- Толығырық
- Категория: Алатау ақпараты
- 307 рет қаралды
https://www.youtube.com/embed/G9rb3052jtI?si=HVD7IDNPVTC0uYt8"
Туған жерге, оның мәдениеті мен салт-дәстүрлеріне айрықша іңкәрлікпен атсалысу – шынайы патриотизмнің маңызды көріністерінің бірі. Алматы облысына қарасты Балқаш ауданының 1984 жылғы түлектері бір жеңнен қол,бір жағадан бас шығарып, аймаққа кіреберіске,мұнаралы қақпа орнатты. Конституция мерекесінің құрметіне орай тұсауы кесілген қақпаның маңында жолаушылар демалатын аялдаманы,сонымен қатар қызыл жолбарысты көруге болады. Барыс символын аудан азаматтары бекер орнатпаған.Өйткені сонау жылдары, ауданды тұран жолбарыстары мекендеген дерек көздері бар.
БАҚЫТЖАН ХАМЗИН АЛМАТЫ ОБЛЫСЫ БАЛҚАШ АУДАНЫНЫҢ ТУМАСЫ
Малайсарының жотасынан орын тепкен қақпаның құрылысына ауданның азаматтары өздері жеке қаражат шығарып,құрылысын аяқтап отыр.Айтулы шараға аймақта туып-өскен ақсақалдар мен мемлекет және қоғам қайраткерлері де бой көрсетті.
ТЫНЫШБАЙ ДОСЫМБЕКОВ МЕМЛЕКЕТ ЖӘНЕ ҚОҒАМ ҚАЙРАТКЕРІ
МЫРЗАҒАЛИ ЖҰМАБЕКОВ АУДАН АҚСАҚАЛЫ
- Толығырық
- Категория: Алатау ақпараты
- 319 рет қаралды
https://www.youtube.com/embed/IKeD8c14uPY?si=8GgU3Ijp5f4dnQ1j"
Қазақстанда шамамен 450 жеке медициналық ұйым жабылу алдында тұр. Себебі, денсаулық сақтау министрлігі «Әрбір алғашқы санитарлық көмек ұйымдарына тіркелген халықтың саны 10 000 адамнан кем болмау керек» деген шектеу енгізген. Ия, ірі аймақтық орталықтар мен облыстарда бұған қол жеткізуге болатын шығар, алайда, оның өзіне біраз уақыт керек. Ал, шағын қалалар мен елді мекендерде бұл тіпті мүмкін емес деген жеке меншік медициналық ұйымдар не істерлерін білмей дал. Егер жеке медициналық ұйымдар, министрлік қойған шекті 10 мың адамды тіркей алмаса жаппай банкротқа ұшырайды. Онда орташа есеппен 6-мың білікті дәрігер жұмыссыз қалады. Бұл туралы бүгін Сілтеме баспасөз орталығында өткен жиында жеке клиника басшылары айтты.
ЕРҚАБЫЛ ЖАҚСЫЛЫҚОВ МЕДИЦИНАЛЫҚ ОРТАЛЫҚТЫҢ ДИРЕКТОРЫ: «Бір ғана облысты мысалға келтірейін. Түркістан облысында 26 медициналық ұйым бар. Оның 10-ы делік жетті 10 мың халыққа, қалған 16 медициналық ұйым не істейді? Жабылады. Орташа есеппен алайық әр мекемеде 30 адамнан. Он медициналық ұйым жабылды. 300 адам жұмыссыз қалады. Ал енді ауқымдылығын есептей беріңіз. Басқа да облыстарды, басқа да аумақтарды. Облыстық маңызы бар қалалар бар. Әр облыстарды 10 мыңға жетпеген ұйымдар бар. Бір облыста 300-400 адам жұмыссыз қалады. Жете алмаса».
- Толығырық
- Категория: Алатау ақпараты
- 310 рет қаралды
https://www.youtube.com/embed/zvvoWZApzOI?si=UdxuUw49MnA19UR9"
Биыл Маңғыстауда республикалық маңызға ие жолдардың 165,2 шақырымына жөндеу жүргізіледі. Бұл туралы жол активтерінің сапасының ұлттық орталығының директоры мәлімдеді. Аймақта жалпыға ортақ пайдаланылатын автомобиль жолдарының ұзындығы 3063 шақырымды құрайды. Ал, 1013 шақырымы республикалық маңыздағы жол.
Маңғыстаудағы облыстық және аудандық маңызы бар 6 шақырым жол қайта жаңғыртылады. 76 шақырым жолда құрылыс жүргізілсе, тағы 96 шақырым жол орташа жөндеуден өтеді. Ұлттық сапа мамандары осылай деп мәлімдеді. Бұдан бөлек күрделі жөндеуді қажет ететін тас жол тағы бар.
ХАМЗАТ СҰЛТАНОВ «ЖОЛ АКТИВТЕРІНІҢ САПАСЫ ҰЛТТЫҚ ОРТАЛЫҒЫ» РМК ФИЛИАЛЫНЫҢ ДИРЕКТОРЫ:
«Соның ішінде жалып ұзындығы 64 шақырымды күрделі жөндеуден, ұзындығы 101 шақырым болатын орташа жөндеуден және жалпы ұзындығы 847 шақырымнан асатын 4 автомобиль жолын күтіп ұстау жұмыстары атқарылады деп жоспарланған. Қазіргі таңда осы 6 нысанда жұмыс жүріп жатыр. Жасалған келісім шарт негізінде жөндеуден өтетін барлық нысан тексеру жұмыстарымен толық қамтылады».
Жыл басынан бері «Жол активтерінің ұлттық сапа орталығы» мемлекеттік кәсіпорын қызметкерлері облыстағы жолдардан 1334 сынама алған. 218 сынама нормативті құжаттар талаптарына сәйкес келмеген. Ал жылжымалы жол зертханасымен 797 шақырым жолға диагностикалау және аспаптық тексеру жүргізілген.
ГАУХАР ЧУХРУКИДЗЕ «ЖОЛ АКТИВТЕРІНІҢ САПАСЫ ҰЛТТЫҚ ОРТАЛЫҒЫ» РМК МО БОЙЫНША ФИЛИАЛЫНЫҢ ЗЕРТХАНА МЕҢГЕРУШІСІ:
«Диагностикалау дегеніміз - автомобиль жолдарының көліктік-пайдалану күйін қадағалау деген мағынаны білдіреді. Қазіргі таңда MetroCaunt автоматты құрылғысы арқылы көлік қозғалысы қарқындылығын анықтау жұмыстары жалғасып жатыр. Айта кету керек, ұлттық жол сапа орталығының мамандары жол құрылысы материалдарын қолданбас бұрын оның сапасына талдау жүргізеді. Мәселен, «CASPI BITUM» компаниясымен биыл келісімшарт жасақталды. Соған сәйкес, ай сайын битум сынамасын сараптамадан өткізудеміз. Бүгінге дейін барлығы 6 сынама алынып, 5 сынақ нәтижесі берілді. Тағы 1 сынама сынақтан өткізілуде».
Айта кетейік, өңірде 1 маусымнан 31 тамыз аралығында күндізгі 10:00-ден, кешкі 22:00-ге дейінгі аралықта ауа температурасы 25 градустан жоғары кезде жүктемесі 8 тоннадан артық автокөліктер қозғалысына шектеу енгізілген. Алайда бұған қарамастан заңбұзушылық деректер азаймай тұр. Мәселен, осы жылдың алғашқы жарты жылдығында өңірдегі жолдарда көліктік бақылау инспекциясымен бірлескен бақылау шарасы жүріп, 300-ден аса жүк көлігі тоқтатылған.
- Толығырық
- Категория: Алатау ақпараты
- 299 рет қаралды
https://www.youtube.com/embed/FTwmqoxOgAk?si=3sFxx7poD88C7srL"
Жаңа оқу жылындағы жатақхана жыры басталды. Елімізде 19 мың білімгер студенттер үйіне жайғаса алмай жүр. Бұл туралы «Қаржы орталығының» мамандары мәлім етті.
Айдана Дәулетхан - Талдықорған жоғары медициналық колледжінің студенті. 9 - сыныпты аяқтай сала, оқу орынына қабылданған білімгер медбике болуды армандайды. Бүгінде жоғары медициналық колледж жатақханасына орналасқан. Айтуынша, мұндағы жағдайы көңіл көншітерлік.
АЙДАНА ДӘУЛЕТХАН 1 КУРС СТУДЕНТІ:
«Мені бірден орналастырды,өзінің керекті жерлеріне қол қойып жаңағы өтініш толтыру деген сияқты.Артынша бірден осы комнатаның кілтін берді. Барлығы жақсы, ұнайды, условияға сай. Өте керемет».
Иә, бұл жатақхана Айданаға бұйырғанмен талай студентке арман болып отыр. Алматы облысы, Жетіген ауылынан келген Медет Мұхамедханов 3 курс оқитын қызын жатақханаға орналастыра алмай әлекке түскен. Оқу ордасы бірінші кезекте, жаңа түскен студенттерді жатақханамен қамтуға тырысады. Ал жоғарғы курс студенттеріне баспана мәселесін шешу қиынға түседі дейді ол.
МЕДЕТ МҰХАМЕДХАНОВ АТА-АНА:
«1-2 курсты орналастырып алайық, содан кейін береміз деді. Енді соны күтіп отырмыз, 25-інен бастап жүрміз. Негізі общяға жайлы, чем квартира. Квартира қымбат кәзір, оған жағдай келмейді, енді күтіп отырмыз».
Биыл Талдықорған жоғары медициналық колледжіне 600-ге жуық бала қабылданған. Оның жартысына дерлік жатын орын керек. 280 орындық жатақханаға 110 студент жайғасыпты. Десе де, мамандар орын тапшылығы бар екендігін жасырмады.
АЗАМАТ ҚАДЫРБЕКОВ ТАЛДЫҚОРҒАН ЖОҒАРЫ МЕДИЦИНАЛЫҚ КОЛЛЕДЖІНІҢ ТӘРБИЕ ІСІ ЖӨНІНДЕГІ МЕҢГЕРУШІСІ:
«Қазіргі таңда біздің колледжде орын 280ғана болғандықтан, одан артық біз қабылдай алмаймыз. Оның шешімі қандай, біз Агротехникалық колледжбен келісіп, 100 орын сұрадық. Енді оған әрине, біз қалғандарын сыйдыруға тырысамыз».
Ал, жатақханадан орын бұйырмаған білімгерлер, пәтер жалдауға мәжбүр. Биыл жалдамалы пәтер бағасының да шарықтап кеткені белгілі. Жайлы үй жалдауға шамасы жетпеген кей студенттер туысқандарын жағалап кеткен. Жылжымайтын мүлік агенттігінің мамандары былтырғы жылмен салыстырғанда тұрғын үй бағасы 10-15 пайызға өскендігін айтады.
АЙДЫН ҚАПАРЖАНОВ "АМАНАТ" ЖЫЛЖЫМАЙТЫН МҮЛІК АГЕНТТІГІНІҢ МАМАНЫ:
«Қазіргі кезде күніне 10-шақты адам звондайды, квартира сұрап. Дегенмен біз оларға квартира тауып бере алмай жатырмыз. Себебі қымбат. 1 комнатаның өзі 60 мыңнан басталады, 2 комната 100-120 и одан жоғары».
Жалпы, облыста 26 арнаулы орта оқу орыны бар.Оның 5-еуі жеке меншік. Барлығы 15 мыңға жуық білімгер білім алады. Сала мамандары жатақханамен мәселе жоқ дегенді айтып отыр.Мәселен, Биылғы оқу жылында қаладағы Қанабек Байсейітов атындағы саз колледжінде 100 орындық студенттер үйі қолданысқа берілмек.
- Толығырық
- Категория: Алатау ақпараты
- 304 рет қаралды
https://www.youtube.com/embed/pt_IvibbwmI?si=iGkzDw8ZJAOPRIyQ"
БҚО аумағында ішімдік ішіп алып, қылмыс жасау фактілері 2 есеге артып отыр. Шайтан судан ұрттап, бөтелкелесіне жұдырық жұмсағандар да көбейген.Полицейлер осындай екі фактінің ізін суытпай ашып, күдіктілерді алысқа ұзатпай қолға түсірді.
БҚО полиция департаментінің хабарлауынша, жыл басынан 78 ауыр қылмыс тіркелген. Көп жағдайда азаматтардың қылмысқа баруына алкогольді ішімдіктің буы себеп болған. Олардың қатысымен биыл 8 айда 15 факті анықталса, былтыр 6 жағдай орын алған екен. Мәселен, 26 тамыз күні осындай бір оқиға адам өміріне қауіп төндірді. Патрульдік полиция батальонының қызметкерлері жолдасының мойын тұсын пышақпен жарақаттаған 1977 жылы туған тұрғынды қолға түсірді. Мән-жайды тексеру барысында екеуі ішімдік ішіп, соңы келіспеушілікке ұласқаны белгілі болған.
АСЫЛАЙ ҒҰБАШЕВА БҚО ПД БАСПАСӨЗ ҚЫЗМЕТКЕРІ:
БҚО криминалдық полиция қызметкерлері ұрлық-қарлұқтың алдын алу мақсатында адам аяғы көп шоғырланған сауда орындарында жадынама таратуды жалғастыруда. Іс-шара кезінде тәртіп сақшылары дүңгіршектерде оғаш қылығымен көзге түскен тұрғынды байқаған. Белгісіз азаматтан жауап алу барысында оның ер адамдарға арналған сөмкені, келесі сауда үйінен әйелдерге арналған екі халатты жымқырғаны әшкере болады. Оңай олжаға кенелмек болып, бейнежазбаға түсіп қалған 49 жастағы азамат бұрын бірнеше рет сотты болған. Аталған факті ҚР ҚК-нің ұрлық жасау және ұсақ-түйек жымқыру бойынша қос бірдей бабымен сотқа дейінгі тергеп-тексерудің бірыңғай тізіміне тіркелді.
- Толығырық
- Категория: Алатау ақпараты
- 304 рет қаралды
https://www.youtube.com/watch?v=G8Eze1sfp1Q
- Толығырық
- Категория: Алатау ақпараты
- 303 рет қаралды
https://www.youtube.com/embed/GdLrslZLvTQ?si=v9K9jY0y6cAt9E3-"
Жақында Венесуэлада кітап сатып алу арман болып қалмақ. Каракас қаласындағы кітап дүкендеріндегі сөрелер босап жатыр. Импорттың төмен болуына байланысты басылымдар өте аз. Елде кітап басып шығару мүмкін емес. Қағаз бағасы тым қымбат. Тек, ескі кітаптарды сататын дүкендер уақытша жұмыс жасамақ.
РОМУЛО КАСТЕЛЛАНОС КІТАП ДҮКЕНІНІҢ ИЕСІ: «Қағаз құны қымбат. Сол себепті, Венесуэлада кітап басып шығару қиын болыр тұр. Біз билік өкілдерінің қағаз бағасын төмендетулерін сұраймыз».
Он жыл бұрын Венесуэладағы кітап сатушылар мен баспагерлер гильдиясының 110 мүшесі болған. Қазір олардың саны 25-ке азайған. Көбісі шетелге кетті. Гильдия Президенті мұның себебі, ұзаққа созылған экономикалық дағдарыстан болғанын айтады. Елдің жалпы ішкі өнімі 80%-ға азайған. Халықтың жалақысы да аз. Тіпті, ол жалақы тамаққа да жетпейді.
Айта кетейік, он жыл бұрын Венесуэланың Білім Министрлігі мемлекеттік мектептерде жеке баспалар шығарған оқулықтарды пайдалануға тыйым салған болатын. Соның салдарынан, баспагерлер табыстарының 80% жоғалтты. Нәтижесінде, елде оқулықтар тапшылығы белең алды. Өйткені, мемлекет 2018 жылдан бері бірде-бір баспа шығармаған. Бірақ, 2021 және 2022 жылдары Венесуэла экономикасы аздап жандана бастады.
- Толығырық
- Категория: Алатау ақпараты
- 265 рет қаралды
https://www.youtube.com/embed/gam4fyp2thM?si=JWKzkHHEhPokFK0p"
Солтүстік Корея билігі басқа елдерде қалып қойған азаматтарының отанына оралуына рұқсат берді. Аталмыш елдің шекарасы пандемияға байланысты үш жылдан астам уақыт бойы жабық болған болатын. Жергілікті БАҚ өкілдері жексенбі күні биліктегілердің осындай мәлімдеме жасағанын хабарлады.
Пхеньян басшылығы бұл мәлімдемені «әлемдегі пандемияға қатысты жағдай жақсарды» деп түсіндірді. Елге оралған азаматтар карантиндік бөлімшелерге орналастырылып, бір апта бойы дәрігерлердің бақылауында болады.
Бұл Солтүстік Кореяның COVID-ке қатысты шектеулерді өзгерту туралы шығарған алғашқы мәлімдемесі болды. Пандемия кезінде Пхеньяндағы көптеген шетелдік елшіліктер жабылып қалған болатын. Өйткені, қызметкерлердің Солтүстік Кореядан ұшып кету және қайта оралу мүмкіндіктері болмады.
Бірнеше күн бұрын, мәлімдеме шықпас бұрын алғаш рет Пхеньян қаласынан Бейжіңге ұшақ келіп қонған болатын. Бортта кім болғаны белгісіз. Енді, Қытайда соңғы үш жылда тұрған солтүстік кореялықтарды осы ұшақпен алып кетеді деген болжамдар бар.
Айта кетейік, өткен айда Пхеньянға шетелдік үкімет делегациялары барған болатын. Оларды Қытай және Ресей мемлекеттері жіберді. Сонымен қатар, тамыз айында таэквондодан өткен турнирге барған солтүстік кореялық спортшыларға да Корей халық-демократиялық Республикасының шекарасынан өтуге рұқсат етілді.
- Толығырық
- Категория: Алатау ақпараты
- 280 рет қаралды
https://www.youtube.com/embed/kwEjV6mjZbA?si=VPYNUfXFa0slFRPi"
Конституция күніне орай инклюзивті білім беруді қолдау мақсатында ерекше балаларды оқыту мекемелеріне көліктер берілді. Ақмола облысы бойынша 6 аудандағы арнайы оқу орны темір тұлпардың иесі атанды. Жалпы арнайы білімді қолдауға жергілікті бюджеттен 300 миллион теңгеден астам қаражат бөлінген.
Астрахан, Жақсы, Зеренді, Біржан сал және Сандықтау аудандарында орналасқан психологиялық-педагогикалық түзету оқу орындарына, арнайы жабдықтармен жарақтандырылған көліктің кілті табыс етілді. Техникаларды сатып алуға 150 миллион теңге бөлінген.
ЕРМЕК МАРЖЫҚПАЕВ, АҚМОЛА ОБЛЫСЫНЫҢ ӘКІМІ: «Облыста оқыту жүйесін дамыту үшін барлық жағдай жасалып жасалуда. Сондай-ақ, инклюзивті білім беру жүйесіне назар аударылады. Мында маңызды міндеттердің бірі ерекше білім беру қажеттілігі бар балаларға қолайлы жағдай жасау болып табылады. Осылайша ағымдағы жылы 150 орындықты, 16 оңалту орталығының құрылысы басталды. 450 орындық 2 арнайы балабақша құрылысы жүргізілуде».
Айта кетейік, Степняк қаласында орналасқан №5-нші психологиялық-педагогикалық түзету кабинетіне де көлік берілді. Оқу орнының 20 жылға жуық тарихы бар. Қазіргі уақытта бұл мекемеде 40-тан астам бала білім алып жатыр.
ҚАРЛЫҒАШ БИЖАНОВА, СТЕПНЯК ҚАЛАСЫНДАҒЫ №5 ПСИХОЛОГИЯЛЫҚ-ПЕДАГОГИКАЛЫҚ ТҮЗЕТУ КАБИНЕТІНІҢ МЕҢГЕРУШІСІ: «Өте қуаныштымыз. Үлкен алғысымызды айтамыз. Бізде қазір 12 елді-мекеннен 24 бала келіп жатыр сабаққа. Соларды жеткізу бізге үлкен мәселе болған. Бүгін міне осы мәселе шешіліп, кілтті алып, ауылымызға қызық-қуанышпен аттанып жатырмыз».
Бұл өңірде осы бағыт бойынша 20-дан астам түзету кабинет бар. Облыста барлығы 12 мыңнан астам ерекше бала бар. Айта кетейік, келер жылы тағы да қосымша 30-ға тарта кабинет ашу жоспарланып отыр.
- Толығырық
- Категория: Алатау ақпараты
- 303 рет қаралды
https://www.youtube.com/embed/0ygiaOSOWeI?si=KN9nRpPU5HLEX_eL"
Ата заң күні қарсаңында Шиелі ауданының үй кезегінде тұрған 72 отбасы баспаналы болды. Көпшілікті қуанышқа бөлеген салтанатты шараға облыс әкімімен қатар, өңірдің құрметті азаматтары қатысты. Тақырыпты тілші тарқатады.
72 пәтерлік тұрғын үй "Көкшоқы" шағын ауданында бой көтерген. Пәтерлер комиссия шешімімен заң аясында барлық санатқа бөлінді. Сонымен қатар, республикалық бюджеттен 480 млн. теңге қаржы қаралып, 50 тұрғын үй құрылысы басталған. Жыл соңында бұл үйлер де халықтың әлеуметтік жағынан осал топтарына берілмек.
НҰРЛЫБЕК НӘЛІБАЕВ ҚЫЗЫЛОРДА ОБЛЫСЫНЫҢ ӘКІМІ: «Конституция күні қарсаңында аудан орталығынан жаңа тұрғын үйді пайдалануға беріп, 70-тен аса отбасының қуанышын еселемекпіз. Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек», – деген болатын. Айта кетейік, мамыр айында Шиелі ауданындағы көпбалалы отбасыларға 20 тұрғын үйдің кілті табысталған еді. Оған «Нұрлы жер» мемлекеттік тұрғын үй құрылысы бағдарламасы аясында 833,2 млн теңге қаржы бөлінген».
Баспаналы болған азаматтардың алды 10 жылдан астам уақыт кезекте тұрған. Олардың бірі Жандос Шәдібек. Ол ата-анасынан ерте айырылған азамат. Қазіргі күні студент. Жаңа баспанаға 14 жылда қол жеткізіп отырмын дейді.
ЖАНДОС ШӘДІБЕК ШИЕЛІ АУДАНЫНЫҢ ТҰРҒЫНЫ: «2009 жылы үй кезегіне тұрдым. Міне бүгін жаңа баспананың кілті қолыма тиді. Өте қуаныштымын. Өзім қазіргі күні Алматы қаласында студентпін. Оқуымды тәмамдаған соң ауданға келіп, қызмет етемін».
Қазір Сыр өңірі қарқынды құрылыс алаңына айналып, жаңа заманауи нысандар бой көтеруде. Облыста соңғы үш жылда жалпы ауданы 231 мың шаршы метрді құрайтын 2 868 пәтерлік 148 тұрғын үй салынды. Биыл 31 млрд. 400 млн. теңгеге 130 мың шаршы метрді құрайтын 1 924 пәтерлік 36 көпқабатты тұрғын үйдің құрылысы жүргізілуде. Алдағы уақытта 1430 пәтерлік 30 үй халық игілігіне табысталады. Арнайы қабылданған «Сыр жастары» бағдарламасы аясында алғаш рет 100-ден астам жас отбасыға тұрғын үй беріледі. Бұл мақсатқа жергілікті бюджеттен 1 млрд. 200 млн. теңге, «Отбасы» банкі арқылы 500 млн.теңге, барлығы 1 млрд. 700 млн. теңге қаражат бөлінді. Несиелік тұрғын үй құрылысы бойынша биыл Қызылорда қаласында 520 пәтерлік 11 тұрғын үйді салып, пайдалануға беру жоспарлануда. Бұдан бөлек, Сырдария өзенінің сол жағалауында 84 пәтерлік жеті қабатты 6 тұрғын үйдің құрылысы басталды.
- Толығырық
- Категория: Алатау ақпараты
- 277 рет қаралды
https://www.youtube.com/embed/tHomeErAfCU?si=XFZEryyj9GrSoOia"
Орал қаласында жертөлесі үнемі кәріз суына толатын көпқабатты үйдің тұрғындары наразылыққа шықты. Попович көшесіндегі № 2 үйдің халқы пәтер иелері кооперативі ақша жинағанымен жұмысына салғырт қарайды деп арыз-шағымдарын білдірді.
Бұл бейнені Орал қаласының Попович көшесі 2 мекенжайындағы көпқабатты үйдің тұрғындары түсірген. Олар жертөлелерін айына 2-3 рет кәріз қалдықтары мен сасық су басатынына наразы. Пәтерлерін ылғал тартып, жағымсыз иіс жайлап кеткен. Жауын-шашын салдарынан электр желілері зақымданып, тұрғындардың тұрмыстық техникалары да жанып кеткен.
Бұл үйге жауапты "Агрореммаш" Пәтер иелері кооперативі кәріз құбырының жарылуы ағын су жолының тар болуынан туындағанын айтты. Мұндай су ағарлар әр жертөледе бірнешеуі болуы керек екен. Ал бұл үйде біреу ғана.
АРТЕМ КАТКОВ «АГРОРЕММАШ» ПИК ТӨРАҒАСЫ
Пәтер иелері кооперативі мұндай жағдайларда өтінімдер бойынша қалдықтарды тегін негізде тазалауды "Батыс су арнасы" ЖШС өкілдері жүргізуі тиіс деп мәлімдеді. Алдағы уақытта кәріз проблемасын тұрғындар Пәтер иелері кооперативі, "Батыс су арнасы" және Тұрғын үй коммуналдық шаруашылығы бөлімімен бірлесіп шешуі тиіс екені анықталды.
- Толығырық
- Категория: Алатау ақпараты
- 305 рет қаралды
https://www.youtube.com/embed/MLhtmuGLKlI?si=JudSX_XyrQM-uoK7"
Маңғыстау облысының бірнеше тұрғыны кооперативке қаржы құямыз деп, бармақтарын тістеп қалды. Аз мерзім ішінде оңай олжаға кенелеміз дегендер алданып қалғандарын айтып, ақшаларын ала алмай әлекке түсіп жүр. Ал кооператив басшылығының үстінен қылмыстық іс қозғалып, сот 5 жылға шартты түрде бас бостандығынан айырған.
Ақтау қаласына «Атамекен 2021» тұтыну кооперативінің салымшылары жиналып, шу шығарды. Өйткені, бірнеше жылдан бері салымшылар не баспаналарын, не ақшаларын ала алмай жүр. Салымшылардың сөзінше, кезінде кооператив мамандары «аз уақыттың ішінде баспаналы боласыңдар!» деп сендірген. Оған қоса үй алғандар да болды деп отыр. Амалы таусылған салымшылар «ең болмаса берген ақшамызды қайтарса» деген уәжін айтты.
ЖЕҢІСГҮЛ ИСАЛИЕВА САЛЫМШЫ:
«2021 жылы 23 июнь күні осы «Атамекен 2021» кооперативіне ақша салған болатынмын. Шагирова Гүлсая Қошқарбайқызыменен келісімшартқа отырып, 1 млн 200 мың теңге мен салдым. Бірақ осы күнге дейін ол Шагирова не үй берген жоқ. не ақшамды қайтарған жоқ. Соңында «мен ақшаны бере алмаймын, қазір счетым жабық, ешқандай да ақша бере алмаймын» деп ұрсысып, дауыс көтеріп, жаман немен шығарып салып отыр. Бір емес бірнеше рет келдік. Оған қоса арызданып та жатырмыз».
Кооперативке ақша салғандар аз емес. Бірі 700 мың теңге берсе, енді бірі 5 млн теңге салған. Айтуларынша, қазір 100-ден астам адам қаражаттарын ала алмай жүр. Салымшылар кооператив иесі істі болса да, «басқа ат жамылып, жұмысын жалғастырып жатыр» дейді.
ГҮЛНҰР ІЗТІЛЕУОВА САЛЫМШЫ:
«Осы «Атамекенмен» алдыңғы жылы сот болған. Соттасқан адамдардың ақшаларының барлығын қайтарды. Ода қазір судимость бар. Үстінен қылмыстық іс қозғады уголовная дело. Пробациялық жазадан өтіп, жатыр. Но өтіп жатқанымен ондай финансовый деятельностпен айналысуға болмайды. Бірақ ол до сих пор сол іспен айналысып жатыр. Финансовая пирамида. Адамдарды алдап, «Шаңырақ фест» деген тағы да бір кооператив ашып алған. Енді біз жүрміз. Анда жаздық, мында жаздық».
Былтыр маусым айында кооперативке қатысты экономикалық тергеп-тексеру департаментінің тергеу басқармасында қылмыстық іс қозғалған болатын. Нәтижесінде, «Атамекен 2021» тұтыну кооперативі басшысының қылмыстық іс-әрекеттері анықталған. 2021 жылдан бастап оңай жолмен ақша табу мақсатында қаржылық пирамидасын ойластырғаны белгілі болған.
АЗАМАТ ҒАББАСОВ МАҢҒЫСТАУ ОБЛЫСТЫҚ ЭКОНОМИКАЛЫҚ ТЕРГЕП-ТЕКСЕРУ ДЕПАРТАМЕНТІНІҢ ТЕРГЕУШІСІ:
«Пайыссыз автокөлік, пайыссыз пәтерді азғантай уақытта алуға болатыны туралы жалған ақпараттар өткізіп, адамдарды үгіттей бастаған. Жалған ақпараттар негізінде тұрғындардан қызығушылық болып, аталған көөперативпен жалған шарттар жасақталып, «Атамекен 2021» тұтыну кооперативінің басшысы өзінің ойластырған қылмыстық іс әрекетін жүзеге асырған. «Атамекен 2021» тұтыну кооперативі басшысының қылмыстық іс әрекеті анықталып, ол бойынша ҚР қылмыстық кодексінің 217 бап 3 бөлінің 2 тармағы бойынша сотқа жолданған. Соттың қарамағында «Атамекен 2021» тұтыну кооперативінің басшысы ҚР қылмыстық кодексінің 217 бап 3 бөлінің 2 тармағымен кінәлі деп танылып, 5 жылға шартты түрде бас бостандығынан айырылған».
Сол уақытта, әлеуметтік желілер арқылы тұлғаларды анықтау үшін экономикалық тергеп-тексеру департаментінің қызметкерлері хабарлама жіберген. 28 адам «жәбірленуші» деп анықталып, ақшалары қайтарылған. Ал ақшасын ала алмай жүргендер бұл істің соңына дейін барып, қаражатымызды қайтарамыз деп бекініп отыр. Қазір олар қайтадан экономикалық тергеп-тексеру департаментіне арызданған. Нәтиже шыққанша тоқтап қалмақ емес.
Тағы басқа мақалалар...
- Көкшетауда әскери бөлімнен ауруханаға жеткізілген 47 сарбаздың жағдайы бірқалыпты
- Елдегі шаруалар жаңа технологияға қарай қадам басты
- Үкімет басшысына ІІМ Марат Ахметжанов саладағы тың жаңашылдықтарды көрсетті
- Президент арнаулы мандатқа ие омбудсмендермен, құқық қорғау құрылымдарының өкілдерімен кездесті
181 ішінен 187 беті
Alatau News, Copyright 2023, All Rights Reserved.