https://www.youtube.com/embed/1GYBrYFmQKk?si=_ay_lvlLVyyospo3" 

«Таза Қазақстан» акциясы аясында ұйымдастырылған сенбілікте Каспий теңізінің Маңғыстау маңындағы жағалауы 2 тоннаға жуық қоқыстан тазартылды.Бұл науқанға өңірдегі жас спортшылар атсалысқан.

Жағалаудағы тазалыққа қатысқан Ақшұқыр ауылының бапкерлері мен  спортшылары теңіз жағалауын арнайы таңдаған.Жиналған қоқыстың басым көпшілігі - пластикалық ыдыс пен полиэтилен қалдықтары екен.Жыл сайын ұйымдастырылатын ұжымдық шара биыл ерекше өтті.

ҚОШТАН ТЕКЕБАЕВ  АҚШҰҚЫР СПОРТ МЕКТЕБІНІҢ ЖАТТЫҚТЫРУШЫСЫ: «Негізі жыл сайын балаларды демалтып  ұжымдық шаралар ұйымдастыратын едік.  Биыл оны «Таза Қазақстан» акциясымен ұштастырып жас ұрпақтың санасына мәдениетіне жас кезінде халқын сүю, еліне қызмет ету табиғатты аялау деген мақсатта жас ұрпақтың санасына құндылықтар енгізгіміз келіп сол мақсатта жасалып жатыр».

Сайын Шапағатов ауылына жақын жердегі жағалауды тазалаған спортшылар мұндағы қоқыстың көптігін айтады. Демалуға келетін тұрғындарға мекенді таза ұстауға өтініштерін жеткізді.

БИҚАЗЫ АХТАЕВ СПОРТШЫ: «Баклажка, пакеттер көп. Адамдар арттарын жинамай қалдырып кетеді соларды жақсы қылып жинадық.  Адамдардың артын тазалап. Өйткені ертең біз осы жерге өз отбасымызбен ,ағайын-туыстарымызбен келіп осы жақта демалатын болған соң бұл өзімізге де басқа адамдарға да жақсы болады. Басқа адамдарға айтар кеңесім өз артымызды жинап, қоқыстарды өзімізбен бірге алып жүріп тек теңізімізді жақсы сақтайық». 

Кішкентай спортшылар жүргізген тазалық жұмыстары барысында 2 тоннадан артық қоқыс шығарылған. Бапкерлер мен спортшылар осындай игі жұмыстарды тұрақты түрде жүргізіп тұрмақ ниетте.

https://www.youtube.com/embed/TCbquRZ88-4?si=gf4p0i7tWEkHQDud" 

Бүгін Мемлекет басшысы Қасым-Жомарт Тоқаев Париж олимпиада ойындарының жүлдегерлерімен кездесті.Президент Қасым-Жомарт Тоқаев салтанатты жиынға қатысушы спортшылар мен бапкерлерді додалы тартыстағы жетістіктерімен құттықтап, әрбір жеңіс зор ерік-жігер мен қажырлы еңбектің жемісі екеніне назар аударды. Қасым-Жомарт Тоқаев Олимпиада чемпионы Елдос Сметовтің жеңісіне ерекше тоқталды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
«Ол байрақты бәсекенің алғашқы күндері Жақсылық Үшкемпіровтің даңқты жолын жалғады. Ел тарихында тұңғыш рет дзюдодан Олимпиаданың алтын медалін алды. Елдос бауырым, сен Олимпиадаға аттанар алдында маған және барлық спорт жанкүйерлеріне бар күш-жігерімді жеңіске жету үшін жұмсаймын деп уәде бердің. Сөзіңде тұрдың. Нағыз жігітсің! Біз бәріміз сені мақтан тұтамыз. Шын мәнінде, қатарынан үш рет Олимпиада жүлдегері атану – нағыз чемпионның қолынан келетін ерлік. Сенің жеңісті жолың спортшыларымызға жігер берді, барша халқымызды қуанышқа бөледі».

Сонымен қатар Қасым-Жомарт Тоқаев төртжылдықтың додасынан жүлдемен оралған өзге спортшыларға, бапкерлер мен атлеттерді дайындауға үлес қосқан азаматтарға алғыс айтты. Президенттің айтуынша, Париждегі бәсеке олимпиадалық спорт түрлерін одан әрі қолдау маңызды екенін көрсетті. Өйткені кейбір спортшыларымыз жеңіс тұғырына қолсозым жерден тоқтады, үздік ондықтан көрінді. Бұл олардың шеберлігін әрі жеңіске деген ерік-жігерін байқатады. Әйтсе де, Мемлекет басшысының пікірінше, кәсіби спортта шешімін күткен түйткілді мәселелер де баршылық. Соның бірі бапкерлер мектебінің дұрыс қалыптаспауы.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Өкінішке қарай, көптеген талантты бапкерлер өз елімізден қолдау таппай, шетел асып кетіп жатады. Олар сол жерге барып, жас спортшыларды тәрбиелейді, яғни, басқа мемлекеттің ұлттық құрама командаларын әлемдік додаларға дайындайды. Мысалы, осы Олимпиада ойындарында Тунис елінің тхэквондодан ұлттық құрамасы қазақ бапкері Есбол Сұлтановтың жетекшілігімен екі медаль жеңіп алды, оның біреуі – алтын медаль. Бапкерлерге жан-жақты қолдау көрсету шараларын қолға алу керек, әсіресе, олардың қоғамдағы әлеуметтік және кәсіби мәртебесін арттыру өте маңызды. Бір сөзбен, бізге мықты бапкерлер мектебін жасақтау қажет 

Президент Паралимпиада ойындарына қатысатын спортшыларымызға сәттілік тілеп, Париж Олимпиадасында ел намысын қорғаған спортшылар мен бапкерлерді мемлекеттік наградамен марапаттады. Сонымен қатар салтанатты жиында Олимпиада чемпионы, дзюдошы Елдос Сметов, байрақты бәсекенің қола жүлдегерлері, мерген Александра Ле мен боксшы Назым Қызайбай сөз сөйлеп, жылы лебіздерін білдірді.

https://www.youtube.com/embed/KJSinU_6xVY?si=Jomm5bnyj2SKDzSx"

https://www.youtube.com/embed/LGhtk2W8e7c?si=WAvWrIb1n01Psyf2" 

Ақтауда 2006-шы жылы туған жас жігіт Каспийге батып, көз жұмды. Өңірлік Төтенше жағдайлар департаментінің хабарлауынша, бозбала  белгіленген жүзу аймағынан тыс аумақта, катамараннан суға сүңгимін деп мерт болған. Оқиға кешкі 6-лар шамасында болыпты. Ал денесі бүгін таңертең табылып, жағаға шығарылған. Теңізге батқан адамды іздеу кезінде құтқару жасағынан бірнеше маман мен техникалар жұмылдырылды.  

БАУЫРЖАН ОҢҒАРБАЕВ ӨҢІРЛІК ТӨТЕНШЕ ЖАҒДАЙЛАР БАСҚАРМАСЫНЫҢ БАСТЫҒЫ: «Оларға катамаран берілген кезде катамаран мен жилеттері берілген. Алайда ол жігіттер құтқару жилетін кимеген. Қайықтармен, катамаранмен, басқа да жүзу құралдарымен жүзіп жүрген кезде, құтқару жилеттерін киіп жүру керек! Сонымен қатар теңіз жағалауындағы қайықтар адамдарды серуендеттіретін, оларға да ескерту жасақталып, барлық теңізге қайықпен серуендеуге шыққан тұрғындарға қауіпсіз жилетін кигізу міндетті!» 

https://www.youtube.com/embed/HCQ7dUbt1HY?si=HLs70HDSG-eQe_4n" 

Бұдан былай мектепке дейінгі жастағы балалар жайлы бар ақпарат қажетті мемлекеттік органдардың барлығына қолжетімді болады. Балалардың даму картасы автоматтандырылды. Ол Ұлттық білім беру деректер базасымен интеграцияланған. Бұл картада әр бүлдіршіннің дамуын бақылауға және олардың бойындағы дағдылардың қаншалықты қалыптасқанын көруге мүмкіндік береді.Онда баланың дамуының барлық маңызды аспектілері көрсетілген: физикалық жағдайынан бастап коммуникативтік, танымдық, зияткерлік, шығармашылық, зерттеушілік және әлеуметтік-эмоционалдық дағдыларына дейінгі бар ақпарат бар. Мұндай жүйелі тәсіл бірінші кезекте сапалы білім беруді қамтамасыз етеді және балалардың бастауыш мектепте сәтті бейімделуіне жол ашады,- дейді мамандар. Жаңа оқу жылының алдында орталық коммуникациялар қызметінде балаларды қорғауға қатысты брифинг өтті. Шара барысында төтенше жағдайлар министрлігі мен ішкі істер министрлігінің өкілдері жыл сайын ересектердің немқұрайлылығы салдарынан мыңдаған бейкүнә сәби көз жұматынын айтып, балаларды барынша қорғауға шақырды. 

ЖАННА  ДӘРЕНБЕКОВА   ҚР ТЖМ ӨРТКЕ ҚАРСЫ ҚЫЗМЕТ КОМИТЕТІНІҢ БАС МАМАНЫ: «Шомылу маусымы басталғаннан бері елде 46 бала суға батып кетті, 71 бала құтқарылды. Соңғы 10 жылда елімізде 700 бала суға кетті. Балалардың биіктіктен, оның ішінде терезеден құлауы – Қазақстандағы балалар арасындағы өлім-жітімнің маңыздылығы бойынша үшінші сыртқы себебі.Сондықтан, құрметті ата-анадар балаларды қараусыз қалдырмауға шақырамыз». 

https://www.youtube.com/embed/pMHkwQMv8fY?si=NWA6-egFl9wnosDr" 

Алматы облысына қарасты Қарасай ауданында ұлттық спорт түрлерінен республикалық турнир өтті. Шара мемлекет және қоғам қайраткері Дінмұхамед Қонаевты еске алуға арналды. Іс-шараға қоғамдық ұйымдардың өкілдері, ақсақалдар мен спорт ардагерлері қатысты.

Шараға еліміздің түкпір-түкпірінен  150-ден астам шабандоз қатысып, тартысты ойын көрсетті. Дүбірлі дода  GÚLNAR BAQ демалыс және спорт орталығында ұйымдастырылды. Жарыс бәйгенің 3 түрі бойынша, өтті. Олар  25 шақырымға Аламан бәйге, 15 шақырымға Топ бәйге, 10 шақырымға Құнан бәйге. Жағажай волейболынан әйелдер мен ерлер арасында коммандалық бақ сынасты. Ашылу рәсімінде ақсақалдар спортшыларға ақ батасын беріп, сәттілік тіледі. 

АМАНГЕЛДІ ШАБДАРБАЕВ ЖАРЫСТЫ ҰЙЫМДАСТЫРУШЫ, ҚОҒАМ ҚАЙРАТКЕРІ «Мен енді осындай валейболдан турнирлер ұйымдастыра бастадым. Дінмұхамед Ахметұлын халық ұмытпасын деп. Содан кейін, бәйге өткізе бастадық. Енді  концерт қосылды. Осылай жылда өткізіліп жатыр. Мен Дінмұхамед Ахметұлының батасын алған адаммын. Мен жетістіктерге жетсем, сол кісінің маған берген батасының арқасы деп санаймын. Кішкене жағдай болып тұрса, Дінмұхамед Ахметұлына бәйге, ас жай беремін, екі мың адам келіп дәм татсын деп жатырмын. Көзі тірісінде Дінмұхамед ағамыз жақсылық жасайтын болсаң халыққа жасағаның дұрыс, халық ешқашан жақсылығыңды ұмытпайды деді». 

Көк туымызды көкте желбіреткен қыз-жігітер ұлттық ойындарды ұлықтап халықтың ыстық ықыласына бөленді. Іс-шарада көремендер Теңге ілу, Қыз қуу, Жамбы ату, казак күресі, қошқар көтеру сынды ойындарды тамашалады. Өнер көрсетушілердің ішінде атпен, түйемен жамбы атқан қазақ қызы да өнер көрсетті. 

ЖАҚСЫЛЫҚ БАЙТҰҚБАЕВ ГЕНЕРАЛ «Дінмұхамед Қонаевтың құрметіне арналған бұл турнир ең бастысы отанға, елге деген құрмет. Патриоттық сезімді көтеру болып табылады. Үйткені қаншама көзі тірісінде қазақ еліне, жастарына, болашақ үшін үлкен жұмыстар істеді». 

Жарыс нәтижесінде жеңімпаздар мен жүлдегерлер анықталып, оларға  мақтау қағаздармен, қаржылай сыйлықтар табысталды.  Аламан бәйгеде бірінші келген сәйгүліктің иесіне темір тұлпар табысталды. Бас жүлдені «Шұғыла» атты сәйгүліктің иесі, Алматы облысы Жамбыл ауданынан келген Ерсұлтан Серіков иеленді. Волейболдан ерлер арасында «А» және «В» лигаларында өткен қызу тартыстың нәтижесінде Алматы қаласының өкілдері «Шекара» және «Номад» командалары басым түсті. Әйелдер арасында Талгарочка командасы жеңіске жетті. Дүбірлі додада жақсы көңіл күймен қайтқан көрермендер ұйымдастырушыларға алғысын білдірді. 
 

https://www.youtube.com/embed/yoCoTyNCO-I?si=YQvc3dGA6AzXiLfz" 

Көкшетау қаласында қоқыс контейнерлері уақытында шығарылмайды. Жел соқса, қоқыс ұшып, жағымсыз иіс ауаға тарайды. Тұрғындар уақытында қызмет ақысын төлегенімізбен, қоқысты тазалап жатқан ешкім жоқ деп налып отыр.

Кәукен Кенжетаев көшесі Абылай хан даңғылының бойындағы көпқабатты үйлердің ауласындағы контейнерлер қоқыстан көз ашпай тұр.

«Күніге осындай қоқыс, алғылары келгенде алады, алғылары келмегенде осылай тұрады, сасып. Жанында магазин, қандай тазалық бар, айналайын, айтшы. Ешқандайда тазалық жоқ. Мінекей,осымен ауа жұтамыз. Енді осыны қашан жинайды, білмеймін». 

«Мен осы қоқыс туралы айтқым келеді. Қоқыс жыл бойы, үнемі осында тасталады, бұл әлі күнге дейін жалғасуда. Бұған ешкім мән бермейді. Басшылықтың қайда қарап отырғанын білмеймін. Адамдарға да шошқа сияқты қарайды. Енді олар біздің видеомызды көрсе, осының бәрін алып тастар еді. Тіпті балалар жүгіріп жүр, сасық. Бізде әдемі қала болуы керек».

Бұл үйлердің ауласындағы мына қоқыс контейнерлеріне жақын маңдағы көпқабатты 10-нан астам баспананың тұрғындары қоқыс тастайды. Көп жағдайда контейнерге тастауға ерініп, жол бойына лақтырып кететіндер де аз емес, -деп ашынады тұрғындар. Қоқысты көшеде қаңғырған ит пен мысықтар шашып кетеді, соның салдарынан ауламыз қоқыс алаңына айналып шыға келеді.

СЕРІКБАЙ ЕСІМОВ, ҚАЛА ТҰРҒЫНЫ: «Жаз бойы мына жер су, кісілер бәрі өте алмайды. Тратуар жоқ, мусор мына жерде 7-8 үйге бір мусорный ящиктер. Олардың өзі толып кетеді де, мынау жердің бәрі қоқыс болып жатады. Енді бүгін қарағанда, бәрін жинап алып кетті. Бірақ осы мәселелер қашан шешіледі? Білмейміз соны әлі күнге дейін». 

ДАРХАН ӘБІШЕВ «ТАЗА ҚЫЗМЕТ» СЕРІКТЕСТІГІ ДИРЕКТОРЫНЫҢ ОРЫНБАСАРЫ: «Қоқыс маршруттық кестеге сәйкес күн сайын таңғы 9-дан 11-ге дейінгі аралықта осы мекенжайдан әкетіледі. Контейнерлер саны Көкшетау қалалық мәслихаты әзірлеген нормаларға сәйкес осы учаскенің жинақталу нормаларына сай келеді».

Тұрғындардың шағымына жауапты мекеме тез арада әрекетке көшті. Дегенмен бұл аумақта қоқыс шығару қиынға соғуда. Тұрғындардан да тазалықты сақтап, ұқыптылық танытпаса мәселенің күрделене берері сөзсіз. Қоршаған ортаның тазалығына әр азамат жауапты екенін ұмытпаған абзал.

https://www.youtube.com/embed/nLF1km-2Nh0?si=C6z0IEia-wNSJovo" 

Алматы облысында едені ескіріп, шатыры тесілген спорт ғимараты бар. Әлі күнге дейін күрделі жөндеу көрмеген нысанда балалар жаттығып жатыр. Естір құлар көрер көз таппаған мекеме ұжымы арнамызды шақырып мұңдарын шақты.

Аты дардай, күйі жоқ спорт мектебі Алматы облысына қарасты Еңбекшіқазақ ауданы Шелек ауылының қақ ортасында орналасқан. 

40 мыңға жуық адам тұратын Шелек ауылындағы №2 балалар мен жасөспірімдер спорт мектебінің сыйқы осы.Бұл нысан 1957 жылы бой көтерген. Міне осы уақыттан бері күрделі жөндеу жұмыстарын көрмеген. Балалар жаттығып жатқан залдың қабырғалары қақырап,едені ескірген.Жауын шашын болған күндері сорғалап су ағады.

ЕРЖАН НҰРХАЛЫҚОВ ЖОҒАРҒЫ ҰЛТТЫҚ ДӘРЕЖЕДЕГІ ТӨРЕШІ,АҒА ЖАТТЫҚТЫРУШЫ

ОЛЖАС УӘЛИ ЖУРНАЛИСТ

Бұл жерде ауыл жастары Кеңес үкіметінің тұсында жаттыққан.Қазір отын жинайтын жерге айналыпты. Спорт ғимаратының түбінен газ құбыры тартылса да, көгілдір отынға қосылмапты.

Тозығы жеткен спорттық мектеп расын айту керек қауіпті жағдайда.Өткен жылғы жер сілкінісінен қабырғалары жарылған. 

Тағы бір өзекті мәселе спорт залдан шығатын кәріз жүйесінің қолқаны қабатын жағымсыз иісі. Оны ғимаратқа кірген сәттен бастап сезуге болады.

Айта-айта естір құлық,көрер көз таппаған спорт мектебінің басшылығы осылайша арнамызды шақырды. Расымен күйлері жоқ,қыстың күні бүрсеңдеген балалар қалың киініп жаттығудан басқа амалдары жоқ.

ЕЛМҰРАТ ҚАЙЫПЖАНОВ АЛМАТЫ ОБЛЫСЫ ЕҢБЕКШІҚАЗАҚ АУДАНДЫҚ №2 БАЛАЛАР МЕН ЖАСӨСПІРІМДЕР СПОРТ МЕКТЕБІНІҢ ДИРЕКТОРЫ

Спорт мектебін басқарып отырған Елмұрат Қайыпжанов қазақтың көк туын көтеріп,әлемді мойындатқан азамат. Мақсаты ауылдың қара домалақтарын әлемдік додалы тартыстарда жеңіс тұғырынан көру. Бүгіннің өзінде бұл мектептен Азия мен әлем чемпиондары шыққан.Жеткен жетістіктері көп.

ЕЛМҰРАТ ҚАЙЫПЖАНОВ АЛМАТЫ ОБЛЫСЫ ЕҢБЕКШІҚАЗАҚ АУДАНДЫҚ №2 БАЛАЛАР МЕН ЖАСӨСПІРІМДЕР СПОРТ МЕКТЕБІНІҢ ДИРЕКТОРЫ

№2 балалар мен жасөспірімдер спорт мектебінде балалар спорттың бірнеше түріне тегін қатыса алады,тек жастардың жаттығатын күйі қашқан. Естір құлақ табылса,қолға алады деген үмітіміз бар. 

https://www.youtube.com/embed/4L0gO2TdOdo?si=PWbZ-okRVn2MPaNZ"

https://www.youtube.com/embed/h-G5-PBGFNM?si=tbyXL3c6ZUaLkLNw" 

Ферроқорытпа зауытындағы 4 жұмысшының өліміне жұмыс беруші кінәлі. Бұл арнайы құрылған комиссияның шешімі. Олар бір ай бойы техникалық құжаттаманы, оқиға болған жерді тексеру нәтижелерін, куәгерлердің сауалнамаларын, сараптама ұйымының қорытындысын, нормативтік құжаттар мен басқа да материалдарды мұқият зерделеп, сонан соң кейін осындай қорытындыға келіпті. Енді тергеу нәтижелері құқық қорғау органдарына беріледі. Айта кетейік, 20 шілдеде Қарағанды қаласындағы ферроқорытпа зауытында жазатайым оқиға болып, нәтижесінде сегіз жұмысшы зардап шеккен болатын, олардың төртеуінің өмірін сақтап қалу мүмкін болмады. 

ТӨЛЕГЕН ОСПАНҚҰЛОВ ҚР ЕХӘҚМ ЕҢБЕК ЖӘНЕ ӘЛЕУМЕТТІК ҚОРҒАУ КОМИТЕТІНІҢ ТӨРАҒАСЫ – БАС МЕМЛЕКЕТТІК ЕҢБЕК ИНСПЕКТОРЫ:  «Кәсіпорында травматикалық факторлардың әсерін болдырмау үшін шұғыл шаралар тиісті дәрежеде қабылданбағаны, қауіпсіз еңбек жағдайлары мен қызметкерлердің ережелерді, нұсқаулықтарды және технологиялық тәртіпті сақтауын бақылау элементтері тиісті дәрежеде жасалмағаны анықталды. Комиссия мүшелері зардап шеккендермен және зардап шеккендердің отбасы мүшелерімен кездесіп, оларға қолданыстағы заңнамаға сәйкес олардың әлеуметтік қорғауға заңды құқығы түсіндірілді».

https://www.youtube.com/embed/RcdWxzVKBxQ?si=JVzeLfYLewtxf6mI" 

«Қайырымдылық жасасаң, қайырын өзің көресің» демекші, Алматы облысында көп балалы, мүмкіндігі шектеулі отбасылардың балаларына мектепке даярлық құралдары табысталды. Қайырымдылық керуенінде Respublica партиясы 30-дан астам балаға “Алаш топтамасы” деп аталатын сөмке тарту етті. 

Балалардың жүзіне қуаныш сезімі ұялаған. Оқу құралдары толы сөмкені арқалай отырып, ел ағаларына алғысын білдірді. Алаш зиялыларының қанаттары сөздері жазылған сөмкенің ішіндегі керек-жарақтар тарих пен ұлттық құндылықтардан хабар береді. Осындай топтама еліміз бойынша 1600-ден астам балаға берілген, 50 миллионан астам қаржат жұмсалған.

СЫРЫМБЕК ТАУ RESPUBLICA ПАРИЯСЫНЫҢ ТЕҢ ТӨРЕҒАСЫ «Балаларға осындай  «Алаш топтамасы» деген сөмкені жасап шықтық. Бұл сөмкені жинағанда, әншейін жинай салған жоқпыз. Менің өз балаларым қандай сөмке ұстаса, халықтың балалары да сондай сөмке ұстау қажет деген шешім қабылдадым. Сондықтан 1 ай бойы дайындалдық, кейбір жоқ заттарды шетелден алдырдық. 1600 отбасының балаларына береміз деп шештік, 50 миллион теңге қаражат жұмсадық. Көпшілігін су тасқыны болған жерлерге жолдадық. Сол 1200-дей сөмке су басқан өңірлерге жіберілсе, қалғаны Алматы облысы, Жетісу облыстарын қамтыды. Біз оны неліктен айтып отырмыз. Жақсы оқыған балаларды жатаханамен де қамтимыз. Оларға жәрдемақыны да береміз. Осы істі жалғастырып, Алаштың жолын қуып келе жатқан ұрпақтар көп болсын деп, осы топтаманы “Алаш топтамасы” деп атадық». Балаларын жетектеген ата-аналар ұйымдастырушыларға алғыс білдіріп, ел қамын ойлайтын азаматтардың көбейгеніне риза. 

ҒАЛИЯ ЖАҚЫПБАЕВА АТА-АНА «Көп балалы ата-анамын. 4 балам бар. 3 қызым мектепте оқиды. Көмек қолын созып отырғанына қуаныштымыз. Қазақ елі үшін, Алаш жұрты үшін қол созатын азаматтар көп болсын. Сол үшін қуаныштымыз. Осындай азаматтарымыз көп болсын. Әрқашан көмек қолын созатын». 

Шара соңында мәз-мейрам болған балаларға Алаш зиялыларының өмірі мен шығармашылығы, баяндалды. Қайырымдылық керуені мерекелік концертпен аяқталды. Еске салайық, еліміз бойынша, көпбалалы және аз қамтылған отбасы балаларына, мүмкіндігі шектеулі оқушыға «Мектепке жол» республикалық қайырымдылық акциясы ұйымдастырылып келеді.

https://www.youtube.com/embed/yBqjtQaTT50?si=yRbPlJyWa-0OPtOJ" 

Кеншілер еңбегі еленген күн. Бүгін Үкімет басшысы Олжас Бектенов Ұлытау облысына жұмыс сапары кезінде өңірдің өнеркәсіптік әлеуетімен танысты. Премьер-министр Жыланды кенішінде болып, сала қызметкерлерін келе жатқан кәсіби мерекелері – Шахтер күнімен құттықтап, оларға Президент атынан мемлекеттік марапаттарды табыс етті. Айта кетейік, өңірдегі мыс шығарушы компанияның әлеуеті жақсы. Республикалық және жергілікті бюджетке түсетін түсімдері бірнеше есеге артқан. Нәтижесінде, Ұлытау облысы өнеркәсіптің өткен жылғы көрсеткіштерімен салыстырғанда 7% өсіммен елімізде 4-орында тұр. Премьер-Министр осы қарқынды төмендетпеуді тапсырды және одан әрі өсу үшін қолда бар резервтерге назар аударды. Естеріңізге саламыз, елімізде жыл сайын тамыздың соңғы жексенбісінде Шахтер күні аталып өтіледі. 

ОЛЖАС БЕКТЕНОВ ҚР ПРЕМЬЕР-МИНИСТРІ «Кеншілердің қажырлы еңбегі қашанда зор құрметке лайық. Өйткені, олар жұмыстың ауырлығына, қауіптілігіне қарамай, ел экономикасын өркендетуге үлес қосып отанымыздың игілігіне қызмет етіп келеді. Бүгінде елді индустрияландыру саясатына белсенді түрде жалғастыруда. Бұл орайда өңдек өнеркәсібіне қажетті кен өндірісінің дамуы үкіметтің ұдайы назарында. Осы мереке қарсаңында Мемлекет басшысы еліміздің дамуына үлкен үлес қосқан бірқатар кеншілерді, еңбек ардагерлерін жоғары наградамен марапатады. Біз егемендікке қол жеткіздік. Экономикасы қуатты ел ретінде әлемге танылдық. Қаншама тағдырлы жеңістің куәсі болдық. Бұл ретте кәсіби біліктілігін елдің игілігіне арнап келе жатқан сіздердің еңбектеріңіз де ерекше».