https://www.youtube.com/embed/F2yByxivi0k?si=jP-JyMu90yODPp8s" 

«Білім беру стратегиялары болашақ кадрларды даярлау». Алматыда осындай атаумен  Халықаралық педагогикалық форум өтті. 

Отандық және шетелдік ғалымдардың қатысуымен өткен шара Қоғам қайраткері, Академик Серік Жайлауұлы  Пірәлиевті еске алуға арналды. Бар ғұмырын білім саласына арнаған Серік Жайлауұлының  ғылымға қосқан үлесі ұшан-теңіз. 

ӘЗІМХАН САТЫБАЛДИН – ҚР ҰЛТТЫҚ ҒЫЛЫМ АКАДЕМИЯСЫНЫҢ  АКАДЕМИГІ 

Білім беруді цифрландыру, инновациялық оқыту әдістері, жоғары оқу орындарындағы оқыту психологиясы және педагогикалық әдістемелер бойынша  тәжірибе алмасуға бас қосқан  ғалымдар ұстаз Серік Жайлауұлының  көзі тірісінде жарық көрген ғылыми еңбектері қойылған көрмені тамашалап, академикті  еске алды. 

САНДУҒАШ ҚҰЛАНОВА - «Q»UNIVERSITY» РЕКТОРЫНЫҢ МІНДЕТІН АТҚАРУШЫ

Осымен екінші рет өткен Халықаралық форумның бұл жолғы жаңалығы   студенттерге Пірәлив атындағы шәкіртақы табысталды. Аталмыш жиында Жастарға сапалы білім беруге бар күш-жігерін арнаған ғалымның еңбек жолы шәкірттері мен жас мамандарға үлгі. Келелі  жиында шетелдік ғалымдармен бірлесе болашақ кадрлар даярлауда жаңа стратегиялардың қолданылуы талқыланды. 

https://www.youtube.com/embed/uhZS3cfltL4?si=z56S2A3S848p3l4l" 

https://www.youtube.com/embed/XgHxbJDy7m0?si=9U_maRRQxZ6xnEbO" 

Оралда қоғамдық көлік жүргізушілері жұмысқа шығудан бас тартып, алты айдан бері төленбей келген әлеуметтік төлемдерін талап етті. Қоғамдық көлікті тізгіндеген  азаматтардың айтуы бойынша 6 айдан бері ешқандай зейнетақы қорлары мен міндетті әлеуметтік медициналық сақтандыру қорларына  көк тиін аударылмаған. Сонымен қатар, еңбек демалысының да ақысы берілмегеніне біраз уақыт  болған.  

Айтулы жағдайдан автобус паркінің басшылығы құлағдар екен. Автобустар желіге шығу үшін өзара келісіммен төлемді өтеу мақсатында жұмыс істеп жатқанын  тілге тиек етті.

МИРАС ҚАРАБАЛИН  АВТОБУС ПАРКІНІҢ ДИРЕКТОРЫ

АЗАМАТ ХАЛЕЛОВ  ОРАЛ ҚАЛАСЫ ӘКІМІНІҢ ОРЫНБАСАРЫ 

Өзара мәмілеге келген жүздесуден соң барлық қоғамдық көліктер күнделікті қызметіне оралып, жолаушы тасымалын жалғастыруға кірісті.

https://www.youtube.com/embed/TvsAx4kyaOY?si=78sN3Cj9ZsEH4tYr" 

Алматы қаласы бойынша жедел респираторлық инфекциялардың маусымдық өсуі байқалады. Өткен аптада ЖРВИ, тұмау ауруларының 12164 жағдайы тіркелді.

Осыған дейін Денсаулық сақтау министрлігінің санитариялық-эпидемиологиялық бақылау комитеті метапневмовирустың Қазақстанда да таралып жатқаны туралы мәлімдеген еді. Қалалық ақ халаттылар тұрғындардан сақ болуға шақырады. Бас ауырып,дене қызуы көтеріліп, жөтел пайда болса бірден дәрігерлерге жүгінуге кеңес береді.

https://www.youtube.com/embed/usaN10-GTiQ?si=_5b3moF9Spetxvxo"

Ерекше стратегиялық маңызға ие су шаруашылығы құрылысының тізбесі кеңейтілетін болады. Енді бұл тізімге Шығыс Қазақстан облысы Оба өзеніндегі су электр станциялары каскады да қосылатын болды. Бүгінде Үкімет қаулысының жобасы әзірленді. Қаулы ашық нормативтік құқықтық актілердің интернет-порталында орналастырылған. 

ГҮЛЗАТ МАХАЕВА ҚР СРИМ СУ ШАРУАШЫЛЫҒЫ ҚҰРЫЛЫСТАРЫН ДАМЫТУ ДЕПАРТАМЕНТІ ГҚБ БАС САРАПШЫСЫ: «Жобаны қабылдау мемлекеттік бюджеттен қосымша шығындарды қажет етпейді. Министрлік ұсынған өзгерістер су тасқыны қаупін азайту және өңірдегі елді мекендерді қорғау үшін тасқын суды сенімді бақылауды қамтамасыз етуге бағытталған. Сондай-ақ, бұл өзгеріс азаматтар мен өнеркәсіп нысандарын сумен жабдықтауды тұрақтандыру үшін жалпы сыйымдылығы 500 млн текше метрге дейінгі қоймалар кешенін дайындауға мүмкіндік береді. Бұдан бөлек, 3 мың гектардан астам ауыл шаруашылығы алқабын суару және экологиялық таза электр энергиясының қосымша көлемін өндіру үшін жағдай жасалады».

https://www.youtube.com/embed/0NfICVclpTI?si=nKAds1yezUsKCJGW" 

Ақтауда бес жігіт фитнес жаттықтырушы болып жұмыс істейтін қызды ұрлап кетіп, бірнеше сағат бойы күштеп ұстаған. Бұзақылардың біреуі жәбірленушіні көлік ішінде зорлап, арам ойын іске асырыпты. Ол аздай спортшы қызды қорқытып атына 2 миллион теңге несие рәсімдеткен. Оқиғадан соң жәбір көрген спортшы 9-шы қабаттан секіріп, көз жұмды. Жаттықтырушының туыстары кінәлілерге кесілген соттың үкімімен келіспей, әділ жаза беруін талап етеді.

БАУЫРЖАН ЖОЛЖАН - МАРҚҰМНЫҢ ІНІСІ «Осы бесеуі, машинада менің апам бар. Сыртта тұрып «бұл закладчик, бұны не істейміз» деп бұны қорқытып бастайды.  Арасында Сейтқалиев Нұргелді деген қорқытып ұрып, күштеп мефедрон есірткісін иіскеткізеді менің апама. Барлығыда есірткіні қарап алған. «Егер де сен қазір менің айтқаным ды жасамайтын болсаң, мен сені тыр жалаңаш шешіндіріп, төрт баланың арасына салып жіберем» дейді. Зорлық-зомбылық жасау, изнасилование дейді ғо соның барлығы машинада орын алады. Сол жағдай болып жатқанда олардың барлығы да мефедрон есірткісінің күшімен жүр».

Басты күдікті жас қызды көлік ішінде зорлап болғаннан соң жәбірленушіні еркіне босатып қоймаған. Керісінші оны газ құю бекетінің күзетші отыратын бөлмесіне қамап ұстаған.

БАУЫРЖАН ЖОЛЖАН - МАРҚҰМНЫҢ ІНІСІ «Сенің бізден құтылуыңның бір ғана амалы бізге ақша беруің қажет дейді. Сол жерде каспи приложениесі арқылы апамының атына 2 млн теңге несие рәсімдейді. Мына жанармай бекетінің артына көліктерін қойып, таң атқанға дейін осында ұстайды.Сосын апамды 11-дің жобасында өзінің үй жағынан түсіріп кетеді. Түсіріп бара жатқан кездеде "егерде сен бұл жағдайды қалай боланын айтатын болсаң, біз сенің әке-шешеңді, сенің де қайда тұратыныңды білеміз,барлығын өлтіріп, сондай әркеттер жасаймыз" деп қорқытып түсіріп кетеді машинадан».  

Осы оқиғадан төрт күн өткен соң, 18 мамыр күні Алина Серікова 9-шы қабаттан секіріп көз жұмды. Туыстары оның бұл әрекетіне бес жігіттің қорлық көрсеткені себеп болды деп отыр. Марқұмның інісі сот жазаны әділ бермеді деп санайды. Басты күдікті болған 33 жастағы қылмыскер Қылмыстық Кодекстің сегіз бабы бойынша 20 жылға бас бостандығынан айырылған. Басқа екі жігіт 7 жылға, ал қалған екеуі 8 жылға жаза арқалаған. Облыс прокуратурасы да соттың бұл үкіміне апелляциялық шағым түсірді. Қазіргі таңда іс апелляциялық сатыда қаралуда.

МАЙЯ БОРАНБАЕВА МАҢҒЫСТАУ ОБЛЫСЫ ПРОКУРАТУРАСЫНЫҢ БАСҚАРМА БАСТЫҒЫ «Өз кезегінде прокурор өзінің жарыссөзінде бас фигурантқа өмір бойына, ал басқа қатысушыларға 15 жылдан 16 жылға дейін бас бостандығынан айыруды сұрады. Маңғыстау облысының прокурорымен сот жарыссөзінде баяндалған ұстанымға сәйкес сот үкімінің саралау бөлігі мен жаза мөлшеріне келіспегендіктен 2025 жылғы 5 қаңтарда апелляциялық өтінішхат енгізілді».

Марқұмның інісі Алина Серікованы зорлаған ер адамды өмір бойына бас бостандығынан айыруды сұрап отыр. Ал қалғандарына 16 жыл жаза кесуді талап етеді. Сол себепті, 19 желтоқсан күні шыққан үкімге шағым түсірген. Ол көздегенімді соңына дейін жеткіземін деп бекініп отыр.

Ел президентінің "Ана тілі" газетіне берген сұқбатын оқи отырып, жыл бойы қоғамның кез келген саласында қыруар істердің орындалып, алдағы жылдары бұдан да өсіп-өркендеу жүзеге асатынын көруге болады.

Атап айтар болсақ, экономиканың қазіргі салаларын дамытуда, мемлекеттік құрылымдарды цифрландыруда және оларды технологиялық қайта жабдықтауда құрылған бағдарламалардың іске асырылғанын, цифрлық инфрақұрылымды күшейтуде ауқымды жобалардың жасалғанын, еліміздің әлеуметтік жағдайын жақсартуда маңызды да мазмұнды бастамалардың орындалғанын баса атап өткен жөн.  

Қазақстан Республикасының Ұлттық қоры болып табылатын қаржылық активтерді жинақтау мен тұрақтандыру функцияларының орындалғандығын, әсіресе,  елімізде алғаш рет «Ұлттық қор – балаларға» бағдарламасы жүзеге асырылғанын халықтың келешегіне инвестиция салуда маңыздылығы жоғары екенін көруге болады. Ел жағдайының жақсаруында зейнетақы, жәрдемақы, шәкіртақы және азаматтық сала қызметкерлерінің жалақысының бірнеше пайызға көбеюі басты көрсеткіштердің бірі екендігін атап өткен жөн. Бұл Қазақстанды – әлеуметтік мемлекет ретінде танудың бір нышаны деуге болады.    

Білім саласында, өткен жылы еліміздегі белді университеттердің негізінде шет елдік алдыңғы қатарлы жоғары оқу орындарының филиалдарының ашылуын үлкен жетістік деп білеміз. Өйткені кез келген прогресстің артында ғылыми қуат пен әлеует тұрады. Ал сол ғылым мен білім саласын дамытуда университтеттердің рөлі шешуші болып қала бермек.  

Осы тұста, өткен жылдың басты жаңалығы – Халықаралық инженерлік-технологиялық университетте «Smart технологиялар инженериясы» кафедрасында заманауи электрондық құрылғыларды схемотехникалық жобалау жүзеге асырылып, монтаждау және баптау зертханасының ашылуы болашаққа деген үлкен мақсат-міндерттерді орындауда аса қажетті орталық болып құрылғанын атап кеткен жөн.

Жаңа орталық білім беру, ғылыми зерттеулер мен инновациялық жобаларды әзірлеу үшін негізгі алаң ретінде құндылығы жоғары. Ол болашақта жоғары технологиялық салаларда сұранысқа ие болатын мамандарды дайындауда аса маңызды нысан болмақ.

Ел Президенті Қасым-Жомарт Кемелұлы, «Мақсатым – экономиканы және егемендікті нығайту» деген ұстаныммен елдің тұрмыс-тіршілігінің жақсаруына, экономикалық нығайуына, қазіргі геосаясат ахуалының дамуына мейлінше мән беріп, нәтижелі істер жүргізіп, еліміздің егемендігін және халықаралық аренадағы орнын танытуда тиісті шешімдер жасап, жүзеге асыруда.

Президентіміз Мемлекет басшысы ретінде ішкі және сыртқы саясат мәселелерімен күнделікті айналысып, маңызды жұмыстар жасап оңтайлы нәтижеге қол жеткізе білген бірден-бір – кәсіби дипломат. Елімізде болған түрлі келеңсіздіктер мен төтенше жағдайларға байланысты да нақты шешімдер шығарғанын, халықаралық аренадағы түрлі іс-әрекеттерге жауапкершілікпен қарап, қазіргі заманның аса күрделі мәселелеріне келгенде, сындарлы ұстанымды ұстанғанын көре аламыз.   

Қазақстан Республикасының Президенті Қасым-Жомарт Кемелұлы берген сұқбаттың маңыздылығы аса құнды дей келе, әр Қазақстандық азаматтың білуі тиіс, әрі мәнін жіті түсінуі қажет деп есептейміз. Адам баласының дұрыс жүріп-тұрып, салиқалы өмір сүруіне қажетті дәйектер: тәртіп, білім, білік, бірлік, ғылым, еңбек, қоғамдық-әлеуметтік мәселелер, ішкі-сыртқы саяси мәселелер т.с.с ең басты факторлар мейлінше жүйелі талданған. Жарияланған сұқбатты үлкен мазмұн қамтылған мақала деп танып, «Өткеннің алдында басыңды иіп, болашақтың алдында білегіңді сыбан!» – дейтін ұстаныммен жүру керектің дәлелі!  

МИТУ Әлеуметтік-гуманитарлық пәндер және әлем тілдері кафедрасының қауымдастырылған профессоры Б.Д. Карбозова

https://www.youtube.com/embed/SiklNT_MqhU?si=9JUFN1wKAZ2Pz9PP" 

Батыс Қазақстан облысына қарасты Депо ауданындағы көпірдің екі бөлігін біріктіртін жік сөгіліп, көлік жүргізушілеріне қиындық туғызып отыр. Бұл мәселе әсіресе дөңгелектердің тез жарамсыз болуына әкеліп, тұрғындардың наразылығын тудырып отырған жайы бар. Аталған көпір 2018 жылдың қыркүйек айында қала күніне орай ашылған. Президент тапсырмасымен толықтай жаңғыртылған нысан 1965 жылы салынған болатын. Бұрын жол қос жолақты болса, енді төрт жолақтыға айналып, 18 жарық бағанасы орнатылды. Осылайша көлік өткізу мүмкіндігі екі есеге өскн еді. Сол себеп пе, әлде құрылыс сапасы нашар болды ма, кім біледі, қазіргі жағдай-осы. Қалалық әкімдік жағдайды жақсы біледі. Шенеуніктердің мәлімдеуінше, жөндеу жұмыстары тек жаз мезгілінде жүргізілетіндіктен қазіргі уақытта бұл мәселе бойынша мердігерлермен келіссөздер жасалып жатыр. Бірақ нақты мерзімі әлі белгісіз.

ЕРЛАН ШАЙХИЕВ ОРАЛ ҚАЛАЛЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ, ЖОЛАУШЫ КӨЛІГІ ЖӘНЕ АВТОМОБИЛЬ ЖОЛДАРЫ БӨЛІМІ БАСШЫСЫНЫҢ ОРЫНБАСАРЫ

Дегенмен, көлік жүргізушілерінің қауіпсіздігі мен жайлылығын қамтамасыз ету үшін бұл мәселені мүмкіндігінше жылдам шешу қажет. Өйткені Депо көпірі қаланың екі бөлігін байланыстыратын маңызды нысандарының бірі.

https://www.youtube.com/embed/xmfPy1MVrQY?si=2nWS9W5MgeQhObz5" 

Алматы халықаралық әуежайында қолайсыз ауа-райын байланысы рейстер кешігіп жатыр. Ұшу уақыты кейінге шегерілген рейстер қатарында “Алматы-Астана”, “Алматы-Шымкент” және өзге де бағыттар бар. Күні кеше меаполисе бір түннің ішінде 14 см қар жауған. Қала әкімдігі 1 115 жұмысшы мен 475 техника жұмылдырды.

Полиция қыметі мұз қату қаупіне байланысты жүргізушілерге жылдамдықты асырмауға, көліктер арасындағы қашықтықты сақтауға және қар тазалау жұмыстары жүріп жатқан аумақтарға көлік қоймауға кеңес берді. 

https://www.youtube.com/embed/wS-E6cFGhKA?si=42z6MwTtooav2y2V"

Ақтауда ұшақ апаты кезінде ерлік көрсетіп, аман қалған жолаушыларға алғашқы болып көмектескендер марапатталды. Олардың қатарында өрт сөндірушілер мен дәрігер мамандары және өңір тұрғындары бар. Бірі ел президенті Қасым Жомарт Тоқаевтың алғыс хатын алса, кейбірі Рахымжан Қошқарбаев атындағы үшінші дәрежелі “Айбын” орденімен наградтталды. 

Төбеден құлдилай құлаған ұшақты ең алғашқылардың бірі болып көрген Қуаныш Сүйінбаев. Ол Ақтау-Форт-Шевченко бағытына жолға шыққанда апаттың үстінен түскен. Сол сәтте жанып жатқан ұшақтың маңына барып, ең бірінші жаны аман қалған жолаушыларды шығара бастаған. Қысылып жатқан адамдарды көріп, ұшақтың авариялық есігін ашуға көмектескен. Қуаныш кеме тасымалымен айналысатын мекемеде радио оператор қызметін атқарады. Оларды жұмыста да алғашқы көмекті көрсету курсынан өткізеді екен. Сол сабақтың көмегі сол сәтте көп тиді дейді ол. Ол ерлігі үшін  ел президентінің алғыс хатын алды. 

ҚУАНЫШ СҮЙІНБАЕВ, МАРАПАТ ИЕСІ Ұшақ көз алдымызда қайғылы жағдайға тап болатын. Көліміздің басын бұрып, сол жерге алғашқылардың қатарынан болып барғанбыз. Жарылып кетеме дегенде қауіп болды. Бір мұрсатта ойланатын уақытымызда болмады. Барымызша сол жерде болып жатқан жағдайдың басында адамдарды аман алып қалсақ деген ой ең алғашқы мақсаттың бірі болып тұрды. +Қай азамат болсада қарап қалмас деп ойлаймын, сенемін. Елеп жатқан мемлекет басшысына, облыс әкіміге рахмет айтамын.

Бұдан бөлек мемлекеттік награда алғанның бірі, Маңғыстау облыстық төтенше жағдайлар департаменті Басқұдық ауылы №12 өрт сөндіру бөлімінің бөлімше командирі Серіболат Оңғар. Ол ерлігі үшін Рахымжан Қошқарбаев атындағы III дәрежелі «Айбын» орденімен марапатталды. 

СЕРІБОЛАТ ОҢҒАР, МАҢҒЫСТАУ ОБЛЫСЫ ТЖД БАСҚҰДЫҚ АУЫЛЫ №12 ӨРТ СӨНДІРУ БӨЛІМІНІҢ БӨЛІМШЕ КОМАНДИРІ Өзіміздің міндетімізді орындадық. Алғашқы өртті көргеннен бастап өртті сөндірдік және басқа да адамдарды құтқару жұмыстарын жүргіздік. + 1:10 Оңай емес, жұмыс ауыр болды. Бәріне төтеп беру керек. Біз енді құтқарушы болғаннан кейін. + 1:25 Еңбегімізді елеп жатыр. Президентімізге, облыс әкіміне үлкен алғысыды білдіреміз.

Марапатталғандардың арасында төтенше жағдайлар департаментінің өкілдері, медицина мамандары, полицейлер, «Маңғыстау өңірлік электротораптық компаниясы» акционерлік қоғамының жұмысшылары, Ақтау әуежайының қызметкерлері және өз еркімен көмек қолын созған өңір тұрғындары да бар.

Абай университетінің Филология факультетінде «Қытай тілі және қытайтану» кафедрасының салтанатты ашылу рәсімі өтті.

Кафедраның жабдықталуына Қытай Халық Республикасының Бейжің қаласында орналасқан "Beijing Feihua International Education Technology" компаниясының басшысы, беделді кәсіпкер Мэй Якун демеушілік жасады. Маусым айында екі мекеме арасында меморандумға қол қойылған болатын. Соның негізінде Мэй Якун компаниясының қолдауымен университетке заманауи оқу жабдықтарын, атап айтқанда оқу құралдары мен ноутбуктер, компьютерлер, интерактивті тақталар, планшеттер мен принтерлерді сыйға тартты.

"Қытай тілі және қытайтану" кафедрасын ашудың мақсаты - тілдік және мәдени құзыреттіліктерді жетілдіру арқылы екі ел арасындағы байланысты нығайту, қосдипломдық білім беру негізінде оқыту, академиялық ұтқырлық мәселесін жолға қою, қытай университеттерімен, ғылыми-зерттеу орталықтарымен ынтымақтастық орнату болып табылады",- деп отыр университет басшылығы.

Абай атындағы ҚазҰПУ-де Қытай тілі мамандығы 1994 жылдан бері оқытылып келеді. Қазіргі таңда бұл мамандық бойынша 300-ден астам студент білім алуда. Ал жаңа кафедраның ашылуы бұл санның одан әрі артуына ықпал етеді деп күтілуде.

https://www.youtube.com/embed/PDrMloxdCHM?si=AryKUNVzWUwYh5c-" 

Бүгін Алматы облысында Үздік Ардагер Имам Сейтқали Қажы Есімбекұлының ұйымдастыруымен жыл сайын дәстүрге айналған Сәт мешітінде жасөспірімдер арасында құран жарысы өтті. 

Жасөспірімдер арасындағы Құран жарысы – бұл жастардың діни білімін тереңдетуге, Құран Кәрімді жаттауға және оны дұрыс оқуға ынталандырудың маңызды шарасы. Бас имамның ұйымдастыруымен өткізіліп отырған шараға 50-ден аса бала бақтарын сынауда.

СЕЙТҚАЛИ ҚАЖЫ ЕСІМБЕКҰЛЫ, СӘТ МЕШІТІНІҢ БАС ИМАМЫ; «Бүгін міне үлкен Ережеп айы басталды. Ережеп,Шағбан,Рамазан  3 ай қасиетті айға орай жарыс басталып, жасөспірімдер арасында, осында мешіттің ұстаздары бар жамағатымыздың балалары бар, 7 жастан 70 жасқа дейін жасына қарамай дәріс береміз, намаз, құран үйретеміз.Бұл деген асыл дініміздің негізі ғой- Құран.Алланың сөзі, Міне сол Құраннан жарыс болып, біздің мешіттен 19 бала бар, ауданымыздан 12 мешіттен келіп отыр»

Жалпы, Құран жарысы –жас буынның діни тәрбиесінде маңызды рөл атқаратын пайдалы шара. Дұрыс ұйымдастырылған жарыс жасөспірімдердің діни білімін арттырып, рухани өсуіне ықпал етеді.

СӘКЕН ЕНШІБАЙҰЛЫ,АЛМАТЫ ОБЛЫСТЫҚ ҚОНАЕВ МЕШІТІНІҢ НАИБ ИМАМЫ; «Бізде Алматы облысы бойынша 9 аудан, 2 қала бар.Сол жердегі мешіттер мен әртүрлі шаралар ұйымдатырып отырамыз, сол шараның бірі бүгін Алматы облысы, Жамбыл ауданы Сәт мешітінде өткізіліп отырған жасөспірімдер арасындағы құран байқауы.Енді бұл Құран байқауына тоқталатын болсақ, байқау екі наминация, аталым бойынша өтіп жатыр. Оның бірі Құранның соңғы парасындағы жарты парасын жатқа оқу және дұха сүресінен төмен қарай деп айтамыз және де құранның 30-шы парасын толық жаттаған балалар арасында мықтыны анықтадық.Әрине бұл жерде біреуді мықты немесе кем қылу мақсатымыз емес, жалпы діни сауатын ашу, құранға деген құрмет»

Қазіргі таңда жастарымыз, әртүрлі гаджеттерге, құмар ойындарға кіріп жатқандары,болмаса  көшеде бос жүріп түрлі нәрселерге ұрынатындары  жасырын емес,Дін мен дәстүрді бірлесе ұстап, өскелең ұрпаққа тәрбие беру негізгі мақсатымыз диді мешіт имамдары.