Алматыда «Мемлекеттік тілді білудің сатылары мен деңгейлерін бағалау жүйесі» тақырыбында маңызды конференция ұйымдастырылды.

Семинар жұмысының негізгі бағыттары:

* ҚАЗТЕСТ жүйесінің артықшылықтары мен және мемлекеттік тілді білуді бағалаудағы орны;
* Қазіргі таңда Қазақстанда басқа қандай деңгейлік тест жүйелері жұмыс жасайды?
* Мектептегі «Қазақ тілі» пәні бойынша жалпы міндетті емтиханның артықшылықтары;
* ҚАЗТЕСТ жүйесінің тест тапсырмаларының мазмұны мен құрылымы;
* Мемлекеттік тілді оқытудың сатылары мен деңгейлерінің қазіргі қолданыстағы бағалау жүйесімен үйлесімділігі;
* Қазақ тілін білуді бағалаудың автономды жүйелері әңгіме өзегіне айналды.

Іс шараға академик Ерден Қажыбек, Юлай Шамильоглу сынды танымал ғалымдар, ҚАЗТЕСТ жүйесін дамыту жөніндегі басқарма басшысының міндетін атқарушы Ерсултанова Г.С. Әл-Фараби атындағы Қазақ ұлттық университетінің PhD докторлары Күзембекова Ж.Ж, Аккузова А.А, сонымен қатар мектеп ұстаздары қатысты. Тіл жанашырлары мемлекеттік тілді кемелдендіруге бағытталған ұсыныстары мен ой-пікірлерін ортаға салды.

​«Балабақшаны, 11 жыл мектепті, 4-5 жыл университеттік білім беру жүйесінің тек бірінші курсындағы «Қазақ тілін» қосқанда барлығы 15 жыл үздіксіз оқытады екенбіз. Бірақ түлектер мемлекеттік тілді өз дәрежесінде білмей шығады, бірнеше жүздеген тиражбен жарық көріп жатқан оқулықтар мен оқу құралдары, түрлі интернет ресурстар мен мультимедиалық бағдарламалар, екі тілді, үш тілдік сөздіктер бола тұра, мемлекеттік қызметкерлер түрлі курстарды оқып, сертификат иеленіп жатқанымен, түпкілікті нәтиже көңіл көншітпейді. Оның субъективті, объективті себептері бар дегенімізбен, осынау мемлекеттік маңызы бар мәселені жүзеге асыруда сала мамандарын ойландыратын мәселелер жеткілікті», - дейді мамандар. Аталған шарада әр баяндамашы қазақ тіліне қатысты өз ойларын, ғылыми ұстанымдарын ортаға салды.  ҚАЗТЕСТ жүйесінің қазіргі таңда жаңа форматқа өткені туралы мазмұнды баяндама жасалды.

​Жиында талқыланған мəселелер талданып, тиісті орындарға уәжді ұсыныстар берілетіні айтылды. Шараға қатысқан мамандар мемлекеттік тілдің қолданыс аясын кеңейту үшін табанды еңбек етудің қажеттігін тілге тиек етті.Сонымен қатар қозғалған тақырыпты жүзеге асырудың кезек күттірмейтін жағдаят екендігін сөз етті.

Әл-Фараби атындағы ҚазҰУ-міз еліміздегі жоғары білім саласында ғана көшбасы емес, сонымен қатар шетелдік алдыңғы қатарлы университетермен байланыс орнатуда да алда келеді. 

Қазіргі таңда біздің университетіміз ғылым жолындағы жастарға жасап отырған мүмкіндігі өте көп. Сондай мүмкіндіктің бірі ретінде PhD докторанттарының шетелдік ғылыми тағылымдамадан өтуін атай аламыз. Шетелдік ғылыми ортамен танысып, тәжірибе алмасу, шетелдік мамандардан бағыт-бағдар, кеңес алу – бұл өте құнды тәжірибе.

Осындай екі жақты іскерлік байланыс орнатып келе жатқан университетеріміздің бірі – Босфор университеті (Boğaziçi Üniversitesi).

Түркияның беделді оқу орындарының бірі саналатын Босфор университетінің Қоршаған орта туралы ғылымдар институтымен (Institute of Environmental Science) бірнеше жылдан бері PhD докторанттарды дайындауда бірлесіп жұмыс атқарып келеміз. Аталған инсититут ғалымдары біздің география және табиғатты пайдалану факультетінің, соның ішінде Тұрақты даму бойынша ЮНЕСКО кафедрасының PhD докторанттарына дәріс оқып, ғылыми жетекшілік етіп келеді.

Қоршаған орта туралы ғылымдар институтының (Institute of Environmental Science) құрылғанына жарты ғасырға жуықтаған. Зерттеу базасы жаңа. Институт 1982 жылы инженерлік мектептегі қоршаған ортаны зерттеу тобын кеңейту және қайта құру бағытында жаңадан жасақталған. Қазіргі таңда бұл білім ордасы Түркиядағы заң негізінде құрылған алғашқы экологиялық зерттеу ұйымы (Turkish Official Gazette, No: 18124, 3 тамыз 1983 ж.) болып саналады.  Бүгінгі күні инситут директоры – ғылым докторы, профессор Тұрғұт Түзүн Онай мырза. Халықаралық ғылыми ортадағы беделді ғалымдардың бірі.

Жақында осы институттан Тұрақты даму бойынша ЮНЕСКО кафедрасының 3 курс PhD докторантымыз А.Н. Хасенова 1 ай ғылыми тағылымдамадан өтіп қайтты.

Ғылыми тағылымдама барысында университеттің қызметімен танысып, ғылыми-практикалық семинарларға қатысып, кітапханада докторлық диссертациясы мен ғылыми мақалаларға материалдар жинау бойынша жұмыс жүргізіп, ғылыми-зерттеу жұмысы шеңберінде әдістеме және зерттеу мәселелері бойынша шетелдік ғылыми жетекшісінен кеңесін алды. Тағылымдама аяқталған соң Тұрғұт Түзүн Онай мырза ғылыми тағылымдаманың сәтті аяқталуымен құттықтап, салтанатты түрде сертификат табыстады.

Мұндай жоғары дәрежелі университет қабырғасында ғылыми тағылымдамадан өту – PhD докторанттарымыз үшін өте үлкен мүмкіндік.

Шетелдік ғылыми ортамен танысып, тәжірибе алмасу, бұл көңіл көкжиегінің кеңеюіне ғана әсер етіп қоймай, ғылыми жұмыстың жоғары деңгейде зерттелуіне де өз әсерін тигізері сөзсіз. Шетелдік мамандардан бағыт-бағдар, кеңес алу – бұл ғылыми жұмыстың терең зерттелуіне де әсер етеді.

Осындай белді университеттен ғылыми тағылымдамадан өтуге барлық мүмкіндіктікті жасап отырған әл-Фараби атындағы Қазақ ұлттық университетіне, университет ректоры Жансейіт Қансейітұлы мырзаға, география және табиғатты пайдалану факультетінің деканы Әлия Сағындыққызына, барлық факультет ұжымына алғысымыз шексіз. Шәкірттеріне үнемі үлкен мүмкіндіктер алаңы бола білген ұлттық университетімізді 90 жылдық мерейтойымен және барша оқытушы-профессорлық құрамды Ұстаздар күнімен құттықтай отырып, ғылым жолындағы ізденістеріңіз жемісті болсын дегіміз келеді!

                                                                                                                                                     Тұрсынкүл Базарбаева

                                                                                                                                                     Әл-Фараби атындағы ҚазҰУ

                                                                                                                                                       География және табиғатты

                                                                                                                                                     пайдалану факультеті

                                                                                                                                                      Тұрақты даму бойынша

                                                                                                                                                         ЮНЕСКО кафедрасының меңгерушісі

Алматы облысы Шонжы аулында «Ұстаз аты – биік әрі мәңгілік»  атты мерекелік іс-шара өтті. Үздік педогогтерін марапаттаған мерекелі кешті аудандық білім бөлімі ұйымдастырған, деп хабарлайды Алатау телеарнасы.

Шара барысында Қазақстан Республикасы Оқу-ағарту министрлігінің «Ыбырай Алтынсарин» төсбелгісімен 6 педагог, Қазақстан Республикасы Оқу-ағарту министрлігінің Құрмет грамотасымен 20 педагог, Қазақстан Республикасы Оқу-ағарту министрлігінің Алғысымен 61 педагог, Қазақстан Республикасының "Еңбек ардагері" медалімен 3 педагог, Алматы облысы білім басқармасы басшысының Құрмет грамотасымен 81 педагог, аудан әкімінің алғыс хатымен 18 педагог, Ұйғыр ауданы білім бөлімі басшысының алғыс хатымен 100 педагог марапатталды.

Іс-шараның құрметті қонақтары Ұйғыр ауданының әкімі Елеусізова Бота Серікқызы, "Өрлеу" Біліктілікті Арттыру Ұлттық Орталығы" Ақционерлік қоғамының филиалы Алматы облысы бойынша кәсіби даму институты директорының орынбасары Масимова Хуршидам Ташболатовна, аудандық мәслихаттың төрағасы Есжан Нұрәкім Есенбайұлы, «Ұрпақ парызы» қоғамдық ұйымының төрағасы Керімқұлов Жәнет Сәдіұлы, «Ақбұлақ салалық кәсіподағының» аудандық филиалы төрағасы Нұров Маулен Мұқажанұлы, «Алматы облысының оқу-ағарту және бюджеттік қызметкерлерінің кәсіптік одағы» қоғамдық бірлестігінің аудандық филиалының төрағасы Қожағұл Кәрібай Ізбасарұлы,  ауданның этно мәдениет орталығының төрағасы Османов Арлен Сеналұлы, Алматы облыстық Оқу-ағарту ғылым және жоғарғы білім қызметкерлерінің «Қамқор кәсіптік одағы» қоғамдық бірлестігінің аудандық «Ағартушы» филиалының басшысы Таиров Армидин Шамшидинович болды. Олар ұстаздар еңбегінің өлшеусіз екенін тағы бір еске салып, барша мұғалімдерді кәсіби мерекелерімен құттықтады.

https://www.youtube.com/embed/NVMnxYOUWbM?si=MHWDje4mBOJvlIOZ" 

Көкшетаудағы Абылай хан даңғылының бойындағы көпқабатты бірнеше үйдің тұрғындары үшін өз аулаларына кіріп-шығу қиындаған. Көлік жүруі қиын шұрық тесік көшелерінен тіпті жаяу адамның өзі сүрінеді. Жаз мезгілі аяқталып, жаңбырлы күз  жеткенімен жолдың жасалар түрі жоқ.  

Бұл жол Абылай хан даңғылындағы 5-ші, 7-ші және 9-шы үйлерге апарады. Бұрын тақтайдай асфальт болғанымен кәзіргі сиқы осы. Жаңбырлы күндері бұл жер көлкіген көлшікке айналады екен. 

ИВАН КОТЛЯР ҚАЛА ТҰРҒЫНЫ: «Асфальтты сыпырып алып тастап,  қиыршық тас төсеп кетті. Көктемде алып тастаған еді, содан бері еш қозғалыс жоқ. Қазір үйге дейін көлік жете алмайды. Шалшықтан өту мүмкін емес, жаяу жүргіншілер жолы да балшыққа толы. Мүндай жағдайдың қашан аяқталатыны белгісіз».

Осы маңнан кәсіп ашып нәпақаларын айырып отырған кәсіпкерлер үшін де  бұл мәселе кесірін тигізіп отыр. Жолдың нашарлығын олар тұрғындармен бірге шешуге ат салысуда.

ОЛЬГА КОЛУБЕКОВА «ҚАРАПАЙЫМ» СЕРІКТЕСТІГІНІҢ ТӨРАҒАСЫ: «Шыңғыс» дүкеннің өкілі тұрғын үй-коммуналдық шаруашылығына бірнеше рет барды, оған бірінші қыркүйекке дейін барлығын түзетеміз деп уәде берді. Бірінші қыркүйек өтіп кетті, бірақ ешқандай өзгеріс жоқ. Оның үстіне саз. Бәрі біздің аулаға келеді. Клиенттер келсін деп осы маңдағы  дүкендердің өкілдері мен иелері қиыршық тас төсеп тастады. Әкімдіктегілер уәде еткелі қай заман, бірақ іс алға жылжыған жоқ». 

Жауапты мамандар жұмысты мерзімінде аяқтауға уәде беріп отыр. Екі апта бойы ауа райы қалыпты болады, сондықтан жолдарды жөндеуге уақыт бар екенін алға тартты. 

ЕЛЕНА СУХАНОВА ҚАЛАЛЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ, ЖОЛАУШЫЛАР КӨЛІГІ, АВТОМОБИЛЬ ЖОЛДАРЫ ЖӘНЕ ТҰРҒЫН ҮЙ ИНСПЕКЦИЯСЫ БӨЛІМІНІҢ БАС МАМАНЫ: «Абылай хан даңғылындағы 9 үйдің   аулаішілік аумағына кіреберісі биылғы жылға арналған жолдарды ағымдағы жөндеу бойынша жұмыс жоспарына енгізілген. Жұмыстар қыркүйек айының соңы мен қазан айының басына дейін жасалып бітеді. Осы жолға асфальт-бетон жабыны төселеді». 

Сметалық есеп негізінде және ағымдағы жөндеу шеңберіндегі жобада су бұру көзделмеген. Тұрғын үй-коммуналдық шаруашылығы бөлімінің мамандары бұл мәселені де шешуге уәде берді.

https://www.youtube.com/embed/buc3R-1CTD0?si=TcXkGS0XbTQ-cEVy"

Бүгін Алматыда, Ғабит Мүсірепов атындағы №86 мектеп-гимназиясында «Түркі халықтары тарихының ортақ тұстары, мектептерде оқытылу мәселесі» тақырыбында халықаралық семинар өтті.

Семинардың басты мақсаты- Түркі халықтарының тарихын оқытудың методологиясын зерттеу. Аталмыш білім ордасында Түркия мемлекетінен келіп отырған тарих ғалымдары, университет өкілдері мен мұғалімдердің біліктілігін арттыру орталығы пікірлерін ортағы салды.

АСҚАР САРБАҒЫЗОВ  Ғ.МҮСІРЕПОВ АТЫНДАҒЫ №86 МЕКТЕП-ГИМНАЗИЯСЫНЫҢ  ДИРЕКТОРЫ; «Бұл аталмыш дөңгелек үстелде қаралатын негізгі мәселе Түркі халықтары тарихының мектептерде оқыту әдістемесі.Осы тұста сөз қозғап, осы тұста пікір алмастыратын боламыз».

ГҮЛМИРА АСАНБЕКОВА ҰСТАЗ: «Негізінен бұл халықаралық семинар не береді десеңіздер, екіншіден екі ел арасындағы өзара тығыз байланысты көрсетеді, білім саласында атқарылып жатқан тың тақырыптардың ортақ қамтылуы туралы баяндайды және сол туралы алыстан келіп отырған және біздің қаламыздан келіп отырған тарихшылардың керемет ойларын тәжірбиелерімен бөліседі деген ойдамын». 

Ортақ мұра,ортақ құндылық.Шараға жиналғандар бір жеңнен қол,бір жағадан бас шығарып, түркі дүниесінің мол мирасын бірлесе насихаттауға күш біріктірген абзал деп отыр.

https://www.youtube.com/embed/yJxq3YnwEmM?si=4ENm0pb9jQp6KdxK"

Баланың болашағы мен біліміне жауапты ұстаздар қауымының арқалаған жүгі ауыр.Бүгінде мұғалімдердің заман талабына сай,жанжақты болуына ерекше мән беріліп келеді. Мақсат,жас мамандардың алғырлық іс-әрекетін дамыту.

Мұғалім тапшылығын желеу етіп, мектепке кез келген адамды жұмысқа ала беруге болмайды. Мұндай әрекет ұстаздардың біліктілік деңгейін күрт төмендетеді. Сол себепті ұстаз даярлау ісін жетілдіру үшін нақты шаралар қабылдау қажет. Бұл – өскелең ұрпақтың болашағына байланысты өте маңызды міндет екенін уақыттың өзі көрсетіп отыр.Алматы қалалық білім басқармасының мамандары ұйымдастырып отырған семинардың да негізгі мақсаты осы да.

САФУРА ТИМУРБАЕВА АЛМАТЫ ҚАЛАЛЫҚ №140 М.МАҚАТАЕВ АТЫНДАҒЫ ГИМНАЗИЯНЫҢ ҰСТАЗЫ

Ізденіс, зерттеу және шығармашылық арқылы жаңа формация педагогтарын даярлау бағытында заман талабына сай цифрлық ресурстарды, кең жолақты ақпараттарды пайдалана отырып өткізген сабақтары, новаторлық идеялары, жас мамандарға жүктелген негізгі міндеттердің бірі.

АЯГҮЛ МИРАЗОВА ҚАЗАҚСТАННЫҢ ЕҢБЕК ЕРІ

https://www.youtube.com/embed/nGrW5wd8pzc?si=rnevm5utQK3OjKZd"

https://www.youtube.com/embed/oBAKnYANWTg?si=WwO_ylTKNTvb9wMq"

Жедел жәрдем жұмысына өзгерістер енгізілмейді. Бұрынғыдай 24 те 7 тәулік бойы шақыртуларға барады. Бұқаралық ақпарат құралдары халыққа  дұрыс ақпарат жеткізбеген деп ақталды бүгін денсаулық сақтау министрлігі. Айта кетейік, кеше Ашық порталға қаулы жарияланып, онда бұдан былай жедел-жәрдем қызметі төртінші санаттағы шақыртуларға таңғы сағат 9,00-ден кешкі сағат 18,00-ге дейін ғана барады. Сенбі түске дейін, ал жексенбі күні ауырсаңыз, мүлдем шақыра алмайсыз, демалыс делінген болатын. Осы құжатты көргендер бірден шу шығарып, әлеуметтік желіде депутаттар бар халық қалаулылары жаппай жазба жариялап, ашық қарсы шықты. 

АЙГЕРІМ ОРАЗАЛИЕВА ҚР ДЕНСАУЛЫҚ САҚТАУ МИНИСТРЛІГІНІҢ РЕСМИ ӨКІЛІ:
«Бүгін бірқатар БАҚ-та жедел жәрдем қызметіне қатысты өзгерістерді қате түсіндіру жарияланды. Осыған байланысты біз түсіндіреміз. Бұрынғыдай, 103 нөміріне қоңырау шалу арқылы барлық пациенттер шақырту санатына қарамастан толық көлемде медициналық көмек ала алады. Жеделдікті жақсарту үшін жұмыс уақытында 4-ші санаттағы шақыртуларға қызмет көрсетуге медициналық көмек көрсетудің алғашқы бригадалары тартылатын болады. Кешкі және түнгі уақытта, демалыс күндері барлық санаттағы шақыртуларға жедел көмек бригадалары қызмет көрсететін болады. Осылайша азаматтар үшін ештеңе өзгермейді. Бірде-бір шақырту назардан тыс қалмайды және пациенттерге қызмет көрсетудің жеделдігі мен сапасы одан әрі жақсарады». 

https://www.youtube.com/embed/-aTYrJh4-Ik?si=LXYdKH_BMNPGFtiI" 

Қазақстанның сыртқы саясаты үшін бітімгершіліктің маңызы зор. Бүгінде Голан жотасында Қазақстаннан 139 әскерилер бітімгершілік миссиясын орындап жатыр. Қорғаныс министрлігі сол Голан жоталарындағы қазақстандық бітімгерлік ротасына инспекция жасады. Айта кетейік, алты ай ішінде қазақстандық бітімгерлер шекара маңындағы аудандарда 168 патрульдеу жүргізген. 18 рет БҰҰ персоналын алып жүрген, сондай-ақ 13 рет жарылмаған оқ-дәрілерді залалсыздандыруға қатысқан және 30 рет медициналық эвакуация жүргізген. Сонымен қатар жедел әрекет ету топтары оқиға орнына 102 рет барған. Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаевтың басшылығымен инспекциялық топ қазақстандық бітімгерлік контингент орналасқан Фауар базасында болды. 

АЗАМАТ СИСАТОВ ҚР ҚМ ХАЛЫҚАРАЛЫҚ ЫНТЫМАҚТАСТЫҚ ДЕПАРТАМЕНТІ  БІТІМГЕРШІЛІК БАСҚАРМАСЫНЫҢ БАСТЫҒЫ:  «Қазақстан Республикасы Қорғаныс министрлігінің тапсырмасымен қыркүйек айында ҚР Қорғаныс министрінің орынбасары генерал, майор Жазықбаевтың басшылығындағы инспекциялық топ БҰҰ-ның Голан биіктігі миссиясына жұмыс сапарымен барып қайтты. Миссия аумағында аталған миссияның қолбасшылығымен кездесулер өткізіліп Қазақстан бітімгерлерінің күнделікті жаттығу жағдайлары таныстырылды. Қазіргі уақыттағы Таяу Шығыстағы ахуалға қарамастан Қазақстан бітімгерлері өздерінің жоғары кәсібилік деңгейлерін көрсетуде және күнделікті қызметтік тапсырмаларын жоспарлы түрде атқаруда».

https://www.youtube.com/embed/ixNTcWK_7wQ?si=lffV5IuFiu4Ie6LS" 

Жетекші қазақстандық және шетелдік сарапшылар Алматыда үдемелі жүрек қызметінің жеткіліксіздігін емдеу мәселелерін талқылады. Іс-шараға АҚШ, Түркияның және Швейцарияның кардиология, интервенциялық кардиология және кардиохирургия саласындағы жетекші сарапшылары қатысты. Осылайша, тәжірибе алмасу арқылы науқастардың  өмірін ұзартуға және  көмек көрсету жүйесін неғұрлым жоғары деңгейге көтермек.  

Мамандардың айтуынша, созылмалы жүрек қызметінің жеткіліксіздігі - жүрек-қан тамырлары ауруларының жиі кездесетін асқынуларына әкеп соқтырады. Сонымен қатар өмір сапасын төмендетіп, өлім-жітімнің көбеюінің басты себептерінің бірі болмақ. Сол себептен ауруды ерте бастан анықтау қажет екендігі айтылды.  

НҰРЛАН АБДИКАЛИЕВ МЕДИЦИНА ҒЫЛЫМДАРЫНЫҢ ДОКТОРЫ, ПРОФЕССОР «Қазақстанда 400 мыңнан астам адамға жүрек жетіспеушілігі диагнозы қойылған. Сондықтан бұлардың барлығы, тек қана терапевтік емдеу емес. Осы хирургиялық тәсілдермен де емделуге болады. Қазір бізде 4 орталық бар. Қазір емханаларда 300 ден астам кабинет бар. Сол жерде жүрек ауыруларын алдын алу, анықтау жұмыстары жүргізіледі. Аурулардың көбісі артериялық гипертензия, қант диабеті, ишемиялық ауруы соның барлығы жүрек жетіспеушілікті асқындыруы мүмкін. Соны жеткізбеу үшін, қан қысымын, қант мөлшерін бақылауда ұстау қажет. Сонда ғана ауыруды азайтамыз.» 

Жүрек қызметінің жеткіліксіздігі ауруы 40 жастан кейінгі жандарда кездеседі. Дегенмен дәрігерлер бұл аурудың қазіргі уақытта жасарып келе жатқанын айтады. Республикада жыл сайын 40 мыңнан астам адам түрлі жүрек ауруларынан қайтыс болады. Қазір 35 пен 50 жас аралығында адамдардың оннан бірінің жүрек кеселі анықталып отыр. 

ӘДІЛЖАН МӘЛІКОВ НАУҚАС: «Мен 41 жастамын. 2022 жылы менен жүрек ауруы анықталды. Осы жылы қаңтар айында ем қабылдағанан кейін денсаулығым жақсарды. Дәпгерлерге алғыс білдерімін, мені емдеп жазып шығарғанына. Адамдарға айтарым, көбірек демалып денсаулығына қарау қажет. Құр жүре бергенен денсаулық жақсармайды».

Ертең Кардиология және ішкі аурулар ҒЗИ-да пациенттерге кеңес беру, LVAD механикалық құрылғысын және Мitraclip имплантациялау операциялары бойынша шеберлік кластар өтпек. 

https://www.youtube.com/embed/vgrFTHatUhw?si=L5kMWX4u1PeLpU5N"

Үкімет басшысы Олжас Бектенов Маңғыстауға іс сапармен барып, Президенттің Жаңаөзенді дамыту жөніндегі тапсырмаларының орындалуын тексеріп, газ өңдеу зауытының құрылысын көріп қайтты. 

Үкімет басшысы Маңғыстау өңіріне жұмыс сапары барысында Мемлекет басшысының Жолдауында қойылған міндеттер шеңберінде, Жаңаөзен моноқаласын әлеуметтік-экономикалық дамыту бойынша қабылданып жатқан шаралармен танысты. Атап айтқанда, инфрақұрылымды жаңғырту, білім беру сапасын арттыру, халықты жұмыспен қамту және басқа да маңызды бағыттардың қарқынын тексерді. Одан бөлек Олжас Бектеновке қаладағы жаңа газ өңдеу зауытының құрылысы барысы туралы баяндалды. Кәсіпорынның өндірістік қуаты 900 млрд м3 ілеспе мұнай және табиғи газ қоспасын, сондай-ақ жылына 5 мың тонна газ конденсатын құрайды. Құрылыс жұмыстары 2023 жылдың қараша айында басталды, екі іске қосу кешенін толық аяқтау 2027 жылдың басына жоспарланған.

АБАЙ МОЛБАЕВ «ҚАЗАҚ ГАЗ ӨҢДЕУ ЗАУЫТЫ» ЖШС ҚҰРЫЛЫС ДИРЕКЦИЯСЫ БАСШЫСЫНЫҢ МІНДЕТІН АТҚАРУШЫ: «Бүгінгі таңда барлық инженерлік, геодезиялық, геологиялық, гидрометрологиялық және экологиялық зерттеулер толықтай аяқталды. Жоспар бойынша жаңа газ щауытының құрылысы 2025-ші жылдың қаңтар айында басталып, толықтай аяқталу және іске қосылуы 2027-ші жылдың ақпан айы деп белгіленіп отыр». 

Олжас Бектенов Құрық теңіз портын да аралады. Премьер-Министрге жыл басынан бері жүктерді ауыстырып тиеу көлемі 1,5 млн тоннадан асқаны, жыл соңына қарай көлемі 2,2 млн тоннаға дейін жеткізілетіні баяндалды. Биыл тереңдету жұмыстарын аяқтап, астық терминалын іске қосу жоспарланып отыр. Логистикалық кластер құру және паром флотын жаңарту жұмыстары жүргізілуде. 

АЙТҚАЛИ НҰРМАҒАМБЕТОВ «ҚҰРЫҚ ПОРТ» ЖШС МАРКЕТИНГ СЕКТОРЫНЫҢ БАСШЫСЫ: «Құрық теңіз порты жыл бойы автокөлік және теміржол паромдарын қабылдай алады, осы мақсатта мамандандырылған 4 айлақ бар. Теміржол тасымалы 4 млн ал көлік тасымалы 2 млн жүкке дейін қабылдауға қауқарлы. Қазір айлақты тереңдету жұмыстары жүріп жатыр. Ал кеме жүретін теңіз жолы тереңдетілді. 60 пайыз жұмыс бітіп тұр. Қазір Құрық портында жылына 1 млн тонна астық қабылдайтын терминалдың құрылысы салынып жатыр. Осы айдың соңында тестілеу режиміне қосылып, алғашқы жүкті қабылдайтын болады».

https://www.youtube.com/embed/opAleLPsxH4?si=UkDO-nw7--jRe2Tz"