Алматы қаласы, Наурызбай ауданындағы "№207 мектеп-лицей" КММ-де жаратылыстану-математика пәндер бірлестігінің онкүндігі ұйымдастырылды. Осы шара аясында "Оқыту үдерісіндегі жасанды интеллекттінің тиімді мүмкіндіктері" тақырыбымен қалалық семинар өтті. 

Бұл семинардың мақсаты - білім беру процесінде жасанды интеллект пен ақпараттық технологияларды қолданудың тиімді әдістерін зерттеу және білім алушылардың қабылдау психологиясына ықпал жасайтын инновациялық тәсілдерді енгізу арқылы оқытудың сапасын арттыру тәжірибесімен алмасу.

Іс-шараға Алматы қаласының 8 ауданындағы білім беру ұйымдарынан жас мамандар  қатысты. Семинарды мектеп-лицей директоры А.Елеманова ашып, жас мамандарға бұл семинардың маңыздылығын, бүгінгі күні оқыту үдерісіндегі жасанды интеллекттінің тиімді мүмкіндіктері тек қана математика, информатика, физика пәндерінде ғана емес, барлық оқу пәндерінде өзекті екенін атап өтті.

Қалалық семинарға  білім беру ұйымдарынан келген жас мамандар ашық сабақтарға қатысып,  №207 мектеп-лицейдің жас мамандарының өткізген сабақтарындағы жаңашылдығын, сабақтағы зерттеулеріне, іздемпаздылығына ризашылықтарын білдірді.
Осылайша қатысушылар кәсіби даму бағытында жаңа қадамдар жасады.

https://www.youtube.com/embed/61742ZiWb30?si=bvNUuZ_Bcx-SNiJ_" 

https://www.youtube.com/embed/JKF498ET-e0?si=e64r2CofZuzVBtn1" 

Алматы қаласының тұрғындары қазақ өнерінің ірі тұлғасы Асанәлі Әшімовпен кездесті. «Алаштың Асанәлісі» деп аталған шараға назар аударсақ.

Қазақстанның Еңбек Ері, КСРО және Қазақстанның халық әртісі, Мемлекеттік сыйлықтардың лауреаты, даңқты актер Асанәлі Әшімұлы шығармашыл жастармен жүздесіп, өмір жолы мен өнердегі өнегесі туралы ой бөлісті. Шараның мақсаты — қазақ өнерінің абыз актерін жастарға жақынырақ таныстырып, оның өмірлік тәлімі мен өнердегі шеберлігін ұрпақ санасына сіңіру. «Алаштың Асанәлісі» деп аталған кездесу «ARTist» авторлық жобасы аясында болды. Өнерсүйер қауым үшін ерекше мәнге ие бұл шара №4 кітапханада өтті. Жүздесуге келген жастар Асанәлі Әшімовтің актерлік шеберлігіне, өмірлік ұстанымына қатысты сұрақтар қойып, шынайы әрі әсерлі әңгіме тыңдады.

ӘЛИЯ ІҢКӘРБЕК АЛМАТЫ ҚАЛАСЫ  ОКЖ-НІҢ  №4 КІТАПХАНА ЖЕТЕКШІСІ «Бұрынғы жүйеде оқырмандар тек кітап оқып отыратын болса, кітапханада өнерге, руханиятқа қатысты талқыланатын болады. Авторлық жобаның басты өзегі осы. Алдағы уақытта басқа да өнер адамдарын шақыруды жолпарлап отырмыз. Ол сурет өнері немесе бізге белгілі өнерлерден бөлек жаңа өнерлер шықты ғой қазір new арт деп жатыр. Сондай өнерпаздарды кітапханаға шақыруды жоспарлап отырмыз».

Айта кету керек, Асанәлі Әшімов - қазақ киносы мен театрының жарық жұлдызы. Оның «Қыз Жібек» фильміндегі Бекежан, «Атаманның ақыры» фильміндегі Шадияров секілді рөлдері - қазақ кинематографиясының алтын қорына енген. Әлемдік кино кеңістігінде ел мәдениетін танытқан тұлғаның шығармашылық жолы - жас буын үшін үлкен өнеге.

https://www.youtube.com/embed/sAus1VpaHYM?si=vflC5M_d-EfAEk3v" 

Елімізде эндаумент- қорлар туралы жеке заң пайда болады. Заң жүйесінде ауыр және аса ауыр қылмыс жасағандар мен сыбайлас жемқорлыққа барған шенеуніктер бұл қорға құрылтайшы бола алмайды. Бүгін мәжіліс Нысаналы капиталға қатысты заңды бірінші оқылымда мақұлдады. Эндаумент-қордың активтері құрамына ақшалай қаражат, бағалы қағаздар, жылжымайтын мүлік және зияткерлік меншік кіре алады. Оған мүлікті шектеусіз мерзімге, кем дегенде 10 жылға дейін беруге болады. Берілген мүліктің құны сақталады, тек оны басқарудан түскен инвестициялық табысты ғана жұмсауға рұқсат етіледі.

МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Қолданыстағы заңнамаға сәйкес, бізде мына эндоумент фондтың құрылтайшысы боолуға жеке немесе заңды тұлғалар құқы бар. Сонымен қатар бұрын сыбайлас жеиқорлық, ауыр, аса ауыр қылмыстар үшін сотталған тұлғаларға шектеулер қарастырылмаған. Эндаумент фонд бұл ең алдымен қоғамдық сенімге негізделген қайырымдылық туралы деп маральдық этикалық тұрғыда алғанда қордың құрылтайшылары адалдық, қоғам алдындағы беделдігі зор маңызға ие болу керек сияқты болып көрінеді. Жемқорлық, ауыр қылмыстар жасағандарға ешқандай шектеу болмай ма? Кез келген қор құра бере ала ма?»

ЛАУРА МЕРСАЛИМОВА ҚР  ӘДІЛЕТ ВИЦЕ-МИНИСТРІ:  «Заң жобасында да және қолданыстағы заңда да тиісті нысаналы капитал қорының құрылтайшысына қойылатын арнайы талаптар көзделмеген. Бірақ, сіз айтқан мәселе маңызды. Сондықтан құрылтайшыға шектеу қою мүмкіндігін Кониститутцияның 39 бабында көзделген талаптарын, Кониститутциялық кеңестің позицияларын ескере отырып, талқылауға мүмкін деп айтамыз».

https://www.youtube.com/embed/apvQ_8nyLYA?si=WyJ9AoF_hUK6moca" 

https://www.youtube.com/embed/2NYNkiv5Vts?si=Dxr2RcPtjdvE9yC7"

М.Әуезов атындағы Әдебиет және өнер институтының ұйымдастыруымен «Әуезов үйі» ғылыми-мәдени орталығының мәжіліс залында "Бүгінгі аймақтық театрлардың хал-күйі және даму үдерісі" атты дөңгелек үстел отырысы өтті.

Театр – тірі ағза, ойландыратын орын. Сан ғасыр өтсе де, өзектілігін жоғалтпай келе жатқан өнер түрі. Іс-шарада отандық театр картасындағы 46 мәдениет ордасын құрайтын облыстық театрлардың хал-жайына сараптама жасалды, даму тенденцияларын айқындау жұмыстары талқыланды. Қатысушылар аймақтық театрлардың бүгінгі жай-күйі мен ғимарат мәселесін ортаға салды.

АМАНКЕЛДІ МҰҚАН, ӨНЕРТАНУШЫ КАНДИДАТ, ТЕАТРТАНУШЫ: "Театрлардың 85%-ы аймақтық жерлерде орналасқан. Ал олардың қаржыландырылуы, шығармашылығы жергілікті әкімдіктің құзіретінде. Ал министірлік Алматы мен Астана қаласын қаржыландырады. Сол себептен олардың мәселесін, ғимаратын шешу үшін жүйелі жүмыс істеу қажет. Еліміздегі театр мәдениетіне назар аудару қажет деп санадық".

Бүгін қазақ театрының 100 жылдығы қарсаңындағы ұлттық сахна өнерінің өзекті мәселелері қаралды. Шараға өнертанушы ғалымдар және магистранттар мен докторанттар, Қазақстан Театр сыншылар бірлестігі мүшелері қатысып саласының болашағын дамыту үшін ұсыныстар мен шешімдер ұсынды.

СҰЛТАНӘЛІ БАЛҒАБАЕВ, ЖАЗУШЫ, ДРАМАТУРГ: "Мен өзім ұзақ жыл театрда қызмет істедім. Сол себептен театрдың қазіргі жағдайы, бұрынғы жағдайы қандай деген сауалда ойландыратын мәселелер бар. Президент жаңа ғимараттармен толықтырып жағдай жасау керектігін айтты. Жаңадан қойылған пьессалардың халыққа қалай әсер ететіндігі, осыған ерекше көңіл бөлу керек"

Қазақстан театрларының бүгінгі жеткен белесін, бағындырған көркемдік деңгейін сақтап қалу қажеттігі қай кезде де күн тәртібінен түскен жоқ. Оның зымыраған уақыт тынысын сезетін, замана тыныс-тіршілігімен қатар соғар жүрек дүрсілін айқындайтындай толыққанды жұмыс жасауына жағдай жасау қажет. Сондай-ақ қоғамдағы орнын құқықтық тұрғыдан қайта қарауды, заң шығару және атқарушы билік органдарымен қайшылыққа түспей, керісінше, түсіністікпен, шығармашылықпен жұмыс жасауына мүмкіндік беретіндей етіп реттеу- бүгінгі күніміздің басты мәселесі.

https://www.youtube.com/embed/3waJQiiog7M?si=uObMWoT3G4COdxaH" 

Өскелең ұрпақты дәстүрімізді дәріптеп,ұлттық құндылығымызға сусындатып тәрбиелеу бағасын болашақ берер ауқымды жұмыс. Халық мұрасы ән өнері және күй өнерімен рухани дамып жатқан жастарымыз тыңдарман қауымға өз өнерлерін паш етті. Тәрбиенің тал бесігін тербеткен шара жайлы толығырақ тарқатсақ.

Өткен тарихымызды баяндайтын, бабаларымыз өнер қоржынына салып.аманаттап кеткен әнмен күй өнері бейбіт елімізді еркіндіктің әуеніне бөледі бүгін. Бабалар сазы ұлттық өнер орталығының төл шәкірттері Халық күйлерін,Құрманғазы,Дина Нұрпейісова мұраларын қасиетті қара домбыра мен жетіген аспаптарында ойнап, әуезді әндерін де шырқады. Бүгінгі таңда бұл өнерді жастар арасында насихаттау ұрпақ сабақтастығының кепілі дейді ұйымдастырушылар.

БІРЖАН БӘЗІЛЖАН «БАБАЛАР САЗЫ» ҰЛТТЫҚ ӨНЕР ОРТАЛЫҒЫНЫҢ НЕГІЗІН ҚАЛАУШЫ

Ән мен күй өнері тек көңіл көтеру ғана емес,ол тәрбиенің танымның,рухани байлықтың қайнар көзі дейді ұстаздар.

АЙНҰР МОЛДАШОВА «БАБАЛАР САЗЫ» ҰЛТТЫҚ ӨНЕР ОРТАЛЫҒЫНЫҢ ДОМБЫРА ПӘНІНІҢ ҰСТАЗЫ

Дәстүрімізді дәріптеу,өз тілімізді,мәдениетімізді құрметтеу. Сондықтанда бұл өнерді жаңғыртып келер ұрпаққа жеткізу ұлтқа қызмет ету.

https://www.youtube.com/embed/6JGiP77tSBc?si=my9R4RUnlFT-2vNN" 

https://www.youtube.com/embed/MPTDfPVVFag?si=Gs7h2N1sjx2_AK8g"

Бүгін Абай атындағы Қазақ ұлттық педагогикалық университетінде Абай Құнанбайұлының 180 жылдық мерейтойы аясында дәстүрлі Ғылым апталығының жабылу салтанаты өтті. Бұл апталық білім мен ғылымның тоғысқан тұсында еліміздің ғылыми-зерттеу бағыттарын жаңа белеске көтеруді мақсат еткен маңызды іс-шара ретінде есте қалды. Ғылым апталығының жабылу салтанатында университет басшылығы апталық аясында белсенділік танытқан оқытушылар мен студенттерге, қатысушылар мен жас ғалымдарға алғысын білдірді.

ЕРТАЙ СҰЛТАНҰЛЫ, АБАЙ АТЫНДАҒЫ ҚАЗҰПУ-НІҢ ЗЕРТТЕУ ҚЫЗМЕТІ ЖӘНЕ ИННОВАЦИЯ  ЖӨНІНДЕГІ ПРОРЕКТОРЫ: «Жалпы енді 12-сәуір Ғылым қызметкерлер күніне орай ұйымдастырылған сондай-ақ Абайдың 180 жылдығына орай ұйымдастырылған Абай университетінің Ғылым апталығы 2025 өз мәресіне жетіп отыр.Бұл апталықтың ішінде шамамен жалпы саны 120-ға жуық іс-шара ұйымдастырылды. Оның ішінде ашық дәріс оқу, топ менеджмент ашық дәрістер, халықаралық конференциялар, семинарлар, кездесулер, сондай-ақ саяттар ұйымдастырылды.Биылғы жылғы жалпы бұл іс-шараның басқа жылдан ерекшелігі барлығы ашық есік күні форматында өтті».

Салтанатты кеш барысында Қазақстанда атом электр станциясын салу мәселесі бойынша республикалық референдумды дайындауға және өткізуге  белсенді атсалысқаны үшін Қазақстан Республикасының Президентінің Алғыс хатымен, гуманитарлық салада ынтымақтастықты нығайтуға және дамытуға елеулі үлес қосқаны үшін «Ахмет Байтұрсынұлы» төсбелгісімен, Қазақстан Республикасы Ғылым және жоғары білім министрінің «Ғылым үздігі» құрмет дипломдарымен, ғылыми жоба жеңімпаздары мен жетекшілері, белсенді зерттеушілер алғыс хаттармен  және естелік сыйлықтармен марапатталды.

https://www.youtube.com/embed/7oqBCdwEQ7w?si=ylXnJKz67pv3ROcQ" 

Алматы облысы Қарасай ауданына қарасты Кемертоған ауылында жуырда бой көтерген жаңа жайлы мектептің ауласында ерекше игі іс-шара ұйымдастырылды. «Таза Қазақстан» жалпыұлттық экологиялық акциясы аясында аудан әкімі бастаған бір топ азаматтық белсенділер мен ауыл тұрғындары мектеп ауласына ағаш көшеттерін отырғызды.

Шараның негізгі мақсаты — өскелең ұрпақтың санасына экологиялық мәдениетті сіңіру, қоршаған ортаны қорғаудың маңызын түсіндіру және туған өлкені көгалдандыру. Жаңа мектеп ауласында отырғызылған ағаштар оқушыларға таза ауа мен көлеңке сыйлап қана қоймай, экологиялық тәрбие берудің де көрнекі үлгісіне айналмақ.

РУСТАМ АТШАБАРОВ АЛМАТЫ ОБЛЫСЫ ҚАРАСАЙ АУДАНЫ ӘКІМІНІҢ ОРЫНБАСАРЫ

Аудан әкімі өз сөзінде мұндай шаралардың тұрақты түрде өткізіліп тұратынын және елді мекендерді абаттандыру — ортақ міндет екенін атап өтті. Жиналған қауым ортақ іске жұмыла қатысып, қоршаған ортаға деген жанашырлықтарын көрсетті. Шара бой көрсеткен танымал спортшылар да «Таза Қазақстан» жалпыұлттық экологиялық акциясының маңызы зор деп отыр.

ЕРМАХАН ЫБРАЙЫМОВ ОЛИМПИАДА ЧЕМПИОНЫ

Бұл шара — еліміздегі экологиялық сана мен әлеуметтік жауапкершіліктің артып келе жатқанының жарқын дәлелі.

https://www.youtube.com/embed/U0NkdTuJw64?si=OMLg8b9PTzgcZu_W" 

Таза табиғат – таза болашақтың кепілі. Еліміздің түкпір-түкпірінде табиғатты аялауға бағытталған кең ауқымды сенбіліктер өтті. Іле- Алатауы мемлекеттік ұлттық табиғи паркінде өткен шараға екі жүзге жуық ерікті қатысып, қоршаған ортаны таза ұстаудың маңыздылығын тағы бір мәрте еске салды.

АЙГЕРІМ ЕСІМХАН ТІЛШІ:«Бүгін Іле Алатауы мемлекеттік ұлттық табиғи паркінде Парктер шеруі өтіп жатыр. Бұл акция Таза Қазақстан жобасы аясында өтілуде. Сондай-ақ бұл шараға 200- ден астам еріктілер, мектеп оқушылар, студенттер атсалысуда. Көріп тұрғандарыңыздай, дәл қазір менің жанымда көшет отырғызу жұмысы болып жатыр. Эко акция қалай өтуде? Қайырлы күн! Барлығы ойдағыдай керемет өтіп жатыр. Менің ойымша, бұл табиғат алдындағы борышты өтеу. Біздің айналымыздағытабиғатқа шүкір деуіміз керек және оларды шашпау керек.

«Парктер шеруі» экологиялық акциясы аясында өткізілген бұл сенбілік – табиғатты қорғауға деген жауапкершілікті арттырудың айқын көрінісі. Шара барысында қарағай көшеттері отырғызылып, бұлақ маңы тазартылды, сондай-ақ экологиялық квест ойындары орын алды. Ұйымдастырушылар қатысушыларға табиғаттың мән-маңызы жайлы түсіндіру жұмыстарын жүргізіп, Ұлттық парктің ерекшеліктерін көрсетті.

ЖАНСАЯ АУТАЛИП  ІЛЕ-АЛАТАУ МҰТП ЭКОЛОГИЯЛЫҚ АҒАРТУ ЖӘНЕ ТУРИЗМ БӨЛІМІНІҢ БАСШЫСЫ:«Табиғатты қорғау - ең игі іс болып табылады болашақ ұпаққа жасалынған. Сол себепті табиғатты қорғай отырып, тазалықты сақтап, адамдарды экологиялық мәдентетке үйретіп, танымалдығын арттыру, ұлттық паркті құрметтеу барлығымыздың міндетіміз болып табылады».

Айта кетейік, «Парктер шеруі» — көктем мезгілінде өткізілетін дәстүрлі экологиялық акция. Оның басты мақсаты — ұлттық парктердің табиғи байлығын сақтап, жұртшылықтың экологиялық мәдениетін арттыру.

Айгерім Есімхан, Талғат Жанбота, Алатау ақпараты

https://www.youtube.com/embed/SRfkG_AdQSs?si=K91WdoDIgRaTYuXE"