https://www.youtube.com/embed/vt8HAcY5QKQ?si=ZFiLaflmKpx5A9O-"

Алматыда кардиологиялық орталықтың жүздеген қызметкері наразылыққа шықты. Олар жұмыстан еш себепсіз қуылдық деп дабыл қағуда. Мәселенің мән жайын телеарна тілшілері тыңдап қайтты. 

Алматы қаласының тұрғындарына жүрек-қантамыр жүйесі ауруларымен шұғыл және жоспарлы медициналық көмек көрсететін қалалық кардиоорталықта аға мейірбике болып 30 жыл еңбек еткен Сәуле Ынтымақова қызмет барысында ешқандай қателік жібермедім, алайда  жұмыстан шығуға мәжбүр болдым дейді. Зейнеткерлік жасқа таяған шағында бұл жағдай қатты соққы болған.Бөлімнен бөлімге ауыстырылып,айлығы елу пайызға дейін төмендеген аға мейірбике басқа жаққа кетуден басқа амалы қалмаған. 

СӘУЛЕ ЫНТЫМАҚОВА ШАҒЫМДАНУШЫ  
«Директордың айтуымен постыға ауыстым.Келесі айда КДО отделениеге врачтардың қасына көмекші болып отырасың деді. 1 ай өткеннен кейін бас мейірбике «бұл жерде қалмайсыңдар, дәрігерлер керек емессіңдер деп жатыр, сендерді қайда жіберетінімді білмеймін» деген болатын. Дегенмен мен ауыспайтынымды айттым, сол кезде ақша алатын уақыт болды. Ал менің айлығымды 50 пайызға түсіріп тастаған.Маған өкініштісі зейнеткер жасқа тақалғанда орнымнан қозғағандары болды».

Мұндай жағдайға тап болған жалғыз Сәуле Ынтымақова емес. Аталмыш орталықтың 100-ден аса қызметкері дәл осылай баз кешіп жүр. Тіпті қызметкерлер саны мұнан да көп болуы мүмкін дейді жиылғандар. Жұмыстан кеткен ақ халаттылардың арыз шағымын депутаттар да назарларына алыпты.

НҰРГҮЛ ТАУ ҚР ПАРЛАМЕНТ МӘЖІЛІСІНІҢ ДЕПУТАТЫ
 «Кардеологиялық орталық қызметкерлерінің өтінішімен сол ауруханада төрт депутат болғанбыз. 2023 жылдың шілде айынан 150 адам жұмыстан кеттік деген арызға қол қойған,соның ішінде 92 адамның қолы қойылған арыз талап болған. Қазіргі кезде одан да көп екені анықталып отыр.Қызметкерлер арыз жазып берді осы арызбен ары қарай тексеріп,тексерудің қорытындысы болған кезде толық ақпаратты жолдайтын боламын».

Қалалық денсаулық сақтау басқармасы да бұл мәселеден құлағдар. Бірақ мұнда ешқандай заң бұзушылықтың жоқтығын алға тартты.

НАЗГҮЛ ИМАНҒАЛИЕВА АЛМАТЫ ҚАЛАСЫ ҚОҒАМДЫҚ ДЕНСАУЛЫҚ САҚТАУ БАСҚАРМАСЫ БАСШЫСЫНЫҢ МІНДЕТІН АТҚАРУШЫ
«Аталған ұжымдық өтініш  бойынша Прокуратура, еңбек инспекциясы, Қоғамдық денсаулық сақтау басқармасы, Кәсіподақ комитеті тарапынан тексерулер жүргізілді – заң бұзушылықтар анықталған жоқ.Қазіргі уақытта кардиологиялық орталық қалыпты режимде жұмыс істеуде».

Сондай-ақ, басқармада 285 төсек-орынға есептелген қалалық кардиологиялық орталық штаты бүгінде 90 пайыз қамтылғанын да айтты. Ал жұмыстан қуылдық деген қызметкерлердің жанайқайы әзірге қалай шешілетіні белгісіз.  

https://www.youtube.com/embed/GCe_SHyY1co?si=YRBf4sd3ZFtDhD_G" 

Ақтауда ауыз судан тарыққан жұрт көшені жапты. Қозғалысы тежелген 16 және 19-шы ықшамаудан арасындағы күре жолда осылайша ұзынсонар кептеліс пайда болған. Ашынған халықтың ашуын басу үшін жергілікті билік бірден әрекетке көшкен. Толығырақ келесі бейнематериалда. 

Ақтауда тағы да су мәселесі дауға ұласты. Аптап ыстықта шөлден кепкен жұрт шыдамның да шегі бар деді ме, бүтін бір көшені жауып тастады.  

Нешінші ғасырда тұрып жатырмыз? Су болу керек қой. Мынау масқара ғой. 

Су жоқ неше күннен бері. Су жетпесе барлық мкр тегіс жапсын. Бір күн экономды общий жасасын! Егер керек болатын болса, ту төбесіне шығып та айқайлаймын!

Мұндағы аудандарға үш күн бұрын ауыз су арнайы кестемен келіп тұрған. Соңғы уақытта “тамшы суға зар болдық” дейді көпшілік. Тіршілік нәрі тіптен келмей қалған көрінеді. Ындыны кепкен жұрт ызалы. Десе де кездесуге келген жергілікті әкімдіктің басқарма басшысы халыққа жағдайдың мән жайын түсіндірді. Айтуынша Ақтауға қарасты барлық өндірістік нысандар мен суға тәуелді шағын және орта бизнес субъектілерінің жұмысына шектеу қойылған. Енді су беретін МАЭК кәсіпорыны “үнемдеу” режиміне көшіпті. 

ӘБДЕШ ТҮРКМЕНБАЕВ МАҢҒЫСТАУ ОБЛЫСЫ ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫНЫҢ БАСШЫСЫ Жанағы айтып отырғаным МАЭКтің өнімділігі түсіп кетуіне байланысты. Мен табиғатқа ештеңе жасай алмаймын. Мына жерде уәде беріп, сіздерді алдағым келмейді. Күн ысып кетуіне байланысты, судың температурасы ономальный 28 градус болса, қазір 26 градуспен тұр. Сіздерде түсініңіздер. Біз экономический режимге көшіреміз. Басқа амалымыз жоқ.

Даудың соңында МАЭК мекемесінің өкілі таңғы сағат 08:00-де үйге су жіберетінін айтты. Ал оған дейін көпшілікке тасымалмен су ұйымдастырылды. Айта кетейік, қазір облыстағы су тапшылығы - шамамен 40 мың м3. Соның ішінде Ақтау қаласына тәулігіне 20-25 мың м3 ауыз су жетпейді. 

https://www.youtube.com/embed/1mQXouJf4LQ?si=iArEqHluiUvrgjhv"

Алматы облысы Кеген ауданындағы атақты Қарқара жайлауында салт дәстүрімізді дәріптейтін Қымызмұрындық-2024 мерекелік шарасы биыл халықаралық дәрежеде өтті. Жыл сайын дәстүрге айналған шарада қонақтар назарына қолөнер бұйымдарынан көрме таныстырылып,ұлттық спорт түрлері салтанат құрды. Жиналған көпшілікке  театрландырылған көріністер көрсетіліп,ұлттық сусын қымыздан дәм татырылды. Тамыры ауылдың өмірімен,өнегелі дәстүрімізбен астасып жатқан шараға жиналған көпшіліктің көңілін бір көтеріп тастады. 

Ұлттық сусынның құндылығын насихаттап, ата-бабамыздан келе жатқан игілікті дәстүрімізді жаңғыртқан шара Жолан бәйгесімен жалғасты. 

https://www.youtube.com/embed/W3DXMZRL41o?si=gpZktXkiQhiMqxGP" 

Елімізде енді полиция қызметкерлерінің жұмысына кедергі келтіргендер жазаланады. Бұл туралы ішкі істер министрлігі ескертті. Осылайша полицей жұмысына кедергі болғандар 15 тәулікке дейін қамауға алынады я болмаса 30 АЕК негізінде айыппұл төлейді. Ол 110 мың 760 теңге. Сондықтан, тәртіп сақшылары көлігіңізді тоқтатса, заңға бағынып, сұраған құжаттарды көрсету керек дейді әкімшілік полиция комитеті.

ҚАЙСАР СҰЛТАНБАЕВ  ҚР ІІМ ӘКІМШІЛІК ПОЛИЦИЯ КОМИТЕТІНІҢ ТӨРАҒАСЫ «Жол жүрісі туралы» заңда және Жол жүрісі қағидаларында көлік құралын тоқтату кезінде полиция қызметкерлері мен жүргізушілердің іс-қимылының нақты тәртібі айқындалған. Көлікті тоқтату кезінде полиция қызметкері өзін таныстырып, қызметтік куәлігін көрсетіп, тоқтату себебін түсіндіруі қажет. Жүргізуші өз кезегінде ішкі істер органдары қызметкерінің заңды талаптарын орындауға міндетті. Ал полиция қызметкері жедел-профилактикалық іс-шараның өткізіліп жатқанын растайтын құжаттарды көрсетуге міндетті емес. Полиция қызметкерінің заңды талаптарын орындамау, қызметтік міндеттерін атқару кезінде оның жұмысына кедергі келтіру 30 айлық есептік көрсеткіш мөлшерінде айыппұл салу немесе 15 тәулікке дейін қамауға алу түріндегі әкімшілік жауапкершілікке әкеп соғады».

https://www.youtube.com/embed/cZ0nFAZSN8M?si=LrODOiXxPqI_CGGY" 

Шығыстың ғұлама ойшылы Әбу Насыр әл-Фарабидің еңбектері әлі күнге  өз маңызын жоғалтқан жоқ. Ұлы философтың тағлымын қылқаламмен танытып жүрген жанның бірі Жанұзақ Керімбекұлы. Суретшінің «Балалықтан даналыққа жол» атты туындысы екінші ұстаз, ұлы ойшылдың өмірінен сыр шертеді. Толығырақ алдағы сюжетте.

Әл-Фарабидің шығармашылық мұрасы орасан зор, айналысқан ғылыми салалары да кең. Тарихи деректер бойынша 70-ке жуық тіл білген. Өздігінен көп оқып, терең ізденген ойшыл философия, логика, этика, музыка сынды түрлі салаларға арнап 150-ге жуық трактат жазып қалдырған болатын.

ЖАНҰЗАҚ КЕРІМБЕКҰЛЫ СУРЕТШІ «Әл-Фараби 10 ғасыр бұрын өмір сүрсе де барлық өміріміздегі тыныс-тіршіліктің бәрін бүгінгідей жазып кеткен. Міне, сол әл-Фарабидің жазбаларынан біз көп дүниелерді өзіміздің бойымызға сіңдіріп, барлық жазған дүниелерін оқып-біліп, сол философияны меңгеретін болсақ, біздің болашағымыз да жарқын, ұлтымыз да мықты, жастарымыз да ақылды болар еді»

Қазіргі таңда әлемде жаһандану үдерісінің қарқынды даму үрдісіне сәйкес «жұмсақ күш» саясатының ықпалы артып отырғанын бағамдауға болады. Талантты суретші бұл саясатты әл-Фараби еңбектерімен әлемге қазақты таныта аламыз дейді.

ЖАНҰЗАҚ КЕРІМБЕКҰЛЫ СУРЕТШІ «Өйткені біз әлемді осы білімімізбен, өнерімізбен, ұлттық салт-дәстүріміздің ерекшелігімен, жасаған дүниелерімізбен, жаңалықтарымызбен ғана мойындата аламыз. Сол үшін, әлемді мойындатудың бір жолы – осы әл-Фарабидің қазақ жерінен шыққандығын, оның трактаттарының үлкен мәні бар екендігін бүткіл дүниеге таныстыруымыз керек». 

«Балалықтан даналыққа жол» деп аталатын құнды картина 5 топтамадан тұрады. Белгілі қаламгер туындыға ғұмырының 4 жылын арнап, арнайы Әбу Насыр әл-Фарабидің 1150 жылдығына әзірлеген. Полиптих түрлі майлы бояулардың қосындысы арқылы ерекше ептілікпен салынған. Оның биіктігі 1.8 метр, ұзындығы 11,5 метрді құрайды.

ЖАНҰЗАҚ КЕРІМБЕКҰЛЫ СУРЕТШІ «11,5 метрлік картина әл-Фарабидің туған жерінен өмірден озғанға дейінгі сол қалалардың барлығын қамтыдым десем болады. Өйткені, сол бес картина бүкіл өмір-жолы айтылады. Ол қандай қалаларда тұрды, қандай трактаттар жазды дегенде сол мағлұматтарды сол жерден көруге болады»

Жанұзақ Керімбекұлы әл-Фарабиді терең зерттеп бүгінгі ұрпаққа таныстыру жолында көп  ізденген кескіндемеші. Суретшінің бұл шығармасы көркем бейнелер мен сызба таңбалар жүйесіне сүйене отырып, нақты тақырыпты қамтыған бейнелеу өнерінің түрлі стильдерінде жазылған үздік туынды. Қылқалам шеберінің үздік картиналары еліміздің көптеген музейлерінде,  шет мемлекеттердің танымал музейлерінде ілулі тұр.

https://www.youtube.com/embed/xPkfXA-sSNY?si=-qIv7hJJpSa8f-SK" 

Елордада Президент ХХХІІІ жазғы Олимпиада ойындарына қатысатын Қазақстан құрама командасының мүшелеріне Мемлекеттік туды тапсырды. Әрі алдағы байрақты бәсекеде ел намысын асқақтататынына сенім білдірді. 

Парижде жалауын көтеретін Олимпиадада 80 спортшы ел намысын қорғайды. Бүгін Ақордада Мемлекет басшысы Қазақстан Республикасының Мемлекеттік туын Ұлттық құраманың капитаны Асланбек Шымбергеновке табыстады. 

Қасым-Жомарт Тоқаев Ұлттық құрама спортшыларымен кездесуде Парижде басталатын дүбірлі доданы бүкіл әлем асыға күтетінін әрі оған төрткүл дүние түгел көз тігіп отырғанын айтты. Сонымен қатар үздіктердің үздігі бақ сынайтын байрақты бәсекеге ең мықты спортшыларымыз бара жатқанын атап өтіп, ел намысын қорғау абыройлы міндет екеніне тоқталды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
«Біз сіздерге зор үміт артамыз. Бүкіл халқымыз – сіздерге жанкүйер. Жалпы, қазақ спорт мектебінің мәртебесі қашанда биік. Спортшыларымыз әрдайым елге жүлдемен оралып жүр. Осы даңқты жолды абыроймен жалғайсыздар деп сенемін. Шын мәнінде, сіздердің жеңістеріңіз тұтас Қазақстанның жеңісі болмақ. Көк туымыз желбіресе, ұлтымыздың рухы асқақтайды.»

Қазақстан Президенті спорт тарихында өшпес із қалдырған саңлақтарымыздың еңбегі әрқашан жоғары бағаланатынын да жеткізді. Сонымен қатар Мемлекет басшысы бейбітшілік және ынтымақтастық саясатына еліміздің қашанда бейілді екеніне назар аударды. Әрі ел намысын абыроймен қорғауда спортшыларға жауапты миссия жүктелгенін айтып, оларға сәттілік тіледі.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
«Сіздер де биік белесті бағындыра аласыздар. Мен бұған кәміл сенемін. Бүгінгі жастарымыз сіздерге қарап бой түзейді. Бұл – үлкен абырой. Әрине, чемпион болу оңай емес. Қазақта «Намысқа шапсаң – алысқа шабасың» деген сөз бар. Сондықтан жеңімпаз боласыздар деп сенемін».

https://www.youtube.com/embed/FJeGCG04Qc4?si=CJcsb2s7YYPs5mhw" 

https://www.youtube.com/embed/VMPMWJb7dWc?si=_J0XOHwF8RH6SMbS" 

Ақтауда билік ауыз суды үнемдеудің ерекше жолын тапқан. Яғни қаладағы көлік жуу орталықтары мен көгалдарды суару жұмыстарына шектеу қойған. Сол арқылы судан тарыққан тұрғындардың мәселесін шешуді көздепті. Осылайша, енді Ақтаудағы көлік жуу орындары кез-келген уақытта көлік жуа алмайды. Тек су жию резервуарларын толтырып үлгергендері ғана болмаса, белгілі бір уақыт аралығында су тоқтайды. Жаз басталғанда ақтаулықтар тіршілік нәрінен тарығатыны үйреншікті жағдайға айналған. Аптап ыстықта сусыз отырған халық түйіткілдің түйінін шешіп беруді жылда сұрайды. Алайда мәселе күннен күнге күрделеніп бара жатыр. Су беріп тұрған МАЭК кәсіпорыны теңіз суының температурасы күрт ысып кетуіне байланысты тіршілік нәрін тұтынушыларға жеткізіп беруге үлгермей жатқан көрінеді. 

ВЛАДИМИР ВАСИЛЬЕВ "МАЭК" ЖШС ПАЙДАЛАНУ ДЕПАРТАМЕНТІ ДИРЕКТОРЫНЫҢ ОРЫНБАСАРЫ «Орталық сумен жабдықтау торабтарындағы ауыз су деңгейін тұрақтандыру қажет. Сондықтан көлік жуу орталық иелерін жағдайға түсіністікпен қарап, жұмыс уақытын шектеуді сұраймыз. Сондай-ақ, қалада жасыл-желекті суаруды азайту қажет. Бұл шаралар уақытша. Алайда осылай жасауға мәжбүрміз.»

https://www.youtube.com/embed/txF0FhJW4-I?si=m9mk0elJVVvnUNAz" 

Арнаулы бағдарламамен жұмыс сапарлары Алматы облысы,Жамбыл ауданынан басталған Парламент Мәжілісі мен Сенат депутаттары Райымбек ауданының орталығы Нарынқол ауылына ат басын тіреді.

Депутаттар, Қазавтожол мамандары Райымбек ауданындағы алғашқы 15 шақырымына жөндеу жұмыстары басталған аумаққа барды. Көп жылдан бері шешімін таппай  Жырға айналған жауыр жол мәселесінің де оңтайлы шешілуі үшін бірқатар қиындықтар бар екенін алға тартты.  

ДАРХАН СЕРІКҰЛЫ ҚАЗАВТОЖОЛ ҰЛТТЫҚ КОМПАНИЯСЫНЫҢ ТӨРАҒАСЫ

Жол жөндеу жұмыстары екі жыл мерзім ішінде толықтай жүзеге асуы тиіс. Шалғайда орналасқан аудандағы жол мәселесін ыңғайлы тәсілдермен шешу жолын да жауапты ларға депутаттар тарапы өз ұсыныстарын жеткізіп,жұмыс барысын қадағалап отыратындарын айтты.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ

Жол мәселесімен қатар өңірдегі құрылысы жүріп жатқан әлеуметтік нысандарын аралаған депутаттар аудандағы орман шаруашылығының да жәй күйімен танысты. 

Аумағы 194 мың га жер көлемін алып жатқан шаруашылық мекемесінде 123 қызметкер жұмыс атқарады. Орманды көздің қарашығындай сақтауға күндіз-түні жұмыс істеп жатқан мекеме туризм саласын дамытуға дайын екендерін жеткізді. 

НҰРБОЛ ӘЛИЕВ АЛМАТЫ ОБЛЫСЫ НАРЫНҚОЛ ОРМАН ШАРУАШЫЛЫҒЫ КОММУНАЛДЫҚ МЕМЛЕКЕТТІК МЕКЕМЕСІНІҢ ДИРЕКТОРЫ 

Орман шаруашылығы мамандарымен кездесу өткізген халық қалаулылары саладағы орын алып отырған бірқатар мәселелерді де көңілдеріне түйген.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ 

https://www.youtube.com/embed/gw2XXXiaGGI?si=WXxzB_eXlfFIQKxP" 

Фармакологиялық қадағалаудың тиімділігін арттыру мен препараттардың сапасын бақылауға, заңсыз айналым мен жалған өнімге қарсы іс-қимыл әрекеттерін тежеу мақсатында 1 шілдеден бастап барлық дәрілік заттарды таңбалау міндеттелінген болатын. Бұл жобаның пайдасы қандай? Алдағы сюжетте.
 
Дәрілік заттарды таңбалау және қадағалаудың басты мақсаты – контробанділік және контрофактілік өнімдермен күрес. Яғни, жалған өнімдермен күресу үшін қажет. Алматы қаласында 1587 дәріхана мен 187 қойма дәріханасы бар. Фармацевтикалық бақылау комитетінің басшысы бұл жоба халықтың денсаулығының басты орында екенін аңғартатынын, бірақ, жаңа жүйенің кейбір адамдарға кері әсер етіп жатқанында тілге тиек етті. 

ДАМИР АБАЙДІЛДАҰЛЫ ҚР ДЕНСАУЛЫҚ САҚТАУ МИНИСТРЛІГІ МЕДИЦИНАЛЫҚ ЖӘНЕ ФАРМАЦЕВТИКАЛЫҚ БАҚЫЛАУ КОМИТЕТІНІҢ БАСШЫСЫ «Соған байланысты оны түсінбейтін, бұрынғы жүйемен жұмыс жасап жатқандарға қарсылық тудыратыны түсінікті.Себебі, бұрынғы жүйе біреуге пайдалы, ыңғайлы болды ғой. Солардың қарсы шығып жатқаны бар. Сол үшін олар теріс, бұрмалау жұмыстарын жүргізіп жатыр. Бірақ, баға – комплексттік жүйе.»

ТӨЛЕБИ ТАМПИШЕВ ҚАЗАҚСТАНДЫҚ ТӘУЕЛСІЗ ДӘРІХАНАЛАР ҚАУЫМДАСТЫҒЫНЫҢ ЗАҢГЕРІ 

Қазір біз дәрі дәрмектің қымбаттауы мен кейбір позициялардың дефицитін байқаймыз. Бұл тұтынушылар мен өндірушілер үшін шығынды болып табылады. Кейбір дистрибьюторлар дәрі дәрмектерді сатып алудан бас тартуда. Бұл сөзсіз халық денсаулығына кері әсер етеді. 

ТӨЛЕБИ ТАМПИШЕВ ҚАЗАҚСТАНДЫҚ ТӘУЕЛСІЗ ДӘРІХАНАЛАР ҚАУЫМДАСТЫҒЫНЫҢ ЗАҢГЕРІ

Сондай ақ, екі жыл ішінде тегін дәрілер тізімі бойынша сұранысқа ие емес 30-дан астам дәрілік позициялар алынып тасталған болатын. Сол арқылы, онкологиялық науқастарды емдеуге арналған бюджет 20 пайызға қысқартылды. Ол қайтадан бюджетті оңтайландыруға алып келеді. 

ДАМИР АБАЙДІЛДАҰЛЫ ҚР ДЕНСАУЛЫҚ САҚТАУ МИНИСТРЛІГІ МЕДИЦИНАЛЫҚ ЖӘНЕ ФАРМАЦЕВТИКАЛЫҚ БАҚЫЛАУ КОМИТЕТІНІҢ БАСШЫСЫ «Біз енді тексерген кезде тұтынушыға көп дәрілер жетпейді. Үкімет қыруар қаражат беріп жатыр, қоймаларға дәріні толтырып жатыр, ауру адам дәріні алды ма, алмады ма білмейміз. Көп жағдайда жетпей жатады. Екіншіден, емханадағылар ауру санын алады да, соған қажет дәрі керек деп жылдың басында есептей салады. Бірақ, ол жердегі аурулар бар ма жоқ па, ауруынан айығып кетпеп па дегендер осы арқылы реттеледі. Бұл тұтынушыға жақсы пайда береді».

Сарапшылар дәрілік заттарды таңбалау сапа деңгейін жақсартады дегенімен, баға жайы күліңгір болып тұр. Бұл бюджетке оңтайлы болғанымен, науқас қалтасына ауыр салмақ болмақ.
 

https://www.youtube.com/embed/KE09Vw88hTI?si=5VOf_xD1Ai5VFbxc" 

Алматылықтар мен қала қонақтарының назарына! Іле-Алатау ұлттық табиғи паркінің аумағына бару уақытша шектелді. Себебі, бүгін Алматы облысы Талғар ауданында жергілікті деңгейде табиғи төтенше жағдай жарияланды.  

Бұл шешім Талғар өзенінің бассейнінде орналасқан морена көлін босату және селден қорғау құрылысының алдында өзен арнасын тазарту бойынша алдын алу шараларын жүргізуге байланысты қабылданып отыр. Қазіргі уақытта оқиға орнында аталған ауданның әкімдігі мен төтенше жағдайлар бөлімі және "Қазселденқорғау" мекемесінің өкілдері қарқынды түрде тоқтаусыз жұмыс істеп жатыр. Жұмыс аяқтала салысымен Іле-Алатау паркі қайта ашылатынын хабарлаймыз!

https://www.youtube.com/embed/yFWyNKfMrYI?si=SZRLqGOYvVCNX5iN" 

Жол сапасы сын көтермейді. Жаңадан төселген асфальттың өзі қолмен ұстасаң болды, үгітіліп қалады. Осылай деген Үкімет басшысы Олжас Бектенов жолшылар жұмысын сынға алды. Жалпы, көлік министрлігі оңбай сөз естіді. Өйткені, дәл осы жауапты органга халық тарапынан шағым да көп. Сонымен, айтылған сын-ескертпе қашан өз шешімін табады? Биыл қандай жаңа автожолдар іске қосылады? Ақылы жолдың тарифі көтеріле ме? Толығырақ алдағы бейнесюжетте.  

Көлік жүргізушілер мен жолашулар назарына! Биыл құрылысы сағызша созылған бірқатар автожолдың ақыры құрылысы аяқталатын болды. Олар: «Қарағанды – Алматы», «Ақтөбе – Қандыағаш», «Атырау – Астрахань» және «Талдықорған – Өскемен» тас жолы. Жол азабын жүрген білер демекші, халық бұл күре жолды күткелі қашан. Әйтеуір арман орындалатын болды. 

МАРАТ ҚАРАБАЕВ ҚР КӨЛІК МИНИСТРІ:
«Ағымдағы жылы 12 мың шақырым жолда жөндеу және құрылыс жұмыстары жүргізіледі. Бұл бұрын соңды болмаған рекордтық көрсеткіш. Бұл ретте, жөнделетін жолдардың 8 мың шақырымы – республикалық, 4 мың шақырымы – жергілікті желіге тиесілі. Жылдың соңына дейін 7 мың шақырымда құрылыс және жөндеу жұмыстары аяқталады. Жоспарға сәйкес, 1 мың 955 шақырым болатын 4 автожол жобаларында реконструкциялау жұмыстары жүргізілуде, олардың 1 мың 866 шақырымында жаңа асфальт қабатымен жол қозғалысы ашылды».

Биыл 2 мың шақырымнан астам 11 учаске ақылы негізде болады. Олар: Қызылорда-Арал; Ақтөбе-Орынбор; Қостанай-Тройцк; Ақтау-Бейнеу; Қандыағаш-Мақат; Балқаш-Бурылбайтал; Үшарал-Достық; Қарағанды және Тараз қалаларының айналма жолдары. Айтпақшы, алдағы уақытта ақылы жолдар ақшасы 20 пайызға қымбаттайды. Ал, жолдың ақшасын уақытында төлемегендерге 5 АЕК негізінде айыппұл салынады. 

МАРАТ ҚАРАБАЕВ ҚР КӨЛІК МИНИСТРІ:
«Бюджетке артық салмақ түсірмеу мақсатында ақылы жолдарды енгізу жұмыстары жалғасады. Бүгінде ақылы жолдың жалпы ұзындығы 3 200 шақырым. Былтырдың қорытындысы бойынша бұл жолдардан 30 млрд теңге жиналды. Ол қаражат жолды күтіп ұстауға, жөндеуге және техника сатып алуға жұмсалды».

Премьер-министр жолшылар мен әкімдер жұмысын сынға алды. Жауапты министрлік бірінші кезекте тұрғындар мен жолаушылардың шағымдарына дер кезінде назар аудару керек. Жол құрылысы кезінде жемқорлық тәуекелдерін азайту жұмыстарын да күшейту қажет деп тапсырма берді. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Жолдардың жағдайына қатысты айтылып жатқан арыз-шағымдар азаймай отыр. Олардың негізгі бөлігі жергілікті жолдарға қатысты. Мұндай мысалдар көп. Ақтөбе облысы Мұғалжар ауданының тұрғындары Жұрын мен Қаракөл ауылдарының арасында биыл төселген асфальттың сапасын көрсетті – жаңадан төселген асфальт қолмен үгітіліп жатыр. Ал Жетісу облысы Кербұлақ ауданы Қоянкөз ауылының тұрғындары асфальт төсеу технологиясын сақтамаған мердігер компанияны өз жұмысын тоқтатуға мәжбүр етті. Ал әкімдіктер қайда, неліктен күнделікті сапалы бақылау жүргізілмей жатыр?».

Одан бөлек, министр су тасқыны кезінде шайылып кеткен жолдарға қатысты да тапсырма берді. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Су тасқыны кезеңі қолданыстағы жолдарда міндетті түрде су өткізу құрылыстарының болу қажеттігін көрсетті. Қаншама жол шайылып кетті. Жиналған суды өткізіп жіберетін құбырлар салынғанда, жолдардың көпшілігін сақтап қалуға болатын еді. Осыған байланысты Көлік министрлігі қолданыстағы инфрақұрылымды қайта қарауға тиіс. Жергілікті гидрогеологиялық жағдайды, жаңа технологияларды енгізуді және жобалық шешімдерді цифландыруды ескере отырып, жаңа жол-құрылыстарын жобалау кезінде нормативтерді жаңарту қажет».

Айта кетейік, 2026 жылдан бастап елімізде жалпыға ортақ жолдарда карьерлік жүк көліктерінің жүруіне тыйым салынуы мүмкін. Өйткені, мұндай көліктер аса ауыр салмақта болғандықтан, жолдарды бұзуы ықтимал. Сондықтан, министрлік заңға өзгеріс енгізу керек деп санайды.