https://www.youtube.com/embed/gnEM7kMMdXM?si=tFRwVHaZsvzxNIJg" 

Ресторан бизнесі туралы заңға өзгеріс енгізіледі. Бұдан былай дәмханаларда көрсетілген қызмет үшін жалпы соманың 10%-ын алуға тыйым салынуы ықтимал. Тамақтану орындарына қатысты жаңа заңда осындай норма болуы мүмкін екенін айтады сауда және интеграция министрі Арман Шаққалиев. Ал, даяшы көрсеткен қызмет көңіліңізден шықса, өз еркіңізбен шайпұл беруге еш тиым жоқ. 

АРМАН ШАҚҚАЛИЕВ ҚР САУДА ЖӘНЕ ИНТЕГРАЦИЯ МИНИСТРІ: «Бұған дейін жарияланбаған ақпаратты бөлісейін: қазір біз ішкі сауда ережелеріне өзгерістер дайындап жатырмыз. Біздің ойымызша, егер сізге қызметтер ұсынылса, оның құны көрсетілсе, қосымша ақы алынбауы керек. Бұл шайпұл мен әртүрлі жарналарды мәжбүрлеп төлеуге қатысты болып отыр. Бүгінде түбіртекте 10% міндетті атрибут ретінде көрсетілген. Біз атрибут ретінде көрсетілген осы шайпұлды алып тастауды көздейтін өзгерістерді дайындап жатырмыз. Яғни (көрсетілген қызмет үшін алынатын) 10%-ды алып тастаймыз. Егер (түбіртек) қызметтің жалпы сомасы көрсетілсе, сіз неге 2 рет төлеуіңіз керек... Алайда сізге көрсетілген қызмет ұнаса, онда өз еркіңізбен шайпұл төлей аласыз». 

https://www.youtube.com/embed/d8Gsx9I7Tcs?si=Zvenuk3fIVsVFzoX" 

https://www.youtube.com/embed/JDB-zr4Ht4Y?si=UFjvZxEUdg33U_VI" 

Қойнауы мұнай мен көгілдір отынға толы Маңғыстауда көлікке құятын газ тапшы. Жүргізушілердің бекеттердің маңында ұзын-сонар кезекке тұрып, сағаттап күтуден басқа амалы жоқ. 

Маңғыстаулық жүргізушілер бір аптадан бері көгілдір отын таппай қиналып жүр. Ұзын-сонар кезекте тұрған көлік иелері қойнауы мұнай мен газға толы өңірде мұндай жағдайға тап боламыз деп ойламадық деп отыр.Жұрт уақыт жоқ заманда шаруасынан қалып, газы бар бекеттердегі кезекке тұруға мәжбүр.

АЗАМАТ БӘЙІМБЕТОВ, КӨЛІК ЖҮРГІЗУШІСІ Газ жоқ, очередь қырғын. Ақшұқыр жақта да 100-дей машина тұрды кеше. Тұрып-тұрып құя алмай кеттік. Біз жақындағанда бітіп қалды. Кеше Ақшұқырда 3 сағат тұрдым. Міне бүгін мына жақта 1 сағаттан асты.Жұмыстан сұранған жоқпыз, өтірік айтып кеттік қазір келеміз деп. Жұмыстан жібермейдіғо. Мен үшін құйып жүрсің ба деп. Бензин қалта көтермейді. 

Ал, жергілікті биліктің өкілдері тапшылыққа көлігі бар туристердің көп келуі мен газбен жабдықталған машинаның артуы себеп дейді.Газ тапшылығы әсіресе Жаңаөзен мен Ақтауда, Мұнайлы, Түпқараған, Маңғыстау аудандарында байқалады. 

АБАЙ ЕСТІБАЕВ, МАҢҒЫСТАУ ОБЛЫСЫ ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫ БАСШЫСЫНЫҢ МІНДЕТІН АТҚАРУШЫ  Айдың соңына қарай бізге бөлінетін газдың көлемі азайғаннан жолдың бойында тұрған заправкалар сұранысқа байланысты газ азайып, бітіп жатады. Сондықтан автокөлік иелері газ алған заправкаларға жиналып кезек пайда болады.Енді автозаправка иелері зауыттан отгрузкаларын жоспар бойынша алып жатыр. Айдың басында логистикалық сұрақтар бойынша шамалы кідіреді. Бірақ 5-сі, 6-сы күндері реттелу керек.

Жалпы Маңғыстауда көгілдір отынмен жүретін көлік саны 183 мыңнан асады. 

https://www.youtube.com/embed/USto-jWsWq4?si=WJ9AseXMnTVEEJj9" 

Басынан дауы арылмайтын әуе компаниялардың мәселесі Парламентке жетті. Демалыстан, жұмысқа деген жаңа күшпен оралған депутаттар азаматтық авиация саласына қатысты проблемаларды жіпке тізді. Олар тұтынушылардың құқығы қорғалмай, тапталып жатыр дейді. Әбден халықты басынып алды, бағасы тым қымбат, ал сапа оған сай келмейді деген мәжілісмендер заңға өзгерту енгізуді сұрайды. 

Каникулдан оралған депуттаттардың бұл алғашқы пленарлық отырысы. Маусымның жаңалығы – жаңа зал. Енді бұдан былай пленарлық жиналыстар жарқыраған мына жаңа залда өтеді. Жиынды ашқан Мәжіліс төрағасы Ерлан Қошанов алдымен Президент жолдауына тоқталды. Халықтың алаңдаушылығын туғызып отырған бірнеше мәселені қозғады.

ЕРЛАН ҚОШАНОВ МӘЖІЛІС ТӨРАҒАСЫ «Соңғы жылдары жол апаттарының артуы, адамдардың опат болуы, әскер қатарында жарғыға сай келмейтін заңсыздықтардың жиілеп кетуі халықтың алаңдаушылығын туғызып отыр. Заңнаманы қатаңдатқанымызға қарамастан, халық арасында есірткі тұтыну әлі де қиын мәселе болып қалуда. Сан түрлі өршіген алаяқтық әрекеттермен халық күн сайын дерлік ұшырасып жатыр. Осы мәселелерді шешуге депутаттық корпус – біз атсалысуымыз керек. Енді мемлекеттік органдармен бірлесіп, ең алдымен заң мен құқықтық тәртіпті сақтауға бағытталған жұмысты жалғастыруға тиіспіз».

Қазір ел экономикасын өркендетуге жұмысшы мамандықтардың аса қажет екенін айта келіп, оларды заңнамалық тұрғыда қолдау керектігіне тоқталды. Одан бөлек, тағы бір маңызды мәселе – АЭС құрылысы. Бұл тұрғыда төраға, депутаттардан халыққа дұрыс әрі ресми ақпаратты кеңінен жеткізулерін сұрады. 

ЕРЛАН ҚОШАНОВ МӘЖІЛІС ТӨРАҒАСЫ: «Бүгінгі таңда ең көп талқыланып жатқан мәселе – Атом электр стансасын салу мәселесі. Атом электр стансасын салу туралы шешім – серпінді жоба екені сөзсіз. Бұған оң халықаралық тәжірибе айқын дәлел бола алады. Бірақ аталған мәселені түпкілікті шешу үшін бүкіл қоғамның бірігуі қажет. 6 қазанда өтетін референдумда халық өз шешімін қабылдайды. Барлық депутат Президенттің осы прагматикалық идеясын қолдап, жұртшылыққа дұрыс жеткізеді деп сенемін».

Бүгін депутаттар әуе компанияларына қатысты мәселені көтерді. Олар бағаға сапа сай болу керек дейді. Халықты әбден басынып, ойларына келгенін істеп жатыр деп әуе компанияларын сынаған депутаттар жауапты өкілдерден былыққа батқан саланы дер арада реттеуді сұрады. 

БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ «Тұтынушылардың құқығы қорғалмай, тапталып жатқан салының бірі – азаматтық авиация. Air Astana, FlyArystan cияқты компаниялардың бассыздығы, заңсыздығы, былығынан халық шаршады. Мемлекеттің тісі батпай отыр. Өкінішке орай билеттерді қайтармайды, не рейстерді кейінге қалдырады. Ең сорақысы мүгедектігі бар азаматтар мен жасөспірімдерді рейстен қалдырып отыр. Лоббистер тұтынушыларды қорғауды көздейтін тексерістің бәрін алып тастады.  Енді олар билет құнын қайтадан көтеруге тырысып жатыр». 

АРМАН ШАҚҚАЛИЕВ ҚР САУДА ЖӘНЕ ИНТЕГРАЦИЯ МИНИСТРІ «Қолданыстағы заңда сондай кемшілік бар. Сол кемшілікті біз алып тастадық. Енді біздің «тісіміз» батады. Біздің құзертіміз кеңейтілді. Бұл мәселе бізге қарайды. Екіншіден, 100 пайыз ақшаны қайтармау туралы бапты заңнан алып тастадық. Енді оларда заң жүзінде ондай мүмкіндік болмайды».

СӘТЖАН АБЛАЛИЕВ ҚР КӨЛІК ВИЦЕ-МИНИСТРІ  «Монреаль конвециясын 2015 жылы ратификациялаған едік. Ол конвеция авиажүк және жолаушыларды тасымалдау тетіктерін қарастырады. Бүгін біз сол конвеция аясында жұмыс істеп жатырмыз. Енді сіз қойған сұрақтарға тоқталайын. Рейстерді кешіктіргенде және ұшақ ұшпай қалған жағдайда жаңадан өзгерістер енгізу бойынша жұмыс істеліп жатыр. Себебі кейбір кезде әуежайдың дайындығы болмай қалады. Сондай-ақ мүгедектігі бар адамдар мен балаларға, жүкті әйелдерге дұрыс қызмет көрсетпеген жағдайда оларға айыппұл салу пакеті дайындалды. Осындай айыппұлдар әуе компания мен әуежай басшылығына салу жөнінде дайындаған түзетулер бар».

Ал, депутат Ринат Зайытов болса, тағы да тіл мәселесін қаузады. Ол заңда тіл мәртебесін нақты айқындап жазу керек дейді. 

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ «Қоғамдағы ең үлкен проблема тілдің айналасында. Қарапайым мысал: тұтынушы бір жерге келеді де “сен неге маған мемлекеттік тілде қызмет көрсетпейсің” дейді. Міне, осыдан дау шығып, қоғам шулайды. Өйткені Конституциядан басқа жерде мемлекеттік тілдің мәртебесі анықталмаған. Оны көтергіміз де келмейді. Сондықтан заңда нақты жазылуы керек. Кез келген Қазақстан аумағындағы орындаушы және сатушы бірінші кезекте мемлекеттік тілде қызмет көрсетуге міндетті деп жазу керек. Бұл жайт менің намысыма тиеді». 

Сауда министрі Арман Шаққалиев тұтынушылардың құқықтары жөніндегі заң жобасында қазақ тіліне қатысты функция барын айтады. Мәселен, сіз қазақ тілінде қызмет алғыңыз келсе, сізге міндетті түрде қызмет көрсетілуі керек. Егер олай болмаса, тұтынушы ретінде арыз жазуға әркімнің де құқы бар.

https://www.youtube.com/embed/pvBUEB1xjjY?si=7ZXawC7i8EumV1XY"

Алматыда қаламгерлер Қазақстан Жазушылар Одағының ғимаратында бас қосып, Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты жолдауын талқылады. Басқосу барысында жазушылар Мемлекет басшысының салық кодексі мен банктер жайлы тапсырмаларына тоқталды.

Жолдауды ақын - жазушылар қызу талқылады. Елімізді әлеуметтік-экономикалық тұрғыдан одан әрі дамытудың жолдарын ортаға салды. Халықты әбігерге салған банк қызыметі мен ауыл шаруашылығын дамытудың жолдары туралы ой қозғады.

АЛМАС АХМЕТБЕКҰЛЫ АҚЫН «Осының алдындағы жолдауларға қарағанда, бұл жолғы құжаттың ерекшелігі - қаржы, банк секторларын бір бағытқа салу. Бұған дейін банк қызметкерлерінің жұмысын дұрыс атқармауы, халықтың көпшілігі қарызға кіріп, банкроттыққа ұрынғаны болған еді. Мемлекет басшысы Amanat партиясының "Қарызсыз қоғам", "Ауыл аманаты" жобалары жайлы ойларын айтып өтті. Сондай-ақ сусидияларды агроөнеркәсіпке, ауыл шаруашылығына бағыттау керектігін айтты. Меніңше, бұл ойлар келешекте жүзеге асып, еліміздің ауыл шаруашылығының өнеркәсібі дамып, тасы өрге домалайды деген ойдамын».

Зиялы қауым өкілдері жолдауда қамтылған бағыттарға қатысты пікірлерін жеткізді. Әсіресе, халық көкейінде жүрген АЭС құрлысы мен қазан айында өтетін рефердумға ерекше тоқталды. Айтуларынша, елде электр тапшылығы сезілгенде Атом электр станциясы арзан қуат көзі боламақ.

ӘШЕ ҚАЗЫХАН ҚАЗАҚСТАННЫҢ ЕҢБЕК СІҢІРГЕН ҚАЙРАТКЕРІ, ПРОФЕССОР Президенттің жаңа жолдауы 9 тараудан тұрады. Ең бастысы, Қазақстанда АЭС салу жайлы референдумның уақытын белгіледі. Бұл тақырып ел арасында көптен бері айтылып жүр. Халықтың көп бөлігі бұл жаңалықты қорқынышпен, үреймен қабылдады. Халыққа түсіндіру керек. Пайдасы тимесе, зияны болмайтынына кепілдік беруіміз керек. Сол секілді айлығына 10-20% қосу керек. Ғылымның маңызы артқан кезінде АЭС-тің арзан қуат екенін біліп, түсінуіміз қажет. Біз электр жарығынсыз ешқандай тіршілік жасай алмаймыз. Ол біздің зауытқа да, өнеркәсіпке де, күнделікті тіршілікке, жер астындағы шахталарға да керек. Сондықтан да осы жағын ескеру қажет.

Қаламгерлер жиын соңында жолдауда айтылған бастамалар  шағармашылықпен айналысуға, кәсіпкерліктің  дамуына серпін беретінін атап өтті. Халық арасында АЭС құрлысына қатысты түсіндіру жұмыстарын жүргізу үшін ақын-жазушылар бірігіп, баспасөз беттерінде немесе әлеуметтік желілерде бұқарамен тығыз жұмыс істемекші. Одан бөлек, жаңа реформалардың іске асып, нәтижесі болуы үшін бір кісідей жұмыла жұмыс істеуге шақырды.

https://www.youtube.com/embed/hdWeR8nQrvk?si=XqgiNRogvMcaihUJ"

Алматы облысы Ұйғыр ауданына қарасты Үлкен Ақсу ауылдық округінде сібір жарасына күдікті бес жағдай тіркелді. Жергілікті атқарушы органдар жедел штаб құрып, жағдайды бақылауды және қадағалауды күшейтті. Аудандық полиция бөлімі етті және малды ауданнан тыс жерлерге әкетуге және басқа аудандардан әкелуге шектеу енгізді.

«Ұйғыр ауданында Сібір жарасының зертханалық  расталған 5 жағдайы тіркелді.Бүгінгі таңда ауру ошағында қажетті эпидемияға қарсы іс-шаралар атқарылуда. Қарым қатынаста болған, атап айтқанда жұқтыру қаупі бар 22 адам анықталып, барлығы медициналық бақылауға алынды. Қазіргі таңда антибиотика профилактикалық ем алуда».

https://www.youtube.com/embed/a4oxY7e_ykI?si=isAl17pa1uy9e8O0" 

Арал тағдыры – адам тағдыры. Осылай деген мәжіліс депутаты Мархабат Жайымбетов аралдықтардың ертеңіне алаңдаулы. Депутат келтірген дерекке сенсек,  Аралға деп бөлінген 1,5 миллион доллар көкке ұшқан. Халықпен санаспай, ақшаны игеріп тастаған. Сонда бұл қаражаттың сұрауы кімнен, осы мекенді мекендеп жатқан тұрғындардың болашағы қалай болады? – деген депутат Үкіметке сауал жолдады.

МАРХАБАТ ЖАЙЫМБЕТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ «Көкарал бөгетінің құрылысында жіберілген қателіктен ұлы теңіз жағына қарай 48 миллиард текше метр шамасында су зая кетті. Мыңдаған тонна балық рәсуа болды. Енді тиімсіз жобаны жүзеге асырып, осылай  Аралдың тағы бір қасіретіне өзіміз жол бермекпіз бе? Тиімділігі төмен әрі эксплуатациясы өте қымбат нұсқаның мақұлдануына жергілікті халық алаңдаулы. Халықпен кездесуге барғанда көзім жетті. Айдыны қашқан теңіздегі халық Су ресурстары министрлігі ұсынған екі деңгейлі схемаға түбегейлі қарсы. Қазір жобаны жүзеге асыру үшін Дүниежүзілік банктен 1,5 миллион доллар бөлінген. Бір қызығы, жергілікті халықпен толық келіспей, қоғамдық талқылаудан өткізбей, қаражат игеріліп қойған. Оған мүдделі кім, қаржы мақсатты жұмсалды ма сауалдарды алға тартып, Қамыстыбас көлінің табиғи кешенін бүлдіруге болмайтынын тайға таңба басқандай баяндаған. Халық қырағы».

https://www.youtube.com/embed/zIAAqTNooAA?si=AAf2MUIClZrfxYwm" 

Алматы облысы Іле ауданы әкімі Бағдат Қарасаев ұсталды. Қазір Сыбайлас жемқорлыққа қарсы қызмет тергеп-тексеруді бастады. Соттың санкциясымен әкімімен қатар бірнеше тұлға қамауға алынды. Қадағалау органының мәліметінше, аудан әкіміне кәсіпкерлік қызметке заңсыз қатысты, лауазымдық өкілеттіктерін асыра пайдаланып мемлекеттік мүдделерге нұқсан келтірді деген айып тағылды.

Аталған қылмыстары дәлелденсе, мүлкі тәркіленіп, 10 жылға дейінгі мерзімге бас бостандығынан айырылуы мүмкін. 

https://www.youtube.com/embed/q22eltdC6iw?si=ySXdp2gQSlFQ9IU9" 

https://www.youtube.com/embed/FNbCHPK5o7I?si=gOa0KEAj6urowvqN" 

Алматы қаласы, Нұрлытау шағын ауданында көліктердің бірінен басына оқ тиген ер адамның денесі табылды.Оқиға болған жерде тергеушілер мен сарапшылар  істің мән-жайын анықтаған.Айтулы жағдайға Алматы қалалық полиция департаменті түсініктеме берді:

САЛТАНАТ ӘЗІРБЕК  АЛМАТЫ ҚАЛАСЫ ПД РЕСМИ ӨКІЛІ: «Өзін-өзі өлтіруге итермелеу дерегі бойынша қылмыстық іс қозғалды.Қазіргі уақытта сотқа дейінгі тергеу амалдары жүргізілуде.Барлық мән-жайлар анықталуда». 

https://www.youtube.com/embed/h9qm9AgAMf0?si=okHlpEPghG2ONVrO" 

Қарағандыда адам өліміне әкелген жол талғамайтын көліктің жүргізушісі  ұсталды. Оның машина жасау саласындағы беделді кәсіпкер «Қазгидромаш», «ҚазПолимер» компаниясының директоры Сергей Камаев екені анықталды. Бүгін бизнесмен қамауға алынды. Айта кетейік, күні кеше Қарағандыда шамамен сағат түскі екілер кезінде екі көлік соқтығысып, бір адам қаза тапқан еді. Қалған үш адам ауруханада. Оның біреуі жүкті келіншек. Қаза тапқан марқұм 1984 жылы туған Ниссан көлігінің жүргізушісі. Айта кетейік, кісі өлімімен аяқталған көліктер қақтығысы жылдамдыққа шектеу қойылған жолда болған.

АЗАМАТ АХМЕТОВ ҚАРАҒАНДЫ ОБЛЫСЫНЫҢ ПД ТЕРГЕУ БӨЛІМІНІҢ БАСТЫҒЫ: «2-ші қыркүйектегі апатқа себепкер болған Lexus автокөлігінің 55 жастағы жүргізушісі Сергей Камаев изоляторға қамалды.Тергеу барысында ер адам көліктің дұрыс жұмыс істемегенін алға тартқан. Барлық дәлелдерді тексеру үшін анықтаушы автотехникалық сараптама тағайындады. Аталған іс полиция департаменті басшылығының жеке жіті бақылауында».

https://www.youtube.com/embed/zLcunhbRceg?si=1UZDVLi_YGqTid1B"

Алматы облысының полициясы жаңа туған және кәмелет жасына толмаған балаларды саудаға салмақ болғандардың жолын кесті. Ұйымдасқан қылмысқа қарсы күрес басқармасының қызметкерлері қылмыстық топты анықтап, құрықтады. 

25 тамыз күні әлеуметтік желілерде "surak.baribar" парақшасында кәмелетке толмағандар мен жаңа туған сәбилерді заңды түрде асырап алуға көмектесеміз деген ақпарат тараған. Полицияға қылмыстық топтың әрекеті туралы жедел ақпарат келіп түскен. Қызметкерлер жедел әрекет етіп, балаларды саудалапжатқан сәттің үстінен түскен. 

МЕРУЕРТ МОРЯКОВА АЛМАТЫ ОБЛЫСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ: «28 тамызда жедел-іздестіру іс-шаралары барысында Қызылорда облысының тумасы  38 жастағы күдікті анықталды. Кәмелетке толмағандарды сату дерегі бойынша қылмыстық іс қозғалды. Күдікті қамауға алынды. Қазіргі уақытта барлық қажетті тергеу шаралары жүргізіліп жатыр». 

Күдікті қамауға алынды. Қазіргі уақытта барлық қажетті тергеу шаралары жүргізіліп жатыр.