https://www.youtube.com/embed/2oDP14rwhlw?si=omlJmNoat4cI59sg" 

Әлемнің екінші ұстазы аталған Әл-Фараби бабамыздың есімін иеленген қазақ білімі мен ғылымының қара шаңырағы ҚазҰУ 90 жылдығын атап өтті. Айтулы шараға қатысып қайтқан тілшіміз тарқатып берсін.

1934 жылы 15 қаңтарда алғаш 54 студентпен ашылған университетте қазіргі таңда 25 мыңнан астам білім алушы бар. Білім ордасының бұл қуанышына университет қабырғасынан түлеп ұшып қазақ елінің ғылымы мен біліміне өз үлес терін қосқан академик ғалымдар,көрнекті тұлғалар,ұстаздар мен шәкірттер қауымы бір кісідей ат салысты. Шарада тамыры тереңде жатқан қара шаңырақ жайлы деректі фильм көрсетіліп, оқу ордасының басшысы құттықтауын жолдады.  

ЖАНСЕЙІТ ТҮЙМЕБАЕВ  ӘЛ-ФАРАБИ АТЫНДАҒЫ ҚАЗҰУ РЕКТОРЫ

Білім ордасы 2022 жылғы 25 шілдеде Қазақстан Республикасы Үкіметінің бекітілген қаулысымен «зерттеу университеті» мәртебесіне ие.  Ғылымды дамытуға айрықша көңіл бөлініп,соңғы үш жылда университет ғылымынан түскен табыс екі есеге артқан. Бүгінгі мерекеге орай Ал химия және химиялық технология факультеті гальваникалық қаптамалардың  ғылыми-өндірістік орталығын ашты. ҚР Ғылым және жоғары білім министрлігі Ғылым қорының қаржылық қолдауымен ұйымдастырылған орталықта металдарды өңдеудің жаңа технологиясы ұсынылады.

АЛИНА ГАЛЕЕВА ҒЫЛЫМИ-ӨНДІРІСТІК ОРТАЛЫҒЫНЫҢ БАСШЫСЫ: «Бұл ғылыми-өндірістік орталық  машина жасау зауытынан, темір жол автоматикасына арнайы жабын алуға қажетті электр жетегінен түскен сұраныстың арқасында ашылды.
Біз әзірлемелерді жүргіздік, кейіннен жаңа технологияларды әзірледік.  Жыл сайын өткізілетін байқаудың арқасында біз ғылыми қорды коммерцияландыруға ұсындық».

Университтетің 90 жылдық мерейтойы аясында ауқымды жобалар жүзеге аспақ. Жыл бойы тойланатын мереке аясында  конференция,симпозиумдар,ғылыми танымдық кітаптарды жарыққа шығару жоспарланып отыр. Сондай ақ шарада ғылым саласына үлес қосқан академик ғалымдар алғыс хаттармен марапатталды.

https://www.youtube.com/embed/m4EID95RxXU?si=4dPAqEH1z5vl-exV" 

Естеріңізде болса, өткен жаңалықтарда Каспий теңізінің сәнін келтіріп тұрған қанаттылардың қырылып жатқанын айтқан болатынбыз. Бүгінде осы оқиға Қарақия ауданының Құрық ауылында тіркелді. Қырылған аққу саны мыңға жуықтады. 11 қаңтар күні теңіз жағасынан 20 аққудың өлексесі табылған.

МҰҢАЛБАЙ САНСЫЗБАЕВ ОРМАН ШАРУАШЫЛЫҒЫ ЖАНУАРЛАР ДҮНИЕСІ АУМАҚТЫҚ ИНСПЕКЦИЯСЫНЫҢ АҒА ИНСПЕКТОРЫ: "Бұл жердің өзінде де 20 басқа жуықтаған аққу құсының өлігі табылған. Күнделікті жергілікті атқарушы органдармен қазір тапсырмалар беріліп, шаралар алынуда. Біздің міндетіміз табиғатта қазіргі уақытта құс өліміне байланысты облыстың териториясында бақылау, қадағалау жұмыстарын жүргізу.Қанғыбас иттерді шектеп, мына аққудың өліктерін сол иттердің алып кетпеуіне соған жұмыс жүргізіп жатыр бәрі".

2006 жылдары осындай жағдай орын алған көрінеді. Дегенмен ол уақыттарда қанаттылардың өлекселері теңіз жағасынан табылмаған.Қарақия ауданы бойынша 2672 үй құсы тіркелген. Былтыр күз айынан бері құс тұмауына байланысты 2000-ға жуық екпе салынған.

АМАНГҮЛ АТАКАЕВА ҚҰРЫҚ АУЫЛЫНЫҢ МЕД-ПУНКТ БАСШЫСЫ:"Қазіргі кезде біз теңіз жағалауындағы аққулардың өлекселерін алып, арнайы өртейтін жерге апарып өртеп жатырмыз. Кешелі 12 бас аққуды өртесек, бүгін айналаны мал дәрігерлері тексеріп, аққуды өртегелі жатырмыз. Жалпы бұл құс тұмауы өте жұқпалы".

Арнайы мамандар сараптама жұмыстарын да жасауда. Әзірге нақты неден болып жатқаны беймәлім. Аудан әкімдігі іс-жүргізу шараларын бастап кетті. Оқиға бойынша жұмыс жасап жатқан мамандар біраз уақыт тұрғындарға жағалауға келмеуін және үй жануарларын барынша сақтықта қадағалауын, мүмкіндік болса оларға арнайы екпе салдырып алғандары жөн деп дабыл қағуда.

https://www.youtube.com/embed/OWqHdbIBqZ0?si=lllJTDWzGElf4wX0" 

https://www.youtube.com/embed/MTY9VM6QZr4?si=ARbZgvDYThIz2Fw5" 

Кеше түнде Алматының Алмалы ауданында орналасқан құрылыс материалдары және лак-бояу өнімдері сақталған қоймадан өрт шықты. Қызыл жалынды ауыздықтауға 100- ден астам маман жұмылдырылды.

Отқа оранған мына қоймада құрылыс материалдары сақталған. Атап айтар болсақ, тез жанатын битум және лак-бояу өнімдері. 500 шаршы метр аумақты шарпыған қызыл жалынның көршілес орналасқан қоймаларға таралу қаупі туындады.

ТІЛЕУБЕРДІ МӘДИЕВ АЛМАТЫ ҚАЛАЛЫҚ ТЖД «ӨРТ СӨНДІРУ ЖӘНЕ АПАТТАН ҚҰТҚАРУ ЖҰМЫСТАРЫ ҚЫЗМЕТІНІҢ» МЕМЛЕКЕТТІК МЕКЕМЕСІНІҢ БАСТЫҒЫ:  «Өртте штаб жұмысы ұйымдастырылып, үш өрт сөндіру учаскесі құрылды, негізгі басым міндеттер айқындалды. Оны сөндіру барысында қауіпсіз жерге 3 оттегі және 4 газ баллоны шығарылды».

Өрт сөндірушілер тілсіз жауды үш сағатқа уақыт сөндірді. Оған 21 бірлік техника мен 100-ден астам адам жұмылдырылды. Оттың шығу себебі анықталып жатыр. Қаза болғандар мен зардап шеккендер жоқ.

https://www.youtube.com/embed/SfPualv9uVk?si=a3Q_d2Z2apdX1biS" 

Оралда жыл басынан бері тауық жұмыртқасы 2 есеге қымбаттаған. Кейбір сауда орындарында он шақты жұмыртқаның құны 800 теңгеге жетеді. Үй тауығының жұмыртқасы 850 теңге. Сауда және тұтынушылардың құқықтарын қорғау департаменті тізбесіне С-1 санатындағы жұмыртқа енгізілген әлеуметтік маңызы бар өнімдердің бағасын ғана бақылауға құқылы екенін мәлімдеді.

Өңірде тауық жұмыртқасының бағасы өткен жылдың соңында көтеріле бастағанымен соңғы 10 күнде шекті деңгейге жетті. Импорттықтың да, отандық жұмыртқаның да бағасы тез өсуде. Он жұмыртқаның құны 850 теңге. Жергілікті базардағы сатушылар мұны маусымдық құбылыс деп бағалап отыр. Сонымен қатар үй құстарына арналған азық пен дәрумендердің қымбаттауымен байланыстырады. РАЯ ДОСАЕВА САТУШЫ: «Қыс мезгілі болғандықтан біріншіден. Нарықтағы бағасынан аса қымбаттатып сата да алмаймыз халыққа. Алайда біз саудагер болғандықтан қосамыз ғой. Қазір тауар күн салқындауына байланысты аз келеді».

Сауда және тұтынушылардың құқықтарын қорғау департаменті әлеуметтік маңызы бар тауарлар тізіміне енген өнімдердің бағасы ғана бақыланатынын айтады. Олардың қатарында жергілікті өндірушілердің С-1 санатындағы жұмыртқалары бар.

ЭЛЬМИРА ҚЫМБАТОВА БҚО САУДА ЖӘНЕ ТҰТЫНУШЫЛАРДЫҢ ҚҰҚЫҚТАРЫН ҚОРҒАУ ДЕПАРТАМЕНТІНІҢ БАСШЫСЫ

Сауда және тұтынушылардың құқықтарын қорғау департаменті тұрақтандыру қоры арқылы сатылатын «С-1» санатындағы жұмыртқаның бағасы осы жылдың сәуір айына дейін сақталатынын атап өтті.

https://www.youtube.com/embed/ZFiV--Cd8RY?si=tzJNWTVwu615NzvO" 

Meta жас пайдаланушыларға зиянын тигізетін және өмірлеріне қауіп төндіретін контентті толықтай жасыратын болады деп хабарлайды. Компанияның сөзінше, жасөспірімдер зорлық-зомбылық, суицид және тамақтану тәртібі бұзылуы сияқты жарияланымдарды, өздері жазылған блогердың жазбалары болса да, ендігәрі мүлдем көрмейді. Meta өкілдерінің айтуынша, әлеуметтік желілерінің жуйесі қазірден бастап ұсынылған контентті белгілі бір параметрлер арқылы таңдалып шығарылуда.

"Біз жасөспірімдер қосымшаларымызды пайдалану барысында қауіпсіз және жасына сәйкес тәжірибесі болғанын қалаймыз", — деді Meta. Жасөспірімдер Facebook пен Instagram-ға тіркелгенде шынайы жастарын жазған жағдайда ғана, оларға рұқсат етілмеген контентті тамашалауға тыйым салынады.

https://www.youtube.com/embed/Wnff7-vgEjA?si=jKev3SAna6h_F8Kl" 

1941 жылы Мәскеу түбіндегі шайқаста қаза тапқан қазақ сарбазының сүйегі әскери бортпен туған жері Қызылорда облысына жеткізілді.Жауынгердің кім екені мойнындағы медальон арқылы анықталды. Силан Мәметов 1941 жылы 7 қарашада Мәскеу түбіндегі Апалщино селосы үшін шайқаста қаза тапқан. Жауынгердің сүйегі Мәскеу облысы Руза ауданы Ново-Горбово елді-мекеніндегі бауырластар зиратынан 300 метр қашықтықта табылған.

ӘУБӘКІР СМАЙЫЛОВ, «АТАМНЫҢ АМАНАТЫ» ҚОҒАМДЫҚ ҰЙЫМЫНЫҢ ӨКІЛІ

Салтанатты рәсімге облыстық қорғаныс істері жөніндегі департаменті, жергілікті атқарушы органдардың, ардагерлер ұйымдарының өкілдері қатысты. Сондай-ақ, «Атамның аманаты» ҚБ мұражайға Силан Мәметовтың жеке заттары – солдат каскасы мен медальонын табыс етті.

https://www.youtube.com/embed/PadGhXQBYRc?si=_b4b0fSjsfEuH9C8" 

Маңғыстаудың Қарақия ауданынан ауадан ақша жасап отырған басшылар ұсталды. Әзірге осындай күдікпен ұсталғандар саны үшеу. Қызметкерлер кешкі ауысымда жұмыс жасайтын мектептерде мұғалім лауазымымен тіркеліп, заңсыз тұрғыда айлық жалақы алып жүрген.

АСҚАР ЖАҚСЫБАЕВ "ADILDIK JOLY" РҚБ МО ФИЛИАЛЫНЫҢ ДИРЕКТОРЫ: "Соның ішінде облыстық білім басқармасының қызметкері, сонымен қатар Қарақия аудандық нөмірі 7 мектептің директоры, тағы да екінші тағы мектептің директорлары математика, қазақ тілі пәнінен сабақ береді деп көрсетіліп, ол кісілердің сабақ бермеген деректері анықталды".

https://www.youtube.com/embed/F50fRG-YXcE?si=IAZoZuF2Ihc_JG4c" 

Елімізде мал ұрлығы еш тиылар емес. Мәселен, былтыр 42 мың қылмыс тіркелген. Ұрлыққа барған 450 адам ұсталып, 75 қылмыстық топ құрықталған. Бұл туралы бүгін ІІМ өткен брифингте криминалдық полиция департаменті басқарма бастығының орынбасары Жандос Батырбеков айтты. Сондай-ақ маман, мал ұрлығын болдырмас үшін, адамдар өзара үш жақты келісімшарт жасасу керек дейді. Ол мал иесі, әкімдік және малшы. Одан бөлек, асыл тұқымды мал басына интернетпен қадағаланатын GPS-трекерлерін орнатуға кеңес берді.

ЖАНДОС БАТЫРБЕКОВ  ҚР ІІМ КРИМИНАЛДЫҚ ПОЛИЦИ Я ДЕПАРТАМЕНТІ БАСҚАРМА БАСТЫҒЫНЫҢ ОРЫНБАСАРЫ: «Әдетте, мал ұрлығының 75%-ы еркін жайылымда жасалынады. Онымен күресті жақсарту мақсатында ІІМ мемлекеттік органдармен бірлесіп, заңнамалық және практикалық шаралар қабылдауда. Соңғы 5 жылдың ішінде мал ұрлығын 62,5%-ға төмендетуге қол жеткіздік. Ал 2023 жыл ішінде 16,3%-ға төмендеді. Бұл жұмыстар әлі жалғасуда».    

https://www.youtube.com/embed/bXjGG9KrVQM?si=Ha6ogrq0LxD_kGy6" 

Өңірлік коммуникациялар қызметінің алаңында банкроттық және төлем қабілеттілігін қалпына келтіру рәсімдері, қарыздар мен микрокредиттер бойынша мерзімі өткен берешекті реттеу тәртібі туралы баспасөз конференциясы өтті.

Кредитке кеңірдегіне дейін батқан бүгінгі таңда 2023 жыл бойынша агенттік азаматтар мен заңды тұлғалардан келіп түскен 59,4 мыңнан астам өтініш қаралған. Тұтынушылардың құқықтарын бұзудың көпшілігі кредиторлардың азаматтардың мерзімі өткен берешегін реттеу бойынша шаралар болды. Сарапшылар қарыздар мен микрокредиттер бойынша мерзімі өткен жағдайда қарыз алушыларға не істеу керектігі жайлы кеңестерімен бөлісті.

МҰХАМЕД БАҒДАТҰЛЫ  ҚР ҚАРЖЫ НАРЫҒЫН РЕТТЕУ ЖӘНЕ ДАМЫТУ АГЕНТТІГІНІҢ БАС МАМАНЫ

2021 жылғы 1 қазаннан бастап Қазақстанда кредитті өтеуде қиындықтарға тап болған азаматтардың проблемалық берешегін реттеу тәртібі жүзеге асып келеді. Банктер мен микроқаржы ұйымдары борышкерлердің қарыздары мен микрокредиттерін қайта құрылымдауға өтініштерін қарауға міндетті.

МҰХАМЕД БАҒДАТҰЛЫ  ҚР ҚАРЖЫ НАРЫҒЫН РЕТТЕУ ЖӘНЕ ДАМЫТУ АГЕНТТІГІНІҢ БАС МАМАНЫ

https://www.youtube.com/embed/m4tyHAXaKMA?si=-KAjS93Oz5DsdCq5" 

Конго тұрғындары су басқан көшелерде қайықпен жүреді. Ескек  орнына - күрек. Барлық жерді бос пластик бөтелкелер мен басқа да қоқыстар басақан.  

Су тасқынына Конго өзенінің төгілуі себеп болды. Ол 60 жыл ішінде ең жоғары деңгейге көтерілді. Су басу Конго ДР және көршілес Конго Республикасының бүкіл аумағында орын алды. Биліктің мәліметінше, соңғы айларда 300-ден астам адам қаза тауып, 300 000 үй шаруашылығы зардап шекті. Ондаған мың үй қирап қалған. Желтоқсан айының соңында су одан да қатты көтерілген. Жергілікті мамандар су тасқыны Конго қаласының астанасы Киншасығада  әсер ететіндігін ескертті. Билік хабарлағандай, халық көп қоныстанған Киншасада бірнеше өңір мен  оннан астам провинциядағы елді мекендерді су басқан. Адамдар биліктің әрекетсіздігіне шағымдануда.

ЖУАНСЕН ЛУКУЛА – КИНШАСАНЫҢ ТҰРҒЫНЫ: "Адамдар өз бетінше  және қалаған жерлерге үй тұрғызып тастаған. Ешқандай қалалық жоспарлау жасалмаған, сондықтан су ағатын құбырлар жоқ. Тіпті су ағатын жерлер болса да, олардың жағдайын бақыламайды ".

10 қаңтарда өзендегі су деңгейі теңіз деңгейінен 6 метрден асты. Бұл 1961 жылғы рекордтан сәл аз.

https://www.youtube.com/embed/zHj1c2jpUlw?si=JISHIpRJuF-aa8p0" 

13 қаңтар күні Ішкі істер министрлігі Ұлттық қауіпсіздік комитетімен бірлесіп, Бас прокуратураның үйлестіруімен лотерея клубтарының атымен жұмыс істейтін заңсыз онлайн-казинолардың ірі желісін жойды. Жалпы ел бойынша 326 лото клуб қызметіне тосқауыл қойылды.

Ресми деректерге сәйкес, Қазақстанда шамамен құмар ойындарына салынған 350 мың адам бар. Олардың әрбірінің орташа қарызы шамамен 10 млн теңгені құрайды. Ақша тігіп, тоқтай алмаудың салдары елде ерлі-зайыптылардың ажырасуына, құмар ойынға құныққандардың өзіне-өзі қол жұмсауына әкеп соғуда. Сондықтан бұл мәселе бүгінде өзекті және мемлекет назарында. 13 қаңтарда Ішкі істер министрлігі Ұлттық қауіпсіздік комитетімен бірлесіп, Бас прокуратураның үйлестіруімен лотерея клубтарының атымен жұмыс істейтін заңсыз онлайн-казинолардың ірі желісін жойды.Ең ауқымды бірлескен арнайы операцияны жүргізуге Ішкі істер министрлігі мен Ұлттық қауіпсіздік комитетінің үш мыңнан астам қызметкері жұмылдырылды.

ҚУАНДЫҚ АЛПЫС ҚР ІІМ ҰЙЫМДАСҚАН ҚЫЛМЫСҚА ҚАРСЫ КҮРЕС ДЕПАРТАМЕНТІНІҢ БАСҚАРМА БАСТЫҒЫ: «Жедел әзірлеме орбитасында криминалитет өкілдері де болды, олар ойын мекемелеріне қылмыстық ықпал және қамқорлық еткен, сондай-ақ лото клуб қызметкерлері мен клиенттеріне қатысты қылмыстар жасаған. Заңсыз ойын қызметінен басқа, VIP-клиенттерге интимдік қызметтерді ұйымдастыру, жеңгетайлық және есірткі заттарын пайдалану фактілері тіркелді. Арнайы операция барысында полицияға 400-ден астам адам жеткізілді. Негізгі қылмыстық схеманы ұйымдастырған сегіз адам, оның ішінде алыс және жақын шетел азаматтары ұсталды».

Республика бойынша лото клубтарға 570 тінту жүргізілді. 23 бірлік атыс және травматикалық қару, 247 млн теңге, 55 млн Ресей рублі, 125 мың АҚШ доллары, компьютерлік техника, мобильді құрылғылар, сондай-ақ басқа да заттай дәлелдемелер тәркіленді. Нәтижесінде елде барлығы 326 лото клуб қызметінің жолы кесілді. Шетелден онлайн-казино тарататын серверлер анықталып, бұғатталды. Әкімшілердің ойын барысына ықпал етіп, реттеп отырғаны белгілі болды. Бұрын жүргізілген сараптамалар ұсталған адамдардың заңсыз әрекеттерін растады.

ҚУАНДЫҚ АЛПЫС ҚР ІІМ ҰЙЫМДАСҚАН ҚЫЛМЫСҚА ҚАРСЫ КҮРЕС ДЕПАРТАМЕНТІНІҢ БАСҚАРМА БАСТЫҒЫ: «Сотқа дейінгі тергеп-тексеру барысында бір ғана өңірдің лото клубтарының ай сайынғы жиынтық табысы орта есеппен 300 млн теңгені құрайтыны анықталды, сәйкесінше еліміздің барлық өңірлерінен шамамен 6 млрд теңгені құраған. Бұл ретте ақша қаражатының шамамен 70% шетелге шығарылған. Ұйымдастырушылардың біреуінің ғана банктік шотына ай сайын шамамен 900 млн теңге түсіп отырған. Тергеуді ІІМ тергеу департаменті Қылмыстық кодекстің бірнеше баптары бойынша жүргізуде, фигуранттарға ұйымдасқан қылмыстық топ құру, оған басшылық ету және қатысу айыбы тағылуда. Басқа мәліметтер жариялауға жатпайды».