https://www.youtube.com/embed/W-is_njKy60?si=QtvsvGvy5ccwB21p"

Бүгінгі таңда «Даму» қоры еліміздегі шағын және орта кәсіпкерлікті дамыту аясында бірқатар мемлекеттік бағдарламаларды жүзеге асыруда. Алматы қаласы бойынша жүзеге асып жатқан жұмыстарға назар аударсақ.

Қордың міндеті кәсіпкерлердің екінші деңгейлі банктерден алған несиелерінің негізгі борышының бір бөлігін субсидиялау.Екіншіден кепілзат жеткіліксіз жағдайда 85 пайызға дейін кепілдендіру. Бұл екі бағыт жалпы ұлттық жоба мемлекеттік бағдарламасы аясында жүзеге асырылуда. Үшіншіден жеңілдетілген несиелендіру. Төртіншіден қолдау тапқан кәсіпкерлердің жобаларына мониторинг жүргізу. Бүгінгі таңда Алматы қаласы бойынша жеті айдың қорытындысы бойынша 111 млрд тенге несиелік портфель құрайтын 1900 ге жуық кәсіпкер қолдау алған. Оның ішінде көбісі микро және шағын кәсіпкерлер.

ЖАНДОС НҰРҒАЗИНОВ АЛМАТЫ ҚАЛАСЫ БОЙЫНША «ДАМУ» ҚОРЫ ФИЛИАЛЫНЫҢ ДИРЕКТОРЫ: «Мына қолдау алған кәсіпкерлер ішінде әртүрлі салада бар. Атап айтқанда оның ішінде өңдеу өнеркәсібі. Көлік және жүк тасымалдау кәсібі. Одан кейін мына әлеуметтік бағыт саласында білім беру саласы. Денсаулық саласында басым бөлігі көрсетілген. Мемлекеттік бағдарламаның ішінде өзінің талабында тізімі бар. Сол талаптарға сай кәсіпкерлер жүгініп мемлекеттен қолдау алуға мүмкіндіктері бар».

Әр кәсіпкердің жобасы түрлі салада болғаннан кейін кейбір кәсіпкерлер мемлекет тарпынан қандай қолдау бар екендігін бірі білсе,бірі білмей жатады. Сондықтан Даму қорына жүгініп өз кәсібін,өз жобасын жан-жақты талқылап ары қарай кәсіптерін дөңгелетуге, мемлекет тарапынан жеңілдік несие тартуға мүмкіндік алуға болады.

ЖАНДОС НҰРҒАЗИНОВ АЛМАТЫ ҚАЛАСЫ БОЙЫНША ДАМУ ҚОРЫ ФИЛИАЛЫНЫҢ ДИРЕКТОРЫ: «Біздің басты мақсатымыз алған несиелерінің борышын төмендету. Қазіргі уақытта 21 де 75 пайыз құрайтын болса оның 13 те 75 пайызын мемлекеттік даму қоры арқылы субсидия алып негізгі борыш бойынша 8 пайызын төлеп отырады. Біз несиелендіру бойынша жұмысымызды атқарудамыз. Әр бағдарламаның өз талабы бар. 2015 жылдан бері жергілікті әкімшілікпен бірігіп Алматы бизнес жобасын жүзеге асырып жатыр. Бұл бағдарлама тек қана Алматы қаласы бойынша жүзеге асады. Кәсіпкерлер Алматы қаласы бойынша кәсіптеріне қолдау ала алады».

Бұл бойынша 75 млрд теңгеге 625 кәсіпкер қолдау алған. Бөлінген қаражатты екінші деңгейлі банктерге үйлестіру арқылы жүзеге асырылған. Бұл жерде мемлекеттік бағдарламалар мен Алматы қаласының кәсіпкерлері қамтылмаған жобаларды Алматы бизнес бағдарламасы бойынша қолдау алуға болады. Басым салаларында шектеу жоқ. 7 пайызбен 100 млн теңгеге дейін 5 жылға айналым қаражатын толтыруға,инвестициялық бағытқа жаратуға мүмкіндіктері бар.

https://www.youtube.com/embed/pBAGZz70qEg?si=dmBkTVDMSDgQhXQ_"

Ақмола облысында бос жатқан жерлерді мемлекет меншігіне қайтару ісі жалғасуда. Қазіргі уақытта шаруашылықтардан пайдаланылмай жатқан 142,6 мың гектар жер мемлекет меншігіне өткен.

Ақмола облысында барлығы 400 мың гектар жер мемлекет меншігіне қайтарылуы тиіс. Шаруашылықтардан пайдаланылмай жатқан 257,4 мың гектар алқап алынды. Биыл сот шешімі бойынша 52 жер телімі мемлекет меншігіне өтті. Аумағы 48,8 мың гектар.

АЯН БЕКСЕЙІТОВ АҚМОЛА ОБЛЫСЫ БОЙЫНША ЖЕР РЕСУРСТАРЫН БАСҚАРУ ДЕПАРТАМЕНТІ БАСШЫСЫНЫҢ ОРЫНБАСАРЫ: «Сондай-ақ, департаменттің талап-арыз жұмысы жалғасуда. 58,3 мың гектар алқаптағы ауыл шаруашылығы мақсатындағы жерлер бойынша 15 талап-арыз соттардың қаралуында. Сондай-ақ, жоспарлы көрсеткіштерге қол жеткізу үшін жалпы ауданы 372,7 мың гектар болатын 58 субъектіге қатысты 2022 жылы бұрын берілген нұсқамалар бойынша ауыл шаруашылығы жерлерін қайтару жоспарлануда».

Жылдың басында аудандар мен Степногорск қаласының әкімдеріне облыс бойынша пайдаланылмай жатқан және заң бұзушылықтармен берілген ауыл шаруашылығы жерлерін қайтару жоспары белгіленді. Бұл, жерлерді мемлекетке қайтаруға қатысты жұмыстың толығымен орындалуын қамтамасыз етпек.

АЯН БЕКСЕЙІТОВ АҚМОЛА ОБЛЫСЫ БОЙЫНША ЖЕР РЕСУРСТАРЫН БАСҚАРУ ДЕПАРТАМЕНТІ БАСШЫСЫНЫҢ ОРЫНБАСАРЫ: «Біржан сал ауданында ҚазБФ, ЛТД, ЖШС-мен 19 мың гектардан астам жайылымдық жерлер мемлекет меншігіне қайтарылды. Сондай-ақ, Біржан сал ауданы бойынша «Баймырза Агро» ЖШС-на 8 мың гектар жайылым өз еркімен қайтарылу жоспарланып отыр».

Өңірде пайдаланылмайтын және заңнаманы сақтамаған жерлерді алып қою жөнінде облыстық ведомствоаралық кіші топ құрылды. Жоспарға сәйкес, биыл ҚР заңнамасын елемей пайдаланылмаған және берілген 400 мың гектар ауыл шаруашылығы жерлерді қайтару.

ДУЛАТ СЕРДӘЛІ АҚМОЛА ОБЛЫСТЫҚ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫ БАСШЫСЫНЫҢ ОРЫНБАСАРЫ: «Ведомствоаралық кіші топ биыл 30-ға жуық отырыс өткізді. Жиында онда пайдаланылмайтын ауыл шаруашылығы мақсатындағы жерлерді қайтару мәселелері қаралған. Жыл басынан өңірде 94 тексеру жүргізілді. Нәтижесінде жер заңнамасын бұзушылықтарды жою туралы 274,2 мың га алаңда 56 ұйғарым берілді. Олар бойынша салықты 20 есе есептеу үшін облыстың мемлекеттік кірістер департаментіне материалдар жіберілді».

Пайдаланылмайтын жерлерді қайтару және халықты жайылымдық жерлермен қамтамасыз ету жұмыстары жалғаса бермек. Ол қатаң бақылауда,- дейді ведомство өкілдері.

https://www.youtube.com/embed/QLMkEzO1swU?si=BzZb8w6oyimOpcAC" 

Ақтау қаласында құрылысы жүріп жатқан үйдің бір қабатында апат болды. Шатырда монтаж жұмысын жүргізу кезінде арнайы жабынды құлап, бүтін бір подъездегі пәтерлердің төбесі ортасына түсті. Алдын ала жарнасын төлеп қойғандар, үйді пайдалануға берген жағдайда да қоныстануға үрейленіп қалдық дейді.Ал мердігер мекеме өкілі олқылықтың бәрін ретке келтіреміз, алаңдайтын еш негіз жоқ деп отыр.

Бұл кадрлар дәл сол күні оқиға болған жерде түсірілген. Жұмысшылардың бірі апаттан кейінгі көріністі телефонындағы бейнекамераға жазып алған. Видеожазба әлеуметтік желіде тарап, қызу талқыға түсті. Пәтерлердің біріне алдын ала толықтай төлем жасап, қоныс тойымды тойлаймын деп жоспарлап қойғандардың бірі Аманбибі Сахиева. Орын алған оқиғадан кейін көшіп келуге уайымдап қалдым дейді ол.

АМАНБИБІ САХИЕВА САЛЫМШЫ:«Салынбай жатып құлап жатыр. Естіп жатырсыңыз, көріп жатырсыңыз. Сыртынанда көрініп тұр әне. Бәрін жауып тастаған. Мынау сапасыз үйлер кілең. Салынбай жатып құлап жатыр. Елдің, халықтың қорқынышы күшті. Кірген уақытта ол қалай болады»

Ал мердігер мекеме өкілі барлық мәселені рет-ретімен шешіп, олқылықты жоямыз деп сендірді. Тұрғындарды сабырға шақырып, апат орнын қалпына келтіретіндерін айтты.

ҒАБИТ ОҢБАЕВ УЧАСКЕ БАСШЫСЫ:«Тұрғындарға айтарым ешқандай уайымдамасын. Бәрін өзім қадағалаймын. Барлық құйған монолитный участкаларды армировать етіп, барлығын востоновить етіп қоямыз».

Компания сәулет-құрылыс басқармасынан барлық құжатты алған. Құрылыс жұмыстарын бастау туралы рұқсат қағазы да бар. Оқиға орнына бас мемлекеттік құрылыс инспекторы барған. Құрылыс материалдарының жобаға және мемлекеттік нормативтерге сәйкестігін тексеруге шешім қабылданыпты.

ДӘУРЕН ӨТЕПҚАЛИ МЕМЛЕКЕТТІК СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БАСШЫСЫ:«Мен барған кезде барлық фактілерді скрыват ету, жасыру жұмыстары жүргізілген. Сынған плиталардың барлығын жинап тастаған. Орнына басқа жаңадан бетон төсеген. Яғни біздер тура болған күні бара алмадық. Енді біздің тарапымыздан шешім қабылданды. Жоспардан тыс тексеру жұмыстарын жүргіземіз».

Айта кетейік, плиталар құлаған жерде жұмысшы жатқан. Ол бетон құламай тұрып, бірнеше минут бұрын бөлмеден шығып кеткен екен. Абырой болғанда апат салдарынан ешкім зардап шеккен жоқ.

https://www.youtube.com/embed/x9PC6o4AP3w?si=7CkkhDwtBpEV1BWO" 

«Ақорда» резиденциясында Қазақстанға ресми сапармен келген Албания Президенті Байрам Бегайды қарсы алу рәсімі өтті. Екі ел басшыларына Құрмет қарауылының бастығы рапорт берген соң, Қазақстан мен Албанияның мемлекеттік әнұрандары шырқалды. Қасым-Жомарт Тоқаев пен Байрам Бегай бір-біріне ресми делегация мүшелерін таныстырды.Содан кейін Қазақстан мен Албания президенттері шағын құрамда келіссөз жүргізді. Қасым-Жомарт Тоқаев шақыруын қабыл алып, Қазақстан астанасына келгені үшін Албания Президентіне алғыс айтты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:

«Бұл – тарихта Албания Президентінің Қазақстанға жасаған алғашқы сапары. Сіздің ресми сапарыңыз өзара ынтымақтастықты дамыту тұрғысынан өте маңызды. Қазақстан Сіздің еліңізбен тығыз қарым-қатынас жасауға ниетті. Біз екі тараптың мүддесіне сай келетін көптеген салада өзара тиімді ынтымақтастықты дамытуға мүмкіндік мол деп санаймыз. Екі аптадан соң елдеріміз арасындағы дипломатиялық қарым-қатынастың орнағанына 30 жыл толады. Сіздің сапарыңыздың осы айтулы датамен тұспа-тұс келуінің символдық мәні бар».

Өз кезегінде Албания Президенті Байрам Бегай Астанаға шақырғаны және қонақжайлық көрсеткені үшін Қасым-Жомарт Тоқаевқа ризашылығын білдірді.Екі жақта кездесуден кейін, Мемлекет басшысы Қасым-Жомарт Тоқаев пен Албания Президенті Байрам Бегай екі мемлекеттің ресми делегацияларының қатысуымен келіссөздер жүргізді.Тараптар сауда-экономикалық, көліктік-логистикалық, инвестициялық және гуманитарлық ынтымақтастықты нығайтуға баса мән бере отырып, Қазақстан мен Албания арасындағы серіктестіктің негізгі мәселелерін талқылады. Қасым-Жомарт Тоқаев екі елдің қарым-қатынасын одан әрі нығайту үшін зор мүмкіндік пен әлеует бар екеніне назар аударды.

https://www.youtube.com/embed/bUoAPTaz5ik?si=r98h4XTNVPZJGSjb"

https://www.youtube.com/embed/b_UmD6Ptsm4?si=2AU7QuBy6HNJW3O_" 

Жаңа оқу жылынан бастап Алматы қаласында Ерболат Досаевтың тапсырмасымен «Мектеп автобусы» пилоттық жобасы іске қосылған болатын. Бүгін қалалық білім басқармасының басшысы Ләззат Жылқыбаевамен жобаның таныстырылымы өтті.

Алматы қаласында жалпы білім беретін 215 мектеп бар. Бұл автобустар қаладағы қажеттілігі жоғары 30 мектепке қызмет жасамақ, күніне 8258 оқушыны тасымалдамақ. Ағымдағы жылы қалалық білім басқармасының қолдауымен «АлматыЭлектротранс» ЖШС 100 мектеп автобусын сатып алған.Оған жергілікті әкімдік тарапынан 1,4 млрд теңге қаражат бөлінген. Шаһарда бала санының артуына байланысты,тағы да 50 автобус алынбақ.Ол келесі жылы жүзеге асатын болады.

ЛӘЗЗАТ ЖЫЛҚЫБАЕВА АЛМАТЫ ҚАЛАСЫНЫҢ БІЛІМ БАСҚАРМАСЫНЫҢ БАСШЫСЫ: «Бүгінгі таңда 8258 бала. Бірақта, күннен күнге мектептерден, ата-аналардан сұраныс түсіп отыр. Сондықтан, менің негізгі бұл жердегі айтайын дегенім, бұл жоба тоқтап қалмайды. Ары қарай қажеттілікке байланысты жалғасын табады. Мысалы, қазір біз жалпы қала бойынша қазір12500 астам қажеттілік бар екенін көріп отырмыз. Сондықтан, келесі 2024 жылға біз тағы да 50 автобус қосуды жоспарлап отырмыз. Егер де, одан да көп туындайтын болса, Алматы қаласының әкімдігінде бұны да ары қарай ұлғайтуға, көбейтуге толық мүмкіншіліктері бар».

Мектеп автобустары барлық халықаралық қауіпсіздік стандарттары мен техникалық талаптарға сәйкес жасалынған. Автобустың ішіне: апаттық шығу, қауіпсіздік белдіктері, мүмкіндігі шектеулі балаларға арналған пандус, өрт қауіпсіздігі жүйесі және бейнебақылау камералары орнатылған.Әр мектеп бойынша маршруттық парақтар әзірленген. Тасымалдау уақыты кезінде автобустың ішінде 1 мектеп қызметкері жетекшілік етеді.

https://www.youtube.com/embed/8_CgjQr8G6Y?si=RGedbXzRXu5tBXP7" 

Грант немесе ақылы деп бөлінбейді. Бұдан былай барлық студент жатақханадан орын алуға құқылы. Елімізде 600 мыңнан астам студент бар десек, оның 23 800-і жатақханадан орын ала алмаған. Тапшылық 2029 жылға қарай шешіледі деп сендірді жауапты министрлік. Себебі, енді Республика бойынша жылына 10 мың орын салынып отырады.

Жатақхана - жылда жауыр болған проблема. Студент Университет жанындағы арзан студенттер үйіне тұрайын десе, орын тапшы. Ал, пәтер жалдайын десе, қалта көтермейді. Бұл проблеманы биыл жауапты министрлік хостел жалдау арқылы шештік деп отыр. Хостелдар пәтер жалдағаннан әлдеқайда арзан дейді.

АҚЕРКЕ АБЫЛАЙХАН ҚР ҒЖБМ БІЛІМ КОМИТЕТІ ТӨРАҒАСЫНЫҢ ОРЫНБАСАРЫ

«Көп атаналар осы хостел деген сөзді естігенде қорқып жатады. Оларды жекеменшік жатақханалар деп айтуға болады. Бірнеше университет студенттері бірігіп, осы хостелдерде тұрады. Хостелде жолдан келген жолаушы тоқтамауы керек. Жалпы қауіпсіздік, өрт қауіпсіздігінің сақталуы жекеменшік иесімен келісімшарт жасасқанда басты талап ретінде қойылды».

Барар жері болмаған студенттер немесе жатақханадан орын ала алмағандар ситуациялық дағдарыс орталықтарына хабарласса болады. Бүгінде барлық университеттер жанынан мұндай орталықтар ашылып, жұмыс істеп тұр.

АҚЕРКЕ АБЫЛАЙХАН ҚР ҒЖБМ БІЛІМ КОМИТЕТІ ТӨРАҒАСЫНЫҢ ОРЫНБАСАРЫ

«Әрбір университетте студент жастармен жұмыс жасайтын әлеуметтік және тәрбие жұмыстардағы проректор бар, жастар департаменттері бар. Хостелге баратын болса да бала, қызметкерлер бекітіліп, қалада қалай жүріп-тұру керек мәлімет беретін жауапты тұлғалар анықталу қажет».

Айтпақшы енді грантқа түсті ма, ақылы негізде оқи ма барлық студенттер жатақханамен қамтамасыз етілетін болады. Еш шектеу жоқ. Жаңа заң биылдан бастап күшіне енеді.

https://www.youtube.com/embed/Ro1DMwKYjnA?si=lD1uRmslUBRdVQnE" 

Биыл жыл басынан бері Қызылорда облысының аумағында конго крым гемморагиялық қызбасы мәселесімен 517 адам медициналық көмекке жүгініп, тиісті ем дом шарасын қабылдаған. Осы орайда сала мамандары аурудың алдын алу бағытында тиісті жұмыстарды қолға алып, дезинфекция жұмыстарын қарқынды түрде жүргізуде. Яғни өңірдегі 106 елді мекенді залалсыздандыру үшін бюджеттен 242 млн теңге бөлінді. Қызылорда облысы әкімінің орынбасарымен Конго-Қырым геморрагиялық қызбасы ауруының табиғи ошақтарында 2023 жылы күзгі эпидмаусымда жүргізілетін залалсыздандыру жұмыстарының кестесі бекітілді.

ЕРЛАН БЕЙСЕНБАЕВ ҚЫЗЫЛОРДА ОБЛЫСТЫҚ ЖҰМЫЛДЫРУ ЖӘНЕ ШҰҒЫЛ ЖҰМЫСТАР ОРТАЛЫҒЫНЫҢ БАСШЫСЫ

«Залалсыздандыру жұмыстарына бюджеттен 242 млн теңге бөлінді. Қазіргі таңда жеңімпаздар анықталды. Қала бойынша Дезифекция К мердігер мекемесі ұтып алды. Солбойынша жұмыстар жасалып жатыр. Бізде қолайсыз елді -мекен облыс бойынша 106 бар. 106 қолайсыз елді мекенде 2 кезеңмен жүргізіледі. Кенеге қарсы дәрілеу жұмыстары қазан айына дейін жалғасады.

https://www.youtube.com/embed/nMPCOk5sfYg?si=Jq3uNtiSIMbQpumQ"

Уәде неге орындалмаған? Орманшылардың жалақысына қатысты мәселе бүгін Парламент қабырғасында көтерілді. Депутат Нартай Аралбай өрт сөндіру станциясының сарбаздарына көк тиын да қосылмаған деп наразы. Одан бөлек, мәжілісмендер сапасы сын көтермейтін вагондар мен өте өзекті проблеманың бірі тұрғын үй мәселесін ашық көтерді. Парламент Мәжілісінен толығырақ тілші тарқатады.

Бұл Парламент Мәжілісінің жалпы отырысы. Демалысқа шығып, өңірлердегі халықпен кездесіп келген мәжілісмендер бүгін әдеттегіден де белсенді. Екі сағатқа жуық уақыт көлемінде халық үшін өзекті мәселелерді талқылап, елді мазалаған сұрақтарды депутаттық сауал ретінде жарыса жариялады. Әсіресе, оттан көйлек киіп жүрген жанкешті азаматтардың жанайқайы оларды ерекше алаңдатып отыр.

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Үлкен жұмысты кішкентай жалақыға атқаруға мәжбүр азаматтарды Үкімет қазынаның қаражытына жолатпауға барын салып жатқандай көрінеді. Сөзіме дәлел Абай облысында орман өрті болып ондаған азаматымыздан айрылған соң Экология министрі «орманшылардың жалақысы үстіміздегі жылдың 1 шілдесінен бастап өседі» деп ақпарат құралдарынан ақтарылып сөйледі. Күн сайын өмірлерін болмашы жалақы үшін бәйгеге тігіп жүрген мамандар қуанды. Бірақ қуаныштары ұзаққа бармады. Себебі, Үкімет бұл саладағы қызметкерлердің тең жартысын «ұмытып кеткен». Алматы облысындағы орманшыларда да осы жағдай. Қазіргі қымбатшылықта бұл ақша түкке де жетпейді. «Орманшылардың жалақысын өсіреміз» деген бастама айналып келгенде ұжымдарды екіге бөліп тастады. Біздің депутаттарға келген хатты Экология министріне жіберіп едім, сырғытпа жауап келді. Яки, «жалақысы өспеген мамандарға жергілікті бюджеттен қаржы қарастырылсын» деген. Бірақ жергілікті бюджетте аталған мақсатқа қаржы қаралмаған».

Ал, депутат Дәулет Мұқаев болса, жастарға тиімді баспана алуына жағдай жасау керектігін алға тартты. Кемі 10%-дық бастапқы жарнамен өздері тұрып жатқан баспанасын сатып алуға мүмкіндік беруді сұрады. Әйтпесе, талай мыңдаған жастың далада қалу қаупі бар.

ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Шындыққа тура қарасақ, баспанаға қаржы жинаудан, қымбатшылық қыспаққа алып күнкөріс мәселелі алдыңғы орынға шықты. Бұл бір. Екіншіден, жастар саясаты туралы заңға енгізілген өзгерістерге сәйкес, жастар санаты 29 жастан 35 жасқа дейін өсті. Сәйкесінше, үй алған жастар бүгін де жастар санатынан шықпады. 5 жылда балалы болған жастар қаншама? Шеттей бала-шағамен қайда бармақ? Ал, елде жастарға арналған бірыңғай мемлекеттік баспана бағдарламасы жоқ».

Сондай-ақ, депутаттар әбден тозығы жеткен вагондардың өзіне билет алу мүмкін емес екендігін алға тартып, теміржол саласын сынады. Айтуларынша, бүгінде теміржол паркінінің жартысынан астамы тозған күйде. Ал, жауапты мекеме әлі де ол вагондарды жаңартпақ емес. Жоспар бойынша тек алдағы 7 жылда ғана жаңа вагон сатып алу міндеті тұр екен.

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«2030 жылы қалған вагондар ескіріп, теміржол құрамы паркінің тозуы 55%-дан да асып кетпейтініне ешкім кепіл бола алмайды. Осындай кондиционері істемейтін, терезелері ашылмайтын, қабырғасында тарақандар жүретін, қазіргі уақытта тозығы жеткен вагондарға жаз мезгілінде билет сатып алу арман болды. Ал сәті түсіп билет тапқан бақытты жандарды вагон ішіндегі нағыз масқара күтіп тұрады. Жаз бойы халықтың жан айқайын әлеуметтік желіден әбден көрдік. Жыл сайын біз азаматтарымыздың ішкі туризмге деген қызығушылығының артып келе жатқанын көріп отырмыз».

Айта кетейік, бүгін төменгі палата депутаттары балалардың құқын қорғайтын заң жобасын жұмысқа алды. Бұл құжат Мемлекет басшысы Жолдауда айтқан кәмелетке толмағандарға қатысты жасалған зорлық-зомбылық бойынша жазаны күшейтуді көздейді.

https://www.youtube.com/embed/tVwCVYN0IAM?si=H0dK51kkd1fSTecp" 

Су болса,ну болады.Алматы облысына қарасты Балқаш ауданы Көкжиде ауылына көпшіліктің көптен күткен су арнасы іске қосылды. 40-жылдан бері құрғап кеткен канал, қайта қазылды. Ұзындығы 24 шақырымды құрайды.

Аудан орталығынан шамамен 68 шақырым жерде, алақандай ғана ауыл бар. ОлАқкөл ауылдық округіне қарасты Көкжиде елдімекені.Кеңес үкіметі тұсында шаруашылыққа қолайлы өлке болғандықтан жұртшылық осы жерде тіршілік жасап күн көрген.90-жылдардағы тоқырауда тоза бастады.Ауылдың ажары кетіп,жастар қалаға қарай ағылды.Десекте,туған жердің тұрмысын жақсартуға қол ұшын беріп жатқан жандар жоқ емес бар.Олардың бастамасымен ауқымды шаралар атқарылып жатыр.Бүгінде Көкжиде көші ілгері ауылдардың қатарына кірді.Халықтың игілігі үшін барлық инфрақұрылым көздері қарастырылған.

САБЫРЖАН НОҒАЙБАЕВ АҚСАҚАЛДАР АЛҚАСЫНЫҢ ТӨРАҒАСЫ:

40 жылға жуық жөндеу көрмеген жолдар жасалып,ауылдық ағайындардың еңсесі көтерілді.Жол бойында заманауи аялдамалар бой көтеруде. Жасыл-желек жаңартылып,жеміс ағаштары отырғызылған.Осының барлығына ауылдан шыққан нар тұлғалар арқау болып отыр.

БЕКЗАТ ОРЫНБАЕВ АҚКӨЛ АУЫЛДЫҚ ОКРУГІНІҢ ӘКІМІ:

Бірлік бар жерде, тірлік бар. Көкжиделіктер қуанып отырған тағы бір мәселе бар. Өздеріңіз көріп тұрған су арнасы қолына кетпен алып, арық қазған әкелердің маңдай терімен жасалған еді.Бірақ, көптеген жылдар өткен соң ауылға су келуін тоқтатқан.Өйткені құм басып,каналдың көзі бітелген. Ауылдық ағайындар әкімдіктен қаржы сұрап,тіршілік нәрінің қайта келуіне сұраныс жасаған.Канал қайта қазылып,сапалы жұмыс жүрді.Көпшілік көптен күткен су келді.

НЕСІПҚАЛИ БАЙЖІГІТОВ АУЫЛ ТҰРҒЫНЫ:

Ауыл арасынан ағып жатқан су, құрғақшылыққа тап болған көптеген елдімекендерді аралап,Іле өзеніне барып құяды.Су болса,ну болады.Тіршілік нәрін,ауыл азаматтары алдағы уақыттары егін шаруашылығына да қолданамыз деп білек сыбанып отыр.

https://www.youtube.com/embed/qzWqp_ZStlE?si=uymsBjDzaz2hWyb8" 

Сондай – ақ Қасым-Жомарт Тоқаев Сүлеймен Демирел атындағы университетке барды. Президент жоғары оқу орнының білім беру және ғылыми-зерттеу жұмыстарымен, сондай-ақ университетті одан әрі дамыту стратегиясымен танысты.

Университет ректоры Әлімжан Игенбаевтың айтуынша, мұнда 8500-ден астам студент оқиды. Олардың арасында Орталық Азия, Қытай, Ресей, Моңғолия, Индонезия секілді мемлекеттердің азаматтары бар. Сонымен қатар оқу ордасында 500-ге жуық профессор жұмыс істейді.

Мемлекет басшысына университетте қазақ тілі, Қазақстан тарихы, математика және IT салалары бойынша жобаларды жүзеге асыратын ғылыми-зерттеу институты мен орталықтар, ғылыми зертханалар жұмыс істейтіні туралы баяндалды. Бұдан бөлек, университет шетелдік 70 жоғары оқу орнымен байланыс орнатқан, сондай-ақ Erasmus бағдарламасына, академиялық ұтқырлық пен тәжірибе алмасуға қатысты басқа да жобаларға қатысады.

Қасым-Жомарт Тоқаев жас оқытушылармен, ғалымдармен, студенттермен әңгімелесу барысында білім беру жүйесіне озық әдістерді енгізу маңызды екенін ерекше атап өтті.

Инженерлік және жаратылыстану ғылымдары факультетінің студенттері Мемлекет басшысына «Формула Студент» инженерлік жарыс жобасы аясында өздері құрастырған автокөлікті көрсетті.

Мемлекет басшысы Қасым-Жомарт Тоқаев Сүлеймен Демирел атындағы университетке барған кезде Ангола азаматы, университеттің 4-курс студенті Ферейра Элиша Мемлекет басшысымен қазақ тілінде сөйлесті.

Мемлекет басшысы Алматы облысындағы Республикалық олимпиадалық даярлық базасына да ароалып көрді.

Туризм және спорт министрі Ермек Маржықпаевтың айтуынша,бүгінде атлетикалық манеж, мұз аренасын, көпфункционалды спорт залын, көркем және спорттық гимнастика залын, әкімшілік ғимараты мен қонақ үй салу жұмыстары аяқталды.

Сонымен қатар жүзу бассейнінің, жекпе-жек залының, спорттық атыс алаңының, трибуналары бар стадион мен садақ ататын орынның құрылысы аяқталып келеді.

Президент ТМД-дағы ең ірі спорт кешендерінің бірі саналатын инфрақұрылымды аралап көрді. Халықаралық стандарттарға сай бұл нысан 2300 спортшыға арналған.

Мемлекет басшысына аталған базаның бірегей ерекшелігі туралы айтылды:

Мұнда оқу-жаттығу сабақтарын, емдеу-сауықтыру шараларын, халықаралық және республикалық жарыстар өткізуге арналған 9 жабық спорт ғимараты орналасқан.

Бұдан бөлек, жеңіл және ауыр атлетика, волейбол, баскетбол, шағын футбол, шайбалы хоккей, коньки спорты, бокс, күрестің барлық түрлері, жекпе-жек өнері, су спортының түрлері, спорттық оқ ату, садақ ату секілді спорттың 23 түрі бойынша олимпиадалық резерв пен ұлттық құрама командаларын даярлау жоспарланып отыр.

Президентке атлетикалық манеж бен спортшыларға арналған қонақ үй көрсетілді. Қасым-Жомарт Тоқаев спортшылармен әңгімелесті. Президент бұқаралық және балалар мен жасөспірімдер спортын дамыту маңызды екенін атап өтті.

Кездесу соңында Мемлекет басшысы жас спортшыларға жаңа жеңістер тіледі.

https://www.youtube.com/embed/I7fiMkqLO6s?si=6bb9ypdVOQjDTyoY" 

Президент Қасым-Жомарт Тоқаев Алматы облысына жасаған іс сапары барысында Қонаев қаласының Бас жоспарымен танысты.

«Урбостиль» ЖШС директоры Любовь Нысанбаева Мемлекет басшысына облыс орталығының аумағы 2050 жылға қарай 19 мың гектарға ұлғайып, халық саны 200 мың адамға жетеді деген болжам жасалып отырғанын айтты.

Қаланы дамыту және жаңа мәдени-қоғамдық орталық салу үшін «Жаңа-Іле» алаңы таңдалып алынды. Онда әлеуметтік-тұрмыстық, мәдени, тұрғын үй, білім беру және рекреациялық нысандар салу көзделген.

Жүйе құраушы кластерлер мен кәсіпорындарда 20 мыңнан астам жұмыс орнын ашу жоспарланып отыр. Бұл 30 мыңнан астам адамды жұмыспен қамтитын көптеген шағын және орта бизнес субъектісінің құрылуына ықпал етеді.

Алматы облысының әкімі Марат Сұлтанғазиев Мемлекет басшысына қоғамдық жағажайды абаттандыру жобасын таныстырды.

Әкімнің айтуынша, бірегей жобаның – ұзындығы 1000 метр болатын су променадының құрылысы басталады. Оны алдағы уақытта 3000 метрге дейін жеткізу көзделген.

Кездесу барысында облыс басшысы өңірді цифрландыру мәселесіне ерекше назар аударды.

Президентке 67 әлеуметтік нысанды жоғары жылдамдықпен жұмыс істейтін интернетке қосу жобасының жүзеге асырылуы, сондай-ақ 5G жобасын одан әрі іске асыру үшін жалпы ұзындығы 104 шақырым талшықты-оптикалық байланыс желісінің төселуі жөнінде мәлімет берілді.

Қаладағы қоғамдық қауіпсіздікті үздіксіз мониторинг жасау мақсатында 412 бейнебақылау камерасы орнатылып жатыр. Алматы облысының мектептерінде қауіпсіздіктің интеграцияланған жүйесін құру аталған бастамалардың маңызды бөлігі саналады.

Жоба аясында облыстың 125 мектебіне Жедел басқару орталығына қосылған 4 мың камера орнатылады. Бұл платформа ықтимал қауіптерге қарсы жылдам әрекет етуге және қолайлы білім беру ортасын құруға мүмкіндік береді.

Мемлекет басшысы қызанақ пен көшет өсіруге маманданған «Lst Agro» ЖШС жылыжай кешенін аралап көрді.

Жылыжай кешенінің жалпы аумағы – 7 гектар. Онда жылына 3650 тонна қызанақ өсіріледі. Кешенге 5,2 миллиард теңге көлемінде инвестиция құйылған. Мемлекеттік қолдау шаралары «Даму» қоры арқылы көрсетіледі.

Президентке кәсіпорында тамшылатып суару, тұмандату және көмірқышқыл газын өндіру жүйелері жұмыс істейтіні туралы баяндалды.

Жылыжай кешеніндегі суару құралдарын, климаттық және энергетикалық жабдықтарды басқару жүйесі толығымен автоматтандырылған, сондай-ақ ол арнайы компьютерлік бағдарлама көмегімен жүзеге асырылады. Мұнда суды тазартудың заманауи технологиясы да енгізілген.

Қызанақ өсірудің озық голландтық әдісінің нәтижесінде компания өнім көлемін бірнеше есе ұлғайтып, сапасын жоғарылатуға қол жеткізді. Өнімнің басым бөлігі экспортталады.

Кешенді аралап көрген Мемлекет басшысы өндірілетін өнім түрлерімен танысып, жаңа жұмыс орындарын ашу және азық-түлік қауіпсіздігін сақтау үшін осындай инвестициялық жобаларды іске асыру маңызды екенін атап өтті.

Қасым-Жомарт Тоқаев ауыл шаруашылығы тауарлары мен құрылыс материалдарын өндірушілердің көрмесіне барды.

Көрмеге аграрлық сала бойынша ет, құс, сүт және балық өнімдерін өңдеу кәсіпорындарының, сондай-ақ шырын, сусын өндірушілердің, көкөніс және жеміс өңдеушілердің тауарлары қойылды.

Мемлекет басшысы шаруалармен әңгімелесу барысында өңірдің климаттық жағдайы мен мегаполиске жақын орналасуы бұл салаға инвесторлар тартуға зор мүмкіндік беретінін атап өтті.

Президенттің айтуынша, өңірде ерекше бағыт – түйе шаруашылығы қарқынды дамып келеді және аталған сала экспорт үшін зор әлеуетке ие.

Президентке отандық құрылыс материалдарының көптеген түрі көрсетілді.

Қазақстанда өнеркәсіптік және азаматтық нысандар құрылысының толық циклін қамтамасыз ететін тауарлар өндіріледі.

Атап айтқанда, көлденең желімделген ағаш, құрама темірбетон және бетон құрылғылары, автоклавты газоблоктар, талшықты цемент плиталары мен шыны мақта, құрғақ құрылыс қоспалары мен әрлеу материалдары, бояулар мен жабындылар, алюминий профильдері, панельдер, диодты шамдар, есік тұтқалары және басқа да өнімдер шығарылады.

Мемлекет басшысы құрылыс саласының жай-күйі туралы айта келе, аталған саланы экономиканы дамытудың қозғаушы күші ретінде атап өтті. Көрмеге 20-дан астам қазақстандық тауар өндірушілердің, соның ішінде «Шин-Лайн» ЖШС, Dinara Group агрохолдингі, «Дәулет-Бекет» ЖШС, «ПК Алтын Таға» ЖШС, «Фирма-Бент» ЖШС, «Кнауф Гипс Қапшағай» ЖШС және басқа да ірі компаниялардың өнімдері қойылды.