https://www.youtube.com/embed/Lyu00dLg-ow?si=0o8NsydcVmTkPHbw" 

Қазақстанда АЭС құрылысының орны ресми түрде бекітілді. Тиісті қаулыға Премьер-Министр Олжас Бектенов қол қойды.

Атом электр стансасы құрылысының аймағы ретінде Алматы облысының Жамбыл ауданы туралы шешім қабылдансын", - деп жазылған құжатта.Қаулы 25 ақпаннан бастап күшіне енеді.

https://www.youtube.com/embed/_3dZ_wrUU3I?si=u5uMy2neDK3oVXc2" 

Биыл күллі иісі мұсылман қауымы үшін қасиетті Рамазан айы 1 наурызда басталады. Сауаптың сансыз есігі ашылатын он екі айдың сұлтаны Рамазан айының басталуына орай Қазақстан мұсылмандары діни басқармасының төрағасы,бас мүфти Наурызбай қажы Тағанұлы баспасөз мәслихатын өткізді. 

Жиында «Біз Түркі мемлекеттері ұйымына қарасты Мүфтилер алқасы жанындағы Пәтуа кеңесінің және ғылыми зерттеулер нәтижесін ескеріп, ортақ шешім қабылдадық. Алла қаласа, биыл Рамазан айы 1 наурызда басталады. Ал наурыз айының 26-нан 27-не қараған түн – қасиетті Қадір түні. 30 наурыз – ораза айт мерекесі. Биыл Рамазан айында 29 күн ораза ұстаймыз» деп мәлімдеді Наурызбай қажы Тағанұлы. Сонымен қатар көпшілікті қайырымдылық іс-шараларына үлес қосуға, кәсіпкерлерге арнайы үндеу жасады.

НАУРЫЗБАЙ ҚАЖЫ ТАҒАНҰЛЫ БАС МҮФТИ: «Қадірлі отандастар! Баршаңызды Қазақстан мұсылмандары діни басқармасының қасиетті айда ұйымдастыратын қайырымдылық іс-шараларына үлес қосуға шақырамын. Кәсіпкерлерді әлеуметтік маңызы бар азық-түліктердің бағасына жеңілдік жасауға үндеймін. Рамазан айына тура келген құдайы астарды ауызашар уақытында өткізіп, көбірек сауап алуға тырысайық».

Қоғамдық тамақтану орындарында ауызашар мәзірін халыққа ыңғайлы бағамен ұсыну да – сауапты істің бірі. Бұл айда тек табысқа кенелуге емес, ең бастысы Хақтың разылығы мен халықтың алғысын алуға асыққан абзал. Дүкендерде күллі жамандықтың бастауы болған арақ-шарап сатылмаса деген тілегімізді жеткіземіз» деді Бас мүфти. Ысырапшылдыққа жол бермеуде дініміз қолдайтын мәселе. 

НАУРЫЗБАЙ ҚАЖЫ ТАҒАНҰЛЫ БАС МҮФТИ

Қасиетті айда берілетін пітір садақасы биыл 655 теңге болып бекітілді.

https://www.youtube.com/embed/7ETG9NT0Un0?si=UWurQEq4pliZT8D9" 

Білім беру жүйесін оңтайландыру қазіргі қоғам қажеттілігінен туындаған мәселелердің бірі болып табылады. Бұған көз жеткізу үшін ширек ғасыр бұрынғы және қазіргі қоғамның, атап айтқанда, медицина, білім беру, массмедиа, банк жүйесі сияқты т.б. салалардың технологиялық қамтылуын ойша салыстыру я көзге елестету жетіп жатыр.

Ғылым дамуының қазіргі жаңартылуы мен өзгерістері, жаңадан пайда болып жатқан мамандықтар — 10 - 15 жыл бұрын, тіпті кейінгі 5 жыл бұрын даярланған мамандардың еңбек нарығында бәсекеге қабілетсіз болуының бірден бір факторы. Барлық салалар жұмыстарының машиналық автоматтандырылуы мен компьютерлік бағдарламалар көмегімен шешілуі, тіпті адам ойының пайымы мен парасатына тәуелді міндеттердің жасанды интеллектке ауысуы сол салалардағы мамандардың біліктілігін арттырумен шектелудің аздық ететінін, қосымша мамандану бойынша білікті иегерудің маңыздылығын  көрсетеді.  Және бұл мәселе жоғары оқу орындарының алдына қысқа уақытта мамандарды қайта даярлау курстарын жетілдіру, тіпті “нақты дағдылар мен біліктілікті игертуге бағытталған қысқа мерзімді білім бағдарламасы” түрінде анықталатын микрокавлификация тұрғысынан білім беруді оңтайландыру бойынша оқу бағдарламаларын құрастыру  міндеттерін қойып отыр.

Еліміздегі іргелі білім ордаларының көшбасшысы Әл-Фараби атындағы Қазақ ұлттық университеті мемлекет деңгейінде өзекті осы мәселені сауатты және тыңғылықты жүзеге асыру мақсатында 2025 жылдың 20 ақпанында «Білім беру бағдарламалары сапасын қамтамасыз ету: академиялық тұрғыдан қарау және инновациялық шешімдер» сараптамалық стратегиялық сессиясын халықаралық деңгейде ұйымдастырды.  

“Еңбек нарығы мен білім саласын үйлестіру жағдайында білім беру бағдарламаларының тиімділігін бағалау мен дизайнға инновациялық тәсілдерді енгізу арқылы сапасын арттыру” мақсатын көздеген сараптамалық стратегиялық сессияға отандық білім беру жүйесінің сарапшылары, атап айтқанда, Қазақстан Республикасы Ғылым және жоғары білім министрлігі Жоғары және жоғары оқу орнынан кейінгі білім Комитеті мен Жоғары білім беруді дамыту ұлттық орталығының өкілдері, Қазақстан жоғары оқу орындарының білім беру бағдарламаларын әзірлеу саласындағы сарапшылар, жұмыс берушілер, жас ғалымдар қатысты. Қазақстан Республикасы Ғылым және жоғары білім министрлігі Жоғары және жоғары оқу орнынан кейінгі білім Комитеті мен Жоғары білім беруді дамыту ұлттық орталығы жетекші мамандарының тарапынан Қазақстандағы жаңа кәсіптер мен біліктіліктер атласы ЖОО оқытушылары мен жас ғалымдарының назарына ұсынылып, оларды даярлаудың өзектілігі мен алғашқы қазақстандық тәжірибелері нақты мысалдар негізінде дәйектелді. Білім беру жүйесінің шетелдік сарапшылары қатарында баяндама жасаған Санкт-Петербург Жоғары экономика мектебінің өкілі - PhD докторы Магдалена Гаете Сепулведа білім беру эволюциясын әлемдегі танымал университеттер мысалында талдады. 

Еңбек нарығының талаптарына орайлас инновациялық біліктілікті меңгерген мамандар даярлауды ұйымдастырудың ғылыми және құқықтық қағидалары, микрокавлификация қажет етілетін мамандықтардың түрлері, сол мамандыққа мүдделі тараптар - стейкхолдер шарттары бойынша білім беру бағдарламасын құру мәселелері жан-жақты талқыланды.

Сонымен қатар  Әл-Фараби атындағы Қазақ ұлттық университеті тарапынан ұйымдастырылған бұл сараптамалық сессияда қайырымды қоғам, ізгілікті білім беру қағидалары да назардан тыс қалған жоқ. Университет мүмкіндігі шектеулі жандарға инклюзивті жоғары білім беруді немесе кәсіби біліммен қамтамасыз етуді оңтайландырудың әдістемесімен де жас ғалымдар мен оқытушыларды таныстырып өтті. 

Жалпы алғанда, «Білім беру бағдарламалары сапасын қамтамасыз ету: академиялық тұрғыдан қарау және инновациялық шешімдер» сараптамалық стратегиялық сессиясы білім беру жүйесі мамандарына заман қажеттілігінен туындаған біліктілікті қамтамасыз ету мақсатында микроквалификациялар бойынша білім бағдарламаларын құрастыру туралы тың идеяларға жол ашып, оны жүзеге асырудағы әрекеттерге бағыт беруімен пайдалы болды деген ойдамыз. Сонымен қатар аталған сараптамалық стратегиялық сессия Әл-Фараби атындағы Қазақ ұлттық университетінің кадрлар даярлаудағы тың идеялар мен инновациялардың көшбасшысы екеніне тағы бір мәрте көзімізді жеткізді.

Әл-Фараби атындағы ҚазҰУ

Түркітану және тіл теориясы кафедрасы

филол.ғ.к., доцент Таусоғарова Аяужан Қайратқызы

https://www.youtube.com/embed/NHO24HGRE5A?si=u6UBqwbN_WbPETk1" 

Қазақ әдебиеті алыбынан айырылып қара жамылды.  Жазушы, драматург, ҚР Мемлекеттік сыйлығының лауреаты Дулат Исабеков 83 жасқа қараған шағында өмірден озды. Қабырғасы қайысқан қалың елі күні кеше жазушыны ақтық сапарға шығарып салды. 

Көрнекті жазушы Дулат Исабеков  қазақ әдебиетінің алтынқорын төл туындыларымен толтырып,артына өшпес рухани қазына қалдырды. Кейіпкерлерінің тағдырын тап басып,дәуірді дөп басып суреттеген жазушының шығармалары баға жетпес құндылық.

ҰЛЫҚБЕК ЕСДӘУЛЕТ ҚР ЕҢБЕК СІҢІРГЕН ҚАЙРАТКЕРІ

ЕРЛАН ҚАРИН ҚР МЕМЛЕКЕТТІК КЕҢЕСШІСІ

Жазушы әр жылдары Қазақ КСР Телевизия және радиохабар жөніндегі мемлекеттік комитетінде аға редактор, Қазақ Совет энциклопедиясы бас редакциясында аға ғылыми редактор, «Жұлдыз» журналында бөлім меңгерушісі , «Жалын» баспасында редакция меңгерушісі, Қазақ КСР Мәдениет министрлігі репертуарлық-редакциялық коллегияның бас редакторы, Қазақ теледидарының бас директоры, «Жазушы» баспасының директоры, Қазақстан Жазушылар одағының хатшысы, ҚР Мәдениеттану ғылымизерттеу институтының директоры болып еңбек еткен. 

https://www.youtube.com/embed/3KkwkrWqe2Q?si=n3aH3SMa2poDkxJA" 

Білімдінің күні жарық, жолы жарқын. Елдегі жастардың сапалы білім алып, өмірде өз жолын табуына, жолдарына жарық сыйлайық деген ниетпен Алматыда Білім-Күш  қоғамдық қоры ерекше форматта қайырымдылық кеш ұйымдастырды.Толығырақ тілші бейнематериалында.

Білім-күш қорының мақсаты- білімді, ғылымды насихаттау, танымал ету, балалардың таным көкжиегін кеңейтіп, ағылшын тілін оқу арқылы болашаққа қадамдарын нығайту.

АЙГҮЛ ҚАНАТҚЫЗЫ БІЛІМ-КҮШ ҚОҒАМДЫҚ ҚОРЫНЫҢ ПРЕЗИДЕНТІ «Қазіргі таңда біз бұл қоғамдық қорды 2021 жылы ағылшын тілі мұғалімдеріне көмек ретінде ашқан болатынбыз .Тілді жиі жаттықтырып тұрмаса ұмытылып кететін нәрсе.Сол себептен біз мұғалімдерге көмектесеміз деп қоғамдық қорды, сол практика жүзінде пайдалансын мұғалімдер деп 2021 жылы құрып, 2021 жылдан бері мұғалімдерге арналған түрлі сайыстар өткізген болатынбыз. Бұл кешті ұйымдастыру мақсатымыз- кәсіпкерлерді жинап сондай отбасыларды ағылшын курсын тегін оқуға спонсор іздеп жатырмыз.Қазіргі таңда біздің орталықта 46 бала тегін оқып жатыр, оның ішінде 8 балаға спонсор таптық».

РАЙХАН МАҚСАТБАЙҚЫЗЫ БІЛІМ-КҮШ ҚОҒАМДЫҚ  ҚОРЫНЫҢ ҚҰРЫЛТАЙШЫСЫ «Бұл шараның мақсаты -  әлеуметтік жағдайына байланысты балаларды әсіресе мынау көпбалалы отбасыдан шыққан балаларға ағылшын тілінен оқыту, яғни  қазіргі шараның мақсаты-  кәсіпкерлердің  көмегімен кәсіпкерлердің қайырылымдылығының арқасында  5000-ға жуық  баланы оқыту»

Сәтті өткен қайырымдылық кеші қажеттілікте жүргендерге көмектесіп, қоғамда қайырымдылықты насихаттайды және адамдардың бір-біріне деген мейірімділігін арттырады.

https://www.youtube.com/embed/hi_FTY31HAk?si=d6W9aFGMKlPz5fr-" 

https://www.youtube.com/embed/0Lwew3Upse4?si=kjZduAbChzTbIw33"

Үкімет өнеркәсіп қауіпсіздігіне қатысты талаптарды күшейтуді көздеп отыр. Енді елімізде өнеркәсіптік қауіпсіздік нысандарының паспорттары жасалып, апаттар мен басқа да процестер автоматтандырылатын болады.

2030 жылға дейінгі қауіпсіз еңбек тұжырымдамасы аясында нысандарды цифрландыруды ескере отырып, нормативтік-құқықтық актілер қайта қаралады, өнеркәсіп қауіпсіздігін, ғылымды дамытуды және тиісті орталықтар құруды қамтамасыз ететін нысандарға қойылатын, сондай-ақ мемлекеттік еңбек инспекторының кадрлық әлеуеті мен құқықтық мәртебесін арттыру жөніндегі талаптар да күшейтіледі. 

https://www.youtube.com/embed/Mn5NuMtc2Yk?si=2Y6NZIjfUAPTEQNy" 

Бүгін Астанадағы «Отан қорғаушылар» монументіне гүл шоқтары қойылды. Салтанатты шараға Ресейдің Қазақстандағы елшісі Алексей Бородавкин қатысты. «Бұл жыл бәріміз үшін өте маңызды.

Себебі, биыл – Жеңістің 80 жылдығы. Қазақстандық достарымызбен бірге бұл мерекені жоғары деңгейде атап өтетінімізге сенімдімін», - деп атап өтті елші өз сөзінде. 

https://www.youtube.com/embed/HwtSyvkLxzU?si=LGHyE4h2C1b-bWIt"

https://www.youtube.com/embed/glDlm-Sa2K8?si=_mDcWLS_SX2DRszB" 

Елімізде 2025 жыл "Жұмысшы мамандықтар жылы" деп жарияланды. Бұл бастама жұмысшы мамандықтарының маңыздылығын арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталған. Бүгінде қоғамға қажетті,сұранысқа ие мамандықтарға мамандарды машықтандыру қарқынды қолға алынып жатыр.

Еліміздің 20 өңірінде жұмысшы мамандықтар беделін және кадрлар даярлау сапасын арттыруға, жұмыс берушілермен өзара іс-қимылды нығайтуға бағытталған жоспарлар бекітілді. Сондай-ақ, негізгі мемлекеттік органдар, яғни 13 министрлік жаңа кәсіпорындар құру, сапалы жұмыс орындарын ашу, жұмыскерлердің біліктілігін арттыру, кадрлар даярлауда колледждермен бірлескен жұмысты жолға қою бойынша кешенді шаралар көзделген "Жұмысшы мамандықтары жылын" өткізу жөніндегі салалық жоспарларын әзірледі. 

КАМАЛ ӘМІРҒАЛИҰЛЫ АДЖИК ДИРЕКТОРЫ

ВЯЧЕСЛАВ КОНОВАЛОВ КОМПАНИЯ ӨКІЛІ: «Бүгін өздеріңіз көріп отырған білім шаңырағында мастер класс өтіп жатыр.Қазір біз секілді ірі компанияларға,құрылыс саласына оқыған-тоқыған жастар керек. Бүгінде жұмыс жоқ деген қисынсыз әңгіме, біз аталмыш оқу орнының жастарын қуана қабылдаймыз».

НҰРҒАЛИ МҰСЫЛМАНҚҰЛОВ ЖҰМЫС БЕРУШІ,КӘСІПКЕР

«Жұмыстың жаманы жоқ, кез келген еңбек – қадірлі!» деген Мемлекет басшысы 2025 жылды еңбек адамдарын қолдауға және білікті кадрлардың сапасын арттыруға бағыттап отыр. Өз ісін жетік білетін маманға сұраныс қашанда жоғары.Өздеріңіз көріп отырған мына білім шаңырағында тәлім алып жатқан жастар жалынды. Жұмыс беруші мекемелерде олардың таңдаған салаларына қызығып,қолдау көрсетуге әзірліктерін айтып қалды.

БАҚЫТЖАН ДІЛМАНОВ ЖҰМЫС БЕРУШІ,КӘСІПКЕР «Біздің балаларымыз,біздің келешегіміз.Біз қолымыздан келгенше олардың білікті кадр болып қалыптасуына ықпалымызды тигізетін боламыз.Кезкелген студент таңдаған саласына сүйіспеншілігі практикалық шаралардан бастау алады.Біз осы жерден құзіреттілік орталықтарын ашып, жаңа технологиялармен білім беріп жатырмыз».

ӘБІЛХАЙЫР МҰҚАНОВ ЖҰМЫС БЕРУШІ,КӘСІПКЕР

КАМАЛ ӘМІРҒАЛИҰЛЫ АДЖИК ДИРЕКТОРЫ

https://www.youtube.com/embed/vDAEZ-_p91Q?si=JErsxwRQLsOKyGbM" 

Алматы облысы Ұйғыр ауданында орналасқан «Тенгри Фиш» кәсіпорны балық шаруашылығын қарқынды дамытып келеді. Кәсіпорын заманауи технологияларды қолдана отырып, балық өсіру шаруасын мықтап қолға алған. Кәсіпорын жылына 50 тонна бекіре,50 тонна сазан балығын шығарады. 500 миллион теңге көлемінде инвестиция құйған кәсіпкерлер аяққа тұрып, ауданның экономикалық ақуалының жақсаруына үлестерін қосуда.

ЖАЙДАР ТАҢЖАРЫҚҰЛЫ «TENGRI FISH» КӘСІПОРНЫНЫҢ БАСШЫСЫ

Шаруашылықта судың сапасына ерекше мән беріліп, экологиялық таза өнім өндіруге күш салады. Бұл аймақтың табиғи-климаттық жағдайы балық шаруашылығына қолайлы болғандықтан, кәсіпорынның өнімі ішкі нарықта жоғары сұранысқа ие.Негізгі тұтынушылары Алматы облысы мен Алматы қаласы. Болашақта «Тенгри Фиш» өндіріс көлемін арттырып, алыс-жақын елдерге экспортқа шығуды жоспарлап отыр.