- Толығырық
- Категория: Алатау ақпараты
- 119 рет қаралды
https://www.youtube.com/embed/fmbCdJLgtv4?si=cjm0RpAMPSxb91op"
Маңғыстау облысы, Сайөтес ауылында апатты күйде тұрған екіқабатты 15 үй жөнделіп жатыр. Маңғыстау ауданы әкімдігі жариялаған мемлекеттік сатып алу конкурсын жергілікті құрылыс компаниясы ұтып алған болатын. Жоба құны 180 млн теңгені құрайды. Мердігер ескі үйлердің қасбетін жаз аяқталғанша жаңалауға тиіс.
Ұзақ жылдар бойы жөндеу көрмеген бұл баспаналардың бірінде Шапай Байболатов отбасымен тұрып жатыр. Жаңбыр жауса болды төбеден сорғалайтын сумен арпалысқаннан да әбден қажыған. Жөндеу жұмыстарының қолға алынғанына тұрғын қуанышты.
ШАПАЙ БАЙБОЛАТОВА ТҰРҒЫН: «Бұл үйде әуелден теміржолдың үйі ұқсаған шифері жоқ болды. Үсті тек битуммен жабылған. Битум ол тозады. Тесігін бітейміз, оның басқа жерінен жарылады. Қыстың аязы мен жаздың ыстығымен. Сонымен сол бітегенімізден пайда болған жоқ».
Бұл үйлердің жертөлесінің де жағдайы мәз емес. Кәріз, жылу және су құбырларына да қаржы салуды талап етеді. Ауыл әкімінің сөзінше, оған бөлек конкурс жарияланады. Бір мәселе бұрын теміржол, мұнай тасымалдау мекемелеріне тиесілі болған баспаналардың құжаты жоқ. Жауапты мамандар мәселе оң шешілетінін айтты.
САЛТАНАТ ДӘЛУОВА МАҢҒЫСТАУ ОБЛЫСЫ САЙӨТЕС АУЫЛЫ ӘКІМІНІҢ МІНДЕТІН АТҚАРУШЫ:«Қалған жағы алдағы уақытта еншісінде деп есептейміз. Өйткені қазір тендер дейміз ғой. Жеңімпаз әзірге осыған келісіп тұр. Қаржының бөлінуіне, өзінің мүмкіндігіне қарай. Қасбеті жөнделгесін сұраныс бойынша подъезді де қосып отырмыз. Соған келісіп, осы 15 үйді жасауға жұмыстанып жатыр».
ЕРШАТ ЭЛЬБРУС МЕРДІГЕР МЕКЕМЕ ӨКІЛІ: «18 үйдің 8-ін аяқтадық. Қазіргі таңда 5 үй жасалып жатыр. Қыркүйекке дейін мерзіміміз бар. Мерзімге дейін аяқталатынына кепілдік береміз. Үйдің сырт келбеті, яғни фасады, сосын шатырының ағашы металочерепицаға түгел ауысады».
Дәл осындай жағдайдағы 3 үй биыл сүріледі.Тұрғындарға уақытша панажай табуға кеңес берілген. Жоспар бойынша алдағы уақытта жер телімі бөлініп, жаңа баспаналар салынады.
- Толығырық
- Категория: Алатау ақпараты
- 126 рет қаралды
https://www.youtube.com/embed/gs-Qhz6AcDk?si=hZcPIQQddm0-djRN"
- Толығырық
- Категория: Алатау ақпараты
- 191 рет қаралды
https://www.youtube.com/embed/lPrc4zdc_e8?si=59tLuyGqsS65_Kcr"
Алматы облысында қазақ күресінен «Алатау арланы» турнирі өтті. 9 аудан мен Қонаев қаласынан 28 балуан қатысқан аймақтық жарыс, Астана күніне орай елордада өтетін «Қазақстан Барысы» республикалық турниріне іріктеу кезең болып табылады. Боз кілемде білек сыбасқан палуандар сайысына арнамызда қатысып қайтқан еді.
Жарыста танымал турнирдің облыстық және қалалық кезеңдерінің жеңімпаздары атанған 28 палуан «Alatau Arlans -2024» алтын белбеуін сарапқа салды. Дәстүр бойынша жарыстың салтанатты түрде шымылдығы түріліп,ұйымдастырушылар мен құрметті қонақтар облыс чемпионатының барлық қатысушыларына сәттілік тіледі.
ЕРБОЛАТ САРАБЕКОВ АЛМАТЫ ОБЛЫСЫ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫ БАСШЫСЫ
Әр ауданның бетке ұстар палуандары бүгін жеңіске жету үшін бар күш-жігерін салады деп ойлаймын», - деді өз сөзінде жарыстың бас төрешісі Қапар Рауанов. Қазақтың ұлттық күресінің дамуына зор үлестерін қосып жатқан ұйымдастырушыларға алғысын жеткізді.
ҚАПАР РАУАНОВ БАС ТӨРЕШІ
Облыс біріншілігінің чемпионы Мәди Еділбаев «алтын белбеу» иегері атанып, 5 миллион теңге ақшалай сыйлықпен, күміс жүлдегер Оріс Адибан 1 000 000 теңге ақшалай сыйлықтармен марапатталды. Сонымен қатар екі палуан шілде айында Астанада өтетін финалға жолдама алды.
- Толығырық
- Категория: Алатау ақпараты
- 146 рет қаралды
https://www.youtube.com/embed/KGWl94MnTGc?si=J7L3ZPaHq6LyZQtq"
БҚО-да өкінішке орай тағы да ана мен бала өлімі орын алды.Қайғылы оқиға Жаңақала аудандық ауруханасында тіркелген.36 жастағы аудан тұрғынының бұған дейін 3 ұлы болған және оларды өзі босанған.Толғағы қысқан жүкті әйелді облыс орталығына жете алмаған соң аудандық ауруханада босандыру туралы шешім қабылданған.Оған кесір тілігі арқылы ота жасалыпты. Алайда келіншек ота үстелінде оянбай, бақилық болған.Сәбиді де құтқарып қалу мүмкін болмапты. Бүгінде қайғылы оқиғаға қатысты қылмыстық іс тіркелді. Мән-жайдың анық-қанығы тиісті сараптамалардан соң белгілі болмақ.
НҰРЖАН ҚУАНҒАЛИ БҚО ДП БАСПАСӨЗ ҚЫЗМЕТІНІҢ БАСТЫҒЫ
- Толығырық
- Категория: Алатау ақпараты
- 134 рет қаралды
https://www.youtube.com/embed/6E5ODnvrPBs?si=QX9ShMBR3bmX1XHS"
Батыс Қазақстан мен Атырау облысына су тасқыны кесірін тигізссе, Маңғыстауда Атамекен ауылындағы мыңнан аса үйді жер асты суы алып жатыр. Кәдімгі жер түбіндегі көзден көтеріліген ылғал үйдің ішіне кіріп, құдық пен сырттағы дәретханаларды толтырып тастаған. Жаңбыр жауған күндері төбеден түскен жауын мен жер астының суы тоғысып, көше мен аула лық толады екен. 2016-шы жылдан бері шешімін таппаған мәселені жергілікті билік білетін көрінеді. Бірақ, нәтижие жоқ.
Бұл Ниязбай Отарбаевтың ауласындағы көрініс. Құдықтың сиқы мынау, лас суға лық толы. Аулаға жиналған жер асты суының деңгейі балтырдан келеді. Зейнеткер қазір баспанасын тастап, қалада пәтер жалдап тұруға мәжбүр. Себебі ылғал, үйдің ішіне өтіп кеткен. Бірнеше мәрте су сору көлігін шақыртқанымен пайдасы болмаған.
НИЯЗБАЙ ОТАРБАЕВ ЖЕРГІЛІКТІ ТҰРҒЫН:
«Ішіне тұру мүмкін емес. Ылғал, сырост, адам ауру табады мынаның ішінен. Қазір полдан су көтеріліп жатыр. Мен кеттім бұл жерден. Не істей аламын? 2008 де осы үйді салдыққо. 5-6 жыл болды кеткеніме. Үйді келіп қарап тұрамын. Хабар алып тұрамын».
Бұл төртінші сәбиін босануға ай күні жетіп отырған Мөлдір Жылданбаеваның баспанасы. Үйдің іші сыз тартып, қабырғалары сөгіліп тұр. Барар жері, басар тауы болмағандықтан осы үйде тұруға мәжбүр. Мөлдір үш баланың анасы. Кішкентайларын аула ішіне ойнауға жібере алмаймын, - дейді ол. Себебі ойын баласы суға құлап кетема деп алаңдап, көзден таса қалдырмай бағып отыр.
МӨЛДІР ЖЫЛДАНБАЕВА ЖЕРГІЛІКТІ ТҰРҒЫН: «Ай сайын су басады үйді. Анау бөлме толы су. Мына полымыз түсіп жатыр. Ағашты бетіне қойдық. Кателды цементпен бітедік. Суды сатып аламыз. Құдығымыз былғанып кетті. Балдар ойнай алмайды есік алдына»
Ал мынау ауылдағы мектептің маңы. Айналасы батпақ болып кеткен. Қамыс өсіп, шыбын-шіркейлер жиналған. Тұрғындар осы жер асты суы ауладағы құдық пен әжетханаға дейін өтіп кеткенін айтады.
ТАҚТАГҮЛ ӨТЕМҰРАТОВА ЖЕРГІЛІКТІ ТҰРҒЫН: «Үйде су шығып жатыр, су. Полдың асты су, аула су, туалетке адамдар бара алмайды. Сол үшін біз көмек сұраймыз. Телевидениені шақырып жатырмыз. Біздің жан айқайымызды естісін деген үміттеміз. Бізге көмек керек. Бізге канализация керек. Бізге дренажный система керек».
ЖОЛЖІГІТ ИМАШЕВ ЖЕРГІЛІКТІ ТҰРҒЫН: «Ішер суды амал жоқ, бізде былай. Мына орталықтан келетін құдық бар, сулар келетін. Ол күніне 2-3 сағат су береді. Біз оны өзіміздің есік алдындағы құдығымызға құйып аламыз. Одан кейін біз пайдаланамыз. Бірақ, біздің құдықтарымыздың ішіне сол жер асты суымен қосылып, туалеттің, септиктің сулары қосылып, бетімен бірдей болып толып тұр. Бұдан өте үлкен аурулар тарайды. Бізле сол суды ішуден басқа амалымыз жоқ. Сондай суды ішуге мәжбүрміз».
Айтулы мәселеге жауапты аудан әкімінің орынбасары Нұрхан Мұстафаевпен сұхбаттастық. Айтуынша бұл жағдай күн тәртібінен түспей тұрған басты проблемалардың бірі екен. Кәріз бен су ағар жүйесін салу үшін мемлекеттік сараптама қорытындысын күтіп отырғандарын айтты.
- Толығырық
- Категория: Алатау ақпараты
- 86 рет қаралды
https://www.youtube.com/embed/2dYCPt0MTU4?si=1IEHOFRkd0vT6b6t"
Терроризм идеясын насихаттады деген күдікпен Батыс Қазақстан облысының тұрғыны ұсталды. Ұстау операциясына арнайы прокуратура органдарының мамандары мен жергілікті полиция өкілдері де қатысты. Күдікті бұрын ауыр жалпы қылмыстар жасағаны үшін сотталған азамат болып шықты. Қазіргі кезде Қылмыстық кодекстің 256-бабының 2-бөлігі бойынша сотқа дейінгі тергеу басталды. Тергеу кезінде заттай дәлелдемелер алынды. Егер қылмысы дәлелденсе, жеті жылдан он екі жылға дейiн бас бостандығынан айырылады деп хабарлайды ұлттық қауіпсіздік комитетінің баспасөз қызметі.
- Толығырық
- Категория: Алатау ақпараты
- 99 рет қаралды
https://www.youtube.com/embed/1ovL5EB-bOo?si=9JYg1Kc3NidfRLFL"
Қызылорда өңірінде жедел құтқару жасағының кинологиялық есеп топтары арасында 2024 жылғы 22-23 мамыр аралығында сертификациялық сынақ өткізілуде. Сынаққа 3 кинологиялық есеп 4 құтқарушы ит қатыстырылды.
Жеті қазынаның бірі саналатын ит – адамның ақылды досы қызметте – жолдасы. Иттің иіс сезу қабілеті адамға қарағанда он мың есе артық, ал есту қабілеті 10 есе жоғары. Сынақтың алғашқы күні голден редривер тұқымдас «Коди», неміс овчаркасы «Спартак» және бельгиялық овчарка «Яра» және «Рапита» лақап атты қызметтік иттер тіл алу және шапшаңдылығын тексеру кезеңі бойынша сынаққа түсті.Аталған шараға Қызылорда облысы ТЖД бастығының орынбасары азаматтық қорғау полковнигі арнайы қатысып, кинологтарға сәттілік тіледі.
НҰРСҰЛТАН ИБРАГИМОВ, ҚЫЗЫЛОРДА ОБЛЫСЫ ТЖД БАСТЫҒЫНЫҢ ОРЫНБАСАРЫ
Екі күнге жалғасатын шарада қызметтік иттер табиғи ортада және техногендік ортада қираған ғимараттар мен құрылыстар үйінділері ортасында іздестіру-құтқару кезеңдері бойынша тапсырмаларды орындайды. Сынақ соңында міндеттерді мінсіз жүзеге асырған кинологиялық есептопқа сертификаттар табысталады. Осылайша құтқарушы иттер төтенше жағдай кезіндегі кез-келген іздестіру-құтқару операцияларына қатысып, адам өміріне араша түсуге мүмкіндік алады.
- Толығырық
- Категория: Алатау ақпараты
- 150 рет қаралды
https://www.youtube.com/embed/b3sIkmliRLs?si=H5EWFw81YakEqpY9"
Елімізде жұмыссыз жүрген әйелдер көп. Осылай деп дабыл қаққан сенаторлар әйелдерді қолдау орталықтарын шұғыл ашу керек деп санайды. Онда бүгінге қажетті мамандықтар оқытылып, жеке кәсіпке баулу қажет деді.
НҰРТӨРЕ ЖҮСІП ҚР ПАРЛАМЕНТІ СЕНАТЫНЫҢ ДЕПУТАТЫ:
«90-жылдардың басындағы ауыртпалық аналардың иығына артылды. Алақап арқалап, базарға шықты. Отбасын асыраушы әйелдер көбейді. Статистикалық деректерге сәйкес бүгінгі таңда елімізде жұмыссыздар саны 452 069 адамды құрайтын болса, олардың 242 173-і әйелдер екен. Яғни жұмыссыздардың тең жартысы әйелдер қауымы. Бұл дерек үкіметті ойландыра ма? Әйгілі Маргерет Течердің істі талқылағыңыз келсе, ер адамға жүзеге асырғыңыз келсе әйел адамға барыңыз деген сөзі бар. Осы сөз қазіргі қазақтыңіскер қыздарына қарата айтылғандай көрінеді маған».
Айтпақшы бүгін Сенат депутаттары Мәжілістен келген кредитке қатысты өзгеріс енген құжатты қарады. Бұл заң бойынша енді жұбайының рұқсаты болмаса, несие берілмейді. Жоғары палата депутаттары бұл норманы мың айлық есептік көрсеткіш деп белгілеп отыр. Ол 3 млн 700 теңге. Осы сомадан артық кредит аламын десеңіз, міндетті түрде енді екінші жартыңыздан рұқсат керек болады.
- Толығырық
- Категория: Алатау ақпараты
- 111 рет қаралды
https://www.youtube.com/embed/pYAJmMoqqNY?si=ISJTjMlkGrSpIo2K"
Мемлекет басшысы Қасым-Жомарт Тоқаев Сингапур Республикасына жұмыс сапарымен барды.Онда Қазақстан Президенті бір қатар кездесулер өткізіп,келіссөздер жүргізді.
Сингапурға мемлекеттік сапармен келген Қасым-Жомарт Тоқаевты «Istаna» сарайында Президент Тарман Шанмугаратнам күтіп алды.Келіссөздердің алдында ресми қарсы алу рәсімі өтті. Қазақстан мен Сингапурдың мемлекеттік әнұрандары шырқалып, Құрмет қарауылы ротасының бастығы екі ел басшыларына рапорт берді. Содан кейін Қасым-Жомарт Тоқаев пен Тарман Шанмугаратнам бір-біріне ресми делегация мүшелерін таныстырды. Мемлекет басшысы Президент сарайындағы Құрметті қонақтар кітабына естелік жазба қалдырды.Қасым-Жомарт Тоқаев қазақ делегациясына сый-құрмет көрсеткені үшін алғыс айтып, бұл 20 жылдан астам уақыт ішінде Қазақстан Президентінің Сингапурға жасаған бірінші сапары екенін атап өтті. Сондай-ақ 1970-жылдары Кеңес одағының дипломаты ретінде қызмет еткендіктен, бұл елді өте жақсы білетінін және араға уақыт салып мұнда Қазақстан Президенті ретінде қайта келгеніне қуанышты екенін жеткізді.Өз кезегінде Президент Тарман Шанмугаратнам екі ел арасындағы қарым-қатынастың даму динамикасына жоғары баға берді. Қасым-Жомарт Тоқаев сапары барысында Сингапур Премьер-министрі Лоуренс Вонгпен кездесті.Президент Қасым-Жомарт Тоқаев жақында Сингапурдың Премьер-министрі лауазымына тағайындалған Лоуренс Вонгты құттықтап, оның жаңа мемлекеттік қызметіне табыс тіледі. Мемлекет басшысы Сингапур Қазақстанның Оңтүстік-Шығыс Азиядағы стратегиялық серіктесі екенін атап өтіп, екі ел арасындағы көпжылдық ықпалдастыққа жоғары баға берді. Қазақстан Президенті Сингапурдың өте қарқынды дамып келе жатқанын, сондай-ақ бұл елдің әлемдік экономикада жетекші орын алатынын айтты. Қасым-Жомарт Тоқаев өзінің Сингапурға алғашқы мемлекеттік сапары екіжақты қатынастарға тың серпін беретініне сенім білдіріп, ол үшін қажетті қолдау көрсетуге дайын екенін жеткізді.Тараптар Қазақстан мен Сингапурдың іскер топтары арасындағы байланыстарды кеңейту үшін күш-жігер біріктіруге уағдаласты. Мемлекет басшысы екі елдің көпжоспарлы әріптестігін нығайтуға септігін тигізетін Үкіметаралық комиссия құруды ұсынды. Кездесу соңында Қасым-Жомарт Тоқаев Лоуренс Вонгты Қазақстанға ресми сапармен келуге шақырды.Президент Қасым-Жомарт Тоқаевтың Сингапур Республикасына мемлекеттік сапары аясында мынадай мемлекетаралық және ведомствоаралық құжаттарға қол қойылды:
- Толығырық
- Категория: Алатау ақпараты
- 123 рет қаралды
https://www.youtube.com/embed/jyMMi03caK8?si=CPuJtjeKsAsY4IYl"
- Толығырық
- Категория: Алатау ақпараты
- 150 рет қаралды
https://www.youtube.com/embed/6NHxlD6-hbg?si=6cdW9DCahAu-Jxsj"
Бүгін Абай атындағы Қазақ ұлттық педагогикалық университетінде Жошы ұлысының 800 жылдығына арналған «Жошы ұлысы: тарихы, мұрасы және тағлымы» атты халықаралық ғылыми-практикалық конференция өтті.Әлемге Алтын Орда атымен танымал Жошы ұлысы XIII ғасырдағы Шыңғысхан империясының төрт бөлінісінің ішінде ең ұзақ өмір сүрген мемлекет. Қазақ этногенезі мен қазақ жеріндегі политогенез үдерістері Жошы ұлысымен тығыз байланысты. Оның құрамында қазақ этносының негізгі бөлігінің қалыптасуы аяқталды, болашақ Қазақ хандығының саяси институттары, мемлекеттік идеологиясы айқындалды.
ХАНКЕЛДІ ӘБЖАНОВ АБАЙ АТЫНДАҒЫ ҚАЗҰПУ ПРОФЕССОРЫ
Алтын Орданың ыдырауы тарих төріне ортағасырлық ұлттық мемлекетіміз – Қазақ хандығының шығуына әкелді. Сондықтан қазақ халқы осы мемлекеттің тікелей мұрагерлерінің бірі екенін мақтанышпен айтуда. Халықаралық ғылыми-тәжірибелік конференция жұмысына шетелдердің және Қазақстанның белгілі ғалымдары, Алматы мен басқа да республикалық ЖОО оқытушылары қатысып, аталған мәселе бойынша өз көзқарастары мен ойларын ортаға салды.
- Толығырық
- Категория: Алатау ақпараты
- 153 рет қаралды
https://www.youtube.com/embed/1o8e6xdg-lU?si=-UoUli-b-QlNNXho"
Бұдан былай елімізде вандализмге қатысты жаза қатаяды. Мүлікті қиратып, сындырғандар түрмеге қамалуы мүмкін. Ал, көшеде қоқыс тастағандар екі есе айыппұл төлейді. Белгіленбеген жерге коммуналдық қалдықтарды тастағаны үшін 10 АЕК айыппұл салынады. Ол 36 920 теңге. Бұдан басқа бүгін Мәжіліс спорттық бағыттағы жылқылардың қазақы тұқымын сақтау және өсімін молайту мәселелері туралы заңды қарады.
Қазақы асыл тұқымды жылқылар жойылу алдында тұр. Мәжілісмендер осылай деп дабыл қақты. Бүгінде Қостанай жылқы тұқымының ресми тіркелген саны 270 бастан аспайды, ал Адай жылқы тұқымының 1300 басы ғана қалған. Сондықтан, отандық спорт бағытындағы жылқы тұқымын қалпына келтіру аса маңызды.
АЙДАРБЕК ҚОЖАНАЗАРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«2014 жылы тұқымды дамытуға бағытталған мемлекеттік қолдау тоқтатылғаннан кейін қостанай жылқыларының саны күрт азайып, жойылу алдында тұр. Бұл жағдай ұлттық ат спорты түрлерін дамытудың негізгі тежеуші факторларының бірі болып отыр. Осыған байланысты Парламент депутаттары отандық жылқы тұқымын сақтау мен өсімін молайтуға бағытталған Заң жобасын әзірлеу туралы шешім қабылдады».
Тұлпарды армен де заңмен де қорғау керек. Өйткені жылқы шаруашылығын дамыту қасиетті ана тіліміздің дамуына да себепші. Жылқы – қазақтың ұлттық бренді деген депутат Аманжол Әлтаев асыл тұқымды жылқы өсірушілерді мемлекет қамқорлығына алып, оларға субсидия беру керек дейді.
АМАНЖОЛ ӘЛТАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Атам қазақ ұл туса, өмірге атқа мінер келді деп қуанған. Бүгінгідей телефонға телмірген күрделі кезеңде балаларды атқа баулу маңызды іс. Ондай бала қайратты, білекті болып өседі. Егдеше, атаулы заң жылқы шаруашылығын дамытуда ұрпақ болашағы үшін де қажет»
Ал, енді бір мәжілісмен асыл тұқымды қой шаруашылығын дамытуға деп құрылған палата жұмысын сынады.
АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«17 палата жұмыс істеп жатыр. Олардың барлығын танимыз. Ащы болса да айтайын. Асыл тұқымды қойды 17 бағытқа бөліп алғаннан не шықты. Еш нәтиже жоқ. Бұлар тек «асыл тұқымды» деген қағаз берумен шектеледі».
Сонымен депутаттар спорттық бағыттағы жылқылардың қазақы тұқымын сақтау және өсімін молайту мәселелері туралы заңды қабылдады. Одан бөлек, бүгін Мәжілісте вандализм бұзақылыққа қатысты заңды екінші оқылымда мақұлдады. Жаңа құжат бойынша енді мүлікті қиратып, сындырғандар түрмеге қамалады. Ол әкімшілік емес, қылмыстық жазаға ауысты. Ал, көшеде қоқыс тастағандар екі есе айыппұл төлейді. Белгіленбеген жерге коммуналдық қалдықтарды тастағаны үшін 10 АЕК айыппұл салынады. Ол 36 920 теңге. Асылы, ереже бұзбай, заңға бағынып жүрген жөн.
Тағы басқа мақалалар...
42 ішінен 187 беті
Alatau News, Copyright 2023, All Rights Reserved.