- Толығырық
- Категория: Алатау ақпараты
- 309 рет қаралды
https://www.youtube.com/embed/4PyA85fU-Tg?si=8JBg95KW4gOkxX-6"
Бүгін елімізде Кітапханашылар күні аталып өтуде. Кітап баға жетпес қазына десек, бұл құндылықты көзінің қарашығындай қорғап жүрген кітапханашы. Енді мерекемен бірге мамандықтың мәртебесі де қайта түлегендей.
Мерекенің басты мақсаты – кітапханашы мамандығының имиджін көтеру және оны кәсіби аренада ынталандыру болып табылады. Бұл тек кәсіби кітапханашылардың ғана емес, ең алдымен кітаптарды жақсы көретін, кітапханашының мәдени және қоғамдық өміріндегі орасан зор рөлін түсінетін адамдардың мерекесі.
ГҮЛМИРА МАХАМБЕТОВА ҚР ҰЛТТЫҚ КІТАПХАНАСЫНЫҢ ҒЫЛЫМИ-ӘДІСТЕМЕЛІК ҚЫЗМЕТ ЖЕТЕКШІСІ
«Қадірлі кітапханашылар, кітапханашы қауымы! Сіздерді бүгінгі 24 қазан – кітапханашы күнімен құттықтаймын. Бұл мерекеге былтыр 2022 жылы үкіметтің 833 қаулысы арқылы жетіп отырмыз. Осы төл мерекеміз барлығымызға құтты болсын».
ҚР Ұлттық кітапханасының тарихы бұдан 113 жыл бұрын белгілі. Кітапханада 14 оқырман залы бар. Білім үйінде «М.Әуезов әлемі», «Боямасыз, нағыз оқитын кез», «Балаларға базарлық» сынды бірнеше жобалар іске асырылуда. Сонымен қоса, әдеби орталықтар да ашылған. Ол жерде әдебиет сүйер қауым кездесіп, әдебиеттерді талқылайды, ақын-жазушылармен кездесу өткізеді.
ГҮЛМИРА МАХАМБЕТОВА ҚР ҰЛТТЫҚ КІТАПХАНАСЫНЫҢ ҒЫЛЫМИ-ӘДІСТЕМЕЛІК ҚЫЗМЕТ ЖЕТЕКШІСІ:
«Кітапханамызда қазір Ұлттық кітапханада 7 орталық жұмыс істейді. Әдебиет және өнер орталықтары. Ол Пәкістан, Түрік, Қытай, Корея орталықтары бар. Сондай бірнеше елдің орталықтарымен мәдени байланыстар орнатылған. Біздің консулдықтармен байланыс орнатылған».
Жалпы кітапхана қорында 7 млн астам білім құралы сақталған. ТМД елдері арасында атақты саналатын, бай кітапханаға келушілер саны да аз емес. Күніне 3000-3500 оқырман келсе, жылына 44 мың адам қонақ болады екен. Оқырмандардың 80 пайызы студенттерден құралған. Қажетті оқулықтарын тауып, білім нәрімен сусындай алады.
АҚТОТЫ ТОЛЫҚБАЕВА КІТАПХАНА ОҚЫРМАНЫ
«Әсіресе, ұзақ уақыт бойы отыратын залым О.Жандосов атындағы оқу залы. Бұл жердің ерекшелігі Абай әдеби орталығы бар. Қателеспесем, осыдан 3 жыл бұрын әдеби орталық Абай атамыздың 175 жылдық мерей тойына арналып ашылған болатын. Содан бері осы орталыққа келіп, өзіммен өзім Абай атамыздың түрлі шығармаларын оқып, Абай атамыздың өмірі, шығармашылығы жайлы көптеген мәліметтермен танысып отырған ұнайды».
Кітапханалар – ғасырлар бойы келе жатқан биік парасаттылық пен білімділіктің киелі ордасы. Ол оқырман мен кітап арасындағы алтын көпір. Ал кітап пен кітапхананың тіршілігіне жан беретін, ұлттық құндылықтар мен оқырмандар арасын жалғастырушы – кітапханашылар. Олар білім, ғылым, өнер мен мәдениеттің дамуына өлшеусіз үлес қосып, өркениетті елге айналуымыздың негізін қалауда.
- Толығырық
- Категория: Алатау ақпараты
- 285 рет қаралды
https://www.youtube.com/embed/P7HkyUgikyM?si=cTnPep-Cg_HPzIIZ"
Шекаралық аймақта орналасқан 1 ғасырлық тарихы бар Жазиралы Жаркент өңірінде 41 елдімекен бар. Әртүрлі ұлт өкілдері қоныс тепкен өңірдің 69 пайызын қазақ ағайындар,39 мыңдай ұйғыр халқы сонымен қатар орыс,дүнгендер құрайды. Береке -бірлікте өмір кешіп жатқан аймақта білім беру,денсаулық сақтау,мәдениет,спорт салаларында бірқатар атқарылып жатқан шаруалар жеткілікті.Толығырақ тілшіміз тарқатып берсе.
Білім беру саласы бойынша аймақта 50 мектеп бар.12 мемлекеттік 49 жекеменшік балабақша жұмыс істеп тұр. Мәселен Жаскент округінің Головацкий ауылында мектепке дейінгі білім беру саласындағы қызметтерді ұйымдастыру үшін сенімгерлікпен басқаруға берілген нысанмен танысуға бардық. 200 орынға арналған балабақша жақында пайдалануға берілмек.Бұдан бөлек, Жаркент қаласында «Жайлы мектеп» ұлттық жоба аясында 1200 орындық мектептің құрылысы басталған.
ӘСЕТ ТҰРСЫНОВ ҚҰРЫЛЫС БАСШЫСЫ: «Құрылыс қыркүйек айында басталды. Қазіргі таңда жер жұмыстары жүз пайыз біткен. Мектептің аяқталу уақыты келер жылдың қыркүйек айы. Жалпы үш мектептен тұрады. Бір үлкен спорт залы және кіші спорт залы бар балаларға арналған. Футбол алаңы бар».
Облыстағы ең үлкен жеміс-жидек сақтау қоймасы Жаркентте салынған. 1000 тонналық қоймада алма,қызанақ,қызыл бұрыш сынды жеміс түрлері бар. Кәзіргі күні 6 мың тонналық қосымша қойманың құрылысы жүргізіліп жатыр.
МАРАТ САҒЫМБЕК ЖЕТІСУ ОБЛЫСЫ ПАНФИЛОВ АУДАНЫНЫҢ ӘКІМІ:«Өздеріңіз білесіздер Панфилов ауданы ауыл шаруашылық елді мекен. Негізінен бізде жүгерімен айналысады. Тек қана сақтау емес ары қарай оны өңдеу, өндіру бойынша сок жасау басқа өнімдер өндіру бойынша цехтың құрылыс жұмысы басталғалы жатыр».
Өңірде мемлекеттік-жеке әріптестік арқылы балабақша, спорт кешендерін салу қарқын алған. Нұрбақыт Теңізбаевтай олимпиада жүлдегері шыққан ауданда спортқа деген жастардың қызығушылығы жоғары. Дарабоз спорт кешені,Үлкен Шыған ауылындағы 90 орындық,Пиджим ауылындағы 100 орынға арналған спорттық кешендерінің бой көтеруі соның дәлелі.
“Қорғас-шығыс қақпасы” арнайы экономикалық аймағы, “Алтынкөл” теміржол бекеті, “Нұр жол” автомобиль өткізу пункті сияқты республикалық маңызы бар жобалар ауданның әл ауқаты үшін, жергілікті халық үшін қосымша жұмыс көзі және салықтық түсімдер береді. Болашақта өнеркәсіптік қала салу жоспарланған.
МҰРАТ БАЙМҰХАНБЕТОВ «ҚОРҒАС-ШЫҒЫС ҚАҚПАСЫ» АЭА БҚ АҚ ТӨРАҒАСЫ, БАСҚАРМА БАСШЫСЫ: «Кәзір енді жұмыстар басталды. Оны біз 2019 жылы бастағанбыз. Бірақ ковид мәселесімен жұмыстар тұрып қалды. Қазір енді үш жылдан соң жандандырып жатырмыз».
Жүгері дақылын өсірумен танымал аймақта түрлі өнім алатын ірі Жаркент крахмал-сірне зауыты жұмыс істеп тұр. Мұнда жүгеріден 20-ға жуық өнім алынады. Оның қасында 400 адамды жұмыспен қамтитын полипропиленнен қап шығаратын “Универсал” кәсіпорны бар.
Аудан әкімі Марат Сағымбек тілшілермен бірге нысандарды өзі аралап, ақпарат беріп отырды. Осы өңірдің тумасы, елдің ішінен шыққан азаматқа үміт артып отырған жұрт көп. Халықтың тұрмыс тіршілігінен,әл ауқатынан әкім толықтай хабардар,түбегейлі бақылауында.
- Толығырық
- Категория: Алатау ақпараты
- 275 рет қаралды
https://www.youtube.com/embed/ER4nDx790RY?si=HpP15erxhSeajokm"
Индонезиядағы құрғақшылықтан дихандар жылдағы егін егу үрдісін өзгертуге мәжбүр. Олар енді, табиғаттың тосын сыйына дайын, суды қатты қажет ете бермейтін дақылдарға көшті.
Индонезиялық фермер Ваян Дхармаяса өмір бойы күріш өсіріп келген. Енді басқа дақылдарды отырғызуға мәжбүр. Ел ұзаққа созылған құрғақшылықтан қиналуда. Қатты зардап шеккен аймақ Бали курорттық аралы.
ВАЯН ДХАРМАЯСА – ДИХАН: "Мұндай жағдайда диханшылар күріш өсіре алмайды. Бірақ біз жүгері мен көкөністер сияқты басқа дақылдарды отырғызбақпыз.Онымыз, жан бағып, ас-ауқат алу үшін ғана. Артылса сатармыз".
Джембрана округінде бес айдан бері жауын-шашын болмады. Соның салдарынан Паласари бөгетінің жанындағы су қоймасы құрғап тұр.
ВАЯН САПТА БУДИАРТА - БИЛІК ӨКІЛІ "Су қоймасында сегіз миллион текше метр су болды, содан кейін жеті миллионға азайды. Құрғақшылықтан бөгеттің етегіндегі жерге сіңе бастады".
Қазір тек 320 мың текше метр су қалды. Диханшылар жаңбыр жаумаса, жаңа дақылды егінде өледі деп қорқады. Джембранадағы адамдарға су және тұрмыстық қажеттіліктер жетіспейді. Округтегі алты ауыл қиын жағдайға тап болған. Мұнда екі аптаға төтенше жағдай режимі енгізілді. Қазір Индонезияның табиғи апаттар агенттігі таза ауыз суды жеткізіп жатыр. Метеорологтар бұған дейін Эль-Ниньоның Климаттық құбылысына байланысты елді қатты құрғақшылық күтіп тұрғанын ескерткен. Мұндай жағдайда орман өрттерінің қаупі артады. Елде күріш өндірісі биыл 2% – ға-шамамен 30 миллион тоннаға дейін төмендейді деп күтілуде. Өткен жылы елдің күріш алқаптарының ауданы 10 миллион гектардан асқан екен.
- Толығырық
- Категория: Алатау ақпараты
- 273 рет қаралды
https://www.youtube.com/embed/G98TEW1ZH0E?si=CR3M4ESPITBUHLXq"
Әйгілі француздық "Өрмекші адам" атанып кеткен Ален Робер бұл жолы рекорд орнату үшін емес, игі мақсатпен тағы бір биіктікті бағындырды.
Ален Робер Израиль мен палестиналықтар арасындағы қақтығыстың шиеленісуіне байланысты елдерді бейбітшілікке шақыру мақсатында Париждің Ла Дефанс іскерлік ауданындағы 220 метрлік зәулім ғимаратқа көтерілді.
АЛЕН РОБЕР - "ӨРМЕКШІ АДАМ" "Мен бейбітшілік үшін көтерілемін. Палестина немесе Израиль жағында емеспін. Менің таңдауым өмір, махаббат. Бірақ менің ойымша, екі тарап бір-бірін тыңдап, ұзақ мерзімді бейбітшілік келісімдеріне қол қоюы керек".
Ғимараттың төбесіне көтерілу екі сағатқа созылды. Әдетте, Ален Робер арнайы құрал-жабдықтарсыз және сақтандырусыз өрмелейді. Қолдары мен арнайы аяқ киімнің сырғып кетуіне жол бермеу үшін тек тальк ұнтағын пайдаланады.
АЛЕН РОБЕР - "ӨРМЕКШІ АДАМ" "Израиль мен Палестина 70 жылдан астам уақыт бойы соғысып келеді. Соғыстыңда тоқтауы керек шығар. Әлемде келіссөздер үстеліне отыруға және екі тарапты да қанағаттандыратын бейбіт келісімдерді талқылауға шамасы келетін саясаткерлер жеткілікті".
Робер саясаткерлерді бейбітшілікке шақырды, әйтпесе "Әлем үшінші дүниежүзілік соғыстың алдында тұр"деп қосты. Ален Робер, бүкіл әлем бойынша биік ғимараттарға өрмелейді. Оның есебінде 100-ден астам биіктік бар.Бағындырылған нысандардың қатарына Эмпайр стейт билдинг, Эйфель мұнарасы және Дубайдағы "Бурдж Халифа" зәулім ғимараты кіреді.
- Толығырық
- Категория: Алатау ақпараты
- 268 рет қаралды
https://www.youtube.com/embed/0MUYooOWsPI?si=k0Qt2iwiyFQG9P8s"
"Қазақстан Республикасы азаматтарының төлем қабілеттілігін қалпына келтіру және банкроттық туралы" Заңды іске асыру шеңберінде 2023 жылғы 3 наурыздан бастап 23 қазанға дейін Алматыда банкроттық рәсіміне жеке тұлғалардан 5 730 өтініш түскен, оның 5 603 өтініші қаралды. Бұл туралы Өңірлік коммуникациялар қызметінің брифингінде Алматы қаласы бойынша Мемлекеттік кірістер департаментінің өкілі хабарлады. Жеке тұлға өзін банкрот деп көрсету үшін қандай талаптарды ескеру керек.
АЙДОС БҰДЫҒҰЛОВ АЛМАТЫ ҚАЛАСЫ БОЙЫНША МЕМЛЕКЕТТІК КІРІСТЕР ДЕПАРТАМЕНТІНІҢ БЕРЕШЕКПЕН ЖҰМЫС БАСҚАРМАСЫНЫҢ БАСШЫСЫ:
«Бұл жерде үш рәсім бар. Соттан тыс банкроттық. Сот арқылы банкроттық және төлем қабілеттілігін қалпына келтіру. Тоқталып кететін болсақ соттан тыс банкроттық қолдану үшін жеке тұлғалардың қарызы 1600 АЕК аспауы тиіс. Яғни 5520000 теңге. Өтінім берген азаматтың атында мүліктер болмауы керек. Екінші деңгейлі банк алдында,коллекторлардың алдындағы,қаржылық ұйымдардың алдындағы қарыздары қарастырылады. Келесі рәсім сот арқылы банкроттық. Жаңағы сомадан асатын болса және атында мүліктер болатын болса онда сот арқылы пайдалауға болады. Не болмаса төлем қабілеттілігін қалпына келтіру рәсімін қолдануға болады».
- Толығырық
- Категория: Алатау ақпараты
- 294 рет қаралды
https://www.youtube.com/embed/0Yzjxv_ykBk?si=x1xJpw0OdLSxy9BP"
- Толығырық
- Категория: Алатау ақпараты
- 284 рет қаралды
https://www.youtube.com/embed/nGujVM3ZpBU?si=48cJ3d3DPXzzCrFI"
- Толығырық
- Категория: Алатау ақпараты
- 274 рет қаралды
https://www.youtube.com/embed/wJbPPrb7gPc?si=MYpEcB2o3873zoYu"
Корея мен Қазақстан Республикаларының арасындағы дипломатиялық қарым-қатынастың орнағанына 30 жыл толуына орай, 2023 жыл екі ел арасындағы мәдениет жылы болып жарияланды. Осының аясында бүгін Темірбек Жүргенов атындағы қазақ ұлттық өнер академиясында мәдени алмасуды дамыту және тәжірибе алмасу мақсатында халықаралық іс-шара ұйымдастырылды.
Корея мемлекетінің драматургтер ассоциациясы мен Темірбек Жүргенов атындағы Қазақ ұлттық өнер академиясының «Өнертану» факультеті және Республикалық мемлекеттік академиялық корей музыкалық комедия театрының ұйымдастыруымен өткен іс-шараға Қазақстанның еңбек ері, драматург Дулат Исабеков пен Оңтүстік Корея драматургтері жиналды.
АН ХИ ЧЕР КОРЕЯ РЕСПУБЛИКАСЫ ДРАМАТУРГТЕР ҚОҒАМЫНЫҢ ТӨРАҒАСЫ: "Біз Қазақстанға осы елдің драматургтерін көріп, іс-тәжірибе алмасуға келдік. Осындай мүмкіндіктің туғанына қуаныштымыз. Бұл жиынға біздің елден 12 драматург келіп отыр. Алдағы уақытта сіздермен бірлесіп жақсы жұмыс жасап, тарихта қалсақ екен деген ниетіміз бар".
КИМ СУ МИ КОРЕЯ РЕСПУБЛИКАСЫ ДРАМАТУРГТЕР ҚОҒАМЫНЫҢ ПРОДЮССЕРІ: "Біз қазақтардың . Ми, жан және жүрек - тілдесуді қажет етеді. Сол себепті де біз сіздермен пікір алмаса отырып, қазақтың театр мәдениеті туралы толығырақ білгіміз келеді. Драматургия - түсіністік кілті. Бүгінгі іс-шара үлкен жұмыстардың бастау болмақ".
Жоспарда 2024 жылы қазақстандық драматургтердің Корея Республикасына жауапты шығармашылық сапары бар. Сонымен қатар, кореялық және қазақ драматургтарының осы жоба аясында жазылған жаңа шығармаларын екі тілде кітап етіп басып шығару да қарастырылған.
АНАР ЕРКЕБАЙ Т.ЖҮРГЕНОВ АТЫНДАҒЫ ҚАЗАҚ ҰЛТТЫҚ ӨНЕР АКАДЕМИЯСЫНЫҢ ПРОФЕССОРЫ
Іс-шарада театр студенттері Дулат Исабековтың «Мұрагерлер» пьесасының оқылымын оқыса, Корей драма театрның актерлары кореялық жас драматург Ким Сен Диннің "Бос бөлме" пьесасын оқып берді. Келуші қонақтар өз ризашылығын білдіріп, алдағы уақытта бірлесе жақсы жұмыстар жасауға ұсыныстарын айтты.
- Толығырық
- Категория: Алатау ақпараты
- 271 рет қаралды
https://www.youtube.com/embed/V8jeg5j7WAw?si=eaL62MiNT9TTl-Gd"
Ақтау қаласында қайғылы жағдай тіркелді. Қандаладан құтыламын деп үйін белгісіз препаратпен дизенфекция жасап кеткен тұрғынның кесірі көршісіне тиді. Нәтижесінде бір үйдің қос сәбиі уланып көз жұмды. Біреуі 10 айлық болса, екіншісі екі жарым жаста. Қалған бір отбасының 5 мүшесі ауруханадан бір ақ шыққан. Қайғыдан қара жамылған отбасының айтар талабы бар екен. Өңірдегі әріптесім қайтыс болған бүлдіршіндердің тумаластарымен сұхбаттасты. Толығырақ келесі бейнесюжетте.
Сұмдық жағдай 7-ші шағын ауданындағы дәл осы үйде болған. 8-ші қабаттағы тұрғын пәтеріне улы дәрілерді шашып, есігін құлыптап кетіпті. Белгісіз препараттың иісі 9-шы қабаттағы көршісінің пәтеріне жеткен. Қаперінде қауіп төнерін білмеген олар түнгі 1-лер шамасында кішкентайлардың жағдайы мәз емес екенін байқапты. Анасы үйден дәрі дәрмек беріп, жатқызып тастаған. Нәтижесінде таңғы мезгілде өздерін жәйсіз сезінген үйдің барлық мүшесі жедел жәрдем шақырған. Шұғыл жеткен мамандар сол кезде балалардың биологиялық өлімін тіркеген.
НҰРСӘУЛЕ ТҮМЕНОВА ТУЫСЫ: «Таңда жиен келін звондады.Апа,балалар кетіп қалды деп. Балдар судорогы берген, тұрмай қалған. Бүгін жаназасы болды.Біздің талабымыз- әділ сот, әділ шешім. Екі бала үшін. Көршілер айтпады ма, үндемей есігін кілттеп кетіп қалған».
Жедел жәрдем екі баланың өлімін нақтылаған соң, қалған 5 адамды ауруханаға жеткізеді. Оның 2-уі 2015 және 2017 жылы туған балалар. Оның біреуінің жағдайы аса ауыр болыпты.
МЕРЕКЕ БЕКБАЕВ БАЛАЛАР АУРУХАНАСЫНЫҢ АНЕСТЕЗИОЛОГИЯ, РЕАНИМАЦИЯ ЖӘНЕ ҚАРҚЫНДЫ ТЕРАПИЯ БӨЛІМІНІҢ МЕҢГЕРУШІСІ: «Антидонт салып, дизенфекациялық терапмя жүргізілді. Қазіргі таңда балалардың жағдайы орташа ауырлықта. Концилуиум болады, бөлімшеге ауыстыру жоспарлануда.Қыз баланың жағдайы тұрақты».
Қазір бұл іске қатысты ҚР ҚК 304-бабы 3-бөлігі бойынша тергеу жүргізіліп жатыр. Пәтерден заттай дәлелдемелер алынып, сараптамаға жіберілген. Тергеу жүріп жатқан бап бойынша кінәлі адам 5 жылдан 10 жылға дейінгі бас бостандығынан айырылуы мүмкін.Сараптама қорытындысынан кейін процестік шешім қабылданады.
НҰРАЛИН БАРЖИКОВ АҚТАУ ҚАЛАЛЫҚ ПОЛИЦИЯ ДЕПАРТАМЕНТІНІҢ ТЕРГЕУ БАСҚАРМАСЫ БАСТЫҒЫНЫҢ ОРЫНБАСАРЫ: «Бұл дерек бойынша ҚР ҚК 304- бабы, 3- бөлігімен қылмыстық іс тіркелді. Қажетті сараптамалар тағайындалды. Сараптама қорытындысымен нақты шешім қабылданады.Улаған көршісі жауап береді».
Эпидемиологиялық тергеу барысында пәтер иесі қандаладан құтылу үшін 39 дәрі қолданған. Мамандар химиялық препаратпен дезинфекция жасалған пәтер мен бүтін бір отбасы уланған баспанаға және көршілерінің үйіне ауа өлшемдерін жүргізген. Нәтижесінде аммиак концентрациясы жоғары болғаны анықталған. Көз жұмған қос сәбиді жерлеу рәсімі бүгін өтті. Бейкүнә бүлдіршіндердің тумаластары кінәлі тарап заң алдында тиісті жазасын алсын деген талап қойды.
- Толығырық
- Категория: Алатау ақпараты
- 285 рет қаралды
https://www.youtube.com/embed/6I1eQq0nFk8?si=1jyJy2eKMTWCKbDx"
Алдағы үш күнде ауа-райы күрт бұзылып, бірқатар аймақтарда қар жауады. Бұл күндер мерекеге тұспа-түс келгендіктен, Қазгидромет мамандары мен тәртіп сақшылары халыққа алыс жолға шықпауды, жылы киініп жүруді ескертеді.
АЛТЫНЗЕР ЕСБОСЫНОВА «ҚАЗГИДРОМЕТ» РМК ИНЖЕНЕР-СИНОПТИГІ: «Атмосфералық циклон Қазақстан тұрғындарына қыстың жақындап келе жатқанын ескертеді. Жауын-шашын, жаңбыр, жел және қар түрінде сақталады. Барикалық алқаптардың тез өзгеруі республика бойынша температураның қысқа жоғарылауына әкеледі, бірақ кезеңнің соңында Скандинавия түбегі аймақтарының суық арктикалық ауа массаларының енуі Батыс, Солтүстуік Батыс аймақтарында салқындауына әкеледі. Мәселен, солтүстік батыста 6 градус аяз, солтүстігінде 0,7 градус аяз, 5 градус жылы күтіледі».
- Толығырық
- Категория: Алатау ақпараты
- 291 рет қаралды
https://www.youtube.com/embed/6hUpvy8fdNw?si=Cqfkfj_aX6EeonMV"
ІІМ-де жедел штаб құрылды. Алдағы мереке Республика күні полиция қызмектерлері күшейтілген режимде жұмыс істейді. Тәртіп сақшылары адам көп жиналатын орындарды ерекше бақылауға алады. Айта кетейік, жедел штаб еліміздің барлық өңірінде ашылды. Сондықтан, жауапты министрлік халықтан мереке күндері қоғамдық тәртіпті бұзбай, ұллтық мейрамды абыроймен өткізуді сұрайды.
АЙДЫН ОРАЗБАЕВ ҚР ІІМ ӘПК ЕРЕКШЕ ТАПСЫРМАЛАР ЖӨНІНДЕГІ АҒА ИНСПЕКТОРЫ: «Әкімдіктермен бірлесіп, мәдени бұқаралық іс-шаралар өтетін орындар белгіленді. Құқықтық тәртіпті қамтамасыз ететін күштер мен құралдардың есебі дайындалды. Осы күндері қоғамдық тәртіпті сақтауға тартылатын полиция қызметкерлері мен Ұлттық ұлан әскери қызметшілерінің санын 20 мыңға дейін көбейту көзделген. Полиция жасақтары жұрт көп жиналатын және демалатын орындарға жақындатылады. Сонымен қатар бұл орындар жедел бақылау орталықтарының бейнекамераларымен визуалды бақылауға алынады».
- Толығырық
- Категория: Алатау ақпараты
- 296 рет қаралды
https://www.youtube.com/embed/yOL6HXtTV_Y?si=reu6Wjl10t9xEokO"
Израиль әскері жексенбі күні Газадағы нысандарға, соның ішінде мектептер мен мешіттер маңындағы бірнеше зымыран алаңдарына шабуыл жасағанын мәлімдеді.
ЦАХАЛ түрлі нысандарда бірнеше жарылыс кадрларын, сондай-ақ Газадағы мақсаттары көрсетілген фотосуреттерді жариялады. Олардың айтуынша, балабақшаның, мектептердің, мешіттің және Біріккен Ұлттар Ұйымы ғимаратының жанына іске қосу қондырғылары орнатылған. ЦАХАЛ өкілдері өз хабарламасында ХАМАС тобының бейбіт тұрғындар арасында жасырынып, азаматтық нысандардың жанына соққы орындарын орнатып жатқанын мәлімдеді. Ал дүйсенбі күні таңертең Израиль авиациясы Ливандағы екі «Хезболла» ұяшығына соққы берді. Әскерилер зымырандарды Израильге қарай соққы жоспарлағандарын мәлімдеді.
Топтың мәлімдеуінше, соққы салдарынан бір содыр қаза тапқан. Ливан мемлекеттік ақпарат агенттігі Израильдің Ливанның оңтүстігіне әуе шабуылы туралы да егжей-тегжейлі хабарлады. Сонымен қатар, Газаға гуманитарлық көмекпен тағы 15 жүк көлігі келді. Олар анклавқа Мысырмен шекарадағы «Рафах» бекеті арқылы кірген. Бұл екіншісі. Біріншісі 20 жүк көлігінен тұратын.Гуманитарлық ұйымдардың өкілдері анклавтағы гуманитарлық апат туралы бұрынғысынша ескерту жасауда. Себебі онда азық-түлік, су және отын қоры таусылуға шақ тұр. Израиль Газада жерүсті операциясына дайын.
Премьер-министр Биньямин Нетаньяхудың хабарлауынша, ол өте күрделі болады және бірнеше айға созылуы мүмкін.
Тағы басқа мақалалар...
- Алматы облысы Жамбыл ауданына қарасты ауылдардың бірінде 10 жастағы қыз зорланды
- Алматы қаласындағы №41 мектептің қабырғасында Республика күніне сынып сағаттары ұйымдастырылды
- Дубайда сән апталығы басталды
- Мемлекет басшысы Дүниежүзілік денсаулық сақтау ұйымының Бас директоры Тедрос Гебрейесусты қабылдады
151 ішінен 187 беті
Alatau News, Copyright 2023, All Rights Reserved.