https://www.youtube.com/embed/i8h0rmtv_hA?si=-eUzPvAtvhlHpI5b" 

Кәрім Мәсімовтің Астанадағы сарайы 1,8 млрд теңгеге сатылымға шығарылды. Қайтарылған активтерді басқару компаниясы Астанадағы жылжымайтын мүлік аукционға шығарылғанын мәлімдеді. Аукцион 2025 жылғы 25 ақпанда сағат 10:00-де E-Qazyna веб-платформасында өткізіледі.

Аукцион аясында Астана қаласындағы  Ерейментау көшесі, 1-құрылыс мекенжайында орналасқан жертөлесі бар тұрғын үй сатылымға қойылады. Нысанды сату барлық қатысушы үшін  қолжетімді.Ғимараттың бастапқы бағасы 1,8 млрд теңге. Аукцион бағаны көтеру форматында өтеді.

https://www.youtube.com/embed/-jVYjAhcWZk?si=L5x7UAUaXivjFc6Z"

https://www.youtube.com/embed/21o3761cNnI?si=_V7RXsrKcL1qEH2i" 

Бюджет шығыстарын тиімді жұмсау керек. Сенат төрағасы Мәулен Әшімбаев бүгін отырыста осындай тапсырма берді. Бюджет кодексін қараған жоғары палата депутаттары құжатты мақұлдаған жоқ, мәжіліске кері қайтарды. Себебі, олар бюджетке елеулі өзгерістер енгізу қажет деп есептейді. Толығырақ алдағы бейнематериалда. 

Бүгін сенаторлар белсенді. Олар ел үшін аса маңызды құжатты қарады. Бюджет кодексін талқылаған депутаттар қосымша құн салығының 12-ден бірден 20 пайызға артқаны облыстағы ағайын үшін ауыр соққы бола ма деп алаңдайды. 

ОРЫНБЕК БЕКБОЛАТОВ ҚР ПАРЛАМЕНТІ СЕНАТЫНЫҢ ДЕПУТАТЫ:
«Үкіметтің соңғы мәлімдемелеріне сүйене отырып, бүгінгі таңда көп талқыланған мәселелердің бірі қосылған құн салығының мөлшерлемесін қазіргі 12 пайыздан 20 пайызға дейін арттыру болып отыр. Егер осы ұсыныс толық шешім тапқан жағдайда әлеуметтік салықты жою ұсынылады. Аталған салық негізінен жергілікті бюджеттің төрттен бірін құрап, маңызды кіріс көзінің біріне айналған. Бұл бәрімізге белгілі. Бүгін қарап отырған Бюджет кодексінде бөлу нормативтеріне сәйкес, әлеуметтік салық облыстық және аудандық бюджетте қалды. Ал кейбір корпоративті және жеке табыс салықтары үшінші, төртінші деңгейге беріліп отыр. Бұл қаншалықты орынды екені депутаттардың арасында қатты талқыланған болатын. Егер әлеуметтік салық жойылатынын ескерсек, онда қандай кіріс көздері, әсіресе, облыстық бюджетке қалады? Бұл мәселе өте маңызды. Мұндай жағдайда шығындардың болжамды сомасы қандай және облыстық бюджет қалай өтеледі?».

СЕРІК ЖҰМАНҒАРИН ҮКІМЕТ БАСШЫСЫНЫҢ ОРЫНБАСАРЫ:
«Бірақ тағы да айтайын, шешім әлі қабылданған жоқ (ҚҚС бойынша). Сол себепті қазір ешқандай қорқынышты жайттар жоқ. Бірақ ертең облыстық бюджетке қаражат жетпесе… Осы жылы тағы да үш жылдық цикл басталады. Жалпы сипаттағы трансферттерді бөлу керек. Әр облыстың жағдайын қарап, субвенция бөлеміз».

Ал, сенат төрағасы Мәулен Әшімбаев болса, артық жөн-жосықсыз шығындарды қысқартып, үнемділікке көшу керек деді. 

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ: 
«Қазір көбіміз Америкада не болып жатқанын, жаңа әкімшілік қандай шаралар қабылдап жатқанын көріп отырмыз. Олар Илон Маск басқаратын жаңа министрлік құрды. Үкіметтің тиімділігін арттыру жөніндегі министрлік деп аталады. Қазір осы министрлік бюджетті қысқарту мәселесімен айналысып жатыр. Әр мемлекеттік органға талдау жасап, тиімсіз деп санаған дүниелерді алып тастап, бюджетті қысқартып жатыр. Олар қанша ақша үнемдейтінін байқап көрейік. Әрине, бізге ешкімнен ештеңе көшірудің қажеті жоқ. Бірақ шығыстарды тиімді жұмсау мәселесіне біз де назар аударуымыз қажет».

Бюджет кодексін талқылаған сенаторлар құжатты қабылдамай, мәжіліске кері қайтарды. Депутаттар кодексе өзгерістер мен толықтырулар енгізу қажет деп санайды. Бюджеттік шығыстарды қатаң бақылауға алып, инвестиция тарту мәселесін заңмен бекіту керек дейді. 

https://www.youtube.com/embed/7i9wsRDEX5s?si=HXKcn98JPwRi3Vtu" 

Қызылорда облысының әкімі Нұрлыбек Нәлібаев Қазалы ауданына жұмыс сапарымен барып, құқық қорғау органдарының басшыларымен аудан әкімдігінде тұрғындарды жеке қабылдап,ауданға тиесілі мәселелерін тыңдады.

Қабылдауға қатысқан азаматтар «Карлаң» және басқа да көпірлердің құрылысын жалғастыру, электр, газ желісін тарту, әлеуметтік көмек, жер телімі, ауыз су тарту, жұмысқа орналасу, сынды бірқатар мәселелерді ортаға салды. Сонымен қатар аудан орталығындағы тарихи ғимараттарды жаңғырту, жайылымдық жерлер мәселесінде көтерді.

ҚАДЫРБЕК БЕГЕЛОВ ҚАЗАЛЫ АУДАНЫНЫҢ ТҰРҒЫНЫ Мен жана ғана облыс әкімінің қабылдауында болдым. Менің көтерген мәселем оқушылар үйін тұрғызу. Біздегі оқушылар үйі өте еске. Жалпы ол 1905 жылы ол шіркеу болған,1924 жылы темір жолшылар үйі болған.1992 жылы Роза бағланова атындағы мәдениет үйі болған.2012 жылдан бастап оқуышлар үйі болды. Өте өте ескі,бөлмелері кішкентай.. Қазіргі заманның талабына сай жабдықтап,үлкен қылып салуын сұрадым. Облыс басшысының жауабы алдағы уақытта қарайтындығын жеткізді»

 НҰРСҰЛТАН АЙЕКЕШОВ  ҚАЗАЛЫ АУДАНЫНЫҢ ТҰРҒЫНЫ Сабалақ жердеге жер мәселесін айттым. Ондағы жердің құжаттарын заңдастырып беруін сұрадым..Бізде мал жайылатын жер жоқ,кілең жасанды жерлер. Ол жерге малды жая алмаймын. Осы сабалақтың төңірегінде ғана жая аламыз.Облыс әкіміне осы бір өзімнің мәселемді айттым. Қанағаттандырарлық жауап алдым. 3 айдың ішінде шешіп беоремін деді.

Сондай ақ облыс әкімі  еңбек ардагерлерімен және зиялы қауым өкілдерімен де кездесіп, өңірдің әлеуметтік-экономикалық дамуындағы мәселелерді талқылады.

https://www.youtube.com/embed/RnuN6siGmfY?si=UwZAnZIjsJv-bjjV" 

https://www.youtube.com/embed/5jeLm5_w2DE?si=Qo1K7Xq-Zd00HO2r" 

https://www.youtube.com/embed/theXS4jMBWQ?si=KnKFLstCPBOdm1gK"

Алматы облысында жол апатынан үш адам қаза болды. Қайғылы оқиға, Алматы-Бішкек тас жолының 102-ші шақырымында орын алған. Алдын ала мәліметтер бойынша, екі жүргізуші мен Hyundai Elantra жолаушысы оқиға орнында қаза тапты. Chevrolet Cobalt көлігінің тағы бір жолаушысы түрлі жарақаттармен ауруханаға жеткізілді. Аталған факті бойынша қылмыстық іс тіркеліп, тергеу жүргізіліп жатыр.

ӘБДІНҰР ТАСЫБАЕВ АЛМАТЫ ОБЛЫСЫ ПД ЖПҚБ БАСШЫСЫ  «Chevrolet Cobalt жүргізушісі жолдың қарсы бағытына шығып, Hyundai Elantra көлігімен соқтығысты. Апат салдарынан оқиға орнында үш адам қаз тапты. Құрметі Алматыоблысының тұрындары мен қонақары сіздерді екі бағыты, бір жолақты жолдарда жүру кезінде басып оз қағидаларын және жол ережесін қатаң сақауға шақырамыз».

https://www.youtube.com/embed/7zkbgDJM4NU?si=l0IokH_Lh8n7VgTT" 

Елорданың қауіпсіздігі мен тәртібін қамтамасыз ету үші ұлттық ұланның 5573 әскери бөлімінде  700-ден астам ұландық алғаш рет жауынгерлік қызметке кірісті. Енді олар бас қаланың көшелерінде патрульдік қызмет атқарып, қоғамдық тәртіп пен азаматтардың қауіпсіздігін қамтамасыз етуге көмектеспек.

Қызметке кіріспес бұрын жас сарбаздар бір айлық әскери дайындықтан өтіп, әскери тәртіптің негіздерін меңгерді. Қалалық ортада қызмет етудің ерекшеліктерімен танысты және төтенше жағдайларға жедел әрекет етуді үйренді. Азаматтармен  қарым-қатынас жасау, құқықбұзушылықтардың алдын алу және қоғамдық орындарда тәртіпті қамтамасыз етуге ерекше назар аударылды.  

ДОСЖАН САХАРИЕВ БАТАЛЬОННЫҢ ШТАБ БАСТЫҒЫ: «Жауынгерлік қызметті атқару үшін бізге жыл сайын екі шақырылым мерзімді әскерге жауынерлер келеді. Әскеге келген әскери қызметшілермен 40 күндей көлемінде алғашқы әскери дайындық жүргізіледі. Оқу көлемі аяқталғанғаи дейін он төрт күн көлемінде жауынгерлік қызыметке енгізу бағдарламысы бойынша оқытылады. Яни жауынгерлік енгізу бағдарламасы үш кезеңнен тұрады Бірінші, екінші кезеңде жеке құрамда дайындық ботын болса, үшіншіде практикалық яғни тәлімгерліктен өткіземіз. Бұдан кейін олар сынақ тапсырады, сынатан өте жақсы баға алған жауынерлер өздігінен қызме атқару үшін жберіледі.» 

Жас сарбаздар шынайы жағдайларға барынша жақындатылған оқу-жаттығулардан өтіп, жедел әрі батыл шешім қабылдау дағдыларын шыңдады. Негізгі мақсат – тек жедел әрекет ету ғана емес, сонымен қатар құқық бұзушылықтардың алдын алу және елордада тұрақты жағдайды сақтау. Қазіргі уақытта құқықтық тәртіп әскерлерінің рөлі арта түсуде, өз кезегінде жас сарбаздар да қоғамдық қауіпсіздікті қамтамасыз етуге өз үлестерін қосуға дайын. Ұлттық ұлан жауынгерлері заңдылық пен қоғамдық тәртіпті сақтай отырып, өз қызметін абыроймен атқаруды жалғастырып келеді.

https://www.youtube.com/embed/YDuLm2_DxtA?si=df3Z59civ0eP0NI1"

https://www.youtube.com/embed/hKzI0_lJTgc?si=A_9SIinghxUkJvSM" 

Бүгінде интернет алаяқтықтың ауқымы кеңейіп, әр түрлі интернет ресурстары мен әлеуметтік желілерді пайдалана отырып, бәзбіреулердің арбауына түскендер саны күн санап өсуде. Осыған орай  полиция қызметкерлері тұрғындарға түсіндірме жұмыстарын жүргізіп, үн-парақтар таратуда. 

Қызылорда облысының көлемінде интернет-алаяқтық қылмыстарының артуына байланысты өңірдің ПД Әкімшілік полиция басқармасының қызметкерлері қала ішіндегі халық көп шоғырланған сауда орталықтарына барып, арнайы жадынама парақтарын тарату арқылы тұрғындарға ескерту жұмыстарын жүргізді. Сондай - ақ, кинотеатрларда,жарнамалық LED экрандарда арнайы бейнероликтер көрсетілуде. Құрметті облыс тұрғындары! Полиция қызметкерлері ешқашан телефон арқылы арнайы іс-шаралар мен тергеу әрекеттерін жүргізбейді. Сонымен қатар, банк қызметкерлері ешқашан сіздің картаңыздың деректемелерін сұрамайтынын, сондай-ақ телефоныңызға келетін кіру кодтарын айтуды талап етпейтінін есте сақтаңыз. Мұндай жағдайларда телефон арқылы сөйлесуді тоқтатып, банк картасында немесе банктің сайтында көрсетілген сенімді нөмірге қайта қоңырау шалу керек. Осыған орай банк қызметкерлері картаңыздың ақпаратын немесе жеке ақпаратыңызды ешкіммен бөліспеу керектігін ескертеді. 

https://www.youtube.com/embed/9w2zYl-9eh0?si=MI6M0mtbehI1Xg4R" 

2025 жылдың 1-2 ақпан күндері Қарасай ауданының №1 балалар және жасөспірімдер спорт мектебінде киокушинкай-кан каратэден балалар, жасөспірімдер және қыздар арасында ашық дәстүрлі  «KASKELEN CUP-2025» Республикалық турнирі өтті. Шара жайлы толығырақ тарқатсақ.

Еліміздің тоғыз өңірінен,көрші Қырғыз елінен 300 ге жуық спортшы қатысқан турнир осымен оныншы мәрте өзінің жалауын желбіретті.  Болашақ ұрпақты патриоттық сезімге тәрбиелеу, Салауатты өмір салтын насихаттау,қалалар  арасында байланысты нығайту,спортшылардың шеберлігін көтеру мақсатында өткен жарыстың Ұлттық Республикалық киокушинкай -кан каратэ федерациясы Алматы облыстық филиалының президенті Бауыржан Бақтыбайұлы  салтанатты түрде тұсауын кесіп,жарысқа қатысушы спортшыларға сәттілік тіледі.

БАУЫРЖАН БАҚТЫБАЙҰЛЫ ҰЛТТЫҚ РЕСПУБЛИКАЛЫҚ КИОКУШИНКАЙ-КАН КАРАТЭ ФЕДЕРАЦИЯСЫ АЛМАТЫ ОБЛЫСТЫҚ ФИЛИАЛЫНЫҢ ПРЕЗИДЕНТІ  

Айтулы шара Алматы облысының дене шынықтыру және спорт басқармасының қолдауымен және Алматы облысының спортты және дене шынықтыруды дамыту орталығы мен Ұлттық Республикалық Киокушинкай-кан каратэ федерациясы Алматы облыстық филиалының ұйымдастыруымен жүзеге асқан. 

ДӘУЛЕТ ЖАРАСБАЕВ АЛМАТЫ ОБЛЫСТЫҚ МӘСЛИХАТЫНЫҢ ДЕПУТАТЫ: «Бүгін сегіз облыстан,Қырғызстаннан спортсмендер келіп жатыр. Бүгінгі Қаскелең кап деген турниріның бірінші жоспары есірткіге қарсы деген жоспар. Соған байланысты балаларды жинап осы керемет турнир өтіп жатыр. 48 номинация бойынша медальдар таратылады. Балалар өте қуанышты жүзбен келген. Екі күн болып жатыр кеше және бүгін. Барлық жастарға,спортсмендерге сәттілік тілеймін. Алыс жерлерден келіп жатыр олар».

44 салмақ  және  7 жас  санатында  «Кумите» ережесі бойынша өткен Республикалық турнирде әлем чемпиондары,азия чемпиондары да бақтарын сынады. Жастарды есірткіден қорғау,денсаулықтарын нығайту мақсатында ұйымдастырылған шараны халықаралық деңгейге көтеру басты мақсат.

БЕКЖАН БАТЫРБЕКҰЛЫ ҰЛТТЫҚ РЕСПУБЛИКАЛЫҚ КИОКУШИНКАЙ-КАН КАРАТЭ ФЕДЕРАЦИЯСЫ АЛМАТЫ ОБЛЫСЫ ФИЛИАЛЫНЫҢ БАСШЫСЫ: «Аталмыш жарысқа Азия чемпиондары, әлем чемпиондары да бақтарын сынап жатыр. Жыл сайын дәстүрге айналған турнирдің де жыл санап ауқымы кеңеюде».

АНУАР МАҚСҰТҰЛЫ АЛМАТЫ ОБЛЫСЫ ПРОКУРАТУРАСЫНЫҢ БАСҚАРМА ПРОКУРОРЫ

Екі күнге жалғасқан «KASKELEN CUP-2025» республикалық турнирінің жеңімпаздары мен жүлдегерлері арнайы тағайындалған  кубок, медаль, дипломдармен марапатталды. Ел ертеңі жастардың салауатты өмір салтын ұстанып, еліміздің көк туын биікке желбіретер нағыз патриот тұлға болып қалыптасуына бүгінгі шараның берері мол.

https://www.youtube.com/embed/6HhOWDhj054?si=Vdniovwuog6nujgA" 

Абай атындағы Қазақ ұлттық педагогикалық университетінде EdUHK -Қазақстан білім академиясының және озық тәжірибе орталықтары ашылды. Бұл іс-шара Гонконг білім академиясының, Абай атындағы ҚазҰПУ мен Қазақ Ұлттық Қыздар Педагогикалық Университетінде Академиялық ортаны жақсартуға және жаһандық білім беру практикасын дамытуға бағытталған. 

Академияның қызметі білім беру саласындағы инновациялық зерттеулер мен идеялармен алмасуды ілгерілетуге бағытталан. Сондай-ақ Қазақстан мен жалпы Орталық Азиядағы білім беру жүйелерін жақсарту үшін жаңа мүмкіндіктер ашады. Қазақстандық білім беру академиясының ашылуы халықаралық білім мен тәжірибе алмасуға, озық технологияларды оқу үдерісіне енгізуге мүмкіндік  беретіні сөзсіз.

БОЛАТ ТІЛЕП АБАЙ АТЫНДАҒЫ ҚАЗҰПУ  БАСҚАРМА ТӨРАҒАСЫ «Академияның негізгі бағыты педагок, мұғалім мамандығын даярлаумен айналысып келе жатқан өте білікті жоғарғы деңгейдегі ЖОО болып табылады. Осы жұмыс бұдан 6 ай бұрын басталған жұмыс. Біз соның нәтижесіне күә болып отырмыз. Яғни қазіргі таңда Абай атындағы университетінің қабырғасында қазақ- гонконг академиялық орталық ашылып отыр. Бұл жерде Қазақ ұлттық педагокиалық университетінің негізінде Гонконгтық әріптестерімізбен бірге жалпы инклюзивті білім беру  бағытындағы ғылыми жетістіктермен басқада академиялық жетістіктермен бөлісетін боламыз. Яғни бұл жерде барлық форматтағы жұмыстар бар, қос дипломдық оқыту жалпы академиялық ұтқырлық бағдарламасы бойынша, оқытушылар алмасу бойынша дегендей. Бұл орталықтың қазіргі таңда маңызды бір бөлігі. Оқыту барысында жасанды интеллекті қолдану мүмкіндігі. Қазіргі таңда бұл бағыта біз жұмыс бастап жатырмыз». 

Гонконг білім беру университетінен және еліміздің өзге өңірлеріндегі жоғары оқу орындарынан келген қонақтар  Абай университеті жанынан ашылған  «Инклюзивті білім беру және білім берудегі жасанды интеллект» орталығының жұмысымен танысты.  Бұл орталық алдағы уақытта білім беру процесіне жасанды интеллект технологияларын енгізуге және оқыту сапасын жақсартуға ықпалын тигізетін болады. Жаңа білім беру нысаны  педагогика және білім беру саласында озық зерттеулер жүргізетін орынға айналады деген жоспар бар. Заманауи технологиялар мен тәсілдерді үйрету арқылы педагогтартарды даярлау бағытында да жұмыс жасайтын болады.

ДЖОН ЛИ ЧИ-КИН  EDUHK ПРЕЗИДЕНТІ, ПРОФЕССОР «Біз Гонконг білім беру университетінен келіп тұрмыз. Академияны ашып, педагоктар білім беру орталығының бой көтергеніне қуаныштымыз. ҚР Ғылым және жоғарғы білім министірі Саясат Нұрбекке ерекше алғыс білдіргіміз келеді бізге осындай мүмкіндік сыйлаған. Бұл академияда конференциялар, семинарлар мен қызықты тренингтер ұйымдастыратын боламыз. Біздің ойымызша, академия Қазақстандық педагоктардың біліктілігін шыңдап қана қоймай Орталық Азия елдерінің педагоктарының білімін арттырады.»

Инклюзивті білім беретін инновациялық орталық еліміздің жоғары оқу орындары мен  педагогикалық қоғамдастығы үшін үлгі болмақ. Қазақстанды Орталық Азияның білім беру ордасы ретінде танытуға септігін тигібек.