https://www.youtube.com/embed/gUSF_fDuc3k?si=SC2xLLfsu2B5ZJyj" 

Алматыда HomeTech & Electra 2026 халықаралық көрмесіне дайындық аясында онлайн B2B-кездесулер сериясы басталды. Бұл аталған серия аясындағы кездесулердің бірі. Іскерлік келіссөздерге Қытайдың Фошань, Нинбо қалаларындағы және басқа да өнеркәсіптік өңірлерінен шамамен 60 өндіруші, сондай-ақ қазақстандық бизнес өкілдері қатысты.

B2B-кездесулерді B2B Way Club ұйымдастырып отыр. Ұйымдастырушылардың айтуынша, бұл тек көрмеге дайындық емес, сонымен қатар халықаралық өндірушілер мен отандық кәсіпкерлер арасындағы тікелей байланысты күшейтуге бағытталған нақты іскерлік алаң. Кездесу барысында тараптар өнім жеткізу, дистрибуция, логистика, сервистік қызмет көрсету және бірлескен жобаларды іске асыру мәселелерін талқылады.

Асия Бурлибаева, «World Silk Way» ЖШС бас директоры
B2B Way Club жобасының жетекшісі: B2B кездесулердің негізгі мақсаты — қазақстандық кәсіпкерлер мен халықаралық өндірушілер арасында нақты іскерлік байланыс орнату. Біз тараптарды көрмеге дейін таныстырып, олардың сұраныстары мен мүмкіндіктерін алдын ала анықтауға көмектесеміз. Бұл көрме кезінде келіссөздердің нақты әрі нәтижелі өтуіне мүмкіндік береді.

Онлайн B2B кездесулер әр компанияның сұранысына қарай жеке форматта өткізіледі. Қазақстандық кәсіпкерлердің қажеттілігіне сай өндірушілер іріктеліп, келіссөздер аудармашылардың қатысуымен жүргізіледі. Ұйымдастырушылардың айтуынша, мұндай тәсіл бизнеске тек танысу деңгейінде тоқтап қалмай, нақты ұсыныстарды, жеткізу шарттарын, баға саясатын және ұзақ мерзімді серіктестік мүмкіндіктерін алдын ала талқылауға мүмкіндік береді.

Азат Әсембай, «World Silk Way» ЖШС директоры
HomeTech & Electra 2026 жобасының жетекшісі: Біз HomeTech & Electra 2026 көрмесін тек тауарларды көрсету алаңы ғана емес, сонымен қатар халықаралық сауданы дамытуға, серіктестік орнатуға және нақты келіссөздер жүргізуге мүмкіндік беретін іскерлік платформа ретінде қарастырамыз. Біздің мақсатымыз — Алматыда өндірушілер, сатып алушылар, дистрибьюторлар мен инвесторлар тікелей байланыс орнатып, нақты келіссөздер жүргізетін орта қалыптастыру.

HomeTech & Electra 2026 халықаралық көрмесі биыл 6–8 тамыз аралығында Алматыдағы Atakent-Expo көрме орталығында өтеді. Көрмеге тұрмыстық техника, электроника, электр тауарлары және оларға қатысты салалардағы 300-ден астам халықаралық өндіруші қатысады деп күтілуде.  Ұйымдастырушылардың пікірінше, алдын ала өткізілетін B2B кездесулер қазақстандық бизнеске жаңа жеткізушілермен, өндірушілермен және серіктестермен тікелей байланыс орнатуға мүмкіндік береді.

Сонымен қатар, мұндай формат Алматының Орталық Азиядағы халықаралық сауда, B2B келіссөздер және өндірістік кооперация орталығы ретіндегі рөлін күшейтуге ықпал етеді.

https://www.youtube.com/embed/iclWT4DphAw?si=UWckSarSSRf-zz66" 

https://www.youtube.com/embed/CzmdCzkvcdk?si=9od4MSZ4zQ03nKGq" 

https://www.youtube.com/embed/sKlxpqZa6H4?si=ZD3PO5mK9uACh-A_" 

https://www.youtube.com/embed/0BaNev742nk?si=RFTdbj27eiJkdD7Z" 

Әл-Фараби атындағы Қазақ ұлтық университетінде жоғары білім берудің сапасы мен басқару жүйесін заманауи талаптарға сай жетілдіруге бағытталған «Professional Week – 2026» апталығы аясында ауқымды шара өтті. 2026 жылдың 3–6 наурыз аралығында жоғары оқу орнында «Академиялық басқару және білім беру сапасы: жетекшілер мен оқытушылар үшін қарқындылық» тақырыбында сараптамалық стратегиялық сессия ұйымдастырылды.

Әл-Фараби кітапханасында және университет кафедраларында офлайн форматта ұйымдастырылған бұл жиынға факультет декандарының орынбасарлары, кафедра меңгерушілері, академиялық комитет төрағалары мен мүшелері, сондай-ақ профессор-оқытушылар құрамы белсенді қатысты.

Стратегиялық сессияның басты мақсаты — оқу қызметін процестік тұрғыдан басқару, генеративті жасанды интеллект (GenAI) құралдарын пайдалана отырып пәндерді құзыреттілікке негіздеп жобалау және критериалды бағалау жүйесін енгізу. Сонымен қатар білім беру процесіне қатысушылар арасында бірыңғай этикалық және конфликтологиялық тәсілдерді қалыптастыру мәселесі алға қойылды.

Сессия жұмысы барысында құжат айналымын күрделендірмей, негізгі оқу үдерістерін басқару тәжірибесі пысықталып, оқыту мен бағалауда жасанды интеллект құралдарын қауіпсіз пайдалану қағидалары оқытылды.

Төрт күнге созылған жиында қатысушылар бес негізгі бағыт бойынша бөлініп, практикалық жұмыстар жүргізді:

Оқыту үдерісінде жасанды интеллектімен жұмыс істеудің «Draft → Critique → Improve» (жоба → талдау → жетілдіру) хаттамасы қолданылып, оқытушылардың кәсіби дағдыларын арттыруға басымдық берілді.

Сараптамалық стратегиялық сессияның қорытындысы бойынша университет деңгейінде енгізілетін нақты құжаттар мен жобалық шешімдер әзірленді. Олардың қатарында негізгі оқу үдерістері регламенттерінің жобалары, жаңартылған силлабустар мен критериалды бағалау рубрикаторлары, сондай-ақ білім беруде жасанды интеллектіні (GenAI) қолдану жөніндегі бірыңғай стандартты нұсқаулықтар бар.

Жиын соңында әр факультет пен кафедра деңгейінде кәсіби шамадан тыс жүктемені арттырмай, жаңа шешімдерді кезең-кезеңімен енгізу жоспары мен өзгеріс көшбасшыларының пулы қалыптастырылды.

Әл-Фараби атындағы ҚазҰУ профессор-оқытушылары:
Ф.ғ.д., профессор м.а. Айдарбек Қ.Ж.
PhD , доцент м.а. Аккузова А.А.
Магистр (докторант), оқытушы Мырзабек Б.М.

Әл-Фараби атындағы Қазақ Ұлттық университеті қоғам алдындағы әлеуметтік жауапкершілікті арттыру және БҰҰ-ның Тұрақты даму мақсаттарын орындау шеңберінде бірқатар стратегиялық міндеттерді жүзеге асыруды қолға алды. Бағдарламаның негізгі мақсаты — студенттер мен қала тұрғындарының денсаулығы мен әл-ауқатын жақсартуға жағдай жасау.

Тұрғындарға арналған ақпараттық-ағартушылық жобалар

ҚазҰУ Алматы қаласында денсаулықты нығайтуға бағытталған арнайы бағдарламалар мен жобаларды іске асыруды жоспарлап отыр. Осы мақсатта студенттік волонтерлік бағдарламалар кеңінен тартылады.

Ақпараттық-профилактикалық жұмыстар келесі негізгі бағыттарды қамтиды:

• Жеке гигиена және дұрыс тамақтану мәдениеті;
• Бұқаралық спорт пен физикалық жаттығуларды насихаттау;
• Отбасын жоспарлау және белсенді ұзақ өмір сүру мәселелері.

Спорттық инфрақұрылымның қала тұрғындарына қолжетімділігі

Университеттің өзіндік спорттық нысандары мен ғимараттарын тиімді пайдалану мақсатында жаңа интеграциялық тетіктер енгізілуде. ҚазҰУ-дың спорттық кешендері мақсатты түрде келесі топтармен бірлесіп пайдаланылады:

1. Алматы қаласындағы жалпы білім беретін мектептермен;
2. Университет қалашығына жақын орналасқан тұрғын үйлердің тұрғындарымен.

Бұл қадам қалалық ортада бұқаралық спортты дамытуға және көршілес қауымдастықтар арасында салауатты өмір салтын қалыптастыруға бағытталған.

Білім алушылардың әлеуметтік-медициналық қауіпсіздігін қамтамасыз ету аясында университетте арнайы қолдау көрсету шаралары қарастырылған. Бағдарлама аясында жастарға аталған бағыт бойынша білікті ақпараттық және білім беру қызметтері жүйелі түрде ұсынылады.

Әл-Фараби атындағы ҚазҰУ профессор-оқытушылары:
Ф.ғ.д., профессор м.а. Айдарбек Қ.Ж.
PhD , доцент м.а. Аккузова А.А.
Магистр (докторант), оқытушы Мырзабек Б.М.

https://www.youtube.com/embed/IYlzQ0Z8EUk?si=mrqhDWk0AxT9-PWB" 

https://www.youtube.com/embed/ccmbAu17ilw?si=-PX9XWuy7Bok_nIO" 

https://www.youtube.com/embed/brF7qQaaMtc?si=0d7zViIJTzfEIMyX" 

https://www.youtube.com/embed/wfuJlvke5dU?si=H6gHsM8yNUJnh-nm" 

https://www.youtube.com/embed/DviPcf6oZ2w?si=qhQV2DR5QUsbUNV0"