https://www.youtube.com/embed/r9FITHjLQlQ?si=J0H_z5jAS_ZbPjYA"

Қызылордада бір көшенің тұрғындары әлі күнге көгілдір отынға қол жеткізе алмай келеді. Қараша мұнда газ құбырының 2012 жылы жүргізілгенін айтады. Бірақ содан бері толық аяғына жетпеген. 

Берке хан көшесінде небәрі 10 шақты ғана түтін бар. Дәл осы көшенің халқы 10 жылдан асты көк отынға қол жеткізе алмай келеді.  Тұрғындардың айтуынша газ 2012 жылы тартылған. Бірақ толық соңына жеткізбегеннің салдарынан мұндағылар көрші көшеден тартуға мәжбүр. Бұдан да шаршаған жұрт көк отынды күз соңына дейін берсе деген тілекте. 

ДИНАРА ДӨНСЕБАЕВА БЕРКЕ ХАН ТҰЙЫҒЫ КӨШЕСІНІҢ ТҰРҒЫНЫ Осы Берке хан тұрғындарының артынан сөйлеп отырмын.Осы көшеге газ берілсе екен дейміз. Келін болып түскеніме 20215 тен бастап осы газдан зардап шегіп келе жатырмыз.Көше беттен газды тартып отырмыз. Бірақ бізге күзге дейін алып тастаңдар деп жатыр. Және тек газ ғана емес жол және жарық мәселесі бар. 

Көше тұрғындары қара суықта газсыз қаламызба деген уайымда. Бұл аймақта тек газ мәселесі ғана емес жол да проблема болып отыр. Мұңдағы тұрғындар 1998 жылдан бастап қоныстанған. Содан бері заманауи үлгідегі жол салынбаған. Неше  жылдан бері бармаған жері, баспаған таулары қалмаған халық ендігі жерде қайда барып арызданып, жөні түзу жолды талап ететінін білмей дал. 

Жеңісбек Файзуллаев қалалық құрылыс бөлімінің басшысы Сол көшеге газ жүргізілген уақытта ол тұрғын үйлер болған жоқ,олар киін салынған  үйлер. Біхде қазір 54 учаскінің сметалық құжаттары бар. Егер соның ішінде Берке хан көшесі бар болса биыл жасап береміз. 

Қалалық әкімдікте мәселе қарауға алынғанын түсіндірді. Мәліметке сүйенсек, қазір Берке хан көшесіне қажетті қаржы бөлуге бюджеттік өтінім ұсынылған. Нәтижесі алдағы уақытта шықпақ. Уақытында ақша берілсе құрылыс-монтаждау жұмыстарын жүргізуші мердігерді анықтау мақсатында мемлекеттік сатып алу порталына конкурс жарияланады дейді қалалық бөлімнің басшысы.

https://www.youtube.com/embed/VLrKVq0PGlI?si=mb0LgFQbnLKaZRGc" 

Енді Алматылықтар су тапшылығын көрмейді. Биыл жыл соңына дейін оңтүстік Астанада 142 шақырым инженерлік коммуникация салынады және 48 шақырым желі жөнделеді. Нәтижесінде тұрғындардың 99,6%-ы орталық таза ауыз сумен қамтылады. Ал желілердің тозу деңгейі 53,8%-ға дейін төмендейді. Бұл туралы премьер-министрдің оңтүстік шаһарға ресми сапары кезінде белгілі болды. Іс-сапар кезінде бүгін Олжас Бектенов Алматы қаласын сумен қамтамасыз ететін резервтік жүйе салу барысын тексерді. Айта кетейік, Алматы 6 негізгі көзден: Үлкен және Кіші Алматы, Ақсай, Қарғалы өзендерінен және Алматы мен Талғар кен орындарының жерасты су жинағышы арқылы сумен қамтамасыз етіледі. Қала тұрғындарына таза ауыз суды үздіксіз беру мақсатында алдағы уақытта жалпы қуаттылығы 15 мың куб болатын жаңа 6 ұңғыма салу жоспарланып отыр. Одан бөлек, 6 сорғы стансасындағы 14 сорғы толық ауыстырылатын болады. 

ОЛЕГ ЮГАЙ «АЛМАТЫ СУ» МКК ДЕПАРТАМЕНТІНІҢ ДИРЕКТОРЫ
«Өнімділікті 1,5-2 есе арттыру үшін сорғы жабдықтарын ауыстыру, резервуарларды реконструкциялау, қосымша 4 ұңғыманы бұрғылау жұмыстары жүргізілуде. Бұл Медеу ауданының оңтүстік бөлігін екі тәуелсіз көзден кепілді сумен қамтамасыз етуге мүмкіндік береді. Бұл – Талғар жер асты су жинағышы мен «Медеу» сүзгі стансасы». 

Үкімет басшысы осылайша Алматының су жайын сүзгіден өткізіп әлек. Ал Ақтаулық тұрғындар неше күн болды ауыз судан тарығып отыр. Күні кеше ашынған қараша тіпті тұтас бір көшені жауып тастаған болатын. Әзірге ол өңірдің су мәселесі қалай және қашан шешілетіні белгісіз. 

https://www.youtube.com/embed/wQZI48j6uEw?si=bhdldtrxD10IwVsX"

«Семей орманы» филиалының директоры бір топ қызметкерімен бірге ұсталды. Оларға «орманды заңсыз отады, ағаштарды заңсыз ұрлады» деген айып тағылып отыр. Құқық қорғау органдары тінту кезінде қылмысқа қатысы бар азаматтардан кесілген ағаштар мен станок және үлкен сомада ақша тәркілеген. Қазіргі уақытта олардың барлығы дерлік уақытша ұстау изоляторына қамалды деп хабарлайды Ішкі істер министрлігі. 

ҚУАНДЫҚ АЛПЫС ҚР ІІМ ҰЙЫМДАСҚАН ҚЫЛМЫСҚА ҚАРСЫ КҮРЕС ДЕПАРТАМЕНТІНІҢ ӨКІЛІ «Абай облысының аумағында ІІМ және ҰҚК жедел уәкілдері прокуратураның үйлестіруімен “Семей орманы” мемлекеттік орман табиғи резерваты филиалдарының бірінің директорының басшылығымен әрекет еткен қылмыстық топтың қызметіне тосқауыл қойды. Орманды жымқырды деген күдікпен полицияға 20-дан астам адам жеткізілді. Тінту жүргізіліп, ұрланған ағаштардың ондаған текше метрі, ағаш өңдеу станоктары, ақша және құжаттар тәркіленді. Филиал директоры мен қылмысқа қатысушылар уақытша ұстау изоляторына қамалды. Сондай-ақ күдіктілердің лауазымдық өкілеттікті асыра пайдалану, пара алу, мүлікті жымқыру фактілеріне қатысы бар-жоғы тексеріледі. Қазіргі уақытта тергеу жалғасып жатыр».

Айта кетейік, бұл жалғыз және алғашқы қылмыстық факт емес. Биыл қаңтар айында Павлодар облысындағы "Ертіс орманы" мемлекеттік мекемесінің директоры бір топ қызметкерімен бірлесе құрған қылмыстық топ ұсталған болатын. Күдіктілерге қатысты ұйымдасқан қылмыстық топ құру, оған басшылық ету, мүше болу фактілері бойынша іс қазір тергелуде. 

https://www.youtube.com/embed/M_naS7nuZjw?si=98n6-n50rVAeSKyG"

https://www.youtube.com/embed/vt8HAcY5QKQ?si=ZFiLaflmKpx5A9O-"

Алматыда кардиологиялық орталықтың жүздеген қызметкері наразылыққа шықты. Олар жұмыстан еш себепсіз қуылдық деп дабыл қағуда. Мәселенің мән жайын телеарна тілшілері тыңдап қайтты. 

Алматы қаласының тұрғындарына жүрек-қантамыр жүйесі ауруларымен шұғыл және жоспарлы медициналық көмек көрсететін қалалық кардиоорталықта аға мейірбике болып 30 жыл еңбек еткен Сәуле Ынтымақова қызмет барысында ешқандай қателік жібермедім, алайда  жұмыстан шығуға мәжбүр болдым дейді. Зейнеткерлік жасқа таяған шағында бұл жағдай қатты соққы болған.Бөлімнен бөлімге ауыстырылып,айлығы елу пайызға дейін төмендеген аға мейірбике басқа жаққа кетуден басқа амалы қалмаған. 

СӘУЛЕ ЫНТЫМАҚОВА ШАҒЫМДАНУШЫ  
«Директордың айтуымен постыға ауыстым.Келесі айда КДО отделениеге врачтардың қасына көмекші болып отырасың деді. 1 ай өткеннен кейін бас мейірбике «бұл жерде қалмайсыңдар, дәрігерлер керек емессіңдер деп жатыр, сендерді қайда жіберетінімді білмеймін» деген болатын. Дегенмен мен ауыспайтынымды айттым, сол кезде ақша алатын уақыт болды. Ал менің айлығымды 50 пайызға түсіріп тастаған.Маған өкініштісі зейнеткер жасқа тақалғанда орнымнан қозғағандары болды».

Мұндай жағдайға тап болған жалғыз Сәуле Ынтымақова емес. Аталмыш орталықтың 100-ден аса қызметкері дәл осылай баз кешіп жүр. Тіпті қызметкерлер саны мұнан да көп болуы мүмкін дейді жиылғандар. Жұмыстан кеткен ақ халаттылардың арыз шағымын депутаттар да назарларына алыпты.

НҰРГҮЛ ТАУ ҚР ПАРЛАМЕНТ МӘЖІЛІСІНІҢ ДЕПУТАТЫ
 «Кардеологиялық орталық қызметкерлерінің өтінішімен сол ауруханада төрт депутат болғанбыз. 2023 жылдың шілде айынан 150 адам жұмыстан кеттік деген арызға қол қойған,соның ішінде 92 адамның қолы қойылған арыз талап болған. Қазіргі кезде одан да көп екені анықталып отыр.Қызметкерлер арыз жазып берді осы арызбен ары қарай тексеріп,тексерудің қорытындысы болған кезде толық ақпаратты жолдайтын боламын».

Қалалық денсаулық сақтау басқармасы да бұл мәселеден құлағдар. Бірақ мұнда ешқандай заң бұзушылықтың жоқтығын алға тартты.

НАЗГҮЛ ИМАНҒАЛИЕВА АЛМАТЫ ҚАЛАСЫ ҚОҒАМДЫҚ ДЕНСАУЛЫҚ САҚТАУ БАСҚАРМАСЫ БАСШЫСЫНЫҢ МІНДЕТІН АТҚАРУШЫ
«Аталған ұжымдық өтініш  бойынша Прокуратура, еңбек инспекциясы, Қоғамдық денсаулық сақтау басқармасы, Кәсіподақ комитеті тарапынан тексерулер жүргізілді – заң бұзушылықтар анықталған жоқ.Қазіргі уақытта кардиологиялық орталық қалыпты режимде жұмыс істеуде».

Сондай-ақ, басқармада 285 төсек-орынға есептелген қалалық кардиологиялық орталық штаты бүгінде 90 пайыз қамтылғанын да айтты. Ал жұмыстан қуылдық деген қызметкерлердің жанайқайы әзірге қалай шешілетіні белгісіз.  

https://www.youtube.com/embed/GCe_SHyY1co?si=YRBf4sd3ZFtDhD_G" 

Ақтауда ауыз судан тарыққан жұрт көшені жапты. Қозғалысы тежелген 16 және 19-шы ықшамаудан арасындағы күре жолда осылайша ұзынсонар кептеліс пайда болған. Ашынған халықтың ашуын басу үшін жергілікті билік бірден әрекетке көшкен. Толығырақ келесі бейнематериалда. 

Ақтауда тағы да су мәселесі дауға ұласты. Аптап ыстықта шөлден кепкен жұрт шыдамның да шегі бар деді ме, бүтін бір көшені жауып тастады.  

Нешінші ғасырда тұрып жатырмыз? Су болу керек қой. Мынау масқара ғой. 

Су жоқ неше күннен бері. Су жетпесе барлық мкр тегіс жапсын. Бір күн экономды общий жасасын! Егер керек болатын болса, ту төбесіне шығып та айқайлаймын!

Мұндағы аудандарға үш күн бұрын ауыз су арнайы кестемен келіп тұрған. Соңғы уақытта “тамшы суға зар болдық” дейді көпшілік. Тіршілік нәрі тіптен келмей қалған көрінеді. Ындыны кепкен жұрт ызалы. Десе де кездесуге келген жергілікті әкімдіктің басқарма басшысы халыққа жағдайдың мән жайын түсіндірді. Айтуынша Ақтауға қарасты барлық өндірістік нысандар мен суға тәуелді шағын және орта бизнес субъектілерінің жұмысына шектеу қойылған. Енді су беретін МАЭК кәсіпорыны “үнемдеу” режиміне көшіпті. 

ӘБДЕШ ТҮРКМЕНБАЕВ МАҢҒЫСТАУ ОБЛЫСЫ ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫНЫҢ БАСШЫСЫ Жанағы айтып отырғаным МАЭКтің өнімділігі түсіп кетуіне байланысты. Мен табиғатқа ештеңе жасай алмаймын. Мына жерде уәде беріп, сіздерді алдағым келмейді. Күн ысып кетуіне байланысты, судың температурасы ономальный 28 градус болса, қазір 26 градуспен тұр. Сіздерде түсініңіздер. Біз экономический режимге көшіреміз. Басқа амалымыз жоқ.

Даудың соңында МАЭК мекемесінің өкілі таңғы сағат 08:00-де үйге су жіберетінін айтты. Ал оған дейін көпшілікке тасымалмен су ұйымдастырылды. Айта кетейік, қазір облыстағы су тапшылығы - шамамен 40 мың м3. Соның ішінде Ақтау қаласына тәулігіне 20-25 мың м3 ауыз су жетпейді. 

https://www.youtube.com/embed/1mQXouJf4LQ?si=iArEqHluiUvrgjhv"

Алматы облысы Кеген ауданындағы атақты Қарқара жайлауында салт дәстүрімізді дәріптейтін Қымызмұрындық-2024 мерекелік шарасы биыл халықаралық дәрежеде өтті. Жыл сайын дәстүрге айналған шарада қонақтар назарына қолөнер бұйымдарынан көрме таныстырылып,ұлттық спорт түрлері салтанат құрды. Жиналған көпшілікке  театрландырылған көріністер көрсетіліп,ұлттық сусын қымыздан дәм татырылды. Тамыры ауылдың өмірімен,өнегелі дәстүрімізбен астасып жатқан шараға жиналған көпшіліктің көңілін бір көтеріп тастады. 

Ұлттық сусынның құндылығын насихаттап, ата-бабамыздан келе жатқан игілікті дәстүрімізді жаңғыртқан шара Жолан бәйгесімен жалғасты. 

https://www.youtube.com/embed/W3DXMZRL41o?si=gpZktXkiQhiMqxGP" 

Елімізде енді полиция қызметкерлерінің жұмысына кедергі келтіргендер жазаланады. Бұл туралы ішкі істер министрлігі ескертті. Осылайша полицей жұмысына кедергі болғандар 15 тәулікке дейін қамауға алынады я болмаса 30 АЕК негізінде айыппұл төлейді. Ол 110 мың 760 теңге. Сондықтан, тәртіп сақшылары көлігіңізді тоқтатса, заңға бағынып, сұраған құжаттарды көрсету керек дейді әкімшілік полиция комитеті.

ҚАЙСАР СҰЛТАНБАЕВ  ҚР ІІМ ӘКІМШІЛІК ПОЛИЦИЯ КОМИТЕТІНІҢ ТӨРАҒАСЫ «Жол жүрісі туралы» заңда және Жол жүрісі қағидаларында көлік құралын тоқтату кезінде полиция қызметкерлері мен жүргізушілердің іс-қимылының нақты тәртібі айқындалған. Көлікті тоқтату кезінде полиция қызметкері өзін таныстырып, қызметтік куәлігін көрсетіп, тоқтату себебін түсіндіруі қажет. Жүргізуші өз кезегінде ішкі істер органдары қызметкерінің заңды талаптарын орындауға міндетті. Ал полиция қызметкері жедел-профилактикалық іс-шараның өткізіліп жатқанын растайтын құжаттарды көрсетуге міндетті емес. Полиция қызметкерінің заңды талаптарын орындамау, қызметтік міндеттерін атқару кезінде оның жұмысына кедергі келтіру 30 айлық есептік көрсеткіш мөлшерінде айыппұл салу немесе 15 тәулікке дейін қамауға алу түріндегі әкімшілік жауапкершілікке әкеп соғады».

https://www.youtube.com/embed/cZ0nFAZSN8M?si=LrODOiXxPqI_CGGY" 

Шығыстың ғұлама ойшылы Әбу Насыр әл-Фарабидің еңбектері әлі күнге  өз маңызын жоғалтқан жоқ. Ұлы философтың тағлымын қылқаламмен танытып жүрген жанның бірі Жанұзақ Керімбекұлы. Суретшінің «Балалықтан даналыққа жол» атты туындысы екінші ұстаз, ұлы ойшылдың өмірінен сыр шертеді. Толығырақ алдағы сюжетте.

Әл-Фарабидің шығармашылық мұрасы орасан зор, айналысқан ғылыми салалары да кең. Тарихи деректер бойынша 70-ке жуық тіл білген. Өздігінен көп оқып, терең ізденген ойшыл философия, логика, этика, музыка сынды түрлі салаларға арнап 150-ге жуық трактат жазып қалдырған болатын.

ЖАНҰЗАҚ КЕРІМБЕКҰЛЫ СУРЕТШІ «Әл-Фараби 10 ғасыр бұрын өмір сүрсе де барлық өміріміздегі тыныс-тіршіліктің бәрін бүгінгідей жазып кеткен. Міне, сол әл-Фарабидің жазбаларынан біз көп дүниелерді өзіміздің бойымызға сіңдіріп, барлық жазған дүниелерін оқып-біліп, сол философияны меңгеретін болсақ, біздің болашағымыз да жарқын, ұлтымыз да мықты, жастарымыз да ақылды болар еді»

Қазіргі таңда әлемде жаһандану үдерісінің қарқынды даму үрдісіне сәйкес «жұмсақ күш» саясатының ықпалы артып отырғанын бағамдауға болады. Талантты суретші бұл саясатты әл-Фараби еңбектерімен әлемге қазақты таныта аламыз дейді.

ЖАНҰЗАҚ КЕРІМБЕКҰЛЫ СУРЕТШІ «Өйткені біз әлемді осы білімімізбен, өнерімізбен, ұлттық салт-дәстүріміздің ерекшелігімен, жасаған дүниелерімізбен, жаңалықтарымызбен ғана мойындата аламыз. Сол үшін, әлемді мойындатудың бір жолы – осы әл-Фарабидің қазақ жерінен шыққандығын, оның трактаттарының үлкен мәні бар екендігін бүткіл дүниеге таныстыруымыз керек». 

«Балалықтан даналыққа жол» деп аталатын құнды картина 5 топтамадан тұрады. Белгілі қаламгер туындыға ғұмырының 4 жылын арнап, арнайы Әбу Насыр әл-Фарабидің 1150 жылдығына әзірлеген. Полиптих түрлі майлы бояулардың қосындысы арқылы ерекше ептілікпен салынған. Оның биіктігі 1.8 метр, ұзындығы 11,5 метрді құрайды.

ЖАНҰЗАҚ КЕРІМБЕКҰЛЫ СУРЕТШІ «11,5 метрлік картина әл-Фарабидің туған жерінен өмірден озғанға дейінгі сол қалалардың барлығын қамтыдым десем болады. Өйткені, сол бес картина бүкіл өмір-жолы айтылады. Ол қандай қалаларда тұрды, қандай трактаттар жазды дегенде сол мағлұматтарды сол жерден көруге болады»

Жанұзақ Керімбекұлы әл-Фарабиді терең зерттеп бүгінгі ұрпаққа таныстыру жолында көп  ізденген кескіндемеші. Суретшінің бұл шығармасы көркем бейнелер мен сызба таңбалар жүйесіне сүйене отырып, нақты тақырыпты қамтыған бейнелеу өнерінің түрлі стильдерінде жазылған үздік туынды. Қылқалам шеберінің үздік картиналары еліміздің көптеген музейлерінде,  шет мемлекеттердің танымал музейлерінде ілулі тұр.

https://www.youtube.com/embed/xPkfXA-sSNY?si=-qIv7hJJpSa8f-SK" 

Елордада Президент ХХХІІІ жазғы Олимпиада ойындарына қатысатын Қазақстан құрама командасының мүшелеріне Мемлекеттік туды тапсырды. Әрі алдағы байрақты бәсекеде ел намысын асқақтататынына сенім білдірді. 

Парижде жалауын көтеретін Олимпиадада 80 спортшы ел намысын қорғайды. Бүгін Ақордада Мемлекет басшысы Қазақстан Республикасының Мемлекеттік туын Ұлттық құраманың капитаны Асланбек Шымбергеновке табыстады. 

Қасым-Жомарт Тоқаев Ұлттық құрама спортшыларымен кездесуде Парижде басталатын дүбірлі доданы бүкіл әлем асыға күтетінін әрі оған төрткүл дүние түгел көз тігіп отырғанын айтты. Сонымен қатар үздіктердің үздігі бақ сынайтын байрақты бәсекеге ең мықты спортшыларымыз бара жатқанын атап өтіп, ел намысын қорғау абыройлы міндет екеніне тоқталды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
«Біз сіздерге зор үміт артамыз. Бүкіл халқымыз – сіздерге жанкүйер. Жалпы, қазақ спорт мектебінің мәртебесі қашанда биік. Спортшыларымыз әрдайым елге жүлдемен оралып жүр. Осы даңқты жолды абыроймен жалғайсыздар деп сенемін. Шын мәнінде, сіздердің жеңістеріңіз тұтас Қазақстанның жеңісі болмақ. Көк туымыз желбіресе, ұлтымыздың рухы асқақтайды.»

Қазақстан Президенті спорт тарихында өшпес із қалдырған саңлақтарымыздың еңбегі әрқашан жоғары бағаланатынын да жеткізді. Сонымен қатар Мемлекет басшысы бейбітшілік және ынтымақтастық саясатына еліміздің қашанда бейілді екеніне назар аударды. Әрі ел намысын абыроймен қорғауда спортшыларға жауапты миссия жүктелгенін айтып, оларға сәттілік тіледі.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
«Сіздер де биік белесті бағындыра аласыздар. Мен бұған кәміл сенемін. Бүгінгі жастарымыз сіздерге қарап бой түзейді. Бұл – үлкен абырой. Әрине, чемпион болу оңай емес. Қазақта «Намысқа шапсаң – алысқа шабасың» деген сөз бар. Сондықтан жеңімпаз боласыздар деп сенемін».

https://www.youtube.com/embed/FJeGCG04Qc4?si=CJcsb2s7YYPs5mhw" 

https://www.youtube.com/embed/VMPMWJb7dWc?si=_J0XOHwF8RH6SMbS" 

Ақтауда билік ауыз суды үнемдеудің ерекше жолын тапқан. Яғни қаладағы көлік жуу орталықтары мен көгалдарды суару жұмыстарына шектеу қойған. Сол арқылы судан тарыққан тұрғындардың мәселесін шешуді көздепті. Осылайша, енді Ақтаудағы көлік жуу орындары кез-келген уақытта көлік жуа алмайды. Тек су жию резервуарларын толтырып үлгергендері ғана болмаса, белгілі бір уақыт аралығында су тоқтайды. Жаз басталғанда ақтаулықтар тіршілік нәрінен тарығатыны үйреншікті жағдайға айналған. Аптап ыстықта сусыз отырған халық түйіткілдің түйінін шешіп беруді жылда сұрайды. Алайда мәселе күннен күнге күрделеніп бара жатыр. Су беріп тұрған МАЭК кәсіпорыны теңіз суының температурасы күрт ысып кетуіне байланысты тіршілік нәрін тұтынушыларға жеткізіп беруге үлгермей жатқан көрінеді. 

ВЛАДИМИР ВАСИЛЬЕВ "МАЭК" ЖШС ПАЙДАЛАНУ ДЕПАРТАМЕНТІ ДИРЕКТОРЫНЫҢ ОРЫНБАСАРЫ «Орталық сумен жабдықтау торабтарындағы ауыз су деңгейін тұрақтандыру қажет. Сондықтан көлік жуу орталық иелерін жағдайға түсіністікпен қарап, жұмыс уақытын шектеуді сұраймыз. Сондай-ақ, қалада жасыл-желекті суаруды азайту қажет. Бұл шаралар уақытша. Алайда осылай жасауға мәжбүрміз.»