https://www.youtube.com/embed/A6bI6Rrcx30?si=CzSqcbWB3glO_gon" 

Алматы облысына қарасты Қарасай ауданында жабылуы мүмкін болған 160 жеке меншік балабақша сотта жеңіп шықты. Білім бөліміндегі салғырттықтың кесірінен мойындарына 500 миллион теңгенің қамыты ілінгендер енді алаңсыз жұмысын жалғастырмақ. Бұған дейін Алматы облысының білім басқармасы бөбекжай басшыларынан қаңтарда берілген қаржыны қайтаруды  талап еткен болатын. Яғни білім бөлімі келісімнің 27 қаңтарда болғанын айтып, қазынадан 23 күнге артық түскен қаражатты сұраған. Алайда бір жыл бойы үздіксіз қызмет еткендер мемлекеттік мекеменің шешіміне келіспей, сотқа жүгінген.

Алғашында Алматы облысының мамандандырылған ауданаралық экономикалық сот мемелекеттік мекемені қолдап, біржақты шешім шығарған еді. Алайда әділдік үшін күрескендер аппеляциялық сотта жеңіп шықты. Айта кетейік болған жайттан кейін Қарасай ауданы білім бөлімінің басшысы мен техникалық қателік жіберген есепшілер тәртіптік жаза алған болатын.

https://www.youtube.com/embed/NRR_Vt3aYKY?si=NAws6BUqw5m1crtD" 

Алматы облысына қарасты Кеген ауданында ауыл шаруашылығын дамытуға бағытталған жұмыстар қарқын ала бастады. Президент тапсырмасы аясында қолданылмай жатқан бос жерлерді мемлекет меншігіне кері қайтару процессі күшейген. Жергілікті билік,қайтарылған жерлерді қолынан іс келетін шаруагерлерге бермек. Сондай-ақ егістік алқабын ұлғайту аясында суармалы жерлердің ауқымын кеңейтуге нақты қадам жасалып отыр.

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

«Ауыл аманаты» бағдарламасы да аудан шаруагерлерінің оң жабасына келген.Мемлекет ұсынған бағдарламаны кәсібіне пайдаланғысы келген жегілікті тұрғындардың қатары көбейген. Бүгінге дейін облысқа 200-ден астам өтініш жолданып, оның 95-пайызы қаржылай қолдау тапқан. 

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

Тағы бір айта кететін мәселенің бірі өз мақсатына пайдаланылмай жатқан бос жерлерді мемлекет меншігіне қайтару жұмыстары. Аудан әкімінің айтуынша былтырғы жылы 10561 гегтар жерді аудандық жер қорына қайтарған.Бұл жұмыстар биыл да қарқын алуда.

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

https://www.youtube.com/embed/T6pD_qn_5Lg?si=gNt8UxglaBpBuPa-" 

Маңғыстауда көлік логистика саласында мамандар тапшы. Жетіспеушілік әсіресе автожол, теміржол бағытында байқалады. Аталмыш салаға жастарды тарту мақсатында көлік логистика саласының мамандары, мектеп оқушыларымен кездесу ұйымдастырды. 

Көлік саласы бойынша жоғары оқу орнына түсуге үгіттеу танымдық шарасына екі жүзге жуық оқушы қатысты.  Бұл бағытта биыл мемлекеттен 800-ден астам білім грантты бөлінген.«Статистикалық деректерге сүйенсек елімізде көлік, теміржол және авиация мамандарына қажеттілік 9 мың 800 адамды құрайды. Соның ішінде көлік саласында 2,5 мың бос орын бар. 

ЖӘНІБЕК МЫРЗАБАЕВ  МАҢҒЫСТАУ ОБЛЫСТЫҚ КӨЛІКТІК БАҚЫЛАУ ИНСПЕКЦИЯСЫНЫҢ БӨЛІМ БАСШЫСЫ «Еліміздегі 39 жоғары оқу орнында 16 мың студент оқып жатыр. Олардың ішінде грант бойынша 6 мың адам.Бізге көлік саласына қажетті автомобиль жолдары мен аэродромдарды салу, көпірлер мен көліктік тоннельдерді салу, теміржолдарды салу мамандықтары бойынша барлығы 441 студент оқытылуда. Бұл,өте аз». 

Жол мамандарының жетіспеушілігін жою мақсатында ұлттық жол сапа орталығы барлық мектепте кәсіби бағдар беру шарасын өткізіп келеді. Сондай-ақ студенттерді ақылы өндірістік тәжірибе алмасуға шақырады. Бүгінде 162 студент кәсіби біліктіліктерін арттырып, 21 жас маман жұмысқа қабылданды. Мұндай шаралар Маңғыстау облысында да ұйымдастырылып жатыр. 

 ХАМЗАТ СҰЛТАНОВ  ҰЛТТЫҚ ЖОЛ САПА ОРТАЛЫҒЫ ФИЛИАЛЫНЫҢ ДИРЕКТОРЫ «Осындай акция бойынша біз 2020 жылдан бастап жүргізіп жатырмыз. Жыл сайын Маңғыстау облысы бойынша бүкіл елдімекенді аралап, барлық мектептерге барып оқушыларға түсіндіріп, көрсетіп өз атымыздан «2000 мектеп» деген жұмыстарды атқарып жүрміз».

Бүгінде көлік министрлігі жоғары білім және ғылым министрлігімен бірлесе отырып, көлік логистика саласы бойынша түлектерге ұсынылатын білім гранттарын көбейтуді қолға алды. Бұл тұрғыдан мемлекеттен 2024-2027 жылдарға «Көліктік құрылыс» атты білім бағдарламасымен 829 грант бөлінді.

https://www.youtube.com/embed/pUulpcAsYwc?si=2HNasEKYJ-qgf60W"

Үкімет басшысы тасқыннан зардап шеккен ағайынның мүлкін бағалау баяу жүріп жатқанын сынады. Су тасқынынан келген залал апта соңына дейін есептеліп бітуі тиіс. Үйсіз, күйсіз қалғандарға үш ай ішінде жаңа баспана салынып берілуі керек. Ол отбасылар жаңа оқу жылына дейін үйлеріне кіреді деді Премьер-Министр Олжас Бектенов. 

Еліміздің батысында жағдай әлі де тұрақтала қойған жоқ. Бүгінге дейін 63 мыңнан аса адам баспаналарына оралса, бес мыңнан аса адам әлі уақытша орналастыру пунктерінде түнеп жүр. Су тасқынынан зардап шеккен 30 538 отбасы 100 АЕК мөлшерінде біржолғы төлемді алыпты. Бірақ, жұмыс баяу жүруде. Осылай деген үкімет басшысы Олжас Бектенов жауаптыларға апта соңына дейін уақыт берді. Олар дер арада шығынды есептеп жауапты комиссияға тапсырулары тиіс.  

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ: «28 мамыр бүгінгі таңда 15 093 тұрғын үй мен саяжай құрылыстарына сараптама жасалды, ол жалпы санның – 84%. Қорытындыға сәйкес, 9 мыңнан астам үй қалпына келтіріледі, 4 315 үй – апатты деп танылды. Өңірлерде 1 847 үй мен пәтердің құрылысы басталды, тағы 3 417-ін қайталама нарықтан сатып алу жоспарланып отыр. Барлық үйлердің бағалау мерзімін жеделдету керек».

ОЛЖАС БЕКТЕНОВ ҚР ПРЕМЬЕР МИНИСТРІ: «Көріп отырғанымыздай, жұмыс қарқыны кейбір өңірлерде төмен, баяу жүріп жатыр. Мысалы, Батыс Қазақстан, Ақтөбе облыстарында. Сондықтан әкімдерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын. Азаматтардың қиын жағдайына түсіністікпен және жан-жақты мұқият қараңыздар. Жұмысты кешіктермей барынша тездету керек. Қанат Алдабергенұлы (үкімет басшысының орынбасары), жағдайды қатаң бақылауда ұстаңыз».

Одан бөлек, бүгін үкіметте өңдеу өнеркәсібіне қатысты проблемалар айтылып, оны шешу жолдары көтерілді. Азық-түлік тауарына деген импорт артып барады деген премьер импорт көлемін азайту тұрғысында ауыл шаруашылық министрлігіне тапсырма берді. 

ОЛЖАС БЕКТЕНОВ ҚР ПРЕМЬЕР МИНИСТРІ: «Біздің алдымызда локализациялау деңгейі жоғары өндіріс циклін құру бойынша ауқымды міндеттер тұр. Бұл ретте, өндірісті жаңғырту өте маңызды. Бүкіл әлемде цифрлық технологияларды белсенді қолдану, өндірістерді роботтандыру және автоматтандыру жүріп жатыр. Әлемдік трендтерден қалып қоймау үшін біздің кәсіпорындар да жаңа технологияларды белсенді енгізуге тиіс. Ал, салалық мемлекеттік органдар осы процесті дамытуға ықпал ететін қолайлы жағдайлар жасауы қажет».

Айталық, тамақ өнеркәсібі бойынша сүт өнімдерімен бірге қант, шұжық, макарон, жарма өнімдерінің, жеміс-жидек консервілерінің импорты өсіп барады екен. Бұған өзімізде шығарылатын тамақ өнімдерінің жеткіліксіз болуы және отандық кәсіпорындардың бәсекеге төтеп бере алмауы басты себеп дейді Олжас Бектенов. Сондықтан, енді  «Агроөнеркәсіптік кешенді дамытудың 2030-шы жылға дейінгі тұжырымдамасы»  аясында кәсіпкерлердің шығыстарды  қайта субсидияланатын болады. 

https://www.youtube.com/embed/1gVuv-_CqFg?si=3eS22n9Zc3L7EUw8"

Алматы қаласы бойынша осы оқу жылынан кейін мектеп оқушыларының денсаулығын нығайтып, белсенді демалыс өткізу үшін мектеп жанындағы жазғы лагерь жұмысын бастады, деп хабарлайды Алатау телеарнасы. 

Жазғы лагерь 27.05-07.06.2024 күн аралығында, яғни, он төрт күн өтеді. Оқушыларға арналған жазғы демалыс жоспарының орындалуына білім ордалары да ерекше атсалысуда. 

Осы орайда Алатау ауданы Дархан ықшам ауданында орналасқан № 210 мектеп-лицейі он төрт күндік мектеп жанындағы жазғы лагері мен спорттық сауықтыру лагерінің ашылу салтанатын өткізді.

Мектеп оқушыларына осы екі апта аралығында арнайы бекітілген жұмыс жоспары бойынша керемет іс-шаралар, сайыстар, саяхаттар, шығармашылық жұмыстар өткізу жоспарға қойылған.

https://www.youtube.com/embed/RfkgK5MakFo?si=hKmFDT2OAS4cp-PF"

Сиверс алма ағашы сиреп барады. Бұл туралы мамандар Алматы облысы Есік мемлекеттік дендрологиялық паркінде  ғаламшардағы барлық алма атаулының атасына баланып кеткен сиверс алма ағаштарының генефондын сақтай отырып, жабайы жеміс ағаштарын қалпына келтіру, жергілікті сорттарды көбейту үшін тиімді пайдалану тақырыбында өткен семинар барысында айтты.

Жабайы жемісті ормандарын қалпына келтіру мақсатында өткізілген құндылығы жоғары  шарада аталмыш парк қызметкерлері, Жоңғар Алатауы,Көлсай көлдері ұлттық табиғи паркі өкілдері, сонымен қатар осы салаға қатысты мамандар бас қосты. Алдағы уақытта бес жылға арналған басқару жобасы жүзеге аспақ.

ТАЛҒАТ СЕЙІТҰЛЫ  «ЕСІК МЕМЛЕКЕТТІК ДЕНДРОЛОГИЯЛЫҚ САЯБАҒЫНЫҢ»  ҒЫЛЫМИ ҚЫЗМЕТКЕРІ

Бұл тек мақсат қана емес жопарланған бес жыл ішінде жоғарғы көрсеткішке жетуіміз керек дейді мамандар.Сиреп бара жатқан жеміс ағаштарын сақтап қалу бағытында кәзіргі таңда қарқынды жұмыс жүргізіліп жатыр.

ТАЛҒАТ СЕЙІТҰЛЫ  «ЕСІК МЕМЛЕКЕТТІК ДЕНДРОЛОГИЯЛЫҚ САЯБАҒЫНЫҢ» ҒЫЛЫМИ ҚЫЗМЕТКЕРІ

Эколгиялық ағарту мәселелерін жандандыру үшін тек қана сиреп бара жатқан ағаш түрлерін сақтау ғана емес, мамандар даярлау,орман мекемелері қызметкерлерінің біліктілігін арттыру қолға алынбақ. Ол үшін парк аумағынан оқу базасын салу көзделіп отыр.

ТЕМІРЛАН МАМИЕВ «ЕСІК МЕМЛЕКЕТТІК ДЕНДРОЛОГИЯЛЫҚ САЯБАҒЫ» РМҚК ДИРЕКТОРЫ

Жиынға қатысушылар академик А.Жанғалиевтың мұрындық болуымен 2006 жылы құрылған Сиверс алма бағын аралап көрді . Сиреп бара жатқан табиғи байлықтарды сақтап қалу мақсатында ұйымдастырылған бүгінгі семинардың маңызы өте зор.

https://www.youtube.com/embed/KXVeqUeUR3c?si=ZVW-fG9pNzlRnt8q" 

Батыс Қазақстан облысы Теректі ауданы Жаңаөмір ауылындағы орта мектебінің «Жас сарбаз» әсери-патриоттық қозғалысы шәкірттерінің ата-аналары дау шығарды. 

Даудың басы - жас сарбаздарға бөлінген ақша қайда кеттіден? басталды. Баласы үшін бәріне дайын ата-аналардың сөзінше, әкімдік алғашында қаражат бөліп, оқушыларды әскери киіммен қамтамасыз етіп отырған. Ал, кейінгі жылдары киім бермек түгілі бөлінген ақшаны көрмедік, амалсыздан барлығын өз қалтамыздан шығардық дейді.

МЕЙРАМГҮЛ ТӨЛЕГЕНОВА АТА-АНА «5 жыл бойы осы мәселені көтеріп келе жатырмыз. Алдағы уақытты 5 жыл бойы осы балалармен жұмыстанамыз, түрлі жарыстарға жібереміз, түрлі шараларға қатысады деген уәделер болған. Одан кейін 1 рет берілді, ол кезде балалар 10 жаста, қазір 15-те. Ешқандай форма берілген жоқ. Форма беріледі деп жылда уәде беріледі. Ақша бермей жатыр деп күттіріп қояды. Одан қалды өлшемдерін алып, жылда ешқандай форма берілмейді. Мына форманы осы отырған ата-аналар өзіміз алып беріп жүрдік»

Шаған жалпы орта білім беретін мектебінде  «Жас сарбаз» әсери-патриоттық қозғалысы 2019 жылы 5-9 сыныпта оқитын 26 оқушымен ғана ашылған. Ондағы мақсат - өскелең ұрпақ бойына отансүйгіштік сезімін, азаматтық жауапкершілік қасиетін дарыту. 

ЮЛЬЯ ШЫНЫБЕКОВА БҚО ШАҒАН ЖОББМ ДИРЕКТОРЫ «Оқушылардың жағдайында нақты мәселе киім жағынан. Себебі тек 5 сыныпта қамтылған болатын, бас киімінен бастап аяқ киіміне дейін. Бірақ содан кейін болған жоқ. Біздер жыл сайын сұранысты бердік. Былтырғы оқу жылында да болған жоқ. Биылға оқу жылының басында болған кезде тендер ұтып алған компания өздерінің мойнындағы жауапкершілікті орындаған жоқ. Мәселе осында»

Осы бағытта таңдау жасаған мектеп түлегі болашақта әскери маман болуға мүмкіндік ала алады. Бірақ, баланың болашағына сәуле шашқан алғашқы ұстаз оқушыларға бар білгенімен бөлісіп, тұрақты жаттықтырғанымен, қолдау таппаған жұмыстан өз еркімен кетуге мәжбүр болған. Бұл жайтқа білім беру бөлімінің бас есепшісі Гүлсара Мурадимова былай деп жауап қатты:

ГҮЛСАРА МУРАДИМОВА БҚО ТЕРЕКТІ АУДАНДЫҚ БІЛІМ БЕРУ БӨЛІМІНІҢ БАС ЕСЕПШІСІ «2019 жылы Теректі ауданы Жаңаөмір ауылында “Жас сарбаз” әсери-патриоттық мектебі ашылды. Сәйкесінше 2019-2020 жылдары оқушыларды әскери киіммен қамтамасыз ету үшін келісімшарт жасап, қаржы қызметтерін жеткізушілер өз жұмыстарын атқарды. Біз жоғарғы сапаны қажет еткендіктен және тендерде көрсетілген қаражат аз болғандықтан 2021-2022 жылдары ешкім алмады. 2023 жылы тендер ұтып алған компания жауапкершілігін орындамған соң біз оны сотқа бердік. Сот шешімімен қаражат бюжетке жыл соңында қайтарылды. Осы жылы қаржы бөлінуін күтіп отырмыз».

Статистика бойынша, Қазақстан әлемдік жастардың даму индексінде 150 мемлекеттің ішінде 54-орында тұр. Әлі де алдыға жылжу үшін үкіметтен бөлінген қаражаттың өз орнына жұмсалуы абзал болмақ.

https://www.youtube.com/embed/WFSAjlUnIBI?si=QAuSd0fjthi6-xNs" 

Атүсті жасалған істің олқылығы қанша жасырғанмен мен мұндалап тұрады. Көкшетау қаласындағы Зарап Темірбеков 2 а көшесінде орналасқан  көп пәтерлі үйдің тұрғындары  осы мәселеге тап болған. 2020 жылдың күз айында тапсырылған үйдің күні бүгінге дейін маңайы абаттандырылмаған, аулаға жарық тартылмаған. Осы сынды бірқатар қордаланған мәселелері бар тұрғындардың жан айқайы жайлы сюжетке назар аударсақ.

Тапсырылғанына төрт жылдың жүзі жаңа болған үйдің кіре берісіндегі қаптамалар опырылып түсіп жатыр. Кәріз жүйесінің де күйі мәз емес.Тұрғындар қоқысты тастау үшін де біршама жер жүруге мәжбүр. Ауланың дәл ортасына орнатылған трансформатор дүңгіршегін басқа жерге көшіру туралы жауапты қызмет өкілдеріне тұрғындар бірнеше мәрте өтініш айтқанымен, аяқсыз қалған.   

НАЗЫМ ТӘБӘРӘК ҚАЛА ТҰРҒЫНЫ  «Үй жаңа болғанымен, маңайы адам шошырлық. 20 жыл қолданыста болған үйдің сиқына ұқсайды. Сыртқы қаптамасы түсіп жатыр, ауламыз да жоқ. Құрылыс  краны салбырап тұр. Балаларымыздың қауіпсіздігіне алаңдаймыз. Аула мен оған жапсарлас аумақ заман талабына сай абаттандыру шарттарына сәйкес емес. Үйіміз әлі күнге тапсырылмаған. Жертөлеміз суға толып тұр».  

Үйдің ауласынан көшеге шығудың өзі мұң. Жуырда кәріз-сорғы станциясының апаты салдарынан кәріз құдығы суға толып кеткен. Одан шыққан лай су тура Қопа көліне ағып жатыр. Үйлердің ауласы шағын көлшікке айналған.Жауын-шашын кезінде бұл жолмен жүру мүмкін емес. Бұл үйде балабақша, мектеп жасындағы балалар өте көп.

БЕРІК БЕКМАҒАМБЕТОВ ҚАЛА ТҰРҒЫНЫ:  «Кәріз мәселесін шешу керек.  аулаға жиналады. Жуырда ғана тұрғындар өз қаражатымызға құм төсеген едік. Одан да пайда болмай тұр. Су шайып кетті».

 Мердігер ұйымның өкілдері көпқабатты үй жобаға сәйкес тапсырылды деп отыр. Ал нысанға ұдайы қызмет көрсету меншік иелері бірлестігінің міндеті. Ал Әбілқасымов көшесінің жолы қалалық тұрғын үй-коммуналдық шаруашылығы және автомобиль жолдары бөлімінің қарауында.

ӘДІЛЕТ РАҚЫМЖАНОВ ҚАЛАЛЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ, АВТОМОБИЛЬ ЖОЛДАРЫ ЖӘНЕ ТҰРҒЫН ҮЙ ИНСПЕКЦИЯСЫ БӨЛІМІНІҢ БАСШЫСЫ: «Бұл көшеге келсек, бірнеше рет қиыршық тас төселді. Бұдан бөлек, қазір осы маңда үй салып жатқан мердігер ұйым да қосымша  осы жұмыстарды атқарды. Қазір судың кеткенін күтіп отырмыз. Одан соң тағы да жолға қиыршық тас төсейміз».

Қалалық құрылыс бөлімі Темірбеков пен Гагарин көшелерінің қиылысы ең қиын бөлік екенін айтып отыр. Жоба 2019 жылдан бастап іске қосылған. Мердігер ұйым  Гагарин көшесінің бойында қосымша кәріз құбырының құрылысымен айналысып жатыр. Бұл ескірген инженерлік желілердің жүктемесін біршама жеңілдетпек. Содан соң жаяу жүргіншілер жолы, арықтар қалыпқа келтіріледі. Бұл жұмыстардың барлығын мердігерлер осы айдың соңына дейін аяқтауы тиіс.

https://www.youtube.com/embed/0k8GxmuIyqI?si=ZCtjBvHuEiVEC1i8"

Қызылорда облысы Тереңөзек кентінде Сыбайлас жемқорлыққа қарсы іс-қимыл департаменті қоғамдық қабылдау өткізді. «Жемқорлыққа қарсы волонтерлік» жобасы аясында мобильді топ құрылып, аудан халқына тегін құқықтық көмек көрсетті. 
 Іс-шараның негізгі мақсаты - халықтың құқықтық сауаттылығын арттыру және заң аясында тегін көмек көрсету. Мобильді топтың құрамында заңгерлер, мемлекеттік кіріс және әділет, денсаулық, білім салаларының мамандары, адвокаттар, сондай-ақ жоба волонтерлері бар.

ОЛЖАС МЫРЗАҒАЛИЕВ ҚЫЗЫЛОРДА ОБЛЫСЫ БОЙЫНША СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІ БАСҚАРМА БАСШЫСЫНЫҢ ОРЫНБАСАРЫ

 Пара беру мен алудың алдын алатын департамент, мобильді топ арқылы жемқорлықтың алдын алып, қоғам арасындағы өзекті мәселелердің шешілуіне өз септігін тигізгісі келеді. Тұрғындардың негізгі мәселелері жұмысқа орналасу, елді мекендердің аумақтарын абаттандыру, мемлекеттен несие алу, жеңілдіктер мен субсидиялар мәселелеріне қатысты болды.  

МЕЙІРБЕК МАХАМБЕТЖАН СЫРДАРИЯ АУДАНДЫҚ ЕМХАНАСЫНЫҢ ҚЫЗМЕТКЕРІ

АИДА МАХАМБЕТОВА СЫРДАРИЯ АУДАНЫНЫҢ ТҰРҒЫНЫ

 Мамандар тұрғындардың жеке мәселелеріне қатысты кеңестерін беріп, тиісті көмек көрсетті. Айта кетейік,  сыбайлас жемқорлыққа қарсы қызмет  құрылған мобильді топпен жыл соңына дейін облыстың барлық аудандарын аралап, құқықтық көмек көрсетуді жоспарға алған.

https://www.youtube.com/embed/8HI0XYFrAPQ?si=g8Bizw99_iLy87BS" 

Күні кеше Қазақстан мектептерінде мектеп түлектері үшін соңғы қоңырау соғылған еді. Алайда, қанша ескертілсе де аталмыш кеш тыныш өтпеді. Маңғыстауда мектеп түлектері топ болып төбелесті. Мына кадр Бейнеу ауданы Боранқұл ауылында түсірілген. Сөзге келіспей қалған оқушылар жаға жартыса төбелесіп, бір-біріне тас атып жатыр. Оқиғаны полиция департаменті де растады. Жаппай төбелестен кейін түлектер мен олардың ата-аналары үндеу жасап, қазақстандықтардан кешірім сұрады.

«Ешқандай да бір баланың басы жарылып, көзі шығып болған жоқ. Бас аяғы 5-10 секунд ішінде келіспеушілік болды, ата –аналар да мұғаімдер де болдық. Ішкі істер министрлігі де болды. Ешқандай жарақат алған жоқ. Уақытымен өз жөндерімен кетті. 25 соңғы қоңырау болады дегенге дейін мұғалімдер тарапнан, ішкі істер министрлігі тарапынан, әкімшілік тарпынан айтылды, жиналыстар болды, ескертулер жасалып жатыр. Мұғалімнің де, ішкі істер министрлігінің де кінәсі жоқ. Кешірім сұраймыз».

https://www.youtube.com/embed/2_bptNUG0wY?si=ci1hypDpy0wOYCV4" 

Қазақ жұрты мемлекет және қоғам қайраткері, көрнекті ғалым, академик, Қазақ тағамтану академиясының президенті, Қазақстанның Еңбек Ері - Төрегелді Шармановты ақтық сапарға шығарып салды. Алматыдағы Қазақ мемлекеттік медициналық университетінде өткен қоштасу рәсіміне марқұмның отбасы, Парламент депутаттары, министрлер, ғалымдар мен медицина саласының өкілдері қатысты. Жиында Парламент Мәжілісінің төрағасы Ерлан Қошанов Президент Қасым-Жомарт Тоқаевтың көңіл айту хатын оқып берді.

ЕРЛАН ҚОШАНОВ ПАРЛАМЕНТ МӘЖІЛІСІНІҢ ТӨРАҒАСЫ 
«Мемлекет және қоғам қайраткері, академик Төрегелді Шармановтың отбасы мен туыстарына. Аса көрнекті ғалым, Тағам тану академиясының президенті, Қазақстанның Еңбек Ері Төрегелді Шармановтың өмірден өтуіне байланысты қайғыларыңызға ортақтасып, көңіл айтамын.Төрегелді Шарманұлы саналы ғұмырын ұлт денсаулығына арнаған бірегей тұлға, биік парасат иесі еді. Отандық медицинаның алға басуына, бар қажыр-қайратын жұмсап, көптеген игі іске бастамашы болды. Қазақ тағамтану ғылымының көкжиегін кеңейтіп, дүниежүзі ұйымы ЮНИСЕФ және басқа да халықаралық ұйымдармен ынтымақтастық байланыс орната білді. Өзінің жаңаша мектебін қалыптастырып, ұлағатты ұрпақ тәрбиеледі.Айналасына сыйлы, ғибратты ғұмыр кешкен Төрегелді Шарманұлының жарқын бейнесі халықымыздың жүрегінде мәңгі сақталады. Марқұмның иманы саламат, жаны жанатта болсын»

Айта каетейік, саналы ғұмырын отандық медицина саласының дамуына арнаған қайраткер Төрегелді Шарманов 25 мамыр күні белгілі академик өмірден озды.94жасқа қараған шағында өмірден озды.