https://www.youtube.com/embed/ziRcvbn6Rzg?si=BfUZHj0znA90EGTt" 

https://www.youtube.com/embed/cCp7HNqqnz4?si=8fScoPBFqmaWCfxI" 

Алматыдағы Қазақ ұлттық қыздар педагогикалық университетінде Қазақстанның еңбек сіңірген қайраткері, Білім беру ісінің үздігі, әнші, композитор, өмірін өнерімен өрнектеген Ағайша Исағұлованың 80 жылдық мерейтойын атап өтті. Оның шығарған және сүйемелдеген 300-ге жуық музыкалық жазба Қазақ радиосы мен телевидениесінің «Алтын қорында» сақталған. Сонымен қатар халық арасында кеңінен тараған 80-ге жуық әннің авторы.

Ағайша Исағұлованың қазақ эстрада өнеріне қосқан үлесі ұшан-теңіз. Оның 1968 жылы құрған «Айгүл» ансамблі республика ғана емес, Кеңес Одағының көлемінде, алыс шетелге де аты шықты. Вокалды аспаптық халық ансамбль атақты «Досмұқасан», «Гүлдер» топтарының ашылуына да мұрындық болды. 

АҒАЙША ИСАҒҰЛОВА ҚАЗАҚСТАННЫҢ ЕҢБЕК СІҢІРГЕН ҚАЙРАТКЕРІ: «Көзді ашып жұмғанша мен 80 жасқа келіп жеттім. 80 жасқа келудің өзі түрлі-түрлі ғажап, өмірдің соқпақтарын өтіп келдік. Аман-есен осыған жетуім қара шаңырағым үйімнен кейін Қазақ ұлттық қыздар педагогикалық университеті мені құшағына алып, мені бүгінге дейін аялады. Сондытан мен рахмет айтамын Университетімнің ұжымына алғыс айтамын. Осы жерге келіп тұрған менің әріптестеріме университет ректоры Гүлмира Әмірханқызының адами қасиеті өте жоғары, білімді осындай шараны ұйымдастырып, апайға алғыс деп атқанына рахмет.»

Мерейтойлық кешке өнер және мәдениет саласының майталмандары, университет оқытушылары мен студенттері, профессордың шәкірттері және әріптестері қатысты.

ГҮЛМИРА ҚАНАЙ ҚАЗАҚ ҰЛТТЫҚ ҚЫЗДАР ПЕДАГОГИКАЛЫҚ УНИВЕРСИТЕТІНІҢ РЕКТОРЫ: «Ағайша апай екеуміз көтеріліп келе жатсақ, 18- жасымнан бастап өмірім өтіп жатыр деді. Қаншама жыл елге, университетке еңбегі сіңген біздің профессор Ағайша Исағұлованың 80 жылдық мерейтойын тойлап жатырмыз. Осында отырған қыздарымыздың барлығына жұғысты болсын. Сіздердің өмірлеріңіз де осындай тамаша жетістікке толы болсын. Сіздерде әлемнің үлкен сахналарында өнер көрсетіңіздер. Елімізді танытып, университетіміздің даңқын асыра беріңіздер. Университетіміздің рухы, жүрегі өзіңізсіз апай».

Іс-шара барысында Ағайша Исағұлованың педагогикалық және шығармашылық еңбектері туралы бейнеролик көрсетілді. Сонымен қатар Басқарма Төрағасы-Ректоры Гүлмира Қанай Ағайша Исағұлованы мерейтойымен құттықтап, Қазақ ұлттық қыздар педагогикалық университеті атынан сыйлық табыстады. Түлектер ұстаздарына жүрекжарды алғыстарын білдіріп, жылы лебіздерін жеткізді.

https://www.youtube.com/embed/sld_qHm1Kf8?si=GHxbPmzRUNRWRo81"

Білім мен тәрбие – қоғам дамуының басты тірегі. Осы орайда, педагогика саласына өлшеусіз үлес қосып жүрген белгілі азаматтар Мұхтар Ботабайұлы мен Ертай Сұлтанұлы жастармен жүздесті. Бірі ұстаз,бірі шәкірті. Екеуі де ұстаздардың ұстаханасына айналған киелі шаңырақ Абай атындағы Қазақ Ұлттық Педагогикалық университетінде қызмет етеді. «Абайдан-Абайға» деп аталған басқосу барысында Абай университетінің өкілдері еліміздегі тұңғыш оқу орнының жетістіктерімен бөлісіп, 95 жылдан аса терең тарихы бар университет халықаралық және отандық рейтингтерде педагогика саласында көшбасшы болып табылатынын, жоғары оқу орны қабырғасында Ахмет Байтұрсынов, Сәкен Сейфуллин, Халел Досмұхамедов, Ілияс Қабылов, Баймен Алманов, Темірбек Жүргенов сияқты ұлы тұлғалар сабақ бергенін атап өтті. Мұхтар Ботабайұлы талай таланттарды түлеткен Абай мектебін 13 жыл басқарса, шәкірті Ертай Сұлтанұлы бүгінде Абай атындағы Қазақ Ұлттық Педагогикалық университетінде проректоры болып еңбек етеді.

МҰХТАР БОТАБАЙҰЛЫ АБАЙ АТЫНДАҒЫ ҚАЗҰПУ ҚЫЗМЕТКЕРЛЕР КӘСІПОДАҚ ҰЙЫМЫНЫҢ ТӨРАҒАСЫ

Кездесуге қатысқан жастар ұстаздардың өмірлік тәжірибесінен үлкен әсер алып, педагогикалық қызметке деген қызығушылықтарының артқанын атап өтті. 

ЕЛДОС НӘДІРБЕК ОҚУШЫ

https://www.youtube.com/embed/yFTp2B-QPRU?si=MrrOY6tEuTGZvWUY" 

https://www.youtube.com/embed/IXxS4rjOMjo?si=uNzKA9z9uD4T_cOx"

Өткен көктемде СҚО өңірінде су тасқыны болып, Есіл өзеніне жақын орналасқан елді мекендер мен Петропавлдың бірнеше шағын ауданы су астында қалған еді. Биыл мұндай жағдайдың қайталанбауы үшін апаттың алдын алуда бірқатар жұмыстар атқарылып жатыр. Мәселен Заречный ауданының тұрғындарына қоныс аудару ұсынылды.  Былтырғы  тасқынға дейін 913 адам тұрған бұл маңда қазіргі таңда  251 үй және 521 адам қалған. Оның 160-ы пәтер болса, қалғаны – жеке тұрғын үй. Сондай-ақ  мектеп және ерлер колониясы орналасқан.  Қала әкімінің баспасөз хатшысы Әсем Айтулованың айтуынша, қоныс аудару процесі заң аясында жүргізіледі. Әкімдік тұрғындарға жаңа баспана немесе ақшалай өтемақы алу мүмкіндігін ұсынып отыр.

ӘСЕМ АЙТУЛОВА ПЕТРОПАВЛ ҚАЛАСЫ ӘКІМІНІҢ БАСПАСӨЗ ХАТШЫСЫ: «Ол жерге бөгет салу тиімсіз болғандықтан, тұрғындарды көшіру қажет деген шешім қабылданды. Қазіргі уақытта қалада екі көпқабатты үй салынып жатыр, және Заречный тұрғындары заңға сәйкес сол жерге көшірілетін болады. Егер пәтер алғысы келмесе, ақшалай өтемақы алу мүмкіндігі бар. Ал өз үйлерінде қалғысы келетіндерге ешқандай шектеу қойылмайды – бұл олардың өз еркі.+ 01:41 – 02:02 Ол жерде түзету колониясы да бар, және қазіргі таңда оның жаңа орны таңдалып, басқа жерге көшірілетін болады. Сонымен қатар, қалада 500 орындық жайлы мектеп салынып жатыр. Егер қажеттілік туындаса, оқушылардың барлығы сол мектепке көшірілетін болады».

https://www.youtube.com/embed/WLVfNT5eGeA?si=WFdZ5-xH5VKhcQ10" 

Әлеуметтік желіде Алматыдағы қатты қалдықтарды өңдеу зауытында әйелдің бөлшектелген денесі табылғаны туралы ақпарат тарады.Алматы қаласының Полиция департаменті бұл деректі растады. Кейбір мәлімет бойынша, 1983 жылы туылған ер адам өзімен бірге ішімдік ішіп отырған 36 жастағы әйелмен жанжалдасып, оны өлтіріп тастаған. Кейінен денесін бөлшектеп, қоқыс жәшігіне лақтырған. 

САЛТАНАТ ӘЗІРБЕК АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ: «Түрксіб аудандық полиция басқармасына қарасты полиция бөлімі кісі өлтіру дерегі бойынша қылмыстық іс қозғады. Күдікті ұсталды және уақытша ұстау изоляторына қамалды.Алдын ала мәлімет бойынша, ер адам өзімен бірге ішімдік ішіп отырған әйелмен жанжалдасып, оны өлтіріп тастаған. Басқа да мән-жайлар анықталып жатыр». 

https://www.youtube.com/embed/9glRfWYLu-M?si=0EmibCxgucTLUbkN" 

2025 жылғы 10-17 ақпан аралығында Қазақстанда Халықаралық балалар обырына қарсы күрес күніне арналған хабардарлық апталығы өтуде. Акция шеңберінде бүкіл ел бойынша балалар обыры проблемасы туралы білімді арттыруға, пациенттердің отбасыларын қолдауға және қоғамның ынтымақтастығын дамытуға бағытталған ауқымды ақпараттық науқан ұйымдастырылды.  

Әкімдіктердің, ҚР Денсаулық сақтау министрлігінің қолдауымен қалалардың орталық көшелерінде, LED-экрандарда, медиабордтарда және медициналық ұйымдарда ерте диагностиканың маңыздылығына, емдеудің заманауи әдістеріне және осы аурумен күресетін балаларды әлеуметтік қолдау қажеттілігіне назар аударатын арнайы бейнероликтер таратылады.  

Акцияның мақсаты - қоғамның назарын кішкентай пациенттер мен олардың отбасыларының алдында тұрған мәселелерге аудару, сондай-ақ уақтылы көмек пен хабардарлық көптеген балалардың өмірін сақтап қалуы мүмкін екенін еске салу.  

«Біз ақпараттандыру өзгерістерге алғашқы қадам деп санаймыз. Бұл апта балалар обырымен күрестің маңыздылығын еске салып қана қоймай, қоғамның, дәрігерлер мен мемлекеттік құрылымдардың күш — жігерін біздің қолдауымызға мұқтаж балаларға көмектесу үшін біріктіру мүмкіндігі болып табылады», - деп атап өтті акцияны ұйымдастырушылар.  

15 ақпанда атап өтілетін Халықаралық балалар обырына қарсы күрес күні үміт пен бірліктің символына айналды. 
Қазақстан бұл жаһандық бастамаға елеулі үлес қосып, хабардарлық деңгейін арттыруға және адамдарды маңызды істің айналасына біріктіруге көмектеседі.  

«Help Today» ҚҚ, «Педиатрия және балалар хирургиясы ғылыми орталығы» АҚ, «Қазақстан педиатрларының одағы» ҚБ акциясын ұйымдастырушылар барлық қазақстандықтарды осы бастаманы қолдауға және балалармен және олардың отбасыларымен ынтымақтастық білдіруге шақырады. Біз бірге оларға салауатты болашаққа мүмкіндік бере аламыз!  

https://www.youtube.com/embed/SvYJhyM2Nis?si=RlhyVOm35zXvWVse" 

Биыл Ұлы Отан соғысына 80 жыл толмақ. Осыған орай жастарды патриоттық тәрбиелеу, ата-бабаларымыздың ерлігін еске алау мақсатында Офицерлер үйінде арнай іс-шара өткізілді. Толығырық тілші бейнематериалында.

Бүгінгі күні жүргізіліп жатқан әскери-патриоттық тәрбие беру жұмысы өскелең ұрпақ бойында жауапкершілік, жоғары руханилық, адамгершілік, белсенді азаматтық ұстаным, патриоттық сана, әділеттілік, туған жерге деген сүйіспеншілік пен құрмет сияқты қасиеттерді қалыптастыруға және дамытуға бағытталған. 

АЙГҮЛ ҚАСЫМБЕК АЛМАТЫ ҚАЛАСЫ БОСТАНДЫҚ АУДАНЫ БІЛІМ БӨЛІМІНІҢ БАСШЫСЫ «Бүгін біз Бостандық ауданы,мектептер, оқушылар, Жас сарбаз клубының  мүшелері, бүгін осы үлкен мемориалдың қасына жиналдық, мәңгілік алаудың қасына себебі тағзым жасайық  деп келдік.Биыл білесіздер Ұлы жеңіске 80 жылдығын тойлап жатырмыз, атап өтіп жатырмыз. Жылдан жылға арамызда Ұлы Отан соғысы ардагерлері азайып бара жатыр.Оның үстіне тарихты білетін,әр бала өзі зерттесе мен ойлаймын жадында сақталады».

Жастарды әскери-патриоттық тәрбиелеудегі ең бастысы – жүйелілік, тұрақтылық және тәрбие. Бұл үрдіске мемлекеттік органдар, білім беру мекемелері, қоғамдық ұйымдар және ата-аналар бірігіп атсалысуы тиіс. Тек осылай ғана біз Отанға адал, жауапты және патриоттық сезімге толы жастарды тәрбиелей аламыз.

АЗАМАТ АЛМАСҰЛЫ «ЖАС САРБАЗ» КЛУБЫНЫҢ МҮШЕСІ: «Бүгінгі іс-шара ата бабаларымыздың Ауған соғысында жасаған ерлігін еске алу деп санаймын, бұл іс-шараның маңызы, балалардың жасөспірімдердің патриоттық сезімін ояту және сол жолдағы политикалық орнаған жағдайды еске түсіру және болашақта болдырмау.»

https://www.youtube.com/embed/k8tLjOezlpA?si=ltcPlljXYEZXwgVt" 

Бүгін Алматыда қалалық мәслихатының кезектен тыс XXVII сессиясы өтті. Жиын барысында қала тұрғындары үшін маңызды бірнеше шешімдер қабылданды. Сонымен қатар Алматы қаласын жылумен жабдықтауды дамытудың 2030 жылға дейінгі жоспары талқыланды.

Алматы қаласы Энергетика және сумен жабдықтау басқарма басшысының міндетін атқарушы Нұрбақыт Серікбайдың айтуынша, 2040 жылға қарай мегаполистің жылу энергиясына қажеттілігі 30 пайызға өседі. Ол бұл қажеттілікті өтеу үшін қолданыстағы жылу жүйелерін жаңғырту және жаңа энергия көздерін енгізу қажет екенін атап өтті. Оның сөзінше, бүгінгі күні шаһардың жылу энергиясына қажеттілігін 85%-ға өтеп отырған «АлЭС» АҚ мен «АТКЭ» ЖШС-ына 2040 жылға дейін жылу желілерін жаңарту үшін қомақты қаржы керек.

НҰРБАҚЫТ СЕРІКБАЙ АЛМАТЫ ҚАЛАСЫ ЭНЕРГЕТИКА ЖӘНЕ СУМЕН ЖАБДЫҚТАУ БАСҚАРМА БАСШЫСЫНЫҢ МІНДЕТІН АТҚАРУШЫ: «Жылу желілерін реконструкциялау және салу жөніндегі жұмыс бюджет қаражаты есебінен қаржыландырылады. «АлЭС» АҚ аймағына 270 млрд теңге қажет. Оның ішінде ЖЭО-2 – батыс жылу кешені жылу магистралінің құрылысына шамамен 55 млрд теңге жұмсалады. «АТКЭ» ЖШС аймағына 154 млрд теңгеден астам қаржы бөлу қажет».

Сондай ақ алып шаһардағы қоғамдық көлік мәселесі де отырыста күн тәртібі болып қаралды.Қала маңындағы аймақ тұрғындарының көпшілігі қала мен қала маңы арасында қоғамдық көліктің жетіспеушілігі немесе мүлдем болмауы проблемасына тап болады, сондықтан олар жеке тасымалдау қызметтерін пайдалануға мәжбүр. Осыған байланысты, күн сайын қала аумағына 300 мыңнан астам көлік кіріп-шығады.Қала аумағына кіретін көлік құралдарының үлкен ағынын қысқарту мақсатында бүгінде қоғамдық көлікті дамытудың шұғыл қажеттілігі туындап отыр. Бұл туралы Алматы қаласы Мәслихатының ХХVІІ шақырылымында қалалық мобилділік басқармасының басшысы Сағындық Телібаев мәлімдеді. 

САҒЫНДЫҚ ТЕЛІБАЕВ АЛМАТЫ ҚАЛАЛЫҚ МОБИЛДІЛІК БАСҚАРМАСЫНЫҢ БАСШЫСЫ

Шаһар тұрғындарының мүддесіне тиімді қызмет ету үшін ұйымдастырылған отырыста маңызды бастамалар қабылданды.

https://www.youtube.com/embed/7fAYB8l4Hzw?si=8TCrMHiNQuVA2HV3" 

https://www.youtube.com/embed/t1F8BM5HMP0?si=SeJYpWBGJtEgqP-p" 

Биыл қазақтың лирик ақыны Мұқағали Мақатаевтың  туғанына 94 жыл толып отыр. Осыған орай Алматы қаласындағы Жоғарғы оқу орнының бірінде жыр жампозы ақынның шығармашылығына арналған әдеби челлендж бастау алды. Әсіресе, білім алушылар Египет, Монғолия, Қытай, Турция, Ресей, Марокко, Өзбекстан, Қырғызстан және т.б., әлемнің он бес елінен келіп білім алып жатқан шетел студенттері, Онгуз Берен, Мэти-Корли Исаак Опар  бірнеше тілде ақын өлеңдерін нақышына келтіре оқып жиналған қауымды тебірентіп, Мұқағали жырларының шынайылығы мен құдіреті ұлт пен шекара талғамайтынын тілге тиек етті.

ТАСҚЫН ЕРКІНБЕКҰЛЫ  СТУДЕНТ

МЭТИ- КОРЛИ ИСААК ОПАР  СТУДЕНТ

Сонымен қатар, студенттер ақынның туған жері Алматы облысы,  Райымбек ауданы, Қарасаз ауылына арнайы барып ақынның мұражайымен танысып және Алматы қаласындағы ескерткішіне тағзым етіп, гүл шоқтарын қойып, өлеңдерін ескерткіш басында оқыды.