https://www.youtube.com/embed/rvnJAZFkCoA?si=fs5JnoHXr0TxUsZn" 

Италияның ең ірі аралдарының бірі Сицилияда Этна жанартауы қайтадан атқылауда. Оның жылдамдығы оңтүстік-шығыс кратерден тіркеліп тұр. Таудан лава ағындары ағып, қара түтін бұлттарды басуда. Күл мен газ бағанасы 4,5 шақырымға дейін жетуде. Этна етегіндегі қалаларды бірте-бірте күл басуда. Дегенмен, Катания әуежайы әлі де жұмыс істеп тұр.

Стратовулкан Сицилияның шығыс жағалауында орналасқан. Оның биіктігі атқылауларға байланысты үнемі өзгеріп отырады. Екі жыл бұрын рекорд орнатып, 3357 метрге жеткен. Этна 1190 шаршы шақырым аумақты алып жатыр. Бұл Италиядағы ең үлкен белсенді жанартау. Ол Везувийден 2,5 есеге үлкен. Шамамен үш айда бір рет лава бір жерден атқылайды. Сонымен қатар, жанартау беткейлері тығыз орналасқан, өйткені мұнда топырақ өте құнарлы.

Лава мен күл оны микроэлементтермен және минералдармен қанықтырады. Жергілікті тұрғындар «достық жанартау» деп те атайды. Себебі, олар үшін бұл еш қаупі жоқ таудың бірі. Дегенмен, вулканологтардың пікірі қазірдің өзінде өзгеруде. Олардың айтуынша, Этнаның мінез-құлқы барған сайын күдікті болып, атқылаулар тыныштан жарылғышқа ауысып барады.

https://www.youtube.com/embed/LcekzeaMGcA?si=dOgOexBBAPnUl9mR" 

Еуропалық Одақ бұзылған табиғи экожүйелерді қалпына келтіру туралы заңды бекітуге келісті. Кейбір елдер бұған үзілді-кесілді қарсы болды.Осылайша Еуропарламент 2030 жылға қарай құрлықта және теңізде табиғатты 20 пайызға қалпына келтіруді талап ететін келісімге келді.

Birdlife биоалуантүрлілікті сақтау ұйымының аймақтық директоры Ариэль Бруннер келісім көпшіліктің көңілін қалдырғанын және біраз талқыға түскенін айтады.  

АРИЭЛЬ БРУННЕР ЭКОЛОГ: «Бұл климаттық дағдарыс жағдайында биоәртүрлілікті шешуге бағытталған күш-жігердің маңызды кезеңінің бірі болмақ. Бұл заң бізге тәртіпті қалпына келтіруге мүмкіндік беруі мүмкін».

Енді заң жобасы Еуропарламент пен ЕО елдеріне түпкілікті бекітуге жіберіледі. Бұл қадам әдетте алдын ала келісілген құжаттарға қолданылатын формальдылық болып саналады. 2030 жылға қарай Еуроодақ елдері шабындықтар, өзендер мен ормандар сияқты жағдайы нашар табиғи аумақтарды жабу шараларын қабылдауы керек. Мақсат - деградация процессін кері қайтару. Себебі, ЕО табиғи аумақтарының 80%-дан астамы нашар жағдайда деп саналады. Үкіметтегілер мақсатты шаралар қабылдауы керек. Мысалы, шабындық көбелектердің популяциясын көбейту, сондай-ақ қоршауларды құруды ынталандыру секілді жұмыстар. Сонымен қатар, сулы-батпақты алқаптардың экожүйелерін кейбір экологтар климаттың өзгеруін тоқтатуға көмектеседі деп есептейді. Өйткені олар CO2 шығарындыларының көп мөлшерін сақтай алады.

https://www.youtube.com/embed/bvu-60-hjTQ?si=W1qpCnT_X7mF3tEz"

Батыс Қазақстан облысындағы Серебряково ауылының мұғалімдері мемлекетке 60 миллион теңгеге жуық ақша қарыз. Мұны естіген ұстаздардың өздері жағаларын ұстады. Олар мұнша көп ақшаны өңіміз түгілі, түсімізде көрмедік дейді. Ал білім саласына жауаптылар бұл ұжымға еңбекақы ай сайын тиісті сомадан асыра төленгенін анықтапты.

Экономикалық тергеу басқармасы осы іске қатысы барларды май шаммен тергеуде. Бір қызығы Серебряково мектебіндегі барлық мұғалім, тіпті күзетші мен еден жуушыға дейін мемлекет ақшасын артық жалақы алу арқылы заңсыз иеленген болып шықты. Мұны естіп төбе шашы тік тұрған 72 адам қыруар ақшаны ешқашан көздері көрмегенін айтып азар да безер.
 
ҒАЛИЯ  ЖАҢАБАЕВА КРУГЛООЗЕРНОЕ ОРТА МЕКТЕБІНІҢ МҰҒАЛІМІ

Жымқырылған ақша қызметкерлердің атына басқа банктен есеп шоттар ашу арқылы аударылған. Артық қаражат былтыр жалақы ретінде төленгені белгілі болып отыр. Ал осы іске қатысы бар күдіктілер қазір зым-зия жоқ. Олар бұрынғы есепші мен мектеп директоры. Бүгінде ауысып кеткен бұл қызметкерлерді жауапқа тарту үшін жаңа басшы тәуелсіз аудитке жүгінгенін айтады.
 
КЛАРА  МЕҢДІҒАЛИЕВА БҚО БІЛІМ БАСҚАРМАСЫ БАСШЫСЫНЫҢ ОРЫНБАСАРЫ

Ұстаздар мен кіші қызметкерлер ешқашан қолдарына тимеген ақшаны өздерінен кері өндірмек болғандарды тергеу нәтижесін күтуге шақырды. Өз қалталарынан төлемес үшін соттасуға бекініп отыр.

https://www.youtube.com/embed/RarsBN72XzA?si=vWxtk7GjAplofkOA" 

Алматыда үш күн бойы «Тенгриада» қойылымының тұсаукесері болып өтті. Халықаралық "Тенгриада" спектакль-жобасы Қазақстан мен Корея Республикасы арасындағы дипломатиялық қатынастардың 30 жылдығына және мәдени алмасу жылының аяқталуы аясындағы жүзеге асты. Спектакль халықаралық жоба болғандықтан қойылымда Корея Республикасының актерлары, Республикалық корей театрының әртістері өнер көрсетті.

Айтулы спектакль екі елдің мәдени құндылықтарын біріктіріп, бірлескен рухани және мәдени дәстүрлерінің дамуына ықпал етті. Туынды Кореяның негізін қалаған тұлға Тангунның заманын, сол кездегі өмір мен мистикалық жағдайларды бейнеледі. Поэтикалық сипаттағы бұл қойылымның тарихы тым тереңнен тамыр тартады.Қойылым көрермендерге ерекше әсер қалдырып, өнер сүйер жандардың жүректерінен орын алды.

https://www.youtube.com/embed/Dd9sr8pLZB8?si=qihUqXj15wbljNOX" 

Ақтауда уланып қайтыс болған балалардың ісі бойынша сараптама қорытындысы әлі күнге дейін шықпаған. Себебі пәтерге жасалған дизенсекция кезінде пайдаланылған препараттың құрамын еліміздегі орталықтар анықтай алмай, сұрақ белгісімен шектеліп отырған көрінеді. Көз жұмған қос сәбидің әкесі Жанболат Келмеденов бүгін оқиға бойынша сұхбат беріп, өзінің талабы мен өтінішін айтты.

Қайғылы оқиға өткен айдың 22-і күні тіркелген еді. Содан бері қара жамылған отбасы күндіз күлкіден, түнде ұйқыдан айырылдық деп отыр. Тас түскен жеріне ауыр. Ішкен асымыз батпай, балаларды сағынышпен еске алып, күн өткіземіз, - дейді Мәриям мен Берекеттің әкесі Жанболат Кемелденов. Ол, кінәлі тарап заң жүзінде жазасын алып, әділдік орнағанын қалайды.

ЖАНБОЛАТ КЕМЕЛДЕНОВ ЖӘБІРЛЕНУШІ: "Тергеу амалдары жүріп жатыр. Тергеу өте жақсы жүріп тұр. Күмәнім жоқ тергеушілерге. Бәрінің қолының жіпсіз байланып тұрғаны удың составын анықтай алмай отыр. Приблизительно біліп тұрғанымен как положенно медицина жағынан қорытынды шығартып алу керек дейді. Бірақ сонда да ол кісі бостандықта жүр. Сол ғой менің айтайын дегенім. Әділдік қайда? Маған әділдік керек".

Жанболат Кемелденовтің айтуынша улы препаратқа Астана және Атырау қаласында сараптама жасалған. Алайда мамандар оның құрамын анықтай алмапты. Көз жұмған қаршадай балалардың әкесі кінәлі тарап әділдік жазасын алсын деген талабын айтты. Бұдан бөлек улы дәрілердің де қорытындысы тездетіп шығып, жиналған жадығат сотқа жолданса екен дейді. Қазір тергеу жұмыстары бөлім басшылығының тікелей қадағалауында. Аталмыш оқиға бойынша ҚР ҚК 304 бабы, 3-ші бөлігімен іс қозғалған.

МАҚСАТ МОЛДАБАЕВ ПОЛИЦИЯ БАСҚАРМАСЫНЫҢ ТЕРГЕУ БӨЛІМІ БАСШЫСЫ: "Бұл дерек Ақтау қаласы, ПБ ҚР ҚК 304-і бабының, 3 бөлігімен көп адамның өліміне қатысты санитарлық және гигиеналық талапраы нормаларын бұзу бойынша сотқа дейін тергеп, тексерудің бірінғай тізіліміне тіркелді. Аталған дерек бойынша тиімті сараптамалар тағайындалды. Қазіргі уақытта сараптама қорытындылары дайын емес. Сараптама қорытындылары дайын болғаннан кейін, істің қатысушыларына қатысты бұлтартпау шарасы санкциялау мәселелері қаралатын болады".

Естеріңізге сала кетейік, қайғылы жағдай 22 қазан күні тіркелген еді. Қандаладан құтыламын деп үйін белгісіз препаратпен дизенсекция жасап кеткен тұрғынның кесірі көршісіне тиген. Нәтижесінде бір үйдің қос сәбиі уланып көз жұмды. Біреуі 10 айлық болса, екіншісі екі жарым жаста. Қалған бір отбасының 5 мүшесі ауруханадан бір ақ шыққан болатын.

https://www.youtube.com/embed/I7qZG82GQkU?si=7HB_3PklP0OZ1dk3" 

https://www.youtube.com/embed/NAIa6Rgzrc0?si=qivetB1LyJ7XxGYZ" 

Талдықорған қалалық ішкі істер басқармасының басышысы қыз зорлады деген күдікпен қамауға алынды. Жетісу облыстық Полиция департаментінің өзіндік қауіпсіздік басқармасына 27 жастағы бойжеткеннен арыз түскен. Шағымданушы зорлық әрекеті лауазым иесінің жұмыс кабинетінде болғанын, жеке басының қауіпсіздігі үшін қорқатынын айтып, көмек сұраған. Осыған байланысты Жетісу облыстық Полиция департаментінің басшысы Атығай Арыстанов түсінік берді.

АТЫҒАЙ АРЫСТАНОВ ЖЕТІСУ ОБЛЫСЫ ПОЛИЦИЯ ДЕПАРТАМЕНТІНІҢ БАСШЫСЫ: «Талдықорған қалалық полиция басқармасының бастығы уақытша ұстау изоляторына қамауға алынды. Ол облыс орталығының 27 жастағы тұрғынын зорлады деген күдікке ілінді. ҚР ҚК 120-бабы 2-бөлігі (Қызметтік міндеттерін орындау кезінде жасаған зорлау) бойынша қылмыстық іс қозғалды. Барлық мән-жайлар қажетті сараптамаларды тағайындаумен сотқа дейінгі тергеп-тексеру барысында зерделенеді.Қылмыстық істі тергеу ҚР ІІМ-нің ерекше бақылауына алынды».

https://www.youtube.com/embed/QoWsq_KZ3BM?si=8AV2TU7mitgtWlLh" 

Алматы жүргізушілері 1 желтоқсан мен 1 наурыз аралығында қысқы дөңгелекпен жүруге міндетті. Техникалық регламент талабы осындай. Бұл ҚР Әкімшілік кодексінің 590-бабының 5-бөлігі. Қысқы уақытта жазғы дөңгелекпен жүрген жүргізуші анықталған жағдайда полиция қызметкерлері айыппұл салуға құқылы. Бұл туралы ӨКҚ брифингінде Алматы қаласы Полиция департаментінің ресми өкілі Салтанат Әзірбек хабарлады.

Мұндай бұзушылық үшін айыппұлдың ең төменгі мөлшері 5 АЕК құрайды, егер бір жыл ішінде жүргізуші осындай құқық бұзушылықты қайта жасаса, онда айыппұл 10 АЕК-ке дейін артады.

САЛТАНАТ ӘЗІРБЕК АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:«Қыс таяп қалды, сондықтан 1 желтоқсаннан 1 наурызға дейін біздің барлық автокөліктеріміз қысқы резеңкеге ауысуы керек. Бұл қауіпсіздік талаптары, өйткені ірі мегаполисте алғашқы жауын-шашын басталғаннан кейін хаос басталады. Оның себебі - жүргізушілердің қыс мезгіліне дайын еместігінде».

Алматы полицейлері жол жүру ережесін бұзудың 1 млн 500 мыңнан астам дерегін анықтады. Биылғы 10 айда Алматыда 2 мың 991 ЖКО тіркеліп, соның салдарынан 84 адам көз жұмып, тағы 3 мың 211 адам жарақат алған. Жыл басынан бері барлығы 1 миллион 582 мың 980 рет жол қозғалысы ережелері бұзылғаны анықталған.  Көлік құралын мас күйінде басқарғаны үшін 1 мың 718 жүргізуші ұсталған. Осыған байланысты сот 2 мың 443 жүргізушіні көлік құралын басқару құқығынан айырған.

САЛТАНАТ ӘЗІРБЕК АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:  «Біздің қаламызда «Қорғау – қауіпті жүргізуші»  автоматтандырылған жүйесі жұмыс істейді, ол қозғалыстың қарсы  жолағына шығатындарды, жалған нөмірлік белгілерді пайдаланатын жол қозғалысы ережелерін бұзушыларды, көлік құралын басқару құқығынан айырылған, бірақ соған қарамай, көлік жүргізетіндерді  анықтауға мүмкіндік береді. Бұл іс - шаралардың барлығы Алматыдағы жол жағдайын бақылауға мүмкіндік береді»

Қазір қалада мопедтер көбейіп барады. Осы көлік түрімен жыл басынан бері 333 жол апаты тіркелген. Көбіне көлік тізгінін ұстаушы - жастар. Бұл жөнінде бірнеше ай бұрын ҚР жол жүру заңына біршама өзгертулер, толықтырулар енгізіліп, мопедтер мен сомокаттарға ережелер енгізілген болатын. Бірақ, мопедтерге енгізілген заң өз күшіне әлі толық енбеді. Осы жақында Алматы қаласының Тимирязева көшесінде орын алған мопед тізгіндеуші жас жігіттің 1964 жылғы әйел адамды қаққан оқиғасын спикер тілге тиек етіп, осы мәселе жөнінде жастарға үндеу сала кетті.

САЛТАНАТ ӘЗІРБЕК АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:"Әсіресе мопед тізгіндеген біздің отандастырымызға айтарым, Аллаһ тағала сақтанғанды сақтаймын дейді. Сондықтан, сақтық шараларын ұмытпай, бірінші кезекте өздеріңізден бастап, басқа да айналадағы азаматтарға қарап, сыйластық танытып, жол жүру процессіне қатысушы тұлға ретінде жауапкершілікті сезініңіздер. Өйткені, күнде болмаса да күнара бір оқиға орын алып жатып, нәтижесінде өте нашар жағдаймен жалғасын табуда".

Сонымен қатар, мас жүргізушілер мәселесіне де тоқталды. Оның хабарлауынша, жыл басынан бері Алматы қаласы ПД саптық бөлімшелерінің күшімен қала жолдарында 1718 мас жүргізуші ұсталған. Мұндай бұзушылық үшін 7 жылға дейін жүргізуші куәлігінен айыру қаупі бар.

https://www.youtube.com/embed/xQbmyr0SZws?si=UUEoeWZlaOL3Kt9P" 

Қызылорда қалалық  мәслихаттың әлеуметтік сала және қоғамдық қауіпсіздік мәселелері жөніндегі тұрақты  комиссиясының отырысы кеңейтілген түрде өтті. Отырыста көптеген жеке балабақшалардың талапқа сай келмейтіндігі, бүлдіршіндердің шамадан тыс көп болуы, ең сорақысы бір балабақшада әжетхананың жоқтығы да анықталған. 

Алдымен депутаттар отырысқа дейін  «Мансап» мектебі,  «Шұғыла» жеке балабақшасы және «Ұлағат білім ордасы» мектебінде болып, білім ұйымдарының қызметімен танысты, олардың материалдық-техникалық жағынан жарақтануы мәселелерін қарады. Аралудан кейін комиссия отырысы одан әрі талқылау отырысымен жалғасып, күн тәртібіндегі мәселе  сала мамандарының қатысуымен жан-жақты талқыланды. Ғалия Ноғайқызының айтуынша мектепке дейінгі тәрбие мен оқытудың мемлекеттік жалпыға міндетті стандартын бұзу, оның ішінде кейбір балабақшалардағы мамандардың педагогикалық білімдерінің жоқтығы,  балаларға жайлы орындар қамтамасыз ете алмауы, төсек орындарының талапқа сәйкес болмауы, асханалардағы тамақ қорының жеткіліксіздігі, қарапайым санитарлық тораптардың қамтамасыз етілмеуі, тіпті бір балабақшада әжетхана жоқтығы анықталды. Аталған мекемеде бүлдіршіндер биотуалетке тәрбиешілерімен бірге отыруға мәжбүр болған.

ҒАЛИЯ ДӘУЛЕТОВА ҚЫЗЫЛОРДА ОБЛЫСЫНЫҢ БІЛІМ САЛАСЫНДА САПАНЫ ҚАМТАМАСЫЗ ЕТУ ДЕПАРТАМЕНТІНІҢ БАСШЫСЫ

Депуттардың көкейіндегі сауал қалалық санитариялық-эпидемиологиялық бақылау басқармасы қалайша бұған жол берді деген сұрақ туындады. Ал бұған басқарманың жауабы көбінің танданысын тудырды.

ЕРЛАН ҰЗАҚБАЕВ ҚЫЗЫЛОРДА ҚАЛАЛЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫНЫҢ БАСШЫСЫ

Хош, солай дейік,солай боларына сенейік делік. Сонда балабақша орнасласқан ауылда білдей білім ордасы, халыққа қызмет көрсетіп отырған емхана бар. Олар қалай кәріз жүйесіне қосылғаны белгісіз. Бұл мәселелерден кейін Наталья Мишукова өз ұсыныстарын жеткізді. Атап айтқанда, санитарлық эпидемиология саласы тарапынан  балабақшаларды ашуға рұқсат беруде кемшіліктерге жол беретіндігі, балаларды бақшаға «фейс-бақылау» арқылы кіргізу жобасының тиімділігін жан-жақты қарау және бұл салада баламалы тиімді әдістері қарастыру және басқа да ұсыныстарын айтты.

НАТАЛЬЯ МИШУКОВА "ҚАЗАҚСТАНДЫҚ ҮЗДІКСІЗ БІЛІМ БЕРУ ҚАУЫМДАСТЫҒЫ" ЖЕКЕ КӘСІПКЕРЛЕР МЕН ЗАҢДЫ ТҰЛҒАЛАР БІРЛЕСТІГІНІҢ ҚЫЗЫЛОРДА ҚАЛАСЫ МЕН ҚЫЗЫЛОРДА ОБЛЫСЫ БОЙЫНША ФИЛИАЛЫ ЖЕТЕКШІСІ

Комиссия отырысы барысында мәслихат депутаттары тарапынан өрескел жағдайлаларға жол берген жеке білім беру ұйымдарының жұмысын дер кезінде қарау, жеке мектеп  оқушыларын кітаптармен және бастауыш сынып оқушыларын ыстық тамақпен қамтамасыз ету және басқа да ұсыныстарын жеткізді.  Комисисия отырысына қатысқан қалалық мәслихат төрағасы Ибадулла Құттықожаев жеке меншік оқу ұйымдары өз қызметтерін ұйымдастыруда бала құқықтарының сақталуын бірінші кезекте қамтамасыз ету қажеттілігін   атап өтті.

ИБАДУЛЛА ҚҰТТЫҚОЖАЕВ ҚЫЗЫЛОРДА ҚАЛАЛЫҚ МӘСЛИХАТ ТӨРАҒАСЫ

Кеткен кемшіліктер түзеліп, назар аударылмаған мәселелерге ден қойылып,пайдадан гөрі адам өмірін бірінші орынға қоюкеректігін қаперден шықпаса игі еді.

https://www.youtube.com/embed/wriEmKPKqGY?si=GmQLNmTELb0fvs_X" 

Зертханада өсірілген сиыр еті жақын арада мал азығында пайда болады. Чехияның Bene Meat стартабы Еуроодақта бірінші болып жасанды ет өндіру мен сатуға лицензия алды.

Бұл өнім өсімдік компоненттерінен жасалған еттің аналогына жатпайды. Жасанды етті биореактордағы қоректік ортаға орналастыратын жасушадан өсіреді.

РОМАН КРЖИЖ – BENE MEAT КОМПАНИЯСЫНЫҢ БАСШЫСЫ:  "Біз бірінші болып осындай етті үй жануарларына арналған азық ретінде пайдалануға рұқсат алдық. Біздің бәсекелестеріміздің көпшілігі біздің тәжірибемізді қолдануға асықпайды, бәлкім, олардың бағаға қатысты мәселелері  бар шығар. Бірақ біз бәрін  шешкен сияқтымыз".

Жобаның зерттеліп, дайындалып жүргеніне  бірнеше жыл болды.Компанияда 80 зерттеуші жұмыс істейді.

РОМАН КРЖИЖ – BENE MEAT КОМПАНИЯСЫНЫҢ БАСШЫСЫ:  "Осы кезеңде біз өнімнің дәмдік қасиеттерін тексеріп, жануарларға ұнайтынын білеміз. Бұған бірнеше ай кетеді деп ойлаймын.Содан кейін келісімшарттар жасауға болады ".

Әзірге зертханада бір күнде бір килограмм ет өсіріледі. Келесі жылы өндірісті бірнеше жүз килограмға дейін, содан кейін күніне бірнеше тоннаға дейін ұлғайтуды жоспарлап отыр. Қазір ғалымдар сиыр етін өсіріп, болашақта шошқа және тауық етін жасауды жоспарлауда. Чех зерттеушілері азық өндірушілерге олардың өнімдері нағыз еттен арзан болады дейді. Оның үстіне ол әрдайым сапалы болады - гормонсыз, антибиотиктерсіз және артық майсыз. Бастапқыда жасанды ет өте қымбат болды. Мысалы, 2008 жылы түтікшеде өсірілген 250 грамм сиыр еті миллион долларға бағаланған.Технологиялардың дамуымен құны ондаған мың есеге төмендеп отыр.

https://www.youtube.com/embed/3uV6scxkkB8?si=iqIfzLOFmXu7qb5A" 

Бүгін 71 жасқа қараған шағында созылмалы аурудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды. Ол 1953 жылы 23 наурызда туған. 1973-1988 жылдары «Шамалған» кеңшарында механик, аға механик, бригадир, директордың орынбасары болған. 1988-1989 жылдары – Қаскелең қаласы нан зауыты директорының орынбасары.1989 жылдан 1992 жылға дейін кәсіпкерлікпен айналысқан. «Инкар Агро» ЖШС-ның вице-президенті, BN Invest холдингінің директоры қызметін атқарды. Сонымен қатар, «Салиқалы ұрпақ» қайырымдылық ұйымын құрды.

Мемлекет басшысы Қасым-Жомарт Тоқаев Нұрсұлтан Назарбаевқа інісі Болат Назарбаевтың қайтыс болуына байланысты көңіл айтты. Сондай-ақ ҚР Президентінің Болат Назарбаевтың жерлеу рәсіміне қатыспайтыны да хабарланды.

https://www.youtube.com/embed/rYAG8TXji3o?si=VO4m-VVVeN5xVRGH" 

Бүгін Алматы қаласы Алатау ауданының әкімі Азамат Қалдыбеков халыққа есеп берді. Аудандағы білім саласы,денсаулық, көгалдандыру,жол мәселелері,жарықтандыру секілді бірқатар салалар бойынша ақпарат беріп,тұрғындардың сұрақтарына жауап берді.

БАҚ өкілдеріне арнайы брифинг өткізген Алатау ауданы әкімінің баяндамасы әдемі статистикамен басталды. Атқарылған істерді орыс тілінде тәптіштеген ол, журналисттердің ана тілінде қойған сауалдарына ғана жауап қатты. Анығын айту керек,Алаутау ауданында мақтанудан көрі,көпшілікті мазалайтын мәселе көп.Жаңа Қазақстанға қадам бассақта  жол,су,жарық секілді инфрақұрылымдар толық шешімін таппаған. Ауруды жасырғанмен өлім әшкерелейді дегендей ауданның кейбір көшелерінде жағдайдың ақсап тұрған жері де жоқ емес. Соның бірі Шаңырақ шағын ауданы,Қосағаш көшесінің сиқы. Осыдан үш жыл бұрын су құбырларын жүргізу үшін қазылып осы күйге түскен көшелердің тұрғындары арнамызға осыған дейін де хабарласып жағдайларынан әкімшілікті құлағдар еткен едік. Толассыз жауған соңғы күндердегі жауын салдарынан көшелері көлкіген көлшікке айналған тұрғындардың биліктегілерге назы көп.

ТҰРҒЫН

Әкімнің кезекті есеп беру шарасында тұрғындардың көкейлеріндегі сауалды жолдаған едік.

АЗАМАТ ҚАЛДЫБЕКОВ АЛМАТЫ ҚАЛАСЫ АЛАТАУ АУДАНЫНЫҢ ӘКІМІ

Әкімнің берер жауабы осы. Әзірге тұрғындар сиырқұйымшақтанған жолдың азабын көре тұруға мәжбүр.