https://www.youtube.com/embed/fbqiqfaVHkI?si=tyc6WvLElVZFVbKj" 

Оралдағы саяжай тұрғындары арнайы комиссияның тұрғын үймен қамту талаптарына көңілдері толмай қалалық әкімдік алдына жиналды. Ашынған халық "Баспана барлығына теңдей берілсін",-дейді.

Саяжай тұрғындарының талабы «Үйлерін су басқан тұрғындардың барлығына бөліп жармай баспана берілсін»! Бұрынғы шаңырақтары тұруға жарамсыз күйде. Баспананың ішін құрт-құмырсқа, жылан мен бақа жайлаған. 

ТАТЬЯНА ЖЫЛТЫХАЕВА САЯЖАЙ ТҰРҒЫНЫ

АЛМАЖАЙ СҮНДЕТҚАЛИЕВА САЯЖАЙ ТҰРҒЫНЫ

Бұл жерде көпбалалы отбасылармен қоса мүмкіндігі шектеулі балалар тәрбиелеп отырған жанұялар басым. Қашан бізге көңіл бөлінеді деген көпбалалы ана Жайнагүл Махражанова екі бірдей мүмкіндігі шектеулі бала тәрбиелеп отырған отбасы санатымен берілуі керек тұрғын үйді де ала алмай жүрген көрінеді. 

ЖАЙНАГҮЛ МАХРАЖАНОВА САЯЖАЙ ТҰРҒЫНЫ

Тұрғындар эвакуациялық пункттер, жалдамалы пәтерде, туыстарының үйінде тұрып жатқанын жеткізді. Әбден қиындық көрдік, мәселеміз шешілмейінше, әкімдік алдына шығуды тоқтатпаймыз",-дейді наразы тұрғындар. 

https://www.youtube.com/embed/LoiktzARk8s?si=VKtv4aWaqv6slqsF" 

Су тасқынынан зардап шеккен тұрғындарға мүмкіндігінше тезірек қалыпты өмірге оралуларына жағдай жасаймыз. Бүгін үкімет үйінде өткен отырыста Премьер-Министр Олжас Бектенов осылай деді. Сондай-ақ, Үкімет басшысы барлық жауапты министрлер мен жергілікті атқарушы билікке өтемақы төлеуді тездетіп аяқтауды тапсырды. Одан бөлек, бүгін министрлер кабинеті елдегі туризмді дамыту мәселесін де талқылады. Бұл салада да жағдай мәз емес. Туристер саны жыл санап артқанымен, баяғыша сервис, сапа, жол, сын көтермейді.  

Су тасқыны қаупі әлі де сейілген жоқ. Әсересе, елдің батысында жағдай мәз емес. Индербор және Махамбет елді-мекендерін ерекше бақылауға алу қажет деді Олжас Бектенов. Өңірлерде тасқын кесірінен жол бұзылып, облыс және аудан орталығынан байланыссыз қалып, көлік жете алмай отырған елді-мекендер әлі де бар. 

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ: «Еліміздің 8 өңірінде жергілікті ауқымдағы төтенше жағдай режимі сақталып отыр. Екі елді мекен (Ақтөбе облысы) әлі де көлік қатынасынсыз. Олар азық-түлікпен және дәрі-дәрмектермен қамтамасыз етілген. Тиісті қызметтер жергілікті жерлерде жедел дезинфекциялық іс-шаралар жүргізіп жатыр».

ОЛЖАС БЕКТЕНОВ ҚР ПРЕМЬЕР-МИНИСТРІ: «Ақтөбе облысында 2 елді мекенде әлі күнге дейін көлік қатынасы жоқ. Онда азық-түлік пен дәрі-дәрмектердің болуын мұқият бақылауға алу керек. Электр жарығынсыз отырған ауылдар да бар. Жөндеу жұмыстарын тездету керек.Сондай-ақ су тасқыны жағдайы тұрақталған өңірлерде әкімдіктер бағалау және жобалау жұмыстарын күшейтуге тиіс. Келтірілген залалды өтеу, оның ішінде үйлер мен инфрақұрылымды қалпына келтіру жөніндегі барлық шаралар белгіленген мерзімде іске асырылуы қажет. Біз зардап шеккен тұрғындардың мүмкіндігінше тезірек қалыпты өмірге қайта оралуын қамтамасыз етуіміз керек».

Су тасқынынан бүлінген үйлер шығыны келесі аптада белгілі болады. Елімізде 13 мыңға жуық үйді су басқан. Ал, бірреттік төленетін төлемді 20600 отбасы алған. Оларға 100 айлық есептік көрсеткіш яғни 369 мың 200 теңге көлемінде ақша төленген. Одан бөлек, бүгін министрлер кабинеті елдегі туризм мәселесін көтерді. Бұл салаға айтылар сын да мін де көп. Қызмет көрсету сапасы мен демалыс аймағына апаратын шұрық тесік жол және тек ақшаны көксеген таксишілер туралы айтылды. Сондықтан, үкімет башысы жауаптыларға осы проблемаларды реттеуді тапсырды. 

ОЛЖАС БЕКТЕНОВ ҚР ПРЕМЬЕР-МИНИСТРІ:« Дәл осындай көзқарас еліміздің туристік имиджіне нұқсан келтіреді. Әуежайдан шыққан шетелдік турист бірден ақшаға құныққан такси жүргізушілеріне кезігеді. Олардың ойлағаны қонақты баратын жеріне қауіпсіз жеткізу емес, барынша қомақты ақша алып қалу. Вокзалдар мен әуежайларда өркениетті көлік түрімен қамтамасыз ету туралы әкімдіктерге қанша рет тапсырылды, бірақ әлі күнге дейін нәтиже жоқ. Біз мұндай тәсілдерді өзгертпейінше, сыртқы туризм кеңінен танымал болып қала береді. Бұл ретте, Қазақстанның табиғаты мен әсем жерлері елімізде экологиялық, мәдени, зиярат ету және емдік-сауықтыру туризмін дамытуға зор мүмкіндік береді».

Айтпақшы, биыл елімізде жаз ыстық болады деп болжанады. Әсіресе, Батыс пен Шығыста аптап ыстық ұзақ сақталуы мүмкін. Яки, құрғақшылық пен өрт болу қаупі жоғары. Сондықтан, Олжас Бектенов мұндай аймақтарға қосымша бақылау бекеттерін қоюды тапсырды.  

https://www.youtube.com/embed/VwH7WfPQRm4?si=IvbstJKSRPp1UcEd" 

Бүгін Мемлекет басшысы Қасым-Жомарт Тоқаев  Ішкі істер министрі Ержан Сәденовті қабылдады. Қасым-Жомарт Тоқаевқа еліміздегі криминогендік ахуал туралы мәлімет берілді. Ұсынылған ақпаратқа сәйкес жыл басынан бері қылмыс деңгейі төмендеген. Ұрлық, тонау, қарақшылық, бұзақылық, сондай-ақ тұрмыстық зорлық-зомбылық, мас күйінде және көшелерде жасалатын құқық бұзушылықтардың саны айтарлықтай азайған. 

ЕРЖАН СӘДЕНОВ ҚР ІШКІ ІСТЕР МИНИСТРІ

https://www.youtube.com/embed/kVRtqNCVo5A?si=FJGqYILI-J5AO76D" 

https://www.youtube.com/embed/tcPMLw17NhY?si=Y5l85TAp_dRtESbS" 

Бүгін Мемлекет басшысы Қасым-Жомарт Тоқаев Мәдениет және ақпарат министрі Аида Балаеваны қабылдады.Президентке Мәдениет және ақпарат министрлігінің атқарған жұмыстарының нәтижесі, сондай-ақ ведомствоның алдағы қызметі барысында қолданылатын перспективті тәсілдер жөнінде баяндалды.Бұдан бөлек Қасым-Жомарт Тоқаевқа ақпарат, мәдениет, креативті индустрия, азаматтық қоғам, дін, этносаралық қарым-қатынас, жастар және отбасылық-демографиялық саясат салаларында қабылданып жатқан шаралар туралы мәлімет берілді.

АИДА БАЛАЕВА ҚР МӘДЕНИЕТ ЖӘНЕ АҚПАРАТ МИНИСТРІ

https://www.youtube.com/embed/C3ox_aFRisE?si=9YAfFMGY_o-xoQPz" 

Қазақ халқының дара тұлғасы, елдегі таеквондо спортының негізін қалаған, халықаралық деңгейдегі таеквондо шебері, спорттың осы түрінен 7-дан қара белбеу иегері Мұстафа Өзтүрік көзі тірі болғанда 70 жасқа толар еді. Қамшының сабындай қысқа ғұмырында Мұстафа Өзтүрік қазақ жерінде көптеген дарында жастарға білгенін үйретіп, арман мақсаттарының орындалуына себепші болды. Сондай шәкірттерінің бірі Байділда Жұмабеков 200 тарта жасөспірімді тегін жаттықтырып спортқа баулып келеді. Аталмыш азаматтың бастамасымен жыл сайын Мұстафа Өзтүріктің атынан Республикалық сайыстар өтеді.Биыл да дәстүрден жаңылмай, жастар арасында жарыстың өтуіне мұрындық болды.

БАЙДІЛДА ЖҰМАБЕКОВ М.ӨЗТҮРІКТІҢ ШӘКІРТІ,ХАЛЫҚАРАЛЫҚ ТАЕКВОНДО ОДАҒЫНЫҢ ТӨРАҒАСЫ

Жасөспірімдер арасында ұйымдастырылған жарыс,тартысты өтті.Шарада асқан шеберлік танытып,оза шапқандары бағалы сыйлықтармен марапатталды. 

https://www.youtube.com/embed/bNtpxyZj0os?si=ZMFEEZXfDmIjGh3j"

"Наурыз" жаңа ипотекалық бағдарламасына өтінім қабылдау 30 маусымға дейін жалғасады. Алайда, басында баспанасы бар азаматтар бұл бағдарламаға қатыса алмайды. Сондай-ақ өтініш берушінің "Отбасы банк" жинақ шотында кем дегенде  1 млн теңге қаражаты болу керек. Айта кетейік, 10 мамырдағы жағдай бойынша 17 432 қазақстандық өтініш берген.  Оның  8 945 өтініші қабылданды, олардың жартысы тұрғын үйге кезекте тұрған халықтың әлеуметтік осал топтары өкілдерінен түскен. Бұл көпбалалы отбасылар, жетім балалар, тұрғын үйі апатты деп танылған азаматтар.Барлық өтініш берген азаматтың 62%-ы 35 жасқа дейінгі жастар. Ең жас өтініш берген азамат Түркістан облысының тұрғыны. Оның жасы 18-де. Ал, "Отау" бағдарламасына өтінім қабылдау аяқталған. Жақын күндері конкурстан өткендерге смс-хабарлама жіберіледі. Биыл осы екі мемлекеттік бағдарлама аясында 20 мың қазақстандық баспаналы болады.

ЖАНСҰЛТАН МАТАЙ «ОТБАСЫ БАНК» АҚ ОРТАЛЫҚ ФИЛИАЛДЫҢ ДИРЕКТОРЫ:
"Алғашқы жарна 20%-дан басталады. Тұрғын үй кезегінде тұрған азаматтардың әлеуметтік осал санаттары үшін несие бойынша мөлшерлеме - 7%, азаматтардың барлық санаттары үшін несие бойынша мөлшерлеме - 9% құрайды, несие мерзімі - 19 жылға дейін. «Наурыз» бағдарламасы аясында тұрғын үйді алғашқы нарықтан, сондай-ақ моноқалалар мен ауылдық елді мекендерде екінші нарықтан сатып алуға болады. Заемның ең жоғарғы мөлшері: Алматы мен Астана қалалары үшін - 36 млн теңгеге дейін,  қалған өңірлер үшін – 30 млн теңгеге дейін". 

https://www.youtube.com/embed/LNl-RtZHVSM?si=911Daqi_eMmXAg-i" 

Атырау қаласынан 190 шақырым жерде орналасқан Индербор кентінде апат. Ескі құбырдан су кетіп, елді мекенге қауіп төнді, ал халықтан маза кетті. Алайда, жергілікті әкімдік пен облыс басшысы дер уақытында жағдайды қолға алды. Еліміздің Төтенше жағдайлар министрі де сонда. Жауаптылар халыққа қауіп төніп тұрған жоқ деп сендіруде. Оқиға орнында  апатты жою жұмыстары жүргізіліп жатыр. Тез арада шешім шығарылып, аталған аймаққа шұғыл түрде қосымша қорғаныс бекетін салу жұмыстары басталды. Айта кетейік, суды төгу үшін 30 бірлік техника, 20 су айдау құрылғысы және 300-ден астам адам ТЖД қызметкерлері мен әскерилер жұмылдырылған. 

ДАРЫН ШАМҰРАТОВ ИНДЕР АУДАНЫНЫҢ ӘКІМІ:
«Қазіргі уақытта шыққан су тұйықталды. Бұл су бұрынғы ескі құбырлардан кетіп жатыр деген болжам бар. Бірақ, оны ашып қарауға мүмкіндік жоқ. Қазіргі уақытта толықтай тұйықталып, бақылауға алынды. Қазір атқарылып жатқан жұмыстар үш деңгейлі. Бөгет салу жұмыстарын ұйымдастырудамыз.Осы жұмыстың басы қасында облыс әкімі мен төтенше жағдай министрі басшылық жасады. Қазіргі уақытта ахуал толықтай бақылауда. Индербор бөгетін ешқандай да су шайған жоқ».  

https://www.youtube.com/embed/BpTvuuPMF_o?si=g0tr8b7kFzT6bG0r" 

Қазақсан, Өзбекстаннан  922 млн текше метр су алатын болды. Ол су «Достық» мемлекетаралық каналы арқылы суару маусымында беріледі. Бұл туралы су ресурстары және ирригация министрі Нұржан Нұржігітов айтты. Айта кетейік, министр мемлекетаралық су шаруашылығын үйлестіру комиссиясының  86-шы отырысына қатысты. Оған Қазақстан, Қырғызстан, Тәжікстан, Түрікменстан және Өзбекстан кіреді.

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ  МИНИСТРІ: «Басты айта кететін маңызды мәселе, қазір біздің басты мақсатымыз да, міндетіміз де - тасқын суын жинау. Біз оны Каспий, Балқаш, Қамыс-Самар көлдеріне, Ұлытау облысынан Қызылорда облысының көлдеріне және тағы басқа жаққа қарай бағыттаймыз, бірақ сонымен қатар оңтүстік өңірлерді де сумен қамтамасыз ету маңызды. Бұл мәселеде су дипломатиясы өте маңызды». 

Мемлекетаралық су шаруашылығын үйлестіру комиссиясының келесі отырысы осы жылдың қыркүйек айында Түркіменстанда өтеді.

https://www.youtube.com/embed/Y9KYgsN1tnI?si=WVZJDTk87ju76rsE" 

Қызылорда облысында кеше бір түнде үш жеткіншек бала көп қабатты үйдің терезесінен құлап кеткен. Абырой болғанда балалар аман қалған. Қазір олар әртүрлі дене жарақаттарымен дәрігерлер қарауында.

Зардап шеккен бүлдіршіндердің жасы небәрі 6 мен 7 жаста. 2017 жылғы бүлдіршін бас миының соғылуымен ем-дом алуда. 6 жастағы бүлдіршін болса, ауыр жабық бас ми жарақаты мен бас миының соғылуынан зардап шеккен. Ал, үшінші бүлдіршін қаланың сол жағындағы көпқабатты үйдің бірінші қабатының терезесінен құлап кеткен. Ол 2021 жылғы жеткіншек. Оған екі төбе сүйегінің сызықты сынығы, бас миының соғылуы бойынша диагноз қойылған.

ОЛЖАС ҚҰРБАНБАЕВ ҚЫЗЫЛОРДА ОБЛЫСТЫҚ КӨПБЕЙІНДІ БАЛАЛАР АУРУХАНАСЫНЫҢ БАЛАЛАР ТРАВМАТОЛОГ-ОРТОПЕД ДӘРІГЕРІ

Москит торы балаларды сақтай алмайды дейді мамандар. Сол себепті, ересек адамдарсыз жеткіншектерді үйде қалдырмауды сұрайды. Статистикаға сүйенсек, жыл басынан бері көпқабатты үйден құлау дерегі бойынша 12 оқиға тізімге енген.

https://www.youtube.com/embed/V1jhhPq5M1w?si=PSC5hku5G7JoGFzu" 

Әйелін азаптап өлтірді деген күдікке ілінген экс министр Қуандық Бишімбаев кінәлі деп танылып, 24 жылға бас бостандығынан айырылды. Ал, оның туыс інісі Бақытжан Байжанов 4 жылға түрмеге тоғытылады. Бүгін үкім шығатын күні сот отырысына марқұм Салтанат Нүкенованың ата-анасы келді. Олар бұл өте қиын жағдай, ешкімнің басына бермесін. Біз неше рет өліп, неше рет тірілдік деп БАҚ өкілдеріне сұхбат берді. Алайда, бүгінгі үкіммен Бақытжан Байжанов келіспейтінін айтып, соттан не үшін өзін бұлай ауыр жазаға кескінін сұрады. Өз кезегінде, судья Құлбаева сот үкімі күшіне енгеннен кейін 15 күн ішінде аппеляциялық шағым беруге болатынын ескертті. 

АЙЖАН ҚҰЛБАЕВА СУДЬЯ: «Қуандық Бишімбаев кінәлі деп танылып, 24 жылға бас бостандығынан айырылсын. Бақытжан Байжанов кінәлі деп танылып, 4 жылға бас бостандығынан айырылсын.Бишімбаевтан мемлекет кірісіне сот сараптамасын жүргізуге кеткен сот шығындары 2 млн 306 мың 382 теңге, Байжановтан 3 324 теңге өндірілсін. Бишімбаевтан жәбірленушінің өтемақы қорына  30 АЕК 103 500 теңге сомасында, Байжановтан– 20 АЕК - 69 мың теңге өндірілсін".

Жәбірленуші тарап өкілі Айтбек Амангелді сот отырысынан кейін үкім бойынша ойын айтты. Бұл өмір бойы бас бостандығынан айырумен тең жаза. Себебі, 24 жылдан кейін Бишімбаев 68 жасқа келеді деді.

https://www.youtube.com/embed/ZSW45L3aBmk?si=jCoch1hI7JQo8iGH"