https://www.youtube.com/embed/wONLq1pqniQ?si=TMQ4KJkgXNM5emUF" 

Аустралияның Перт маңындағы әуеайлақтың үстінен жеңіл ұшақ көтеріледі. Штурвалда 10 жасар мектеп оқушысы Эми Спайсер. Жанында нұсқаушы бар, бірақ қыз өзін сенімді түрде пилот деп атайды.

ЭМИ СПАЙСЕР – ҰШҚЫШ "Екі жарым жаста ұшқым келетінін айттым. Жеті жасымда алғашрет ұштым. Бәлкім, сегіз жасымда планермен ұшып, сол жаста сабақ алғанмын ".

Эмидің ата-анасы қыздары пилоттықты оқуы үшін Квинслендтен Пертке арнайы көшіп келген. Эми зеректігімен тез үйренді. Көп ұзамай, кезекті ұшу кезінде нұсқаушы оған басқаруды өзіне алуды ұсынған.

ЭМИ СПАЙСЕР – ҰШҚЫШ "Мен бірден келістім. Штурвалды ұстап, өзімді 21 жастамын деп сезіндім, менде барлық лицензиялар бар, мен ұшқышпын деп ойладым. Бұл түс сияқты еді. Менің арманым шындыққа айналды, өйткені мен өзімнің қалағанымдай ұшқыш болатынымды түсіндім ".

Эми Pipistrel электр ұшағымен ұшады. Ол толығымен электрлі әуе кемесін басқаратын ең жас ұшқыш. Нұсқаушылар мұндай көлік оқуға ыңғайлы дейді.
15 жасында Эми нұсқаушысыз ұша алады. 16-да жеке ұшқыш, 18-де коммерциялық ұшқыш, ал 21-де әуе көлігінің ұшқышы лицензиясын алуға болады.

https://www.youtube.com/embed/myj6nDV0s9g?si=x3Hb4vmHFOdMZYcP" 

Алдағы күндері ауа-райының жақсаруы күтілмейді. Сондықтан, жолға асығыс шаруаңыз болмаса, шықпаған дұрыс деп ескерту жасады көлік министрлігі. Еліміздің 6 облысында ауа райына байланысты республикалық маңызы бар автожолдар ішінара жабылды. Әсіресе, Жамбыл және Түркістан облысы трассаларындағы ахуал қиын. Ауа-райының күрт нашарлауы және жолда тұрған көліктердің көп болуы салдарынан, ауыр техника автожолды қардан тазарта алмай жатыр.

СӘТЖАН АБЛАЛИЕВ ҚР КӨЛІК ВИЦЕ-МИНИСТРІ: «Түркістан облысы шекарасынан Таразға дейін жол толық тазаланып бітті. Бірақ ол жерді біз аша алмаймыз. Неге десеңіз, олардың ары қарай Түркістанға шығатын жол толығымен ашық емес және Аспарадан Отарға дейінгі жолдар бүгін толығымен жабық. Жолдар екі күннен аса жабық болғанмен де жолға қосымша транспорттар келуде. Олар айналма жолдар арқылы, жақын елді мекендерден баруда. Олар өз функцияларынан гөрі жолда тығылғанан көліктерді қар құрсауынан босатуға көп жұмыс жасап жатыр».

Жауапты министрлік өкілдері, жүргізушілерге тағы бір мәрте ескертеді: хабарландыруға құлақ асып, асығыс болмаса жолға шықпағандары дұрыс. Әсіресе, жамбылдық ағайынға алыс жолға сапарламауға кеңес береді.

https://www.youtube.com/embed/9JBprqmEvDo?si=ewc7eUKMX90mxGom"

Ызғарлы желтоқсан оқиғасы Тәуелсіздігімізді алуға серпіліс болған маңызды оқиға деуге болады. Елдің келешегіне алаңдаған сол кездегі жастар, нағыз патриоттық ерлік көрсете білді.Бүгінде желтоқсан оқиғасына қатысқан азаматтар жас ұрпақ тәрбиелеуге орасан үлестерін қосып келеді. Жастармен жүздесіп, Отанды сүюге, оның құндылықтарын құрметтеуге тер төгуде.

Бүгін Алматы қаласында Тәуелсіздік мерекесінің құрметіне орай, «Желтоқсан ақиқаты» Республикалық қоғамдық бірлестігінің мүшелері жылдағы дәстүрге сәйкес басқосу ұйымдастырды. Онда атқарылған жұмыстар сараланып,алдағы міндеттер айқындалды.Сонымен бірлестік мүшелері өздерінің талап-тілектерін ортаға салды.

БОЛАТ ҚҰРЫМБАЕВ «ЖЕЛТОҚСАН АҚИҚАТЫ» РҚБ ТӨРАҒАСЫ

АҚЫН ОРДАБАЙҰЛЫ «ЖЕЛТОҚСАН АҚИҚАТЫ» РҚБ МҮШЕСІ

https://www.youtube.com/embed/MZJN0kOEHTI?si=zyaSprQ5c-3Ore3T" 

https://www.youtube.com/embed/vfpkoMoF7q4?si=DjtDhNEDzZBGWu22" 

Енді 55 жасқа толған кеншілер мемлекеттен арнайы төлем алатын болды. Жаңа құжат бүгін Сенатта екінші оқылымда мақұлданды. Айта кетейік, бұған дейін еңбек және халықты әлеуемттік қорғау министрі арнайы төлемнің орташа мөлшері 200 мың теңге болатынын айтқан еді. Сенатта көтерілген өзекті мәселелер туралы алдағы бейнематериалда.

Қоғамдық бірлестіктер құру рәсімдерін жеңілдету және еңбек жағдайлары зиянды жұмыстарда істейтін адамдарды әлеуметтік қорғау мақсатында жазылған жаңа құжатты бүгін Сенат депутаттары бірауыздан мақұлдады. Заңға сәйкес енді 55 жасқа толған кеншілер арнайы төлем алуға құқылы. Бұл қосымша қаражат келесі жылдан бастап төленеді.

ӘСЕМ РАХМЕТОВА ҚР ПАРЛАМЕНТІ СЕНАТЫНЫҢ ДЕПУТАТЫ Әлеуметтік және Еңбек кодекстеріне еңбек жағдайлары зиянды жұмыстармен айналысатын адамдарға арнайы әлеуметтік төлем енгізу бойынша түзетулер енгізілді. Бұл төлем еңбек жағдайлары зиянды жұмыстарда істейтін азаматтар 55 жасқа толғанда кемінде 7 жыл міндетті кәсіптік зейнетақы жарналары төленген болса, жұмысынан кеткенде немесе басқа жеңіл қызметке ауысқан кезде алады.

Одан бөлек, бүгін сенаторлар парламент мінберінде газ және лифт мәселелерін көтерді. Олар тұрғын үйлерде газ баллондарының жарылуы мен лифттердің құлауына алаңдаулы. Бұндай оқыс оқиғаны болдырмау үшін үкімет өзі араласып, қауіпсіздік пен жауапкершілікті бір министрлік мойнына жүктеу керек дейді.

БЕКБОЛ ОРЫНБАСАРОВ ҚР ПАРЛАМЕНТІ СЕНАТЫНЫҢ ДЕПУТАТЫ Тұрғын-үй инпекторының қолынан келетін әрекет бұл тұрғындардың шағымдары бойынша шығу және лифт кабинасында жарық жанып тұр ма жоқ па соны анықтайтын тексеру парағын толтыру ғана, яғни лифтпен түсу немесе көтерілу өте қауіпті десем артық болмайды. Болашақта да бұл салада газ сияқты оқыс оқиғаның орын алмауына еш кепілдік жоқ. Бірінші газ және лифт саласында қауіпсіздікті қадағалау үшін ҚР төтенше жағдайлар министрлігінің жауапкершілігін күшейтуді, еліміздегі тұрғын үй ішіндегі мерзімі өткен лифтерді ауыстыруды, осы аталғандар бойынша арнайы комиссия құруды депутаттық сауалға заңға сәйкес жауап беруіңіз сұралады.

Ал, сенатор Бибігүл Жексенбай денсаулық сақтау саласын сынға алды. Депутат келтірген дерекке сүйенсек, Қазақстан қызылша жұқтырудан әлем елдері арасында үштікте тұр. Тіпті Африканың алдына шыққан.

БИБІГҮЛ ЖЕКСЕНБАЙ ҚР ПАРЛАМЕНТІ СЕНАТЫНЫҢ ДЕПУТАТЫ: Қазақстан цифрландыру бойынша алға шықты деп мақтанғанымызбен, вакцинация туралы мәліметтер әлі қағаз дәптерде болуы түсініксіз. Жалпы дамыған елдерде дәл осы иммунизациялау бірінші кезекті цифрланған. Әр азаматтың қашанғ қандай вакцина алғаны сол мемлекеттік кез келген түкпірінде қолжетімді. Медицина саласын цифрландыру дұрыс жүргізілмей келеді. Неліктен үкімет жылдар бойы екпе жұмысына немқұрайлылық танытып келе жатыр?

Осылай деген бұл мәселені тез арада реттеу керек. Себебі, ел азаматтарының денсаулығы бәрінен маңызды деді.

https://www.youtube.com/embed/asQRgWR7JLM?si=qhwDDdrTSRYP1YYT" 

Биыл Абай облысында 662 отбасы баспанамен қамтылды. Оның ішінде халықтың әлеуметтік осал топтары, жетім балалар санаты, көп балалы аналар мен баспанасы қауіпті деп саналған азаматтар бар. Бұдан бөлек жыл соңына дейін тағы да 177 пәтер беру жоспарда.Тәуелсіздік күні қарсаңында облыс орталығында 26 отбасыға пәтер кілті табысталды.

Ұшақтар кентінен су жаңа пәтердің кілтін алған Әкімовтардың қуанышында шек жоқ. Үш жылдан бері үй кезегінде тұрған көпбалалы отбасы жаңа жылды енді жаңа баспанада қарсы алатын болды.

СӘУЛЕТ МУСИНА СЕМЕЙ ҚАЛАСЫНЫҢ ТҰРҒЫНЫ Осы міне мерекеге қарсы үйге ие болып жатырмын. Өте қуаныштымын, разымын. 20-сыншы жылдан бастап кезекте тұрамын. Міне үш жарым жылдың ішінде кезегім келіп үй алып жатырмын. Біраз толқып тұрмын. Үй ұнады, көңілімізден шықты.

Семей қаласының әкімі мереке қарсаңында 26 отбасыға пәтер кілтін табыстады. Тұрғындарға сатып алу құқығынсыз жалдамалы баспана берілді. 3 бөлмелі пәтерге әр отбасы ай сайын коммуналдық қызметтер үшін 15 мың теңге төлейді.

НҰРБОЛ НҰРСАҒАТОВ СЕМЕЙ ҚАЛАСЫНЫҢ ӘКІМІ Тәуелсізік күні қарсаңында бүгін бізде Семей қаласында 26 көпбалалы отбасыларға өздеріңіз жаңа көріп өткендей үйлердің кілтін табыстадық. Осы жылда 211әлеуметтік осал топтарға пәтерлердің кілтін беріп жатырмыз. Жылдың аяғына дейін әлі бесеуі берілетін болады. Ары қарай да бұл жұмысты біз жалғастырамыз. Келесі жылы да бұл қарқынды азайтпаймыз.

Қазірггі таңда Семей қаласы бойынша 13 мыңға жуық отбасы тұрғын үй кезегінде тұр. Жалпы, биыл Абай облысында әлеуметтік осал топқа жататын тұрғындар, көпбалалы аналар мен үйі қауіпті деп танылған азаматтар бас-аяғы 662 отбасы баспанамен қамтылған. Жыл соңына дейін аймақта тағы 177 пәтер беру жоспарлануда.

https://www.youtube.com/embed/qW8KWYQvGXk?si=fZPTs9GSvCBl8k7z" 

«Астана-Петропавл» тас жолының бойында көліктері сынып, далада қалып қойған Тәжікстан елінің 31 азаматы Көкшетауға жеткізілді. Оның ішінде 2 бала бар.Еске сала кетейік, бұған дейін де ақмолалық құтқарушылар 28 шетелдікті құтқарған еді. Өңірдің барлық аймағында жылыту пункті бар. Төтенше жағдай қызметінің мамандары ауа райының қолайсыз мезгілінде жолда қалып қойғандарды құтқару ісін жалғастыруда. Дизель отынымен жүретін автокөліктер мен автобустарға жүруге шектеу қойылған.

РУСЛАН МОЛДАҒҰЛОВ, КӨКШЕТАУ ҚАЛАЛЫҚ ТӨТЕНШЕ ЖАҒДАЙЛАР ЖӨНІНДЕГІ БАСҚАРМАСЫНЫҢ АҒА ИНЖЕНЕРІ

Эвакуацияланғандар облыс орталығындағы жылыту пунктіне жеткізілді. Ол жерде ыстық тамақ ұйымдастырылып, жатын орынмен де қамтамасыз етілді.

https://www.youtube.com/embed/H9vQr_mDIOI?si=IW_-C79s0oSEA5mS" 

Қызылорда облысында аязға байланысты аймақ басшысының тапсырмасымен жедел штаб құрылды. Штаб мүшелері күнделікті қала бойынша әлеуметтік нысандар мен тұрғын үй секторларына жылудың, электр энергиясы мен көгілдір отынның және ауыз судың қалыпты деңгейде берілуіне бақылау жүргізуде.

Қызылорда қаласы әкімінің орынбасары Ғалымжан Еркебай және штаб өкілдері «Арай» және «Сол жағалау» мөлтек аудандарындағы жылу қазандықтарын, тұрғын үй секторларын аралап, аязды күндердегі коммуналдық қызметтердің жұмысын бағалады. Қазіргі таңда «Қызылорда Су Жүйесі» кәсіпорынында және қалалық электр желілерінде апаттық бригадалардың кезекшіліктері орнатылған. Яғни, тәулік бойы бақылауда. Шаhар басшысының орынбасары мұндағы коммуналдық жүйелердің үздіксіз жұмыс жасауын тексеріп, жауапты сала басшыларына қызмет көрсетуде келеңсіздіктерге жол бермеуін міндеттеді.

ҒАЛЫМЖАН ЕРКЕБАЙ ҚЫЗЫЛОРДА ҚАЛАСЫ ӘКІМІНІҢ ОРЫНБАСАРЫ

Айта кетейік, осы апта басталғалы Қызылордада қатты жел соғып, ауа температурасы -25-30 градус аязға жетті. Аязға қарамастан, барлық коммуналдық қызметтер тәулік бойы жұмыс істейді. Қуанышқа орай, қалада коммуналдық желілерде апаттар, ресурстарды беруде ақаулар болған жоқ.

ҚАЙСАР МҰСТАФАЕВ ҚЫЗЫЛОРДА ОҢТҮСТІК БУ ҚАЗАНДЫҒЫНЫҢ БАСШЫСЫ

Қызылорда тұрғындары үшін 109 жедел қызметі тәулік бойы қызмет етеді. Мұнда азаматтардың барлық өтініштері мен шағымдары жазылады. Сондай-ақ, тиісті сала мамандарына ақпараттары жіберіледі. Қала әкімінің орынбасары Ғалымжан Еркебай қысқы кезеңде тұрғын үй-коммуналдық қызметтердің алдында тұрған негізгі міндеттер туралы сөз қозғады. Ол қала тұрғындарының барлық қоңырауларына жауап беріп, барлық қызметтермен қамтамасыз ету қажет екенін атап өтті.

МҰХТАР САДЫБАЕВ 109 БІРЫҢҒАЙ БАЙЛАНЫС ОРТАЛЫҒЫ ДИРЕКТОРЫНЫҢ ОРЫНБАСАРЫ

Жылумен, жарықпен, сумен, газбен және көлік қозғалысын үздіксіз қамтамасыз ету басты мақсат. Авариялық-құтқару бригадаларының санын көбейту де, өтініштерді тәулік бойы қабылдауды қамтамасыз ету де, бүгінде қаланың барлық коммуналдық қызметтерінің алдыңғы міндеттері болып саналады.

https://www.youtube.com/embed/JIxVkso_5Fg?si=1Vmcf5i8ZPilwonw" 

Қыс қаһарына мініп, аяз күшейіп тұрса да, ескертуге құлақ аспай, алыс жолға шығатын адамдар қатары азаяр емес. Соңғы үш күннің ішінде еліміз бойынша мыңнан аса адам құтқарылды. Олардың арасында балалар да бар. Барлық өңірде полиция қызметкерлері, құтқарушылар және жедел-жәрдем бригадасы күшейтілген режимде жұмыс істеп жатыр. Кей аймақтардың жолдарында патрульдік экипаждар саны 2-3 есеге дейін көбейген.

«12 облыста халықаралық, республикалық және жергілікті маңызы бар барлық жол учаскелері жабылды» - деп 112-ден смс хабарлама жіберілген. Барлық бұқаралық ақпарат құралдары мен әлеуметтік желілерде «қатты аяз, жолға шықпаңыздар»- деген ескерту айтылған. Деседе, жанармайы таусылып жолда қалған көліктер мен көмекке зәру адамдар көп.

Абай облысында да жағдай мәз емес. Мұнда да қатқан көлік, тоңған адам. Полиция қызметкерлері мен құтқарушылар келіп көмек көрсетуде.

Қостанай облысында да жағдай осы. Егер жолда қалып, көмек керек болса, мамандар халыққа бірден 112 нөміріне қоңырау шалу қажеттігін ескертеді.

Ал, Қызылордалық тәртіп сақшылары далада қалған автобусқа көмектесті. Ондағы жолаушылардың көбі Өзбекстан азаматтары. Олар Қазақстандық полицейлерге дән риза.

Алматы, Маңғыстау, Ақтөбе, Жамбыл, Қарағанды облыстарының тас жолдарында да жағдай тура осындай.

Ауа райының күрт өзгеріп, жел тұрып, көктайғақ болуына байланысты полиция қызметкерлері Қазақстан тұрғындары мен қонақтарын аса қажеттілік болмаған жағдайда алыс сапарға шықпауға шақырады. Жол қозғалысы ережелерін қатаң сақтап, өзіңіз бен өзгенің өміріне қауіп төндіруі ықтимал іс-әрекеттерден сақтануды сұрайды.

https://www.youtube.com/embed/qlA5QaTyF9A?si=7IHKsiYNPe6AiB1V" 

Іздеуде жүрген 2500 қылмыскер ұсталды. Олардың арасында адам өлтіріп, үй тонағандар тіпті ірі көлемде есірткі бизнесімен айналысқандар да бар. Іздеу жұмыстары тек ел аумағында ғана емес шет мемлекеттерде де жүргізілді дейді криминалдық полиция департаментінің мамандары.

Ізін жасырып, қашып жүргендер АҚШ, Швеция, Германия, Түркия, сондай-ақ өзге де алыс-жақын елдерден табылған. Айта кетейік, бұл жедел уәкілдердің 2023 жылдың басынан бері атқарған жұмысының оң нәтижесі.

https://www.youtube.com/embed/EsKrQa9HhuY?si=4M9KA0d4Vz9Fq1zx" 

Біріккен Ұлттар Ұйымы Израиль мен Хамас арасындағы соғыста атысты тоқтатуға шақырды. Бас ассамблеяның сессиясында бұл қарарды ұйымның 153 өкілі қолдады. 23 мемлекет қалыс қалды, сегіз ел, оның ішінде Израиль мен АҚШ қарсы болды.

Вашингтон жақында Қауіпсіздік кеңесінде осындай резолюцияға вето қойды. АҚШ-тың БҰҰ-дағы елшісі Линда Томас-Гринфилд дауыс беру алдында Бас ассамблеяда АҚШ қолдаған резолюцияның Газа секторындағы ауыр гуманитарлық жағдайды жедел шешу, бейбіт тұрғындарды қорғау және кепілге алынғандарды босату қажеттілігі сияқты аспектілері бар екенін айтты.

ЛИНДА ТОМАС-ГРИНФИЛД БҰҰ-ДАҒЫ АҚШ ЕЛШІСІ Қазір кез келген атысты тоқтату жақсы,болмаса қауіпті болар еді. Шабуылға ұшырайтын израильдіктер үшін және ХАМАС-тан азат, өздері үшін жақсы болашақ құру мүмкіндігіне лайық палестиналықтар үшін қауіпті.

Бас Ассамблеяның қарарлары міндетті емес, бірақ соғысқа жаһандық көзқарасты көрсететін саяси салмаққа ие. Қабылданған құжат барлық кепілге алынғандарды дереу босатуды және соғысушы тараптардың халықаралық құқықты, бейбіт тұрғындарды қорғауға қатысты талаптарын сақтауды талап етті.

Пәкістанның БҰҰ-дағы елшісі Мунир Акрам қақтығысқа «екі тарапты да кінәлау керек» деді.

МУНИР АКРАМ ПӘКІСТАННЫҢ БҰҰ-ДАҒЫ АҚШ ЕЛШІСІ: Мен бұл мүшелердің барлығы Израильді қоспағанда, тек ХАМАС-ты кінәлауға келіспейтініне сенімдімін. Бұл әділетсіз және теңсіздік болар еді.

АҚШ пен Израиль атысты тоқтатуға қарсы, өйткені олар мұның тек Хамасқа пайда әкелетініне сенеді. Оның орнына Вашингтон бейбіт тұрғындарды қорғау және 7 қазанда палестиналық содырлар кепілге алған адамдарды босатуға мүмкіндік беру үшін шайқаста үзіліс жасауды қолдайды.

ГИЛАД ЭРДАН ИЗРАИЛЬДІҢ БҰҰ-ДАҒЫ АҚШ ЕЛШІСІ «Бітім бір ғана нәрсені білдіреді: Израиль мен еврейлерді жоюға тырысатын геноцидші лаңкестер Хамастың аман қалуын қамтамасыз ету. Хамастың жарғысы мұны анық көрсетеді. Ал Хамас жетекшілері 7 қазан жай ғана репетиция екенін ашық айтты».

Бүгінде Газаның 2 миллион 300 мың тұрғынының көпшілігі үйлерін тастап кеткен. Біріккен Ұлттар Ұйымы анклавтағы гуманитарлық жағдайдың ушығып бара жатқанын, жүздеген мың адам аштыққа ұшырап жатқанын айтып отыр. Осы арада гуманитарлық көмек тасымалдаған 197 жүк көлігі тексеріліп, Газаға жіберілді. Бұл туралы Израильдің палестиналықтармен азаматтық үйлестіру агенттігі хабарлады.

Жаңа жүйе бойынша жүк көліктері Израиль, Газа секторы және Мысыр шекарасындағы өткізу бекетіне Иорданиядан келіп, одан кейін Рафахтан Газа секторына кіреді.

https://www.youtube.com/embed/doDo_sr8sqE?si=1otEvHgfrkHoo4B2" 

Бейсеннің бейнесі. Талдықорғанда оқушылар арасында өткен Бейсен Құранбек атындағы облыстық шығармашылық байқауының жүлдегерлері анықталды. Дәстүрлі түрде өтетін жарысқа аудан қаладан 80 ге жуық оқушы қатысты.

Бейсен Құранбек бір сөзінде "егер маған өмір сүруге тағы аз ғана уақыт берсе жас балаға қанат берер едім және оны ұшуға өзім баулитын едім" деп еді. Тележурналистикасының шоқ жұлдызы жастарға жанашыр болатын. Жанам деген жүрекке от беретін нар тұлға -тын. Журналистика қайраткерінің құрметіне жетісулық оқушылар жыл сайын шығармашылық бәсекеге түседі. Сөйтіп болашақта тілші, тележүргізуші болғысы келетін дарынды балалар сыналады, шыңдалады.

ГҮЛМИРА ЗЕРБАЙ Б. ҚҰРАНБЕКТІҢ ЖАРЫ

Бейсекен атына ұйымдасқан байқау биыл 4 рет өткізіліп отыр. Бірінші кезекте осы байқауды ұйымдастырып жатқан білім басқармасына дарын орталығына алғыс айтам. Орында бар орын алар Бейсекенннің өзі кетсе де ізбасарлары өсіп келеді...

Аружан Мансұрова Мұхтар Арын атындағы №24 мамандандырылған лицейдің 9 сынып оқушысы. Бәсекеде де оза шауып, жүлделі 1 орынды иеленді. Дара тұлғаның тілшілік тіршілігін, азаматтық болмысын зерттеп, 1 айға жуық дайындық үстінде болғанын айтады.

АРУЖАН МАНСҰРОВА ЖАРЫС ЖЕҢІМПАЗЫ

Бұл байқау мен үшін өте ерекше байқау болып тұр. Бірінші қатысып жатқандықтан өте қобалжу болды. Бұл байқауда мен Бейсен ағамыз жайында өте көп мәлімет білдім. Ол кісі дана кісі болған. Әр бір сөзі, әр бір жасаған іс әрекеті барлық адамның қолынан келмейді.

Шығармашылық байқау 3 кезең бойынша өткізілді. Бірінші кезең оқушылар бейнематриал әзірлеп жарысқа түсті. Екінші турда шәкірттер Бейсен Құранбектің болмысын ашып қағазға түсірсе, 3 аталымда арда азаматтың өмірі мен шығармашылығына қатысты сұрақтарға жауап берді. Жалпы, дүбірлі додаға облыстық «Жетісу дарыны» оқу-әдістемелік орталығы мұрындық болды.

МҰХИТ ТОҚТАСЫН ҚАЗЫЛАР АЛҚАСЫНЫҢ МҮШЕСІ

Ең бірінші назар аударғанымыз тақырыпты аша алғандығына. Өте креативті жасауға тырысқан. Мысалы 3 турдан тұрды делік. Біреуі видеоролик. 80 астам жұмысты бақылады. Сапалы бейнекадр, сапалы дыбыс, сапалы музыка деп. Осыны үйлесімін жасаған Бейсен ағаның өмірінен сыр щшеткен 5 минутқа сидырған жұмыстар бар.

4-ші мәрте ұйымдастырылып отырған байқауға 78 оқушы қатысты. Үздіктері жүлдегерлер қатарынан көрінді. Үлкен ізденіске түсіп Бейсен болмысын ашуға тырысқан өзге қатысушыларға да құрмет көрсетілді. Айта кетейік, Бейсентану ілімі негізінде қолға алынған бұл байқау келер жылы да жалғасады.