https://www.youtube.com/embed/srZ2SYutazg?si=NAVLuV4nRybrIit7" 

Петропавлдағы Былғары зауыты кенті мен Карьерный шағын аудандарында  тасқын салдарынан зақымданған тұрғын үйлерді қалпына келтіру жұмысы жалғасып жатыр. Еске сала кетсек, екі шағын аудан бойынша жалпы саны 142 жеке меншік үй су астында қалған еді.

Бірінші қабаты толығымен суға кеткен екі қабатты тұрғын үйдің қабырғалары қалпына келтіріліп,едендері жаңадан ауыстырылып жатыр. Бұл іске Шал ақын ауданынан келген механикалық бригада өкілдері жұмылдырылған.
 
ЕЛЕНА ВОЛЫРЫНА  ПЕТРОПАВЛ ТҰРҒЫНЫ:«Үйіме кірген судың деңгейі 2 метрге дейін жетті. Техника мен жиһаздың көп бөлігі бүлінді. Қазір жігіттер көмектесіп жатыр. 4-ші шілдеден бастап тоқтамай жұмыс істеуде. Жұмыстарына ризамын.  Техникалық бағалау жүргізіліп, келтірілген шығын 8 жарым миллион теңгеге бағаланды. Жұмысшылар тамыз айының 1-іне дейін жөндеуді аяқтаймыз дейді». 
 
Бригада құрамында 35 адам мен 12 техника бар, Су басқан 142 үйдің  50-і жөндеуге жарамды болып танылған, оның 28-ін тұрғындар өздері қалпына келтірмек. 
 
РАХАТ СМАҒҰЛОВ  СҚО ШАЛ АҚЫН АУДАНЫНЫҢ ӘКІМІ: «Бүгінгі таңда Шал ақын ауданы Кожевены мен Карьерный аудандарында жұмыс істеп жатыр. Біздің мехбригадада 40-тан астам адам бар. Қазіргі күні 142 жеке меншік үй суға кеткен болатын. 89 үй түгел күрделі жөндеуге жарамайды. Сол себептен қазіргі күні, қоқыс шығару жұмыстары жүргізіліп жатыр».

Қазіргі таңда механикалық бригада  13 үйдің жөндеу жұмысын  аяқтап, тасқын болған жерден 17 мың тоннаға жуық қоқыс шығарған. 

https://www.youtube.com/embed/sWKSI89Z_gg?si=NvjjfCWNuCEsIsva" 

Ауылдағы ағайын үшін жағымды жаңалық. Биыл ауылдық елді-мекендер мен шалғай жатқан аймақтарға төрт жүзге жуық алғашқы медициналық көмек нысандары салынады. Өңірлер жаппай жас мамандармен толығады. Енді ауыл халқы медицинадан таршылық көрмейді. Бұл туралы бүгін үкімет отырысында Денсаулық сақтау министрі Ақмарал Әлназарова айтты. Одан бөлек, жауапты министр міндетті медициналық сақтандыру жүйесіндегі былықтар мен дәрі-дәрмек бағасына қатысты да пікір білдірді. 

Басы ауырып, балтыры сыздаса аудан орталығына сабылуға мәжбүр болған халықтың үні ақыры Үкіметке жетті. Биыл ауыл медицинасын дамытуға деп қазынадан 60,3 млрд теңге қаражат бөлінген. Оның алды 21 млрд-ы өңірлерге жетті. Алғашқы медициналық көмек нысандарының көп бөлігі Қарағанды облысына тиесілі. Оның үстіне өңірлерде дәрігерлер де жетіспейді. 1100 медицина қызметкері керек. Егер, жас маман ауылдық жерге жұмыс істеуге барамын десе, ондай таңдау жасағандарға жан-жақты әлеуметтік көмек көрсетілетін болады. 

АҚМАРАЛ ӘЛНАЗАРОВА ҚР ДЕНСАУЛЫҚ САҚТАУ МИНИСТРІ: «Ұлттық жобаның екінші міндетінің аясында 32 аудандық аурухананы жаңғырту жұмыстары жүргізілуде. Бүгінгі таңда 2 аудандық аурухананың күрделі жөндеу жұмыстары аяқталды, 10 нысан бойынша құрылыс жұмыстары жүргізілуде, 5 нысан конкурстық рәсімдерден өту сатысында, 5 жоба сараптамадан өту сатысында, 8 жоба бойынша жобалау-сметалық құжаттама әзірлеу жүргізілуде. Негізі екінші міндеттің шеңбері 2023-2025 жылдарға арналған. Осы жоба аясында жұмысар өз жалғасын табады».

Міндетті медициналық сақтандыру жүйесі енгізілгеннен бері сала қатты сынға ұшырап келеді. Жақында мемлекеттік аудит миллиардтаған заң бұзышылықтарды анықтаған болатын. Бұл мәселеден бас дәрігер де хабардар болып шықты. Салаға жауапты министр заң бұзушылықтарды мойындап отыр. 

АҚМАРАЛ ӘЛНАЗАРОВА ҚР ДЕНСАУЛЫҚ САҚТАУ МИНИСТРІ: «Нормативтік-құқықтық базаны жетілдіруді талап ететін жүйелі бұзушылықтар анықталды. Және бұл мәселелердің барлығы Жоғарғы есеп палатасына қосымша жолданды, жалпы бүгінгі күні барлық материалдар қаралып, лауазымды тұлғаларға қатысты тәртіптік шаралар қолданылуда. Мен атап өткен нормативтік-құқықтық база, ол жалпы алғанда дәрі-дәрмектің баға саясатын қайта қарауға мүмкіндік береді, ал Денсаулық сақтау министрлігі оларды жою бойынша жұмыс жүргізуде».

Дәрі-дәрмек демекші, жауапты министрлік бағаны реттей алмайтындықтарын айтады. Бас дәрігердің сөзінше, баға бәсекеге қабілетті ортада экономикалық жағдайға байланысты өзі реттеледі-мыс. Үкімет басшысы Олжас Бектенов болса, салалық министрлікке бірінші кезекте ауылдық жерлерде алғашқы медициналық көмек нысандарын салуға деп бөлінген қаражатты тиімді игеруді тапсырды. Оны денсаулық сақтау министрлігі жергілікті әкімдермен бірлесе  қадағалауы керек. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Ауыл медицинасы жаңа медициналық мекемелермен білікті кадрларға мұқтаж. Сондықтан «Ауылда денсаулық сақтауды жаңғырту» ұлттық жобасын сапалы іске асыру – біздің алдымызда тұрған басты міндеттердің бірі. Ұлттық жобаны іске асыру барысын ақпан айында қарадық. Ол кезде бекітілген кестеден біршама артта қалу байқалған болатын. Соған сәйкес тиісті тапсырмалар берілген. Бүгін көріп отырғанымыздай, ауқымды жұмыстар жүргізілген. Жобалау-сметалық құжаттардың барлығына мемлекеттік сараптама қорытындысын беру толығымен аяқталды. Мердігер-компаниялар айқындалып, құрылыс-монтаждау жұмыстары жүргізілуде. Қазір қалған нысандарды қаржыландыру мәселесі пысықталуда. Әкімдіктер барлық нысандардың құрылыс жұмыстарын уақтылы әрі сапалы жүргізу үшін күнделікті бақылауды күшейтуі керек».

Осылайша, енді жақын арада ауылдық жерлерде төрт жүзге жуық алғашқы медициналық көмек көрсететін нысандар бой көтереді. Басты байлық –денсаулық десек, онда мыңдаған ауыл тұрғынының өзекті мәселесі оң шешімін табады.  

https://www.youtube.com/embed/pcOvq6Cb08U?si=iPVJzpciEgS7SLSU"

https://www.youtube.com/embed/HEHcqcabG7U?si=VgoowalycNyYgImD" 

Көрнекті қоғам қайраткері, белгілі шығыстанушы, түркітанушы, мәдениеттанушы,   дипломат және филология ғылымдарының кандидаты, Мұрат Мұхтарұлы Әуезовтың жалған өмірден өткеніне де қырық күн өтіпті. Заңғар жазушының ұлы былтыр ғана 80 жылдық мерейтойын атап өткен болатын. Тағдырға қарсы тұрар ешкім жоқ, ортамыздан асылдың сынығы мәңгілік мекеніне кетті. Дегенмен өзі кетсе де,артында өшпес мұрасы қалды. Мұрат Мұхтарұлын еске алуға арналған асқа,дара тұлғаның замандастары, ақын жазушылар мен қызметтес болған әріптестері және туған-туыстары жиналды.

СМАҒҰЛ ЕЛУБАЙ ЖАЗУШЫ

Қазақ мәдениетінің шырақшысы бола білген Мұрат Мұхтарұлы Қазақстан жазушылар одағының көркем аударма және әдеби өзара байланыстар жөніндегі Алқасын басқарды. 1981-1987 жылдарда «Қазақфильм» киностудиясында бас редактор болып қызмет жасады.Сонымен қатар өзге елдерде елшілік міндеттерін де мінсіз атқарды.Мемлекеттік қызметтерде де абыроймен еңбек етті. Ол нағыз ұлтын сүйген тұлға еді.Қазақ ғылымында шоқтығы биік, асылға айналды.

ДУЛАТ ИСАБЕКОВ ҚАЗАҚСТАННЫҢ ЕҢБЕК ЕРІ, ЖАЗУШЫ

https://www.youtube.com/embed/nf1_4a6Eqmw?si=T3aZ9KenL4eRca_A" 

Қарағандыдағы зауытта болған өрттен зардап шеккен алты адам хәл үстінде, жансақтау бөлімінде жатыр. Тағы екі жұмысшының да жағдайы мәз емес. Барлығының денелерін көп деңгейде күйік шалған. Оларды емдеу үшін Астанадан мамандар арнайы ұшып келді. Қажетті ем-дом көрсетіліп жатыр. Отандық мамандарға шет елдік дәрігерлер: Израйль мен Түркияның ақ халаттылары онлайн кеңес беріп отыр. Жұмысшыларды аман алып қалу үшін бар қолдан келген көмекті жасаймыз дейді жергілікті аурухана басшысы. Мына кадрлар оқиға болған күні жедел жәрдем келіп, алғашқы көмек көрсетілген сәтте түсірілген. Айта кетсек, 20 шілдеде Қарағандыдағы ферроқорытпа зауытында №1 пеште кенеттен жалын шығып, соның салдарынан сегіз адам зардап шеккен болатын. Болған жағдайдың себептері мен мән-жайларын тергеу үшін арнайы комиссия құрылды. "Абайсызда денсаулыққа ауыр зиян келтіруге әкеп соққан еңбектi қорғау қағидаларын бұзу" бабы бойынша қылмыстық іс қозғалды. 

БЕРІК ТІЛЕУБАЕВ МАКАЖАНОВ АТЫНДАҒЫ КӨПСАЛАЛЫ АУРУХАНАНЫҢ ТРАВМАТОЛОГИЯЛЫҚ ОРТАЛЫҒЫНЫҢ БАСШЫСЫ:
«Макажанов атындағы ауруханаға бүгін 8 науқас әкелінді. Олар жарақат алған жұмысы орынында. 8 науқас оның ішінде 6 жансақтау бөліміне жатқызылды өте ауыр жағдайда және 2 науқас ауыр жағдайды терапеяға жатқызылды. Қазіргі кезеңде бүкіл науқастарға керек көмек жасалды. Зерттеу бәрі керек мамандар қарап шықты. Астанадан ғылыми зерттеу институның бас травмотолог бас анестезиолог келіп, науқастарды емдеу шараларына керек өзгерістерді енгізді».

https://www.youtube.com/embed/Jk2KjjsoMOA?si=ogvZVg6g5jJjoX-0" 

Оралдағы  М.Мөңкеұлы көшесі, 79/1 мекенжайындағы көпқабатты тұрғын үйдің жертөлесі кәріз суына толған. 60 астам жанұя қоныстанған тұрғын үйдің мәселесі мұнымен бітпейді. Аулаларында ойын алаңы жоқ,жеделсатының іске қосылмауы да тұрғындардың күнделікті өмірін қиындатып жіберген.

Тұрғындар бұл үйге қоныстанғандарына бір жарым жылдың жүзі болса да қордаланған мәселелердің шешілер түрі жоқ.

НҰРТІЛЕК ЗАЙНЕДЕНОВ ҚАЛА ТҰРҒЫНЫ

Егде жастағылар мен жүкті әйелдер, бүлдіршін балаларға қиындық тудырып тұрған жеделсаты қызметі ауыз суды тасып ішетін тұрғындар үшін де айтарлықтай азабы бар.
 
БАУЫРЖАН РАЯНОВ ҚАЛА ТҰРҒЫНЫ

Тұрғындар жауапты мекемелерге жазбаша хат та жолдаған. Алайда жауап жоқ. Жедел сатыны қондырған жергілікті компанияның айтар жауабы тапсырыстың қаражаты төленіп, ПИК-пен келісімшарт жасалса, іске қосуға болады.

ӘЛІБИ АЙТАЛИЕВ МЕКЕМЕ ДИРЕКТОРЫ

Жағдай бұлай өзгеріссіз қала беретін болса тұрғындардың құрылыс компаниясын сотқа беруден басқа амалы қалмаған. 

https://www.youtube.com/embed/jnOUMQL4GXY?si=aaQwfODm66QqIVqs" 

«Қазақстан темір жолы» Ұлттық компаниясы Қаныш Сәтпаевтың 125 жылдығына орай безендірілген жолаушылар пойызын жолға шығарды. Пойыздың сыртқы жағында ғалымның өмір сүрген жылдары мен оның мерейтойлық портреті бейнеленген. Жоба қазақтың көрнекті қайраткерлерінің есімін қастерлеуге бағытталған.

«Бүгін «Нұрлы жол» вокзалынан қазақтың алғашқы академик-геологы Қаныш Сәтбаевтың 125 жылдығына орай безендірілген жолаушылар пойызы сапарға шықты. Қаныш Сәтпаевтың Қаныш Сәтбаевтің ғылыми қызметі Жезқазған қаласымен тығыз байланысты болғандықтан, №65/66 «Астана-Жезқазған» бағытындағы пойыз рәсімделді»

https://www.youtube.com/embed/gA0RC6dxvBU?si=-wi0MKtqbkO9M8_r" 

Су тасқынынан зардап шеккен барша ел тұрғындыры қыркүйек айы жаңа оқу жылы басталғанға дейін толық баспаналы болады. Елдің Батысында 400-ге жуық тұрғын үйдің құрылысы жүргізіліп жатыр. Бұл туралы үкімет басшысының Батыс Қазақстан облысына жасаған іссапары кезінде белгілі болды. 

Үкімет басшысы Олжас Бектенов тасқыннан зардап шеккен аймаққа арнайы барды, құрылыс жұмыстарын өз көзімен көріп, жаңа салынған үйлердің сапасын тексерді. Премьер-Министр құрылыс жұмыстарын жеделдетіп, 2-3 ауысымдық жұмыс кестесіне көшу қажеттігін атап өтті. Сонымен қатар инженерлік желілерді, жол және әлеуметтік инфрақұрылымды қалпына келтіру бойынша бірқатар тапсырма берді. 

ОЛЖАС БЕКТЕНОВ ҚР ПРЕМЬЕР-МИНИСТРІ:  «Сапасы да жоғары болу керек. Әйтпесе, интернеттен де көріп жатырмыз. Салына салып қирап жатыр. Ондай болмасын, бақылау керек».

АРМАТ ЖАНҒАЗИЕВ ҚҰРЫЛЫС КОМПАНИЯСЫ ДИРЕКТОРЫНЫҢ ОРЫНБАСАРЫ: «Облысымызда орын алған су тасқыны байланысты зардап шеккен тұрғындарға біздер Бәйтерек компаниясы Орал қаласы Меркурий ауданында зардап шеккен тұрғындарға үй салып жатырмыз. Құрылыс басталғанына 5 апта болды. Сапасы жоғары, көлемі 80 шаршы метр, су, газ жарықпен қамтылған. Оқу жылы басталғанға дейін қолданысқа беру жоспарлануда».

ҚАРЛЫҒАШ МЕДЕНОВА ЖҰЛДЫЗ ЫҚШАМ АУДАНЫНЫҢ ТҰРҒЫНЫ: «Саяжайдағы үйімізді 21 сәуір күні су басты. Соның зардабынын эвакуациялық пунктіге орналастық. Қазіргі күнде сонда тұрып жатырмыз. Мен көпбалалы анамын. Осы мемлекеттік қолдауымен үй беріліп жатыр біздерге. Көп рахмет айтамын. Осы Жұлдыз шағынауданынан жер шүй берілді. Мемлекет басшысына алығысымды білдіремін. Енді осы үйіміздің кілтін 1 қыркүйек мектеп басталғанша бұйырса екен деймін».

Жалпы, Батыс Қазақстанда құрылыс қарқынды жүруде. Айталық, Теректі ауданы Подстепное ауылында 3 бөлмелі 106 тұрғын үй салынып жатыр. Нысандарға 8 мердігер ұйым, оның ішінде 330 адам және 56 техника жұмылдырылған. Тұрғын үйлер тамыздың ортасында пайдалануға беріледі деп күтіледі. Деркөл кентінде 103 тұрғын үй салынып жатыр. Қазір іргетас қалау жұмыстары толығымен аяқталып, 24 нысанда ішкі әрлеу жұмыстары жүруде. Оған 5 мердігер ұйым жұмылдырылған. «Жұлдыз» ықшамауданында 17 мердігер мекеме 191 үйді салып жатыр. Құрылыс биылғы қыркүйекте аяқталады деп жоспарланған. 

https://www.youtube.com/embed/5jQilksrs78?si=fIVwBsbpv1xuZaAi" 

Алматы зообағы қуанышты жаңалығын бөлісті. Хайуанаттар бағы теңбіл бұғылардың  дүниеге келгенін сүйіншілеген болатын. Арнамыздың тілшісі сүйкімді жануарлардың жағдайымен танысып қайтты. 

Теңбіл бұғылар Шығыс Қазақстан облысы қорығынан әкелінген.Қазіргі таңда 11 түрі хайуанаттар бағында мекендейді.Аналағы Алматыдағы зообақта дүниеге келген. 

Анасының есімі – Ақкербез болса,одан туылған егіз бұғылардың есімі – Шпион мен Аяла деп аталыпты. Олай аталуының себебі Шпион өмірге тез бейімделген пысық болса,Аяла керісінше әлжуаздау.Қазір мамандардың ерекше қамқорлығында.

ҰЛЖАНАР ӘДІЛАЕВА ХАЙУАНАТТАР БАҒЫНЫҢ ДАМУ БӨЛІМІНІҢ МАМАНЫ:
«Дәл қазіргі уақытта Хайуанаттар бағында жануарлардың 400 ге жуық түрі өмір сүріп жатыр.Теңбіл бұғылар Шығыс Қазақстан облысы қорығынан әкелінген. 8 шілдеде егіз теңбіл бұғылар туылды,екеуі де аналық.Негізінде егіз бұғыларды дүниеге алып келу өте сирек кездесетін жағдайдың бірі болып табылады,бірақ бұл біздің зообағымыздағы ең алғашқы қуанышты жаңалық емес,осыған дейін де Ақкербездің анасы-Дана қос төлді өмірге алып келген болатын,сол қос төлдің біреуі-Ақкербез.Ал өмірге жаңадан келген Шпион мен Аяла 4 келі болып туылған.»

Теңбіл бұғыны жапон бұғысы деп те атайды.Олар өз араларында төлін қызғанбай бір қоршауда өмір сүре береді.Тағы бір ерекшелігі теңбіл бұғылар суда жақсы жүзе алады.Су, олар үшін маса мен кенелерден құтылудың бірден бір амалы,сондықтан паразиттердің көбеюі кезінде бұғылар суда немесе самал соққан жерлерді мекендегенді ұнатады.

https://www.youtube.com/embed/dDK06NmJ0nI?si=d0EpNNA6mA74Y51C" 

https://www.youtube.com/embed/1149PST8_aE?si=CItn-7bBBR9xc71N" 

Алматы облысы, Еңбекшіқазақ ауданында Қазақстан мәслихаттарына 30 жыл толуына орай және 5 ші дүниежүзілік көшпенділер ойындарын қолдау аясында тоғызқұмалақтан «Абай жүлдесі» атты облыстық турнир өтті. Шараға арнамызда қатысып қайтқан еді.

Бүгінгі турнирге Алматы облысына қарасты тоғыз аудан екі қала бойынша әр өңірден төрт адамнан жалпы саны 40 тан астам ойыншы қатысты. Командалар облыстық, аудандық мәслихат депутаттары, бұқаралық ақпарат құралдарының өкілдері, қоғамдық ұйымдардың мамандарынан жасақталған.  
 
ЖАРАС НИЯЗБЕК АЛМАТЫ ОБЛЫСТЫҚ ТОҒЫЗҚҰМАЛАҚ СПОРТЫ ФЕДЕРАЦИЯСЫНЫҢ ПРЕЗИДЕНТІ  

Тоғызқұмалақ ойыны адамды қызықтырып баурап алатын қасиетке ие. Сонымен қатар ақыл ойды дамытады, ойлау жүйеңізді ұшқырлыққа баулиды, миға таптырмас жаттығу. 

БОЛАТЖАН НҰРБЕКОВ АЛМАТЫ ОБЛЫСЫ МӘСЛИХАТЫНЫҢ ДЕПУТАТЫ

Жеті турдан тұратын жарыс нәтижесі бойынша жеңімпаздар анықталып, бірінші екінші орын алған жеңімпаздар Астана қаласында тамыз айында өтетін Республикалық деңгейдегі финалдық ойынға жолдама алды.

https://www.youtube.com/embed/RuQYhbK_KK8?si=xx0d5MEQzQfFxfA-" 

Риддер қаласы алдағы қысқа дайын. Әбден тозығы жеткен жылу желілері жаппай жөнделіп жатыр. Айталық, бүгінгі таңда қалада  инженерлік желілер 58,4%-ға, 32 орталықтандырылған қазандық 51%-ға, гидроэлектростансалар 69%-ға және ЖЭО 52%-ға дайын. Шығыс Қазақстан облысына жасаған іс-сапары кезінде үкімет басшысы Олжас Бектенов бүгін Риддер ЖЭО-сын реконструкциялау жұмысымен танысты.1956 жылы пайдалануға берілген бұл ЖЭО бүгінде 50 мыңға жуық тұрғынды жылумен қамтамасыз етіп отыр. Жабдықтың ағымдағы тозуы 57,7%-ды құрайды. Сондықтан, Мемлекет басшысы биылғы ақпанда өткен кеңейтілген отырыста Үкімет алдына осындай нысандарды шұғыл жаңғырту жұмыстарын биыл аяқтау міндетін қойған болатын.  

КИРИЛЛ ГОЛОТА  РИДДЕР ЖЭО БАС ИНЖЕНЕРІНІҢ МІНДЕТІН АТҚАРУШЫ 
«2024 жылғы жөндеу науқанына 8,5 млрд теңге бөлінді. Барлық қазандық агрегатына жөндеу жұмыстары жүргізілуде. Кестеден артта қалу жоқ. Жұмыс кестеге сәйкес жүргізіліп жатыр».

Сондай-ақ жұмыс сапары барысында Үкімет басшысы Риддер қаласындағы көпсалалы медициналық мекеме құрылысымен де танысып шықты.  Бір ауысымда 500 адамды қабылдайтын емхана мен 200 төсек-орындық стационары бар медицина кешені Риддердің әр түкпірінде орналасқан халыққа пайдалы болады. Оның үстіне бұл нысан 80 жылдан астам уақыт жұмыс істеп тұрған ауруханының орнына салынуда. Аталған денсаулық сақтау ұйымы бүгінде қаладағы жалғыз ұйым.
Жаңа аурухананың ауданы – 40 мың шаршы метр. Бүгінде аталған нысан 60%-ға дайын.  Емхана осы жылдың күзінде, стационар келесі жылы пайдалануға беріледі. Ол өз кезегінде 500-ден астам қызметкерді жұмыспен қамтиды.

ЖӘНІБЕК ЖАМАНТІКОВ ҚҰРЫЛЫСШЫ
"Жылу беру жүйесі 100% дайын, су құбыры мен кәріз жүйесі тартылды. Ішкі әрлеу жұмыстары жүргізіліп жатыр.  Сонымен қатар стационар бойынша жұмыстар қолға алынған".