https://www.youtube.com/embed/20S_kC0w1cY?si=2RVVqJN5FohtLffF" 

Отандық киноны қатаң бақылауға алу керек. Себебі, орынсыз айтылған олқы сөз жастардың санасын улап, ана тілімізді қорлап жатыр. Дұрыс мақсатта түсірілген кино ол халықты біріктіреді, ал бұрыс мақсатта түсірілген кино ол – атом бомбасы іспеттес аса қауіпті. Сондықтан, кинодағы тіл тазалағы қатаң бақылануы керек деген сенатор Руслан Рүстемов үкімет басшысының атына депутаттық сауал жолдады. 

РУСЛАН РҮСТЕМОВ ҚР ПАРЛАМЕНТІ СЕНАТЫНЫҢ ДЕПУТАТЫ:
«Тілі ала шұбар, жеңіл әзіл мен арзан күлкіге құрылған анайы сөздер мен азғындыққа толы фильмдердің көбеюі, өте қауіпті. Бұл үрдіс осылай жалғаса берген жағдайда таяу уақытта қазаұ тілінде түсірілген фильмді таппай қалуымыз да мүмкін. Қазіргі қазақ киносының ұлттық спиат алуына ұлттық дүние таным танытуына және ұлттық мәдениет пен ұлттық тілдің кең құшақ жаюына тәуелсіз елімізде еш кедергі жоқ. Алайда таза қазақ тілінде жазылмаған, көркемдік деңгейі ұлттық мәдениетімізбен сәйкеспейтін, жат мәдениет кодымен сөйлейтін, кейіпкердің аты мен түрінен басқа қазақтың өзі жоқ көркем фильмдер өскелең ұрпақтың талғамына кері әсер етуде. Қисынсыз сөз қасиетті тілімізді қорлап жатқандай көрінеді».

Айтпақшы бүгін жоғары палата депутаттары есірткі таратушыларға жазаны жеңілдететін заң жобасын талқылап, ол құжатты қабылдады. Енді есірткі таратқандар 5 жылдан 8 жылға дейінгі мерзімге бас бостандығынан айырылады. Бұрын олар 10 жылға сотталатын. Ал есірткі бизнесін ұйымдастырушыларға, керісінше, жаза күшейтіледі. Егер, лауазымды тұлға айналысқан жағдайда, өмір бойына бас бостандығынан айырылады. Мұндай өзгерістер бүгін Парламентте қабылданып, Президенттің қол қоюына жіберілді.

https://www.youtube.com/embed/KCcGmTDBklc?si=waTS0CycWe2UVp_N" 

https://www.youtube.com/embed/nT-kUejnyPE?si=mcRxXugcR3aOvnQH" 

Жалған ақша жасау қылмысы азаймай тұр. БҚО-да экономикалық тергеп-тексеру департаменті жалған валюта жасау бойынша 4 қылмыстық істі ашты. Ең ірісі-25 мың шетел валютасын қолдан жасап, оны ел аумағында таратпақ болған оқиға. Қылмысқа барғандар соттың санкциясымен қамауға алынды. Алаяқтықтың бұл түрімен күрес жайы келесі сюжетте.

Осыған ұқсас бейнежазбалар әлеуметтік желілерде өріп жүр. 5000 теңгенің жаңа банкнотасы айналымға шыққалы бері тұрғындар айласын асырғысы келетін алаяқтардан қорғанып әлек.Жалған ақшамен сауда жасамақ болғандар көбейген.  Биыл осындай 4 дерек тіркеліп отыр. Қылмыстық топ Орал қаласында орналасқан лотерея клубтарының бірінде жалған шетел валютасын сатты деген күдікпен ұсталды. Олар 25000 Ақш доллары мен 10 мың еуроны саудалапты. Түскен қаражатты бәс тігу шоттарын қаржыландыру үшін пайдаланыпты-мыс. 

НҰРЛЫБЕК ЖАҚСЫҒАЛИЕВ БҚО ЭКОНОМИКАЛЫҚ ТЕРГЕП-ТЕКСЕРУ ДЕПАРТАМЕНТІНІҢ АҒА ҚЫЗМЕТКЕРІ

Ал Ұлттық банк қызметкерлері жаңа банкноталардың 13 қорғаныш элементі бар екенін айтады. Сақ стилінде жасалған теңгелерді қолдан жасауға оңайға соқпайтын көрінеді. 

ЕРКЕБҰЛАН АХАНОВ «ҰЛТТЫҚ БАНК» БҚО ФИЛИАЛЫНЫҢ БӨЛІМ БАСТЫҒЫ
 
Қазіргі таңда  сувинир банкноталармен айырбас жасағандар алаяқтық бабы бойынша жауапқа тартылады. Ал жалған банкнота жасағандар қылмыстық кодекстің 231 бабы бойынша 12 жыл бас бостандығынан айырылуы мүмкін. Егер қолыңыздағы ақшаға қатысты күдігіңіз болса, Ұлттық банк немесе экономикалық тергеп-тексеру департаментіне барып, тексертіп алғаныңыз жөн.

https://www.youtube.com/embed/4UyP9oPhIjg?si=tXOkAuYlZLcpj8vO" 

Ішкі істер министрлігі елдегі құқықтық тәртіп пен қауіпсіздікті қамтамасыз ету бойынша қарқынды жұмыс жүргізуді жалғастырып келеді. Қазіргі таңда полиция қызметкерлерінің де, азаматтардың да әрекеттері бейнебақылау камералары, регистраторлар мен смартжетондар арқылы жазылады. Барлық мәлімет Министрліктің Өзіндік қауіпсіздік департаментімен тұрақты түрде қадағаланып отырады.  Өкінішке қарай, осы ескертулерге қарамастан, кейбір азаматтар заңсыз әрекеттерге барып, оның ішінде лауазымды тұлғаларға пара беруге әрекеттену жағдайлары жалғасып жатыр.

ШЫҢҒЫС АЛЕКЕШЕВ ІІМ РЕСМИ ӨКІЛІ «Күшейтілген бақылау басталғаннан бері осындай әрекеттер туралы полиция қызметкерлерінен 900-ден астам хабарлама түсті. Пара беру фактілері бойынша 70-тен астам қылмыстық іс қозғалды. Астана қаласында бір азамат жауапкершіліктен құтылу үшін ақшаны қызметтік көлікте қалдырған. Құқық бұзушы қылмыстық жауапкершілікке тартылды. Көкшетау қаласында ер азамат қылмыстық жауаптылықтан жалтару үшін полиция қызметкерлеріне 500 мың теңге ұсынған. Іс сотқа жіберілді.Барлық азаматтарға тағы да айтарымыз: заңды сақтаңыздар және әкімшілік немесе қылмыстық жауапкершілікке әкеп соғатын әрекеттерді жасамаңыздар. Тек бірлескен күш-жігеріміздің арқасында ғана біз тәртіп пен әділдік орнайтын қауіпсіз қоғам құра аламыз»

https://www.youtube.com/embed/sW5nH9ORIqY?si=KESNbHn0wbOGzCBq" 

Түркістанда арақ ішілмесін және сатылмасын. Осыны заң аясында реттеп алу керек. Себебі, ол киелі мекен, қасиетті жер. Бүгін мәжілісте Түркістан қаласына қатысты заң жобасы қаралған уақытта депутат Ардақ Назаров осындай ұсыныс ұсынды. Жалпы Түркістан қаласы алдағы жылдары қалай өзгереді? Ол өзгерістердің халыққа пайдасы бола ма? Толығырақ алдағы бейнесюжетте. 

Парламент мәжілісінің депутаттары Түркістан қаласына қатысты заң жобасын талқылауда ерекше белсенділік танытты. Депутат Мақсат Толықбай Қожа Ахмет Ясауи кесенесінің реставрациясына ақша бөле бергеннен гөрі шетелден мамандар шақырту керек деп санайды. 6 ғасыр тұрған кесене аяқ асты қабырғасы тұзданып, төбесі көгеріп, суы ағып жатыр, соның себебін анықтау үшін арнайы комиссия құрылу қажет деп санайды. Одан бөлек, депутат қолөнершілер базынасын жеткізді. 

МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ 
«Түркістандағы қолөнершілердің жүздеген арыз-шағымы біздің алдымызда жатыр. Енді мына заң жобасының аясында олардың шығыны бюджеттен өтелетін болды. Бұл да жақсы. Дегенмен баяғыда сол қолөнершілердің әдемі салынған керемет орталығы болған. Оны да сенімгерлікке беріп, қонақ үй саламыз деп быт-шытын шығардық. Соңында баратын жер таппай қалды. Орталықтағы музей де толыққанды елдің игілігіне жұмыс істеп жатқан жоқ. Бәріңіз білесіздер, барлық облыс Түркістанға бір-бір нысан, ғимараттан тарту еткен. Олар сенімгерлікке берілді. Сенімгерлікке берілмесін деген заң жоқ. Бірақ ол өзін-өзі қаншалықты ақтады. Бюджетке қандай пайда әкеліп жатыр? Осы тұрғыда да біраз дау болған. Енді әкімдіктің құзыретін заң аясында кеңейтіп жатырмыз. Осыны тексеріп, рейд жүргізген дұрыс сияқты. Бұл жекелеген адамдарды байытып жатыр ма әлде шынымен қайсысының бюджетке табысы бар... Болмаса мемлекетке қайтару керек».

Ал, депутат Ринат Зайытов болса, қазақшаланған заң нұсқасын сынап, «Түркістанға елтаңба» беріледі деген тіркеске шүйлікті. 

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ 
«Бәлкім, дұрыс оқымаған шығармын. Түркістан қаласының елтаңбасы болады дейді. Менің түсінігімде елтаңба деген Қазақстанда біреу-ақ. Әлде Түркістан басқа мемлекет болып бөлінейін деп жатыр ма? Осы жерін анықтап беріңіз. Содан кейін сіздердің заңдарыңызда бір керемет сөз бар екен. Мен бұрын-соңды естімеген. Түркістан қаласының археология ескерткіштерінің резерватына енгізілген ескерткіштерге қатысты қорғау саясаты тұрақты инспекциялауға, сосын озыңқы күтімге деген не деген сөз? Екінші бапта мынандай сөз бар. Тарихи-мәдени рухани объектілердің киелілігін сақтау деген не ұғым бұл? Қалай сақтаймыз киелілікті? Кие деген Құдайдан келмеуші ме еді?»

НҰРЛАН БАЙБАЗАРОВ  ҚР ПРЕМЬЕР-МИНИСТРДІҢ ОРЫНБАСАРЫ - ҰЛТТЫҚ ЭКОНОМИКА МИНИСТРІ 
«Қазақша атауларға келетін болсақ, бұл жерде әрине синоним сөздер де болуы мүмкін. Мұнда "елтаңба" деген сөз жоқ, "нышан"деген сөз бар. Ол қаланың нышаны, яғни эмблемасы. Ал "киелілікті сақтау"ол заң жобасында оның маңыздылығын атап өту үшін жасалған деп ойлаймын. Түркістан киелі жер, онымен ешкім дауласпайды. Осыны қағидат ретінде ала отырып, қалаға неге ерекше мәртебе беріп жатырмыз. Оның басты себебінің бірі – Түркістанның еліміздің рухани өміріндегі орны ерекше. Қазір уақыт бар, егер сөздерді ауыстыру керек болса, біз дайынбыз».

Енді бір депутат рухани астанада арақ сатып, ішімдік ішуге заңмен тиым салуды ұсынды. Шет елден келген қонақтар алдында «абыройлы» болуымызды алға тартты. 

АРДАҚ НАЗАРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ 
«Осыдан 1-2 жыл бұрын Түркістанда болғанбыз. Түркістан – рухани астанамыз. Түркістан – арақсыз қала. Осы заңның аясында Түркістанда арақ ішуге, сатуға, арақ ішіп, "ләйліп" көшеде жүруге тыйым салсақ... Өйткені Түркістан рухани астанамыз болғандықтан бүкіл қазақ осы жерден рух алуы керек. Ол жерде біздің бабаларымыз, әулие, батыр, билеріміз жатыр. Шетелден көп қонақ келгенде біздің азаматтарымыз ішіп алып, алдынан шығатын болса, ұят қой. Осы заңның аясында "Арақсыз қала", "Рухани қала" деп араққа тыйым салуға бола ма?»

БЕЙСЕНБАЙ ТӘЖІБАЕВ ТҮРКІСТАН ОБЛЫСЫ ӘКІМІНІҢ ОРЫНБАСАРЫ 
«Түркістан облысында "Ішімдіксіз ауыл" деген арнайы жоба жарияланған. Осы жобаға біздің облыс бойынша 30-дан астам ауыл қосылып отыр. Бұл бастама Түркістан қаласында да жергілікті зиялы қауыммен, ақсақалдармен, әртүрлі қоғам белсенділерімен талқылаулар түрлі форматта өткізілген. Дегенмен Түркістан қаласының негізгі рухани-мәдени бағытымен қатар, туристік бағыттағы қала ретінде де таңдалып бекітіліп отыр. Соған сәйкес бизнес қауымдастықтың өкілдері тарапынан ол мәселеге де түрлі көзқарас туындатып отыр. Аталған мәселе де орынды».

Айта кетейік, жаңа заңға сәйкес, Түркістан қаласының археология ескерткіштерінің резерваты құрылады. Ұлттық қолөнер саласындағы шеберлердің шығындарының бір бөлігі бюджеттен өтеледі. Қожа Ахмет Ясауи кесенесінің айналасындағы құрылыс шектеледі. 
Атап айтқанда, кесененің қорғау аймағының шекарасына іргелес жатқан 100 метрлік қашықтықта биіктігі 7 метрден асатын, сондай-ақ ауқымы, түсі және құрылыс материалдары бойынша тарихи ескерткіштермен сәйкес келмейтін объектілер салуға жол берілмейді. Мақсат - құрылыстың бірегейлігін сақтау. Айтпақшы, келешектегі ғылыми реставрациялық жұмыстар үшін ғылыми жобалау құжаттамасы әзірленген. Яғни, алда кесенеге жасалатын реставрациялық жұмыстар жалғасатын болады. 

https://www.youtube.com/embed/33D9IGpqiOM?si=R71YkJKye-OiDqMw" 

https://www.youtube.com/embed/plgSQiXiS5w?si=__iGTY5VQVzZ7w4H" 

Алматыда тәуелсіздік күніне арналған волейболдан жарыс өткізілді. Достық қарым-қатынасты нығайту мақсатында ұйымдастырылған сайысқа 4 комманда қатысты. Жүзден жүйрік, мыңнан тұлпар атанған ойыншылар өз шеберлігін көрсетіп, көрермендердің көз айымына айналды. 

Спорттық бәсекеде төрт комманда, барлығы 30-ға жуық спортшы бақ сынады. Әуесқой ойыншылар спорттық іс шараның ұйымдастырылуы үлкен маңызға ие екендігін атап өтті. Осылайша, жастардың спортқа сүйспеншілігі арттып, салауатты өмір салтын ұстанатындардың қатары артпақ. 

ЕРБОЛ ОСПАНОВ КӘСІПКЕР «Тәуелсіздік күніне арналған бүгінгі жарыс басталайын деп жатыр. «Krida» спорт клубы ұйымдастырып жатыр көп рахмет. Біздің мақсатымыз халықтың денсаулығы мықты болсын, дене шынықтыруға жастар көбірек қатынасын деген ой. Өз басым 30 жыл волейболмен айналысамын, ойнаймын хобби деп айтуға болады. Волейболдың пайдасы өте мол. Неге десеңіз, аптасына 2-3 рет ойнаймыз. Адам жақсылығымен көрсетеді, үлкен табыстарға жетеді, жолдсатарын табады.»  

Мамандардың айтуынша, волейбол  адам баласына аса пайдалы табиғи қозғалыс пен дене мүшелерінің қимылынан жүгіру, жүру, секіру, лақтыру т.б. жаттығулардан тұрады. Бұл ойынды он жасар баладан бастап қай жаста болмасын ойнай береді. Сондықтан да, волейбол дене тәрбиесі пәні жаттығуларының бірі ретінде ең тиімді де ағзаға пайдалысы болып табылады. Ойын барысында нақты қозғалыс нәтижесінде ең бастысы адамның кординациясы қалыптасады деседі. 

ОЛЬГА ИСАЧЕНКО «KRIDA» СПОРТ КЛУБЫНЫҢ ВОЛЕЙБОЛ ЖАТЫҚТЫРУШЫСЫ «Біз жыл сайын тәуелсіздік күніне орай волейболдан жарыс ұйымдастырамыз. Бүгінгі жарысқа 4 бірдей комманда бақ сынасып жатыр. Біздің мақсатымыз волейбол ойынын таныту, салауатты өмір салтын қалыптастыру. Біздің спорт клубында волейбол ойынына қатысушылардың қатары артып, қызғушылық танытардың қатар артқан»

«Krida» спорт клубының бастамасын өткізілген сайысқа «Nomad», «All Star», «Block Busters», «DoStar» коммандалары қатысқан. 

АҚЕРКЕ МҰСАБЕК КӘСІПКЕР «Волейболмен айналысып жатқаныма көп болды. 6 сыныптан бері волейбол ойнаймын. Өте сүйікті спорттың түрі. «Krida» -ға қалуының үлкен бір себебі осы. Волейбол жалпы жоғарыға қарап ойнайтын ойын ең біріншісі. Ол коммандалық ойын, алты адам бір комманда да ойнайды бірін-бірі түсіну, комманда ойнау, жұмыс жасау соған пайдасы зор.»

Тартысты өткен турнирдегі жеңімпаз командалар арнайы алғыс хаттармен марапатталып, бағалы сыйлықтарға ие болды. Ұйымдастырушылар дәстүрлі түрде ұйымдастырылып келе жатқан шараның жалғасы табатытын атап өтті.

https://www.youtube.com/embed/bgIwF2MAiRM?si=QC0f-Uk7hmQBHmZI" 

Тәуелсіздік мерекесінің құрметіне орай түрлі игі шаралар ұйымдастырылды. Соның бірі көпшілік көптен күткен мәдениет үйінің пайдалануға берілуі.

Алматы облысы Жамбыл ауданында көпшіліктің асыға күткен мәдениет үйінің ашылуы – аймақ тұрғындары үшін маңызды оқиға. Жаңа мәдениет үйі заманауи талаптарға сай жабдықталып, түрлі мәдени іс-шараларды өткізуге арналған. Бұл жер аудан халқының шығармашылық әлеуетін дамытуға, өнерлі жастарды қолдауға және тұрғындар арасында мәдени байланыстарды нығайтуға септігін тигізеді.Айтулы шараның ашылу салтанатына арнайы келген аудан басшысы мемлекет тарапынан шалғайда орналасқан елді мекендерде мәдениет үйлерін ашуға ерекше көңіл бөлінгенін тілге тиек етті.

НҰРЛАН ЕРТАСҰЛЫ АЛМАТЫ ОБЛЫСЫ ЖАМБЫЛ АУДАНЫНЫҢ ӘКІМІ

Мәдениет үйінің ашылуы қоғамның рухани өмірін жандандыруға үлкен үлес қосып, өнерсүйер қауым үшін жаңа мүмкіндіктер ашады. Жергілікті тұрғындар енді концерттер, театр қойылымдары, көрмелер және басқа да іс-шараларды тамашалай алады. Мұндай нысандар өңірлік мәдениеттің дамуына және ұлттық өнердің дәріптелуіне жол ашады дейді Үлгілі ауылының тұрғындары.

ГҮЛЖАХАН ИСАЕВА АУЫЛ ТҰРҒЫНЫ

Ауылдық ағайындарға есігін ашқан мәдениет үйінде талантты өнерпаздар жиналған.Енді олар, тұрғындардың игілігі үшін қызмет етуге сақадай сай. Ауылдық аймақтың басшысы округ көлемінде ауқымды жұмыстардың атқарылып жатқандығын алға тартты.Басті міндет ауылдық азаматтарға жәйлі өмір сыйлау. 

ТҰРАР БОЛАТХАНҰЛЫ АЛМАТЫ ОБЛЫСЫ ЖАМБЫЛ АУДАНЫ ҮЛГІЛІ АУЫЛДЫҚ ОКРУГІНІҢ ӘКІМІ

https://www.youtube.com/embed/OXomjpzFgqY?si=wqci-vpNvNZMcu7H" 

Жастарды түрлі үйірмелерге баулу олардың шығармашылық қабілетін дамытып, өмірлік дағдыларын қалыптастыруға үлкен септігін тигізеді. Осы бағытта ұйымдастырылған “Арман жұлдызы” фестивалі — ерекше бастамаға айналды.Арт спорты бағытының ілгері басуына септігін тігізіп келе жатқан ұжымның ұйымдастырған шарасына назар аударсақ.

Мұндай іс-шаралар жастардың өнер, спорт, ғылым сияқты әртүрлі салаларға қызығушылығын арттырып, таланттарын ашуға мүмкіндік береді. Фестиваль арқылы жастар өзара тәжірибе алмасып, жаңа достар тауып, өзіне сенімділігін арттыра алады. “Арман жұлдызы” фестивалі – жастардың шығармашылық мүмкіндіктерін көрсетуге және жаңа таланттарды анықтауға бағытталған. 

ЖАНАР АМАНЖОЛҚЫЗЫ «АРМАН» ШЫҒАРМАШЫЛЫҚТЫ ДАМЫТУ ОРТАЛЫҒЫНЫҢ БАСШЫСЫ

Мұндай іс-шаралар жастардың өздерін көрсетуге, жаңа дағдыларды меңгеруге және шығармашылық тұрғыда жетілуге мүмкіндік береді. Фестивальде әртүрлі үйірмелер мен шығармашылық топтар арасында бәсекелестік атмосферасы қалыптасады, бұл жастардың өзара тәжірибе алмасуына ықпал етеді. Сондай-ақ, осы арқылы жастардың арасында бірлік, ынтымақтастық және өзара құрмет қалыптасады дейді ата-аналар қауымы.

ҚАРЛЫҒАШ АСҚАРОВА АУЫЛ ТҰРҒЫНЫ

ВИКТОРИЯ АЗИЗҚЫЗЫ АТА-АНА: «Біздің балаларымыз өздерінің өнерлерін ортаға салу үшін Іле ауданынан арнайы келіп отыр. Ауыл жастары үшін осындай орталықтардың ашылуы маңызды деп ойлаймын.Өйткені балаларға өте пайдалы».

Игі бастаманың нәтижесінде жастар қоғамда өз орындарын табу үшін қажетті дағдылар мен сенімділік алады. “Арман жұлдызы” сияқты фестивальдер жастардың әлеуметтік өмірге белсене қатысуына, өз қабілеттерін дамытуына және шығармашылық ойлауын жетілдіруге үлкен септігін тигізеді.

Шара соңында өз өнерлерімен көпшілікті тәнті еткен жастар ұйымдастырушылар тарапынан арнайы сыйлықтарға ие болды.

https://www.youtube.com/embed/C8qF4qOyINk?si=8t9D7usIsxAtSKcY" 

https://www.youtube.com/embed/aenCGo8TMYk?si=sBWmZavcm0Dt2y8a"

Маңғыстау облысында көне затты көзінің қарашығындай сақтап, ерекше іспен айналысатын тұрғынның бірі-Ақылберді Нақов.Ол ескі кілемдерді жинаумен айналысады, тіпті түркі тілдес елдердің 600 ге тарта төсенішін қоржынында сақтап отыр. Бұдан бөлек, 200-250 жыл аралығында тұрмыста қолданған бұрынғы бұйымдармен қатар, 1 ғасырдан асқан кілемдер де бар екен.

Мынау тақыр келеді, мынаның техникасы басқа, мынаны комбинировать етілген көрдіңіз бе?

Ақылберді Нақов бұл іспен 90-шы жылдан бері айналысып келеді. Оның мұрағатында 600 ге жуық кілем бар. Шет елдерден қоныс аударған қандастардың үйлеріне арнайы барып, жәдігер жинайды. Ол осы түркі халықтарының кілемдері мен бұйымдарын жинау үшін ел аралап, кілем көрмелеріне қатысады екен. Осылайша, Иран, Түрікменстан, Өзбекстан, Әзербайжан, Дағыстан, Армения елдері мен ұйғырлар және Моңғолиядағы қазақтардың кілемдерін қоржынға қосқан. Ал Қазақстан бойынша Қызылорданың төсеніштерін әкеліпті.

АҚЫЛБЕРДІ НАҚОВ МАҢҒЫСТАУ ОБЛЫСЫ МҰНАЙЛЫ АУДАНЫНЫҢ ТҰРҒЫНЫ   «Син-зянь провинциясы деген бар Алматының арғы жағында сол жерде ұйғырдың кілемдерін алғанмын, ескі кілемдерін. Иранға барған кезде иранда кілем көрмесі болды. Кебежесі бар екен қолдан тоқылған жиектерінің бәрі түйенің мойын терісімен тігіліп. 200, 250 , 150, 120 жыл болған жәдігерлер».

Сонымен қатар, Коллекционер әр халықтың тұрмыста қолданған ескі құрал-жабдықтарын да сақтайды. Олардың арасында түрікмендердің қоржыны, қыз ұзатқанда қолданған бұйымдары, өзбектердің қолдан тіккен алашалары мен қазақтың ұлттық қол өнер бұйымдары бар.

«Бұл нәрсе менде бар болғаны, осы жерде қазіргі күнде қолымда тұрғаны мен үшін өте үлкен байлық».

Алайда, коллекционер кілемдерге қанша қаражат  жұмсағанын құпия сақтайды. Бірақ, 170 жыл болған 1 шаршы метрлік кілемді бір жыл бойы күтіп, 2 мың долларға сатып алғанын еске алды. Ұлттық құндылықтарды дәріптеп жүрген тұрғын осыншама мұраны сақтап қалғанын мақтан етеді. Жәдігерлерді күтіп-баптауға оған жұбайы Қарашаш Толаева көмектеседі.

ҚАРАШАШ ТОЛАЕВА, МАҢҒЫСТАУ ОБЛЫСЫ МҰНАЙЛЫ АУДАНЫНЫҢ ТҰРҒЫНЫ «Менің осы қарайтын өзімнің міндетім, осындай нелері болады жыртылып кетеді енді ескі дүниелер болғасын, соны қайтадан тігемін, қайтадан жасап, орнына әкеліп жасаймын. Содан кейін мынау біздің ағаш үйдің қазақ үйіміздің басқұры мынау. Мына басқарды мен өзім 18 жасымда тоқығанмын».

https://www.youtube.com/embed/SKn9VagRxxk?si=kxYiugbTEibdUd7R" 

«Алматы жастары» жеңілдетілген несиелеу бағдарламасы бойынша өтінімдерді қосымша іріктеу кезеңі өтетін болады. Іріктеудің бұл кезеңі биыл 29 шілдеден 7 тамызға дейін негізгі конкурстық кезеңде өтінім берген, бірақ құжаттарды дұрыс толтырмау немесе дұрыс тапсырмау себебінен оң шешім алмаған азаматтарға ғана қолжетімді болады. Өтінім жіберушілер туралы ақпарат almaty-zhastary2024.kz сайтының басты бетінде - «Қайта өңдеуге жіберілген азаматтар тізімі» бөлімінде қолжетімді.

Құжаттарға түзетулер мен жаңартулар енгізу кезеңі 2024 жылғы 23-31 желтоқсан аралығына белгіленген. Қосымша түсініктемелер мен консультациялар алу үшін азаматтар Алматы қаласының коммуналдық инфрақұрылымды дамыту басқармасына байланысқа шықса болады.