https://www.youtube.com/embed/R2KaUwkWdq8?si=6pUAm0EJ6C-y1sqc" 

Мысыр, Синай түбегінің оңтүстігінде және Қызыл теңіз курорттарында туризм индустриясын қолдау бағдарламаларын жасай бастады.

Елдің туризм министрі Израиль мен Газадағы Хамас  арасындағы соғыстан   саланың зардап шеккенін айтады.

АХМЕД ИССА – МЫСЫРДЫҢ ТУРИЗМ МИНИСТРІ:  "Әзірге бұл аймақ бойынша турларды сатып алған клиенттерге әсер етуде, себебі Израильдегі туристік сектор іс жүзінде жабылды. Дәл осы жерде біз айтарлықтай әсерді көріп отырмыз. Жалпы алғанда бұл Мысырдағы брондаулардың ортақ  санының 10% -ына әсер етті".

Туризм - Египет үшін  шетел валютасының негізгі көзі. Биылғы жылы Мысыр елі осы  саладан 13 миллиард доллардан астам табыс тауып, 15 миллион келушіге қол жеткізуге үміттенеді.Бұл ретте, S&P Global рейтингтік компаниясы дүйсенбі күні туризмдегі қақтығыс салдарынан құлдырау елеулі проблемалар тудыруы мүмкін деп ескертті. Әсерін Ливан мен Иордания да сезінуі мүмкін, себебі саяхатшылар Таяу Шығыс пен Солтүстік Африкада демалысты кейінге қалдырады немесе тоқтатады. 

АХМЕД ИССА - ТУРИЗМ МИНИСТРІ: "Адамдар геосаясатты және Қызыл теңіз курорттарының өңірде болып жатқан оқиғалардан алыс екенін түсінеді. Желтоқсаннан ақпанға дейінгі маусымда біз тағы да брондау санының айтарлықтай артқанын байқаймыз ".

Көмек туралы айтар болсақ,  Мысыр Шарм-әл-Шейхқа әрбір рейс үшін 500 доллар көлемінде қосымша жеңілдіктер ұсынады. Ол сондай-ақ әуе жолдарымен  көтерме және бөлшек сауда сатушыларымен тығыз қарым-қатынаста. Шарм-эль-Шейх Газа аймағымен шектесетін Синайдың жерорта теңізі жағалауынан оңтүстікке қарай 360 шақырым жерде орналасқан.

https://www.youtube.com/embed/4U_3qJr0tY4?si=_CAwfS4ojbs9N8Aq" 

Бизнесті қолдау емес, онда қызмет ететін жұмысшылар өмірін қорлау болып отыр. Осылай деген мәжіліс депутаттары бизнес жүргізу мәселелері бойынша заңға дереу өзгеріс енгізу керек деп санайды. Себебі, мараторий соңы өндірістегі қанша адамның өліміне әкелді дейді. Бүгін төменгі палата депутаттары аталмыш заңға енетін өзгерістер мен толықтыруларды бір ауыздан мақұлдады. Сонымен кәсіпкерлерді тексеруге арналған мараторий қашан толық алынады? Тексеріс жүргізу тәрбітіне қандай өзгерістер енеді? Халық қалаулылары неге министрлер жауабына қанағаттанбайды? Толығарақ алдағы бейнесюжетте.

Кәсіпкерлік туралы заң бизнесмендердің ғана емес депутаттардың да ерекше назарына ілікті. Бизнесті тексеруге салынған тыйым соңы келеңсіз жайттарға әкелгенін халықтың да көзі көрді. Әсіресе, сапасыз өнімдерден уланған жағдайлар жиілеп кеткені мәжілісмендердің ашуын тудырды. Депутат мұндай жағдай тіркелсе,  кәсіпкер қандай жазаға тартылады деп Денсаулық сақтау вице-министрінен сұраған еді. Алайда ол, мардымды жауап бере алмай, жауаптың орнына баяндама оқып кетіп сөз естіді. 

ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ: «Сізге сұрақ қойылды, сіз баяндама оқып кеттіңіз. Жазбаша жауап беріңіз».

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Біздің министрлер мен олардың орынбасарлары дайындықсыз келеді екен. Біреуі баяндама жасап, жауапты оқып отыр. Екіншісі жалпылама әңгіме айтады. Бұл бірінші рет емес, бірнеше рет қайталанып отыр. Депутаттар нақты сұрақ қояды, бірақ нақты жауап жоқ. Біз қайта-қайта сұрап, нақтылаймыз. Бұлай болмауы керек қой».

Бизнесті қорғау емес, бұл нағыз адам өмірін қорлау деген депутат Еділ Жаңбыршин жауапты министрліктен өндірістегі қауіпсіздікті ерекше бақылауға алуды сұрады.

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Өздеріңіз жақсы білесіздер, біз бизнесті қолдауымыз керек. Оған әңгіме жоқ. Бірақ біз қолдаймыз деп, көптеген мәселені бүлдіріп алдық. Біріншісі, Екібастұздағы жағдай. Екіншісі, МАЭК-тегі жағдай. Кешегі Қарағанды облысындағы шахтадағы мәселелер. Бұл бүкіл өндірісте үлкен проблема. Неге? Біз олардың барлығын қорғап, бизнесті дамытады деп, тексеруді прокуратура органдары арқылы реттеп қойдық. Қазір бірде-бір өндірістік қауіпсіздігі, экологиялық қауіпсіздік мәселесі болсын, кіре алмайды. Олардың қолдары байланған. Заңмен байлап қойып отырмыз. Ал оның арты адам өліміне әкеліп жатыр».

ӘЛІБЕК ҚУАНТЫРОВ ҚР ҰЛТТЫҚ ЭКОНОМИКА МИНИСТРІ:

«Әрине осындай қауіптер бар. Бізге тиісті балансты табу керек. Жағдайларды жеңілдетіп жатырмыз. Жалпы жүктеме жүйесін жеңілдетіп жатырмыз».

 Ал, келесі жылы бизнесті тексеруге арналған мараторий аяқталса, қайта бұрынғыдай «бармақ басты, көз қысты»  әрекетке салмаймыз ба деп алаңдаған депутат Ринат Зайытов жауапты министрліктен тексерісті мүмкін автоматтандыру керек шығар деп өз ұсынысын айтты.

 РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«2024 жылдан бастап мараторий аяқталады деп отыр. Олар қазір екі көзі бақырайып, бізді қайта тексере бастайды деп қорқып отыр. Тексеру қалай болатынын білесіз. Анау келіп бір пара сұрайды, мынау келіп бір пара ұстайды. Ауылды жерлерде малды бағады, етін сатайын десе оны дұрыс бағамен сата алмайтынын білесіз. Не тері өңдей алмайды, не жүн өңдей алмайды, я болмаса ет өнімдерін өңдеп сата алмайды. Осы бағытта қандай бағдарламаларыңыз бар және ол қашан басталады?»

ӘЛІБЕК ҚУАНТЫРОВ ҚР ҰЛТТЫҚ ЭКОНОМИКА МИНИСТРІ:

«Тексерулер тек қана автоматтандырылған, жасанды интеллектпен адамның қатысуынсыз анықталатын кестесі жасалады. Сол себепті осындай физикалық тексерулер жайдан-жай белгіленбейді. Болжамымыз бойынша осындай тексерулер екі есе қысқартылады. Бағаларды және ет сапасын, ауыл шаруашылығының басқа өнімдер сапасын тексеру керек. Қазіргі таңда Кәсіпкерлік кодексте мемлекеттік органдардың, әкімдіктердің тиісті тексерулерді жүргізуге мүмкіндігі бар».

Сонымен бүгін Мәжілісте бизнес жүргізуді жеңілдететін заң жобасы мақұлданды. Бұл заңға енген өзгерістер бизнеске деген жүктемені азайтуға, жұмыстың ашықтығына, жемқорлық тәуекелдерді төмендетуге септігін тигізеді деген сенім бар. 

https://www.youtube.com/embed/FiDlORiCiFM?si=O575WM9M4jAF58eG" 

Кениядағы масаи тайпасының әйелдері қауіпті кактустардың өзінен пайда таба алды. Инвазивті опунцияларды осында отарлаушылар өткен ғасырдың басында әкелген.

Жергілікті тұрғындар кактустарды тірі қоршау ретінде пайдаланып келеді. Жері құнар берсе көбеюге бейім өсімдік барлық жерге тараған. Фермер Наймаду Сиранга опунция салдарынан жүзден астам қой мен ешкісін  жоғалтты.

НАЙМАДУ СИРАНГА – ФЕРМЕР:  "Олар опунция ішіп, ауыз қуысын жарақаттады. Содан кейін ауыр диарея басталып, мал қырылып қалды.  Мен көп шығынға баттым".

Опунцияның жемісі жеуге жарамды. Бірақ олар тікенектермен қоршалған. Бұл мал үшін қауіпті. Тіпті пілдер де зардап шегуі мүмкін.

ТОМ СИЛЬВЕСТР - «ЛОИСАБА» ҚОРЫҒЫНЫҢ ДИРЕКТОРЫ:  "Жас пілдердің ішегі сезімтал. Тікенектер шырышты қабыққа зақым келтіріп, диареяны, кейде тіпті тітіркенуді де тудыруы мүмкін ".

Опунция жерді өсімдіктердің жергілікті түрлерінен де алады. Кактустар кенептің тамырын жойып жібере жаздаған.   Олардан биогаз жасайды. Оны тұрмыстық қажеттіліктер үшін пайдаланады. Жемісті жергілікті фабрика сатып алады.

РОЗМАРИН НЕНИНИ – МАСАИ ТАЙПАСЫНЫҢ ӘЙЕЛІ:  "Жергілікті қауым бізге 16 гектар жер бөлді, біз бұл учаскеде табиғи ресурстарға иелік ете аламыз. Бізде кактустардан биогаз жасау, ал жемістерді сату және табыс алу идеясы пайда болды. Бұл ақша балалардың оқуын төлеуге мүмкіндік береді ".

КҮКІРТ ВАНГАРЕ – ФАБРИКА ҚЫЗМЕТКЕРІ:"Біз оларды жуамыз, ұсақтаймыз және кептіретін тұқымды жемістерден бөлеміз. Олардың ішінен май жасап, оны опунция жинаушыларға береміз. Олар майдан косметика, душқа арналған гельдер және денеге арналған лосьондар шығарады. Ал жеміс-жидектерден біз шырын және жем жасаймыз ".

Опунцияны жинаумен 200   әйелден тұратын топ айналысады.

https://www.youtube.com/embed/D4XikUSzdCk?si=jGyaX93RiV6eI9Xp" 

Жамбыл облысы Байзақ ауданы Нығметулла Киікбаев атындағы орта мектеп асханасынан тамақтанған 48 бала мен ересек уланды. Ауданның орталық ауруханасына жатқызылған 35 адамның жағдайы орташа, тұрақты деп бағалануда.

Аудандық ауруханаға Нығметулла Киікбаев атындағы мектеп-гимназия оқушылары мен ұстаздары әлсіздікке, құсуға шағымданған алғашқы өтініші 7 қараша күні түстен кейін тіркелген. Бас дәрігердің айтуынша, түнгі сағат 23:00-ге дейін өтініш білдіргендердің жалпы саны – 48 адамға жеткен. Олардың екеуі мұғалім қалғаны бала. 35 адам ауруханаға жатқызылды, қазір жағдайлары орташа, тұрақты.

ЖАНДОС РЫСҚҰЛОВ ЖАМБЫЛ ОБЛЫСЫ БАЙЗАҚ АУДАНДЫҚ АУРУХАНАСЫНЫҢ БАС ДӘРІГЕРІ: «Ауруханаға жатқызылғандарға детоксикация терапиясы жүргізілді. Антибиотиктік емдеуді қажет етпейтін 13 адам медициналық кеңес алғаннан кейін амбулаторлық емдеу және үйден бақылау үшін қайтарылды. Науқастардың айтуынша, олар мектеп асханасында күріш жеп, шырын ішкен. Тиісті анализдер алынды».

Қазір мектеп-гимназиясын тамақпен қамтуға жауапты ЖК «Тоқсейітовтің» жұмысы мән-жайлар нақтыланғанға дейін тоқтатылды. Мектепте оқшауланған, бактериологиялық зерттеу шаралары жүргізіліп жатыр.

НҰРЖАН ҚАЛЕНДЕРОВ ЖАМБЫЛ ОБЛЫСЫ ӘКІМІНІҢ ОРЫНБАСАРЫ: «Тоқсейітов» жеке кәсіпкер облыс бойынша 82 мектепке қызмет көрсетіп, 25 мыңнан астам баланы тамақтандырады. Зерттеу жұмыстары аяқталғанан кейін жауапты адамдардың жауапкершілігі қаралатын болады».

Жалпы практика дәрігерлерінен, педиатрдан, учаскелік медбикеден тұратын 17 мобильді топ 205 ауланы аралап, осы күні оқу орнының асханасына келген қалған оқушыларына тексеру жүргізілді.Тексеру қорытындысы бойынша олардың жағдайы қанағаттанарлық, шағымдар мен ауру белгілері жоқ.

 ГҮЛБАХРАМ  ЕРМЕКОВА МЕКТЕП ДИРЕКТОРЫ: «Түнде 17 бригададан құрылған топ, оқушылардың үйін аралап шықтық. Олардың арасында суықтап қалған балалар болды. Дәрігерлер бәріне дәрісін беріп, емханаға баруға кеңес берді. Сол балалардың ата-аналары бүгін  оқушыларды емханаға алып кетті. Қалған оқушы сабақта. Кеше 437 бала тамақтанған еді».

Жаппай улануға қатысты қылмыстық іс қозғалып, сотқа дейінгі тергеу басталып кетті.

https://www.youtube.com/embed/yl4tIBeH4cM?si=jNbqgQNEWcTDsA34" 

«ТМД елдерінде білім беру жүйесін дамытудың халықаралық Қоры» елімізде инклюзивті білім беруді іске асыратын педагогтар үшін біліктілікті арттыру курстарын өткізуді.Айтулы шараны Алматы қалалық әкімдігі мен білім басқармасы қолдап отыр.Енді жалпы білім беретін мектептерде инклюзивті практиканы ұйымдастыру және енгізу бойынша мұғалімдер,психологтар,логопедтер мен арнайы педагогтардың кәсіби құзіреттіліктері артатын болады.Сонымен қатар ерекше білім беруді қажет ететін балаларға жағдай жасалып,жұмыс сапасын арттыру басты назарда болмақ.

ЗӘУРЕШ ЕРМЕКҚЫЗЫ «ТМД ЕЛДЕРІНДЕ БІЛІМ БЕРУ ЖҮЙЕСІН ДАМЫТУДЫҢ ХАЛЫҚАРАЛЫҚ ҚОРЫНЫҢ» ДИРЕКТОРЫ

Ерекше білім беруді қажет ететін балаларға инклюзивті бағытта кадр даярлауды мақсат еткен курста отандық мамандардан бөлек,Беларусь мемлекеттік педагогикалық университеті мен сондай-ақ өзге де шетелдік сарапшылар теориялық және практикалық тұрғыдан тәжірибиелерімен бөлісуде.

ӘСЕМ СЕЙІТОВА АЛМАТЫ ҚАЛАЛЫҚ №82 МЕКТЕПТІҢ ДИРЕКТОРЫ

ТАЛҒАТ ҚАЗЫБАЕВ АЛМАТЫ ҚАЛАЛЫҚ №117 ЖАЛПЫ БІЛІМ БЕРЕТІН МЕКТЕПТІҢ ДИРЕКТОРЫ

https://www.youtube.com/embed/2r2GUxLP204?si=tYQuaDhvaeA2ZjOy"

Ақмола облыстық экономикалық тергеу департаменті 14 ойын терминалдарының көзін жойды. Олардың бәрі Ақмола облысының аумағында көлеңкелі бизнеспен айналысқандардан тәркіленді. Жыл басынан бері осындай жолмен заңсыз пайда көргісі келгендердің жолы кесіліп, 3 қылмыстық іс қозғалды. Айта кету керек, бұл ойын терминалдары жедел тергеу шараларының барысында алынды. Арнайы рұқсат құжаттары жоқ.Құмар ойын орындарын заңсыз ашқандарға немесе кәсіпкерлік қызметті ұйымдастырғандарға Қылмыстық Кодекстің 307-ші бабына сәйкес жаза қарастырылған. Аталған бап бойынша 2 жылдан 7 жылға дейін бас бостандығынан айыру жазасы тағайындалуы мүмкін. 

АЯГӨЗ ҚАШАПОВА АҚМОЛА ОБЛЫСТЫҚ ЭКОНОМИКАЛЫҚ ТЕРГЕУ ДЕПАРТАМЕНТІ ТЕРГЕУ БАСҚАРМАСЫНЫҢ АҒА ТЕРГЕУШІСІ:

«Біздің департамент Көкшетау қалалық мамандандырылған тергеу сотына өтінішхат жолдаған еді. Онда сотқа дейінгі тергеу сатысында заттай айғақты сату туралы мәлімделген. Атап айтқанда тәркіленген 14 ойын автоматы қондырғысын металл қабылдайтын орынға тапсыру ұсынылған. Өйткені, қылмыстық іс аяқталғанша айғақты ұзақ сақтау біршама материалдық шығынға әкеледі. Судьяның қаулысына сәйкес, заттай айғақты металл қабылдау орнына тапсыру арқылы сату ұйғарылды. Оны кейін тағы заңсыз айналымға пайдаланбас үшін  механикалық күш қолданып барып, тапсыру жүзеге асырылды».

https://www.youtube.com/embed/NJKcRTnt-WY?si=SwpClAf-SP_Bqalg" 

https://www.youtube.com/embed/H9H9rlPBwDo?si=SWLpwn3qjXM_jbqR" 

Биыл қазақстандықтар наннан тарықпайды. Жаз бен күзде шаруаларды ауа-райы біраз әбігерге салғаны анық. Десе де, жиналған астық ішкі нарықты толықтай қамтамасыз етуге жетеді. 

АЙДАРБЕК САПАРОВ ҚР АУЫЛ ШАРУАШЫЛЫҒЫ МИНИСТРІ: «Ауа-райының қолайсыздығына қарамастан, жалпы жиналатын астық 16 млн тоннаны құрайды, 3 млн тонна былтырдан қалғанын ескерсек, бұл өнім елді ұн, май, макарон өнімдерімен толық қамтамасыз етуге жеткілікті».

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Биыл еліміздің егіншілері үшін өте қиын жыл болды. Жаздың аптап ыстығы мен құрғақшылықтан алқаптағы егін қатты зардап шекті. Одан кейін тамыздан бастап осы күнге дейін үздіксіз жауған жауын-шашын астықтың сапасы мен түсімін төмендетіп жіберді. Қолайсыз ауа-райы диқанға да, техникаға да қолбайлау болды. Егін орағы ұзаққа созылып кетті. Элеваторларға түскен бидайдың 40%-ке жуығы ешқандай класқа жатпайды. Алайда, қазақстандықтар биыл наннан тарықпайды».

Ұн мен макарон өнімдері өзіміздікі болғанмен, өсімдік майы жетпеуі мүмкін. Себебі, жергілікті атқарушы органдар заманауи суару технологияларын дұрыс ұйымдастыра алмай келеді деді Үкімет басшысы. Сондықтан, Әлихан Смайылов әкімдерге еліміздің құбылмалы климатына бейімделген жергілікті сорттарды өсіруге ерекше көңіл бөлуді тапсырды.

https://www.youtube.com/embed/_3zW251WRMM?si=qiYIWtrfJAdSHvw9" 

Бүгін Мемлекет басшысы Қасым-Жомарт Тоқаев  Әл-Фараби атындағы ҚазҰУ ректоры Жансейіт Түймебаевты қабылдады. Президентке университеттегі маман даярлау ісінің, ғылыми-зерттеу жұмыстарының нәтижелері туралы баяндалып, келесі жылы 90 жылдығын атап өтетін жоғары оқу орнының стратегиялық даму жоспары таныстырылды.Жансейіт Түймебаевтың айтуынша, қазір университетте жалпы құны 8,1 миллиард теңге болатын 400 ғылыми жоба іске асырылып жатыр.

ЖАНСЕЙІТ ТҮЙМЕБАЕВ ӘЛ-ФАРАБИ АТЫНДАҒЫ ҚАЗҰУ РЕКТОРЫ

https://www.youtube.com/embed/XvHf57Yu8g0?si=7XNkjZGWQK1R8QC0" 

Жыл сайын күзде тырналар Солтүстік Еуропадан Венгрияның Хортобадь ұлттық саябағындағы батпақ арасында басқа құрлыққа ұзақ ұшу алдында демалып, күш жинайды.Африкаға ұшуы тиіс  200 мыңға жуық тырналар әзірге Венгрияда қалуды ұйғарған.

АТТИЛА СИЛАГИ «ХОРТОБАДЬ» ҰЛТТЫҚ САЯБАҒЫНЫҢ ҚЫЗМЕТКЕРІ:
«Мұнда келген құстардың қарасы қалың. Бұған дейін рекорд болып 2018 жылы 160 000 құс келген. Ал биыл олардың түрлері көп. Біз 194 мыңды санадық».

Тырналар Хортобадь саябағында қыркүйектің ортасынан қазан айының соңына немесе қарашаның басына дейін демалатын. Бірақ биыл олардың жолға шығатын түрі жоқ. Үстіміздегі жылы аймақта Қазан айы ерекше жылы болды – температура тіпті 20 градустан жоғары көтерілді. Егіннен кейін егістікте жүгері көп, сондықтан құстардың қорегі мол.

АТТИЛА СИЛАГИ «ХОРТОБАДЬ» ҰЛТТЫҚ САЯБАҒЫНЫҢ ҚЫЗМЕТКЕРІ::
«Тағы бір жағдай – оңтүстік желдері. Сондықтан тырналардың оңтүстікке барғысы келмейді, өйткені мұнда азық-түлік пен ауа-райы жақсы».

Саябақ күзетшілері тырналардың қашан кететінін әзірге айта алмайды. Тіпті  олар қыста қалуы да мүмкін.

АТТИЛА СИЛАГИ «ХОРТОБАДЬ» ҰЛТТЫҚ САЯБАҒЫНЫҢ ҚЫЗМЕТКЕРІ:
«Бұл климаттың өзгеріп жатқандығынан екені сөзсіз. Венгрияның оңтүстік шекарасында қыстайтын тырналарды жиі көреміз».

Тырналар тұқымдасына 15 түр кіреді. Кейбіреулері белгілі бір аймақта тұрақты өмір салтын ұстанады. Ал солтүстікте тіршілік ететіндері күзде оңтүстікке қоныс аударып, сонда қыстайды. Тырналар Антарктида мен Оңтүстік Америкадан басқа барлық континенттерде кездеседі.

https://www.youtube.com/embed/epxXvgwVnBU?si=56z6t9fO7PsuChNU" 

Қызылорда қаласының іргесінде орналасқан саяжай тұрғындары өздері мекен еткен аумақтың түйіткілді проблемаларын көтерді. Жол, жарық, жылу, байланыс желісі, ауыз су  мәселелерімен облыс әкімінің орынбасары Мейрамбек Шермағанбет пен шаhар басшысы Асылбек Шаменов саяжай тұрғындарымен кездесті.

«Эдельвейс» саяжайында 1000-ға жуық халық тұрады. Бұл аумақты инженерлік инфрақұрылыммен қамту жұмыстары аясында 2021 жылы «Эдельвейс» және «Өркендеу» саяжайларының кіреберіс жолына жарық бағаналары орнатылған. Ал, өткен жылы 4,6 шақырым жерге электр желісі тартылған. Тұрғындар кездесуде жол, газ және жарықтандыру мәселелерін көтерді. 

«ЭДЕЛЬВЕЙС» САЯЖАЙЫНЫҢ ТҰРҒЫНЫ

АСЫЛБЕК ШАМЕНОВ, ҚЫЗЫЛОРДА ҚАЛАСЫНЫҢ ӘКІМІ 

Келесі кездесу «Еңбек» саяжайында жалғасты. «Еңбек» саяжайы «Игілік», «Өркендеу» саяжайларынан құралған. Мұнда 700-ге жуық халық тұрады. 2021 жылы 2 шақырымдық 4 көшеге қиыршық тас төселген. Жұмыстар өткен жылы да жалғасын тауып  электр және  ауыз су желісі жүргізілді. Дегенмен, тұрғындарды толғандырған бір емес үш мәселе бар. Ауыз судың сапасы сын көтермейді. Сонымен қатар, жол мен жылу да өзекті мәселеге айналған.

«ЕҢБЕК» САЯЖАЙЫНЫҢ ТҰРҒЫНЫ

Ал, Тасбөгет кентіне қарасты 4000-нан астам тұрғыны бар «Сабалақ» саяжайында электр, ауыз су мәселесі толығымен шешімін тапқан. Аумақта ұзындығы 4,7 шақырымды құрайтын 3 көшеге  асфальт төселген. Биылдың өзінде аталған аумақта 16,5 шақырым болатын негізгі 18 көшеге қиыршық тас төселген. Сабалақтағы ағайындардың ең өзекті бас ауыртар мәселесі көгілдір отын. Қала әкімі Асылбек Шәменовтің айтуынша табиғи газ желісін тартудың жоба-сметалық құжаттары әзірлену үстінде.

ИНТЕРШУМ: «САБАЛАҚ» САЯЖАЙЫНЫҢ ТҰРҒЫНЫ

Кездесуге құқық қорғау органдарының, жауапты салалардың басшылары да қатысты.  Облыс әкімінің орынбасары Мейрамбек Шермағанбет, қала әкімі Асылбек Шаменов саяжай тұрғындары көтерген мәселелерді қарап, арнайы жұмыс жоспары әзірленетіндігін және түйткілді мәселелер кезең-кезеңімен шешімін табатындығын жеткізді. Аталған жұмыстардың шешімі уақыт еншісінде.

https://www.youtube.com/embed/9BT5LJfSN4g?si=-4SQHxI1Y2LOCqf0"

Түтінсіз өнімдерді тұтынатын жастар қатары күрт артқан. Әсіресе 18 бен 30 жас аралығындағы жасөспірімдердің басым көпшілігі «айкос», «вейп» сынды электронды темекі шегеді. Олардың саны күн санап көбеюде. Сондықтан, бұл мәселені үкімет өзі реттеуі керек, электронды темекі болсын,  басқа да түтінсіз құрылғыларды болсын сатуға сертификат талап етілуі қажет дейді мамандар.Сондай-ақ олар, 21 жасқа толмаған тұтынушыларға онлайн сатуға тиым салыну керек және қаптамаларында «құрамында никотин бар, ол тәуелділік тудырады» деген жазуы болу керек деп санайды.

АЗАТ МҰХАМЕДИЕВ «СТРАТЕГИЯ» ҚК ЖОБАЛАРЫНЫҢ ҮЙЛЕСТІРУШІСІ: «Никотин бар, сізде тәуелділік тудырады десе, адам тартынуы мүмкін. Никотин аз темекіге қарағанда, бірақ ұзақ қолдансаңыз тіуелділік тудырады деген сөз тұрса ол адам тартынуы мүмкін. Себебі, темекі шегу ол тәуелділік. Мен ешкімді лоббировать етіп жатқан жоқпын. Тиым салу да емес әңгіме, мемлекет тарапынан осы өнімдерді шектеу механизмдерін енгізу керек. Себебі, біз көріп отырмыз 10 жыл бұрынғы зерттеумен бүгінгі зерттеуде ешқандай айырмашылық жоқ. Демек, 10 жыл аралығында темекіге қарсы заңның дәрменсіздік жоқ. Құр тиым сала берумен мәселе шешілмейді.