https://www.youtube.com/embed/eH0JbrJTCIA?si=2pAxJl5cS6Hpph93" 

https://www.youtube.com/embed/F8WXy2CCxiU?si=ePQZtuFtKAiA28go" 

Мәжіліс депутаттары Тик-Ток мәселесін қайта Парламент мінберінен көтерді. Олар бұл әлеуметтік желі жастардың тәрбиесіне кері әсер етіп жатыр деп санайды. Бұрын үлкендер «тәк-тәкпен» тәрбиелейтін, қазір Тик-токпен тәрбие беретін заман болды деген мәжілісмендер шет елдер Ресей, Қырғызстан, Өзбекстан, Тәжікстан бұл платформаны толық немесе ішінара бұғаттады. Ал, Франция заңнамалық деңгейде жасөспірімдердің интернетке қолжетімділігін реттеді. Қазақстанға да сондай заң керек деп отыр. 

ЖАНАРБЕК ӘШІМЖАН ҚР ПАРЛАМЕНТІ МӘЖІЛІСІНІҢ ДЕПУТАТЫ: «Мұнда пайдалы контенттен гөрі жастарға теріс ақпарат өріп жүр: бұзақылыққа, әдепсіздікке, құмар ойынға, порнографияға және суицидке жетелейтін ақпараттар басым. Осы Тик-Ток арқылы таралуда. Жастардың Тик-токтан көргенін қайталап, жағымсыз әрекеттерге басым болып бара жатқаны жасырын емес».

Ал, депутат Нартай Аралбайұлы болса, эпидемия қаупін тудыратын киік өлекселеріне қатысты проблеманы көтерді. Депутат келтірген дерекке сенсек, 2024 жылдың алғашқы айларында 5598 өлексе табылған. Мамандар бұл жағдай 2010-2011 жылдардағы пастереллез індетінің қайталануына әкелуі мүмкін екенін ескертеді. Сонымен қатар, киіктер үй жануарларымен бірге жайылып, листериоз, аусыл, бруцеллез сияқты аурулардың таралу қаупін де арттырады екен. 

НАРТАЙ СӘРСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Киіктің киесі ұрмасын десек, биыл нақты шешімдер қабылдау қажет. Ақбөкен мен адамды жайылымға таластырып қалдырып кетудің соңы ауыр болуы бек мүмкін. Қазір жағдай ушығып тұр. Жайылым жерлерін киік таптап кеткеннен кейін, адамдар малдарын сатып көшуге айналған. Қазір елді мекендердегі мал молалары толып қалған. Жергілікті халық киіктер мен өлген малдарын өртеуге мәжбүр. Бұл үлкен экологиялық және санитарлық апатқа әкелуі мүмкін».

Осылай деген депутат бұл іске Үкіметтің араласуын талап етіп отыр. 

https://www.youtube.com/embed/wQS8P9Al03g?si=2EpwQcMvZWzKzmB5" 

Қатонқарағай, Зайсан, Кендірлі курорттық аймақтарында су жаңа әуежай бой көтереді. Құрылыс жұмыстары биыл басталады. Бұл туралы бүгін Үкімет отырысында Көлік вице-министрі Талғат Ластаев айтты. Ал, қосылған құн салығының өскені әуе және теміржол билеттерінің бағасына қалай әсер етеді? Сұрақтың жауабын тілшіміз іздеп көрген еді. Бейнематериалға кезек берсек. 

Үкімет отырысын бастамас бұрын Олжас Бектенов Ұлытау облысында шахтадағы апат салдарынан қаза тапқандардың отбасыларына көңіл айтты.

ОЛЖАС БЕКТЕНОВ ҚР ПРЕМЬЕР-МИНИСТРІ: «Үкімет атынан шахтадағы апат салдарынан қаза тапқан кеншілердің туған-туыстары мен жақындарына көңіл айтамын. Марқұмдардың отбасыларына барлық қажетті көмек көрсетіледі. Оқиға орнында тиісті қызметтер жұмыс істеп жатыр. Оқиғаның мән-жайын мұқият тексеріп, зардаптарын жою керек. Қанат Алдабергенұлы, жүргізіліп жатқан жұмыстар барысы туралы үнемі баяндап отырыңыз». 

Үкімет жанынан құрылған арнайы комиссияны басқаратын Қанат Бозымбаев іс жан-жақты зерттеліп жатқанын айтты. Оның қортындысы алдағы уақытта жарияланады деді. Артынша үкімет мүшелері авиация саласындағы есепті тыңдады. Көлік вице-министрінің айтуынша, 2024 жылы елімізде 22 халықаралық бағыт бойынша 6 жаңа қалаға 12 рейс ашылған. Ал, биыл отандық әуе нарығына 4 шетелдік лоукостер кіреді. Осылайша жауапты орган әуе билеттерінің бағасын қолжетімді бағада ұстап тұрмақ ниетте. Оның үстіне Қазақстандағы курорттық үш аймаққа биыл жаңадан үш әуежай құрылыс басталады. 

ТАЛҒАТ ЛАСТАЕВ ҚР КӨЛІК ВИЦЕ-МИНИСТРІ: «Үш әуежайдың ұшу-қону жолының өлшемдері – 2200х35 м². Жобалардың құны 117,7 млрд теңге болады. Қазіргі уақытта құрылыс маусымы басталуына қажетті барлық дайындық жұмыстары жүргізілуде. Бұл әуежайларда ATR-72, Q-400 Bombardier сияқты сыйымдылығы 74 орынға дейінгі өңірлік ұшақтарды пайдалану жоспарлануда. Бұл әуе кемелері (3 ұшақ) Өнеркәсіпті дамыту қорының механизмдері арқылы сатып алынады. Басты міндет Алматы, Астана және басқа да ірі қалалардан осы әуежайларға тікелей, халыққа қолжетімді әуе қатынасын ұйымдастыру».

Ал, Ақтаудағы ұшақ апаты жайлы қорытынды биыл жыл соңына дейін дайын болады. Қазір комиссия аталған бағытта  жұмыс жасап жатыр. Көлік министрлігінің есебін жіті тыңдаған премьер-министр Олжас Бектенов жауапты органға бірқатар тапсырма жүктеді. 

ОЛЖАС БЕКТЕНОВ ҚР ПРЕМЬЕР-МИНИСТРІ:«Ішкі ұшу сапарларының жиілігін арттыру, сондай-ақ халықаралық ұшу сапарларының географиясын кеңейту бойынша жұмыстар жүргізіліп жатыр. Бірақ әуе рейстерінің кешігу жағдайлары да орын алуда. Көбінесе бұл әуе компаниялары мен әуежайлардың арасындағы ретсіз жұмыстардың кесірінен туындап жатады. Сондықтан Министрлікке өзара іс-қимылдың тиісті тетіктерін пысықтауды тапсырамын».

Айтпақшы, қосарланған құн салығының артуы әуе және теміржол билеттерінің бағасына еш әсер етпейді деп сендіріп отыр жауапты министрлік. 

https://www.youtube.com/embed/V1_FMf7jR9c?si=ca3KkbxodZ0X-k1O" 

https://www.youtube.com/embed/QtlEE7PDJC0?si=0IZaO1OQKGD7orPj" 

Ұлытаудан жеткен қаралы хабар. Қызметтік бабын орындап жүрген жеті бірдей кенші мәңгі келмеске кетті. Апат кеше кешке "Жомарт" кенішіндегі болған. Алдын ала мәлімет бойынша апатқа табиғи газдың жарылуы себеп болған деседі. Қайғылы жағдайды тергеу үшін Үкімет тарапынан шұғыл комиссия құрылды. Оны Премьер-министрдің орынбасары Қанат Бозымбаев басқарады. Іс Президенттің тікелей өз бақылауына да алынды. Қаза тапқан жұмысшылардың отбасына жан-жақты көмек көрсетілетін болады дейді жауаптылар. Полиция қызметкерлері де аталған іске қатысты мәлімдеме жасады. 

ЕРБОЛ ҚАЙРБЕКОВ ҰЛЫТАУ ОБЛЫСЫ ПД БАСТЫҒЫНЫҢ МІНДЕТІН АТҚАРУШЫ «Ұлытау облысының полиция департаменті бұл факті бойынша ҚР ҚК-нің 277-бабының 3-бөлігі «Тау-кен немесе құрылыс жұмыстарын жүргізу кезінде қауіпсіздік ережелерін бұзу» бойынша іс қозғалды. Оқиға орнында Ұлытау облысының полиция департаментінің жедел-тергеу топтары жұмыс істеп жатыр. Қазіргі уақытта барлық қажетті тергеу амалдары жүргізіліп жатыр».

https://www.youtube.com/embed/nU9VyZed8II?si=MERKYAfQDxyW7Gby"

Жетісу облысы Кербұлақ ауданындағы Көксу өзенінде жалпы қуаты 150 МВт жеті су электр станциясының каскадын салу жоспарланып отыр. Дегенмен бұл электр станциясыны салу көпшілікті оның ішінде ғалымдардың, қоғам өкілдерін алаңдатып отыр. Бүгін Қазақстан баспасөз клубында баяндамашылар құрылыс жұмыстары экологияға әсер ететіні, Ешкіөлмес ескерткішінің табиғи археологиялық ландшафтына орны толмас зиян келтіретіндігін атап өтті. 

Ғалымдар мен белсенділердің пікірінше, құрылыс техногендік және экологиялық апат қаупін тудырады. Бұл жаһандық маңызы бар мәдени және тарихи мұраның орны толмас жоғалуына әкелуі мүмкін. Аймақ халықаралық спорт жарыстарын өткізу мүмкіндігінен де айырылуы мүмкін, бұл сайып келгенде оның туристік тартымдылығына әсер етеді.

МҰХТАР ТАЙЖАН ҚОҒАМ ҚАЙРАТКЕРІ  «10 ГЭС салынайын деп тұр екен. Ол Жетісу облысы Көксу өзенінде салынбақ. Ол мына табиғатымызға әсіресе петроглифтерге, ежелгі қорғандарға жаман әсер етеді деп қорқып отырмыз. Негізі заң бойынша, алдымен сараптама жасау керек екен, не бар не жоқ. Өзен қай деңгейге дейін көтеріледі екен, астында не қалады екендігі, қандай құндылықтардан айырылып қалатынымыз зерттелу керек. Бұл біздің талап емес, заң талабы сондай. Сол үшін жаңа тағайындалған Ермек Көшербаевтың назары осында болу керек деп есептеймін. Сондай-ақ Аида Балаеваның, Жетісу облысының әкімі Бейбіт Исабаевтың назары осында болу керек»

Құрылыс нәтижесінде құрылыс алаңдарынан төмен орналасқан Көксу өзенінің алқабында орналасқан елді мекендер техногендік апат қаупіне ұшырауы мүмкін, себебі бұл аумақ сел және сейсмикалық қауіпті аймақ болып саналады.  Көксу өзенінің аңғарында орналасқан көптеген археологиялық ескерткіштер, қоныстар, қорымдар, жойылуы мүмкін.

ОЛЬГА ГУМИРОВА «ОХОТНИКИ ЗА ПЕТРОГЛИФАМИ» ҚОҒАМДЫҚ ҚОРЫНЫҢ АТҚАРУШЫ ДИРЕКТОРЫ  “Көксу өзенінде су электр станциясының құрылысына байланысты су тасқыны нәтижесінде тарихи ландшафттың мүлде өзгеріп, кейбір археологиялық нысандар: қола дәуірінен бастап (б.з.б. 2-мыңжылдықтан 19 ғасырдың ортасына дейін) қоныстар, қорымдар, жартастағы суреттер жойылып кетуі мүмкін. Олардың кейбірін ғалымдар әлі зерттеген жоқ. Бұл ЮНЕСКО қамқорлығымен өзен аңғарында гео немесе ұлттық саябақ құру мүмкін емес, яғни археология мен тарих тұрғысынан бірегей бұл аймақ өзінің туристік тартымдылығын жоғалтады»

Баяндамашылар электр энергия тарихи тамырларға нұқсан келтірмей өндірілуі керектігін,  Жетісудағы ГЭС-тің құрылысы мен Қазақстан аумағындағы кез келген құрылыстың тарихи ескерткіштерімізге нұқсан келтірмей жүргізілуі үшін шұғыл шаралар қабылдану қажеттігін атап өтті.  Қоғам қайраткерлері мен ғалымдар Жетісу облысы Кербұлақ ауданы әкімінің атына құрылыстың толық әрі сенімді жобалық құжаттамасын беруді сұрап, ашық хаттар дайындаған. 

https://www.youtube.com/embed/EqZ57B8uL-Q?si=rodrwFbJONpmsgCP" 

https://www.youtube.com/embed/bxcHOzpa6oQ?si=HrTtx4BStQ-Z7LbE" 

Қазақстан Президентінің Кеңесшісі – Президенттің Баспасөз хатшысы Берік Уәли Абай облысының әкімі қызметіне тағайындалды.Берік Уәли 1977 жылы Семей облысында дүниеге келген.Т.Жүргенов атындағы Қазақ мемлекеттік театр және кино институтын «Кинотанушы», Әл-Фараби атындағы Қазақ ұлттық университетін «Журналистика» (магистратура), сондай-ақ Қазақ инновациялық гуманитарлық-заң университетін «Құқықтану» мамандықтары бойынша бітірген.

«Дарын» мемлекеттік жастар сыйлығының , «Парасат» , «Құрмет» ордендерінің, ҚР Президенті Алғысының , ҚР Президенті Әкімшілігінің «Мінсіз қызметі үшін» төсбелгісінің  және 5 мерекелік медальдің иегері.Еңбек жолын 1997 жылы «Таң» телекомпаниясында «Алматы жаңалықтары» ақпараттық бағдарламасының тілшісі болып бастаған.«НТК» телеарнасында «Жаңалықтар» ақпараттық бағдарламасының шығарушы редакторы. «Информбюро» ақпараттық бағдарламасының бас редакторы, «Еркін сөз» бағдарламасының авторы әрі жүргізушісі, «Дода» саяси ток-шоуының бас редакторы әрі жүргізушісі. «Хабар» Агенттігі» АҚ Ақпараттық бағдарламалар дирекциясы жаңалықтар қызметінің тілшісі, «Бетпе-бет» ақпараттық-сараптамалық бағдарламасының жүргізушісі. «Нұр Отан» партиясы «Нұр-Медиа» ЖШС Жемқорлыққа қарсы медиа-орталығының басшысы.

Қазақстан Республикасы Инвестициялар және даму министрінің кеңесшісі, Ақпараттық қамтамасыз ету департаментінің директоры.«Қазақстан» ұлттық телеарнасы «1-студия» қоғамдық-саяси ток-шоуының жүргізушісі.

2019-2022 жылдары – Қазақстан Республикасы Президентінің Баспасөз хатшысы.2022-2023 жылдары – «Хабар» Агенттігі» АҚ басқарма төрағасы.2023 жылғы 12 қыркүйекте Мемлекет басшысының өкімімен Қазақстан Республикасы Президентінің Кеңесшісі – Президенттің Баспасөз хатшысы лауазымын атқарған болатын.

https://www.youtube.com/embed/khCcrz8Jf4A?si=6OtXAo2OWHA54arY" 

Алматыда көрнекті түркітанушы, қазақ тіл білімінің белді өкілі, академик Рәбиға Сәтіғалиқызы Сыздықованың 100 жылдығына орай халықаралық ғылыми-практикалық конференция ұйымдастырылды. Аталмыш жиын қазақ тілінің дамуына өлшеусіз үлес қосқан ғалымның еңбектерін талқылап, оның ғылыми мұрасын зерделеуге арналды.

Жақсының аты,ғалымның хаты өлмейді.Қазақ тіл білімінің ілгері басуына өлшеусіз үлесін қосқан Рәбиға Сыздықтың артына қалдырған мол мұрасы,қаншама жастарға азық болып келеді.Әсіресе педагогика саласына жүргендерге таптырмас қазына десек артық айтқандық емес.Биыл Рәбиға Сәтіғалиқызының туғанына 100 жыл толып отыр.Осыған орай жауапты министрліктердің мұрындық болуымен «Инновация,тәжірибие,даму:Педагогикалық ынтымақтастықтың жаңа дәуірі» тақырыбында халықаралық ғылыми-практикалық конференция өтіп отыр.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Рәбиға Сыздық – қазақ тіл білімінің фонетика, орфография, лексикология, тарихи грамматика, әдеби тіл тарихы, тіл мәдениеті сияқты салаларында терең зерттеулер жүргізген ғалым. Оның «Қазақ әдеби тілінің тарихы», «Абай тілі сөздігі», «Сөз құдіреті», «Ясауи хикметтерінің тілі» және басқа да еңбектері қазақ тілінің тарихы мен дамуын зерттеуде баға жетпес үлес болып табылады. Ғалым қазақ жазба ескерткіштері мен әдеби мұраларын лингвистикалық тұрғыда зерттеуге ерекше мән берді. Ол қазақ тілінің орта ғасырлардан бергі даму жолын ғылыми тұрғыдан саралап, тарихи жазба ескерткіштер тілінің ерекшеліктерін анықтады. Сонымен қатар, Рәбиға Сәтіғалиқызы Абай шығармаларының тілін зерттеген тұлға.

НАҒИМА ӘБЗЕЛБЕКҚЫЗЫ АБАЙ АТЫНДАҒЫ ҚАЗҰПУ «ҚАЗАҚ ТІЛІ ТЕОРИЯСЫ ЖӘНЕ ОҚЫТУ ӘДІСТЕМЕСІ» КАФЕДРАСЫНЫҢ МЕҢГЕРУШІСІ

Халықаралық ғылыми-конференция барысында отандық және шетелдік тілші ғалымдар Рәбиға Сыздықтың ғылыми мұрасын жан-жақты қарастырып, оның қазіргі қазақ тіл ғылымындағы рөліне тоқталды.Сонымен қатар ғалымның еңбегі сараланған екі бөлімнен тұратын жинақтың тұсау кесер рәсімі орын алды.

НҰРЖАМАЛ ДҮЙСЕНБЕКОВА АЛМАТЫ ҚАЛАЛЫҚ №176 МЕКТЕП-ГИМНАЗИЯНЫҢ ДИРЕКТОРЫ

Рәбиға Сыздықова – қазақ тіл ғылымының алтын діңгегі. Оның еңбектері қазіргі заманғы қазақ тілінің дамуына зор ықпалын тигізіп, болашақ ұрпақ үшін құнды ғылыми мұра болып қала береді.

https://www.youtube.com/embed/jjWWBTOP2h8?si=dn-prujryW4hT-7d" 

https://www.youtube.com/embed/s6mHRa8dyWk?si=5QxARZcIThV_AZ8f" 

Әкімшілік айыппұлдар мен салық берешегін өндіру бойынша жеке сот орындаушысына төленетін 25 пайыздық ақыны үнемдеудің  жолы қандай? Айыппұл арқалаған азаматтардың жеке сот орындаушысының қатысуынсыз берешегін өндіру қалай жүзеге асып жатыр? 

«Қазақстан Республикасының кейбір заңнамалық актілеріне несие берудегі тәуекелдерді азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Заң алғаш рет оңайлатылған іс жүргізу институтын енгізді.Борышкерлерден 20 АЕК-ке дейінгі әкімшілік айыппұлдар мен салық берешегін өндіру бойынша атқару құжаттарын автоматтандырылған тәртіпте, яғни жеке сот орындаушысының қатысуынсыз орындауды көздейді.

ҚАЙРАТ ПИЛАЛОВ АЛМАТЫ ҚАЛАСЫ ӘДІЛЕТ ДЕПАРТАМЕНТІ БАСШЫСЫНЫҢ ОРЫНБАСАРЫ    «Оңайлатылған іс жүргізудің негізгі мақсаты азаматтарды жеке сот орындаушысының қызметіне ақы төлеуден босату арқылы оларға түсетін қаржылық жүктемені азайту болып табылады».

Оңайлатылған іс жүргізу шеңберінде борышкерлерге қатысты мәліметтер борышкерлердің бірыңғай тізіліміне енгізіліп,іс жүргізу қозғалған күннен бастап күнтізбелік бес күн өткен соң банк шотындағы ақшалай қаражатқа тыйым салу түріндегі мәжбүрлеу шаралары қолданылады.Атқару парағын орындау іс жүргізу қозғалған күннен бастап күнтізбелік отыз күннен кешіктірілмей аяқталуға тиіс.Борышкердің атқару құжатының талаптарын орындамауы әрі қарай орындауға жеке сот орындаушысына беруге негіз болып табылады.

ҚАЙРАТ ПИЛАЛОВ АЛМАТЫ ҚАЛАСЫ ӘДІЛЕТ ДЕПАРТАМЕНТІ БАСШЫСЫНЫҢ ОРЫНБАСАРЫ    

Оңайлатылған іс жүргізу шеңберінде Алматы қаласы Әделіт департаментінде 19266 атқарушылық іс қозғалып,онын  12 048 аткару ондириси аякталган мемлекет пайдасына аударылған сома 4 017 171 694 теңгені құрайды.Қазіргі уақытта 6 993 атқарушылық өндіріс бар. 

https://www.youtube.com/embed/Z5oCKCBUMxY?si=w6L0SIgfLRDCa7tw"

Су тасқынының алдын алу бойынша Премьер-министр Олжас Бектенов СҚО-на жұмыс сапары барысында дайындық мәселелері бойынша республикалық кеңес өткізді. Оған Экология және табиғи ресурстар, Су ресурстары және ирригация, Төтенше жағдайлар министрі , Инновациялар және аэроғарыш өнеркәсібі вице-министрі қатысты. Жиын барысында бірқатар облыс әкімдері қабылданып жатқан іс-шаралар туралы баяндады. 

Қазіргі уақытта, еліміз бойынша 9 облыста су тасқыны қаупі жоғары. Қазгидромет» РМК-ның алдын ала гидрологиялық болжамына сәйкес, ақпан айында ауа райы жылы болады. Наурыз айында да ауа температурасының жоғары және жауын-шашынның көп болуы су тасқыны қаупін арттырады. 

ЕРЛАН НЫСАНБАЕВ, ҚР ЭКОЛОГИЯ ЖӘНЕ ТАБИҒИ РЕСУРСТАР МИНИСТРІ «Биылдан бастап су тасқыны кезеңіне арналған гидрологиялық болжамға қоса, әр аймақ бойынша егжей-тегжейлі ақпарат пен кеңестер беріліп жатыр. Олар қауіпті аймақтарда орналасқан нақты елді мекендердегі судың ең жоғары деңгейі мен шығынын, гидрологиялық бекеттердегі ағынның көлемін және су тасқыны басталуының болжамды күндерін көрсетеді».

Сондай-ақ, Цифрлық даму, инновациялар және аэроғарыш өнеркәсібі вице-министрі Мәлік Олжабеков өз сөзінде «Tasqyn» ақпараттық жүйесі туралы баяндады. Жүйеде өзендердің 128 учаскесіндегі 142 гидробекетте су тасқынын модельдеу жүргізіледі. 

МӘЛІК ОЛЖАБАЕВ, ҚР ЦИФРЛЫҚ ДАМУ, ИННОВАЦИЯЛАР ЖӘНЕ АЭРОҒАРЫШ ӨНЕРКӘСІБІ ВИЦЕ-МИНИСТРІ «Tasqyn» ақпараттық жүйесінде 7 күнді қамтитын қысқамерзімді және ұзақ мерзімді болжам көрсетіледі.  Сондай-ақ, жүйе су қоймаларынан жіберілетін су мөлшері бойынша жедел мәліметтер автоматтандырылған, қауіп-қатерді ертерек ескертуге мүмкіндік беретін GloFAS жаһандық су тасқыны туралы ескерту жүйесімен біріктірілген. Мәселен,СҚО-да Есіл өзеніне ұзақмерзімді болжам бойынша 19 сәуірде су деңгейі қатты көтеріліп, Октябрьское ауылына қауіпін тигізуі мүмкін». 

Жалпы, бүгінде еліміз бойынша стратегиялық маңызы бар учаскелерді қоса алғанда 1 мың шақырымнан астам канал, 153 мыңнан астам өзен арнасы  тазартылып,  200-ден астам нысанда жөндеу жұмыстары жүргізілген. 

НҰРЖАН НҰРЖІГІТОВ,  ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ «Демеу Қазақстан» Корпаративтік қорының қаражатымен 2004 жылдан бастап еліміздің 6 өңірінде жалпы ұзындығы 12,4 шақырымды құрайтын 59 қорғау  бөгеттері қалпына келтіріліп жатыр. Айта кету керек, былтырсу тасқыны кезінде 17 облыс пен Астанадағы елді-мекендерді қорғау шеңберінде 576 км-ны құрайтын 276 бөгет үйінділер салынды.  Оларды заңдастыру және коммуналдық меншікке қабылдау жұмыстарын тездетіп аяқтау қажет». 

Бүгінде ел бойынша су тасқыны қаупі бар 1200-ден астам елді-мекен бар. Оларды қорғау үшін 576 шақырым топырақ үйінділері мен қорғаныс бөгеттері тұрғызылды. Сондай-ақ, 822 шақырым су бұру жүйелері, каналдар мен арықтар жөнделіп, салынды.

ШЫҢҒЫС ӘРІНОВ, ҚР ТӨТЕНШЕ ЖАҒДАЙЛАР МИНИСТРІ  «Автомобиль және темір жол қатынастарында 960 су өткізу құрылыстары орнатылды және ауыстырылды. 74 өзеннің қауіпті учаскелерінде 500 шақырымға жуық аумақта түбін тереңдету, жағалауды бекіту және арналарды тазарту жұмыстары жүргізілді. Сонымен қатар барлық өңірде тасқынның алдын алу шаралары толық көлемде аяқталған жоқ. Бұл жекелеген елді-мекендерге айтарлықтай қауіп төндіретін атап өткен жөн». 

Жиын соңында Премьер – Министр Олжас Бектенов әлі де шешілмеген мәселелер бар екенін айтты. Сондықтан министрліктер мен әкімдіктерге бірқатар тапсырма беріп,су тасқыны кезеңіне дайындықты 1 наурызға дейін аяқтауды тапсырды.