ЖАҢАЛЫҚТАР
- Толығырық
- Категория: Жаңалықтар
Елімізде орташа жалақы өскен. Бұл туралы Ұлтық статистика бюросы жазды, деп хабарлайды Алатау телеарнасы.
Ұлттық статистика бюросы былтырғы жылдың төртінші тоқсанындағы жалақы туралы мәліметті жариялады. Ондағы дерекке сүйенсек, атаулы жалақының орташа мәні 2023 жылғы IV тоқсанында 393 605 теңге болған.
"2022 жылдың тиісті тоқсанына қарағанда өсім 16,2%-ды, нақты мәнде – 5,3%-ға өсті. Жалақының медианалық мәні (жалақы қатарының орталық деңгейі) 2023 жылғы IV тоқсанда бағалау бойынша 259 463 теңге болды. 4-тоқсанда орташа жалақы мөлшерінің өсуі жыл қорытындысы бойынша қосымша төлемдер мен мерекелік сыйақылар есебінен еңбекақы қорының ұлғаюымен байланысты", - делінген ақпаратта.
2022 жылғы тиісті тоқсанмен салыстырғанда орташа айлық жалақының ең жоғарғы өсімі қаржы және сақтандыру қызметі – 29,7%, ақпарат және байланыс – 23,2%, өнер, ойын-сауық және демалыс – 20,8%, салаларында байқалды. Білім беруде орташа айлық жалақының өсуі 18,6%, денсаулық сақтау және халыққа әлеуметтік қызмет көрсетуде – 18,2% құрап отыр.
- Толығырық
- Категория: Жаңалықтар
Алматыдағы Тау-Самал шағын ауданында лай көшкіні жүрді. Салдарынан 4 адам көз жұмған, оның 2-і бала, деп хабарлайды Алатау телеарнасы.
Төтенше жағдайлар министрлігі дерегіне сүйенсек, апат туралы ақпарат түнгі сағат 2:20-лар шамасында түскен.
Оқиға орнына дереу Қазселденқорғаудың, Алматы қ. 109 құтқару қызметінің, Республикалық жедел-құтқару жасағының, Алматы қ. ТЖД күштері мен құралдары жіберілді. Оқиға орнына келген кезде сырғыма салдарынан екі үйге зақым келгені анықталған.
Сағат 10:00 шамасында жылжыма түскен жерде жедел штаб құрылып, жеке тұрғын үйді балшық массасынан тазарту және адамдарды іздеу жұмыстары қарқын алды. Апат салдарын жоюға 182 маман мен 32 техника жұмылдырылды. Жедел медициналық жәрдем бригадалары жұмыс істеді.
"Техногендік сипаттағы топырақтың ылғалдануынан, көлемі 3200 текше метр болатын жылжыма көшкен. Екі жеке тұрғын үйге, оның ішінде біреуіне ішінара зақым келген. Алдын ала ақпаратқа сәйкес, үйлерде төрт адам, оның ішінде екі бала болған", - делінген ақпаратта.
Көп ұзамай олардың денесі өлі күйінде табылды. Оқиға орнында құтқарушылар 1984 жылы туған ер адамның, 1980 жылы туған әйелдің және 2007 жылы туған екі жас жігіттің денелерін тауып алып шықты.
Ал жақын маңдағы үйлердің тұрғындары эвакуацияланды. Олар № 47 мектепке орналастырылды. Оларға түнеу орны, жылы шай және басқа да қажетті көмек көрсетілді. Жиналу пунктіне орналастырылғаннан кейін бірнеше сағат өткен соң, тұрғындар өз еркімен достары мен туыстарына кетті.
- Толығырық
- Категория: Жаңалықтар
Үкіметтің жаңа басшысы Олжас Бектенов министрлік басшыларын таныстырды, деп хабарлайды Алатау телеарнасы.
Үкімет басшысы жаңадан тағайындалған Премьер-Министрдің орынбасары – ұлттық экономика министрі Нұрлан Байбазаровқа ведомство алдында ауқымды және амбициялық міндеттер тұрғанын атап өтті.
"Ұлттық экономика министрлігін реформалар мен экономикалық серпіліске қол жеткізу бойынша алға қойылған міндеттерді жүзеге асырудағы негізгі күш деп айтуға болады. Бұған қажет барлық ресурстар бар деп ойлаймын. Ең бастысы, министрлікті формализмсыз, бюрократиясыз, қажетсіз жиындарсыз белсенді жұмыс істеуге бағыттағым келеді. Аз сөйлеп, көп іс тындыру керек", — деді Олжас Бектенов.
Мәди Такиевті Қаржы министрлігінің ұжымына таныстыру барысында Премьер-Министр ведомствоны мемлекеттік басқарудағы маңызды органдардың бірі екенін атап өтті.
"Сол себепті Мемлекет басшысы да, Премьер-Министр ретінде мен де Қаржы министрлігінің барлық бағыттар бойынша нақты, белсенді жұмыс атқаратынына сенеміз", — деді Олжас Бектенов.
Шыңғыс Әріновті Төтенше жағдайлар министрлігінің ұжымына таныстырып, Премьер-Министр ведомство жұмысының негізгі бағыттарын атап өтті.
"Жақында ғана Алматыда Мемлекет басшысы жер сілкінісінен кейін министрлікке нақты сын айтты. Төтенше жағдайлар министрлігінің алдында төтенше жағдайларға жедел әрекет ету және алдын алу жүйелерін жаңғырту бойынша өте маңызды міндеттер тұр. Президент қойған міндеттерді Шыңғыс Сайранұлы абыроймен орындайды деп ойлаймын", — деді Үкімет басшысы.
Олжас Бектенов Денсаулық сақтау министрлігінің ұжымына Ақмарал Әлназарованы таныстыру кезінде оның тәжірибесі мен жоғары кәсіби біліктілігін атап өтті.
Министрліктің алдында денсаулық сақтау жүйесін жаңғырту және одан әрі оның тиімділігін арттыру міндеті тұр.
"Бұл – мемлекеттік саясаттың ең маңызды бағыты. Денсаулық сақтау жүйесін жаңа деңгейге көтеру үшін бәріміз бірігіп жұмыс істеуіміз керек. Біз бұған жан-жақты көмектесеміз", — деп түйіндеді Олжас Бектенов.
Премьер-Министр Үкіметтің жаңа құрамына енбеген барлық бұрынғы министрлерге атқарған жұмыстары үшін алғысын білдірді.
Ал қалған ведомства басшылары өзгерген жоқ. Бұрынғы министрлер өз жұмысын жалғастырады.
- Толығырық
- Категория: Жаңалықтар
Қасым-Жомарт Тоқаев Мәжілістің жалпы отырысында Әлихан Смайылов бастаған үкіметтің отставкасын неліктен қабылдағанын түсіндірді, деп хабарлайды Алатау телеарнасы.
Мемлекет басшысының сөзіне сүйенсек, үкімет жаңа, маңызды рөл атқарып, тез шешім қабылдап, тиімді қадамдар жасауы керек.
"Халқымыздың игілігі үшін экономиканы ынталандыру және әртараптандыру үшін батыл, нақты шешімдер қабылдануы керек. Жаңа шындыққа бейімделу керек. Біз жаңа сын-қатерлерге қарсы тұра білуіміз керек, үкімет бұған дайын болуы керек. Үкімет қызметіне жаңа серпін беру керек, мұны жұртшылық та күтіп отыр. Осы себепті мен Әлихан Смайыловтың отставкаға кетуін қабылдадым. Оның басшылығындағы үкімет барлық салада тұрақтылықты қамтамасыз етті", - деді Қасым-Жомарт Тоқаев
Айта кетейік, 2024 жылдың 5 ақпанында мемлекет басшысы Қасым-Жомарт Тоқаев үкіметті отставкаға жіберу туралы жарлыққа қол қойған. Ал 6 ақпанда Қасым-Жомарт Тоқаевқа "Amanat" партиясы атынан Премьер-министр лауазымына Олжас Бектеновтің кандидатурасын ұсынды.
Осылайша Президент Әкімшілігінің басшысы қызметінен Олжас Бектенов Үкіметті басқаруға тағайындалды.
- Толығырық
- Категория: Жаңалықтар
2024 жылғы 6 ақпанда Мемлекет басшысы Қасым-Жомарт Тоқаев елдің жаңа премьер министрін тағайындау туралы Жарлыққа қол қойды. Онда Үкіметті Олжас Бектенов басқаратыны жазылған, деп хабарлайды Алатау телеарнасы.
Құжат Ақорда сайтында жарияланды.
"Олжас Абайұлы Бектенов Қазақстан Республикасының Премьер-Министрі болып тағайындалсын, ол бұрынғы атқарған лауазымынан босатылсын", - деп жазылған жарлықта.
Олжас Бектенов 1980 жылы 13 желтоқсанда Алматыда дүниеге келген. 2001 жылы Қазақ мемлекеттік заң академиясын заңгер мамандығы бойынша бітірген.
Еңбек жолын 2002 жылы Алматы қалалық Әділет департаментінде бөлімнің бас маманы болып бастаған. Ал 2005-2006 жылдары Қазақстан Республикасы Премьер-Министрі Кеңсесінің заң бөлімінің сарапшысы, бас сарапшысы болды.
2006-2017 жылдар аралығында Қазақстан Республикасы Президентінің Әкімшілігінде, Қазақстан Республикасы Әділет министрлігінің Тіркеу қызметі және құқықтық көмек көрсету комитетінде, Қазақстан Республикасы Агенттігінің орталық аппаратында түрлі лауазымдарды атқарған. Қазақстан Экономикалық қылмысқа және сыбайлас жемқорлыққа қарсы күрес (қаржы полициясы), Астана қаласы әкімінің аппараты, Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Астана қаласы бойынша департаменті.
Олжас Бектенов сонымен қатар Ақмола облысы әкімінің орынбасары (2017-2018), Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары (2018-2019), Қазақстан Республикасы сыбайлас жемқорлыққа қарсы күрес агенттігі төрағасының бірінші орынбасары қызметтерін атқарған. (2019-2022).
Ал 2022 жылдың ақпанынан бастап Қазақстан Республикасы Сыбайлас жемқорлыққа қарсы іс-қимыл агенттігінің төрағасы болды. Ол бұл қызметті 2023 жылдың сәуіріне дейін атқарды.
Содан кейін мемлекет басшысының 2023 жылғы 3 сәуірдегі жарлығымен Қазақстан Республикасы Президенті Әкімшілігінің басшысы болып тағайындалды.
2-дәрежелі "Айбын" (2014 ж.), 2-дәрежелі "Даңқ" (2021 ж.) ордендерімен марапатталған.
- Толығырық
- Категория: Жаңалықтар
2024 жылдың 5 ақпаны мемлекет басшысы Қасым-Жомарт Тоқаев үкіметтің отставкасын қабылдап, "Қазақстан Республикасының Үкіметі туралы" Жарлыққа қол қойды, деп хабарлайды Алатау телеарнасы.
Бұл туралы Ақорда жазды.
Қазақстан Республикасы Конституциясының 70-бабына сәйкес Президент қаулы етті:
- Қазақстан Республикасы Үкіметінің орнынан түсуі қабылдансын.
- Қазақстан Республикасы Премьер-Министрі міндеттерін уақытша атқару Роман Васильевич Склярға жүктелсін.
- Қазақстан Республикасы Үкіметінің мүшелері Үкіметтің жаңа құрамы бекітілгенге дейін өз міндеттерін атқаруды жалғастыра берсін.
Жарлық қол қойылған күнінен бастап күшіне енеді, делінген ақпаратта.
Тағы басқа мақалалар...
22 ішінен 55 беті
Alatau News, Copyright 2023, All Rights Reserved.