"https://www.youtube.com/embed/OuPTaFWoIrs?si=DhU9OoZ3bjXSBzSW"

Кәсіп түбі - нәсіп. 15 жылдан аса уақыт дәрігер болған ерлі-зайыпты қазір ешкі бағып, шаруашылығын дөңгелетіп отыр. Қожахановтар отбасы асыл тұқымды ешкі сауып, сүтін сатып берекелері артқан. Келесі тақырыпқа назар аударсақ.

«Қойдың сүті - қорғасын, ешкі сүті - ем». Ғұмырының біраз жылын денсаулық сақтау саласына арнаған Қожахановтар отбасы 2019 жылы «Galamilk» ешкі фермасын ашқан. Бұған дейін отағасы Ғалымжан - кардиохирург болса, жұбайы педиатр, фармацевт болып қызмет етіпті. Ал қазір: әуелде 10 ешкімен басталған кәсібіміз оңға басып, малдың саны 150 басқа жетті – деп қуанып отыр.
ЖҰЛДЫЗ ҚОЖАХАНОВА - «GALAMILK» ФЕРМАСЫНЫҢ ДИРЕКТОРЫ
Кәсіпорын - маусымға байланысты айына 10 мың литрге дейін сүт өңдейді. Технолог-дәрігерлермен бірлесіп, айран, йогурт, қаймақ, кілегей, ірімшік сынды 10 түрлі өнім шығарады. Айта кетейік, Заанен тұқымына жататын сүтті ешкілерді бағып, өнімін өңдеумен 10 адам айналысады.
ЕРБОЛ МАУПАСОВ - «GALAMILK» ФЕРМАСЫНЫҢ БАСҚАРУШЫСЫ
Ал сүттің сапасын, дәмін сақтау үшін ешкілерге жоңышқа, өскін бидай сабақтары, жем, жүгері, арпа және сұлы дәрумендермен араластырылып беріледі. Шаруашылық иелерінің сөзінше, әуелде ешкілердің әрқайсысын 350 мың теңгеден сатып алған. Кейін өздері төлдеткен. Жаңа төлдегендер мен ерте туған лақтар сауындылардан бөлек бағылады екен.
ШЫНАРГҮЛ БОРАНБАЕВА — САУЫНШЫ
Кәсіпкерлер алдағы уақытта шаруашылығын кеңейтуді жоспарлап отыр. Ал сауынды ешкілердің санын 500-ге жеткізсек деген ойы бар.

"https://www.youtube.com/embed/fAW1cbo7Af8?si=mI3ZsJxjaymolECm"

Полиция ескертеді! Билік өкіліне қол жұмсап, қарсылық көрсеткендер 7 жылға дейін бас бостандығынан айырылады. Биыл полицейлерге жұдырық жұмсаған 19 адам түрмеде отыр. Айталық, жыл басынан бері билік өкіліне қарсы күш қолданудың 146 фактісі тіркеліп, 109 адам түрлі жауапкершілікке тартылған. Бұл туралы әкімшілік полиция комитеті басқарма бастығының орынбасары Азамат Құрымбаев айтты.

АЗАМАТ ҚҰРЫМБАЕВ ҚР ІІМ ӘПК БАСҚАРМА БАСТЫҒЫНЫҢ ОРЫНБАСАРЫ: «Ішкі істер органдарының қызметкерлері қоғамдық тәртіпті қамтамасыз ету мақсатында өз өмірлерін қауіпке тігіп, аянбай қызмет етеді. Осыған байланысты полиция қызметкерлерінің заңды талаптарын орындауды, оларға жұмыс барысында кедергі келтірмеуді сұраймыз. Бұндай әрекеттерге жол берген жағдайда қылмыстық және әкімшілік жауапкершілік көзделгенін еске саламыз. Жаза ірі айыппұлдан 7 жыл мерзімге дейін бас бостандығынан айыруды көздейді».

"https://www.youtube.com/embed/cs93F4qR7Ko?si=HDr3XJI6Z4gmuNBd"

Алматыда 25 тамызда сағат 01:36-да Жетісу ауданы, Сүйінбай даңғылы, 50 мекенжайы бойынша қоймалардың бірінде өрт шықты. Алғашқы бөлімшелер сағат 01:44-те оқиға орнына жеткенде, ангар типті қойманы ашық жалынның 295 шаршы метрін шарпығанын анықтады. Жоғары қызу әсерінен қойманың металл қаптамасы бүгіліп, өрттің көрші қоймаларға өту қаупі туындады.Тілсіз жау орын алған жерде өрт сөндірудің екі учаскесі құрылып,апатты ауыздықтау, және басқа қоймаларды қорғап, салқындату үшін қол және лафеттік оқпандар енгізілді. Ақпаратқа сәйкес қоймада құрылыс материалдары – ламинат болған.Нысанды электр қуатынан арнайы қызметкерлер ажыратып,өрт сөндірушілер қауіпсіздік техникасын сақтай отырып жұмыс істеді. Өрт сағат 02:21-де 37 минут ішінде ауыздықталып, таңғы 04:40-та толықтай сөндірді.Оқиға орнына ТЖД күштері мен құралдары 60 адам және 16 бірлік техника жұмылдырылды. Алматы қаласы Төтенше жағдайлар департаменті азаматтардан сабыр сақтап, маска тағуды сұрады.

АРМАН МӘКЕНОВ АЛМАТЫ ҚАЛАСЫ ЖЕТІСУ АУДАНЫ ТЖБ БАСТЫҒЫ: «Өрттің салдары өмір мен денсаулыққа қауіп төндірмейді.Осыған байланысты сабырлы болуды және бетперде тағуды сұраймыз. Тыныс алу органдары аурулары бар адамдарға және қарт адамдарға, әсіресе өрт болған жерге жақын тұратын тұрғындарға үйден шықпауға кеңес беріледі».

"https://www.youtube.com/embed/xuzjxHAIa4I?si=1TfN_rLGynMGsd68"

Елде жылдың жеті айында 7 мыңға жуық жол көлік оқиғасы тіркелді. Оның 730-ы қала сыртындағы трассаларда жылдамдық режимін сақтамаудан болған. Сондықтан Ішкі Істер министрлігі, «ҚазАвтоЖол»-мен бірлесіп, жылдамдық режимін асырған автокөліктерді тіркеу үшін камераларды іске қосты. “ZEREK-2” Қонаев-Талдықорған автожолына да қойылды. Мұнан бөлек, бұл камералар Шымкент – Қызылорда, Шымкент – Өзбекстан шекарасы, Шымкент – Тараз, Тараз – Қайнар, Астана – Павлодар автожолдарында жұмыс жасайды.

АҚТОТЫ БОРАНОВА ҚР ІІМ ӘКІМШІЛІК ПОЛИЦИЯ КОМИТЕТІНІҢ ЕРЕКШЕ ТАПСЫРМАЛАР ЖӨНІНДЕГІ АҒА ИНСПЕКТОРЫ

"https://www.youtube.com/embed/SByd5N8gnw0?si=kwlMVW8EgbqpK7Px"

Маусым айынан бастап Ақмола облысы Егіндікөл ауданында жергілікті ауқымдағы техногендік сипаттағы төтенше жағдай жарияланды. Жақында шамалап болса да су берілген. Бірақ, жұртшылықтың қуанышы көпке созылған жоқ. Соңғы екі апта бойы тіршілік нәрі мүлде тоқтаған.

Нұра топтық су құбыры 24 елдімекенді сумен қамтамасыз етеді. Тіршілік нәріне тәуелді халық саны 14 жарым мыңнан асады. Аудан тұрғындарын аталмыш мәселе бірнеше ай бойы мазаларын қашырған.Соңғы екі апта бойы бірнеше ауыл тұрғындары сусыз өмір сүруге мәжбүр.

ЛАРИСА ШЕВЦОВА ЕГІНДІКӨЛ АУДАНДЫҚ МӘСЛИХАТЫНЫҢ ДЕПУТАТЫ: «Бір айда жағдай өзгерген жоқ. Тіпті керісінше одан да нашар болып кетті. Бұған дейін жақын маңдағы елді мекендерден суды әкелуге болатын болса, қазір алыс жаққа барып алуға мәжбүр».

Аудан әкімдігінің мәліметінше, су құбыры 90 пайызға тозған. Сондықтан жиі істен шығады. Жыл басынан бері су құбырында 80-ге жуық апат орын алыпты, ал жеке учаскелерде су шығыны 70-80 пайызға жеткен. Су ресурстары комитетінің өкілдері мәселені шешу үшін жобалау-сметалық құжаттама әзірлеп жатқанымен, кешігу бар. Тіршілік нәрі келесі жылы бірақ берілуі мүмкін.

ЮЛИЯ КУЧИНСКАЯ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Менің ойымша, бұл жағдай тек ауданның, өңірдің емес, елімізде орын алып жатқан проблема. Мәселе, сәуір айында пайда болған жоқ. Ең қорқыныштысы әлеуметтік нысандар да осындай жағдайда».

Бұл мәселе Парламент Мәжілісі мен "AMANAT" партиясының бақылауында. Депутаттар проблеманы тағы көтеріп, шешу жолдарын талқыламақ.

"https://www.youtube.com/embed/uicVF1REtlg?si=BjZGljgBhPydhPzF"

Маңғыстау облысы бойынша банкрот деп тануға 2426 адам арыз берген. Бірақ мемлекет олардың барлығын бірдей «банкрот» деп таныған жоқ. Тек қаралған істің 262 -сі соттан тыс банкрот деп танылған. Олардың жалпы қарызы 538 млн теңгеден асады. Арыз бергендердің 32-нің ісі әлі де қаралып жатыр. Ал талапқа сай келмеген 2093 борышкердің өтінімі мақұлданбаған. Негізгі себеп несие тарихының талаптарға сай болмауы.

БАЗАРБЕК БАЙМАҒАНБЕТОВ МАҢҒЫСТАУ ОБЛЫСТЫҚ МЕМЛЕКЕТТІК КІРІСТЕР ДЕПАРТАМЕНТІНІҢ БӨЛІМ БАСШЫСЫ:

Сонымен қатар облыс бойынша 11 жеке тұлға сот бакнроттығы рәсімін қолдану үшін сотқа береген. Соның ішінде 1 жеке тұлғаға қатысты банкроттық рәсімін қолдану туралы арызы сот өндірісіне қабылданып, азаматтық іс қозғалды.

"https://www.youtube.com/embed/30FKX8eCsLg?si=Y0CCgHjPYXZf9hiW"

Ұлттық банк "7-20-25" ипотекалық бағдарламасы бойынша қаржыландыруды тоқтатады. Себебі, банкке тиімсіз. Бұл туралы банк төрағасы Ғалымжан Пірматов айтты.

ҒАЛЫМЖАН ПІРМАТОВ ҚР ҰЛТТЫҚ БАНК ТӨРАҒАСЫ: «Ұлттық банк экономикалық қызметке қатыспайды – біз салық алмаймыз, кіріс кірмейді, алым алмаймыз. Біз тек теңге шығара аламыз, ал қосымша теңгенің әрбір шығарылымы болашақта инфляцияға әсер етеді. Сонлдықтан, Ұлттық банктің экономиканы қолдаудың барлық бағдарламаларынан бас тартуы дұрыс болар еді деп есептейміз. «Қарапайым заттардың экономикасы» және «7-20-25» бар, олардан тезірек шығуды жоспарлап отырмыз».

Айта кетсек, бүгін баспасөз мәслихатын өткізген Ұлттық банк базалық мөлшерлемені 16,5 пайызға дейін төмендеткенін айтты. Банк басшысынан журналистер базалық мөлшерлеме тағы төмендей ме деп сұраған еді, алайда төраға оған үміттенуге әлі ерте деді. Ал, бағаның өсуін Ғалымжан Пірматов Ресейдегі инфляциямен байланыстырып отыр.

"https://www.youtube.com/embed/7SYj6KvJKGM?si=ohk3KxmeKpvv41_q"

Оқушылар мен ата-аналар үшін жағымды жаңалық. Биыл оқу жылы дәстүрлі форматтағыдай 25 мамырда аяқталатын болды. Алайда, бұл қуаныш ұзаққа созылмайды. 2025 жылдан кейін оқу жылы қайта ұзарады. Бұл туралы бүгін тамыз кеңесінде сөз сөйлеген Премьер-Министрдің орынбасары Тамара Дүйсенова айтты. Одан өзге жаңа оқу жылында қандай жаңашылдықтар болады? Ол жайлы толығырақ алдағы бейнесюжетте.

Премьер-Министрдің орынбасары Тамара Дүйсенова келтірген дерекке сенсек, жыл санап мұғалім мамандығын таңдайтын түлектер саны артып келеді. Биыл мемлекеттік грантқа үміткерлердің әрбір төртіншісі және 1,5 мыңнан астам «Алтын белгі» иегерлері педагогикалық мамандықты таңдаған. Оны бір жағынан жоғары степендия, екінші жағынан «мұғалім мәртебесінің» артуымен байланыстыруға болады. Айтпақшы, енді мектепке мұғалімдік жұмысқа кіру толық автоматтандырылады. Мақсат: жемқорлықты жою.

ҒАНИ БЕЙСЕМБАЕВ ҚР ОҚУ-АҒАРТУ МИНИСТРІ: «Енді мұғалімнің қызметі туралы барлық ақпарат өзінің жеке кабинетінде жинақталатын болады. Жаңа оқу жылынан бастап педагогика жаңа оқыту әдістемесі бойынша тестілеу алынып тасталады. Мұғалім тек өзі сабақ беретін пәні бойынша ғана тестілеуден өтетін болады. Болашақта педагог пен педагог-зерттеуші тәртібін беру бойынша пысықталады».

Биыл жаңа оқу жылында барлық мектептерде Біртұтас тәрбие бағдарламасы іске асырылады. Бұл құжат ұлттық құндылықтар негізінде өскелең ұрпақты тәрбиелеу сапасын арттыруға бағытталған. Осы жоба аясында полицейлер мен құтқарушылар оқушыларға сабақ береді. Айтпақшы, басты жаңалық оқу жылы 25 мамырда аяқталады.

ТАМАРА ДҮЙСЕНОВА ҚР ПРЕМЬЕР-МИНИСТРДІҢ ОРЫНБАСАРЫ - ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРІ: «Сөз соңында оқу жылының 36 аптаға дейін ұзартылуына қатысты өз пікірімді білдірсем деймін. Бұл мәселеге қатысты қоғамда сын көп болып, педагогтар қауымдастығы тарапынан ұсыныстар болды. Бұл әлемдік тәжірибе екендігін мойындауымыз қажет. Дегенмен, мұндай жаңашылдықты енгізген кезде барынша тыңғылықты дайындық қажет етіледі. Министрліктің шешімі дұрыс болды деп санаймын. Бірақ, асығыстық болды. Осыған орай осы оқу жылында 34 апталық оқу ұзақтығына оралып, сабақты 25 мамырда аяқтау дұрыс деп есептеймін».

Орта білім беру мазмұнын одан әрі жетілдіру жұмыстары жалғаса береді деді жауапты министр. Биыл осы мақсатта оқулықтардың 80 пайызы цифрлық форматқа көшрілген. Алдағы жылдары барлық оқулық 100 пайыз цифрландырылады. Бұл заман талабы деді Ғани Бейсембаев.

"https://www.youtube.com/embed/v1D5FX0xT6E?si=BwudgSo7DDQXxRrE"

Тәжікстан Президенті Эмомали Рахмон жұмыс сапарымен Астанаға келді.

«Құрметті қонақты елорда әуежайында Мемлекет басшысы Қасым-Жомарт Тоқаев қарсы алды. Сапар аясында Президенттер жоғары деңгейде екіжақты кездесулер өткізеді және Тәжікстанның Қазақстандағы мәдениет күндері аясында өтетін шараларға қатысады деп жоспарланып отыр.

https://www.youtube.com/watch?v=iql8Rb8HxOc

"https://www.youtube.com/embed/Gm4infZlSug?si=q_clg-HrSy2zgVQE"

Ұлттық ойынымыздың бірі тоғызқұмалақтың жаңа тәсілі жастарға таптырмас құрал болып отыр.Алматы облысының жастары айтулы ойын түрін топпен ойнап,жүлделі орындардан көрінуде.

Қазақи аңыздарға сенетін болсақ, тоғызқұмалақ ойынын қарапайым қойшылар ойлап тапқан. Тоғызқұмалақ тақтасы ретінде олар жерді қазып, арнайы шұңқырлар жасаған. Ал, құмалақтарды дайындау үшін қойлардың құмалағын кептіріп қолданған. Бүгінде заманауи түрі ұлттық ойындарымыздың біріне айналып отыр. Алматы облысы бойынша тоғызқұмалақтан аға жаттықтырушы Адият Болтайдың бастамасымен тоғызқұмалақтың топпен яғни алаңда ойнау тәсілі сәтті жүзеге асырылып келеді.Оның шәкірттері жасөспірімдер арасында Қарағанды қаласында ұйымдастырылған чемпионатта жеңіс тұғырынан көрінді. 

АДИЯТ БОЛТАЙ ТОҒЫЗ ҚҰМАЛАҚ ОЙЫНДАРЫНАН АЛМАТЫ ОБЛЫСЫ БОЙЫНША АҒА ЖАТТЫҚТЫРУШЫСЫ:

Жамбыл ауданына қарасты Ақсеңгір ауылының жастары тоғызқұмалақ ойындарына ерекше қызығушылық танытып отыр.Нәтежиесінде Қазақстан Республикасының чемпионатында соңғы 4 жылда  7 чемпион, 15 жүлдегер шықты.

ІНЖУ ХАБАНБАЙ ТОҒЫЗҚҰМАЛАҚТАН АЗИЯ ЧЕМПИОНАТЫНЫҢ ЖҮЛДЕГЕРІ

Жамбыл ауданына қарасты Ақсеңгір ауылында орналасқа орта мектепте 490 бала білім алады.Жастардың жазғы демалыс уақыттарында бос уақыттары болмайды.Білім ошағында бокстан, күрес түрлерінен, волейбол, футбол, тоғызқұмалақ, үстел теннисі, шахмат сияқты спорт түрлерінен үйірмелер жүргізіледі. Аталған спорт түрлерінен аудан, облыс, республика, Азия көлемінде жетістіктерге жетіп жүр.Жастардың ел намысын қорғайтын сәттерінде жергілікті әкімдік тарапынан ерекше қолдау көрсетіліп отырады.

ЕРЖАН ҚАСЫМШАЛОВ АЛМАТЫ ОБЛЫСЫ АҚСЕҢГІР АУЫЛДЫҚ ОКРУГІНІҢ ӘКІМІ

"https://www.youtube.com/embed/3DN5Orjq5Jo?si=mS4LEcFU8Odn-YnS"

71 жастағы Қызылордалық желаяқ  әже спорт сарапшыларының таңдайын қақтыруда. Алла Мян әлі күнге дейін жігерін жоғалтпаған.Жуырда Қарағанды облысында өткен республикалық жарыста 7-ші алтын медальіне қол жеткізді. Зейнет жасында  немерелерінің қызығын көріп қана қоймай, бәйгелерде топ жарып жүрген спортшы әжеміз жайлы  толығырақ тарқатсақ.

Алла әжей білім саласының ардагері. 60 метр қашықтықты бас-аяғы 10 секундта бағындыра алады. Қайталанбас нәтижеге жету жолында бірнеше жыл тер төккен. Зейнет демасылына шыққан соң спортқа зейіні ашылып, жүгіруді бастаған. Сонымен қатар  суда жүзуді де қолға алып, салауатты өмір салтын берік ұстанып келеді. Түрлі республикалық жарыстарда бағын сынап, жеңімпаз тұғырына да көтерілді. Бүгінде оның қоржынында 26 алтын, 5 күміс және 2 қола медаль бар. Биік нәтижелерге қол жеткізуінің арқасында Алла Дмитрийқызы ардагерлер арасында ұлттық құрама сапының мүшесі.

АЛЛА МЯН   ЖЕЛАЯҚ ӘЖЕЙ: «Мен өмір бойы спортпен айналыспағанмын. Күйбең тіршілік деп жүріп, зейнет жасына келгенде денсаулығым сыр бере бастады. Сосын маған стадионға барып, жүгіру ойға келді. Бірнеше жыл бойы үздіксіз жаттығудың арқасында өзімді еркін сезіне бастағанымды байқадым. Орталық стадионда  өзімді суда жүзген балықтай сезінемін.Себебі осы жерде жүріп, денсаулығымды жақсартып алдым, жаңа достар таптым, денемді шынықтырдым. Талпынысым мен көрсеткен нәтижемді байқаған жаттықтырушылар мені түрлі жарыстарқа апарды. Салдарынан мен ол жақта мәреге бірінші болып келіп жүрдім. Мен үшін бірінші орын алу үлкен жетістік. Одан кейінгі нәтижелерге  қол жеткізгім келмейді. Яғни әрбір жарыста мен бірінші болып келуім керек. Менің ұстанымым осы. Менің бос уақытым жоқ десем болады. Аптасына үш мезгіл стадионға келіп жаттығамын. Үш баладан тараған 4 немеремді бағып, қызықтарына тоймай, өмірлік тәжірибелерімен бөлісудемін».

Алла әжейдің нәтижесіне тамсанып жүрген әріптестері жетерлік. Солардың бірі Эльмира Райымқұлова. Жеңіл атлетикадан Сырдария ауданының жаттықтырушысы, Қарағанды облысында өткен жарыста спортшы әжейдің бағындырған белесіне тәнті болып, одан жігер алдым дейді.

ЭЛЬМИРА РАЙЫМҚҰЛОВА  СПОРТШЫ: «Апайымыз өте жақсы. 71 жаста болса да спортқа деген ынтасы өте мықты. Кеше бізде Қарағанды қаласында жарыс болды ардагерлер арасында. Эстафетаға қатысты 4-100 ге жүгірдік. Өте жақсы жүгірді. Ішіндегі ең үлкен кісі болса да өте жақсы нәтиже көрсетті апайымыз.Апа бізге кейінгі жастар үшін үлгі. Ішіміздегі ең үлкен кісі. Спортқа кеш келсе де өте үлкен нәтижеге қол жеткізді».

Спортшы әжей мұнымен тоқтап қалмақ емес.Жасына қарамастан, ол жаңа биіктерді бағындыруды көздейді. 71 жастағы спортшы шетел асып, Азия және Әлем чемпионы болуды армандайды.