https://www.youtube.com/embed/jAySFVMF2NI?si=eqPv20wEt2vPr2XY" 

https://www.youtube.com/embed/KiB424iEc2I?si=mrfAPNm-Hfsg2GwF" 

Жасанды интеллект чат джипитидің Қазақстанда қолдану аясы шектелуі мүмкін. Бүгін Парламентте Мәжіліс депутаттары осындай бастама көтерді. Олар әсіресе, бұл жүйені мемлекеттік қызметкерлер мен мектеп оқушылары үшін қолжетімсіз ету қажет деп отыр. Әйтпесе, мұның арты мемлекет келешегіне қауіп төндіреді деп алаңдайды. Толығырақ алдағы бейнематериалда.  

Депутаттар дабыл қағуда. Олар қазір жастардың жаппай ЖИ-ді қолдануы қауіпті құбылыс деп отыр. Егер мұны заңмен шектемесе болашақта жастар «өздері ойланудан» қалады. Өйткені, бүгіннің өзінде мектеп оқушылары үй тапсырмасын осы чаттың көмегімен орындайды. Егер ол олай жалғасса ертеңгі күні оқушыларымыз студент болады және олар еңбек нарығына араласады, сол кезде соның зардабын 20 жылдан кейін шығады. Бұл елімізге келе жатқан үлкен қауіптің бірі дейді мәжілісмендер. 

АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Жасанды интеллектке байқап қараймын. Тіпті кейде қорқамын. Шынымен қорқамын. Себебі бұл - интеллектуалдық деградацияға апарудың бір жолы. Адам өзі ойланып жазбаса, композитор музыкасын шығармаса, қалай болып барамыз?! Әлем жасанды интеллекті қолданды деп, біз де соңынан ере береміз бе?! Бұл алма піс, аузыма түс деген жалқау шенеуніктерге жақсы болды. Ал енді Chat GPT-тің ар жағындағы бенефициары кім? Ол материалдарды жинап, ертең өзімізге қарсы пайдаланбайтынына кім кепіл?».

Ал, жауапты орган болса, бұл технологияның дамуы, оның пайдалы тұстары да көп деп отыр. 

ҚАНЫШ ТӨЛЕУШИН ҚР ЦИФРЛЫҚ ДАМУ, ИННОВАЦИЯЛАР ЖӘНЕ АЭРОҒАРЫШ ӨНЕРКӘСІБІ МИНИСТРЛІГІНІҢ БІРІНШІ ВИЦЕ-МИНИСТРІ «ЖИ-дің жақсы жағы да бар. Жылдың аяғына дейін мемлекеттік органдармен бірге 50-ге жуық ЖИ шешімдерін ассистент ретінде әзірлейміз».

Ал, енді бір топ депутат болса, жасанды интеллект елімізде адамдарды жұмыссыз қалдыруы мүмкін деп алаңдайды. 

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Барлығымыз өміріміздің көп саласын жасанды интеллект арқылы реттеуге болатынын білеміз. Жалпы жасанды интеллектінің еңбек нарығы саласына қалай әсер ететінін түсініп отырмыз. Дүниежүзілік экономикалық форумның дерегі бойынша, ЖИ әлемде 90 млн жұмыс орнын алмастырмақ. Бұл мәлімет бірнеше жылдан бері зерттеліп келеді. Әрине бұл еңбек нарығына әсер етеді».

Сондықтан, депутаттар бүгін заңның таныстырылымында көтерілген бұл өзекті мәселелер алдағы уақытта қабылданатын жаңа құжатта ескерілер деген үмітте. 

https://www.youtube.com/embed/xitu6rNzqLM?si=r1IsGhutRAW0U2Hy" 

Алматы облысының №1 балалар үйінің тәрбиеленушілері ғимараттың Алматыдан Қонаевқа көшіріліп жатқанын айтып, әлеуметтік желіде бейнеүндеу жасаған еді. Жасөспірімдердің айтуынша, қазірдің өзінде балалар үйінің аумағында ағаштар кесіле бастаған. Күні бүгін Алматы облысының әкімі Марат Сұлтанғазиев №1 балалар үйінің тәрбиеленушілерімен кездесті. Облыс әкімі балалар үйі Алматы қаласында қалатынын мәлімдеді.

Сонымен қатар, облыста жаңа балалар үйінің құрылысы жалғасуда. Жалпы ауданы 4000 шаршы метрді құрайтын заманауи ғимарат 240 орынға есептелген. Онда жайлы тұрғын бөлмелер, оқу сыныптары және демалыс аймақтары қарастырылған. Жақын маңда 900 орындық мектеп орналасқан, ал балаларды тасымалдау үшін арнайы автобус бөлінеді. Кешеннің ашылуы жаз айларына жоспарланған. Бұдан бөлек, жаңа ғимараттың бір бөлігі инфрақұрылымдық мәселелерге тап болған Нүсіпбаев атындағы интернатқа беріледі. Сондай-ақ, ғимараттың бір корпусы Кәмелетке толмағандарды бейімдеу орталығының (КТБО) қажеттіліктеріне жұмсалады, бұл облыстың әртүрлі аймақтарынан келген балаларды басқа қалаларға ауыстырмай, бір жерде орналастыруға мүмкіндік береді. 

https://www.youtube.com/embed/dgtkj1aVUl0?si=xu-RhifCzRcwEEHF"

https://www.youtube.com/embed/rSo7kg8uES0?si=_dHkWdKZjW_lU7A4" 

Қоғамдағы аналардың мәртебесі мен отбасы институтының маңыздылығын айқындау мақсатында Алматы облысы Талғар ауданында аналар форумы ұйымдастырылды.Іс-шараға жергілікті әкімдік, прокуратура, білім бөлімі мен полиция басқармасының өкілдері, және қоғам белсенділері қатысты.Келесі тақырыпқа назар аударсақ.

Ана мен бала құқығы мемлекеттің және қоғамның назарында. Өйткені соңғы уақыттары тұрмыстық зорлық-зомбылық жиілеп барады.Шараны ұйымдастырушылар айтулы мәселені алдын алу, аналардың беделін арттыру, отбасы құндылығын дәріптеуді дұрыс жолға қою кезек күттірмейтін жағдаят деп отыр.

САЛТАНАТ ЖАНБОЛАТОВА АЛМАТЫ ОБЛЫСЫ ТАЛҒАР АУДАНДЫҚ ІІБ АҒА ИНСПЕКТОРЫ,ПОЛИЦИЯ МАЙОРЫ
 
Қатысушылар отбасы құндылықтарын дәріптеу мен әйелдердің құқықтарын қорғау бағытында бірлескен жұмыстарды күшейту қажеттігін атап өтті.Қоғам белсенділері мен мемлекеттік органдардың өкілдері аналарды қолдауға арналған бағдарламаларды тиянақты түрде жүзеге асырудың маңыздылығын тілге тиек етті. Форум аясында ана мен баланың махаббатын насихаттайтын мейірімге толы сахналық қойылымдар көрсетілді.

АЙНАГҮЛ ҮШКЕМПІРОВА АЛМАТЫ ОБЛЫСЫ ТАЛҒАР АУДАНДЫҚ БІЛІМ БӨЛІМІНІҢ БАСШЫСЫ

Шара отбасы институтын нығайтуға, ұлттық құндылықтарды сақтауға және аналарға жан-жақты қолдау көрсетуге ықпал ететін маңызды алаң болды.

https://www.youtube.com/embed/MjIBFNsAO2w?si=dmpUwRgV_aJwWBUL"

Алматы облысы Еңбекшіқазақ ауданы Шелек ауылында жасөспірімдер арасында дзюдодан турнир ұйымдастырылды. Шара, Ауған соғысында қаза тапқан батырлардың рухына тағзым етуге арналды.

Интернационалист жауынгерлерді еске алуға арналған жасөспірімдер арасындағы дзюдодан өтіп отырған чемпионат дәстүрлі түрде ұйымдастырылып келеді.Шара ерлік пен батылдықты ұлықтауға бағытталған. Жарыс алаңына еліміздің әр өңірінен келген жас спортшылар қатысып, өзара мықтыны анықтады. 

МЕРЕЙ ҚУАТБЕКҰЛЫ БАС ТӨРЕШІ

Ұйымдастырушылар бұл турнирдің басты мақсаты – жас буынды патриоттық рухта тәрбиелеу, ардагерлердің ерлігін ұмытпау және спорт арқылы жастардың бойына табандылық пен қайсарлық қасиеттерін сіңіру екенін атап өтті.Ауған соғысы ардагерлері жарысты тамашалап, жас спортшыларға қолдау көрсетті. Олар өз сөздерінде мұндай іс-шаралардың маңыздылығын айтып, жастарға батырлық пен достықтың құндылығын ұмытпау керектігін тілге тиек етті.

БАЙДӘУЛЕТ ДӘРКЕМБАЕВ АЛМАТЫ ҚАЛАСЫНДАҒЫ АУҒАН СОҒЫСЫ АРДАГЕРЛЕРІ МЕН МҮГЕДЕКТЕРІНІҢ «ЖАУЫНГЕР» ҚОҒАМДЫҚ БІРЛЕСТІГІНІҢ ТӨРАҒАСЫ

Чемпионат – тек спорттық дода ғана емес, сонымен қатар ерлік пен отансүйгіштікке баулитын маңызды шаралардың бірі болып табылады. Жеңіс тұғырынан көрінген жеңімпаздар бағалы сыйлықтармен марапатталды.  

https://www.youtube.com/embed/bNVaRifcQbI?si=2ECqcgMHkbELjqIN"

Ғасыр жасаған Кәмилә Касумова –ерлік пен адалдықтың символы. Оның ерлігі, ұлғатты істері ұрпаққа өнеге. Кейуананы келе жатқан Ұлы Жеңістің 80 жылдығымен құттықтап,қал жағдайын біліп қайтқан ұстаздар шарасына кезек берсек.

Кәмилә Касымова 1925 жылы 16 мамырда Батыс Қазақстан облысы Орда аймағында дүниеге келген. Жалпы дәулетті отбасында туылса да, оның тағдыры аса қиындыққа тап болады. 1935 – 1941 жылдарда бастауыш мектепте 1-4 сыныптарды оқып бітіреді. 1941 жылы Ұлы Отан Соғысы басталып, одан әрі оқи алмайды.Оқу тоқтаған соң, жергілікті кооперативте сауыншы болып жұмыс істеген.

КӘМИЛӘ КАСУМОВА, ПАРТИЗАН АНА; «Партизан болғанда мен өзім партизан болғам жоқ. Мен ол заманда 15-16 болдым.Біздің қызылдар кетіп қалғаннан кейін немістер тұрып біз окупасияда қалдық. Окупацияда немістердің арасында 6 ай тұрдық. Немістер бізге зиян еткен жоқ.Көбіне көзге түспейміз біздер жастар, сол көп көрінбейміз. »

1977жылы «Еңбек даңқы» орденімен марапатталып, 1996 жылы Ақтау қаласында ақындар айтысында Бас бәйгені жеңіп алады. 2001 жылы Меккеге барып, қажылық парызын орындап қайтады 2018 жылы Халықаралық «Аналардың анасы» конкурсында бас бәйге, ерекше ұтыс – Асатаяқ және «Абыз ана» атағын иеленеді. Сондай-ақ, Камила анамыз-Шаттық шуағы өлеңдер жинағы, Есте қалған елестер атты өмірбаяндық повестердің авторы. 

АҚМАРАЛ БУЖАНОВА М.БАЗАРБАЕВ АТЫНДАҒЫ №138 ГИМНАЗИЯ ДИРЕКТОРЫНЫҢ ТӘРБИЕ ІСІ ЖӨНІНДЕГІ ОРЫНБАСАРЫ: «Гимназияда Ұлы жеңістің 80 жылдығына арналған Ұлы жеңіс мұрагерлері  атты іс шара басталды.Сұхбаттасып отырмыз».

Партизан ана – бұл тек тарихи образ емес, әрбір қазақстандықтың жүрегінде өмір сүретін рухани мұра. Оның ерлігі ұрпақтан-ұрпаққа берілетін асыл қасиеттердің бірі деуге болады.

https://www.youtube.com/embed/pJgn7TkxdPc?si=4IOJ8KthKo2ZE1Xm" 

Мемлекет басшысы Қасым-Жомарт Тоқаев 2025 жылды «Жұмысшы мамандықтары жылы» деп жариялады. Мақсат, адал еңбекпен нәпәхасын тауып жүрген қарапайым мамандарды қолдау. Осы мақсатта Алматы қаласын сапалы ауыз сумен қамтамасыз етіп отырған мекемеде еңбек етіп жатқан ұжымға барып қайтқан болатынбыз.

“Алматы Су” мемлекеттік кәсіпорны – қала тұрғындарын таза ауыз сумен қамтамасыз ететін және кәріз жүйесін тиімді басқаруға жауапты маңызды мекеме. Мұнда 3500-ге жуық маман қызмет жасайды.

САМАТ САТЫБАЛДИЕВ «АЛМАТЫ СУ» МК ҚЫЗМЕТКЕРІ

Әр бөлімде еңбек етіп жүрген мамандардың жұмысы – көзге көрінбегенімен, аса жауапты. Су тазарту станцияларынан бастап, инженерлік желілерді жөндеуге дейінгі барлық процесстер осы кәсіпорын қызметкерлерінің қажырлы еңбегінің нәтижесі.Тіпті ұжымның арасында әулетімен қызмет жасайтындары бар.Солардың бірі Мақсат Сабылдиев. Ол Президенттің бастамасымен 2025 жылды «Жұмысшы мамандықтар жылы» деп жариялауы,біздерге үлкен қолдау болды деп отыр.

МАҚСАТ САТЫБАЛДИЕВ «АЛМАТЫ СУ» МК ҚЫЗМЕТКЕРІ

https://www.youtube.com/embed/hxLGCAbd5kA?si=JlGfVW-JHVvg9tRL" 

https://www.youtube.com/embed/b3fgF6CMwos?si=u5OHRURuW5NtTSPi" 

Бүгін Әл-Фараби атындағы Қазақ ұлттық университетінде республикада білім беруді дамыту саясатын талқылауға арналған «Қазақстан педагогикасы: білім және ғылым сабақтастығы» ғылыми-педагогикалық форумы өтті. Толығырақ келесі бейнематериалда. 

Форумға Қазақстан Республикасының Оқу-ағарту министрі Ғани Бейсембаев, Әл-Фараби атындағы ҚазҰУ Басқарма Төрағасы –көрнекті ғалымдар, оқытушылар және жоғары оқу орындарының өкілдері қатысты.

ҒАНИ БЕЙСЕМБАЕВ ҚР ОҚУ-АҒАРТУ МИНИСТРІ: «Бүгін екі ірі организация мемарандумға қол қойып, жұмыстың бисмиллясын өздеріңіздің қолдауларыңызбен бастағалы отыр. Орталық жұмыс істегеннен кейін, сіздер жиі келіп бүкіл идеялар көтеріліп, идеялар айтылып, ол бірігіп, одан кейін министрліктің қолдауымен іске асып отыруы керек. Екі министрлік бұл мәселені ары қарай жүргізуге,сіздерді қолдап, бұның жандануына біз барынша күш-жігерімізді, барлық қолымыздағы тетіктерді аямай жұмсауға дайынбыз».

Форум барысында мектепке дейінгі, орта, техникалық және кәсіптік, орта білімнен кейінгі, сондай-ақ жоғары және жоғары оқу орнынан кейінгі білім берудің өзекті мәселелеріне арналған төрт секция жұмысы ұйымдастырылды. Бас қосу барысында бас мұғалім, қатысушылар алдында сүйінші жаңалықтарымен бөлісті.   

ҒАНИ БЕЙСЕМБАЕВ ҚР ОҚУ-АҒАРТУ МИНИСТРІ: «Бүгінгі күні бірінші рет республикалық мекемелерге қазір біз қаржы бөліндіріп, оны жаңғыртып жатырмыз. Соның бірі 2-ші интернат, өздеріңізге белгілі Қазақ тілі мен әдебиетін тереңдетіп оқытатын, сол Абай мектебі болды. Қазір біз 17 гектар жер бергізіп, жаңадан ғимарат соғылып жатыр, Құдай қаласа осы қыркүйекте жаңа мектеп бой көтеріп, ашылатын болады.Оның аты бірінші рет Абай Ұлттық мектебі болып аталғалы отыр. Екінші сүйінші жаңалық , Алматы Астанадан РФМШ-ның жаңа қолға алып отыр».

Қазақтың маңдайына біткен ірі тұлғаларын әлемге таныту үшін, олардың еңбегін бірінші  өзіміздің балаларға сусындату мақсатында осы екі ірі мектепке ғұламалардың  есімі беріліп отыр. Болашақ ұрпақ үшін бұл ең маңызды бастама диді Ғани Бейсембаев.

https://www.youtube.com/embed/Xy9FPEnkHG8?si=kxJnDmz4MenxPUY8" 

Қоғамды өзгертетін-білімді жастар.Алматыдағы қанатын кеңге жайып дамып келе жатқан Халықаралық инженерлік-технологиялық университетінде «Жаһандық студенттік көшбасшылық: дамуы, әсері, әрекеті» атты студенттік көшбасшылардың халықаралық форумы өтті. Оқу ордасынан түлеп ұшқан әлем елдерінен көшбасшы студенттерінің және елімізге белгілі тұлғалардың басын қосқан форум жайлы толығырақ тарқатсақ.

Оқу ордасындағы Студенттік өзін-өзі басқару жылына арналған халықаралық форумға әлемнің он бес елінен келіп білім алып жатқан  шетел студенттері,еліміздің дамуына үлес қосып жүрген қоғам белсенділері, METU университетінің оқытушылары  мен белсенді студенттері қатысты. Университет қабырғасында білім ала жүріп,қоғамдық жұмыстарға етене атсалысу,ел дамуына үлес қосатын тұлға болып қалыптасуды көздейтін бүгінгі шара салтанатты түрде ашылып,университет ректоры болашақтың кілті өз қолдарыңда деп шәкірттерге үлкен үміт артып,өз қолдауын жеткізді.

ГҮЛНАР СӘРСЕНБЕКОВА, ХАЛЫҚАРАЛЫҚ ИНЖЕНЕРЛІК-ТЕХНОЛОГИЯЛЫҚ УНИВЕРСИТЕТІНІҢ РЕКТОРЫ

Халықаралық байланысы нығайып келе жатқан оқу ордасының студенттеріне өзін-өзі басқару,қоғаммен тығыз қарым қатынас орнату,жан-жақты даму жолында қолдау көрсетіліп,мүмкіншіліктер жолға қойылған. Еліміздің дамуына да үлесін қосар азамат болып қалыптасу мақсатында форумға қоғам белсенділері арнайы шақыртылып,студенттермен ой бөлісті.

ДИНА ДӘУЛЕТҚЫЗЫ, ХАЛЫҚАРАЛЫҚ ИНЖЕНЕРЛІК-ТЕХНОЛОГИЯЛЫҚ УНИВЕРСИТЕТІНІҢ ОҚЫТУШЫСЫ

Бүгінгі ұйымдастырылып отырған форумда студенттердің өздерінің бастамасымен жарық көрген, университет өмірінен ақпарат тарататын,әр студенттің жетістігін жіпке тізу арқылы ынтасын оятатын «METU life» журналының тұсауы кесілді.

АЛИНА ЕРНАЗАРҚЫЗЫ, ХАЛЫҚАРАЛЫҚ ИНЖЕНЕРЛІК-ТЕХНОЛОГИЯЛЫҚ УНИВЕРСИТЕТІНІҢ 3 КУРС СТУДЕНТІ

Студенттердің игілігіне ұйымдастырылған халықаралық форумда білімгерлер үшін іске қосылған осы игі бастамалардан бөлек, үздік студенттерді марапаттау, арнайы стипендиялар тағайындау, жұмысберушілер тарапынан жаңа жұмыс орындарына шақыру салтанатты шарасы орын алды. METU университетінің оннан аса үздік студенттеріне кәсіпорындар «Жұмысқа шақыру» сертифиткаттарымен марапаттап, арнайы тағайындалған атаулы шәкіртақыларын табыстады. Халықаралық дәрежеде бас қосып отырған жастар форумында Студенттік жобалардан көрме ұйымдастырылып,көшбасшылардың арнайы бағыттар бойынша жұмыстары таныстырылды.

https://www.youtube.com/embed/Of_n2i1GSDI?si=1Tfc58mrmPofSekp"