https://www.youtube.com/embed/NjgvuDCOkSM?si=syiKBQ1go_LiE2bJ" 

«Зауыт жабылсын!». Осылай деген Шымырлықтар бүгін ауыл маңындағы тас-құм өндіруші мекеменің алдына жиналды. Тұрғындарға тек тонналап топырақ алынып жатқан карьердің жабылғаны керек. Қарашаның арыз-шағымын естуге салаға жауапты тұлғалар да қатысты. Жетісу облысында орын алған жағдайға кезек берсек.

Жетісудағы жеті өзеннің бірі – Қаратал. Ол Алатаудың мұздықтарынан бастау алып, Балқашқа құяды. Десе де, бүгінде  өзен маңы ойылып, суы тартыла бастаған. Оған себеп – су арнасының бойына зауыттардың салынуы. Тұрғындардың айтуынша, сала мамандары жағалауларды қазып, топырақ алады.  Салдарынан жазда мал жаярға жер табылмайды. Онымен қоса, желмен келетін шаң да қолайсыздық тудырады. Ең бастысы - өзен арнасына зиянын тигізуде. 

РУСЛАН САҒАТБЕК  АУДАН ТҰРҒЫНЫ: «Дробилька 500 метр болуы керек. Заң бойынша бұнда 100-150 метр. Шаңды су шығып жатыр. Балалардың ұйқысы да жоқ. Қанша болды, бұл мәселеге. Енді шешіледі деп ойлаймыз».

ЖАНАТ САРҒАЛДАҚОВ АУДАН ТҰРҒЫНЫ: «Бүгінгі күні біз нақты жауапты естуге келгенбіз. Бізге тек сұрағымызға жауап керек!»

Базынасын арқалап жұрт талай рет әкімдікке де барған. Бірақ, еш нәтиже болмапты. Тұрғындар мәселенің шешімін күте-күте шаршағандарын айтады. 

ЖҰМАҒҰЛ ӘЛІМБЕКОВ АУДАН ӘКІМІНІҢ ОРЫНБАСАРЫ: «Ауданның құзыретіне жатпайды бұл. Себебі мына жерді берген  облыстық кәсіпкерлік бөлімі, қаулы облыстан шыққан».

Ал, салаға жауаптылар жеке кәсіпкердің жұмысына тосқауыл қоя алмайтындықтарын айтып ақталады.  Себебі, олар жүктелген міндеттемелерді толығымен орындаған. Десе де, тұрғындардың өтінішін қайта қарап, өз бақылауымызға аламыз деп сендірді.

ДИАС КӘРИЕВ ЖЕТІСУ ОБЛЫСТЫҚ КӘСІПКЕРЛІК ЖӘНЕ ИНДУСТРИЯЛЫҚ-ИННОВАЦИЯЛЫҚ ДАМУ БАСҚАРМАСЫНЫҢ ЖЕР ҚОЙНАУЛАРЫН ПАЙДАЛАНУ БӨЛІМІНІҢ БАСШЫСЫ: «Сіздердің өтініштеріңіз бойынша өкілетті органдар  тиісті бағасын бергеннен кейін, біздің тараптан шара қолданылады. Ал, оған дейін, бұл кісілер өз тараптарынан қаржылық міндеттемелерін, өз құқықтарын орындап жатыр. Оған біз ештеңе дей алмаймыз».

БЕКЗАТ ИРУЗАКОВ ЖЕТІСУ ОБЛЫСТЫҚ МАМАНДАНДЫРЫЛҒАН ТАБИҒАТТЫ ҚОРҒАУ ПРОКУРОРЫНЫҢ ОРЫНБАСАРЫ: «Шымыр ауылының ұжымдық өтініші кәсіпкерге қатысты заң талаптарын бұзу дерегі бойынша жазған өтініштері 11 қазан 2023 жылы прок органдарына келген. Әрине өтініштерді қарау тәртібі арқылы біз уәкілетті органдарга жолдап, бақылауда ұстаймыз».

Құзырлы орган өкілдері жиын соңында тексеріс жұмыстары аяқталғанша   «Али Бастау Арна» ЖШС 2 аптаға жұмысын тоқтатындығын айтты. Ал, қарашаның арыз-шағымы жуық арада жіті сараланады.

https://www.youtube.com/embed/X_qvVT4NwIY?si=W-_f3JK2AtIB8Y23" 

CACU-2023 Орталық Азия урологтарының конгресі – Еуропадан, Орталық Азиядан және Таяу Шығыстан 400-ден астам мамандарды біріктірген аймақтағы ең ірі салалық алаң. Бүгін осы жобаға байланысты Алматы қаласында әртүрлі мемлекет мамандарының қатысуымен ауқымды іс-шара өтті.

«Б.О.Жарбосынов атындағы урология ғылыми орталығының» бастамалығымен CACU-2023 конгрессі жоғары деңгейде өтті. Іс-шараға әлемдік аты бар Еуропалық ғылым академиясының мүшелері, Венадағы Рудольфинерхаус клиникасының урология бөлімінің меңгерушісі профессор Боб Джаван, Неміс урология қоғамының президенті т.б шетелдік мамандар қатысты.

ӘНУАР ТҰРСЫНЖАНҰЛЫ CACU ПРЕЗИДЕНТІ ҚР ДСМ БАС УРОЛОГЫ: «Біз Орталық Азияның урология саласындағы достарымызды Қазақстанға шақырып, үлкен жиын өткізудеміз. Бүгін біздің ұйымдастырып отырған шарамызды 25 мемлекеттің уролог мамандары онлайн және оффлайн форматта көруде. Мамандармен өзекті мәселелерді белсенді түрде талқылап, тәжірибе алмасудамыз. Бұл Қазақстандағы урология саласының жетілуіне әкелетін тұрақты әрі үздіксіз іс-шара деуге болады».

Конференцияға 740-тан аса қатысушы тіркелген. Оның ішінде 500-ге жуығы іс-шара барысында қонақ болды. Конгрессте урологиялық ауруларды диагностикалау және емдеу саласындағы соңғы ғылыми дәлелдер келтіріліп, талқыланды.

БОБ ДЖАВАН ЕУРОПАЛЫҚ УРОЛОГТАР ҚАУЫМДАСТЫҒЫНЫҢ МҮШЕСІ CACU ҰЙЫМДАСТЫРУ КОМИТЕТІНІҢ ҚОСАЛҚЫ ТӨРАҒАСЫ: «Бұндай конгресс екінші рет өткізіліп отыр. Бұл – өте ауқымды әрі өзекті жоба. Себебі, жалпы әлемде еркектердің бір ғана проблемасы бар. Ол – қуық асты безінің проблемасы мен тас ауруы. Біз мұнда осы мәселе тұрғысында жаңа технологиялар арқылы емдеудің хирургиялық жолдарын көрсеттік».

Конгресс ғылыми-зерттеу, клиникалық және ағарту жұмыстарының соңғы нәтижелерін шоғырландыруға, әртүрлі мамандықтағы дәрігерлерге тәжірибе мен пікір алмасуға, әрі қарайғы қызметтің мүмкіндіктері мен келешегін талқылауға мүмкіндік береді.

МАРАТ АБЗАЛҰЛЫ Б.О.ЖАРБОСЫНОВ АТЫНДАҒЫ УРОЛОГИЯ ҒЫЛЫМИ ОРТАЛЫҒЫНЫҢ АНДРОЛОГИЯ БӨЛІМІНІҢ МЕҢГЕРУШІСІ, ПРОФЕССОР: «Мынау үлкен бір маңызды біздің жиылысымыз болып отыр. Бұл деген біздің урологтарға бүкіл жер шарының жаңа айтып жатыр Өзбекстан, Қырғыстан шетелдерден келгендер. Бұл Қазақстан деген Орталық Азияның ішінде алда келе жатқан орталық деп. Оған бізде қосыламыз. Көп жаңалықтар болып жатыр. Біздің жас урологтарымызға, бәрімізге үлкен маңызы бар».

Конгресс екі күнге жалғаспақ. Онда урологиялық практикадағы инновациялық тәсілдер, эндоурология мен нейроурологиядағы заманауи технологиялар егжей-тегжейлі қарастырылады.

https://www.youtube.com/embed/b5NaybPJOuw?si=SeKOfesLE-SxL65G" 

Black Eagles және F-22 сияқты ондаған дыбыссыз ұшақтар Оңтүстік Корея астанасына жақын әскери әуеайлақтың үстінен ұшып өтеді. Сеулде жоғары пилотаж фигураларын көрсету арқылы ADEX аэроғарыш және қорғаныс өнеркәсібінің көрмесі ашылды. Оны екі жылда бір рет өткізеді.

Бұл Оңтүстік Кореядағы  айтулы шара.  Онда  елдегі әзірленген «Boramae» жойғыш ұшағы таныстырылды. Жабық көрме залында General Electric-пен технологиялық ынтымақтастық аясында Hanwha Aerospace жасаған оның қозғалтқышы қойылған. Корей аэроғарыш өнеркәсібі қауымдастығының өкілі жаңа жойғыш - Оңтүстік Корея тарихындағы әскери активтерді дамыту бойынша ірі жоба екенін айтады.

ХАН БОН СУ – АЭРОҒАРЫШ ӨНЕРКӘСІБІ ҚАУЫМДАСТЫҒЫНЫҢ ӨКІЛІ: «Сеул ADEX - Оңтүстік Кореядағы аэроғарыш және қорғаныс технологияларының қазіргі және болашағын бір жерден көруге болатын жалғыз орын».

Көрмеде сондай-ақ F-35 жойғыш ұшақтары, FA-50 жеңіл шабуылдаушылары, К2 жауынгерлік танктері және К9А1 өздігінен жүретін гаубицалар сияқты басқа да авиациялық техникалар таныстырылды.Бұдан басқа, мұнда ядролық және зымыран шабуылдарын анықтауға арналған түрлі жүйелерді, мысалы, ұзақ қашықтықтағы зениттік зымырандардың радары, орта қашықтықтағы зениттік зымырандардың көп функционалды радары және корей үлгісіндегі «Темір күмбез» көп мақсатты радарларын көруге болады. Сондай-ақ, Nokmoo өзін-өзі басқаратын зымыран жүйесі мен Redback жаяу әскерінің жауынгерлік машинасы ұсынылды. Оңтүстік Корея үкіметі көрме оған қару экспортының әлемдік нарығының үлкен үлесін алуға мүмкіндік береді деп үміттенеді. Оның жоспарында - 2027 жылға қарай бес пайыздық үлеске қол жеткізу. Бұл жағдайда ел көлемі бойынша төртінші экспорттаушы болады. Биыл шараға 35 елден 550 компания қатысуда.

https://www.youtube.com/embed/C56mnlpZOO4?si=LLJBGdiocq7m4zkD" 

Израиль өз жауларына қатты соққы бермек. Бұл туралы Израиль Премьер-Министрі Газа секторымен шекарадағы «Голани» бригадасымен кездесу барысында мәлімдеді.

БИНЬЯМИН НЕТАНЬЯХУ – ИЗРАИЛЬ ПРЕМЬЕР-МИНИСТРІ 
"Біз толық күшімізбен жеңбекпіз. Сіз дайынсыз ба? "

САРБАЗДАР
«Иә!»

БИНЬЯМИН НЕТАНЬЯХУ – ИЗРАИЛЬ ПРЕМЬЕР-МИНИСТРІ 
"Сіздердің артыңызда Израиль халқы бар. Біз жеңу үшін дұшпанымызға соққы береміз. Жеңіске жеткенше! "

Премьер мұнда Газа секторындағы ЦАХАЛ-дың ауқымды жерүсті операциясы қарсаңында келді. Оның мақсаты – Хамас  тобын жою. 7 қазанда ол анклавпен шекарадағы израильдік қоныстарға, сондай-ақ музыкалық фестивальде   шабуыл жасады. 1400 адам қаза тапты. Тағы бірнеше жүздеген адам тұтқынға алынды. Операцияның бір мақсаты - оларды босату. Шабуылдан кейін Израиль Газа секторына зымыран шабуылдарын жасап, тұтас аудандарды қирандыға айналдырып, 2000-ға жуық адам қаза тапты. Ол сондай-ақ тұрғындарды анклавтың оңтүстігіне көшуге шақырды.Израиль өз операциясын жүргізу үшін 360 000 резервшіні жұмылдырды. Сарапшылардың айтуынша, туннельдерді жою және Хамас жекелеген көшбасшыларын жою сияқты қысқа мерзімді мақсаттарға қол жеткізуге болады. Израильдің солтүстігінде әскер Ливан аумағын атқылап жатыр. Әскерилер Ливан тарапынан кемінде 20 зымыран шығарылды.

https://www.youtube.com/embed/n5BwkO8TAWA?si=QT-Jq05JoAN8IWQk" 

Маңғыстаулық атбегілер "Адай жылқысының" тегін құжаттау қажеттігін айтады. Тұлпарларымыздың тегі паттентелсе, ұлттық спорттың дамуынада тың серпіліс беретіні сөзсіз. Жарты ғасырдан бері зерттеліп келген жылқының тектілігін дәлелдеу үшін былтыр 50 млн теңге бөлінген. Кешегі өткен "Ұлы дала жорығында" Адай жылқылары рекорд жаңартты. Алайда  бәйгелерде орын алып жүргенімен, әлі де өз төлқұжатын ала алмай жүр. Енді қайтпек керек? Толығырақ келесі бейнесюжетте.

Әлемді мойындатқан Адай жылқылары сонау Францияда өткен бәйгеде бақ сынап, даңқы шартарапқа шыға бастағанымен араб, ағылшын, түркімен тұлпарларынан кем түспеген текті жануардың әлі күнге дейін «Адай тұқымы» деп патенттелген құжаты жоқ.

ӘЛЕКЕ БӨЛТЕКОВ  АТБЕГІ:  «Болашақта Гиннестен адамдар келсе, кітапқа енсе. Халықаралық төрешілер өздері қашан, қанша жол жүріп өткенін белгілеп алды. Бұл енді әлемде болмаған қуантарлық жағдай. (05:17-05:28) Өзін ұзақ қашықтыққа мықты екенін дәлелдеп, кез келген шөпті жеп кете береді. Көп күтімді қажет етпейді».

Теңіз суымен шөл қандырып, шөлейтте де шабысынан жаңылмайтын жылқының тұқымы кең таралып келеді. Ал ауыл ақсақалдарының айтуынша Адай жылқылары халықаралық бәйгелерден де бос қайтпаған. Содан да болар сәйгүліктерге қызығушылық жоғары. Ал, шетелдіктер болса, құжатқа баса мән береді.

АМАНҒАЛИ БАҒДАБЕВ  АТБЕГІ: «Бізге енді осы паспортты берсе біз соған қуаныштымыз. Ата-бабамыздан қалған бір жылқының төлқұжаты қолымызға тисе. Әлемдік жарыстарға барғанда, қай жердегі жарыстарға барғанда да осындай ата-бабамыздан қалған жылқы екенін көрсетеміз. Бұл жерде "Адай жылқысы" деген атағы болмаса қарапайым қазақтың тұлпары ғой».

Ғалымдар «Адай жылқысын» мінсіз тұлпарға теңеген. Ал оның генетикалық ерекшелігін зерттеу жұмыстары осыдан 50 жыл бұрын басталған. Алайда, әртүрлі кедергілердің кесірінен тұралап қалған. Зерттеу жұмыстары 2020 жылы қайта жанданды. Ал былтыр Президенттің өзі арнайы Маңғыстауға сапары барысында сирек тұқымға ерекше көңіл бөлуді тапсырды. Ол үшін ғалымдарға 50 млн теңге бөлінді. Енді ғылыми тұрғыда дәлелдей алсақ, әлем алдына тағы бір брэнд пайда болады.

ДӘУРЕН СЫДЫҚОВ  “ҚАЗАҚ ҒЫЛЫМИ-ЗЕРТТЕУ ИНСТИТУТЫНЫҢ” ЖЫЛҚЫ БӨЛІМІНІҢ МЕҢГЕРУШІСІ: «Ал енді оның міндетті түрде генетический паспорты болу керек. Сол генетический паспортизацияға біз кірістік. Біздің мақсатымыз осы Маңғыстаудан минимум 1000 жылқының биоматериалын, яғни жалынан қыл жұлып аламыз. Лабораторияға апарамыз. Лаборатория оның ДНК-сын ашып, соларды базаға қояды».

Сынама қорытындысы жыл соңына қарай шығады. Нәтижесі оңынан оралса, асыл тұқымды ат баптайтын атбегілер үшін мемлекеттік қолдаудың аясы кеңеймек. Ұлттық спортта халықаралық талаптарға сай дамитыны сөзсіз.  Шабандоздар үшін жаңа әрі заманауи атшабар алаңдары да пайда болуы мүмкін.

https://www.youtube.com/embed/jStjUqkOYZQ?si=zMRSvTiYwALd1a_C" т

Бүгін Алматы қаласы Қазақ Ұлттық Аграрлық Зерттеулер Университетінде еліміздегі агрохимия ілімінің ірі көшбасшысы, ҚР Ұлттық Ғылым Академиясының академигі, Қазақстанның еңбек сіңірген қайраткері, аграрлық ғылым саласындағы жетекші ғалым, ұлағатты ұстаз Елешев Рахымжан Елешұлының 85 жылдығына орай «Қазақстандағы топырақтану мен агрохимияны дамыту перспективалары» тақырыбында Халықаралық ғылыми-практикалық конференция өтті.Іс-шараға елімізге танымал ғалымдар, мемлекеттік органдар мен қоғамдық ұйымдардың өкілдері қатысып, өзекті мәселелерді талқылады.

АҚЫЛБЕК КҮРІШБАЕВ  ҚР ҰҒА ВИЦЕ-ПРЕЗИДЕНТІ,ҚАЗҰАЗУ РЕКТОРЫ: «Ғылыми зерттеу жұмыстарының нәтижелерінде 12монография,450 ден астам ғылыми зерттеу  мақала қалдырды. Рахымжан Елешұлы 60 жылдан астам үзіліссіз бір мекемеде  ҚазҰАЗУ ұстаздық қызмет атқарған».

ТАСТАНБЕК АТАҚҰЛОВ ҚАЗҰАЗУ АГРОНОМИЯ КАФЕДРАСЫНЫҢ ПРОФЕССОРЫ: «Бұл іс-шараның маңызы өте зор. Келешекке пайдалы іс-шара өтіп жатыр. Өйткені осы залда отырған студенттер,жас ұстаздар осы кісінің өмір жолын естіп,көріп отырып біз неге сондай болмаймыз,неге сол кімінің дәрежесіне жете алмаймыз деген әрқайсысы ойланады. Сондықтан жасалынып жатқан іс-шара жастарды тәрбиелеу өте үлкен маңызды деп ойлаймын».

https://www.youtube.com/embed/iftXbH-Dw1Y?si=X5ARrAQraAOaLFYh"

https://www.youtube.com/embed/LFCTEKLcepE?si=3Mnjr7dHYL0tFjQe" 

Мемлекет басшысы Қасым-Жомарт Тоқаев Қытай Халық Республикасына ресми сапары аясында Үрімжі қаласына келіп, Саяси бюро мүшесі, ҚХР Шыңжаң-Ұйғыр автономиялық ауданы партия комитетінің хатшысы Ма Синжуймен кездесті. 

Президент сауда, өнеркәсіп, көлік, логистика, ауыл шаруашылығы және туризм сияқты көптеген бағыт бойынша Қазақстанның Шыңжаңмен арадағы қарым-қатынастарының нәтижелерін жоғары бағалады. Қасым-Жомарт Тоқаевтың айтуынша, Қазақстанның шекаралас төрт облысы мен Шыңжаң өлкесі арасында тығыз байланыс орнаған. Қазақстанның Қытаймен сауда-саттығының жалпы көлемі бойынша Шыңжаң-Ұйғыр автономиялық ауданының үлесі 40 пайыздан асады. Бұл ретте еліміздің Шыңжаңмен тауар айналымы биылғы жартыжылдықта 87 пайызға өсіп, 8,5 миллиард долларды құрады.Сонымен қатар Мемлекет басшысы Қазақстан мен Қытай арасындағы үшінші теміржол өткелін салудың маңыздылығына назар аударды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Туризм саласындағы ынтымақтастықтың келешегі зор. Қазақстанның бұл бағыттағы мол әлеуетін ескере отырып, жақында Туризм және спорт министрлігін құрдым. Біз Қазақстанға саяхаттайтын қытайлық туристер саны артады деп үміттенеміз. Үкіметіміз елдегі туризм саласын дамытуға бар күш-жігерін жұмсайды. Сонымен қатар Қытайда келесі жыл қазақ туризмінің жылы болып жарияланды. Әрине, біз отандастарымыздың сіздің елмен және оның әсем табиғатымен, әлеуметтік-экономикалық даму жетістіктерімен танысуы үшін Қытайға саяхаттап баруын қолдаймыз. Шыңжаң ежелден өзінің жоғары мәдениетімен әйгілі. Жергілікті шығармашылық ұжымдар халықаралық дәрежеде мойындалған. Біз мәдени-рухани байланыстардың жан-жақты дамуына, екі ел өнерпаздарының бір-біріне гастрольдік сапарлар ұйымдастыруына қолдау көрсетеміз. Бұл тату көршілік және достық қатынастардың нығаюына оң ықпал ететіні сөзсіз».

Өз кезегінде Ма Синжуй Қазақстан Президенті мен ҚХР Төрағасының келіссөздері барысында қол жеткізілген уағдаластықтарды жүзеге асырудың маңыздылығын, сондай-ақ «Бір белдеу, бір жол» форумында көтерілген бастамалардың мәні зор екенін айтты. 

https://www.youtube.com/embed/GEv5yXVLLh4?si=C0qoKntBuRtbo4tP"

Тәрбие,тал бесіктен басталады. Жастардың бойына патриоттық тәлімді сіңіреміз десек балабақшадан бастау қажет, сонда барып ұлтымыздың ұландары қалыптасады.Бүгін Алматы қаласы Алатау ауданындағы бөбекжайда Республика күнінің құрметі орай, «Қазақстан елім,туған өлкем» тақырыбында тәрбие сағаты ұйымдастырылды.Онда бүлдіршіндер ән айтып,би билеп, Отанға деген сүйіспеншілігін өздерінің өнерлерімен көрсетіп жатты.

ГҮЛМИРА ӘЛЕНҚЫЗЫ АЛМАТЫ ҚАЛАЛЫҚ №161 БӨБЕКЖАЙ-БАЛАБАҚШАСЫНЫҢ ӘДІСКЕРІ

1990 жылы 25 қазанда Қазақстанның егемендігі туралы декларация қабылданды. Бұл еліміздің тәуелсіздік жолындағы тұңғыш қадамы болатын.Араға біраз жылдар салып, Президенттің шешімімен ұлттық мереке мәртебесі қайтарылып, дәріптеле бастады.

ҰЛТАЙ МӘСІПҚАЗЫҚЫЗЫ АЛМАТЫ ҚАЛАСЫ АЛАТАУ АУДАНДЫҚ №161 БӨБЕКЖАЙ-БАЛАБАҚШАСЫНЫҢ МЕҢГЕРУШІСІ

https://www.youtube.com/embed/HFHzdh0ptZk?si=xotdBaulC8WtNZ5b"

Петропавлда негізгі кәріз коллекторы жарылып, көшені су басты. Оқиға 18 қазан күні Абай және Әуезов көшелерінің қиылысында болды. Аққан су маңдағы көпқабатты үйлердің жертөлелеріне  кірді. Қазір коммуналдық апат болған орында «Қызылжар Су» ЖШС-нің төрт жөндеу бригадасы кәріз суын сорып, апат себебін анықтау үшін учаскеде тексеріс жұмыстарын жүргізіп жатыр.Мамандар апаттық жағдайдың себебін құбырлардың тозуымен байланыстырып отыр. Бұл кәріздік коллектор пайдалану мерзімі 25 жыл болса да, 1966 жылдан бері жұмыс істейді. Бүгінде құбырды ауыстыруға жобалық-сметалық құжат әзірлеуге қаражат бөлінді. 

ВЯЧЕСЛАВ ВИЗЕРОВ «ҚЫЗЫЛЖАР СУ» ЖШС СУ БҰРУ КЕШЕНІНІҢ БАСШЫСЫ:«Қазіргі уақытта апат орнын зерттеп және жұмыс көлемін, қандай материал керек - анықтап жатырмыз. Осыдан кейін қалыпқа келтіруге кірісеміз. Жалпы коллекторға 200-ге жуық үй қосылған. Кеше негізінен жертөлелерді су басу бойынша шағымдар болды. Бірақ мұның  апатқа қатысы жоқ. Көпқабатты үйлердің жертөлелеріндегі ішкі кәріз құбырларының герметикасы нашар.  Онымен сол үйлерге жауапты ПИК немесе мүлік иелері бірлестігі айналысуы керек».

https://www.youtube.com/embed/pENY6oPGzBU?si=Gb_3OXmp4YFyJ99j" 

Мектеп - кеме, білім - теңіз. Жылдағы дәстүр бойынша білім беру орындарында пән апталығы басталды. Осыған орай Алматы қаласындағы №203 Жалпы біліп беретін мектепте «Эстетикалық пәндер бірлестігі» атты апталықтың жабылуына байланысты іс–шара ұйымдастырылды.

Он күндік аясында өткен «Спорт – денсаулық, мәдениет, тәрбие бастауы» тақырыбындағы пән апталығында спорттық ойындар,қызықты ашық сабақтар өткізіліп, мұғалімдер арасында өзара тәжірибе алмасу сабақтары орын алды.

АҚЫНҚЫЗ ШӘМІЛҚЫЗЫ АЛМАТЫ ҚАЛАЛЫҚ № 203 ЖАЛПЫ БІЛІМ БЕРЕТІН МЕКТЕП ДИРЕКТОРЫНЫҢ ОРЫНБАСАРЫ: «Эстетикалы пәндер бірлестігінде бізде 12 мұғалім жұмыс жасайды. Мұғалімдеріміз жаңа технологияларды қолдана отырып, оқушылардың бойындағы шығармашылық қабілеттерін арттыра отырып білімді, өнерлі, шымыр шәкірттерді дайындап отыр».

Музыка өнері оқушыларды сыршыл сезімге, сұлулыққа, рухани байлыққа жетелесе, бейнелеу өнері балалардың бойындағы қасиетті жан жүрегі арқылы іс-әрекетке бейімдейді. 

ҚУАНДЫҚ ЖІГІТЕКҰЛЫ ДИЗАЙНЕРЛЕР ОДАҒЫНЫҢ МҮШЕСІ КӨРКЕМ ЕҢБЕК ПӘНІНІҢ МҰҒАЛІМІ: «Көркем еңбек пәні – бабалар аманаты деген үлкен топ бар. Бүкіл Қазақстанның мұғалімдері жиналған. Енді сол жерде қазір оқушылардың жетістіктерін, өзіміздің жетістіктерімізді де айтып, жазып, кітаптарға шығып жатқан жайымыз бар. Бабалар аманаты деген 4-5 кітап шықты. Шетелдерде жұмыстарымыз қойылды».

РАУШАН ОМАРБЕКОВА КИІМ ДИЗАЙНЕРІ:«Алматы қалалық жастар саясатының басқармасының қолдауымен біз осындай 2 ұжым қосылып, осындай бір керемет іс-шара өткіздік. Алматы жастарын киіну және киім үлгілерінің мәдениетін салттық мәдениетін заманауи тұрғыда қалай киюге болатынын көрсеттік».

АЙДЫН ТАЛҒАТҰЛЫ ДЕНЕ ШЫНЫҚТЫРУ ПӘНІНІҢ МҰҒАЛІМІ:«Біздің декада да қазақ ұлттық ойындары көптеген спорт түрлерінен жаттығу өткізудеміз. Жарыстар ұйымдастырудамыз. Балалардың қызығушылығын оятуда біздің мектепте волейболдан, футболдан, баскетболдан, дзюдодан, шахматтан үйірмелер бар».

Баланы тәрбиелеуде әдебиет, музыка, бейнелеу өнері сабақтарының, сыныптан, мектептен тыс жұмыстардың маңызы зор. Ол адамды рухани байытып, көркем-шығармашылық қабілетін дамытуға ықпал етуге тиісті.

https://www.youtube.com/embed/xnGc5srH8x0?si=yiSICaIazcOmxHje" 

Даун синдромы – генетикалық ауытқушылық, жасушалардың бөліну процессі кезінде туындайтын кездейсоқ ақау. Ерекше балаларға арнап, Қызылорда облысының денсаулық сақтау басқармасы және «Қызылорда облыстық салауатты өмір салтын қалыптастыру орталығы» мамандарының ұйымдастыруымен облыстық көп бейінді балалар ауруханасында «Күн бала – шуақ шашқан нұрлана» атты тақырыппен кең ауқымды акция өтті.

Қазіргі күні жер бетіндегі әрбір 700-ші бала даун синдромымен туылады. Осындай балаларды қорғау  мен олардың денсаулықтарын нығайтуға бағытталған ерекше күн биыл да аталып өтті. Оларға сыйлықтар табыс етіліп, бүлдіршіндер  ойын – сауық шоу-бағдарламасын тамашалады.

МАЯ  МИРЗАНОВА ҚЫЗЫЛОРДА ОБЛЫСЫ ДЕНСАУЛЫҚ САҚТАУ БАСҚАРМАСЫ  БАСШЫСЫНЫҢ  ОРЫНБАСАРЫ: «Даун синдромымен туылған адамдарда 21- жұп хромосомаларында қалыпты екі көшірменің орнына қосымша 3-еу тағы болады. Яғни адам кариотипы қалыпты 46 хромосоманың орнына 47 хромосомадан тұрады. Бұндай аурумен ауыратын балалардың ата-аналарына үлкен сабыр тілеймін. Сондай-ақ, акция жылына екі рет қазан, наурыз айларында ұйымдастырылады».

Айта кетейік, облыс бойынша 221 балаға аталмыш диагноз тіркелген. Бұндай ерекше балаларға медициналық көмек, қалыпты түрде диета, дәрі-дәрмектерді уақытында қабылдап отырған абзал. Алайда  бұл ойлаған әрекеттерді жүзеге асыру үшін қоғам мен ата-ананың, бауырлардың сүйіспеншілігі мейірімі өте маңызды.