- Толығырық
- Категория: Алатау ақпараты
- 270 рет қаралды
https://www.youtube.com/embed/SsoZOzJ1L30?si=h3YQi52mLVU-8DZq"
Мемлекет басшысы Қасым-Жомарт Тоқаевтың Бейжіңге ресми сапарының екінші күні «Бір белдеу, бір жол» халықаралық ынтымақтастығының III форумының ашылу рәсіміне қатысудан басталды. Президент дәстүрлі қонақжайлығы мен форумды минсиз ұйымдастырғаны үшін Қытай Халық Республикасының Төрағасы Си Цзиньпинге алғыс айтты.Қасым-Жомарт Тоқаев өз сөзінде Қытайдың жаһанд ық қауіпсиздікти қамтамасыз это ту ісіндегі шушуші рөлине назар аударып, они экономическилық және технологические дамудың локомотивы ретинде атап өтти.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТИ: «Қазіргісаяси жағдайда «Бір белдеу, бір жол» бастамасы қажетти халықаралық жобаға және ынтымақтастықтың і рі платформысына айналды. Бұл жоба Қытайдың экономикалық қуатын, сондай-ақ ониң жаһандық деңгейдегі жаңа белестерді бағындыруға ұмтылысын көрсетеді. Осыдан он жыл бұрын Сіз Қазақстанда алғаш рет «Бір белдеу, бір жол» ұзақмерзімді бастамасын ұсынып, ониң басты қозғаушы күші болдыңыз. Мұның символдық мәні зор. Осы маңызды мерейтойды атап өте отырып, бүгинде Сіздің бастамаңыз қажеттілігін көрсетті және әлемдік қоғамдастық тарапынан мойындалып, жаһандық ауқымдағы үлкен жобаға айналды деп сенімді түрде айта аламыз».
Форум аясында Қасым-Жомарт Тоқаев «Бір белдеу, бір жол» жобасының теңдессіз әрі ауқымды халықаралық ынтымақтастық үшін перменді платформаға айналғанын атап өтті. Сонымен қатар аталған бастаманың старший арасындағы мәдени-гуманитарлық байланыстарды дамытуға, тату көршілік қатынастарды, достық пен өзара түсіністікті нығайтуға елеулі үлес қосатындығын т это еще не все. Айта кетейік форумға 20-дан астам мемлекеттің басшылары және 130-дан как ел мен халықаралық ұйымдардың өкілдері қатысып отыр.
- Толығырық
- Категория: Алатау ақпараты
- 277 рет қаралды
https://www.youtube.com/embed/Rl7mnn8IRGs?si=8MlMdxjCoWTcrSKu"
Мемлекет басшысы Қытайдың Халықтық саяси консультативтік кеңесі Бүкілқытайлық комитетінің төрағасы Ван Хунинмен келіссөз жүргізді.Қасым-Жомарт Тоқаев Ван Хунинге ілтипат білдіре отырып, оны Қытайдың Халықтық саяси консультативтік кеңесі Бүкілқытайлық комитетінің төрағасы лауазымына сайлануымен құттықтады. Қазақстан Президентінің айтуынша, қазақ-қытай қатынастары мәңгілік әрі жан-жақты стратегиялық серіктестіктің жоғары деңгейіне жетті. Бұл ретте ел басшыларының тұрақты кездесулері елеулі рөл атқарды.
Өйткені келіссөздер барысында тату көршілік қарым-қатынас пен өзара тиімді ынтымақтастықты одан әрі нығайту үшін негіз қаланады.Мемлекет басшысы Қытай Халық Республикасының әлеуметтік-экономикалық прогресіне және Қытай басшысы жүргізіп отырған тиімді саясаттың нәтижелеріне жоғары баға берді.
- Толығырық
- Категория: Алатау ақпараты
- 281 рет қаралды
https://www.youtube.com/embed/B2LA5ASGv7A?si=7oDBjxNG1vjAC1t1"
1939 жылы БҚО дүниеге келген. Орал қаласында оқуын аяқтаған соң әскер қатарына шақырту алып Украина қаласына аттанады. Авиация саласында 3 жыл механик болды. 1963 жылы Алматы қаласына келіп дене шынықтыру институтына оқуға қабылданады. Студент кезінен ақ Абдолла Қарсақбаевтың фильмінде шағын рөлді сомдаған қарияға бүгінде отандық телехикаялардан шақырту түсіп отырады. 1965 жылы шаңырақ көтеріп,бүгінде бір ұл бір қыздан немере,шөбере, сүйіп отыр. Бейнеттің, зейнетін көрген ақсақалдан атқарған қызметі жайлы сұраған едік.
ТӨЛЕУҒАЛИ САТЫБАЛДИЕВ ЗЕЙНЕТКЕР:«Институтты бітіріп, ол уақытта Художественный училище дейді сол жерге физкультурадан сабақ беруге направление алдым. Сол жылдары мектептер ашылды спортивный. Соған ауысып волейболдан треньер болдым».
Жас кезінен сурет салуға қабілетті ақсақал ісмерлікке де бейімім бар дейді. Киімдерін өзі пішіп жөнге келтіріп алған кездері де болған екен.
ТӨЛЕУҒАЛИ САТЫБАЛДИЕВ ЗЕЙНЕТКЕР: «Өзімнің үлкен ағаларымның киімін киіп өскен жігітпін. Бір жерлері ұзын болса анама да айтпаймын,ешкімге де айтпаймын, өзім отырып алып ине жіппен өзім тігіп алатын едім.Түймелерін тігіп алатын едім».
Спортқа жаны құмар ақсақал бос уақытында жеңіл жүгіріп, таза ауада серуендеп қайтуды жөн санайды екен. Өткені мен бүгінін ой елегінен өткізіп, таразылап отыратын көнекөздің жастар жайлы пікіріне құлақ астық.
ТӨЛЕУҒАЛИ САТЫБАЛДИЕВ ЗЕЙНЕТКЕР: «Мына автобустың ішінде,троллейбустың ішінде қиындау орнынан тұрып шалдарға орын беру. Ол тәрбиеден ғой. Біздің бала кезімізде соғыс уақытында жоқшылық,кәзір бәрі бар. Ата-анасы өзіне жетпесе де баласына жегізеді,кигізеді. Басқа жағын ойламайды ғой. Бірақ бәрін жамандауға болмайды. Ішінде жақсылары да бар,көбі ауылдікі».
- Толығырық
- Категория: Алатау ақпараты
- 303 рет қаралды
https://www.youtube.com/embed/b5ML0ZbIFrY?si=xtLw427u2PcTCUUV"
Маңғыстау облысында 11 отбасы апатты үйде тұрып жатыр. Сай-Өтес ауылындағы құлауға шақ тұрған үйдегі тұрғындар дереу басқа баспанаға көшіруді талап етеді. Алайда жергілікті билік тұрғын үйлердің құрылыс жұмыстары келесі жылы басталатынын алға тартуда.
Өлместің күйін кешкен халық, тозығы жеткен үйде тұрып жатыр. Тұрғындар “билік бүгін көшіреміз деседе шатыры шұрық-тесік, іргесі сөгілген жарамсыз деп танылған үйде бір күнге де қалмас едік”- деп отыр. Мына үйлердің ірге тасы 60-шы жылдары қаланыпты. Тұрғындардың сөзінше Сай-Өтес ауылында мұндай жағдайда тұрған 22 үй бар. Бірақ солардың үшеуіне ғана демеушілік көмекпен сараптама жасалған. Нәтижесінде олар апатты деп танылды. Бетон тастары қақ бөлініп тұрған үйдің тұрғындары жанын шүберекке түйіп күн кешіп отырғандарын айтып шағымданды.
Баспананың іші сау болса, мейлі дерсің. Алайда үйлердің сырты да іші де тозған. Мұнда зейнеткерлер, мүмкіндігі шектеулі жандар, жұмыссыздар мен көп балалы отбасылар тұрып жатыр. Олар өздерін шұғыл арада эвакуациялауды сұрайды. Егер алдымыздағы қылышын сүйреткен қақаған аязға қалсақ, жағдайымыз не болады?-деп алаңдайды тұрғындар.
ТАЗАГҮЛ МҰХАНОВА – ТҰРҒЫН: «Үйдің астында қалып қоямыз деп өмірімізге қауіп төніп тұр. Тез арада бізге көмек беруін сұраймыз. Қабырғаның бәрі сөгіліп жатыр, арасының шелі шығып тұр. Жел кіреді, су кіреді жаңбырдан ондай үйде жылу болмайды ғой. Мен түсінбеймін, бізді мазақ қылып отыр ма?».
Шарасыздықтан шырылдаған халықтың шыдамы әбден сарқылған. Апатты үйлер бойынша комиссия құрылыпты. Ауыл әкімінің айтуынша, мұндағы халық көшірілуі тиіс екен. Бірақ, үй алу үшін тұрғындарға қолма-қол ақша беру заңда қарастырылмаған. Ал жаңа баспана салуға тағыда сол қаражаттың жоқтығы кесірін тигізіп тұр.
САБЫРЖАН ӘБДИЕВ МАҢҒЫСТАУ ОБЛЫСТЫҚ САЙ-ӨТЕС АУЫЛДЫҚ ОКРУГІНІҢ ӘКІМІ:«Қазір облыстық бюджеттен қаржысы қаралып жатыр 1 қабатты 4 басты үй салуға, 4 үй салуға ауылдан. Әлгі қос қабатты 3 үйде тұратын 11 отбасыны соларға көшіреміз деген ойымызда бар. Ал заң талаптарына сай, үкімет тарапынан бір үй деп бағаланып отырған бағалау құныменен біз тұрғындардың қолына қолма қол ақша беру қарастырылмаған».
Әкімнің сөзінше жобалық-сметалық құжаты жасалса, үйдің құрылысы келесі жылы басталуы мүмкін. Ал тозығы жеткен басқа үйлерге сараптама жүргізілмейді. Тек шатырын жөндеп, қасбетін сылау үшін, бюджетке ұсыныс берілген.
- Толығырық
- Категория: Алатау ақпараты
- 317 рет қаралды
https://www.youtube.com/embed/Ks2encUbv8g?si=CB3QxZ_btwgcSdzO"
Ұлттық қордан балаларға қаражат беруді көздейтін заң ақыры мақұлданды. Бүгін Мәжіліс депутаттары сенаторлар енгізген өзгерістермен келісті. Жаңа заң күшіне енсе 18 жасқа толған әр балағаның шотына Ұлттық қордан 3,5 мың доллар түседі. Бұл ақшаны баланың ата-анасы мен туыстары ала ала ма? Мәжілісте көтерілген мәселелер жайлы толығырақ алдағы бейнематериалда.
Ұлттық қордан балаларға берілетін қаражатты бала кәмелетке толған кезде екі жағдайда ғана пайдалануға рұқсат. Бірі тұрғын үй жағдайын жақсартуға, екіншісі білім алуына. Шоттағы ақшаны емге жұмсау мүмкіндігі қарастырылмаған. Қаражатты мерзімінен бұрын шешіп алуға да тыйым салынады. Ал, егер бала 18 жасқа дейін жазатайым оқиғаға ұшырап қайтыс болып кетсе жиналған қаражат ата-анасында қалады немесе сол отбасындағы басқа балалардың арасында теңдей бөлінеді.
БЕРІК БЕЙСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Ағымдағы жылы Мәжіліс 23 қыркүйекте қабылдаған заң жобасы Сенат қарауына жіберілген еді. 13 қазанда Сенат заң жобасын кері қайтарды. Заңға 10 түзету енгізілді. Сенат енгізілген түзетулер заң жобасының тұжырымдамалық ережелерін өзгертпейді. Жоғары айтылғандарды ескеріп, комитет Сенат енгізген өзгерістермен және толықтырулармен келісуді ұсынады».
Балалар демекші бүгін Мәжілісте мүмкіндігі шектеулі бүлдіршіндердің жан айқайы сөз болды. Депутат Нартай Аралбай естімейтін балалардың мүшкіл хәлін естуші үкімет естісе екен дейді.
НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бүгінгі депутаттық сауалым 3 мың баланың көз жасы, 6 мың ата-ананың аялы алақанымен қалқалап өшіріп алмауға ұмтылған үмітінің соңғы сәулесі деп біліңіз. Қазақ «бай күйігі – сыртта, бала күйігі – іште» дейді. Қазақстандағы 3 мың баланың көңілдегі күйік микротия және атрезия патологиясы деп аталады. Қарапайым тілге салсақ, бұл бөбектердің өмірге құлақсыз келуі. Қазір осындай 3 мыңнан астам баланың болашағына балта шабылмаса екен деген мыңдаған ата-ана шырылдап жүр. Біріншіден, бір құлағы жоқ болып дүние есігін ашқан сәбилер мүгедек боп танылмайды. Зейнетақы алмайды. Біздің елде мүгедектік алу үшін екі құлағың да болмауы керек екен. Қазақ «Баланың ұяты – әкеге, Қыздың ұяты – шешеге» дейді, ал құлақсыз туылған бөбектердің жанайқайын естімейтін құлағы бар биліктің ұяты кімге?»
Осылай деген мәжіліс депутаты микротия және атрезия патологиясына шалдығып бір құлақсыз туған балаларға да «мүгедектік» яки жәрдемақы мен төлемдердің төленуін сұрады және «Қазақстан халқы» қоры науқас балалардың АҚШ-қа баруып ем алуына жағдай жасап, тиісті қаржыны бөлу қажет дейді. Әйтпесе, науқас балалардың ата-анасында ондай қомақты қаражат жоқ. Ал, ауыл партиясынан сайланған депутаттар болса халықтың бар қаржысы емге де демалуға да емес тек азық-түлікке кетіп жатыр деп, қымбатшылықты сынады.
АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Азық-түлік қымбат. Оны жақсы білесіз. Қазақстандықтардың тапқанының 60 пайызын азық-түлікке жұмсайды. Еуропаның дамыған елдерінде бұл көрсеткіш 11-35 пайыз аралығында. Санкцияның астында қалған ресейліктер қазақстандықтарға қарағанда азық-түлікке екі есе аз шығындалады. Азық-түлік бағасының тұрақсыздығы оның қымбаттауына себепкер болып отырған қаланың көтерме базарлары. Сол базарды торлаған делдалдар. Бұларды ұйымдасқан топ деп атауға болады».
Осылай деген мәжілісмен арадағы алып-сатарлардың жолын кесу керек дейді. Депутаттың айтуынша егер делдал жойылса, баға 50 пайызға төмендейді-мыс. Сондықтан, бұл жұмысты Сауда министрлігі мен Үкімет бірлесе шешу қажет деп министр атына сауал жолдады.
- Толығырық
- Категория: Алатау ақпараты
- 288 рет қаралды
https://www.youtube.com/embed/eC-ilUQrEfE?si=7EmrKIJhmVFxUQ3g"
Бүгін 19 қазан-құтқарушылар күні. Осыған орай Алматы қаласы ТЖД Өрт сөндіру және авариялық-құтқару жұмыстары қызметінің № 7 өрт сөндіру бөлімінде үстіміздегі жылдың 8 мамырында Іле-Алатау табиғи паркіндегі тау баурайында орын алған өрт сөндіру кезінде қызметтік борышын өтеп, қайғылы жағдайда қаза тапқан Арслан Құрманбековке арналған мемориалдық ескерткіш тақтаның ашылу салтанаты өтті.
Азаматтық қорғау сержанты Құрманбеков Арслан Жолдасбекұлы 1994 жылы 23 тамызда Алматы облысы Талғар қаласында дүниеге келген. Еңбек жолын 2015 жылдан бастап өрт сөндіруші-құтқарушысы болып бастаған ол жауапты қызметкер, кәсіби күрескер және білікті маман болды. Әріптестері арасында еңбекқорлығы, әділдігі және мамандыққа деген сүйіспеншілігі үшін құрметке ие болды. Амал нешік, бүгін Арсланды әріптестері,Анасы және туған -туыстары бір минут үнсіздікпен еске алды.Жүректілік пен батылдықты талап ететін ең қауіпті мамандық иелері өрт кезінде өз жанын қиып, ерлікпен қаза тапқан ер жүрек азаматтың ел есінде мәңгі сақталып қалатын,есімі жазылған тақтаға салтанатты түрде гүл шоқтарын қойды.
НҰРЛАН АТЫҒАЕВ АЛМАТЫ ҚАЛАСЫ ТЖД БАСШЫСЫ, ПОЛКОВНИК
Арсланның ізін басып келе жатқан інісі де Алматы қаласы ТЖМ мекемесіне жұмысқа қабылданып 4 ай көлемінде фельдшер болып қызмет атқарып жүр.
ҰЛАН ҚҰРМАНБЕКОВ ІНІСІ
Қандай қиын сәт туындаса да бар күш-жігерін салып құтқару жұмыстарын жүргізіп жүрген Құтқарушылардың осы мереке күні жұмыстарына табыс, амандық және зор денсаулық тілейміз.Сіздердің ауыр еңбектеріңіз,алғыстармен бағаланары сөзсіз!
- Толығырық
- Категория: Алатау ақпараты
- 295 рет қаралды
https://www.youtube.com/embed/28NN0_H2SGs?si=k0IP8nJZ1Uortp3-"
Күзгі егін орағы кезінде жазатайым болған диқаншыға қатысты іс тергеліп жатыр. Қайғылы оқиға Ақмола облысына қарасты Жарқайың ауданының егістік алқабының бірінде орын алды. Қостанай облысынан келіп, күзгі жиын-терім жұмысына қатысқаны белгілі болды. Комбайншы қозғалтқыш жетегінің белдігіне түсіп қалған. Салдарынан 58 жастағы диқаншы оқиға орнында көз жұмды.
ГҮЛНӘР ПИНЧУК, АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСПАСӨЗ ҚЫЗМЕТІНІҢ БАСШЫСЫ: «Аталған факті бойынша жергілікті полиция бөлімі ҚР Қылмыстық Кодексінің 156-бабы, 3 тармағына сәйкес "Адам өліміне әкеліп соқтырған еңбекті қорғау қағидаларын бұзу" бойынша сотқа дейінгі тергеу амалдарын бастады. Тиісті тергеу әрекеттерінің бәрі жүргізілгеннен соң қорытынды процессуалдық шешім қабылданады».
- Толығырық
- Категория: Алатау ақпараты
- 281 рет қаралды
https://www.youtube.com/embed/4rFsHSh6ymU?si=Wl9gAocICtSy14EB"
- Толығырық
- Категория: Алатау ақпараты
- 271 рет қаралды
https://www.youtube.com/embed/SSA4h7Bl9zI?si=bGd6R8gJ0-gotmoe"
Алматы облысының полицейлері Ұзынағаш ауылында кәмелетке толмаған қызды пышақтап кеткен күдіктіні анықтап, қолға түсірді. Аталған факті ҚР ҚК-нің 24-бабының 3-бөлігі, 99-бабының 2-бөлігімен аудандық полиция басқармасында тіркелді.
12 қазан күні таңғы сағат 6:00 шамасында Жамбыл аудандық полиция бөліміне Ұзынағаш ауылының 15 жастағы жергілікті тұрғыны пышақ жарақатымен ауруханаға түскен болатын. Ұсталған ер адам уақытша ұстау изоляторына қамалды.
ҒАЛЫМ НАРИМАНҰЛЫ ЖАМБЫЛ АУДАНДЫҚ ПОЛИЦИЯ БӨЛІМІ БАСТЫҒЫНЫҢ ОРЫНБАСАРЫ «Жедел іздестіру шарасы барысында тәртіп сақшылары 23 жастағы ер адамды анықтап, ұстады. Қазіргі уақытта деректі тергеудің толыққандығын, жан-жақтылығын және объективтілігін қамтамасыз ету үшін қажетті сараптамалық тексерулер тағайындау мен тергеу амалдары жүргізілуде».
Ал, қазіргі уақытта ауруханада жатқан зәбір көрушінің жағдайы бірқалыпты ауыр.
ТИМУР ҚҰРБАНБАЕВ ЖАМБЫЛ АУДАНЫ ОРТАЛЫҚ АУРУХАНАСЫНЫҢ ХИРУРГИЯ БӨЛІМІНІҢ МЕҢГЕРУШІСІ «Аралас жарақатқа және операцияның ауырлығына байланысты, науқастың жағдайы бірқалыпты ауыр деп бағаланады. Қазір қызды хирургиялық бөлімге ауыстырдық. Сол жерде ары қарай тиісті ем-домын қабылдайды».
- Толығырық
- Категория: Алатау ақпараты
- 275 рет қаралды
https://www.youtube.com/embed/YKZiLI4Xu8I?si=4kWLZgW3DdsbPTW7"
Биыл мектеп бітіретін түлектер назарына! Нарықта қай мамандықтар сұранысқа ие? Бүгін Үкімет басшысы Әлихан Смайылов елге керек мамандарды атады.
ӘЛИХАН СМАЙЫЛОВ ҚР ПРЕМЬЕР-МИНИСТРІ: «Әкімдіктер жастарды еңбекке тарту ісіне ерекше назар аудару керек. Мысалы, бүгінгі күні энергетика, мұнай-газ индустриясы, ауыл шаруашылығы, тамақ өнеркәсібі, көлік және логистика, IT-саласының мамандары қажет. Ғылым және Оқу-ағарту министрліктері мемлекеттік білім беру гранттарының тізбесін қалыптастыру кезінде осыны ескеруі тиіс».
Мемлекет алдында биыл жыл соңына дейін бір миллионға жуық адамды жұмысқа орналастыру міндеті тұр. Негізгі басымдық жастарға беріледі. Осы талап аясында алдағы 2,5 ай ішінде әрбір өңір әкімдері жұмыссыз жүрген жастарды жұмысқа орналастыруы тиіс. Сондай-ақ оларға жұмыс беруші тарапынан зейнетақы аударымдары бар келісімшарт жасалуын қатаң қадағалаулары керек.
- Толығырық
- Категория: Алатау ақпараты
- 282 рет қаралды
https://www.youtube.com/embed/Rjbyt1RTS6c?si=kLHFZZUC_ZoWGpzf"
Мемлекет басшысы Қасым-Жомарт Тоқаевтың Қытай Халық Республикасына ресми сапары Төраға Си Цзиньпинмен келіссөз жүргізуден басталды.Қытай елінің басшысы Қазақстан Президентін Бейжіңдегі Халық жиналысы үйінде қарсы алды. Мәртебелі мейманның келуіне орай Құрмет қарауылы сап түзеп тұрды. Содан кейін мемлекеттер басшылары өз делегацияларымен бірге Үлкен шығыс залында келіссөз жүргізді.Қасым-Жомарт Тоқаев Си Цзиньпиннің «Бір белдеу, бір жол» халықаралық ынтымақтастығының III форумына қатысуға шақыруын зор ықыласпен қабыл алып, Қытайға тағы да сапармен келгенін атап өтті.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан Сіздің осы жаһандық бастамаңызға алғашқы күннен бастап қолдау білдірді және оны ілгерілетуге белсенді атсалысып келеді. Осыдан тура 10 жыл бұрын Астанада сөйлеген сөзіңізде Сіздің осы бастама туралы айтқаныңыз есімізде. Орайлы сәтті пайдалана отырып, Сізді осы мегажобаны жүзеге асыру барысында керемет нәтижеге қол жеткізуіңізбен құттықтаймын және айтулы шараның табысты өтуіне тілектестік білдіремін. Сондай-ақ Сізді Қытай Халық Республикасының құрылғанына 74 жыл толуымен және Ханчжоуда өткен XIX жазғы Азия ойындарындағы Қытай командасының зор жетістігімен құттықтаймын. Біз Қытайдың қарқынды дамуын ерекше ықыласпен бақылап отырмыз. Сіздің дана басшылығыңызбен Қытай әлемдік жетекші державаға айналуды көздеген асқақ мұратына жетуге батыл қадам жасап келеді».
Мемлекет басшысы жан-жақты әрі мәңгілік стратегиялық серіктестікке негізделген қазақ-қытай қатынастары қарқынды дамып келе жатқанына назар аударды.Өз кезегінде ҚХР Төрағасы шақыруын қабыл алғаны үшін Мемлекет басшысына алғыс айтып, өзара тиімді ынтымақтастықты нығайту маңызды екенін атап өтті. ҚХР Төрағасының айтуынша, Қытай Қазақстанның егемендігі мен аумақтық тұтастығын, сондай-ақ Қасым-Жомарт Тоқаевтың бастамасымен жүзеге асырылып жатқан ауқымды реформаларды толықтай қолдайды.Келіссөз барысында тараптар сауда-экономика, мұнай-газ, мұнай химиясы, энергетика, қаржы, көлік-транзит, атом өнеркәсібі, машина жасау, туризм, электронды коммерция және жоғары технология салаларындағы жан-жақты ықпалдастықты дамыту мәселелерін талқылады. Мемлекеттер басшылары бірлескен инвестициялық жобаларды жүзеге асыру, сондай-ақ мәдениетаралық байланыстарға жағдай жасау маңызды екеніне назар аударды.Бұдан бөлек, мемлекеттер басшылары халықаралық және өңірлік күн тәртібіндегі өзекті мәселелер жөнінде пікір алмасты.
МАРАТ ҚАРАБАЕВ ҚР ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРІ
Президент Қасым-Жомарт Тоқаев Қытайға жасаған іс сапары аясында өзі білім алған Бейжің Тіл және мәдениет университетінің аумағында орта ғасырлық философ, ғалым Әбу Насыр Әл-Фарабиге арналған бюстті салтанатты түрде ашу рәсіміне қатысты.
Ашылу рәсіміне ҚХР білім министрінің орынбасары Ван Гуанянь, университеттің Партия комитетінің хатшысы Ни Хайдун, ректоры Дуан Пэн және Мемлекет басшысына сабақ берген университет профессоры Лю Шицинь, сондай-ақ ҚХР Мемлекеттік өнер мұражайының директоры, мүсін авторы У Вэйшань қатысты.Қасым-Жомарт Тоқаев ең алдымен, Әл-Фарабидің әлемдік өркениетке қосқан зор үлесіне айрықша тоқталды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Баршаңызға мәлім, Әл-Фараби – Шығыстың ұлы ойшылы, оның әлемдік өркениеттің дамуына қосқан үлесі орасан зор. Әл-Фараби Қазақстан аумағында туып-өсті, білім іздеп көптеген елге барды. Математика, жаратылыстану, астрономия, филология және басқа да бірқатар ілімді дамытуға зор еңбек сіңірді. Адамзаттың дамуына өлшеусіз үлес қосты. Ол философиялық туындыларында әділдік идеясына ерекше назар аударды. Қайырымды қоғам және үйлесімді мемлекет құру мәселесіне баса мән берді. Адамгершілік пен рухани құндылықтарды дәріптеді. Ғалым музыка және каллиграфия өнерін зерделеді».
Мемлекет басшысы ұлы ойшылдың мұрасы білім ордасында жан-жақты зерттелетініне, сол арқылы мәдени байланыстарымыз нығая түсетініне сенім білдірді. Сонымен қатар осы бастамаға қолдау білдірген Қытай Үкіметіне, Бейжің Тіл және мәдениет университетіне, Қытайдың Мемлекеттік өнер мұражайына және көрнекті мүсінші У Вэйшаньға зор ризашылығын білдірді.
- Толығырық
- Категория: Алатау ақпараты
- 308 рет қаралды
https://www.youtube.com/embed/ydPIWa3WQVY?si=D6aPk-GsuA0xr8fy"
СҚО жыл басынан бері 50-ге жуық жасөспірім қыз жүктілік бойынша есепке тұр. Ал кәмелет жасқа толмаған 32 қыз ана атанған. Мамандардың айтуынша бұл көрсеткіш өткен жылмен салыстырғанда едәуір төмендеген. Алайда, жасөспірімдер арасында жасанды түсік жасату азаймай тұр.
Биыл Петропавлда 14 жастағы қыз босанып, сәбиін бауырына басқан. Мамандардың сөзінше, бұл жас анаға өте ауыр жүк. Себебі, кәмелет жасқа толмаған қыздар психологиялық жағынан ана болуға дайын емес. Оған қарамастан өңірде жасөспірімдер жүктілігі өте өзекті мәселе болып тұр.
МАРИНА ТИМОФЕЕВА СҚО БОЙЫНША ОТБАСЫН ЖОСПАРЛАУ ЖӘНЕ РЕПРОДУКТИВТІ ДЕНСАУЛЫҚ ЖӨНІНДЕГІ ҮЙЛЕСТІРУШІ «Жасөспірімдер арасындағы жүктілік тек біздің облыс үшін ғана емес, ел көлемінде де өте өзекті мәселе болып тұр. Себебі, кәмелет жастағы қыз ана болмақ түгілі, тіпті босану процессіне де дайын болмайды. Былтыр да аудандардың бірінен 14 жастағы қыз ана атанды. Қыздың жүктілігі жайында ата-анасы да, мектеп мұғалімдері де хабарсыз болған».
Жалпы 2022 жылы облыс бойынша 95 жасөспірім қыз жүктілік бойынша есепке тұрған. Биыл бұл көрсеткіш едәуір азайып, 49-ға төмендеген. Алайда, кәмелет жасқа толмаған қыздар арасында жасанды түсік жасату әлі де азаймай тұр.
МАРИНА ТИМОФЕЕВА СҚО БОЙЫНША ОТБАСЫН ЖОСПАРЛАУ ЖӘНЕ РЕПРОДУКТИВТІ ДЕНСАУЛЫҚ ЖӨНІНДЕГІ ҮЙЛЕСТІРУШІ «Былтыр кәмелет жасқа толмаған 56 қыз ана атанды. Ал, 17 қыз жасанды түсік жасатты. Биыл 10 қыз баласын алдырып тастады. Сан азайғанымен, бұл әлі де өзекті мәселе болып қала береді. Себебі, жасанды түсік жасатқан қыздардың 25 пайызы енді ешқашан ана бола алмайды. Дәл осы баланы алдырып тастау салдары бедеулікке алып келеді. Әсіресе, кәмелет жасқа толмаған қыздар үшін бұл өте қауіпті операция».
ПД мәліметінше, облыс аумағында өткен соңғы 9 айдың қорытындысы бойынша кәмелет жасқа толмаған қыздарды зорлаудың 17 фактісі тіркелген. Күдікті адамдар ұсталып, тиісті шаралар қабылданды.
МӘДИНА ЕРҒАЛИЕВА СҚО ПОЛИЦИЯ ДЕПАРТАМЕНТІНІҢ БАСПАСӨЗ ХАТШЫСЫ «СҚО аумағында 2023 жылдың 9 айының қорытындысы бойынша кәмелетке толмағандарға қатысты жасалған. Олардың жыныстық тиіспеушілігіне қол сұғатын 17 қылмыс тіркелді. 2022 жылдың 9 айындағы жағдай бойынша бұл көрсеткіш 24 фактіні құрады, төмендеу 29 пайызды құрап отыр».
Бүгінгі күні облыстық полиция департаментінде «Педофил» санаты бойынша профилактикалық есепте 14 адам тұр.
Тағы басқа мақалалар...
154 ішінен 187 беті
Alatau News, Copyright 2023, All Rights Reserved.