https://www.youtube.com/embed/LH4Plb2TWcI?si=A7i2-E9k0z69gprM" 

https://www.youtube.com/embed/84aK8BurWDU?si=lGvCFuXIy2cvSdqE"

Жол мұраты жету деген аталы сөз бар халқымызда. Бүгінгі күні сол мұраты мұңға айналған Алматы облысы,Іле ауданына қарасты Қоянқұс ауылының тұрғындары «қалтамыздан қаржы шығарып жасаған жалғыз жолымызды жапты,аспанмен ұшамыз ба деп дау көтеріп арнамызға хабарласқан болатын. 

Айдың күннің аманында аралда қалғандай күн кешкен қарашаның айтуларынша көшені бір түннің ішінде жауып тастаған. Аяқ асты мұндайды күтпеген халық әбігер күйге түскен. 

Мәселені көтеріп жиналған бүгінгі тұрғындар арасынан  құрылыс өкілдері де,әкімдік тарапынан да төбе көрсеткендер болмады.Осыны алға тартқан халық енді кімге барып базынамызды айтамыз деп ашынды.

ЕЛДОС СҮЛЕЙМЕНОВ ҚОҒАМ БЕЛСЕНДІСІ

ЗАРИНА МАДИЕВА ТҰРҒЫН: «Біз осындай мәселеге тап болып отырмыз. Бұл жер жекеменшікке сатылған болып шықты. Мәселемізді естісін деп баспасөзге жүгініп отырмыз».

Тұрғындардың көтерген мәселесімен Жетісу ауданы әкімдігіне бардық. Аудандық атқа мінерлер айтулы мәселенің шешімін былай деп түсіндірді.

НҰРДӘУЛЕТ ҚАЛДАРОВ АЛМАТЫ ҚАЛАСЫ ЖЕТІСУ АУДАНЫ ӘКІМДІГІНІҢ КОММУНАЛДЫҚ ШАРУАШЫЛЫҚ  БӨЛІМІНІҢ БАСШЫСЫ

https://www.youtube.com/embed/769fkQdqmBU?si=T75EGqoyLYe9oqUq" 

Енді метроның жол жүру ақысын тек ақшалай немесе картамен емес, биометрия бойынша, яғни өзіңіздің фейс айдиіңізбен төлей алатын болдыңыз. Face Pay инновациялық жүйесі арқылы жолаушылар смартфон немесе төлем картасын пайдаланбай, жол ақысын бет-әлпет арқылы төлей алады. Ол үшін «Face Pay төлемі» деп аталатын турникетіне барып, камераға қарасаңыз болғаны. Жол ақысы Halyk қосымшасындағы «Төлемдер» бөліміне тіркелген банк картасынан алынады.

ЖҰМАБЕК МАМУТОВ ХАЛЫҚ БАНК БАСҚАРМА ТӨРАҒАСЫНЫҢ ОРЫНБАСАРЫ: «Біз өзіміздің әкімдіктің, серіктестеріміздің көмегінің арқасында осы тәжірибені Қазақстанда жүзеге асыра алғанымызға қуаныштымыз. Технологиялық жүйе біздің қаланы цифрландыруға арналған үлкен бағдарламаның бір бөлігі болып табылады».

Қазір бұл турникеттер Абай және Б.Момышұлы атындағы метро бекеттеріне қойылған. Екі бекеттен сәтті тексерістен өткесін жүйе барлық метро бекетінде іске қосылады.Жол ақысын төлеудің бұл ыңғайлы әрі қауіпсіз әдісі жасанды интеллектке негізделіп жасалған және Ресей, Беларусь секілді ірі мемлекеттерде қолданыс тапқан. 

БАУЫРЖАН ҚҰМАРҒАЗИН ҚАЛАЛЫҚ ҰТҚЫРЛЫҚ БАСҚАРМАСЫ БАСШЫСЫНЫҢ ОРЫНБАСАРЫ «Өздеріңіз білетіндей, метро қаладағы қоғамдық көліктердің ең ыңғайлы және жылдам түрлерінің бірі болып табылады. Алматы қаласының тұрғындары оны лайықты бағалайды деп ойлаймын. Статистикамызда биыл метро жолаушылар ағынының жыл сайын артып келе жатқанын көрсетіп отыр. Біз қазірдің өзінде 100 мыңнан астам адамды қабылдадық. Күнделікті жолаушылар ағыны өткен жылы енгізілген жаңа станцияларға байланысты артып келеді».

https://www.youtube.com/embed/B0KQN0TEEZ4?si=e78FyEck5-Vk6uco"

Қалайда бір баспанаға қол жеткізсем деп жүргендер үшін жағымды жаңалық. Енді үй алу кезегінде тұрған азаматтар 5 пайызбен ипотека ала алады. Бұл туралы бүгін Сенаттың жалпы отырысында Өнеркәсіп және құрылыс министрі Қанат Шарлапаев айтты. Халықтың одан өзге санаты қалай баспаналы болады? Тұрғын үй нарығындағы соңғы жаңалықтарға назар аударсақ.

Баспана қашан да өзекті мәселе. Үй болмаған соң, күй қайдан болсын. Оның үстіне  жыл санап құрылысқа қажетті заттар қымбаттап барады. Баға жеткізер емес. Қысқасы, халыққа тұрғын-үй алу қиындай түсті. Осылай деген Сенат депутаттары  жауапты министрліктен алдағы жоспарды сұрады.

БАУЫРЖАН ҚАНИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: "Тұрғын үй сатып алу халықтың едәуір бөлігі үшін, әсіресе жастар мен аз қамтылған топтар үшін қол жетімді емес. Бүгінгі таңда кезекте 651 мың халық тұрса, ол 2012 жылмен салыстырғанда 8 есе өсіп отыр. Әлеуметтік тұрғын үй құрылысын қаржыландыру көлемі халықтың қажеттіліктерін қанағаттандыру үшін жеткіліксіз. Осы орайда менде бірқатар сұрақтар бар. Халықты тұрғын үймен қамтамасыз ету проблемаларын шешу үшін Өнеркәсіп және құрылыс министрлігінде қандай кешенді шаралар қабылдануда? Іске асырылған тұрғын үй бағдарламалары бойынша талдау бар ма, оның ішінде қандай проблемалар айтылды, табылды? Тұрғын үй саясатын жетілдіру бойынша қандай ұсыныстар айта аласыз?".

Жауапты министрдің айтқаны: биыл жыл соңына дейін елімізде 18 млн шаршы метр тұрғын үй пайдалануға беріледі деп жоспарланып отыр. Осы 5 айда оның 5.7 млн шаршы метрі тапсырылған. Айтуынша, жалпы құрылыс биыл былтырғыдан қарағанда 8 пайызға артыпты.

ҚАНАТ ШАРЛАПАЕВ ҚР ӨНЕРКӘСІП ЖӘНЕ ҚҰРЫЛЫС МИНИСТРІ: "Халықтың осал топтарын баспанамен қамтамасыз етуге 337 млрд теңге бөлінген. Ол қаражатқа 22 пәтер сатып алуға мүмкіндік бар. Кредиттік пәтерге 109 млрд теңге бөлінген. Кезекте тұрғандарды тұрғын үймен қамтамасыз ету үшін 5 пайызбен несие беріледі. Ол мақсатта 7 мың ипотека береміз."

Депутаттар, егер, аталған мемлекеттік бағдарламалар қағазда жазылғандай әдемі іске асса, халықтың бір бөлігі болсын, баспаналы болып, әр үйде қоныс тойы тойланады деген үмітте. Ал, енді бір топ сенатор болса, ауыл шаруашылық саласына деп берілетін субсидияның тиімді игерілгенін қатаң бақылауға алу керек. Әйтпесе, тиісті арзан пайыздағы көмек шын шаруаға жетпейді. Қызығын өзгелер көреді. Салдарынан  мемлекеттің бюджеті айтарлықтай зор шығынға ұшырайды дейді.

ӘЛІБЕК НӘТИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: "Субсидиялауға байланысты ереже жиі және ұдайы өзгеріп отырады, мынау несие алушыларға қарсы міндеттемелер қою жөнінде бірнеше рет айтылса да Ауыл шаруашылығы министрлігі бұл мәселеге енді ғана көңіл бөліп жатыр. Осыған байланысты менің сұрақтарым: жалпы Ауыл шаруашылығы министрлігінің ауыл шаруашылығы кешенін субсидиялау саясаты болашақта өзгертін болады ма? Жалпы осы енді бірнеше салаға субсидия бөлінеді, бірнеше триллион ақша, миллиардтаған. Соны бөлу қандай нәтижеге, параметрлерге байланысты бөлінеді? Үшінші, осы бөлінген бюджет қаражатын игерудегі соңғы тиімділігі қандай жағдайда деп ойлайсыз?"

АЗАТ СҰЛТАНОВ ҚР АУЫЛ ШАРУАШЫЛЫҒЫ МИНИСТРІНІҢ МІНДЕТІН АТҚАРУШЫ:
"Фермерлер субсидияға тұрақтылықты сұрайды. Қазір сыбайлас жемқорлықтың тәуекелдерін азайту, оны төмендету тиімділігін арттыруға байланысты жұмыстар жүргізілуде. Арнайы методика зерттеудің тиімділігі бар екенін көрсетті".

Одан бөлек депутаттар ауылдық жерлерде денсаулық сақтау саласын жаңғыртуға деп бөлінген қаржының тиімсіз пайдаланып жатқанына мысал келтіріп, бақылауға алу керектігін айтты. Айтпақшы, жоғарғы аудиторлық палатаның төрағасы Әлихан Смайылов тек Қазақстан темір жолы емес барлық ұлттық компаниялар алдағы уақытта қатаң аудиторлық тексерістен өтетінін айтты.Осылайша мемлекеттің әр тиынын бақылау күшейтіледі.

https://www.youtube.com/embed/aSF6_Vwhamc?si=Q7sYtcFUp494UJ1w" 

https://www.youtube.com/embed/OliHGsj4Rz4?si=OG66qrkx0DK5Scxf" 

Су сұраған Ақтау қаласының 19-шы шағын аудан тұрғындары көлік қозғалысын тежеді. Оған басты себеп – 3-4 күн бойына ауыз судың жоқтығы. Тіршілік көзінің жоқтығы тіршілік жасаумызды қиындатып барады деп шырылдауда қараша.

Бұл жағдай 19-шы шағын аудан тұрғындарымен қатар 16,17,27 және 28-ші шағын ауданындағы халықты да алаңдатып отыр. 

ГАУХАР БАШИЕВА ТҰРҒЫН: «Ең болмаса, халыққа жаны ашитын болса неге әкімшілік келіп водовозбен су әкеліп бермейді? Біздікі 5-ші этаж. Үш жыл болдыма әлі сол. Жазда сумен бізде проблема болады». 

АЙБЕК ЖҰМАҒАЛИЕВ ТҰРҒЫН: «Жаз басталғалы осы проблемағо бізде, Ақтаудың, теңіздің іргесінде тұрып су жоқ деген. Өзім 5-ші этажда тұрамын. “Ұлы сөзде ұят жоқ”, шіріп кетуге айналдық. Алдыңғы жылы да осы, жыл сайын осы проблема». 

Дау тудырған тақырыпқа қатысты қала әкімінің қатысуымен брифинг өтті. Әкімнің сөзінше мәселенің басты түйіні - МАЭК кәсіпорнының үлгеріс уақытында. 

ҰЛЫҚБЕК ТІНӘЛИЕВ АҚТАУ ҚАЛАСЫНЫҢ ӘКІМІ: «Түнімен жинаған суды, күні бойы пайдаланамыз. Сондықтан ол дайын тұрған су емес. Біз аяп тұрған жоқпыз. Дайын су болса қажетті давлениені беріп, жіберетін едік. Бірақ оны дайындау процесі бар. Техникалық тілмен айтқан дестилят жасайды, овыпаривание жасайды. Соның барлығына уақыт кетеді».

Брифинг соңы «даудың түйіні бір аптаға жуық уақытта шешіледі» деген уәдемен аяқталды. Сондай-ақ, жеке инвестор есебінен салынған қуаттылығы тәулігіне 4000 текше метрді құрайтын су тұшыту қондырғысы іске қосылса, су жоқ деген дау туындамайды дейді басшылық. 

https://www.youtube.com/embed/4S7SO-irIw8?si=pnD4fTnOPLx7n2lQ" 

Алматы облысында жан түршігерлік апаттан бір отбасының төрт мүшесі қайтыс болды.  Көлік жүргізушісі мен екі жолаушы оқиға орнынан Шелек ауылындағы ауруханаға дереу жеткізілді. Полицияның мәліметінше, ішінде жеті адам болған Toyota Hiace шағын автобусы жолдан аударылып кеткен. Оқиға бойынша қылмыстық іс қозғалып, сараптамалар жүргізілді.  

ЕЛЖАН ЧУПЕКОВ АЛМАТЫ ОБЛЫСЫ ПД БАСТЫҒЫНЫҢ ОРЫНБАСАРЫ  «Алматы-Шелек-Қорғас тас жолында, 105 шақырымда микроавтобус Тойота жүргізуші рульіне ие бола алмай жолдан аударылып кетті. 4 адам орында қаза тапты. 3 адам ауруханаға жеткізілді»

https://www.youtube.com/embed/tyCjGa-9tfs?si=nuavT59BkhyqvZrT" 

Кез келген өркениетті қоғам үшін сыбайлас жемқорлықпен күрес – ең өзекті мәселенің бірі. Жең ұшынан жалғасқан жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінге дейін жойылмай отырған кеселдің бірі. Бұл дерт дамушы елдердегідей біздің жас мемлекетімізге де орасан зор нұқсан келтіруде.

Жемқорлыққа қарсы іс-қимыл мәселесі әрдайым Мемлекет басшысының қатаң бақылауында. Ағымдағы жылдың қазіргі кезеңдегі жағдайы бойынша Департаментпен 47 қылмыс, оның 30-ы сыбайлас жемқорлық фактілері бойынша,біреуі білім беру саласындағы жүйелі сыбайлас жемқорлық фактісі, 6-ы пара алу, 8-і пара беру және 2-і парақорлыққа делдал болу фактісі аясында тіркелген.Агенттік мамандарының дерегі бойынша мемлекет қаражатын тиімсіз жұмсау, заңсыз жолмен қалтаға басу білім саласында да жиілеп кеткен.Қазір қатаң бақылау шаралары қолға алынып жатыр.

ДАРЫН ЕСЕТҰЛЫ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АЛМАТЫ ОБЛЫСЫ БОЙЫНША ДЕПАРТАМЕНТІНІҢ ПРЕВЕНЦИЯ БАСҚАРМАСЫ БАСШЫСЫНЫҢ ОРЫНБАСАРЫ

Алматы облысы бойынша Сыбайлас жемқорлыққа қарсы іс-қимыл агенттігі білім саласында бір қатар былықтың бетін ашқан болатын.Оған қатысы бар күдікті тұлғалар,тергелу үстінде. Жемқорлыққа қарсы арнайы жиын өткізген агенттік қызметкерлері бір қатар ескерту шараларын қаперге алды. Оның соңы,орны толмас өкінішке айналарын тілге тиек етті.

АЙНАГҮЛ ҮШКЕМПІРОВА АЛМАТЫ ОБЛЫСЫ ТАЛҒАР АУДАНЫ БОЙЫНША БІЛІМ БӨЛІМІНІҢ БАСШЫСЫ

Білім саласында мемлекет қаражатын талан-таражға салып,үптеп кету фактілері әсіресе есепшілер тарапынан тыйылмай отыр. Оны қаншама істі болып жатқан күдіктілерге қарап танып-білуге болады. Жемқорлыққа қарсы Агенттік мамандары тағы да ескерту шараларын тілге тиек етті. Жемқорлықсыз қоғам қалыптастыруға шақырды.

https://www.youtube.com/embed/jr5SSn34xsc?si=F8jNVoUCBs3UbTnT" 

Еліміздегі жалғыз монополист жолаушылар тасымалдайтын ұлттық компания Қазақстан Темір Жолы банкротқа ұшырауы мүмкін. Бұл компанияға түбегейлі өзгеріс керек. Осылай деген Жоғарғы аудиторлық палата төрағасы Әлихан Смайылов компания жұмысымын сынға алды. Толығырақ алдағы бейнематериалда. 

ӘЛИХАН СМАЙЫЛОВ ЖОҒАРЫ АУДИТОРЛЫҚ ПАЛАТАСЫНЫҢ ТӨРАҒАСЫ:
«ҚТЖ өз міндеттемелерін толық төлеуге қабілеті жоқ және кредиттік тәуекелдің «қызыл» аймағында тұр. Оның борышы 2024 жылдың басында 2,9 трлн теңгені құрады және әлі де өсіп барады. Жалпы борыштың 45%-ы немесе 1,3 трлн теңгесі бұрын алынған борыштық міндеттемелерді қайта қаржыландыруға бағытталған. Активтердің жай-күйінің нашарлауы, борыштардың өсуі және олард уақытылы қайтару мүмкіндігінің болмауы басқарудағы түбегейлі өзгерістерсіз ҚТЖ-ны дефолтқа ұшыратады»

Осылай деп ҚТЖ жұмысын сынаған Жоғарғы Палата төрағасы Әлихан Смайыловқа депутаттар қарсы сұрақ қойды. 

ЕРЛАН САЙЫРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Әлихан Асханұлы, сіз ҚТЖ-ның қаржылық жағдайы мүшкіл екенін айттыңыз. Шыны керек, ол жағдай сіз Премьер-министр болып тұрған кезде ушығып кеткен болатын. Сондықтан сізге сыпайы сұрақ қояйын. Сол кезде неге осы мәселемен айналыспадыңыздар? Екінші сұрағым, неге ҚТЖ-ға қатысты деректер құпия деректерге жатқызылған? ҚТЖ-ға қашан қоғамдық бақылау тетігін енгіземіз? Сіздер жауып қойған қазанның ішінде жемқорлықтың көкесі жатқан жоқ па?»

ӘЛИХАН СМАЙЫЛОВ ЖОҒАРЫ АУДИТОРЛЫҚ ПАЛАТАСЫНЫҢ ТӨРАҒАСЫ:
«Кезінде бұл мәселелерді бірнеше рет көтеріп, тиісті салалық министрлікке және ҚТЖ-ға тапсырма беріп, талап қойдық. Бірақ қабылданған шаралар толық көлемде жүрмей, тиімсіз болып шықты. Сондықтан бұл мәселені тағы көтеруге мәжбүр болып отырмыз. Аудиторлық тексеріс барысында кейбір мәліметті уәкілетті органдардан сұрадық». 

Сондай-ақ отырыста депутаттар пойыздардың уақытынан кешігуі неге жиілеп кеткенін сұрады. Оған жауапты көлік министрлігі теміржол желілерінің тозуымен байланыстырды. Айта кетсек, елімізде 57 пайыз рельстер тозығы жетіп  тұр. Сондықтан соңғы 3 жылда, тіпті 2 жылда жөндеу жұмыстарын жүргізуді көбейткен. Алайда, мердігерлер жауапсыздығынан бұл жұмыстар уақытында іске аспай жатқан көрінеді.

https://www.youtube.com/embed/Fb4d3XSzZFA?si=bDZNh4-ug6kw0qgX" 

Елімізге мемлекеттік іс сапарымен Корея Республикасының Президенті Юн Сок Ёль арнайы келді. Құрметті мейманды ақорда резиденциясында Мемлекет басшысы Қасым-Жомарт Тоқаев салтанатты жағдайда қарсы алды.

Қазақстанға арнайы келген Корея елінің басшысы мен Қазақстан Президенті Қасым-Жомарт Тоқаев шағын құрамда келіссөз жүргізді. Мемлекет басшысы өзінің шақыруын қабыл алып, елімізге сапармен келгені үшін кореялық әріптесіне алғыс айтты. Сондай-ақ мұны екі ел арасындағы ынтымақтастықты нығайтуға деген шынайы ниеттің айқын көрінісі деп бағалайтынын жеткізді. Өз кезегінде Юн Сок Ёль екі ел арасындағы стратегиялық серіктестіктің 15 жылдығы қарсаңында Қазақстанға сапармен келгеніне қуанышты екенін тілге тиек етті. Келіссөз барысында Қасым-Жомарт Тоқаев пен Корей жетекшісі  елдеріміз  арасындағы қарым-қатынасты кеңейтілген стратегиялық серіктестік деңгейіне көтеруге ниетті екенін тағы да растады. Сондай-ақ осы байланыстарды саяси, сауда-экономикалық және мәдени-гуманитарлық ынтымақтастықтың нақты бағыттары бойынша одан әрі нығайта түсуге өзара ниет білдірді. 
Бұдан кейін Қасым-Жомарт Тоқаев пен Корея Республикасының Президенті кеңейтілген құрамда келіссөз жүргізді. Екі ел делегацияларының қатысуымен өткен келіссөз барысында Мемлекет басшысы Қасым-Жомарт Тоқаев Президент Юн Сок Ёльдің Қазақстанға жасаған алғашқы мемлекеттік сапарын тарихи оқиға деп бағалады. Сондай-ақ бүгінгі келіссөздер қазақ-корей ықпалдастығының аясын кеңейтіп, екіжақты байланысты жаңа белеске көтеретінін айтты. Қазақстан Президентінің пікірінше, Оңтүстік Корея жаһандық ауқымдағы нағыз экономикалық және технологиялық локомотивке айналды. Ал әлемге әйгілі корей корпорациялары халықаралық аренада елдің «негізгі жаһандық мемлекет» ретіндегі позициясын ілгерілетуге елеулі үлес қосып келеді. 

ҚАСЫМ-ЖОМАР ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

Келіссөз барысында энергетика, инфрақұрылым, өнеркәсіп, машина жасау, сауда, көлік-логистика, цифрландыру, аэроғарыш өнеркәсібі, қаржы секторы, білім беру, денсаулық сақтау, фармацевтика, туризм, мәдениет, экология және басқа да салалардағы екіжақты ықпалдастықтың перспективалары талқыланды. Кездесу соңында Президент Қасым-Жомарт Тоқаев мазмұнды және конструктивті келіссөз жүргізгені үшін корей тарапына ризашылық білдірді.

Екіжақты келіссөздерден кейін Мемлекет басшысы мен Корея Республикасының Президенті бұқаралық ақпарат құралдарының өкілдері үшін бірлескен мәлімдеме жасады. Қос мемлекет басшыларының екі жақты кездесуінің нәтижиесі аясында сирек кездесетін металдарды бірлесіп зерттеу және өндіру мәселесі де қарастырылды. Қасым-Жомарт Тоқаев Қазақстан нарығына кіргісі келетін корей компанияларына қолайлы жағдай жасауға дайын екеніне назар аударды. Оның пікірінше, мұны жүзеге асырудың нақты жолдары бар. Үкіметаралық комиссия, Іскерлік кеңес пен бизнес қауымдастық арасындағы жұмыс тобы құрылған. Бұл құрылымдар екіжақты экономикалық байланысты нығайтуға зор септігін тигізеді. 

https://www.youtube.com/embed/C3BnHQSO2QM?si=lUP1ftGCqBt5R7mL" 

https://www.youtube.com/embed/Ewuwser4zaY?si=ZsfocHJO_75XoDM3" 

Премьер-Министр Олжас Бектеновтің төрағалығымен өткен Үкімет отырысында денсаулық сақтау инфрақұрылымын дамытудың 2024–2030 жылдарға арналған тұжырымдамасы қабылданды. Мемлекет басшысының тапсырмасы бойынша Денсаулық сақтау министрлігі әзірлеген құжатты министр Ақмарал Әлназарова таныстырды.Министрдің мәліметінше, бүгінде елімізде 7 337 денсаулық сақтау нысаны медициналық қызмет көрсетеді. Оның ішінде 663-і стационарлық, ал 6 674-і алғашқы медициналық-санитариялық көмек көрсететін нысан.Соңғы 5 жылда 400-ден астам медициналық нысан салынып, 36%-дан астам нысанға жөндеу жұмыстары жүргізілді. Сонымен қатар жалпы сомасы 261 млрд теңгеге медициналық құрал-жабдықтар сатып алынған. Бұл ретте инфрақұрылымның тозу деңгейі жоғары 50% күйінде қалып отыр.

АҚМАРАЛ ӘЛНАЗАРОВА ҚР ДЕНСАУЛЫҚ САҚТАУ МИНИСТРІ:  «Бірінші бағыт бойынша инфрақұрылымды жоспарлау процесі демографиялық және халықтың аурушаңдық көрсеткіштеріне ұзақ мерзімді болжамдарына негізделеді. Осы іс-шараларды тиімді іске асыру үшін қажетті нормативтік құқықтық актілер қабылданып, қолданыстағы ақпараттық жүйе базасында денсаулық сақтау инфрақұрылымының цифрлық картасы әзірленеді. Бұл өз кезегінде инфрақұрылымды оңтайлы жоспарлауды, мониторинг жүргізуге мүмкіндік береді. Тұжырымдаманы іске асырудың бірінші кезеңі денсаулық сақтау объектілерін құрылысын кезең-кезеңімен жүргізуді көздейді. Бұл ретте, 11 440 төсек орынды құрайтын 34 негізгі жоба қарастырылған». 

Жоспарға сай өңірлерде заманауи көпсалалы ауруханалар салынады. Олардың ішінде: 6 университеттік клиника, 14 аурухана, 11 перинаталдық және 3 ұлттық орталық бар. Бұдан басқа денсаулық сақтау объектілерін күрделі жөндеу және жабдықтау жұмысы жалғасады.Үкімет басшысы жиын барысында медицина саласын жаңғыртуға байланысты бірқатар тапсырмалар жүктеді.

ОЛЖАС БЕКТЕНОВ ҚР ПРЕМЬЕР-МИНИСТРІ