https://www.youtube.com/embed/7jKLhbDYIA8?si=w_hJzV-IN_IhRbO2" 

Әл-Фараби атындағы Қазақ Ұлттық университетінде  «AI MediaLab» ғылыми-зерттеу орталығы медиадағы жасанды интеллект зертханасы ашылды. Студенттердің алғашқы жобалары көрсетіліп, жасанды интеллекттің көмегімен қазақ тілінде жарық көрген жаңа газет таныстырылды.  Толығырақ тілшіміз тарқатады.

Зертхананың басты мақсаты  студенттерге өз жобаларын дамытуға мүмкіндік беру. Бұл орталықта жаңа технологиялармен  жасақталған компьютерлер қолданылады. Алғашқы жобалардың бірі AI TAMYZ газеті. Шығарылатын материалдар мен мақалалар арнайы жасанды интеллектпен жасалған. Газеттің басты ерекшеліктерінің бірі  қазақ тілін жасанды интеллектке енгізу арқылы ауқымын кеңейту дейді автор. 

ӨМІРЗАҚ НҰРАЛТАЙ ҚАЗҰУ МАГИСТРАНТЫ: «Жасанды интеллект арқылы арнаы басылым шығарып жатырмыз, алдағы уақытта бірнеше бағытта жобаларға аналады, Виртуалды диктор секілді жобаларды ары қара дамытатын боламыз және де қазақ тілі бізде жасанды интителлектте енді дамып келе жатыр, толықта қазақшаланған жоқ, ол бағытта министрлікте Kazakh long language model деген жоба қарастырылды, мақсаты қазақ тілінде барлық жасанды интеллектті қамту».

Еліміздегі жасанды интеллекттегі алғашқы медиа орталықта көптеген жобалар жасалуда. Бұл орталықта жаңа технологиямен қамтылған суперкомпьютерлердің  арқасында аудио бейне жазбаларды ортақ компьютерге жинақтап ыңғайландыруға болады. 

ӘЙГЕРІМ АЙЖАНОВА ҚАЗҰУ БАСПАСӨЗ ЖӘНЕ ЭЛЕКТРОНДЫ БАҚ КАФЕДРАСЫНЫҢ МЕҢГЕРУШІСІ: «Алдағы уақытта жасанды интеллект арқылы хабарды арнайы телеарна мен радио арқылы беру жоспарда бар.  Бұл бағдарлама сәуірде жоспраланып бүгінде жалғасын тауып отыр. Меморандум арқылы студенттердің дамуын болашақта жұмысқа орналасуына жағдай жасауда». 

https://www.youtube.com/embed/JQhox_-A0hE?si=sixiHdtNozBU490Q" 

Биыл соңғы қоңырау соғылу күні жексенбіге сәйкес келгендіктен 11-сынып түлектеріне арналған салтанатты іс-шаралар мектеп әкімшілігінің шешімімен 23 және 24 мамырда өтті.Алматы қаласындағы №211 мектеп гимназиясында алтын ұя мектебімен қоштасып, үлкен өмірге қадам басқан түлектерге арналған Мектебім,саған мың алғыс атты салтанатты шараға қатысып қайтқан едік. 

Кезекті оқу жылы аяқталып, соңғы қоңырау соғылу мерекесі мектеп түлектері мен қатар ұстаздар үшін есте қалар ерекше күн. Ұстаздардың ұйқысыз еңбегі мен табанды қажырлылығының арқасында биыл білім ошағында 6 түлек алтын белгі иегері атанған. Білім нәрімен қанаттарын қатайтып,ұясынан ұшырып отырған мектеп ұжымы шәкірттерге ақ тілектерін арнады.

ҰМСЫНАЙ ЖАНДАРБЕКҚЫЗЫ, №211 МЕКТЕП-ГИМНАЗИЯСЫ ДИРЕКТОРЫНЫҢ ОҚУ -ІСІ ЖӨНІНДЕГІ МЕҢГЕРУШІСІ

Түлектерді білім мен қоса тәрбиенің тал бесігіне айналған мектебін қимас сезімі толқытып жүрекжарды әндерін орындады. 

Мектеп оқушылары облыстық және республикалық пәндік олимпиадаларда жоғары нәтиже көрсетіп келеді. Түлектер білім нәрімен қанатын қатайтып ұшырған алтын ұя мектебіне қимастық сезімімен қатар алғысын арнады.

БОТАГӨЗ АЙБЕК,  ЖАС ТҮЛЕК

Бұл күн тілегі бір,қуанышы ортақ ата-аналар үшін де маңызды саналады.

АТА-АНА

Шарада түлектер үшін мектеп қабырғасындағы соңғы, балалықтан аттап есейген шақты сезіндіретін,жаңа өмір баспалдақтарына қадам басқанын білдіретін қоңырау үні соғылды.  

https://www.youtube.com/embed/Ym_lzqwyZAM?si=VGV_DdJ2ppjy6hGn" 

Даналық пен даралықтың тізгінін ұстаған қазақ зиялысы , халқының рухани ұстазы, ойшыл ақын- Абай Құнанбайұлының туғанына 180 жыл толуына орай «Тұлға тұғыры:АбайLab оқу әдістемелік құралының тұсаукесер рәсімі өтті. Толығырақ тілші бейнематериалында.

АбайLAB" оқу әдістемелік құралы бұл қазақтың ұлы ақыны, ағартушысы, Абай Құнанбайұлының шығармашылық мұрасын тереңірек зерттеуге, түсінуге және насихаттауға арналған инновациялық әдістемелік нұсқаулық. Абай мұрасын оқыту, дәріптеу, барысында математика бағытында және ЖИ қолдану барысында функционалды тұрғыдан зерттеу.

МАЙРА МӘЛІК, АБАЙ АТЫНДАҒЫ РЕСПУБЛИКАЛЫҚ  МАМАНДАНДЫРЫЛҒАН ДАРЫНДЫ БАЛАЛАРҒА АРНАЛҒАН ОРТА  МЕКТЕП-ИНТЕРНАТЫНЫҢ МҰҒАЛІМІ: «Ұлт руханиятының негізін қалаған,кемеңгер тұлға,қазақ жазба әдебиетінің негізін қалаушы Абай Құнанбайұлының туғанына 180 жыл.180 жылдыққа орай көптеген іс шаралар ұйымдастырылып, өткізіліп,ақтарылып жатыр.Менің пән мұғалімі ретінде,ғалым ретінде қосатын үлесім Абай мұрасының тың,жаңа қырынан қарау,пәнаралық байланысты орнату.Қазіргі уақытта Абай мұрасын зерттеуге,дәріптеуге қатысты,тәжірибе тарату мақсатында көптеген шаралар бар.Менің авторлық жобамның  негізгі мақсаты:Абайды математика тілінде сөйлету,Математиканы Абай тілінде сөйлету.Абай мұрасын математикалық есептер арқылы оқушыларға түсіндіру.Яғни,пәнаралық байланыс жасап,интеграция орнату».

Абай мұрасын жаңа тұрғыдан қарастыру - Абайдың өлеңдерін, қара сөздерін, аудармаларын және оның философиялық ойларын дәстүрлі оқыту әдістерін, сондай-ақ жаратылыстану бағытындағы пәндерді Абай ілімімен қатар суреттеуге, вербалды тест, заманауи мақал-мәтелдер үлгісін жинақтап, оқытушыларға ұсынылған әдістемелерді кеңінен қолдануға мүмкіндік береді.

ГҮЛМИРА ТАЙГАРИНА, ҚАЗАҚ ТІЛІ МЕН ӘДЕБИЕТ ПӘНІНІҢ МҰҒАЛІМІ: «Абай Құнанбайұлының 180 жылдық мерейтойына орай, мектебіміздің шебер педагогы, Ы:Алтынсарин төс белгісінің иегері, үздік ұстаз Мәлік Майра Мәлікқызының бастамасымен, авторлығымен мектепте Тұлға  тұғыры Абайлаб деген оқу-әдістемелік құрал шығып отыр.Бұл оқу-әдістемелік құралдың негізгі мақсаты- жаратылыстану бағытындағы пәндерді Абай ілімімен сөйлете білуінде».

Бұл оқу-әдістемелік құрал- Қазақстанның білім беру жүйесінде Абайтануды жаңа деңгейге көтеруге, жастардың ұлы ойшылдың мұрасына деген қызығушылығын арттыруға және оның идеяларын бүгінгі қоғамдағы өзекті мәселелермен байланыстыруға бағытталған маңызды бастама болары сөзсіз.

https://www.youtube.com/embed/CcyvHdEp4Zg?si=V_9n24v-TmlrHk5F" 

https://www.youtube.com/embed/jidj6NUuh4A?si=VFI30_mrI1bCNSDE" 

Алматы қаласында дәстүрлі «Ортеке» VII Халықаралық қуыршақ театрлары фестивалі өтіп жатыр. Ауқымды мәдени шара бірнеше елдің үздік қуыршақ театрларын бір сахнаға тоғыстырды. Фестивальге Қазақстанмен қатар Грузия, Түркия, Өзбекстан және Әзербайжан елдерінен келген шығармашылық ұжымдар қатысуда. Олар балалар мен ересектерге арналған түрлі жанрдағы қойылымдарын ұсытынбақ.

Іс-шара аясында тәжірибе алмасуға бағытталған шеберлік сыныптары, сондай-ақ жетекші режиссерлер мен актерлердің қатысуымен дөңгелек үстел отырыстары өтеді. Фестивальдің басты мақсаты – кәсіби қуыршақ өнерін насихаттау және халықаралық мәдени байланысты нығайту. Сонымен қатар, талантты әртістер мен режиссерлерді анықтап, олардың кәсіби шеберлігін арттыру көзделген. Қойылымдар Алматы қаласындағы Республикалық мемлекеттік академиялық корей музыкалық комедия театрында, Алматы мемлекеттік қуыршақ театрында, Ғабит Мүсірепов атындағы Қазақ мемлекеттік академиялық балалар мен жасөспірімдер театрында және Тотальный театрында өтіп жатыр. Фестиваль аясындағы байқаулық қойылымдарды Қазақстан, Молдова, Тәжікстан және Түркиядан келген халықаралық театр сарапшыларынан құралған қазылар алқасы бағалайды.

ГҮЛНАФИС МЫРЗАШЕВА ҚР МӘДЕНЕТ ЖӘНЕ АҚПАРАТ МИНИСТРЛІГІ МӘДЕНИЕТ КОМИТЕТІ ТЕАТР ӨНЕР БАСҚАРМАСЫНЫҢ БАС САРАПШЫСЫ  “Ортеке қуыршақ театры елімізде 2007 жылдан бері тұрақты өткізіп келеді. Бұл министрліктің бастауымен өткізіліп жүрген іс-шара. Биыл 7-і рет Алматыда өтіп жатыр. Енді Ортекені білесіздер, қуыршақтың бір түрі. Музыкалық аспап пен бірлесіп, балаларға керемет көрініс көрсететін, Юнесконың тізіміне кірген. Сондықтан оны біз мақтанышпен айта аламыз. Бұл жәй ғана қуыршақ емес, еліміздің тарихы, дәстүрі музыкасы, өнері деп”.

https://www.youtube.com/embed/2IGU7fxke-4?si=2PiE3uBLO13OGYcU" 

Білім нәрімен сусындап, үлкен өмірге қадам басқалы тұрған барша мектеп бітіруші түлектер үшін мектеп бітіру мерекесі  өміріндегі ерекше, ұмытылмас күндердің бірі. Осыған орай Ш.Беркімбаева атындағы Алматы қыздар мектеп-лицейінде «Мектебім,саған мың алғыс» атты салтанатты іс-шара өтті. Толығырақ тілші тарқатады.

Кезекті оқу жылының аяқталуына арналған мерекелік шарада түлектерді құттықтауға  мектеп ұжымы мен ата-аналар келді.  Алматы Қыздар Лицейі оқушылардың табанды еңбегінің, ұстаздардың қажырлылығының және ата-аналардың – шексіз қолдауының нәтижесінде бүгінгі таңда Қазақстанның ең үздік 100 мектебінің,Алматы қаласы бойынша үздік 10 мектептің қатарынан орын алып отыр. Бүгінгі түлектер арасында да сол биіктің туын тіке ұстап бес қыз алтын белгіге үміткер атанған.

ГҮЛНАЗ ОРАЛХАНҚЫЗЫ,  Ш.БЕРКІМБАЕВА АТЫНДАҒЫ АЛМАТЫ ҚЫЗДАР МЕКТЕП-ЛИЦЕЙІ ИНТЕРНАТЫ ДИРЕКТОРЫНЫҢ ОРЫНБАСАРЫ

Түлектерді білім нәрімен сусындап өскен мектебін қимас сезім бір толқытса,оқушы- мектеп- ата-ана үштік жоба аясындағы дәстүрге айналған әр түлекке ата-анасының осы қуанышты сәтімен құттықтап,жүрек сырын ақтарған хаттары еріксіз жанарларына жас үйірді. Сонымен қатар осы күнге жеткізген ата-анаға алғыс айту шарасы мектеп қабырғасында тізімге енді. Бұл күн тілегі бір,қуанышы ортақ ата-аналар үшін де маңызды саналады.

МАҚПАЛ АЙНАБЕКОВА, АТА-АНА

Мектеп оқушылары көп жылдан бері облыстық және республикалық пәндік олимпиадаларда жоғары нәтиже көрсетіп келеді. Солардың бірі биылғы түлек Арайлы Бақтыбай. Білім нәрімен қанатын қатайтып ұшырған алтын ұя мектебіне қимастық сезімімен қатар алғысын арнады.

АРАЙЛЫ БАҚТЫБАЙ, ЖАС ТҮЛЕК

Арманы асқақ,мақсаты мығым Арайлыға бүгінгі соңғы қоңырау соғу салтанаты бұйырыпты.

https://www.youtube.com/embed/Ao9hP7CMsYs?si=HtHD3XqbGmGvBwPz" 

https://www.youtube.com/embed/fqyqFNtl8FQ?si=6r4LX8E7F6hPTgiD" 

Көмірді жаға бермей, қайта өңдеу керек. Өзге елдер қатты отынды қайта өңдеп одан түрлі пайдалы заттар шығарып, кәдеге жаратып жатыр. Қазақстан да осы елдерден үлгі алса деген Сенат депутаты Алтынбек Нухұлы бүгін Үкімет басшысының атына депутаттық сауал жолдады.

АЛТЫНБЕК НУХҰЛЫ ҚР ПАРЛАМЕНТІ СЕНАТЫНЫҢ ДЕПУТАТЫ: "Қазақстан - энергетикалық ресурстарға бай мемлекет. Мұнайдан бөлек, еліміздің көмір қоры әлемде 9 орын алады. Ғылыми болжам бойынша 3 ғасырға жететін 260 млрд тонна көмірдің қоры бар. Соның ішінде зерттелгені 32 млрд тонна. Бұл қордың басым бөлігі Павлодар мен Қарағанды аймағында орналасқан. Елімізде 2024 жылы 108 млн тоннадан астам көмір өндірілді. Көптеген дамыған елдер көмірден және көмір қалдықтарынан химиялық қайта өңдеу арқылы 80-нен астам бағалы заттар мен өнімдер алуға бет бұрған. Қытайда көмірді сұйылту мен газдандыру технологиясы сәтті енгізілген. Көмір химиясы өз кезегінде экономиканың маңызды бөлігіне айналған. Қытайда жылына 2,7 млрд тонна көмір өндіріледі. Оның 200 млн тоннасынан табиғи газдан бастап, органикалық тыңайтқыш, еріткіштер, косметикалық дәрі-дәрмектер, көміртекті наноталшықтар, жартылай өткізгіштер, батареялар және сирек металлдар сынды нешетүрлі дүние шығарылады".

Сенатор осы айтылғандарды шешу үшін Үкімет 2026-2035 жылдарға арналған көмір линиясын дамыту бағдарламасын әзірлеу керек. Көмір-химия саласына ерекше көңіл бөліп, бұл салада білім алатын жастарды «Болашақ» бағдарламасымен шетелде білімдерін жетілдіруге ықпал ету және Астанада ұлттық ғылыми орталық құру қажет деп біледі. Бұл ұсыныстардың қаншалықты іске асатыны алдағы уақыттың еншісінде.

https://www.youtube.com/embed/uUQf3cV7-qM?si=SvAyPw5grPlftrXF" 

«Іле-Алатау» мемлекеттік ұлттық табиғи паркі тұмса табиғатымызды сақтау мен қалпына келтіру ісінде маңызды рөл атқаратын, ерекше қорғалатын аумақтардың бірі. Сирек кездесетін жануарлар мен өсімдіктердің мекені, саф ауасы мен мөлдір бұлақтары, биік таулары мен жасыл ормандары табиғи мұрамыз деп айтуға болады.

Мұнда еңбек ететін мамандар жануарлар әлемін бақылап, өсімдіктер дүниесін зерттеп, заңсыз аңшылық пен ағаш кесуге қарсы күрес жүргізуде. Сонымен қатар, парк аумағындағы экожүйенің тепе-теңдігін сақтау мақсатында ғылыми-зерттеу жұмыстары мен экологиялық мониторинг шараларын тұрақты түрде жүзеге асырып отырады.Тағы бір ауыз толтырып айта кететін мәселенің бірі табиғатқа деген сүйіспеншілікті жас ұрпақтың бойына сіңіру бағытында белсенді ақпарат жүргізеді.

ПЕРИЗАТ ҚАЙРАТҚЫЗЫ «ІЛЕ-АЛАТАУ» МҰТП АҚСАЙ ФИЛИАЛЫНЫҢ ТУРИЗМ ИНЖЕНЕРІ

Соңғы жылдары Ұлттық табиғи парктің көркем жерлерін көргісі келетін шетелдік туристер легі артқан. Әсіресе Араб Әмірліктері, Түркия, Ресей, Қырғызстан және Өзбекстан елдерінен келетін қонақтардың қызығушылығы еселене түсіпті. Іле Алатауында туристік әлеуетті жақсарту мақсатында инфрақұрылым да біртіндеп дамып келеді. Экологиялық соқпақтар, демалыс аймақтары, ақпараттық нұсқағыштар мен гид қызметтері туристерге қолайлы жағдай жасап отыр. Сонымен қатар, саяхатшыларға жергілікті халықтың мәдениетімен танысып, ұлттық тағамдардан дәм татуға мүмкіндік беріледі.

https://www.youtube.com/embed/wwC2VcQF31M?si=kHQpoytoqd-XpmXF" 

https://www.youtube.com/embed/W8FwBid8_tE?si=XY0jd-XKBTnCuVbr" 

Алматы облысының оңтүстік-шығысында орналасқан Райымбек ауданы – табиғаты көркем, тарихы терең, туризмді дамытуға ерекше қолайлы аймақ. Аспанмен астасқан асқар таулар, мөлдір бұлақтар, көкмайса жайлаулар мен киелі орындар бұл өлкеге ерекше тартымдылық сыйлайды.

Райымбек ауданында туризмді, әсіресе эко және этнотуризмді дамутуға мүмкіндігі мол. Мұның айқын дәлелін биік таулы Байынқол өңірінің оң қапталындағы аңғарға орналасқан Шоғансайды ауыз толтырып айтуға болады.

БЕРІК ДҮЙСЕНБАЕВ АЛМАТЫ ОБЛЫСЫ РАЙЫМБЕК АУДАНЫНЫҢ ӘКІМІ: «Осы алдымыздағы 5 жылға  қойып отырған мақсаттарымыз өзіміздің ауданымыздың табиғаты жағынан ерекшеленетіндіктен біз осы ауданымызда туризмды дамытсақ деген үлкен жоспар құрып отырмыз.Осы жоспарымызды іске асыру үшін бірінші ішкі инфрақұрылымдарды жөндеп, содан кейін сол демалыс орындарына баратын игфрақұрылымдарды жасау керек қой, соған жоспарларымызды жасап жатырмыз.Бірінші мәселе әрине жол мәселесі ол жерде, одан кейін электричество мәселелері бар соны кезең-кезеңімен жүзеге асыратын боламыз».

Аудан әкімінің айтуынша туризмды дамыту бойынша ҚХР-на  жаяу өткел ашу жоспарда бар. Туристердің көптеп келуі аудан тұрғындарына  жеке кәсіп ашып, табыс табуларына  таптырмас мүмкіндік.

БЕРІК ДҮЙСЕНБАЕВ АЛМАТЫ ОБЛЫСЫ РАЙЫМБЕК АУДАНЫНЫҢ ӘКІМІ: «Осы жақында ғана барып қайттық Қытай еліне, біздің шекараның аржағындағы көршілерімізде табиғаты да біздің табиғатымызбен теңдей, қысы да, жазы да, жыл мезгілдері де беірдей. Сондықтан бұл кісілерден түйгеніміз туризмді дамытуға әбден мүмкіндік бар».

Бұл жұмыстардың барлығы Райымбек ауданын Қазақстанның туристік картасындағы маңызды орталықтардың біріне айналдыруға, туристер ағынын арттыруға және жергілікті халықтың әл-ауқатын жақсартуға бағытталған. Дегенмен, әлі де шешімін таппай отырған мәселелер бар.Жол және сервистік қызметтің жетіспеушілігі. Жергілікті билік өкілдері айтулы жағдайлар алдағы уақыттары реттелетіндігін айтуда.

https://www.youtube.com/embed/W1jXufQ1z40?si=Cic3EuHVdJGWE2Pz" 

Табиғатты қорғау – әрбір азаматтың қасиетті борышы. Әсіресе орман байлығын сақтап, оны көбейту – болашақ ұрпақ үшін қалдырар аманаттың ең қымбаты. Осы бағытта елімізде көптеген игі істер атқарылып келеді. Солардың бірі – Іле-Алатау Мемлекеттік Ұлттық табиғи паркі мамандарының жүргізіп жатқан тыңғылықты жұмыстары. Бүгін, Ақсай филиалының табиғат сақшыларымен Қаскелең орманшылығының мамандары орманды қалпына келтіру жұмыстарын жандандыру мақсатында ель шыршасының дәнін себуді бастады.

ШАЛҚАР ДӘУРЕНБАЕВ ІЛЕ-АЛАТАУ МҰТП АҚСАЙ ФИЛИАЛЫ ДИРЕКТОРЫНЫҢ ОРЫНБАСАРЫ

Ақсай филиалының мамандары жасыл желек қорын молайту үшін 10 гегтар алқаптың 3 мыңнан астам аймағына шырша ағашының көшеттерін тұрақты түрде отырғызады.Бұл өз кезегінде орман ағаштарының сиреуін алдын алады. Орман, Жер-ананың тынысы. Ол ауа тазалығын сақтайды, жауын-шашынды көбейтеді, климаттық тепе-теңдікті ұстап тұрады. Жасыл-желекті сақтау – тек табиғат жанашырларының ғана емес, барша халықтың ортақ міндеті. Ұлттық парк мамандары орманды өрттен қорғау, оны алдын-алу мақсатында тиісті шараларды жүргізіп келеді. Тілсіз жау, жаз мезгілінде көп қатер туғызады.

САПАРБЕК ОРМАНБЕКОВ ІЛЕ-АЛАТАУ МҰТП АҚСАЙ ФИЛИАЛЫНЫҢ ӨРТ СӨНДІРУ БӨЛІМІНІҢ БАСШЫСЫ