https://www.youtube.com/embed/6dVOsrQ7Ig0?si=wEcI1FxxuLzoPaix"

Француз фермерлері ауыл шаруашылық наразылықтары кезінде қаза тапқан әйелді бір минут үнсіздікпен еске алды. Қайғылы оқиға елдің оңтүстігіндегі Арьеж департаментінде болды. Белгісіз себептермен көлік жолға қойылған сабанға соғылды. Ал, оның артында бір отбасы тұрған. Апат салдарынан фермер әйел оқиға орнында көз жұмды. Күйеуі мен қызы ауыр жарақат алды.

Диқандардың шеруге шыққанына екі апта болды. Фермерлер Франциядағы жолдарды жауып тастады. Наразылық білдірушілер үкіметті фермерлерден өнім бағасын төмендетуді талап етпеуге, сондай-ақ экологиялық стандарттарды жеңілдетуге шақыруда.

КРИСТОФ БЕЭВАР ФЕРМЕР: «Мәселе мынада, стандарттарды кеңселерде отырған адамдар белгілейді. Шенеуніктер бізге жаһандық жылыну мен климаттық қауіптер туралы айтады, бірақ олар сусыз тұқым өнбейтінін түсінбейді. Сосын бізге егінді суғарсақ та айыппұл салады. Жаңбыр жауса, бізге егін егуге тыйым салған. Ол үшін де айыппұл арқалаймыз. Біз шаршадық».

АЛЕКСИЯ ПЕЛЛЕТЬЕ ФЕРМЕРДІҢ ҚЫЗЫ: «Шынымды айтсам, бәрі өте қиын. Кейін әкемнің шаруашылығын ары қарай басқару маған жүктелген. Бірақ бүкіл әлемде ауыл шаруашылығы қиындап жатыр және бұл өте қорқынышты. Францияда шағын шаруа қожалықтары жойылып, олардың орнын ірі қожалықтар басып жатқанын көріп отырмыз».

ЛЮК СМЕССАР FNSEA ФЕРМЕРЛЕР ОДАҒЫНЫҢ ВИЦЕ-ПРЕЗИДЕНТІ: «Бес айдан кейін Еуропарламентке сайлау болады. Ауыл шаруашылығы саласын тағы да стратегиялық маңызды деп атаған жөн, фермерлерді бақылауды доғарады деген үміт бар. Біз халықты асырау үшін жұмыс істейтін парасатты адамдармыз. Бізді заңға бағынбайтындар дегенді тоқтату керек ».

Франция - Еуро одақтың ең ірі ауыл шаруашылық өндірушісі. Алайда үкімет саясаты көбінесе фермерлерді наразылық білдіруге мәжбүр етеді. Осындай іс-шаралар қазір Германия, Польша, Румыния және Нидерландыда ұйымдастырылуда. Сонымен бірге, Еуропалық комиссия жақында 2014 және 2023 жылдар аралығында фермерлер мен басқа өндірушілерді қолдау үшін 63 шара қабылдағаны туралы айтты. Оған 2,5 миллиард еуро жұмсаған.

https://www.youtube.com/embed/nr6c8R9HWBk?si=uW1rocjvOV0NuiO0" 

2020 жылдың қараша айында Дүниежүзілік денсаулық сақтау ұйымының жатыр мойны обырын жоюды жеделдету жөніндегі жаһандық стратегиясы қабылданған болатын. Жатыр мойны обыры - бұл алдын алуға болатын жалғыз қатерлі ісік.Бүгін өңірлік коммуникациялар қызметінің алаңында қандай қатерлі індеттер көш бастап тұрғаны айтылды.

Алматы онкологиялық орталығының есебінде 31 мыңнан астам пациент бар. Қатерлі ісіктерден болатын өлім - жітім үш жылда-12,4% төмендеген. 2023 жылдың қорытындысы бойынша есепке алынған 5491 науқастың 125-де ауру асқынған кезеңде анықталған.

НҰРСҰЛТАН ІЗБАҒАМБЕТОВ АЛМАТЫ ОНКОЛОГИЯЛЫҚ ОРТАЛЫҒЫНЫҢ ДИРЕКТОРЫ: «Қатерлі ісікті ерте анықтау мақсатында республикада жатыр мойны обыры, сүт безі обыры және тоқ ішек обыры бойынша скринингтік бағдарламалар жұмыс істейді. 2023 жылдың қорытындысы бойынша скрининг кезінде қатерлі ісіктің 298 жағдайы анықталды. Барлық пациенттер мамандандырылған емдеумен қамтылған».

Ұлттық Онкологиялық тіркеу деректері бойынша Алматыда жатыр мойны обырының 55% - ы бірінші кезеңде тіркеледі. Дәрігерлер жатыр мойны індетін ерте анықтау скринингтік бағдарламаның арқасында алдын алғанын тілге тиек етуде.

РАЙХАН БОЛАТБЕКОВА АЛМАТЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯЛЫҚ БӨЛІМШЕСІНІҢ МЕҢГЕРУШІСІ: «Қазақстан Республикасында жатыр мойны обыры тақырыбы денсаулық сақтау саласында өзекті болып табылады. Жыл сайын жатыр мойны обырының 1900-ден астам жаңа жағдайы анықталады және осы аурудан 600-ге жуық өлім-жітім тіркеледі. Бұл дерт онкологиялық аурулар бойынша екінші орында. Біз 20-30 жас аралығындағы жас әйелдерде жатыр мойны обыры қатерлі дертін жиі тіркейміз».

Жалпы Алматы онкологиялық орталығында айтулы обырмен есепте 2522 әйел тұр. Сол себепті, осы жылдың күзінен бастап Алматыда ата-анасының келісімімен 11 жасар қыздарды папиллома вирусына қарсы вакцинациялау басталады Бұл ДДҰ-ның Денсаулық сақтау мәселесі ретінде жатыр мойны індетін жоюды жеделдету жөніндегі жаһандық стратегиясының маңызды құрамдас бөлігі.

РАЙХАН БОЛАТБЕКОВА АЛМАТЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯЛЫҚ БӨЛІМШЕСІНІҢ МЕҢГЕРУШІСІ: «Жаппай вакцинацияның негізгі контингенті - 9-13 жас аралығындағы жасөспірім қыздар. Бұл жас қыздарға жыныстық өмір басталғанға дейін жаппай вакцинациялау мақсатында таңдалды, өйткені жыныстық өмірде 10 жасынан бастаған жағдайлар да бар. Ең дұрысы, әйелдер жыныстық қатынас басталғанға дейін вакцина алуы керек. ДДҰ вакцинаны 26 жасқа дейін алуды ұсынады, ал АҚШ-та 45 жасқа дейін алу ұсынылады".

Қаңтар - жатыр мойны обыры туралы хабардар ету айы. ПВИ вакцинациясын жүргізу елімізде айтулы ауруға шалдыққандардың қатарын 74,2% - ға төмендетуге мүмкіндік береді.

https://www.youtube.com/embed/K4V0LrLXAMI?si=Hg8BqJPIgIoJojJG" 

Бүгін Мемлекет басшысы Қасым-Жомарт Тоқаев Башқұртстан Республикасының басшысы Радий Хабировты қабылдады. Президент Астана мен Мәскеудің екіжақты байланыстарын нығайтуға өңіраралық ықпалдастық елеулі үлес қосып отырғанын атап өтті. Осы орайда Башқұртстан Республикасы ерекше рөл атқарады.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан мен Ресей арасындағы жан-жақты қатынастарға тың серпін беру тұрғысынан алғанда бүгінгі сапарыңыздың мәні зор. Біз индустрия, агроөнеркәсіп кешені және гуманитарлық салалардағы байланыстарымызды әртараптандыру үшін барынша күш саламыз».

Қасым-Жомарт Тоқаев бірқатар келісімнің, соның ішінде үкіметтер деңгейінде қол қойылған Ынтымақтастықтың 2023-2024 жылдарға арналған жол картасының табысты жүзеге асырылып жатқанына назар аударды. Мемлекет басшысы еліміздің өңірлері мен Башқұртстан арасындағы тауар айналымының қарқынын оң бағалады. Былтырғы 11 айдың қорытындысы бойынша сауда-саттық деңгейінің көрсеткіші 350 миллион доллардан асты. Бұл ретте Қазақстан Башқұртстан Республикасының жетекші сауда серіктестерінің үштігіне кіреді. Өз кезегінде Радий Хабиров қазақ жерінде қонақжайлық көрсеткені үшін Қасым-Жомарт Тоқаевқа алғыс айтты.

РАДИЙ ХАБИРОВ БАШҚҰРТСТАН РЕСПУБЛИКАСЫНЫҢ БАСШЫСЫ: «Башқұртстан мен Қазақстан арасындағы қарым-қатынасты дамытуға ерекше мән беретініңізді білеміз. Менімен бірге үлкен делегация келді. 2-3 жылдың ішінде біз тауар айналымы мен өнеркәсіп кооперациясының көлемін айтарлықтай ұлғайттық. Бүгін «Қазақстан – Башқұртстан» форумын аштық. Біз үшін Қазақстан – ең басты серіктес. Біз мұнда өзімізді еркін сезінеміз».

https://www.youtube.com/embed/H87H65FCIa4?si=V9YZV0HyLhgoYM_q" 

Ақтау қаласында жарты ғасыр жөндеу көрмеген көпқабатты үй бар. Тозығы жеткен тұрғын үй тұрғындары баспаналарын жөндеп беруді сұрап отыр. Оған жауапты мекеме өкілдері не дейді?

Бұл Ақтау қаласының 2 шағын ауданында орналасқан төрт қабатты тұрғын үй. Сырт көзге қауіпті баспана болып көрінбейді. Дегенмен, салынғанына жарты ғасыр болған көппәтерлі үйдің қабырғалары жарылған. Тұрғындар баспаналарына қатысты мәселенің көп екенін жеткізді.

МАРИНА ДЕРГАЧОВА ТҰРҒЫН: «Біздің үш үйіміз бұзылып, жаңа үй салынады дегенді естідік. Әрине, біз жаңа, жақсы үйде өмір сүргіміз келеді. Үй ескі. Мәселен, қабырғадағы жарықтан дала көрініп тұрады. Мен жақында ғана естідім үйді күрделі жөндеуден өткізу үшін біз несиеге жасатуға келісім беріп, шартқа отыруымыз керек екен. Бұл не деген сұмдық? Сонда, біздің ай сайын төлеп отырған коммуналдық төлемдеріміз ешқандай есепке алынбай ма? Мемлекетке үй үшін қарызымыз жоқ. Салықты уақытылы өтеп отырмыз. Сонда несие алу деген қайдан шығып отыр? Мен және көршілерім бұған қарсымыз».

Тұрғындар тиісті органдарға қанша шағымданғанмен нәтиже жоқ. Ал жақын жылу құбыры жарылған. Қазір үйде тек ыстық су ғана бар. Аталған мәселе бойынша әкімдіктегілер үйді жөндеуге тұрғындардың өздері жауапты екенін сондай-ақ, бұл жұмыстар үшін несие қарастырылғанын да жеткізді.

АЙДАР ЫБЫРАЙ АҚТАУ ҚАЛАЛЫҚ ТҰРҒЫН ҮЙ ИНСПЕКЦИЯСЫНЫҢ МАМАНЫ: «Бюджетте өтеусіз негізде жөндеу жұмыстарын жүргізу үшін қаражат көзделмегендіктен, тұрғындарға қайтарымды қаражат есебінен үйді жөндеу ұсынылады. Яғни, пәтер иелері қалған тұрғындардың жалпы санының үштен екісінен астамының келісімімен жеті жылға дейін бюджеттік кредит ала алады, бұдан басқа, келісім бойынша оны қайтарымды негізде 0,1% мөлшерлемемен 15 жылға дейін ұлғайтуға болады».

Ал тұрғындар болса, үйді жөндеу үшін несие алуға қарсылық білдірді. Себебі, тозығы жеткен баспанада тұратындардың 70 пайызы зейнеткер.

https://www.youtube.com/embed/IMw3hYu0NRo?si=w8EYWDwS1AVwdbCX" 

https://www.youtube.com/embed/LBkG2yDftvM?si=RFVbkkNTncdGE7Po" 

Алматы қаласының әкімі Ерболат Досаевтың қолдауымен шаһардағы кәсіптік техникалық бағытта білім беріп жатқан колледж мамандарын Еуропаның озық оқу ордаларына жіберіп,тәжірибиеден өткізуде. 2023 жылы басталған жоба,2025 жылға дейін жалғасын таппақ.

Алматы қаласындағы мемлекеттік колледждердің арнайы пәндер оқытушыларымен,өндірістік оқыту шеберлері экономикасы жақсы дамыған Швеция,Швецария,Италия,Франция,Бразилия,Қытай,Түркия секілді озық технологияларға қолы жеткен мемлекеттерге барып,халықаралық тағылымдамадан өтуде.Негізгі мақсат, еуропа елдерінен алған ілімдерін өздері қызмет жасап отырған білім ордаларына енгізу.

ГҮЛНАР СҮЛЕЙМЕНОВА АЛМАТЫ ҚАЛАСЫ БІЛІМ БАСҚАРМАСЫ ҚББЖТҒӘО ТЕХНИКАЛЫҚ КӘСІПТІК БІЛІМ БЕРУ ОРТАЛЫҒЫНЫҢ ЖЕТЕКШІСІ

2023 жылдың қыркүйек айынан бастап қазірге дейін 200-жуық арнайы пәндердің оқытушыларымен өндірістік оқыту шеберлері шетел асып,тәжірибие алмасып келген.Олардың қатарында Алматы жолаушылар көлігі және технологиялар колледжінің бір қатар ұстаздары да бар.

СЕРІК ДҮЙСЕНХАНҰЛЫ АЖКТК АРНАЙЫ ПӘН ОҚЫТУШЫСЫ

https://www.youtube.com/embed/yDCiA7JJKsE?si=WMOHswGsszdfyEjh" 

Жер сілкінісі кезінде, не істерлерін білмей үрейге бой алдырған халыққа құлақтандыру жүйесін ертерек қосып, хабарлама жіберілу керек болатын. Осылай деген Премьер-Министр Әлихан Смайылов шенеуніктерге бірқатар тапсырма берді.

Бүгін Үкімет отырысы кеше түндегі төтенше жағдайды талқылаумен басталды.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Уақытында ақпарат алмаған және нақты не істерін білмеген адамдар дүрбелеңге бой алдырды. Олар ойланбай істеген әрекетінен зардап шекті, яғни 2-3 қабаттан секірді. Бұл құлақтандыру жүйесін ертерек іске қосып, халыққа мүмкіндігінше ертерек хабарлама жіберу керектігін көрсетеді. Мұндай жағдайда адамдарға нақты не істеу керектігі туралы мәлімет беру керек. Барлық сейсмикалық қауіпті аймақта оқу-жаттығуларды жиі өткізу қажет деп санаймын. Халық іс жүзінде іс-қимыл алгоритмін білуі керек».

Ғимараттар бүлініп, үйлер құлаған жоқ. Министрдің төрағалығымен Төтенше жағдайлар министрлігінде республикалық жедел штаб ашылған. Осындай штабтар аумақтарда да жұмыс істеп жатыр. Төтенше жағдайлар министрлігінің психологтарымен жедел желі телефондары ұйымдастырылды, - деді министр Үкімет отырысында. Министр, алда Алматыда жойқын жер сілкінісі болмайтынын атап өтті.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «Сейсмикалық болжау комиссиясының өткізілген отырысына сәйкес Алматы қаласының аумағында қатты және жойқын жер сілкінісі болмайды. Осыған байланысты өңір тұрғындарынан дүрбелеңге түспеуін және тек ресми дереккөзге сенуін сұраймын».

https://www.youtube.com/embed/yDCiA7JJKsE?si=WMOHswGsszdfyEjh" 

Жер сілкінісі кезінде, не істерлерін білмей үрейге бой алдырған халыққа құлақтандыру жүйесін ертерек қосып, хабарлама жіберілу керек болатын. Осылай деген Премьер-Министр Әлихан Смайылов шенеуніктерге бірқатар тапсырма берді.

Бүгін Үкімет отырысы кеше түндегі төтенше жағдайды талқылаумен басталды.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Уақытында ақпарат алмаған және нақты не істерін білмеген адамдар дүрбелеңге бой алдырды. Олар ойланбай істеген әрекетінен зардап шекті, яғни 2-3 қабаттан секірді. Бұл құлақтандыру жүйесін ертерек іске қосып, халыққа мүмкіндігінше ертерек хабарлама жіберу керектігін көрсетеді. Мұндай жағдайда адамдарға нақты не істеу керектігі туралы мәлімет беру керек. Барлық сейсмикалық қауіпті аймақта оқу-жаттығуларды жиі өткізу қажет деп санаймын. Халық іс жүзінде іс-қимыл алгоритмін білуі керек».

Ғимараттар бүлініп, үйлер құлаған жоқ. Министрдің төрағалығымен Төтенше жағдайлар министрлігінде республикалық жедел штаб ашылған. Осындай штабтар аумақтарда да жұмыс істеп жатыр. Төтенше жағдайлар министрлігінің психологтарымен жедел желі телефондары ұйымдастырылды, - деді министр Үкімет отырысында. Министр, алда Алматыда жойқын жер сілкінісі болмайтынын атап өтті.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «Сейсмикалық болжау комиссиясының өткізілген отырысына сәйкес Алматы қаласының аумағында қатты және жойқын жер сілкінісі болмайды. Осыған байланысты өңір тұрғындарынан дүрбелеңге түспеуін және тек ресми дереккөзге сенуін сұраймын».

https://www.youtube.com/embed/TE9-6LNXC0I?si=PWdMlwvhvlRYzzcE" 

Бүгін баспасөз мәслихаты барысында Алматы қалалық Төтенше жағдайлар департаментінің басшысы Нұрлан Атығаев қала тұрғындары мен қонақтарына жер сілкінісі туралы неліктен SMS хабарлама келмегенін түсіндірді.

НҰРЛАН АТЫҒАЕВ АЛМАТЫ ҚАЛАЛЫҚ ТӨТЕНШЕ ЖАҒДАЙЛАР ДЕПАРТАМЕНТІНІҢ БАСШЫСЫ: «Тәжірибе көрсеткендей, SMS хабарламаларды жедел жібергенде, бұл деректер қала тұрғындарына кеш жетеді. Бұл халық тығыздығымен байланысты. «Ұялы байланыс операторларының ақпаратты өңдеуге уақыты жоқ, сәйкесінше жедел ақпарат кеш келеді».

Сондай- ақ департамент басшысы жер сілкінген кезде дабыл неге қосылмағанын айтты. Спикердің сөзінше, Алматыда 843 электр дабыл құрылғысы бар. Олар жер дүмпуі 5 баллдан асқан кезде ғана қосылады екен.

НҰРЛАН АТЫҒАЕВ АЛМАТЫ ҚАЛАЛЫҚ ТӨТЕНШЕ ЖАҒДАЙЛАР ДЕПАРТАМЕНТІНІҢ БАСШЫСЫ: «Түнде дабылды қосу қажеттілік тудырған жоқ. Себебі, бізде 5 балл деңгейінде болды. Сондай- ақ ол қосылса тұрғындар арасында дүрбелең тудыратын еді».

https://www.youtube.com/embed/FtUM6ejqhFU?si=XEqoAgeYHwqI8oqO" 

Алматылықтарға жер сілкінісі қатты сезілді. Зілзала, әсіресе, көпқабатты тұрғын үйде білінді. Жер дүмпуінен қандай да бір залал келді ма, жарақат алғандар бар ма оны келесі бейнематериалдан білейік.

Алматының түні тұрғындардың зәресін ұшырып, күштік құрылымдарды тікесінен тік тұрғызды. Бес балл деңгейдегі жер сілкінісі мегаполистен оңтүстік-шығысқа қарай 264 шақырым жерде, Қазақстан мен Қырғызстан шекарасы аумағында болды. Жер дүмпуінің қатты болғаны соншалық, алматылықтар үйлерін тастап далаға қашып шықты. Сол арада әлеуметтік желіде зілзаланың қайталанатыны туралы ақпарат тарап, халықтың үрейін одан әрі арттырды.

НҰРЛАН АТЫҒАЕВ АЛМАТЫ ҚАЛАСЫ ТӨТЕНШЕ ЖАҒДАЙЛАР ДЕПАРТАМЕНТІНІҢ БАСШЫСЫ: «Әлеуметтік желіде шындыққа жанаспайтын ақпарат тарап жатыр. Оған сенудің қажеті жоқ. Сіздерді ресми дерек көздері мен Төтенше жағдайлар департаментінің ресми өкілдерін тыңдауға шақырамын»

Алматыда жер сілкінісі кезінде халықты жинайтын барлық 384 пункт бір жарым сағаттың ішінде ашылды. Мегаполис тұрғындарын қабылдау пункттеріне 11 мыңнан астам адам жүгінген. Оның ішінде 3,5 мыңы бала. Ал, кейбір алматылықтар қаладан жаппай кете бастады. Көшелерде үлкен кептеліс пайда болып, жанармай құю бекеттерінде ұзын-сонар кезек қалыптасты. Сондай-ақ, такси бағасы бір сапар үшін 5 мың теңгеден 20 мың теңгеге дейін көтерілді. Кейін Ұлттық сейсмологиялық бақылаулар мен зерттеулер ғылыми орталығының директоры Дәулет Сәрсенбаев Алматыда жақын уақытта жойқын жер сілкінісі болмайтынын айтып,халықты сабырға шақырды.

ДӘУЛЕТ СӘРСЕНБАЕВ ҰЛТТЫҚ СЕЙСМОЛОГИЯЛЫҚ БАҚЫЛАУЛАР МЕН ЗЕРТТЕУЛЕР ҒЫЛЫМИ ОРТАЛЫҒЫНЫҢ ДИРЕКТОРЫ: «Алматының тұрғындары мен қонақтарын жақын арада жойқын жер сілкінісі күтілмейтініне сендіргім келеді. Бүгін болған сейсмикалық оқиға ҚХР мен Қырғызстан Республикасының аумағында болды. Алматы мен Алматы облысының тұрғындары, Жетісу облысының бір бөлігінде сезілген сілкіністер «афтершок» болып табылады. Орталық Азияның барлық дерлік елдері сейсмикалық оқиғаны сезінді. Қазіргі уақытта 10-нан астам афтершок тіркелді, оның ішінде Алматы тұрғындары 2 афтершокты сезінді. Байбаламға салынудың ешқандай себебі жоқ».

Оңтүстік астанада қоғамдық тәртіпті 2,5 мыңнан астам полиция қызметкері қамтамасыз етті.

https://www.youtube.com/embed/uSh_ffiUVBY?si=n3LnwZ7_6bq7DTUr" 

Апат айтып келмейді деген аталы сөз аңғал жатқан Алматы халқын аяғынан тік тұрғызды. Түн ортасында орын алған жер сілкінісі жайлы дайындалған материалға кезек берсек.

Жылы төсегін тастай сала бас сауғалап далаға қашқан тұрғындардың үрейлі жүздеріне қарап ақ дүмпу деңгейін айтқызбай аңғаруға болады. Құндақтаулы сәбиін құшағына қысып жер үйде тұратын туыстарын сағалап кеткен тұрғындардың да қарасы қалың. Оңтүстік Астанамыздың халқын дүрліктірген жағдайға байланысты өткен бүгінгі брифингте мамандар қаламыз сейсмикалық аумақта тұрғандықтан тұрғындар жер сілкінісінің алдын алу шараларынан хабардар болу керек деді.

ЖАНСАЯ ДОСЫМБЕКОВА АЛМАТЫ ҚАЛАЛЫҚ СЕЙСМОЛОГИЯЛЫҚ ОБСЕРВАТОРИЯНЫҢ БАСТЫҒЫ

Дей тұрғанменде қауіпсіздік шараларын ескеруге ес таппай үрейге бой алдырып жарақат алған адамдар да бар.Бас жарақаты, соғылу, аяқ-қолдың созылуы сынды жеңіл және орташа ауырлықтағы жарақат алған 44 адам медициналық көмекке жүгінген. Қарақан басын қорғаймын деп екінші -үшінші қабаттан құлап мертіккен тұрғындар да кездесті.

ЕРМЕК ЖЕЛДІБАЕВ АЛМАТЫ ҚАЛАЛЫҚ ЖЕДЕЛ ШҰҒЫЛ КӨМЕК КӨРСЕТУ АУРУХАНГАСЫНЫҢ ХИРУРГИЯ БОЙЫНША ДИРЕКТОРЫНЫҢ ОРЫНБАСАРЫ

Балапан басына тұрымтай тұсына тап келетін табиғи апаттың тосыннан келетінін ескерсек ұйқы қашыратыны анық. Үйінен безіп үрейі ұшқан тұрғындармен де тілдесіп қайтқан едік.

https://www.youtube.com/embed/WgzMl9Y71Oc?si=SX78-j6_5zCAfhq1" 

Тілсіз жаудан тұрғын үй өртеніп, бір отбасы баспанасыз қалды. Жалын алдымен гараждан басталып сарайға жеткен. Арты үйге жалғасқан. Үйден қажет заттарын алып үлгермеген тұрғындар 5 бүлдіршінімен көрші үйін паналауға мәжбүр. Абырой болғанда, зардап шеккендер жоқ.

Бұл Орал қаласының Зашаған кенті Құс фабрикасы ауданы. Ертеңгі күнге жақсылық ойлап ұйықтаған тұрғындар таң азанмен қызыл жалынды көрерлерін кім білген? Дал болған тұрғындар дереу қамданып, сыртқа шығып үлгерген. Мамандар қанша тырысқанымен, тілсіз жау тез беріле қоймаған.

САҒДАТ ӘНЕС БҚО ТЖД БАС МАМАНЫ

Қасықтап жиналған дүниеден қасақана айырылған отбасы көмекке зәру. Тілсіз жаудың қасіреті көп балалы отбасын ойсыратып отыр.

ҚАЙЫРБОЛАТ НҰРМҰХАНОВ ЗАРДАП ШЕГУШІ

ГҮЛАЙЫМ МАМЫРОВА ЗАРДАП ШЕГУШІ

Жалынның болған себебі әлі белгісіз. Арнайы сараптама жұмыстары жүргізілуде.