https://www.youtube.com/embed/BDN2hXILX8A?si=a2tbwUdavC4bXS1_" 

https://www.youtube.com/embed/sWb22f0dA9w?si=1XFPTulfDApyMQDF" 

Қазіргі таңда «Бір белдеу, бір жол» бағдарламасы аясында кәсіби және техникалық білім беру бағытында қарқынды жұмыстар жүргізілуде. Бұл бастама Қазақстан мен Қытай Халық Республикасы арасындағы өзара сенімді әріптестік байланыстарды одан әрі нығайтып, заманауи талаптарға сай білікті мамандар даярлауға мүмкіндік береді.

Айтулы бағыттағы маңызды қадамдардың бірі – Алматы көпсалалы колледжі мен Чунцин электрондық ғылымдар және технологиялар политехникалық университеті арасында өзара тиімді халықаралық ынтымақтастық туралы Меморандум аясындағы жұмыстардың жүзеге асырыла бастауы. Аталған меморандумның негізгі мақсаты – кәсіби білім беру саласында бірлескен жобаларды іске асыру, оқу-өндірістік тәжірибелер ұйымдастыру, сондай-ақ жаңа технологиялар мен инновацияларды білім беру үрдісіне енгізу болып табылады.

ЕРІК МЫРЗАҒАЛИҰЛЫ АЛМАТЫ ҚАЛАЛЫҚ БІЛІМ БАСҚАРМАСЫНЫҢ ТЕХНИКАЛЫҚ-КӘСІПТІК БІЛІМ БӨЛІМІНІҢ БАСШЫСЫ

Өндірістік тәжірибе барысында студенттер заманауи технологиялармен жабдықталған зертханаларда жұмыс істеп, өз салалары бойынша кәсіби дағдыларын жетілдірді. Сонымен қатар, олар Қытайдың мәдениетімен және еңбек нарығындағы талаптарымен танысып, шетелдік мамандармен тәжірибе алмасу мүмкіндігіне ие болды.

СӘУЛЕ СЕНБИЕВА АКК ДИРЕКТОРЫНЫҢ ОҚУ-ІСІ ЖӨНІНДЕГІ ОРЫНБАСАРЫ

Бұл тәжірибе студенттер үшін кәсіби дамуға жол ашып қана қоймай, Қазақстан мен Қытай арасындағы білім беру саласындағы өзара түсіністік пен достық қарым-қатынасты нығайтуға үлес қосты. Болашақта да мұндай халықаралық бағдарламалар мен тәжірибе алмасу жобалары кәсіби білім берудің сапасын арттыруға және бәсекеге қабілетті мамандарды даярлауға зор ықпал ететіні сөзсіз.

https://www.youtube.com/embed/c3jPkPwISLg?si=KSnb_CoKCAr1Us_F" 

Алматы облысында жылдағы дәстүрге сәйкес Киокушинкай-кан каратэден «BATYR BALA – 2025» халықаралық турнирі ұйымдастырылды. Аталмыш жарыс – жас спортшылардың шеберлігін шыңдап, достық пен ынтымақтастықты нығайтатын маңызды спорттық шараға айналды.

Турнирге Қазақстаннан бөлек, Тәжікстан, Өзбекстан, Ресей және Қырғызстан елдерінен келген 400-ге жуық жас спортшылар қатысты. Бұл – жарыстың халықаралық деңгейде мойындалғанының дәлелі. Әр елдің үміткерлері татами үстінде өз өнерін көрсетіп, шынайы шеберлік пен табандылықтың үлгісін паш етті. Шара барысында Республикалық ұлттық Киокушинкай-кан каратэ федерациясының президенті Омархан Өксікбаев арнайы қатысып, жас спортшыларға ізгі тілегін жолдап, сәттілік тіледі. Оның қолдауы мен қатысуы жарыстың мәртебесін арттырып, жас каратэшілерге ерекше рух сыйлады.

ОМАРХАН ӨКСІКБАЕВ РЕСПУБЛИКАЛЫҚ ҰЛТТЫҚ КИОКУШИНКАЙ-КАН КАРАТЭ ФЕДЕРАЦИЯСЫНЫҢ ПРЕЗИДЕНТІ

Іс-шараға құрметті қонақтар мен спорт жанашырлары қатысып, жасөспірімдерге қолдау білдірді. Киокушинкай-кан каратэ ерік-жігерді, тәртіп пен табандылықты қалыптастыратын спорт түрі ретінде жастар тәрбиесінде маңызы зор екені тағы бір мәрте дәлелденді.Бүгінде Алматы облысының Киокушинкай-кан каратэ федерациясы жалынды жастардың жігерін жанып,айтулы спорт түрінің жанжақты дамуына қолдау көрсетіп келеді. «Тек мықтылар жеңсін!» деген ұранмен өткен бұл бәсеке жас спортшылар үшін үлкен тәжірибе мектебі.Жарыс тек спорттық шеберлікті ғана емес, сонымен қатар елдер арасындағы достықты, татулықты, мәдени қарым-қатынасты арттыруға жол ашады.

РАХМАН ҚУАНЫШҰЛЫ АЛМАТЫ ОБЛЫСТЫҚ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫ БАСШЫСЫНЫҢ МІНДЕТІН АТҚАРУШЫ

Жеңіс тұғырынан көрінген үздік қатысушылар арнайы марапаттарға ие болып, қаржылай жүлде қорын иеленді. Бұл – олардың ерен еңбегі мен тынымсыз дайындығының әділ жемісі. Марапаттау сәті жас спортшыларға зор қуаныш пен алдағы шараларға талпынуға серпін берді.

https://www.youtube.com/embed/Lunu0yz0-50?si=9Nh0QGikxAb_2Hlg" 

Бүгін Жамбыл атындағы  Қазақ мемлекеттік академиялық филармониясы мен  Бақытжан Байқадамов атындағы мемлекеттік хор капелласының 90 жылдығы және  Нұрғиса Тілендиевтің 100 жылдық мерейтойына орай суретші студент жастардың өнерін насихаттау мақсатында  Филармония жас суретшілер көзімен атты пленэрлік көрме ұйымдастырылды.Толығырақ тілші бейнематериалында.

26-30 мамыр аралығында ұйымдастырылған пленэрде екі өнер колледжінен іріктеліп алынған 10 студент ғасырға жуық тарихы бар филармония ғимаратының іші мен сыртқы көрінісін өзіндік көзқарастарымен композицияларын  ұсынды. Жас суретшілердің салған шығармашылық туындылары  филармония фойесіне қойылып, атаулы мерейтойлар тақырыбында көрме жасалды.

АБЗАЛ ҚУАНЫШҰЛЫ ЖАМБЫЛ АТЫНДАҒЫ МЕМЛЕКЕТТІК ФИЛАРМОНИЯ ДИРЕКТОРЫНЫҢ ОРЫНБАСАРЫ: «Мақсатымыз-жастардың өзі айтып тұрғандай Филармония жас суретшілердің көзімен.Бұл жерде біз еркіндік бердік студенттерге.Студент жастар өздерінің еркімен қалай ойлайды, әр студент өздерінің өнерін ортаға салды.Жаман емес, жақсы.Бүгін ортамызға келіп үлкен ұстаздарымыз ҚР –ның суретшілер одағының мүшелері келіп өздерінің бағаларын беріп жатты, балаларға ақылдарын айтып жатты.Біздің мақсатымыз осы- олардың өнерін ұштау, келешекте жастарды қолдау».

Шарада ҚР еңбек сіңірген қайраткері Болат Сырлашұлы, Қазақстан Суретшілер одағының мүшесі Серікбай Әлжанов, Т.Жүргенов атындағы Қазақ Ұлттық өнер академиясының профессоры Жұмақын Қайрамбаев, кескіндеме өнерінің қайраткерлері жас суретшілердің туындыларын бағалап, шығармашылық шабыт сыйлады.

БОЛАТ СЫРЛАШҰЛЫ Т.ЖҮРГЕНОВ АТЫНДАҒЫ ҚАЗАҚ ҰЛТТЫҚ  ӨНЕР АКАДЕМИЯСЫНЫҢ  ПРОФЕССОРЫ «Бізде қазір жас буын осы өнерге деген қызығушылығы, ол өнер деген барлық кезде жастарды тәрбиелейді ғой. Сондықтан бұл жерде тәрбие жүріп жатыр.Себебі бұл жерде табиғатты аялау жалпы мынау мәдениет дейміз, өзіміздің еліміз соның бәрін олар сезіп және соны жоғары деңгейде өздерінің көзқарасымен бейнелеп отыр екен.   Жалпы бейнелеу өнері халқымыздың жалпы өнерге деген көзқарасы өзгеріп үлкен жетістіктерге жетеді деп ойлаймын».

"Филармония жас суретшілер көзімен" жобасы – мәдениет пен өнер саласындағы ұрпақтар сабақтастығын нығайтудың және жас дарындарды қолдау ісінің бір бағытының айқын көрінісі. Ұлттық мәдениетімізді ұлықтап, ұрпаққа ұлттық құндылықтарды насихаттау жолында қара шаңырақта әлі де игі бастамалар жалғасын таба бермек.

https://www.youtube.com/embed/5BMjbBW6mJM?si=62i0t5yfWq35y3be" 

Халықаралық балаларды қорғау күні – бұл тек мереке ғана емес, сонымен қатар өскелең ұрпақтың құқықтары мен денсаулығын қамтамасыз етудің маңыздылығын еске салатын күн. Осы күн аясында балалар денсаулығын нығайтудың негізгі шараларының бірі – профилактикалық екпе. Екпе алу  балалардағы жұқпалы аурулардың алдын алуға, спортпен шұғылдануына және толыққанды дамуына мүмкіндік береді.

ЛӘЙЛӘ СҮЛЕЙМАНОВА АЛМАТЫ ҚАЛАЛЫҚ № 10 ЕМХАНА БАС ДӘРІГЕРІНІҢ ЕМДЕУ ЖӘНЕ АЛДЫН АЛУ ІСІ ЖӨНІНДЕГІ ОРЫНБАСАРЫ «Біздің 10 емханада халыққа тегін кепілдік медициналық қызмет көрсетудің ең басты шарасының бірі- халыққа профилактикалық екпелер жұмысын жүргізу болып саналады.Бұл профилактикалық екпелер- инфекциялық аурулардың алдын алып және осы инфекциялық аурулардан өлім жітімді азайту мақсатында  қарқынды жұмыс жасалынып жатыр.    Және жұқпалы аурулармен  халқымыздың аз ауырып және мүлдем ауырмай қоғамымызда денсаулығы мықты болашақ ұрпақтың болуын қамтамасыз ету».

Балалардың бақытты және сау болашағын қамтамасыз ету  ортақ жауапкершілік. Өскелең ұрпақтың денсаулығына бей-жәй қарамау тек ақ халатты абзал жандардың ғана міндеті емес,баршаға ортақ парыз.

https://www.youtube.com/embed/DEj3J3F9k68?si=SEmQ2IJjFEbPfcab" 

https://www.youtube.com/embed/mTtKTuq-J58?si=G0N08N6HDFKUI1ba" 

https://www.youtube.com/embed/jblXnPzvwwk?si=c8CJbt584ZWpamoO" 

Парламент Сенатының Спикері Мәулен Әшімбаевтың төрағалығымен Палата отырысы өтті. Онда сенаторлар қаржы нарығын дамыту және тұтынушылардың құқықтарын қорғау мәселелері туралы заңды қарады. Отырыс барысында депутаттар «Қазақстан Республикасының кейбір заңнамалық актілеріне қаржы нарығын дамыту, қаржылық көрсетілетін қызметтерді тұтынушылардың құқықтарын қорғау, байланыс және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» заңды екі оқылымда қарады. Сенаторлар атап өткендей, заң нормалары қаржы секторындағы рұқсат беру рәсімдерін оңтайландыруға, қаржыға қолжетімділікті арттыруға, алаяқтыққа қарсы іс-қимылға, қаржы қызметтері мен байланыс қызметтерінде тұтынушылардың құқықтарын қорғауға және азаматтардың банкроттық рәсімдерін жетілдіруге бағытталған.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ: «Қаралған заң Мемлекет басшысы Қасым-Жомарт Кемелұлы Тоқаевтың тапсырмаларын іске асыру мақсатымен әзірленген. Құжат еліміздің қаржы секторының құқықтық реттелуін кешенді түрде жетілдіруге арналған ауқымды түзетулер топтамасын қамтиды. Бұл түзетулер банк секторындағы бәсекелестікті арттыруды және құнды қағаздар мен сақтандыру нарықтарын одан әрі дамытуды көздейді. Сондай-ақ елімізге шетелдік банктерді тарту үшін рұқсат беру талаптары оңтайландырылды. Тұтынушылардың құқықтарын қорғауды және алаяқтыққа қарсы іс-қимылды күшейтуді көздейтін нормалар да қарастырылды. Заңды қарау барысында сенаторлар азаматтардың құқықтарын қорғауды күшейтуге және заң нормаларын жетілдіруге арналған ұсыныстарын да берді».

Сенаторлар ұсынған түзетулер шеңберінде Ұлттық Банктің Антифрод-орталығының дерекқорларын ұялы байланыс операторларының базаларымен интеграциялау регламенттеледі, алмасуға жататын мәліметтердің тізбесі нақтыланады және алаяқтық белгілері бар қоңырау анықталған жағдайда ұялы байланыс операторларының іс-әрекеттері айқындалады. Осыған байланысты отырыста сенаторлар енгізген түзетулермен заңды Мәжіліске қайтару туралы шешім қабылданды. 

https://www.youtube.com/embed/ds5OzOCX93c?si=gjF6f_FdcSmiNtbd" 

Іле-Алатау мемлекеттік ұлттық табиғи паркі – еліміздің табиғи байлығын көздің қарашығындай сақтап отырған аса маңызды қорғалатын аумақтардың бірі. Алматы қаласының маңында орналасқан бұл парк ерекше флорасы мен фаунасымен ерекшеленеді. Мұнда сирек кездесетін, жойылып кету қаупі төнген жануарлар мен өсімдіктер мекендейді. Солардың ішінде Қазақстанның Қызыл кітабына енген жануарлар ерекше қорғауға алынған.Парктің аумағында тіршілік ететін арқар, қар барысы, Тянь-Шань қоңыр аюы, қызыл қасқыр, бүркіт, құмай сияқты аң-құстар – экожүйенің ажырамас бөлшегі. Бұл жануарлардың әрқайсысы табиғаттың өзіндік бір ғажайыбы. Мәселен, қар барысы – өте сирек кездесетін жыртқыш. Бүгінде оның саны азайып кеткендіктен, Іле-Алатау ұлттық паркі оның мекендеу ортасын сақтау мен көбейту бағытында кешенді шаралар жүргізіп отыр.

РАДМИР АЛМАСОВ, ІЛЕ-АЛАТАУ МҰТП АҚСАЙ ФИЛИАЛЫНЫҢ АҢТАНУШЫ-БИОЛОГЫ

Ұлттық парк қызметкерлері күнделікті рейдтер ұйымдастырып, заңсыз аңшылықтың алдын алуға барынша күш салады. Сондай-ақ ғылыми-зерттеу жұмыстары да қарқынды жүргізілуде. Әрбір жануардың санын есепке алып, олардың мекендейтін жерлерін бақылауға алу арқылы нақты қорғаныс тетіктері жүзеге асады.

https://www.youtube.com/embed/Sc2jEK0MQms?si=-24QL_bQGYsdpxdM" 

https://www.youtube.com/embed/XSXNr0Ljw88?si=-GhUE9Ky6a_5LdKJ" 

Соңғы жылдары Қазақстан Республикасында қылмыстық сот төрелігі саласына, оның ішінде пробация қызметтерінің қызметіне заманауи технологиялар белсенді енгізілуде.Бақылау жұмысындағы  тиімді құралдарының бірі- электронды білезіктер.Білезіктердің  маңыздылығы қандай.Толығырақ  тілші бейнематериалда.

Пробация қызметінің аясында электронды білезіктер  сотталған адамдардың қадағалауын күшейту үшін қолданылатын технологиялық құрал болып табылады. Бұл құрылғылар сотталған адамды бас бостандығынан айырмай, қоғамда қалуына мүмкіндік бере отырып, қадағалауды күшейтудің тиімді жолы.

ЕРКЕБҰЛАН  ЖҰМАҒОЖАЕВ  АЛМАТЫ ҚАЛАСЫ АЛАТАУ АУДАНДЫҚ ПРОБАЦИЯ БӨЛІМІ БАСТЫҒЫНЫҢ ОРЫНБАСАРЫ «Қазіргі таңда Алатау ауданы пробация қызметінде 700-ге жуық сотталған есепте тұрады, соның ішінде 35 сотталғанға электронды білезік тақтық. Білезікті тағу себебіміз қылмыстың азаюына пайдасын тигізеді. Болашақта Алматы қаласына  300-ге жуық электронды білезіктерді алдырту жоспарда бар. Осы цирлық жұмыс арқылы, электронды құрылғылардың көмегімен сотталғандардың жүріс тұрысын бақылап отырамыз.Элоктронды білезіктің өзінде ID номерлары тұрады, осы ID номерлар компьютер құралына тіркелген содан бақылап, әрбір сотталғанды осы ID номер арқылы жүріс тұрысын анықтап отырамыз».

Пробациялық қызмет – бұл сотталған адамдардың қоғамға қайта бейімделуіне көмектесетін және қылмыстық әрекеттердің қайталануын болдырмауға бағытталған қылмыстық-атқару жүйесінің бөлігі. Құрылғының негізгі мақсаты – сотталған адамдарға қоғамда өмір сүруге мүмкіндік бере отырып, оларды қайта тәрбиелеу арқылы қылмыстық әрекеттердің алдын алу.

АЙДАНА ӨМІРХАНҚЫЗЫ, АЛМАТЫ ҚАЛАСЫ, АЛАТАУ АУДАНЫ ПРОКУРАТУРАСЫНЫҢ БӨЛІМ ПРОКУРОРЫ «Бүгінгі таңда Алатау ауданы пробация қызметінде есепте тұрған тұлғалар саны  бойынша  Алматы қаласы аудандары арасыннда Алатау ауданы алдыңғы қатарларда тұр.Қазіргі таңда Алатау ауданы пробация қызметінде 700-ге жуық тұлға есепте тұр. Оның қазіргі таңда 35 тұлғаға қатысты біз браслет таққанбыз.Алатау ауданы прокуратурасы, Алатау ауданы пробация қызметін әрдайым назарда ұстап және осы қызметті заңдастыру мақсатында іс-шаралар жүргізуде».

Жалпы алғанда, пробация қызметі мен электронды білезік бір-бірін толықтырып, қылмыстық-атқару жүйесінің гуманизациясын арттыруға және қоғамдық қауіпсіздікті қамтамасыз етуге бағытталған. Құрылғы  сотталған адамдардың қоғамға қайта оралуына және болашақта қылмыстық жолға түспеуіне ықпал етеді.

https://www.youtube.com/embed/odCBwSWma1Y?si=wvuE5FIv1aNeZzB4"

Алматы қаласында белгілі ақын, композитор, күйші Жүсіп Қыдыровтың шығармашылығына арналған “Жүсіпнама” атты жаңа кітаптың тұсаукесер рәсімі өтті. Рухани мазмұны терең, мәдени құндылығы жоғары бұл жинақ өнер иесінің өмір жолы мен шығармашылық мұрасын қамтыған.

Жүсіп Қыдыров 1937 жылы Қызылорда облысы, Жаңақорған ауданының Талап ауылында дүниеге келген. 1960 жылы Әл-Фараби атындағы Қазақ ұлттық университетінің филология факультетін, журналистика бөлімін тәмамдаған. Еңбек жолын сол кездегі «Лениншіл жас»  газетінде әдеби қызметкер, бөлім меңгерушісі ретінде бастап, кейінірек «Қазақфильм» киностудиясында дубляж бөлімінің аға редакторы, сондай-ақ «Жалын» баспасында аға редактор қызметтерін атқарған.

Жүсіп Қыдыров әдебиетке 1960-жылдардың басында келіп, алғашқы өлеңдері жас ақындардың «Жырға сапар» жинағында жарық көрді. Оның шығармаларында терең философиялық ойлар мен ұлттық рух көрініс тапқан. Ақынның «Мың бір күн» атты өлеңдер жинағы 1984 жылы Қазақстан Жазушылар одағының сыйлығына ие болды.

ӘЛІБЕК ШЕГЕБАЙ, АҚЫН

Тұсауы кесіліп,оқырмандарға жол тартқан еңбекте Жүсіп Қыдыровтың өлеңдері, әндері мен жарыққа шықпаған күйлері, сондай-ақ замандастары мен зерттеушілерінің естеліктері топтастырылған. Бұл туынды – ұлттық өнер мен мәдениетке сүбелі үлес қосқан тұлғаның шығармашылығын кейінгі ұрпаққа насихаттауға бағытталған маңызды еңбек. “Жүсіпнама” жинағы мың данамен жарық көрді.

АЯГӨЗ НҰРСҰЛТАН,  КІТАП АВТОРЛАРЫНЫҢ БІРІ, КҮЙШІ

Жүсіп Қыдыров — қазақ әдебиеті мен мәдениетінде өзіндік қолтаңбасы бар шығармашыл тұлға. Оның поэзиясы мен музыкалық мұрасы бүгінгі ұрпақ үшін құнды рухани қазына болып табылады.Өмірден ерте кетсе де,артына өшпес мұра қалдырған тұлғаның атынан алдағы уақыттары байқаулар өткізу жоспарда бар екен. Бұған дейін де Жүсіп ақынның дара жолы жайында деректі фильм түсіріп, көрменнің назарына ұсынған аға буын өкілдері қолдан келгенше насихат жұмыстарына ат салысып келеді.

БАҚТЫБАЙ АЙНАБЕКОВ,  Ж.ҚЫДЫРОВТЫҢ БАУЫРЫ, АРДАГЕР ЖУРНАЛИСТ