https://www.youtube.com/embed/fG-tB6WIRpw?si=yjmXOULXuL_rDS6a"

Баспана беру тәртібі өзгереді. Енді кезекте тұрғандарға үй есепке тұрған күні мен табыс деңгейіне қарай беріледі. Бұл туралы бүгін мәжіліс депутаттарының жалпы отырысыда Өнеркәсіп және құрылыс министрі Қанат Шарлапаев мәлімдеді.95 ел қалаулылары қатысқан отырыстың күн тәртібінде бірқатар заңнамалық актілерге өзгерістер мен толықтырулар енгізу мақұлданды.  

«Тұрғын үй саясатын реформалау» туралы заң жобасы бірінші оқылымда мақұлданып,жоба аясында «Отбасы банкі» ұлттық даму институты болып қайта құрылмақ. Оған азаматтарды есепке қою мен тұрғын үй бөлу жөніндегі жергілікті атқарушы органдардың функциялары беріледі. Осыған байланысты «Отбасы банкін» екінші деңгейлі банктер жүйесінен шығару ескерілді.Сондай-ақ «Отбасы банкі» базасында тұрғын үймен қамтамасыз ету орталығы құрылады, оған қандай да бір санатқа жататындығына қарамастан, баспанаға мұқтаж барлық азаматтар тұра алады.Әрбір өтінім үшін кірістерді, мүлік пен активтерді анықтайтын отбасының цифрлық портреті жасалады. «Бұл өз кезегінде азаматтың отбасылық жағдайының барлық сипаттамаларын анықтауға мүмкіндік береді»,- деді министр.

ҚАНАТ ШАРЛАПБАЕВ ҚР ӨНЕРКӘСІП ЖӘНЕ ҚҰРЫЛЫС МИНИСТРІ:

«Негізгі талаптардың бірі олардың меншігінде баспана болмауы керек. Бүгінгі таңда қолданыстағы заңнамаға сәйкес кезекке тұру үшін соңғы 5 жыл ішінде тұрғын үйі болмауы қажет. Мұқтаж азаматтарды тұрғын үймен қамтамасыз етудің жаңа тәсілдеріне байланысты, кезекке жаңадан тұратын азаматтар үшін осы мерзімді 10 жылға дейін ұзарту көзделген».

Жыл сайын бізде 40-50 мың адам баспана кезегіне тұрады. Әлеуметтік осал топтарға 9 мың баспана беріледі. 640 мыңның пайыздық көрсеткіші бойынша бұл 1,5 пайызды құрайды. Егер осыған дейін жемқорлардың қаржысына мектеп салынса, ол қаражатқа баспана салу ұсынылды.

НҰРТАЙ САБИЛЬЯНОВ ҚР ПАРЛАМЕНТІ МӘЖІЛІСІНІҢ ДЕПУТАТЫ

Мәжіліс отырысында Қазақстан Республикасының Үкіметі мен Француз Республикасының Үкіметі арасындағы жаһандық жылынуға қарсы күрес саласындағы ынтымақтастықты іске асыру туралы арнайы келісімді ратификациялау құжаттандыруда  қазақ тілінің мәселесі де көтерілді.

ҚАЗЫБЕК ИСА ҚР ПАРЛАМЕНТІ МӘЖІЛІСІНІҢ ДЕПУТАТЫ

Осылайша  мәжіліс отырсындағы күнтәртібінде көтерілген мәселелерге қосымша ұсыныстар айтылып,екінші оқылымға қосу көзделді.

https://www.youtube.com/embed/_M0QlXa6aWY?si=KSaw2DTavGJ-T4jU" 

Колумбиялық поп-жұлдыз Шакира дүйсенбі күні Испания прокурорларымен келісімге келді. Осылайша ол 14,5 миллион еуро табыс салығын төлемегені үшін соттан жалтарып жүрген. Мәміленің бір бөлігі ретінде ол салынған айыптармен келісіп, бүкіл қарызды, сондай-ақ осы соманың 50% құрайтын жеті миллион еуроны төлеуге келісім берген. 

Бастапқыда Шакира өзінің кінәсіздігін қорғайтынын мәлімдеді. Алайда ол кейінірек бұл келісімге келісті, өйткені оның айтуынша, сот оның мансабы мен балаларына зиян тигізуі мүмкін. Шакираның адвокаттарының бірі сот ғимаратының сыртында журналистерге заң тобы әншінің кінәсіздігін дәлелдей алатынына сенімді екенін, бірақ жағдай өзгергенін айтты. Прокуратура Шакираны сегіз жылға дейінгі мерзімге бас бостандығынан айыруды, сондай-ақ салықтың барлық сомасын қайтаруды талап еткен. Айыптауда әншінің 2012-2014 жылдар аралығында әр жылдың жартысынан астамын Испанияда өткізгені және сол себепті елдің тұрғыны болып саналғаны айтылған.

Сондай-ақ ол 2012 жылдың мамыр айында сатып алған Барселонадағы мүлік отбасылық үй ретінде қызмет еткені көрсетілген. Жақында екі рет Латын Грэмми сыйлығын жеңіп алған поп-жұлдыз Испанияда тағы бір тергеу алдында тұр. Бұл салық алаяқтығымен де байланысты.

https://www.youtube.com/embed/AmhimWKVkUg?si=yMhTV5pJoN7mJ3Pr" 

Алматы қалалық білім басқармасының ұйымдастыруымен «Бастауыш сыныптарда заманауи әдістерді тиімді пайдалану» тақырыбында семинар жұмыстар қызу қолға алынып жатыр.Мақсат сапалы білім, саналы тәрбие беру үшін тың тәсілдерді жүзеге асыру. Бүгінде педагогтардың баламен жұмыс жасауына ерекше көңіл бөлініп жатыр.Сарапшылардың пікірі бойынша дұрыс сананың іргетасы бастауыш сыныптан қалыптасады.Сондықтан заманның ағымына қарай жастарға бағыт-бағдар беру, кезек күттірмейтін мәселе айтылып жатыр.

АРАЙ ҚАСЫМБАЕВА АЛМАТЫ ҚАЛАЛЫҚ БІЛІМ БЕРУДІҢ ЖАҢА ТЕХНОЛОГИЯЛАРЫ ҒЫЛЫМИ-ӘДІСТЕМЕЛІК ОРТАЛЫҒЫНЫҢ ӘДІСКЕРІ

МАНАР ТЕМІРҒАЛИЕВА АЛМАТЫ ҚАЛАЛЫҚ № 156 ЖАЛПЫ БІЛІМ БЕРЕТІН МЕКТЕПТІҢ ДИРЕКТОРЫ

https://www.youtube.com/embed/Ksp4ewc0GoY?si=FO4W47enpersS-Ho" 

Маңғыстауда аңшылықты кәсіп еткен Алдаберді Ақшабаевты тынымайтын жан жоқ. Ақсақал сексеннің сеңгіріне шықса да аң аулап, қақпан құрады. Әлі де тың. Облысты айтпағанда, өзге өңірлерден де Алдаберді аңшыны іздеп келетіндер бар екен. Кезінде бүкіл ауыл тұрғындарын аңның етімен асыраған атақты аңшының айтары көп. 

Маңғыстаудағы Жарма елді мекенінің тұрғыны Алдаберді Ақшабаев биыл 83 жаста. Соңғы рет осыдан 3 жыл бұрын ауылдың тыныштығын бұзған түз тағысын қақпанына түсіріпті. Ол аң аулауды әкесінен үйренгенін айтады.10 жасында қақпанына түлкі мен қарақұйрық түсіпті. Кейін еңбекке араласқан шағында көкжал алуға машықтанған.

АЛДАБЕРДІ АҚШАБАЕВ – АҢШЫ: «Қасқырды аулау оп-оңай емес, жыртқыш қой. Беріде қасқыр тіпті көп болды.Осы мына тауға қарап тұрған Мырзайырдан бері қарата, егіздің құмы дейтін бар соның ішіне туады. Қасқыр бір туғанда 11 күшікті туады. 2 рет алдым».

Аңшылық-қазақтың байырғы кәсібі. Кезінде ауыл тұрғындарының азығы даланың аңы болды. Алдаберді аңшы әкелген аңның етін бүкіл ауыл болып бөліп тамақ қылған.

АЛДАБЕРДІ АҚШАБАЕВ – АҢШЫ: «Біз жаңағы аштықтың шет жағасын көргенбіз. Ұн жоқ. Енді бәрі азық үшін. Қарақұйрық бар аулайтын, қоян бар».

Алдаберді ақсақалдың қақпан құруға келгенде қолы епті, әрі шымыр. Әлі де қажыр-қайраты қайтпаған қария аңға шықса, құр алақан қайтпайды. Ақсақалдың замандасы Есқуат Әжімағанбетовтің айтуынша, аңшының 3 жылда 100 қасқыр аулаған кезі болыпты. Ал ертеректе ел аумағына өтіп кеткен «гиенаны» қақпанға түсіру үшін, Алдаберді аңшы арнайы шақырылған.

ЕСҚУАТ ӘЖІМАҒАНБЕТОВ - ЖАРМА АУЫЛЫНЫҢ ТҰРҒЫНЫ: «Гиена деген ірі жыртқыш аң Қазақстанға келіп, Үстірттің үстінде жылқыны қоймай, соны осы Алдаберді қақпан құру арқылы ұстады. Көздегенін алмай қайтпайды. Сондай дарын. Әкесінен арғы жағынан дарыған».

Алдаберді Ақшабаев аңшылық кәсіппен қатар, тракторшы мамандығын меңгерген. Көлік жүргізіп, ауылдарға ауыз су тасиды. Бүгінде еңбегінің жемісін көріп отыр. Ұл-қыздан тараған немере-шөберенің ортасында бақытты ғұмыр кешуде.

https://www.youtube.com/embed/MCCcwNo7rCo?si=PUzh-wvEDptmeaLs" 

«Аманат» партиясының қолдауымен еліміздің әр аймағында халыққа құқықтық көмек көрсету мақсатында қоғамдық қабылдау шаралары орын алып жатыр.Мәселен Алматы облысының тұрғындары партияның өңірлік филиалдарына барып, әр-түрлі бағытта көкейлерінде жүрген сауалдарына жауап алуда. Қонаев қаласына арнайы келген қарша, жауапты орган өкілдеріне мұңдарын айтып, қажетті көмек берулерін сұрап жатты.

ҚУАТ БАЙҒОДЖАЕВ «AMANAT» ПАРТИЯСЫ АЛМАТЫ ОБЛЫСТЫҚ ФИЛИАЛЫНЫҢ ТӨРАҒАСЫ

Қоғамдық қабылдау барысында басты тақырыптың бірі,отбасылық зорлық-зомбылыққа арналды. Отағасынан опық жеп жүрген нәзік жындылардың тағдыры бейжәй қалмады. Сонымен қатар несиеге белшесінен батқан тұрғындардың да тауқыметін жүйелі түрде шешудің жолдары сөз болды. Мамандардың айтуы бойынша қаржылық сауаттылықты арттыруға бағытталған бағдарлама бар. Қазір жауапты өкілдер қажетті жұмыстарды жүргізуді қолға алған.

https://www.youtube.com/embed/PFMAnpBY9a8?si=OLI2a723IhurWAuB" 

https://www.youtube.com/embed/BI2uX5ct96Q?si=3I8YJMkcWyO0IcvB" 

Орал қаласының тұрғындары көпқабатты үйге қызмет көрсететін мекеме жұмысына наразы. Үй иелерінің айтуынша, пәтер иелері кооперативі жұмысты дұрыс ұйымдастыра алмайды. Ал бірақ ақша жинауға келгенде алдарына жан салмайды. Сондықтан халықты ай сайын коммуналдық қызмет үшін төленетін қаражат қайда жұмсалатыны алаңдатады.

Құрманғазы, 161 мекенжайында орналасқан үйдің жағдайы нашар. Жертөледегі құбырлардан су ағып тұр. Шатыр шұрқ-тесік, электр сымдары дұрыс орнатылмаған. Тұрғындар: «пәтер иелері кооперативі қызметі үшін ай сайын қаражат уақытылы төленгенімен, ешқандай жұмыс жасалмай отыр» - деп наразы. 

ЖҰМАБЕК ҚАРАЖАНОВ ҚАЛА ТҰРҒЫНЫ «Кіреберістерде жарық жоқ. Біздің үйде қарт адамдар көп. Қараңғыда құлап қалуы мүмкін. ПИК бізден бас тартып тұр. Бізді шатыр, жертөле мәселесі алаңдатады. Неге пәтер иелері кооперативі жылыту маусымы қарсаңында жұмыстан бас тартады. Бұл дұрыс емес».

Тұрғындардың туындаған шағымдарына "ЦЕНТР" ПИК төрағасының да жауабы дайын екен. Мен судан таза, сүттен ақпын деген ол 80 пәтерді қамтитын тұрғын үйде коммуналдық қызмет ақысын төлемейтіндердің қарызы миллион теңгеге жетті деп мәлімдеді. Сонда ай сайын ақшасын төлеп отырғандар жауапсыз көршілерінің кесірінен зардап шегіп отырған болып шықты.

ФЕДОР РАДОСТЕВ "ЦЕНТР" ПИК ТӨРАҒАСЫ «Шатырдың пайдалану мерзімі 10 жыл, содан кейін күрделі жөндеуден өту керек. Жөндеу жұмыстары тұрғындардың есебінен жүргізіледі. ТҮКШ жаңғырту бағдарламасы бойынша, не жалпы қаражат жинау бойынша мәселені шешуге болады. Ал ай сайын жиналатын ақшаны тұрғындардың кейбірі мүлдем төлемей отыр».

Тұрғындардың негізгі талаптарының бірі- коммуналдық қызмет үшін төленетін қаражаттың қайда жұмсалатыны туралы жауаптылардың есебін тыңдау.

ФЕДОР РАДОСТЕВ "ЦЕНТР" ПИК ТӨРАҒАСЫ «Тұрғындардың жасайтын төлемдері үйге қызмет көрсетуге жұмсалады. Ғимарат ыстық, салқын сумен қамтылған. Кәріз құбыры жұмыс істейді, жылыту маусымында жылу уақытылы қосылды. Бұл атқарылып жатырған қыруар жұмыс. Соны тұрғындар білуі керек»

Басшылық "Тұрғын үйді жаңғырту" бағдарламасы бойынша тұрғындарды мазалайтын мәселелерді шеше алатынын айтып, бір мәмілеге келмек болды. Егер үйді мекендеушілер бірауыздан бағдараламаға қатысуға келісім берсе,  өз ғимараттарын жөндеп, қаражаты бірнеше жыл ішінде бөліп төлей алады.

https://www.youtube.com/embed/RYf_-hHQQbI?si=ZjyBvSorLf7CQYXS" 

Рекордтық бағаға Наполеон Бонапарттың екі бұрышты баскиімі сатылды. Императордың басқа да заттары қатарындағы қалпақты Парижде аукционға шығарған. Сауда-саттық 800 мың еуродан басталды.

Лот 1 миллион 930 мың еуроға сатылды. Алдыңғы рекорд 2014 жылы орнатылған болатын. Сол кезде баскиім қалпақ 1 миллион 880 мың еуроға кетті. Екі жағдайда да сауда-саттықты Osenat аукциондық үйі өткізді. Бұл жолы сатылған қалпағын Наполеон I   1815 жылы Эльбадан қашқанда киген екен. 

Сол кезде оны кокардамен безендіріпті.  Аты аңызға айналған қолбасшының бейнесі тығыз байланысты екі бұрышты қалпақты бикорн деп те атайды. Наполеон I әрдайым офицерлердің көпшілігі сияқты иықтарына перпендикуляр емес, қатар «жауынгерлік жолмен» екі бұрышты киетін. Осылайша императорды шайқас алаңында пайда болған кезде бірден байқады.

Наполеон I-нің 120 бикорны болды. Қазір түпнұсқалығы расталған 30 қалпақ қалған.

https://www.youtube.com/embed/zRiWkPAluHU?si=fyiHU_FUyLrhf0Qx"

Тозған вагондар мен пойыздардың кестеден кешігуін Үкімет басшысы Әлихан Смайылов сынға алды. ҚТЖ қызметіне қатысты шағым көп деген премьер-министр жауапты органға бұл олқылықты тез арада жоюға тапсырма берді. Айта кетейік, Қазақстанда пойыздардың 52 пайызы нашар хәлде, әбден тозған.

МАРАТ ҚАРАБАЕВ ҚР КӨЛІК МИНИСТРІ: «Қазіргі уақытта теміржолда жолаушыларды тасымалдайтын 66 облысаралық маршрут жұмыс істеп жатыр. Бұл бағыттарда 13 тасымалдаушы қызмет көрсетеді (ҚТЖ және 12 жеке). Облыстардың бөлінуіне байланысты, биыл қала маңындағы бағдардан 2 жаңа облысаралық бағыт құрылды: Алматы – Қонаев, Қарағанды – Жезқазған. Бұл шаралар халықтың барлық тобы үшін жол жүру құжаттарының қолжетімді бағасын қамтамасыз етуге бағытталған. Қазіргі таңда пойыз билеті бағасының орташа құны – 8 мың теңге».

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Қазақстан темір жолының» қызметіне қатысты көптеген шағымдар келіп түседі.  Пойыздардың үнемі кешігіп келуі, сервистің нашарлығы, ескірген вагондар – мұның барлығы қалыпты жағдайға айналып барады. Бизнес болса вагондардың уақытында берілмеуін, ұзыннан-ұзақ келісу рәсімдерін айтып, шағымдануда. Осының барлығы бүкіл экономиканың дамуына кері ықпал етеді. Теміржол саласында машина жасау, рельс өнімдеріне және түрлі жабдықтарға деген сұраныс үнемі жоғары. Бізде осы өнімдерді шығаратын көптеген ірі кәсіпорындар бар, бірақ отандық өндірушілер сұранысты қанағаттандыра алмай келеді. Осы орайда шетелдік серіктестерге жүгінуге мәжбүр болып отырмыз. Негізінде, отандық кәсіпорындар өндірісті кеңейтіп, қосымша жұмыс орындарын құруына, отандық экономиканың өсуін қамтамасыз етуіне болатын еді».

Жақында «Алматы-Астана» бағыты бойынша қосымша пойыздар іске қосылады. Себебі, осы бағытқа сұраныс аса жоғары. Билет тапшылығына ұрынбау үшін, жауаптылар халықтан сапарын алдын-ала жоспарлауға кеңес береді. Билеттер 40-45 күн бұрын сатылымға шығады деді ҚТЖ басшысы.

https://www.youtube.com/embed/tbIw8dOVPy4?si=vtDBj4k4BP0egPUA" 

Бүгін туризм саласының сарапшылары Алматыда Орталық Азиядағы туризмді халықаралық трендтерге сай дамыту мәселелерін талқылады. Айтуларынша, Орталық Азиядағы туризімінің әлемде өзіндік ойып алар орны жоқ. Шетелдік туристер Еуропаға барғандай келмейді. Неге? Себебі, туристерді бір ғана ел қызықтырмайды. Олар бірден бірнеше мемлекетті аралап көргілері келеді.Сондықтан, Орталық Азияда орналасқан бес мемлекетті (Қазақстан, Өзбекстан, Қырғызстан,Тәжікстан және Түркіменстан) туризм саласы бойынша аймақтандыру қажет. Бұл бүгінде кезек күттірмейтін мәселе, дейді туризм саласының мамандары.

МАҚСАТ ЧАКИ ТУРИЗМНІҢ СТРАТЕГИЯЛЫҚ САРАПШЫСЫ: «Ораталық Азиядағы туризм орталығын Алматыда құру керек деп ойлаймын. Оған ірі мегаполистің әлеуеті жоғары. Біз бірігетін болсақ, әлемдік деңгейге көтеріле аламыз.Туризм көптеген елде басымдықты сала. Орталық Азияда ол әлі де кенжелеп тұр. Егер қазіргідей әр мемлекет туризмді өзінше дамытамын десе, қателеседі. Шетелдік туристердің назарын өзімізге аудару үшін бірігіп күш жұмсауымыз керек. Әрбір елдің өзіне тән бренді бар.Сол сияқты Орталық Азияның да бренді болуы керек. Біз Алматының брендін қалыптастырмақпыз. Бірақ, оның жеміс болмайтыны анық».

Сонымен қатар, сарапшылар шенген визасын енгізу қажет екенін айтты. Бұл әлбетте Үкіметте қаралатын дүние. Мысалы, оны Stan, Жібек жолы визасы деп атауға болады. Қазақстанға келген шетелдік турист еш кедергісіз Қырғыстанға одан әрі Өзбекстанға өтіп кетуі керек.

https://www.youtube.com/embed/lhoP59sAIxQ?si=-XmpXc6SphMqFUqO"

Жаңа Қазақстанның болашағы – қазіргі уақыттағы ең өзекті тақырыптардың бірі. Жасалып жатқан өзгерістер елді дамытуға, экономикасын көтеруге және жаңа мүмкіндіктерге үлкен жол ашпақ. Қазақстанның ұлы тарихын жаңа жетістіктермен және табысты жобалармен толтыратындар – жастар болғандықтан олардың білім бәсекесіне бейімді болуы міндетті.Қалған мамандығын таңдап,келешекті кім болам деген стденттердің мерекелік шарасына назар аударсақ.

Заңғар жазушы Мұхтар Әуезов айтқандай қашанда халық пен халықты, адам мен адамды теңестіретін нәрсе – білім ғана.Сәт сайын тың технологиялар жаңарып отыратын заманда,тек білім мен ғылымды игерген жастар ғана бәсекеге төтеп бере алады.Осы тұста 30 жылдан астам білім саласында қызмет етіп келе жатқан «Қайнар» академиясының атқарып жатқан жұмысын ауыз толтырып айтуға болады. Халықаралық студенттер күніне орай,үлкен өмірге қадам басқан студенттердің құрметіне арнайы кеш ұйымдастырды.Онда жалынды жастардың армандары айтылып, Жаңа Қазақстанның іргесін бірге қалау,ортақ парыз екені айтылды.

АЙСҰЛУ ДЖАНЕГИЗОВА «ҚАЙНАР» АКАДЕМИЯСЫНЫҢ РЕКТОРЫ

САНДУҒАШ ҚҰЛАНОВА «ҚАЙНАР» АКАДЕМИЯСЫНЫҢ ПРОРЕКТОРЫ

Бүгінгі студент,келешек маман.Ұлтымыздың ұлы мұратын жалғастыратын да осы жастар.Бүгінде мемлекет тарапынан олардың алаңсыз білім алуына барлық жағдай жасалып келеді. Біз айтып отырған білім ошағы да,қолдан келер мүмкіндікті беруге тырысуда. 

МУМИРА СІЛӘМБЕК ЖУРНАЛИСТИКА ФАКУЛЬТЕТІНІҢ СТУДЕНТІ

ӘЛИХАН ТАЛАПАЙ ЗАҢ ФАКУЛЬТЕТІНІҢ СТУДЕНТІ

Академияның қоғамдық өміріне ат салысып,белсенді студент бола білген жастардың ата-аналарына алғыс хаттар табысталды.

https://www.youtube.com/embed/pUhYVk-9Qus?si=m6NHSq53fvXgy8X6" 

Әлемдік саяхатты рождестволық маусымда тура Парижде жасауға болады. Мұнда өсімдіктер бағында жарық беретін инсталяциялар фестивалі өтуде. Қонақтарды экзотикалық гүлдер, құстар мен аңдар қарсы алады. Бұл үйкелісті флора мен фаунаның барлығы төрт құрлықтағы тропикалық ормандардың биоалуандығын білдіреді.

СИРИЛЬ РОГЕ – ПАРИЖДЕГІ ӨСІМДІКТЕР БАҒЫНЫҢ ДИРЕКТОРЫ:  "Көрме осы экспозицияға қатысқан барлық жануарларды таныстыратын үлкен аркамен ашылады. Біз ну орманның тропикалық ормандар екенін түсіндіргіміз келеді. Аркадан біз қонақтарды Үндістан, Азия, Жаңа Гвинея, Борнео, Амазония, Мадагаскар және Орталық Африканың тропикалық ормандарына саяхат жасауға шақырамыз ".

Көрме Қытайдың жаңа жылында Азияда өткізілетін шамдар мерекесімен үндеседі. Осы жарқыраған инсталляцияларды да қытайлық шеберлер дайындады. Олар жыртқыш мысықтар, жер-су және амфибиялар, сондай-ақ гүлдер мен алып ағаштардан   аллеялар жасады. Сыртта  жүргенде орхидеялардан жасалған бүтін бір орманды көруге болады. Мүсіндерді жасауға Париждегі Ұлттық табиғи тарих мұражайының қызметкерлері қатысты.

СИРИЛЬ РОГЕ – ПАРИЖДЕГІ ӨСІМДІКТЕР БАҒЫНЫҢ ДИРЕКТОРЫ:"Біздің ғалым-әріптестеріміздің бағалауынша, тропикалық ормандарда жануарлар мен өсімдіктердің барлық түрлерінің жартысы шоғырланған. Соған қарасаңыз, тропикалық ормандарға қызыға бастайсыз. Осылайша, адамдарда осы бірегей экожүйе туралы көбірек білім пайда болады".

Париждегі өсімдіктер бағын XVII ғасырдың бірінші жартысында патша Людовик XIII-нің дәрігерлері  талқандады. Бұл Францияның ең ескі ботаникалық бақтарының бірі. Қазір бақ Ұлттық табиғи тарих мұражайына тиесілі. Рождество инсталляцияларының көрмесі 21 қаңтарға дейін жалғасады.