https://www.youtube.com/embed/eV2ouApGO_k?si=sw2pj7V6NPbHoUvY" 

Кеше Алматы облысы, Талғар аудандық ауруханасында әкесінің қайтыс болғанын естіген ұлдары медицина қызметкерлерін ұрып-соғып, марқұмның денесін ұрлап кетті. Көп ұзамай полицейлер күдіктілерді қолға түсірді. Оқиғаның мән – жайын біздің түсіру тобы анықтап көрді.

Белгілі болғанындай,Талғар орталық аудандық ауруханасына 18 қыркүйектен 19 қыркүйекке қараған түні 64 жастағы ер адам жүрек талмасымен өте ауыр жағдайда жеткізілген. Науқас бірден жансақтау бөліміне жатқызылды. Дәрігерлер оның өмірі үшін күресті. Өкінішке орай, ол мүмкін болмады. Таңғы сағат 04:50 шамасында науқастың жүрек соғысы тоқтады.Қайғылы жағдайды естіген марқұмның ұлдары дәрігерлердің сараптама қағазын күтпестен реанимация бөліміне баса-көктеп кіріп, дәрігер мен мейіргерін соққыға жықты. Зардап шеккен медицина қызметкерлерінің жағдайы қазір ауыр деп бағаланып отыр.

ИСЛАМБЕК АРЫСТАНБЕКОВИЧ АҒА ДӘРІГЕР ТРАВМАТОЛОГ

«Қазіргі таңда реаниматолог дәрігеріміз ес түссіз жағдайда жатыр. Олар компьютерлік томография, рентген сараптамаларынан өтті. Қойылған диагноздар: жабық ми жарақаты, бас-мидың соғылуы, бастың шашты бөлімінің тері асты гемотомасы, маңдай бөлімінің сырылған жарасы, сол қасының ашық жарасы және сол көз орбитасының сынығы. Сол көзі қазір дұрыс көрмейді. Автомолог дәрігерлеріміз көрді. Қазіргі кезде ота қажет емес. Бірақ, көзінің көруі одан сайын нашарлайтын болса, ота жасалады. Екінші реанимация бөлімінің медбратында ауыр бас-ми жарақаты мен бас-миының соғылуы және мұрын сүйектерінің соғылуының жеңіл дәрежесі диагнозы қойылды».

Соққыға жығылған дәрігерлерде алдағы жарты жыл уақыт ішінде бас-миының зақымдануына байланысты тырысқақ, бас ауруы, бас айналуы сынды аурулар пайда болуы мүмкін дейді ақ халаттылар. Алматы облыстық Полиция департаментінің мәліметінше, күдіктілер ұсталып, қамауға алынды.

ЕРНАР САЙДИЛЬДИН АЛМАТЫ ОБЛЫСТЫҚ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІНІҢ БАСШЫСЫ

«Алматы облысының полициясы Талғар қаласында медициналық қызметкерлерді ұрып-соққан күдікті екі адамды уақытша ұстау изоляторына қамаққа алды.Қозғалған қылмыстық іс бойынша жан-жақты, толық және объективті зерттеуді қамтамасыз ету үшін сараптамалық тексерулер тағайындаумен тергеу іс-шаралары жүргізілуде.ҚР ҚК 106-бабының 2-бөлігіне сәйкес денсаулыққа қасақана ауыр зиян келтіргені үшін мүлкі тәркіленіп немесе онсыз сегіз жылдан он екі жылға дейінгі мерзімге бас бостандығынан айыру жазасы қарастырылған».

https://www.youtube.com/embed/RI9XDlW03cw?si=m7l88DnTJoaIYiIT" 

Абай облысы, Бесқарағай ауданы, Жетіжар ауылында сібір жарасына байланысты төтенше жағдай енгізілді. Қазір оның себептерін анықтау үшін тексеру жұмыстары басталды. Сондай-ақ Жетіжар ауылының кіре берісіне санитарлық бекет орнатылды. Ауылдан ауыл шаруашылығы өнімдерін шығаруға уақытша шектеу қойылды. Төтенше жағдайлардың алдын алу және жою жөніндегі жоспардан тыс облыстық комиссияның отырысында халықтың қауіпсіздігін қамтамасыз ету мақсатында жергілікті ауқымда табиғи төтенше жағдай жариялау туралы шешім қабылданды. Ал сібір жарасын жұқтырып алуы мүмкін деген тұрғын полимеразалық тізбекті реакция тестін тапсырды, ауру расталған жоқ.

АЛМАС ТАСТЕНБЕКОВ, АБАЙ ОБЛЫСЫ БЕСҚАРАҒАЙ АУДАНЫ ӘКІМІНІҢ ОРЫНБАСАРЫ:

«Бесқарағай ауданы Жетіжар ауылының тұрғыны сібір ауруына шалдыққан деген күдікке ілінді. Қазіргі таңда науқастан экспрес тест алынып ол расталмады. Тұрғындарды қауыпсіздікті қамтамасыз ету мақсатында облыстық және аудандық кезектен тыс төтенше жағдайлар отырысы өткізіліп, жергілікті деңгейде төтенше жағдай жариялау туралы шешім қабылданды. Қазіргі таңда блок посттар орнатылып, арнайы зерттеулерге пробалар алынып, тексеру жұмыстары және де пайда болу орындары анықталуда».

https://www.youtube.com/embed/urbOXMUvB3I?si=oMKSjbi8IumYIjkx" 

Бұдан былай балаларға Ұлттық қордан қаражат төленеді. Бүгін Мәжіліс осы заң жобасын бірауыздан мақұлдады. Сондай-ақ, депуттар Парламент мінберінен саяжай мәселесін көтерді. Тіпті мәжілісмендер халық жазған 8 мың хатты арқалап келген. Шет елде мигрант болып, нәпақа тауып жүрген отандастарымыздың да проблемасы халық қалаулыларын алаңдатып отыр. Сондықтан, олар Үкімет басшысынан өзге елде жұмыс істеуге заң жүзінде рұқсат беруді сұрайды.

Кезекті Парламент отырысы қызу әрі тартысты өтті. Тек әдеттегідей ертемен емес, депутаттар жиынға түстен кейін жиналды. Мәжілісмен Мақсат Толықбай өзімен бірге 8 мың халықтың аманатын арқалай келген. Ол саяжайдағы ағайынның мәселесін тез арада қолға алып, арнайы заң қабылдап, бір жақты етіп шешіп беруді Үкіметтен сұрап, үндеу жолдады. Байтақ Қазақстанның әр төңірегіндегі саяжайға қатысты түйіні тарқалмаған мәселе өте көп дейді ол.

МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Халық қысы-жазы тұрғын жай етіп отырған жүздеген саяжайда не мектеп жоқ, балабақша жоқ, қоғамдық көлік те жоқ. Медициналық әлеуметтік нысан жоқ. Асфальтта жоқ, пошатада жоқ. Электр қуатына дейін жекенің қолында. Оқу жылы басталғаннан бері балалар балшықпен барып, иттерге таланып жатыр. Жүздеген отандасымыз ауыл статусын сұрап отыр. Статус берейін десе миллиардттаған ақша керек. Үкімет жедел әрекет етіп, нақты ауқымды бағдарлама қабылдауды талап ету керек. Әйтпесе, қайталап айтамын мұның арты үлкен әлеуемттік шиеленіске алып келуі мүмкін».

Өзге елде құқы қорғалмай, қауіп қайдан келеді деп жәутеңдеп отырған 20 мыңнан аса қазақ баласының арызын жеткізген депутат Нартай Аралбайұлы болса, Оңтүстік Кореяда мигрант болып жүрген отандастарымызды қорғауды сұрайды.

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Заңсыз жүрген мигранттарымыздың жағдайы түсінікті. Асқақ сөйлемек түгел, астарлап сөйлеуге тартынып тұрады. Мысалы 57 жасар қазақстандық еңбек мигранты болып барып қайтыс болғанда баласы жылу жинап кеткен. Оларға ешкім ешқандай өтемақы төлемейді. Тіпті қажет десе ұстатып та жібере алады. Екі ұсыныс бар. Жедел пысықтауды тапсырамыз. Екі ел арасында ортақ келесім жасалғанша Оңтүстік Кореяда заңсыз мигранты болып жүрген 20 мыңға жуық қазақстындықтың құқығын қорғайтын заңдық тетік табуы керек».

Сондай-ақ депутаттар жерді заңсыз иемденіп алғандар мен заңсыз шығарылған активтерді елге қайтару бойынша депутаттаық сауалдар жолдады. Олардың қаншалықты шешімін табатыны алдағы уақыттың еншісінде. Айтпақшы, бүгін Парламент балаларға ұлттық қордан төленетін қаражатқа қатысты заң жобасын мақұлдады. Енді құжат Сенат қарауына жолданды.

https://www.youtube.com/embed/a207fD279LY?si=zI3AgAEtNLoXVFzE" 

Армения Таулы Қарабақта өз әскерінің барын жоққа шығарып, атысты тоқтату режимін бұзды деген айыптауларды өтірік деп, жалғасып жатқан антитеррорлық операцияны агрессия деп атады.

Бұл ретте Түркия Президенті Режеп Тайып Ердоған өз елінің Әзірбайжанның аумақтық тұтастығын сақтауға бағытталған қадамдарын қолдайтынын айтты.

РЕЖЕП ТАЙЫП ЕРДОҒАН, ТҮРКИЯ ПРЕЗИДЕНТІ:
«Қарабақтың Әзірбайжан жері екенін бәрі біледі.Біздің басты мақсатымыз – барлығының, соның ішінде армяндардың Әзірбайжан жерінде тату-тәтті өмір сүргендері жеткілікті».

Сондай-ақ Ердоған Армения мен Әзірбайжан арасындағы қақтығыстың шиеленісуін айыптап, оның тез бітетініне сенім білдірді.Ал Ресей соғысушы елдерді келіссөз үстеліне келуді шақырды .Айта кетейік,Таулы Қарабақ халықаралық деңгейде Әзірбайжан территориясы ретінде танылған. Бірақ оның 150 000 тұрғындарының көпшілігі этникалық армяндар. Армения мен Әзірбайжан даулы аймақ үшін бірнеше рет соғысып, қақтығыстарда ондаған мың адам қаза тапқан.

https://www.youtube.com/embed/PxYx35vtMUM?si=XaKnIABV5M6ADF1H" 

БҰҰ Бас Ассамблеясының сессиясында геосаяси қақтығыстар, климатқа байланысты табиғи апаттар және өсіп келе жатқан жаһандық бөліну мәселелері талқыланды.

Президент Джо Байден отырысқа қатысқан Қауіпсіздік Кеңесінің тұрақты бес мүшесі – АҚШ, Ресей, Қытай, Франция және Ұлыбритания мемлекеттерінің ішінен жалғыз көшбасшы ретінде тағайындалды. Ал биылғы Ассамблея дамымаған және дамушы елдердің, соның ішінде Африка елдерінің қажеттіліктерін ескере отырып ұйымдастырылды.Сенегал Президенті Макки Саль өз құрлығындағы жақында болған әскери төңкерістердің үлкен алаңдаушылық туғызатынын айтып, заңсыз көші-қон мәселесіне де тоқталды.

МАКИ САЛЬ, СЕНЕГАЛ ПРЕЗИДЕНТІ:
«Қауіпсіз, реттелген және тұрақты көші-қон туралы жаһандық шартты жүзеге асыру және заңсыз адам саудасын ұйымдастыратын қылмыстық желілермен күресті жалғастыру қажет».

Жапония Премьер-Министрі Ресей-Украина қақтығысымен қатар,ядролық қарусыздану тақырыбына тілге тиек етті.

ФУМИО КИСИДА, ЖАПОНИЯ ПРЕМЬЕР-МИНИСТРІ:
«Мен бүкіл әлемдегі саяси көшбасшыларды, соның ішінде ядролық қаруы бар мемлекеттерді, ядролық қарусызданудың мәнін білу және нақты әрекет ету үшін барлық мүмкіндіктерді пайдалана алуымыз үшін талқылаулды ұсынамын».

Сальвадор Президенті әлемге әйгілі болған 66 мыңнан астам адамның түрмеге жабылуына әкеліп соқтырған соғыс туралы мәлімдеме жасады. Бұл оның елін жылдар бойы әлемдегі ең қауіпті елдердің біріне айналдырған кісі өлтіру санын азайтуды көздейтінің айтты. Панама Президенті кемелердің көбеюі жағдайында Панама каналын бәсекеге қабілетті етіп сақтауға уәде берді. Биыл оның елі құрғақшылық жағдайында суды үнемдеу үшін контейнерлік кемелер мен олардың санын шектей бастады. Көптеген кемелер жүк бағасының көтерілуіне қарамастан жүкті жеңілдетуге мәжбүр болды.Осы уақытта Перу Президенті Эль-Ниньо ауа райы құбылысының салдарымен күресу үшін халықаралық пакт жасауды ұсынды. Оның айтуынша, бұл аймақ экономикасы үшін қауіпті.

https://www.youtube.com/embed/SENSE9uhSa0?si=PI0k2p7VirfqkSYJ" 

Мемлекет басшысы Қасым-Жомарт Тоқаев Нью-Йорк қаласына жұмыс сапары аясында Орталық Азия мен АҚШ мемлекеттері басшыларының саммитіне қатысты. Жиында С5+1 серіктестігі арқылы экономика, энергетика және қауіпсіздік салаларында Орталық Азияның егемендігін, орнықты дамуын және өркендеуін одан әрі нығайту үшін бірлесіп жұмыс істеу мәселесі талқыланды. Саммитте Мемлекет басшысы Қасым-Жомарт Тоқаев АҚШ Президенті Джозеф Байденнен кейін сөйледі. Сонымен қатар шараға Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Өзбекстан Президенті Шавкат Мирзиёев қатысты.

Кездесу барысында стратегиялық серіктестікті, саяси диалогты, сауда-экономикалық, инвестициялық және гуманитарлық салалардағы ынтымақтастықты одан әрі дамыту, сондай-ақ Еуразия құрлығындағы бейбітшілік пен тұрақтылықты сақтау мәселелері жан-жақты талқыланды. Саммитте экономикалық ынтымақтастық мәселесіне, сондай-ақ америкалық компаниялардың маңызды қазба байлықтарды игеру, жаңартылатын энергия көздері, өңдеу өнеркәсібі және басқа да бағыттарды дамыту мүмкіндіктеріне баса мән берілді.

Бұдан бөлек, пікірталас барысында қауіпсіздік проблемаларын, соның ішінде киберқауіпсіздік, терроризм, экстремизм, заңсыз миграция және есірткі тасымалы секілді қауіп-қатерлерді шешу үшін ынтымақтастықты нығайту перспективалары қарастырылды.

https://www.youtube.com/embed/hF96byjWsl4?si=9xuL1fdL-0Gt68Fe" 

Мемлекет басшысы Қасым-Жомарт Тоқаев Нью-Йорк қаласына сапарында БҰҰ Бас Ассамблеясының 78-сессиясы аясында өткен Жалпы дебатқа қатысты.Ең биік халықаралық мінберде сөз алған Қазақстан Президенті адамзат баласы бұрын-соңды басынан өткермеген аса үлкен сын-қатерлермен бетпе-бет келіп отырғанын және геосаяси қақтығыстардың жаңа кезеңіне өткенін мәлімдеді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:«Бұған БҰҰ Жарғысындағы халықаралық құқықтың негізгі принциптерінің бір мезетте бұзылуы себеп болып отыр. Құқықтық темірқазықтың жойылуы қазіргі халықаралық қатынастар жүйесіне уақыт өткен сайын ауыртпалық түсіріп, түрлі қарама-қайшылық тудырады. Басты халықаралық құқықтық құжаттардың тәртібін сақтамау, тоқтатып қою және оны тәрк ету тәжірибесі – өте алаңдатарлық жағдай. Өйткені мұның соңы адамзаттың араздығына әкелуі мүмкін. Бұл жағдай сауда жүйесін бұзады, экономиканың өзегі саналатын тасымал тізбегін әлсіретеді, сондай-ақ азық-түлік қауіпсіздігіне зардабын тигізіп, инфляцияның қарқынын күшейтеді. Қазіргі қалыптасқан кері үдеріс адамдардың қайғысын қалыңдата түседі. Әлемде 108 миллион адам мәжбүрлі түрде босқынға айналды, 1 миллиардтан астам адам кедейлікте өмір сүріп жатыр, 2 миллиард адам негізгі дәрі-дәрмектерге қол жеткізе алмай отыр. Ақыр соңында адамзат болашақта әлемнің тұрақты дамуына сенімін жоғалтуы ықтимал. Өскелең ұрпақ өздеріне мұра болып қалатын әлемнің енді жақсаратынына сенбейді. Сондықтан Қазақстан БҰҰ Жарғысының қағидаттарына өзінің мызғымас адал екенін тағы бір рет мәлімдейді».

Қасым-Жомарт Тоқаевтың айтуынша, БҰҰ Бас Асасамблеясына жиналған көшбасшылар адамзаттың тағдыры мен болашағына жауапты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Диалог – жаңа принциптер мен нормалар бойынша келісімге қол жеткізуге мүмкіндік беріп, қолайлы орта қалыптастырудың жалғыз жолы. Қабылданып жатқан барлық шешімге қарамастан, әлемнің көптеген аймағында қақтығыстар жалғасып жатыр. Біз барлық тарапты БҰҰ Жарғысы мен халықаралық құқықтың жалпыға бірдей нормаларын негізге ала отырып, қақтығыстарды реттеудің дипломатиялық жолын іздеуге шақырамыз. Осы орайда Қазақстан Украина дағдарысын саяси реттеуді қолдайтын түрлі мемлекеттер мен елдер топтары ұсынған барлық бастамалар мен жоспарларды жоғары бағалайды. Халықаралық дауларды шешуде әрқашан дипломатия мен диалог басшылыққа алынуы керек. Сондықтан біз қазіргі жаһандық институттардың жалғыз жүйесін тұрақтандыруға барынша күш салуымыз қажет».

Қазақстан Президентінің айтуынша, адамзат бетпе-бет келген барлық сын-қатерлердің ішінде ядролық қаруды қолдану қаупі ең жойқыны болуы мүмкін. 30 жыл бұрын Қазақстан Кеңес өкіметінен мұраға қалған төртінші ядролық арсеналынан өз еркімен бас тартты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Сондықтан ядролық күн тәртібінің логикасын қайта қарау керек. Ядролық державалар арасында ядролық қарудан ада әлем құру жолында өзара сенім мен ынтымақтастық болғанда ғана жаһандық тұрақтылықты қамтамасыз ете аламыз. Осыған байланысты Қазақстан Ядролық қаруға тыйым салу туралы шартты қатаң сақтайтынын мәлімдейді. Біз қарусыздану және қаруды таратпау саласы бойынша жаңа тетіктерді дамытуды қолдаймыз. 2045 жылға қарай ядролық қарудан толық бас тартудың стратегиялық жоспары қазіргі көшбасшылардың жаһандық қауіпсіздікті қамтамасыз етуге қосқан ең маңызды үлесі болуы мүмкін».

Мемлекет басшысы COVID-19 пандемиясының ауыр салдары болашақ биологиялық қауіп-қатерлер алдында дәрменсіз екенімізді көрсетіп бергеніне назар аударды. Осыған байланысты Қазақстан Ассамблеяның Бас хатшысы мен Төрағасына Биологиялық қауіпсіздік жөніндегі халықаралық агенттік құру процесін бастау туралы үндеу тастады. Бұдан бөлек Қасым-Жомарт Тоқаев өз сөзінде Орталық Азия өңіріндегі су тапшылығы трансшекаралық өзендер бассейнінде күрделі экономикалық және басқа да мәселелер туындатып отырғанына назар аударды. Мұндай жағдай келешекте бүкіл әлемде байқалады. 2040 жылға қарай суға жаһандық сұраныс ұсыныстан 40 пайызға асып кетуі мүмкін.

https://www.youtube.com/embed/xkvfT5ahLkc?si=NcoqTCn-EdXJhbLr"

https://www.youtube.com/embed/Go6SeKCRDV4?si=SoDfK-7G293UwdUO" 

https://www.youtube.com/embed/msgrlnOHTFM?si=ustjm_D-iGLnfVkv" 

Ата-аналар мен ұстаздардың ортақ ымырада жұмыс жасауы,баланың жетістігі мен кемшілігін қадағалауға мүмкіндік береді.Бүгінде Оқу-ағарту министрлігі тарапынан айтулы бағытқа мән беріле бастады. Алматы қаласындағы № 205-ші мектеп қабырғасында «Ашық есік» күні ұйымдастырылды. 140 тан астам ұстазы, 2000 ға жуық оқушысы бар білім ордасы ата -аналар мен қонақтарға есігін айқара ашты.Шараға қамқоршылық кеңесінің мүшелері де қатысты.

Балаларының мектептегі тыныс-тіршілігімен жақынырақ танысуға ата-аналармен бірге ата, әжелер де қызығушылық танытты.Мектептегі баласының бір күндік өмірімен танысу, ата-аналардың ең басты мақсаты екені белгілі. «Ашық есік» күнінің негізгі мақсаты мектептің білім беру базасы ғана емес, оқушының жеткен жетістіктері мен кемшіліктерін тізе қосып саралау,яғни тәрбие дейтін ортақ құндылықпен жұмыс жасауды мақсат тұтады.

ГҮЛНАР ДӘУЛЕТОВА АЛМАТЫ ҚАЛАСЫ АЛАТАУ АУДАНЫ №205 ЖАЛПЫ БІЛІМ БЕРЕТІН МЕКТЕПТІҢ ДИРЕКТОРЫ:

Балалар телефонға телмірген заманда, олардың бос уақытын немен өткізетінін ата-аналар тарапы жіті қадағалап отыруы тиіс. Ал мектеп тарапынан сапалы білім беру басты міндеттің бірі.Екі бағыт бірлесе үйлесімін тапса,өзекті мәселелер өз шешімін табатыны сөзсіз.Айтулы мектеп қабырғасында салауатты өмір салтына ерекше мән беріледі,сонымен қатар ұлттық ойындар мен қол өнерге баулу, дұрыс жолға қойылған. Ұстаздар қауымы «Ашық есік» шарасын тұрақты түрде өткізіп тұруды күн тәртібіне енгізіп отыр.Келешекте де,бала тәрбиесі мен білімін жіті қадағалау үшін кері байланысты жандандыра бермек ниетте.

https://www.youtube.com/embed/VbujX3ki5as?si=FMEbZzE7pE08bYII" 

Алматы тұрғындары дәстүр бойынша қыркүйектің үшінші жексенбісінде Қала күнін атап өтті. Биыл мереке Абай алаңындағы «Алматы жүрегімде» халықаралық байқауынан басталды. Сондай-ақ Алматының барлық сегіз ауданында концерттер, көрмелер, флешбомдар, фестивальдар ұйымдастырылды. Мерекенің ажарын Тұңғыш Президент саябағында өткен «Alma Fest» фестивалі аша түсті. Қала күніндегі ең жарқын сәттерді келесі сюжеттен бірге көрейік.

Алып шаһар Алматының төл мерекесі жыл сайын ерекше аталып өтеді. Биыл да солай болды. Жексенбі күні алматылықтар таңмен таласа Абай алаңына жиналды. Әсем әуен, күмбірлеген күй, театрландырылған көрініс, шат-шадыман думан қала тұрғындары мен қонақтарына тамаша көңіл күй сыйлады. Шара барысында шаһар басшысы Ерболат Досаев мегаполистің дамуы мен өркендеуіне елеулі үлес қосқан 10 адамды «Алматы қаласының құрметті азаматы» атағымен марапаттады. Олардың қатарында ғалымдар, дәрігерлер, суретшілер, қоғам қайраткерлері бар.

СӘТ ТОҚПАҚБАЕВ АЛМАТЫ ҚАЛАСЫНЫҢ ҚҰРМЕТТІ АЗАМАТЫ: «Алматыда тудым, мектеп, университет бітірдім. Негізгі қызметім Алматыда өтті. Аз жыл ғана шетелде жұмыс істедім. Бұрынғы Алматымен қазіргі қаланы салыстыруға келмейді. Нөлден бастап, әсем қалаға айналды».

Мерекеге қатысқандар 1980-90 жылдардағы көріністерді тамашалады. Сол кездегі дүкен сөрелері, газды сусын сататын аппараттар 30-40 жылға артқа саяхаттауға мүмкіндік берді. Сондай-ақ әлемдегі ең үлкен рубик текшелерінің мозаикасы орнатылды. Мозаика 5040 текшеден жиналды, осылайша Гиннестің рекордтар кітабына енді. Ал, Тұңғыш Президент саябағы алып алма баққа айналады. Алма жәрмеңкесінде Талғар, Қарасай, Еңбекшіқазақ және Ұйғыр аудандарынан шамамен 45 бау-бақша серіктестігі 125 тонна жеміс әкелді. Мұнда алманың 13 түрі көпшілікке ұсынылды. Атап айтсақ, американка, кандиль, Айнұр, Салтанат, Рашида және гала мен апорт секілді сорты бар. Мерекенің әр қонағы өзіне ұнаған алманың дәмін татып көрді.

РОЗА БАЖИКОВА АЛМАТЫ ҚАЛАСЫНЫҢ ТҰРҒЫНЫ: «Сүйікті қаламыздың туған күні құтты болсын!Жылда Алма фестиваліне келеміз. Алматы гүлдене берсін, өркендей берсін».

Сондай-ақ іс-шара кезінде суретке түсуге арналған түрлі орындар ұйымдастырылып, концерттік бағдарлама қойылды. Қазақтың ұлттық ойындары ойнатылды. Ересектер қол күрестіріп, күш сынасты. Оқушылар боз кілемде мықтыны анықтады. Ал балалар болса, тоғызқұмалақтан жарысты.

ҚУАНЫШ ӘБДІРАХМАН АЛМАТЫ ҚАЛАСЫНЫҢ ТҰРҒЫНЫ:«Барлық алматылықтарды қала күнімен құттықтаймын. Алматы көркейсін. Ең бастысы жаңа дүниелермен дами берсін».

Бір мезгілде мегаполистің 8 бірдей ауданында және Панфилов пен Жібек жолы көшеcінде «Туған күніңмен, Алматым!» атты фестиваль өтті. Бұдан бөлек, қолөнер жәрмеңкесі, заманауи өнер көрмесі, жергілікті суретшілер мен дизайнерлердің шеберлік сыныптары ұйымдастырылды. Шараның басым бөлігі алып шаһардың тарихына арналды.

https://www.youtube.com/embed/3L2Dgrd4zEI?si=m4hcHijqw9sn0EcP" 

Биыл Семей ядролық полигонының жабылғанына 32 жыл, Чернобыль апатына 37 жыл толды. Еліміз егемендікті алғанда атом қаруынан бас тарту туралы қаулы қабылдады. Осылайша елді дүрліктіріп, жерді сілкіндірген жарылыс аймағына қара құлып салынды. Бүгін Талдықорғанда "Радиациялық апат құрбандарына" арналған ескерткіш ашылды.

Қазақ жеріндегі нәубеттің бірі - Семей ядролық полигоны. 1949 жыл. 29 тамыз. Таңғы сағат 7. Ешбір ескертусіз алғашқы атом бомбасы сынақтан өтті. 40 жыл уақыт ішінде аумақта 456 рет дүмпудің дыбысы естілді. Жарылыстан жан тапсырғандардың саны әлі де белгісіз. Ал, 1986 жылы Украинада атом-электр стансасының төртінші блогы жарылды. Апатты залалсыздандыруға 40 мыңға жуық қазақстандық қатысты. Араға жылдар салып Жетісу жерінде қос апаттың құрбандарына арналған алып ескерткіш бой көтерді.

ТОЛЫБЕК ДАНАБЕКОВ СЕМЕЙ-ПОЛИГОН МҮГЕДЕКТЕР ЖӘНЕ АРДАГЕРЛЕР ҰЙЫМЫНЫҢ ТӨРАҒАСЫ: «Үлкен шара болып жатыр. Өйткені көріп тұрғандай артымызда Семей-Чернобыль ардагерлері құрбан болған үлкен ескерткіш ашылып жатыр. Осы ескерткішті ашуға жаңа айтып кеттім, облыс әкімі қаланың әкімі қаланың акиматтың жұмысшылары үлкен үлес қосып, бүгінгі күні ашып жатырмыз. Қазақстанда теңдесі жоқ қандай биік ескерткіш Біз бүгін өте қуаныштымыз. Мына жерге келіп, тағзым етіп гүлімізді қойып келіп еске алатын орын деп ойлаймын».

Рухани шара апат құрбандарына тағзым етіп, гүл шоқтарын қоюдан басталды. 1 минут үнсіздік жарияланды. Мұнан соң, оқушылар сарайында салтанатты жиын өтті. Онда Талдықорған қаласы әкімінің "Құрмет" грамотасымен Семей ядролық сынақ полигонының ардагерлері марапатталды. Сондай -ақ, жетісулық бір топ азаматқа «Семей – Полигонының жабылуына 30 жыл» төсбелгісі табысталды.

«Ел бастап отырған азаматтарды, даналарымды сақта. Бала шағасын сақта, өмірін сақта. Келешегіңді сақта Алла баласымен сақта, жеріңді данасымен сақта елінді құдіретті осындай азаматтармен сақта».

Құрбандарға арналып, Жеңіс саябағында бой көтерген ескерткішке облыстық бюждеттен 90 млн жуық қаражат бөлінген. Ескерткішті орнатуға 1,5 айға жуық уақыт кетті. Бұл атом энергиясының адамзатқа әкелген қасіретін ескеріп, тарихтан сабақ алуға бағытталған шара дейді қала әкімі.

ЕРНАТ БӘЗІЛ ҚАЛА ӘКІМІ:
«Әркім өзінің тарихын білмесе, ел өзінің тарихын білмесе бұндай елде болашағы болмайды. Сондықтан тарихты біліп отыру керек. Кезінде сондай апат болды. Мына Қазақстан елімізге бағанада айтып отыр 25 мың солдаттан барғаннан бүгінгі күні 4-ақ мыңы қалыпты. Сондықтан бұл үлкен зиян келтірді біздің халыққа. Сондықтан өздері баратын зәулім скульптура қойылған. Бүгін осы бекітілдік, ашылдық соған міне куәгер болып отырмыз».

Адамзат баласы үшін ядролық қару қаупі әлі сейілген жоқ. Оны тоқтату үшін де түрлі саяси дипломатиялық шаралар жүріп жатыр. Қазақстан – жойқын атом қаруының зардабын ең көп тартқан және одан өз еркімен бас тартқан ел.