пункттерінен өз бетінше рұқсатсыз шықпауды сұрайды.

https://www.youtube.com/embed/a7WL16YI1i4?si=Ir9_Xkx6_5PhRrXy" 

Президент Грузия Парламентінің төрағасы Шалва Папуашвилиді қабылдады. Бұл туралы Ақорданың баспасөз қызметі хабарлады. 
Мемлекет басшысы Қасым-Жомарт Тоқаев мейманға ілтипат білдіре отырып, Қазақстан Оңтүстік Кавказ өңіріндегі негізгі серіктестерінің бірі – Грузиямен жан-жақты қарым-қатынасты нығайтуға айрықша мән беретінін атап өтті. Сондай-ақ Президент Қазақстан мен Грузия арасындағы достық пен өзара түсіністік екіжақты байланыстарды тереңдету ісінде елеулі табысқа қол жеткізу үшін берік негіз болатынын айтты.

Шалва Папуашвили Грузияның Қазақстанмен арадағы қарым-қатынасты одан әрі нығайтуға бейілді екенін растады. Оның айтуынша, Тбилиси Астанамен жан-жақты байланыстарды, соның ішінде көлік-логистика саласындағы ықпалдастықты тереңдетуге ниетті. Бұл ретте Грузия Парламентінің спикері Мемлекет басшысының Транскаспий халықаралық көлік бағытын бірлесіп дамыту туралы бастамасын қолдады.

https://www.youtube.com/embed/oUL2bZSbThs?si=FXF5lP6FYe7jGLfQ"

https://www.youtube.com/embed/osAQlZFrVO0?si=2eaDgpscpgRu7DyV" 

ҚР машина жасау және көлік ұлттық ғылым академиясының негізін қалаушы,техника ғылымдарының докторы,профессор,академик Серғазы Ахметұлы Жиенқұловтың 90 жылдығына және еске алуға арналған Халықаралық ғылыми-практикалық конференция өтті.  Талай шәкірттерге білім нәрін сепкен тұлғаның алдынан шетелдік студенттер де тәлім алды. Сегіз қырлы болған академик  тарих пен қоса өлең жазатын ақындық қасиетін қатар алып жүрді. Тәлімін алған шәкірттері бүгінде елімізге ғылымның,білім салалары бойынша қызмет атқарып жүр. 

БАЯН САЗАНБАЕВА ПРОФЕССОР

https://www.youtube.com/embed/upmvPozSzx0?si=QpYpAPeHYStBoLGj" 

Алматыда Ұлттық Қазақстандық Халықаралық «Демікпе Жəне Аллергия» тақырыбына арналған басқосу ұйымдастырылды.Шараға Еуропа елдерінің білікті мамандары қатысып, айтулы індетпен күресудің тиімді жолдарын талқылады.Келесі тақырыпқа назар аударсақ.

Екі күнге созылатын конференцияға Италия, Австрия, Түркия, Литва, Латвия, Қырғызстан, Ресей және Қазақстан елдерінің  жетекші аллерголог мамандары қатысты.Әлемдік дәрігерлердің алаңдайтын жағдайы бар,өйткені демікпе және аллергиялық індеттің жасарып бара жатқаны байқалады.ХХІ ғасыр Дүниежүзілік денсаулық сақтау ұйымының болжамы бойынша аллергиялық аурулар ғасыры болып саналады. Халықаралық статистика жыл сайын аллергиялық аурулардың орта есеппен 15-20%-ға өсетінін көрсетеді.

СВЕТЛАНА СҰЛТАНҒАЗИЕВА С.Д.АСФЕНДИЯРОВ АТЫНДАҒЫ ҚАЗҰМУ ПРОРЕКТОРЫ

Мамандар айтулы ауруға шалдығу экология мен дұрыс тамақтанбаудан бөлек, антибиотиктерді бақылаусыз қолдану, стресстік жүктемелердің жоғарылауы және салауатты өмір салтына бейжәй қараумен байланыстырып отыр.Ең қызығы аллергия мен демікпе дертіне,жаңа туылған балалардың шалдығуы жиілеп кеткен.

ЖАНАТ ИСПАЕВА «АЛЛЕРГОЛОГТАР МЕН КЛИНИКАЛЫҚ ИММУНОЛОГТАР ҚАУЫМДАСТЫҒЫНЫҢ» БАСҚАРМА ТӨРАЙЫМЫ, М.Ғ.Д, ПРОФЕССОР: «Елімізде бiрнеше жылдар бойы респираторлық аурулар, оның iшiнде ең қауiптi аллергиялық аурулардың бiрi болып табылатын бронх демікпесі бірінші орында тұр. Қазақстан Республикасында 100 000 тұрғынға шаққанда бронх демікпесімен ауыратындардың жалпы саны 2021 жылы 162,6-ға, 2011 жылы 43,9 адамды құрады, бұл 4 есеге жуық өскенін көрсетеді. Оның ішінде ең көп үлес 0 жастан 14 жасқа дейінгі балаларға тиесілі және сәйкесінше 64,8 және 107,2 пайызды құрады.Осыған орай біздер әлемге аты танымал мамандармен тізе қосып, еңбек етіп жатырмыз.Мақсатымыз сапалы ем көрсету жолдарын дамыту».

STEFANO DEL GIACCO  ЕУРОПАЛЫҚ АЛЛЕРГОЛОГТАР МЕН КЛИНИКАЛЫҚ ИММУНОЛОГТАР АКАДЕМИЯСЫНЫҢ ПРЕЗИДЕНТІ,MD, PhD,ПРОФЕССОР: «Мұндай кездесулер білімдерді байытуға, тәжірибе алмасуға ықпал ету арқылы аллергиялық және иммунологиялық көмек көрсетуді жақсартуға мүмкіндік береді.Сонымен қатар індеттің дамуына тежеу болады. Біз Қазақстандық мамандармен жақсы қарым-қатынастамыз, бірлесіп еңбек етіп келеміз».

https://www.youtube.com/embed/BXw2VFy26og?si=aTT0PBK7u9oVXvsW" 

Бөгеттер мен су қоймаларын салуда бюджет қаражатын жымқырғандар ұсталды. Алматы, Ақтөбе және Ұлытау облыстарында су бөгеті салынып, оны күтіп-ұстау жұмыстары жүргізілу керек болған. Алайда, өзара сөз байласқандар, жұмысты аяғына дейін жеткізбей қазына қаражатын ұрлаған. Қазір сотқа дейінгі тергеп тексеру жұмыстары басталды деді Қаржы мониторинг агенттігінің ресми өкілі Әлібек Әбділов. 

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ: 
«ҚР ТЖМ «Қазселденқорғау» ММ-мен келісімшартқа отырған мердігер ұйымның директоры бюджет қаражатын жымқыру дерегі бойынша күдіктенуде,-деп атап өтті ол. Бюджет қаражатын жымқырды деген күдікке бірнеше кәсіпорындар анықталды. ЖШС Алматы қ. «Ақсай өзенінің бассейнінде селді ұстайтын бөгет салу» жобасын іске асырған. ЖШС-ның жауапты тұлғалары алдын ала сөз байласу арқылы,аса ірі көлемде, бюджет қаражатын жымқырды деп күдіктенуде. Залал сомасы алдын-ала есеп бойынша 775 млн теңгеден асады». 

https://www.youtube.com/embed/wlwNZIIny9M?si=ep6fNr27pbKCJVz2"

Ынтымақ түбі — игілік. Елімізде болып жатқан төтенше жағдайға байланысты СҚО ардагерлерінен құрылған еріктілер тобы Алматыдан келген құтқарушыларды тамақпен қамтамасыз етіп, көпке үлгілі іс көрсетуде. Ынтымағымызды нығайтып жүрген ардагерлердің ең жасы 60-та. 

Арқа сүйер үлкен буыннан жиналған еріктілер тобында 40 жуық адам бар. Ұйымшыл топ бірлесе қаржы жинап, күн түн демей қызмет етіп жатқан құтқарушыларға жәрдем беруде. 

БЕЙБІТ АБИЛЕВ СҚО АРДАГЕРЛЕР КЕҢЕСІ ТӨРАҒАСЫНЫҢ ОРЫНБАСАРЫ:«Мына біздің облыстық ардагерлер кеңесінің жанында еріктілер тобы құрылған. Осы топтың ішінде 34 кісіден астам жас зейнеткерлер одан жоғары жастары жоғары зейнеткерлер бар. Солардың енді бізде тоже басқа да еріктілер бар ғой. Жастар еріктілер бар, қоғамдық ұйымдардан еріктілер бар осы солар сияқты біз бүгінгі осы қиын жағдайда еріктілер тобы осы келген құтқарушыларға осындай көмек көрсетеміз деп осыларға осындай шараны ұйымдастырып отырмыз». 

Бөгеттерді бекітуге қол созғандардың қатарында ардагер еріктілер де бар. Сондай ақ, олар зардап шеккен аудандарды аралап, жаднамалар таратып біраз көмектерін тигізген. 

ЖАРҚЫНБЕК ЖҰПАРБЕКҰЛЫ СҚО №18-ШІ МАМАНДАНДЫРЫЛҒАН ӨРТ СӨНДІРУ БӨЛІМІНІҢ БАСТЫҒЫ:«Қазіргі таңда Петропавл қаласында тұрғын үйлерді аралап, тұрғындарға су тасқыны бойынша жаднама таратылып, сонымен қатар су тасқыны болған кезде қай жерге бару керек, қандай іс қимыл жасау керек бойынша құызмет атқарып жатырмыз. Қызмет атқару барысында тұрғын үйлерде үлкен кісілердің жалғыз болуына байланысты сонымен қатар  шыға алмай жатқан, көтере алмауына байланысты сондай қызметтер жасап, халыққа көмек көрсетіп жүрміз».

Статистикаға сүйенсек, Петропавл қаласының өзінен 500 жуық ерікті көмек көрсеткен.

https://www.youtube.com/embed/KLGE85wrYQE?si=FL848Mnef0IXD8he" 

«Павлодар-Түркістан» бағытындағы жолаушылар пойызында нәресте дүниеге келді. Жер –жерді су басып, халық басына күн туған сәтте бұл қуанышты жаңалық дейді пойыз ішіндегі жолаушылар. Жас ана жүктілігінің соңғы айында Павлодардан Түркістанға жолға шығыпты. Келіншектің жанында өз анасы болған. Талдықорғанға жақындағанда толғағы қысып, вагон ішінде екі жолсерік  оны аман-есен босаныдырып алды. Қазір баланың да ананың да жағдайы жақсы. Олар Сары-Шаған станциясында жедел жәрдем қызметіне тапсырылды. Дүниеге келген қыздың есімін Мереке деп атапты. 

7 мыңнан астам адам су басқан аймақтардан жолаушылар пойыздарымен шығарылды. Қазіргідей қысылтаяң уақытта осы пойыз ғана қауіпсіз көлік құралы болып тұр. Жолаушыларды тасымалдар акционерлік ұйымы да күшейтілген режимде жұмыс істеп жатыр. Атырау облысының тұрғындарын тасымалдау үшін бүгін арнайы  «Атырау-Құлсары-Мақат» және «Атырау-Құлсары-Маңғыстау» бағыттары бойынша бір реттік пойыздардың жүруі ұйымдастырылды. Бұл туралы аталған компанияның ресми өкілі хабарлады. 

НАРИМАН ДЮСЕКЕЕВ «ЖОЛАУШЫЛАРДЫ ТАСЫМАЛДАУ» АҚ БАСПАСӨЗ ХАТШЫСЫ:  «Жолаушылар тасымалы» АҚ су тасқынынан зардап шеккен азаматтарды тасымалдауды қамтамасыз етуде. Елдің кейбір аймақтарында теміржол көлігі адамдарды тасымалдауға арналған жалғыз құрал болып есептеледі.Су басқан аймақтардан жолаушылар пойыздарымен барлығы Қарағанды облысы бойынша – 250–ге жуық адам, Атырау облысы бойынша-6,8 мыңнан астам адам шығарылды. Сондай-ақ, Балқаш қаласының тұрғындарын тасымалдау үшін «Балқаш-Қарағанды» қатынасындағы пойызға бір реттік пойыздар мен қосымша вагондар енгізілді». 

https://www.youtube.com/embed/-DDIttwGMgU?si=pCLpdZBkfybimj_p" 

Денсаулыққа қасақана зиян келтіргендер енді қылмыстық жазаға тартылады. Бұл әйелдер құқы туралы жаңа заңда жазылған норма. Бүгін Сенат заң жобасын қабылдады. Сондай-ақ жоғары палата депутаттары бала қауіпсіздігін қамтамасыз ететін құжатты да қоса мақұлдады. 

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ: «Енді денсаулыққа қасақана жеңіл зиян келтіргені, ұрып-соққаны және суицидті насихаттағаны үшін қылмыстық жауапкершілік белгіленеді. Өз кезегінде сот қылмыстық құқық бұзушылық жасаған адамның жүріс-тұрысына ерекше талаптар белгілей алатын болады. Бұған қоса, буллинг, кибербулинг, балаларды қоғамдық көліктен мәжбүрлеп түсіріп кету әрекеттері үшін әкімшілік жауапкершілік қарастырылады».